Pethoven's pet heaven

free pet care home visits
Now you can enjoy your summer⛱ at sahel and we will take care of your fluffy friend..🐶
we offer:
medical vet care
pet grooming
showering services
vaccination
and more...

contact us now and we gladly will be at your door steps

ليه أليفى بيصاب بالحشرات:🐱🐶

يشكل الفراء الدافىء فى القطط و الكلاب بيئة ملائمة جدا لوجود الحشرات و ألى بتتمثل خطورتها فى إنها بتتغذى على دم حيواني الأليف و بالتالى بتسبب فى حدوث أمراض تتراوح من الحساسية إلى الأنيميا الشديدة

أمتى بتنشط الحشرات:🦗🦟

غالبا بتنشط الحشرات فى فصول الصيف و الربيع بسبب الجو الدافى لكن ده ميمنعش تواجدها فى الحيوان الأليف فى الفصول الباردة و خاصة لو هو موجود فى بيئة تواجد الحشرات دى.

أزاى أعرف إن أليفى مصاب بالحشرات:

بالنسبة للكلاب:
• نلاحظ وجود فضلات الحشرات (نقط سوداء) فى الفرو
• نلاحظ وجود بيض الحشرات (نقط بيضاء) فى الفرو
• الهرش و الحك الزائد عن الطبيعي
• وجود قشور أو أحمرار بالجلد

بالنسبة للقطط:
• نلاحظ وجود الحشرات عند منطقة الرقبة و خلفها و عند الأذن و البطن
• نلاحظ وجود فضلات الحشرات فى الفرو (تراب داكن)
• الهرش و الحك الزائد
• فقدان الشعر ووقوعه

أيه هى الأمراض ألى ممكن تسببها الحشرات لأليفى:

• الأنيميا:
الحشرات زى القراد و البراغيث بتتغذى على دم أليفك و الحشرة الواحدة ممكن تمتص دم قد حجمها 15 مرة !! و ده بيأدى لنقص خلايا الدم الحمراء و ده ممكن يكون خطر جدا على الجراوى و القطيطات و بيسبب ضعف عام و سقوط الشعر و نقص فى الوزن.

• الحساسية:
و دى بتكون نتيجة عضات الحشرات ألى بتفرز فى لعابها مواد بتسبب تهيج للجلد و الأوعية الدموية و ده بيسبب الحكة و أحمرار الجلد و سقوط الشعرو تكوين قشور و ممكن يسبب عدوى فى الجلد.

أزاى الحشرات دى بتيجي لأليفى:

سهل جدا إن أليفك يلتقط الحشرات عن طريق خروجه بره البيت أو أختلاطه بحيوانات تانية أوفى الحدائق .. أنثى البرغوث تقدر تضع 40-50 بيضة فى اليوم الواحد و سهل إن أليفك يصاب بيها.

طب ممكن أتصاب أنا و عيلتي بالحشرات دى:👨‍👩‍👧‍👦

بما أن الحشرات دى بتتغذى على الدم فوارد جدا إصابة الإنسان بالحشرات المنتقلة من الكلب أو القطة عشان كده لازم يكون البيت نظيف و خالى تماما من الحشرات و المتابعة الدورية مع طبيبك البيطرى.
السجاد بيكون بيئة ممتازة للحشرات للتكاثر و وضع البيض عشان كده لازم أحافظ على نظافة السجاد و إستخدام مواد مطهرة و قاتلة للحشرات عشان أقطع دايرة تكاثر الحشرات فى البيت.

أزاى أتعامل مع القراد:🕷

مهم جدا و أنا بعتنى بحيوانى الأليف أنى أخد بالى من وجود القراد على جسمه بحس بحبات موجودة على الجلد ناحية الرأس و الرقبة و ألأذن و الكف .. القراد خطير لحيواني الأليف و ممكن ينقل أمراض كتير و ضرورى أحاول إني أتخلص منه أو أستشير طبيبي البيطري.
ناس كتير بتحاول تتخلص من القراد بطرق مختلفة زى الجاز أو الفازلين أو عن طريق اللسع بالكبريت أو النزع والطرق دى بتسبب خطورة على الحيوان الأليف لإنها بتزيل القراد جزئيا و بتسبب رجوع المواد السامة ألى بيفرزها القراد مع لعابه لجسم الحيوان و ممكن يسبب صدمة حساسية للأليف بتاعك .. لازم أستشير الطبيب البيطري فىكيفية التخلص من القراد بطريقة صحية و أمنة لأليفى.
أيه هى الأعراض ألى ممكن يسببها القراد:
القراد ممكن يسبب حاجات كتير زى:
• فقدان الشهية
• إنتفاخ الغدد الليمفاوية
• أرتفاع درجة الحرارة (الحمى)
• تورم المفاصل
• الشلل نتيجة وجود أعداد كبيرة من القراد على جلد الحيوان
• الأنيميا
هل لو حميت أليفي بالشامبو أقدر أتخلص من الحشرات:
لازم أستشير طبيبي البيطري فى طريقة التخلص من الحشرات و المنتجات المناسبة لأليفى عشان أضمن أفضل النتائج

