Caesar Vet Scan

التشخيص السريع بالاشعه للاجسام الغريبه، يعطى فرصه اسرع للتدخل و الشفاء
فى حاله الشك ان اليفك بلع جسم غريب، لا تتردد فى التواصل معنا

حاله تضخم فى المرىء، خلى بالك لو اليفك عنده حاجه من الاعراض دى
قىء بعد الاكل مباشره، او بعد فتره
اصوات غريبه اثناء البلع و الاكل
انتفاخ غريب فى رقبه الاليف
قله الاقبال على الاكل و الشرب
دى كلها علامات لتضخم المرىء
الاشعه الرقميه بتفيد جدا فى تشخيص الحاله، وبيتم اجراء اشعه تاكيديه بالصبغه عشان نتاكد من التشخيص السليم
دمتم واليفكم فى رعايه الله

Caesar Vet Scan is now on WhatsApp.

👈الفتق في الحجاب الحاجز بيكون عبارة عن ثقب في النسيج العضلي للحجاب الحاجز اللي بيفصل القلب❤️ و الرئتين عن باقى اعضاء الجسم (المعدة و الأمعاء و الكبد). 👈تشخيص الحالة انها فتق بالحجاب الحاجز بيفضل فرضية او اشتباه بيشتغل عليها الطبيب البيطري لما بتيجي له حالة لأليف عنده صعوبة في التنفس، لكن بالأشعة بيتأكد من وجود الفتق و بيقدر كمان يشوف اي عضو من اعضاء الجسم اتحرك من مكانه و بدأ يدخل من الفتق و يضغط على الرئة و يسبب صعوبة التنفس او عدم انتظام في دقات القلب. 👈فتق الحجاب الحاجز نوعين: نوع خلقى بيتولد بيه الأليف و تظهر اعراضه خلال السنة الأولى او التانية من حياته، و النوع التاني بيحصل نتيجة حادث او خبطة قوية، بعد الشر عنكم و عنهم و نخلي بالنا اللعب💪 العنيف ❎ممنوع - دمتم و أليفكم 🐾🐾في حفظ الله🤲

الكلبوبة 🐩العسل دي👇 حبت تعلمنا درس جديد
👈ان الكوفيد 19 مش هايقف في طريقنا و ان الحياة هاتستمر 💪
يمكن ده المعنى المجازي اللي كانت تقصد توصله لما بلعت الماسك لكن المعنى المباشر و الصريح بيقول :الأليف🐾🐾 زي الطفل لملم من وراه و من قدامه علشان نحافظ عليهم من المشاكل الناتجة عن ابتلاع اجسام غريبة. دمتم و أليفكم في حفظ الله🤲

👈احيانا القطة 🐈تقع من دور تالت او رابع و ربنا يسترها و بعدين نبتدي نلاحظ انها بتمشي بتعرج و بتكون رافعة احد ارجلها الخلفية من على الأرض ... مباشرة الطبيب البيطري بيشك في كسر في عظام الفخذ و بيحتاج الأشعة علشان توضح اماكن الكسر و تحديد مقاسات لتسهيل اختيار المسامير على جراح العظام... دمتم و أليفكم سالمين🤲

👨‍⚕من فضلك انتبه: هذه المخلوقات الرائعة 🐕 في بحث مستمر عن المشاكل . لما الباشا ياكل مشبك الغسيل غالبا هايحصل انسداد في الأمعاء بتبان اعراض الانسداد خلال 24-48 ساعة من بعد "الحادثة" : ترجيع، رفض الأكل، خمول، صعوبة في الاخراج ... الأشعة بتبين حجم المشكلة (حجم مشبك الغسيل و مكانه) و بناء على الصورة 👇 قد يتخذ الدكتور المعالج القرار باجراء عملية... 👈نصيحة مجرب: عد مشابك غسيلك و احفظهم في مكان بعيد عن متناول "الباشا"✅ - دمتم و أليفكم سالمين🤲

Caesar Vet Scan updated their business hours.

👈أعراض مشاكل الكلى في المرحلة الأولى غالبا ما بتمر بدون ما نلاحظها

خلي عينيك عليها👀🐈:

عمرها 6+ ، كسلانة، بتخس، اكلتها قلت، بتشرب مية كتير و تعمل حمام كتير ... يبقى الأفضل نطمن على الكلى ✅

دمتم و أليفكم سالمين💝

Caesar Vet Scan Digital X-Ray for Your Pets

👈استخدام الأشعة بالصبغة بيساعد في تشخيص حالات الانسداد في الأمعاء بشكل دقيق ، فقد يتخذ الطبيب المعالج قرار بعدم ضرورة اجراء عملية و الاكتفاء بالعلاج الدوائي في ضوء ما يتم اكتشافه بعد اجراء الأشعة ... لو واضح ان البطن مشدودة و منتفخة مع مؤشرات اخرى زي الخمول و فقدان الشهية و تغير في الحمام يبقى أليفك محتاج اهتمامك ... رجاء ماتتأخرش عليه 🕝 لان كل ما تعرف السبب بدري كل ما قدرت تساعده اكتر. دمتم و أليفكم في حفظ الله🤲

👈لو لاحظت ان قطتك 🐈 بتعرج او بتتجنب تضغط على احد ارجلها الخلفية احتمال تكون بعد لعب و نط و مجهود بدني عنيف صابونة الركبة اتحركت ... بنقول عليهم ب 7 ارواح اه ... بس ده كلام 😉

👈ليس كل ما تبتلعه القطة 🐈 بيتهضم ... و من المشاكل الشائعة ان القطة تبلع ابرة و ساعات ابرة بخيط ... لو عندك شك ان القطة بلعت جسم غريب ... الأن يمكنك ان تقطع الشك باليقين ... و تحدد المشكلة بشكل دقيق و دي أول خطوة في العلاج.