Hints4Life Coaching

Felis dia,

Hopi biaha komo mayor tin biaha e por ta difísil pa lanta bo yu(nan) I specialmente si ta trata un mayor so den kas pero esaki nunka ta imposibel.

Lo tin dia mas difísil ku otro I kisas tin biaha bo por pensa ku bo no a hasi òf ta hasiendo un bon trabou, djis kòrda ku niun yu no ta bini ku un buki di instrukshon I tin kosnan ku diariamente nos ta siña komo humano.

E ta okay, djis no entrega I kansa di papia ku bo yu(nan) , nan ta di bo I mañan ku Dios ke lo bo bira fruta di bo kosecha. ❤️🤗

Bon Siman

Awe bo tin e oportunidat pa kuminsa di nobo, kambia e kosnan ku bo no gusta, skohé amistatnan nobo òf tuma un momentu pa bo para ketu na bo mes I analisá unda bo ta para awe I unda bo ke ta aki 5 pa 10 aña.

Pa kiko laga lokual bo por hasi awe pa mañan si bo por kuminsa for di awe?

Mañan no ta priminti pa nos niun.

Nos tambe ta kere ku un tata ta nesesario den bida di su yunan.

𝐏𝐫𝐨𝐲𝐞𝐤𝐭𝐨 "𝐓𝐚𝐭𝐚": 𝐊𝐢𝐤𝐨 𝐭𝐚 𝐬𝐞𝐫 𝐮𝐧 "𝐁𝐨𝐧" 𝐓𝐚𝐭𝐚?
Pa falta di informashon hopi tata ta distansia nan mes fo'i bida di nan yu(nan). Lubidando ku nan rol ta importante pa e formashon di karakter di nan yu(nan).

Fecha: 𝟐 𝐝𝐢 𝐦𝐞𝐢 𝟐𝟎𝟐𝟒
Orario: 𝟕𝐨𝐫 𝐩𝐚 𝟗𝐨𝐫 𝐝𝐢 𝐚𝐧𝐨𝐜𝐡𝐢
Luga: 𝐉𝐂𝐂 𝐧𝐚 𝐆𝐫𝐨𝐨𝐭 𝐊𝐰𝐚𝐫𝐭𝐢𝐞𝐫

Registrá:
https://fekoskan.odoo.com/event/charla-proyekto-tata-6/register

Felis fin di siman,

Semper mi ta bisa ku bida ta manera un buki, kada un kapítulo ta bini ku un historia nobo.

No wak e cover sino e kontenido di e buki, kada un kapítulo lo siña bu algu nobo I lo elevá bu dependiendo di e buki ku abo a skohé pa lesa.

Tin hende skohé buki di novela, drama, akshon, problema, desaroyo personal, buki pa elevá bo outoestima, kresementu personal etc..

Kòrda ku e buki ku mi ta papia di dje ta representá bo bida, kua abo ta skohé? Kiko lo ta e next kapitulo ku bo a pone pa skibi aden? Kiko ta e lès ku bo por siña for di e buki ku abo a skibi?

Kòrda mientras awa no drenta bo boto e no ta senk. Importante ta pa tene e awa afó paso e awa ta simbolisá e negativismo I buelta nan di bida ku no ta sirbi pa bo mas.

Nos tur tin dia bon I menos bon, importante ta tur dia pa bo skohé pa e bon I keda benta e awa afo pa e no senk bo boto paso ta abo ta e kapitan I kisas bo tin bo sernan keri ku tambe ta depende di bo, manera bo yu(nan) òf bo mayornan ku ya a bira grandi.

Sosega pero nunka entrega.🤗❤️

Na momentu ku bo siña rekonose bo debilidat I enfrenta bo miedunan, niun hende no por huzanan kontra di bo mas.

Bon siman I un felis djaluna bendishoná.

Mantene un bon reputashon nunka ta malu miéntras bo no pèrdè bo humildat I karakter pa purba impreshoná otronan.

Bo karakter ta bisa ken bo ta I bo reputashon ta djis e manera kon otronan ta pensa ken abo ta.

Kompletu bo bida por kambia den menos ku un aña, simplemente bo tin ku stima bo mes sufisiente pa bosa ku bo merese mas, tin e kurashi sufisiente pa éksigui pa mas i ta sufisientemente disipliná pa traha pa mas.