أىه هى المنتجات ألى ممكن أستخدمها عشان الحشرات:💉💊

فيه منتجات كتير أقدر أستخدمها للقضاء على الحشرات منها:

• حبوب تؤخذ بالفم
• مواد توضع على الجلد
• أطواق طاردة للحشرات
• شامبو مخصوص للحشرات
طبيبك البيطري يقدر يساعدك في أختيار أنسب نوع لأليفك للحفاظ علي صحته و نظافته.

عشان تعرفوا أكتر عن حماية أليفك و علاجه من الحشرات تقدروا تكلمونا على 01559886871 أو تشرفونا ف 6 شارع حسين كامل الإبراهيمية عند نفق الإبراهيمية عالبحر

تراخيص 2021 أصبحت متاحة .. للحجز و الأستفسار برجاء الاتصال بنا علي 01559886871 أو زيارتنا في 6 شارع حسين كامل الإبراهيمية بجوار نفق الإبراهيمية عالبحر

سقوط الشعر فى كلبى الأليف

ليه كلبى الأليف شعره بيقع:

فقدان الشعر أو سقوط الشعر أو (الثعلبة) زي ما بعض الناس بتطلق عليها هى عرض شائع جدا فى الكلاب و بيبقى ملحوظ للإنسان لأن الكلب بيفقد شعره فى منطقة واحدة أو عدة مناطق فى جسمه و ده ممكن يكون طبيعي أو ناتج عن العديد من الأمراض زى:

• تساقط الشعر الموسمي:

كتير من الكلاب بتفقد شعرها لما الشعر بيكبر أو يتقصف أو لما الجو يبقي دافي حر .. بعض الفصايل بيتساقط شعرها طول السنة و بعض الفصايل زى الهاسكى و اللبرادور بيكون عندهم طبقة شعر زيادة فى الشتاء و بيتخلصوا منها مع دخول فصل الربيع و غالبا تساقط الشعر الموسمي بيقل جدا لو الكلب عايش فى منطقة جوها معتدل .. أقدر أتخلص من الشعر الزائد عن طريق تسريح شعر كلبي مرتين فى الأسبوع.

• العدوي البكتيرية أو الفطرية:

البكتيريا و الفطريات موجودين بشكل طبيعي على جسم الكلب و لكن فى بعض الحالات لو مناعة كلبى قلت بتبتدى البكتيريا و الطفيليات تهاجم جسم الكلب و تعمل عدوي ممكن تتسبب فى سقوط الشعر, الحكة و إحمرار الجلد.
بعض أنواع الفطريات زى السعفة (التينيا) بتتسبب فى سقوط الشعر عند الكلاب و أيضا الحكة و إحمرار الجلد و تكوين قشور عالجلد .. عشان كده مهم جدا عند ظهور الأعراض دى إستشارة الطبيب البيطري.

• الجرب و الطفيليات:

الجرب و هو مانطلق على أى مسبب للحكة الشديدة فى الواقع طفيلى صغير جدا بالحجم لا يري إلا بالميكرسكوب بيعيش عالجلد و بصيلات الشعر و بيسبب سقوط الشعر عن طريق أنه بيحفر زى حفر أو خنادق فى الجلد و بيتغذى عليها و فيه بعض الأنواع منه شديدة العدوي و ممكن تصيب الإنسان و فيه بعض الأنواع خاصة بالكلاب بس و بتتسبب فى سقوط الشعر بكثرة.
طبعا البراغيث من مسببات سقوط الشعر بسبب إن الكلاب بتضطر إنها تحك جلدها بكثرة نتيجة عض البراغيث ليها و بالتالى بتفقد شعرها فى المناطق دى و زى ما قلنا قبل كده إن البراغيث بتنتقل بكثرة في المكان و ممكن أيضا أن تصيب الإنسان.

