Ko Pa Laung

Challenged

😂😂😂

Knowledge +computer

Read a lot of knowledge....

😍😍😍

ပညာတတ်ကြီး ဖြစ်ရင် ငွေ တွေ ဝင်မှာလား။
အခုတလောမှာ လူငယ်တစ်ချို့ရဲ့ညည်းတွားသံလေးတွေ ကြားရတာ များလာတာနဲ့ကျွန်တော် ဒီပိုစ့်လေးကို ရေးဖြစ်ပါတယ်။ ဖြစ်နေကြတဲ့ ပြသနာ ကတော့ ပညာတတ် ကြီး ဖြစ်လာရင် ဘဝဟာ သက်သာ စွာ နဲ့ငွေ တွေ ဝင်ပြီး ချမ်းသာ လာကြမယ် ဆိုတဲ့ အယူအဆကြောင့်ပဲ ဖြစ်ပါတယ်။ ဒီလို ယူဆချက်ကို လက်ကိုင်ထားတဲ့ လူငယ် များ ဟာ ကျောင်းပညာရေး တက္ကသိုလ် ပညာရေး နှစ်ပေါင်းများစွာ သင်ယူ ပြီးတဲ့ နောက် လုပ်ငန်းခွင်တွေ ထဲကို မျှော်လင့်တကြီး ဝင်ရောက်လာခဲ့ကြပါတယ်။ ဒါပေမယ့် သူတို့စစချင်း ကြုံလိုက်ရတာက တစ်လကို ၁သိန်းခွဲ. ၂သိန်း ဆိုတဲ့ လစာပမာလေးပဲ ဖြစ်ပါတော့တယ်။
ဒီအခါမှာ ငယ်စဉ်က ကြားခဲ့တဲ့ ပညာတတ် ကြီး ဖြစ်ရင် ရုန်းကန်စရာသိပ်မလိုပဲ ငွေ တွေ ဝင်လာမယ်ဆိုတဲ့ အိမ်မက်ဟာလည်းပြိုပျက်သွားရပါတော့တယ်။ ဒါ့အပြင် အလုပ်ခေါ်စာ အချို့မှာ ရေသန့်ဘူးတွန်း ဖို့ကွမ်းယာ ယာဖို့အလုပ်နေရာကိုတောင် သုံးသိန်းလောက် ပေး တယ်ဆိုတာမျိုးတွေကို social media မှာ လဲ မြင်လိုက်ရရတော့ ကြေကွဲတဲ့ အဆင့်တင် မက တော့ ပဲစိတ်ဓာတ်ကျတဲ့ အဆင့် ကိုယ်သင်လာခဲ့တဲ့ ပညာရပ်ကို အထင်သေးတဲ့ စိတ်တွေ ဝင်လာ ကြတာကိုတွေ့ရပါတော့တယ်။ တစ်ခါကလဲ Troll အနေနဲ့အင်ဂျင်နီယာ က တစ်လ ၂သိန်း ပဲ ရပြိး KTV manager က တစ်လ ဆယ်သိန်း ရနေတယ်လို့လှောင်ပြောင်တာ မျိုးအထိ တွေ့လာရပါတယ်။
အရင်ဆုံး ကျွန်တော့်အနေနဲ့အထက်က ယူဆချက်ဖြစ်တဲ့ ပညာတတ်ကြီး ဖြစ်ရင် ချမ်းသာမယ်ဆိုတာလေးကို အရင် ရှင်းထုတ်လိုပါတယ်။ တကယ်တော့ ပညာတတ် ဖြစ်တာနဲ့ငွေ ရှာတတ်တာဟာ တခြားစီ ဖြစ်ပါတယ်။ မတူညီတဲ့ အရည်အချင်းနှစ်ခု ပညာရပ်နှစ်ခု ဖြစ်ပါတယ်။ အချို့နေရာတွေ မှာ ပညာတတ် အဖြစ် level မြင့် လာလေလေ လစာ ဝင်ငွေက လဲ မြင့်လာ လေလေ ဖြစ်လာနိုင်ပေမယ့် ကိစ္စရပ်တိုင်းမှာတော့ အဲဒီလို တိုက်ရိုက်အချိုးကျလေ့မရှိပါဘူး။ ဆိုလိုတာက ပညာတွေ သင်ပြီး ချမ်းသာလာမယ်လို့ယူဆတာဟာ ရန်ကုန် သွားမယ့် ကားပေါ် ကို တက်လာပြီး မန္တလေးရောက်ဖို့မျှော်လင့်နေတာနဲ့အတော်ဆင်ပါတယ်။ ဒီလို မတူညီတဲ့ ပညာရပ်ဖြစ် တဲ့ အတွက် အတန်းပညာ မရှိသူတွေ တောင် ငွေ ချမ်းသာသူဆိုတဲ့ ဘဝကို ရယူနိုင် ပါတယ်။ တစ်နည်းအားဖြင့် သူတို့ကအတန်းပညာတော့ မတတ်ပေမယ့် ငွေ ရှာခြင်း ပညာ ကိုတော့ တတ်တာကြောင့် ဖြစ်ပါတယ်။
