Farid caméraman constantine

ضغط كبير يعاني منه اصحاب مهنة التصوير الفوتوغرافي في هذه الايام ..
بعد عامين من الغلق و كورونا من الطبيعي انو ناس كامل تتزوج الصيف هذي و الاقبال على الاعراس يكون بقوة ..
👈 اغلبية الويكاندات محكومة و اللخر ما يلحقش على فوطوغراف يصورلوا العرس.
👈 لكن ما لا يعلمه عامة الناس ان عمل الفوتوغراف فيه جانب كبير من الكواليس :
👈 ليلة قبل العرس تشارجي الماتريال و تتفقد البطاريات
👈 تفرغ بطاقات الذاكرة و تفيريفيهم
👈 تلم الكابة تع الماتريال و تتأكد انك ما نسيت والو ( كابل كارت ميموار بطاريات .. )
👈 يجي يوم العمل تروح تخدم نهار كامل و انت واقف من دون توقف .. حتى في وقت لي يحطو الغداء ولا القهوة لازم تكون انت واقف تصور باه ما تراطيش اللقطة ..
👈 تخلص لعشية روطار في 99 بالمئة من الحالات تتفاهمو على 4 لخر يكملو على 5 ولا 6 .. ما تجي توصل لدار توصل تكون 7.
👈 تعاود تفرغ بطاقات الذاكرة و تدير نسخ احتياطية باه ما تروحلكش الخدمة
👈و تشارجي الماتريال اذا تخدم غدوة منداك.
👈 تبقالك المادة الخام صور و فيديوات لازم دير مونطاج تتفرج كامل وش صورت و تصفيه لقطة بلقطة و تزيدلو مقدمة و جنيريك و و و ..
👈 تدير اختيار الصور لموجهة للطباعة و تديرلها تعديل و تصحيح الوان ..
👈 تروح يوم اخر تخرج الصور وتلقا الغاشي ف الاستوديو في احسن الحالات يقولك ولي لعشية ولا غدوة ..
👈 تشري الالبومات و تحط صور لي طبعتها فيها حبة بحبة اتخيل في كل عرس 100 ولا 200 صورة
👈 ورا هاذي كامل تخدم السيدي و الجاكات و الفلاش ديسك باه يكون الباك تع الزبون واجد.
👈 هذي كاااامل خدمتنا و رانا سالكين عليها و بلا مزيتنا بصح اتخيل من اجل كل عرس لازم عمل تع 5 ايام ولا اكثر بين روح و ارواح و اشري و جيب و في 👈 هذه الايام كل يوم يعيطلك الزبون:
👎ابعثلي تصاور
👎 وش درت فيها
👎 هات نشوف كيفاه جاو
👎 بارطاجيلي من كاميرا برك
👎 وين عادو تاعي
👎 اك طولت عليا وكتاه نجي نديهم
👈هذا زبون واحد اتخيل مالا اذا خدمت 4 اعراس في اسبوع مثلا شحال من اتصال يجيك ف اليوم.
👈وهذي كامل مزال مفاتش مام با الاجل لي تفاهمتو عليه
👈 اقسم بالله غير الضغط النفسي لي يديرهولك الزبون كثر من التعب تع الخدمة في حد ذاتها.
👈 ساعفونا ☺️.

صديق الطفولة 💪💪

صورة تذكارية مع اصدقاء الطفولة 🥰🥰

الف لف مبروك خويا وليد الفاتحة العاقبة للكبيرة انشاء الله