• الحساسية:

الحساسية ممكن تصيب الكلاب زى ما بتصيب الإنسان و من أهم أعراضها الحكة و سقوط الشعر و من أهم أنواع الحساسية ألى بتصيب الكلاب هى الحساسية البيئية نتيجة للتراب أو حبوب اللقاح أو القرص من حشرات زى النحل وأيضا حساسية البراغيث و حساسية الطعام .. مهم جدا إستشارة الطبيب البيطري عشان أعرف نوع الحساسية ألى بيعانى منها كلبى و أزاي أقدر أعالجها.

• أسباب مرضية كامنة:

لو الكلب فقد الشعر على جسمه كله ده ممكن يكون إنذار لوجود مرض ما و ده لأن الجلد أكبر عضو فى الجسم و بيحتاج كميات كبيرة من المغذيات عشان يفضل صحى ولامع و لو كلبك عنده أى أمراض كامنة أول حاجة بتلاحظها هى إنطفاء الشعر و الجلد لأن الجسم بيحول المغذيات دى لأجهزة و أعضاء تانية في الجسم.
بعض الأسباب الهرمونية ممكن تسبب سقوط الشعر زى ضعف الغدة الدرقية و مشاكل الغدة الكظرية و بعض الكلاب ممكن تفقد شعرها بعد عملية التعقيم نتيجة لقلة هرمون التوستيرون فى الجسم و أيضا بعض مشاكل الكلى و الكبد و السرطانات ممكن تسبب سقوط للشعر .. مهم جدا إستشارة الطبيبالبيطري ألى هيقدر يساعد و يشخص عن طريق التحاليل و الأشعة سبب المرض.
بعض الحالات أيضا زى الإجهاد و سوء التغذية و الحمل و الرضاعة ممكن يكونوا أسباب لسقوط الشعر بكثافة و عشان كده مهم لو لاحظت إن كلبى بيفقد شعر زيادة عن اللزوم لازم أستشير طبيبي البيطري و ألى بدوره هيقدر يدي العلاج و العناية و النصايح المناسبة لحالة كلبي.

لمزيد من النصايح الطبية و عشان تعرف ليه كلبك الأليف شعره بيقع تقدروا تكلمونا على 01559886871 أو تشرفونا فى 6 شارع حسين كامل الإبراهيمية بجوار نفق الإبراهيمية عالبحر مواعيدنا كل يوم من 1-9 و الجمعة من 1-4

ليه التطعيمات مهمة لأليفك

ليه مهم إني أطعم كلبى أو قطتى:

• عشان أحمى حيوانى الأليف من أى مرض ممكن يصيبه
• عشان أرفع مناعة حيوانى الأليف ضد أمراض معينة
• عشان أحمى نفسي و عيلتي من الأمراض الخطيرة ألى ممكن تتنقل من الحيوانات للإنسان

مهم جدا إنى أعرف إن كتير من الأمراض ألى ممكن تصيب حيوانى الأليف لو مش متطعم ممكن تكون خطيرة و تؤدى للوفاة أو حتى مرض مزمن يفضل يتعالج منه مدة طويلة و بيبقى مرهق نفسيا و جسديا لأليفك.

أمتى أقدر أطعم حيوانى لأليف:

الحيوانات الأليفة بتبقى محتاجة تطعم و هى فى عمر صغير عشان حمايتهم غالبا فى عمر 8 أسابيع فى الجراوى و القطيطات .
بعض الحيوانات البالغة ألى متطعمتش قبل كده أو مكملتش كورس تطعيمتها طبعا هتبقى محتاجة تبتدى من أول و جديد.
عشان كده مهم جدا أنى أتابع مع الطبيب البيطرى تطعيمات حيوانى الأليف و الوقت المناسب للتطعيم.

أمتى أقدر أخرج بكلبى أو قطتى بره البيت:

مهم جدا لحيوانى الأليف الخروج و اللعب عشان ده بيديه ثقة و سعادة و تعود على الأشخاص بس فى نفس الوقت لازم تطعيماته تكون كاملة عشان حمايته و حمايتك.