Djis pense!

Bon siman!

Awe bo por ta ariba, mañan abou.
Kisas awe e mesun personanan ku ta karga bu, mañan ta lastra bu.

Status, poder, titulo I sèn ta bai i bini pero lokual nunka niun hende no por kita for di bo, ta bo empatia pa otronan, bo honestidat, humildat I integridat.

No laga nada di otro impreshoná bu.

Kuminsa kaminda bo ta, ku lokual bo tin I hasi lokual bo por paso e úniko kompetensia ku bo mester di tin, ta ku bo mes. 👌🏼💞

Un persona ku propósito, meta I vishon no tin tempu pa drama. Nan ta inverti nan energia den kreatividat I konstantemente nan ta focus riba krea òf buska oportunidat nobo, nan desaroyo personal I unikamente riba nan pas mental.

Pense!

Felis djamars bendishoná.

Mayoria biaha bo por kere ku bo ta kontrola tur kos rondo di bo I na momentu ku bo realisa ku esei no ta e kaso, e realidat por dal bu duru I asta esaki por okashoná bu un depreshon severo.

Bo no tin kòntròl riba reakshon òf akshon di otronan, únikamente bo por kontrola kon abo por reakshona dilanti sièrto situashon I asina mes no ta tur kos bo tin kòntròl ariba.

* Bo no por kontrola e bida ku ta bai I bini pero bo por balora bo bida I esunnan ku tei ahinda.

* Bo no por kontrola e tempu di otronan I tampoko esun ku ya bo a pèrdè pero si bo por stòp di laga kosnan importante pa mañan.

* Bo no por kontrola kon otronan ta mira bu òf stima bu, importante ta kon abo ta mira bo mes I kuantu bo ta stima bo mes.

I asina mi por sigui menshona algun kos mas ku bo no tin kòntròl ariba pero nada di eseinan no ta importante, importante ta kon abo persibí e bida I kon bo ta deal ku tur e kosnan ku ta bini kune.

Si bo sa I bo no ta hasi nada, ta meskos ku bo no sa.

Konosementu ta poder ora bo tuma akshon I no ora bo no ta hasi nada kune.

Pense!

Felis djasabra bendishoná.

Algu ku kasi nunka I tiki ta para ketu na dje.

Promé ku bo buska kiko otro por ofrese na bo, puntra bo mes kiko abo por ofrese na e otronan promé ku bo èksigi di otronan.

* Mi ta e mama/tata ku mi ta desea di tin?

* Mi ta e yu ku mi mama/tata ta desea I lo ta orguyoso di dje?

* Mi ta e parega ideal ku mi ta desea den mi bida?

* Mi ta e amiga/u ku otronan lo por konta kune den nan bon I malu?

* Mi ta e bon doño di trabou ku ta pone ku mi tin un bon trahado?

* Mi ta e bon trahado ku mi doño di trabou por ilustrá mi komo voorbeeld na e otronan?

Kuantu kos lo bo ta dispuesto na kambia òf mehora pa tin un relashon sano ku otronan?

Tin kosnan ku hopi biaha nos no ta para ketu na dje I nan ta reflehá den nos bida diario ku nos no por kompronde dikon.

Tin heridanan ku ta reflehá di un manera kon nos ta atende ku otronan inkonsientemente I si bo no tuma tempu pa sana bo heridanan, lo bo sangra riba personanan ku no a okashona bu ningun daño.

No drenta un relashon pensando ku esei lo ta un skapatorio I solushon pa bo bida. Siña deal ku bo mes promé pa bo por deal ku otronan.

Tuma tempu opserva kiko a bai robes I kiko mi por mehora na mi mes I den mi bida di e manera ku ami por ta un bendishon pa otronan.

Mag ik je....