ဒီလိုဆိုရင် ပညာတတ် ဖြစ်ရင် ငွေ မချမ်းသာတော့ ဘူးလားဆိုတော့ မဟုတ်ပါဘူး။ ပညာပြည့်လေလေ ငွေ ရှာနိုင်စွမ်းလဲ မြင့်လေလေဖြစ်ပါတယ်။ ဒါပေမယ့် သူ့ချည်း အလိုအလျောက်ဖြစ် လာတာမဟုတ်ပဲ မိမိ ပညာကို ငွေ အဖြစ်ပြောင်းလဲ generate လုပ်ပေးနိုင် မယ့် နည်း လမ်း ၊ပေါင်းကူး၊ အခြေအနေတစ်ခုခု ရှိမှ ဖြစ်နိုင်တာ ဖြစ်ပါတယ်။ အထက်က တစ်လ ၂သိန်းပဲ ရတယ်ဆိုတဲ့ အင်ဂျင်နီယာ ပညာတတ် လေးဟာ ပိုပို ပညာလဲ ပြည့်လာပြီး နောက် Freelance ဆိုတဲ့ ပေါင်ကူး နည်းစနစ်တစ်ခု ကနေ Project design တစ်ခုကို သိန်းတစ်ရာလောက် နဲ့တစ်လအတွင်း ဆွဲပေးရင်း ငွေ ရှာနိုင်တဲ့ အနေအထားကို ရောက် လာနိုင်ပါတယ်။ ဆိုလိုတာက ငွေ ရှာဖို့ငွေ ရဖို့ဆိုရင် ငွေ ရနိုင်ဖို့အတွက် ပြောင်းလဲ ပြင်ဆင်ရမှာ ဖြစ်ပါတယ်။ ဆိုလိုတာက ပညာတတ်ကြီး ဖြစ်လာဖို့ကြိုးစားရင် ပညာတတ်ကြီး ဖြစ်လာမှာ ဖြစ်ပြီး ငွေ ချမ်းသာသူဖြစ်လာအောင် ကြိုးစားရင် ငွေ ချမ်းသာလာမှာ ဖြစ်ပါတယ်။ မတူညီတဲ့ ပန်းတိုင် အတွက် မတူညီတဲ့ ပြင်ဆင်မှု တွေ လိုအပ်ပါတယ်။ ဒါပေမယ့် ပထမ ပန်းတိုင် တစ်ခုကို ရောက် ပြီး ယူပြီး ပြီ ဆိုရင် နောက်ပန်းတိုင်တစ်ခု ကိုရဖို့ဆိုတာ ပိုနီး ပိုလွယ်သွားပါတယ်။ ဒီသဘောပါပဲ။
နောက်တစ်ချက်ကတော့ ပညာတတ် လူငယ်လေးတွေ အော်နေကြသလိုပါပဲ။ ငွေ ရှာလို့မရဘူးပေါ့။ ဒီလိုဖြစ်တာက ဖြစ်နိုင်ခြေတစ်ခုရှိပါတယ်။ တကယ့်လက်တွေ့ကျတော့ ပညာတတ် ပါတယ်လို့အော် နေတဲ့ သူတွေ ဟာ တကယ်ပညာမတတ် ပဲ သို့မဟုတ် လုံလောက်တဲ့ အဆင့်အထိ ပညာရည် မပြည့်ပဲ ဖြစ်နေတာတွေ များတတ်ပါတယ်။ ဘယ်သူကမှ စိန်တုံးတွေ ကို လမ်းခင်းဖို့အတွက် သုံးမှာ မဟုတ်ပါဘူး။ နည်းလမ်းပေါင်းစုံနဲ့ကြိုးစားကြည့်လို့မှ ငွေ ပိုရမလာဘူး ဆိုရင် ဖြစ်နိုင်ခြေက မိမိ မှာ ရှိတဲ့ ပညာ အဆင့်ဟာ မလုံလောက်သေးလို့ဖြစ်ပါတယ်။ ဒါဆိုရင် ဒီထက်ပိုပြီး ပညာကို မြင့်တင်ဖို့လိုပါတယ်။ ပညာရဲ ရင့် ပွဲလယ်တင့် ဆိုတဲ့ စကားပုံ ဟာ အမှန်ပါပဲ။ ဒါပေမယ့် ပွဲတိုင်း တင့်ဖို့အတွက် တတ်ရမယ့် ပညာက သာမာန်လူတိုင်း တတ် တဲ့ ပညာမျိုးဖြစ်လို့တော့မရပါဘူး။
