Primidoofe Clique Basel 1991

DU! Jo genau DU!!!

Hesch scho lang emol welle aktiv an dr Fasnacht mit mache?

Gluschtets di emol ufeme richtige, also wirklig ufeme richtige Wage z'stoh, an dr Fasnacht, während em Cortège?

Wotsch emol erläbe wie e Wage-Sujet usgarbeitet wird, wie mir dr Wage baue, also für d'Fasnacht dien vorbereite?

Wie mir dien Wurfmaterial ykaufe? Oder emol erfahre, was es brucht bis mir jewyls am Mäntig uf d'Route fahre? Oder wotsch eifach 6 glatti Sieche kenne lere?

Sig muetig! und mäld di bi uns! Mir sueche Nochwuchs für uf unsere Wage!

Wenn du die Vorussetzige mit bringsch, hesch gueti Chance:

> fühlsch Di jung, männlich,
> zueverlässig, dh. e Maa e Wort und kei Masseblauderi,
> bereit an Samschtige am Wagebau go mit schaffe,
> e Handwärg glert (Bürogummi goht au, hänn mir aber scho gnueg),
> e subere Leumund (mit Drägg am Stägge hesch bi uns nüd verlore),
> Pfupf im A***h
> kasch au e mol e Spruch mache und au emol aine ystegge?

DENN reservier dr 7. Juni 2024! Nach dr GV mache mr e Aawärterhogg wo du alles erfahre tuesch zu uns und unserer Fasnacht. Mäld di doch mit Foti und enere kurze Bewärbig über di (worum du wotsch bi uns mitmache) per Email an [email protected]

Falls du passe wurdisch, wärde mir di ylade! Also, "Vorwärts, Marsch!" oder "Waggis - hesch emol en Orange?!"

Dr Ken und s Barbie am Cortège 2024 s träffe uf dr Route 🥰

Impressione vom Cortège 2024

Es baar Bilder vom Fasnachtszyschtig. Kinderfasnacht mit de Primidoofe Kids und Primidivas, Vortrab am Strärnmarsch mit de und Källerdienst im Primidoofe-Käller! Merci allne Bängg und de fiir Eure Bsuech!

Nur no es paar Stunde und dr Primidoofe Käller het offe an dr Basler Fasnacht.

Dr Waage stoht baraat. Unseri Sujetvernissage isch verbi, es heisst s Warte het bald e Änd. Mir bedangge uns für dr Bsuech im zum Astosse uf d Fasnacht 2024.

Miir spränge s Patriachat - Phingg fiir dr Friide und d Liebi

Miir Primibarbies kemmen us Barbiestadt
S Unterdrugge vo Fraue uf Ärde hämmer satt
Unsri Barbievilla bringt e pherfäggti rosa Wält mit fraid und Gspass
Dr Umgang in unserer Wält mit Wyyber isch halt allewyyl no Grass
Die Männerwält und das Patriachat wämmer spränge
Und verdaile vyyl phinggigi Liebi zem s Beese verdränge
#

Fasnacht und Sport, wenn's verbindet und glügglich macht 😍

Mir sueche no hälfendi Händ an dr Fasnacht wo am Fasnachtsmäntig & Mittwuch bi uns kemme dr Käller go schmeisse. An dr Bar, im Service und am Büffet hets no Platz!

Bisch intressiert, denn mäld Di für Details bi unserem Källerche em Ziiri via [email protected]

Es isch bald wieder Källerabstiegszyt!!!

Näggscht Wuche foht d‘Källerabstyygs-Saison 2023 aa.
(Dr isch erscht näggst Joor wider dra)

Glaibasler Källerabstyyg
📅 4. Novämber
AGB, die Antygge, Olympia Alti Garde, Runzlebieger

Grossbasler Vorstadt-Källerabstyyg
📅 25. Novämber
.faeger1964official Verschnuufer, die Versoffene Deecht, Alti Richtig

2. Bummeltag in

Mir Primidoofe sind wieder uf dr Bummeltour

Mir mache e Gin Tasting bi uns im Käller!

Vorbereitungen laufen… Wir freuen uns, unser Helferteam heute Abend fein zu verköstigen 😋

Es freut uns, dass eso vieli Wahlkarte „Vote for Boris“ dr Wäg in unsere Käller gfunde hän. Wie versproche verloose mir unter allne Boris-Wähler e Hampfle Primidoofe Bhaltis.
Also Duume drugge, gli gits Fasnachtsgschängi!

So, Frau Fasnacht 2023 isch Gschicht.
Die Primidoofe mache ihre Käller dicht.
E scheeni Fasnacht isch gsi, s het uns passt
S einzig doofe, was glaub jede hasst
Wenn Toilette verstopfe tuet, lipfts uns echli dr Huet
Will e Dame ihri Binde falsch entsorge tuet
Fyyr Zuekunft liebi Daame, es het e Dame-Box im WC-Egge
Denn mien mir nid 500 Frangge zum Fenster uswärfe - hösch nonemol - zum veregge!

Tschau zäme und gueti Erholig allne nach dr Fasnacht

Gniesse und luege…

Vote for Boris!
Er tuet sogar uf dr Brugg e Selfie mache
Denn an dr Macht loot er s wieder richtig krache!
Drumm nonemoll, gang go wähle
Suscht tuet im Boris dini Stimm no fähle.

Au dr Yankee-Doodle us Übersee
will wieder unsere Boris seh
An d Macht soll dr Boris wieder ins Parlamänt
Mir glaube sogar er will wieder Euro und Cänt