Wanneer het leven jou zo'n pijn heeft gedaan
En de wanhoop toeslaat

Mag ik achter je staan en je steunen

Wanneer de pijn zo erg is
Dat je jezelf in een stalen harnas hijst
Zodat niets je meer kan raken

Mag ik dan toch dicht bij jou zijn

Wanneer je hart koud en kil is geworden
Omdat het zo vaak is teleur gesteld

Mag ik het dan weer verwarmen

Wanneer je hart te zwaar wordt van al je verdriet
Zodat het voelt alsof het uit je borst wil komen

Mag ik dan je verdriet helpen dragen

Wanneer je denkt dat niemand meer naar jou luistert
Naar de verhalen van je pijn

Mag ik ze dan nog eens horen

Wanneer je je gesteund voelt door mij
En mijn liefde hebt gevoeld

Mag ik dan bij jou?

Ineke Akkerman~

💭
‼️
💖

Bon dia I un djarason bendishoná.

Mi ta kòrda dia mi tabata chikí anto ku mi pidi mi tata algu, mi tata ta bisa mi mañan.

Ora mañan yega den su forma chistoso mi tata ta bisa mi, ku mi a bisa bu mañan pero mi no a bisa bu kua di e mañan nan I asina mi a siña ku mañan ta djis un dia mas. Tur dia nobo tin un mañan.

Si tur dia bo laga kosnan importante pa mañan, nunka lo bo mira kambio. Tin biaha nos ta duna importansia na kosnan ku no ta prioridat I laga lokualnan ta prioridat pa otro un dia.

Si bo ta hasi esaki, nunka lo bo atende òf deal ku e kosnan ku di bèrdat por ta un opstákulo pa bo.

Bo bida ta depende solamente di abo I desishonnan ku abo ta skohé pa tuma. No mira bo mes pa un víktima di bida òf sirkunstansianan di bida paso bida riba su mes ta un lès.

Kada buki tin un siñansa ku diferente kapítulo, ta segun ku bo ta lesa e buki so bo por kompronde.

Ku esei mi ke bisa bu pa reflekshoná riba kada etapa di bo bida I kiko esaki a siña bu.

Apesar ku sierto eksperensianan por tabata malu, nan tambe tin un siñansa nan tras.Sea pa yuda bo mes òf pa yuda otronan.

Algu ta sigur! Kambio ta kuminsa semper na bo mes den tur area di bo bida, dependiendo kon abo ta interpretá e bida.

Hints4Life Coaching Life is like riding a bicycle. To keep your balance, you must keep moving.

Thanks for being a top engager and making it on to my weekly engagement list! 🎉 Sueheley Barzey, Maribel Anita, Tali Maria, Irania Angela, Ronnelli Clementina

Bon siman.

No ta tur biaha ora bo tende adikshon mester ta solamente kosnan malu. Manera ami ta skohé pa ta adikto na bida I tur e kosnan bon ku ta bini kune.

Nos tur tin momentunan bon I menos bon pero ta e manera kon bo ta mira I interpretá e lokualnan ku ta pasa rònt di bo lo definí bo bida.

Den algun palabra, bida no ta pretu ku blanku. Ta abo mes tin ku dune kolor.

Felis djarason.

Ta agradesido ora kosnan ta bai bon pero kòrda mantene e mesun aktitut pa e kosnan simpel I ku ta parse di ta chikí paso tur esakinan lo yuda bu balora kada esfuerso ku bo dal pa alkansá bo metanan I tambe propósito di bida.

Bo bendishonnan no mester bini den grandi pa bo rekonose esakinan, ta humilde I mantene un kurason puru.

No solamente pa hasi otronan kontentu pero e ta un satisfakshon pa sa ku bo por nifiká algu den bida di otronan.

Bon siman I un felis djaluna.

No ta tur lokual bo pèrdè bo por konsidera ku ta pèrdida paso tin biaha ta nesesario pa bo pèrdè pa bosa kon ta sinti ora bo gana. Tin kosnan muchu mas grandi na kaminda ku bo no a sperá. Djis wanta I no desanimá.

Felis dia internashonal di hende muhé.

Muhé bo ta bunita I presioso. Djis kòrda ku komienso di bida a kuminsá na e ser hende muhé.

Bo ta e lus di dia, solo di atardi I luna di mardugá. Kiko mas bo por ke? Paso no tin nada ku por igualá, bo ta arte di mas bunita ku Dios a krea.

Laga pa e dia di awe bo no spera pa otronan malkria bu, ya komo ku mundu a skohé e dia aki I hasie pa bo.