နောက်တစ်ချက်က ပညာလဲတတ်တယ် ငွေ လဲရှာတတ်တယ် ဆိုပေမယ့် ချမ်းသာတဲ့ အခြေအနေကို ရောက်ဖို့အခွင့်အရေး သို့မဟုတ် အပြောင်းအလဲ တစ်ခုခုကို ရှာဖွေ ယူရပါတယ်။ ဒါမှ မဟုတ်လဲ တစ်ခါတစ်ရံမှာ အဲဒီအခွင့်အရေး နဲ့အပြောင်းအလဲတွေ ဟာ ကိုယ်တိုင် ဖန် တီးယူရတာမျိုးလဲဖြစ်နိုင်ပါတယ်။ ဥပမာ သိန်းတစ်သောင်း ရဖို့ကံဇာတာ တက်နေပေမယ့် တကယ်လုပ်တာက ပဲပြုတ် ပဲရောင်းနေတာဆိုရင် တစ်ရက်ကို ရလှမှ ငါးသောင်းလောက် ပဲဖြစ် ပါလိမ့်မယ်။ တစ်ခါတုန်းက အလွန်ကြွယ်ဝတဲ့ သူဌေး တစ်ဦးကို အင်တာဗျူး လုပ်သူ ကမေးပါတယ်။ ဘာကြောင့်များ အမြတ်အစွန်းများ အောင် လုပ်နိုင်တာလဲ လို့ဖြစ်ပါတယ်။ သူဌေးကြီး ကပြန်ဖြေပါတယ်။ အခွင့် အလမ်းတွေလာတဲ့ အချိန် မှာ တစ်ချက်ထဲခုန် တက်လိုက် နိုင်လို့ပါလို့ဆိုပါတယ်။ ဒီတော့ အင်တာဗျူး သူက ဘယ်အချိန်မှာ ဘယ်အရာက အခွင့် အလမ်းအဖြစ် လာမယ် ဆိုတာကို ဘယ်လို သိရမလဲလို့မေးပြန်ပါသတဲ့။ ဒီတော့ သူဌေးကြီး ကပုခုံးလေး တွန့်ပြီး. အဲ…..ဘယ်အချိန် အခွင့်အလမ်း လာမလဲ ဆိုတာတော့ ကျွန်တော် လဲမသိဘူးဗျ.. သူလာ တဲ့ အချိန် အဆင်သင့်ဖြစ်နေအောင် ပဲ ကျွန်တော် ကအမြဲခုန် နေလိုက်တာပဲ …..လို့ဆိုပါတယ်။
ပြန် ပြီး အချုပ်ဆိုရရင်တော့ (၁) ပညာတတ် ကြီး ဖြစ် တိုင်း ငွေ မချမ်းသာပါဘူး။ (၂) ပညာတတ် ကနေ ငွေ ရှာနိုင်ဖို့ပေါင်းကူး၊ နည်းစနစ် ၊ အခြေအနေတစ်ခုခုလိုပါတယ်။ (၃) နည်းလမ်းမျိုး စုံသုံးတာတောင် ငွေ မချမ်းသာသေးရင် ရှိနေတဲ့ ပညာ အဆင့် မလုံလောက်လို့လဲဖြစ် နိုင်ပါတယ်။ (၄) ပညာရော ငွေ ရှာဖို ရော ပြင်ဆင် ပြီး ပြီ ဆိုရင် အခွင့် အလမ်း တွေကို ရှာဖွေ ဖန် တီး ဖို့လဲ လိုအပ်ပါတယ်။ (၅) ပညာတတ် တာနဲ့ငွေ ရှာတတ်တာ တိုက်ရိုက် မချိတ်ဆက်ဘူးဆိုပေမယ့် ပန်းတိုင် တစ်ခုကို ရပြီး သူက နောက် တစ်ခုကို ရဖို့ပိုနီး ပိုလွယ်ကူပါတယ်။
ဒီလောက်ဆိုရင်တော့ ကျွန်တော် ဆိုလိုချင်တဲ့အချက်ကို သဘောပေါက်လောက်ပြီ လို့ယူဆပါတယ်။ ကျွန်တော်တို့ရန်ကုန်ကို ဦးတည်ရင် ရန်ကုန်ကိုရောက်မှာ ဖြစ်ပြီး မန္တလေးကို ရောက်ချင်ရင်တော့ ဦးတည်ချက်တွေ ပြင်ဆင်ချက်တွေ ပြန်ပြောင်းဖို့လိုအပ်ပါတယ်။
ကံတရား ဆိုတဲ့အရာမှာ Nick name တစ်ခု ရှိပါတယ်။ ဒါကတော့ ရွေးချယ်မှု လို့ခေါ်ပါတယ်။ ဖြစ်ချင်တာ ဘာလဲ ရွေးမယ်…ဦးတည်ချက်ရွေးမယ် …လမ်းကြောင်းရွေးမယ်…ဒီနောက်မှာတော့ ဒီအတိုင်းသာ သွားနေရင် ကျွန်တော့် တို့မရောက်စရာ ဘာအကြောင်း များ ရှိ ဦးပါလိမ့်မလဲဗျား။
Kaung Hein Soe - Strategic
Business Consultant

Are you sure

I like it..

I'm. a fraid of you

🤣🤣🤣🤣🤣

I've been running....

😅😅😅😅😅

Hello