Élégante femme algérienne moderne /جزائرية

#منقول

أعزميني يا بنت خالتي 😫🙏

البقاء لله 😭😭💔
🇩🇿🇩🇿🇩🇿🇩🇿🇩🇿

#رسائلكم
سلام بغيت نحكي حكاية غريبة صرات معايا اليوم، انا امراة متزوجة عندي اربع اولاد عايشين على قد الحال، مع الغلاء لي راه هاذ الايام عندي بنتي في عمرها اربع سنوات ملي زادت وهي مريضة، المهم اليوم الصباح كان عندي موعد عند الطبيب تاعها، وطلب مني نديرلها ايارام تاع الراس، انا كي قالي الطبيب هاكذا فشلت ماعنديش مين نجيب وماعنديش مين نتسلف، وماعندي حاجة ذهب نبيعها عايشين على قدها والحمد لله، خرجت من عند الطبيب وفشلت باش نركب في البيس رجليا فشلوا و معايا بنتي حبست طاكسي، كان راكب فيه راجل من القدام، وانا ركبت من اللور مع بنتي، عيطتلي اختي في التيليفون تسقسي فيا شا قالي الطبيب حكيتلها شا قالي ، وقتلها والله حصلة خصوصا وان ايارام تاع الراس يدير زوج ملايين، كملت الهدرة مع اختي ، وراني راكبة في الطاكسي نخمم وندعي في ربي، حتى نطق هذاك السيد لي كان راكب من القدام قال للشوفور حطني هنا، حل الباب ونزل وخلص طاكسي وغير رجع له الصرف الشوفور أعطاني غلاف تاع برية هذوك لي اللون تاعهم بني وقالي بالشفاء على بنتك، وبلع الباب وراح ماخلانيش حتى نشوف شا كاين في الغلاف ولا حتى نشكره ، يا خواتاتي أعطاني عشر ملايين والله العظيم غير عشر ملايين كي شفتهم وحسبتهم وليت نبكي كي الغريان، ومول الطاكسي يسكت فيا ويقولي ربي سخرلك هاذ الشخص وانا والله ما عوايدي نركب في طاكسي، كي نزلت اعطيت لمول طاكسي فوق حقه بصح هو كذلك مابغاش يشد قالي ندي حقي وبس، وضروك جيتكم في جاه ربي بغيتكم ترفدوا يديكم وتدعوا لهاذ الراجل الغريب ربي يرزقه من حيث لايدري، ربي يرزقه بالصحة و العافية ، ربي يعطيه خير على خير، والله تالمون فرحني راني حاسة روحي راني نوم، مازال كاين الخير في بلادنا، خطرات نقول بلاك ملاك كان راكب معايا وحس بالن/ار لي كانت في قلبي شاعلة، روح ياواخي ربي يفرحك ونقولك بلي حتى بنتي المريضة وراهي تدعيلك
#ادمينة M

You can send a message directly to ‎Élégante femme algérienne moderne /جزائرية‎.

#الادمين
سلام عليكم يا أهل مدينة المدية 🌸
صديقتي تريد القيام بعمل خيري بسيط و بمبلغ جد بسيد لانو هيا بروحها معندهاش اقترحو علينا فكرة مثلا تشتري هدايا الى مرضى السرطان المتواجدين في مستشفى محمد بوضياف او المرضى الأطفال بأختصار 🌸
و شكرا لكم هدا يكون اول عمل خيري في الصفحة و راح تكون بزاف ومفاجأة ليكم ❤ابقاو اوفياء فقط و ادعمونا رانا في البداية 🙏

مرحبا بالحراير 🌸🌸