هل محتاج إنى أطعم حيوانى الأليف البالغ؟

زى الحيوانات الصغيرة الحيوانات البالغة بتبقى معرضة لكتير من الأمراض و مش معنى أنه بالغ يبقى المناعة عنده أقوى بل بالعكس ممكن يكون أكتر عرضه لأخطار المرض من الحيوان الصغير فى السن و عشان كده مهم جدا أنى أتابع مع الطبيب البيطرى تطعيمات حيوانى الأليف سواء بالغ أو لسه صغير.

طب لو نسيت جرعة التطعيمات أعمل أيه:

زى ما قلنا مهم جدا أتابع مع الطبيب البيطرى مواعيد الجرعات و الجرعات التنشيطية للتطعيمات ولو مفاتش وقت كتيرمن ميعاد الجرعة ممكن أحجز الجرعة التنشيطية فورا و لو فات وقتها بمدة لازم نعيد جرعات التطعيمات من الأول.

هل ممكن كلبى أو قطتى يتعبوا من التطعيم:

التطعيمات بتبقى مصنعة تحت قواعد و ظروف شديدة الأمان و السلامة و بتبقي مصممة خصيصا عشان تحمى أليفك من أى أصابات من الأمراض و نادرا ما ممكن يحصل أعراض جانبية للتطعيم و عشان كده لازم حيوانك الأليف يتطعم عند الطبيب البيطرى المعالج المسؤول عن صحته و سلامته.

أنا أليفى ما بيخرجش بره البيت .. هل ضرورى يتطعم:

ممكن أليفك يكون مبيخرجش بره البيت لكن حضرتك أو أسرتك بتخرجوا و ممكن يجي البيت ضيوف و كتير من الأمراض بتنتقل عن طريق البيئة المحيطة لينا ممكن جدا عن طريق الملابس أو الأحذية و عشان كده لازم ناخد حذرنا و نطعم حيواننا الأليف حتى لو مبيخرجش بره البيت:

أيه هى التطعيمات المهمة لكلبى و لقطتى:

التطعيمات المهمة لأليفى هى التطعيمات الأساسية المهمة جدا لحمايته من الأمراض
بالنسبة للكلاب:
• البارفو
• الديستمبر
• البارارإنفلوانزا
• الإلتهاب الكبدى
• الكورونا
• الأدينوفايروس
و دى من أهم الأمراض ألى بتصيب الكلاب و ممكن تؤدى لوفاة أليفك ده بالإضافة طبعا لتطعيم السعار و ده أساسى جدا سنويا لوقاية أليفك و أسرتك من واحد من أخطر الأمراض المتنقلة.
بالنسبة للقطط:
• الهربس
• كاليسي
• طاعون القطط
• ليوكيميا القطط
و دى برضه من أهم الفيروسات ألى بتصيب القطط و ممكن تؤدى لوفاتهم بالإضافة لتطعيم السعار السنوى كذلك.

و أخيرا ضروري جدا المتابعة مع طبيبي البيطرى لمعرفة التطعيمات المناسبة لأليفى و الميعاد المناسب لها و متابعة ميعاد الجرعات.

تقدروا تكلمونا على 01559886871 أو تزورونا فى 6 شارع حسين كامل الإبراهيمية لمعرفة التطعيمات المهمة لأليفك 🥰🥰

بمناسبه الافتتاح
الزيارات المنزليه مجانا 🐱🐶
مع عياده pethoven البيطريه هنحافظ على سعاده و صحه أليفك من خلال خدماتنا المتنوعه:
رعايه طبيه على مدار اليوم
تطعيمات
مستلزمات
خدمات الgrooming and showering 🚿
مكاننا في: 6 شارع حسين كامل الابراهيميه امام نفق الابراهيميه على البحر

أليفك جزء مهم في حياتك 🐱🐶
مع عياده pethoven البيطريه هنحافظ على سعاده و صحه أليفك من خلال خدماتنا المتنوعه:
رعايه طبيه على مدار اليوم 💊
مستلزمات 🧶
إستضافه 👣
خدمات الgrooming and showering 🚿
مكاننا في: 6 شارع حسين كامل الابراهيميه امام نفق الابراهيميه على البحر

Pethoven's pet heaven updated their business hours.

perfect care for your lovely companion around the clock
call now

“Time spent with cats is never wasted.”
– Sigmund Freud.

“The only creatures that are evolved enough to convey pure love are dogs and infants.”
― Johnny Depp

“Dogs do speak, but only to those who know how to listen.”💓

stay tuned

Now it's easier to call Pethoven's pet heaven.