Un dushi dia❤️🤗😘

Tin biaha nos por tin e tendensia di krea problema kaminda no tin den nos kabes I ta p'esei ta nesesario pa semper bo por tin maske ta un persona di konfiansa ku bo por konta bo problemanan.

Paso lokual pa abo ta un problema, pa otro no I nan por yuda bu yega na e solushon ku abo no sa kon pa yega na dje òf no por mira.

Tin kosnan den bida ta simplemente un reto.

Nunka no keda boso den bo emoshon I pensamentunan.

Siña repartí bo problemanan den stapnan chikí pa bo por sali afó tambe por yuda bu. Bo no por tur kos pareu, bo no por tur kos boso I no ta semper bo tin tur solushon den bo man.

Minsa ken mester di mensahe aki pero stòp di ta duru ku bo mes.

Felis djarason na tur nos dushi siguidó nan.

Mi ta sigur ku tin maske ta un di boso a yega di sinti bo mes desapuntá ku bo mes djis paso bo a spera di risibí algu for di otronan.

No ta semper kosnan lo bai òf kana manera nos ke. No kulpa otronan pa algu ku abo mes a pèrmiti.

Djis asepta I sigui lo evita abo hopi kos.

Felis djaluna bendishoná.

Ta bon konsiente di tur lokual bo no tin pa bo traha pa alkansá lokual bo ke tin òf yega kaminda bo ke yega pero e malu ta pa pone bo energia kaminda no mester.

Si lokual bo ta hasiendo te na e momentunan aki no ta sirbi mas pa bo, hasi bo focus diferente.

For di ki dia bo a lanta I bisa bo mes ku esaki tabata e mihó dia di mi bida?

Un biaha mas atrobe nos tabata den nos programa Hints Talk Show kual ta un programa pa motivá, konsientisá I inspirá.

E figura paterno tambe ta disponibel riba nos youtube Channel.

Mi kier a invitá boso pa suskribí riba nos youtube channel pa bo tambe por wak nos programanan.

Hints Talk Show- E figura paterno den kas

Felis djadumingu I un bon siman.

Ta positivo no ta nifíka ku lo bo pasa den kosnan bon so òf tur kos den bo bida mester di ta perfekto. Ta positivo ta nifíka si bo haña un palu di infrou bo dilanti bo ta pasa den banda I bo no ta sinta òf trapa riba dje.

Bo ta skohé otro kaminda pa bo kana ariba ku lo hasi bo kaminda mas fasil.

Thanks for being a top engager and making it on to my weekly engagement list! 🎉 Marisol Richard, Maribel Anita, Ruchenna Vargas Chirino, Bebi Obispo, Sueheley Barzey

Felis djarason bendishoná,

Wak unda bo tabata ayera, wak unda bo ta para awe pa bosa unda bo tin ku bai mañan.

Hopi biaha nos por ke hopi kos I nos no ta kompronde sièrto kosnan te na momentu ku e situashon presentá ku lo bo kompronde dikon kada kos tabata nesesario.

E plan ku Dios tin pa bo ta muchu mas grandi ku esun ku abo por magina pa bo bida.

Rèspèt pa un hòmber ku sa kon I por kontrolá su emoshonnan I un muhé ku sa kon kontrola su boka.

Bon Siman I un felis djaluna bendishoná.

Awe lo mi no huza masha splikashon pero lo mi laga e espasio habri pa bo mes bai pensa un poko.

Duda den bo mes ta meskos ku su si bo ta duda den Dios paso si bo no ta lanta I move tur kos ta keda para meskos I mesun kaminda.

Bai pense!

Felis djaweps bendishoná.

Kuminsa kaminda bo ta, usa lokual bo tin I hasi lokual bo por. No laga lokual bo por hasi awe pa mañan, biba I disfrutá mas ku por paso bida no ta manera un kareda di kabei òf outo.

No keda ku gana di bisa e personanan ku bo stima ku bo stimanan djis paso nan sa kaba paso e simpel palabra ei por kibra un kurason duru I hasie moli manera un eis ta dirti bira awa.

Bo ta habri un hende pa konose partinan di dje ku pa abo tabata deskonosí.

Mustra amor na bo sernan keri I no laga lokual bo por bisa I mustranan awe despues ku nan no tei mas.

Paso mañan ken sa?