Amal Abd Elmonem / psychologist
Psychological counseling services /psychological guidance
07/12/2023
فعاليات ورشة رحلة اكتشاف الذات🥰🌹
07/08/2023
✨صورة تُجسد مرارة الحياة فى كثير من البيوت
توضح مدى انانية الوالدين وعدم مراعاتهم لنفسية اطفالهم والعجيب فى الامر انهم معتقدين انه مجرد شجار بسيط وهيعدى بس للاسف الشجار البسيط ده بيكمل لحد اخر عمرهم من اعراض صدمة وقلق وغيرو من المشاكل النفسية اللى ممكن يتعرضوا لها
✨رفقاً باطفالكم فضلاً 🙏🏻
👈🏻مش قد المسؤلية ….متخلفوش …..اعتمدوا على نفسكم وتحملوا مسؤلية بعض كأزواج قبل ما ….تخلفوا 👨👩👦 (عشان تعرفوا تتحملوا مسؤلية طفل)❤️🌹
👈🏻انانيين ….متخلفوش ….اتعلموا العطاء والحب قبل ما ….تخلفوا 👨👩👦 (لان الامومة والابوة عطاء بلا نهاية وحب غير مشروط)❤️🌹
👈🏻غير ناضجين انفعالياً ……متخلفوش ….اتدربوا على ادارة الغضب قبل ما …..تخلفوا 👨👩👦
👈🏻غير واعيين ب اساسيات تربية الطفل ……متخلفوش ….اقرأوا واتثقفوا قبل ما ….تخلفوا 👨👩👦
👈🏻عندكوا مشاكل نفسية ….. متخلفوش …اتعالجوا قبل ما ……تخلفوا 👨👩👦
05/08/2023
بالتوفيق يا دكتور محمد ومن نجاح لنجاح دايما 🌺
https://www.facebook.com/brzan85
احذري أن تفعلي هذه الأشياء مع الرجل في بداية العلاقة يا ترى إيه هي؟ محمد برزان هيقولك في الفيديو ده احذري أن تفعلي هذه الأشياء مع الرجل في بداية العلاقة 💔 يا ترى إيه هي؟ اللايف كوتش محمد برزان هيقولك في الفيديو ده قناة الشمس ترفيهية منوعة تبث مجانا علي الق...
21/07/2023
الصور اللى من النوع ده اهم ما يميزها انها بتسمح لكل واحد انه يشوفها من منظوره الخاص ✨
رؤيتى انا ليها انها صورة بتوضح حال كتير من الازواج
هنا بتكلم عن الرجال مش اشباه الرجال اللى بيستخدموا المرأة وسيلة بأنهم يثبتوا لنفسهم مدى قوتهم
كلامى هنا عن الراجل المضغوط و اللى بيعانى من كثرة التفكير ومكبل ب الكثير والكثير من المسؤوليات ويطلع كل ده فى بعض الاحيان فى صورة غضب وهو فى الاصل ممكن يكون بداخله مشاعر كتيير تانية زى الخوف او عدم شعور بالامان مثلا وللاسف ميعرفش يعبر عنها لأنه راجل فى منظور المجتمع اللى مكتفه بكلمة الراجل مايخافش الراجل ميعيطش الراجل هو اللى يسند ومينفعش يقع او يرتاح شوية لأ لازم يفضل قوى
لاخالص علفكرة هو انسان عادى حقة يشعر بالضعف ويطلب مساندة من اقرب الناس ليه
المقصود من كلامى انك ك زوجة اما تلاقى فى غضب (بأكد تانى بقصد هنا الرجال مش اشباه الرجال )😅
حاولى تتعمقى الى ما وراء الغضب ده ممكن تكتشفى انه طفل صغير محتاج احتواءك زى ما الصورة بتوضح كدة
حاولى تساعديه انه يهدأ ويعرف يعدى نوبة الغضب دى بأقل الخسائر
ربنا يعينا جميعا ويرزقنا الهدوء والسكينة❤️🌹🌺✨
20/07/2023
حقيقى اللى لافتنى فى الحكاية انهم اقتصروا الاسباب كلها فى الشعر والضوافر 🙄😅
يعنى هما دول السبب فى انها مش عارفة تتواصل مع جوزها واولادها 🤔🧐
ده على اساس ان جوزها واولادها دول ملايكة وان بيتها ده جنة الله على الارض 😅😅مفيش بقى اى ضغوطات تخليها تعانى من مشاكل نفسية تمنعها من التواصل الجيد مع أقرب الناس ليها ولا فى اخطاء تفكير تخليها تبقى بتشوف كل حاجة من منظورها هى بس وطبعا بيبقى منظور غير سليم …لأ خالص هو السبب فى الشعر والضوافر 🤷🏼♀️🥴
ياريت نفوق من الجهل ونرجع لربنا ونتثقف شويه 🙏🏻🌹❤️
19/07/2023
كل عام وانتم بخير 🌹❤️🌺
19/07/2023
طبعا البوست حلو جدا والمقصود منه كويس جدا بس مع كامل احترامى للفكرة وللمجهود عندى تساؤل صغير هو ليه مجسدين صورة البنت بالضعف ده ؟!
هو اه المفروض الشباب يبقى عندهم نخوة بان لو شافوا حاجة زى كدة يدافعوا عن البنت بس برضوا البنت مش المفروض انها تستنى حد ياخد رد فعل عنها ويجيبلها حقها 🙄😒
انا مع ان البنت تكون ب ١٠٠ راجل وتوقف اى حد عند حده 👊🏻💪🏻
افتكر وانا صغيرة اول ما دخلت المدرسة بابا قالى جملة عمرى مانسيتها ودايما حاضرة فى ذهنى فى كل موقف بمُر بيه فى حياتي ❤️✨
قالى لو حد ضايقك فى المدرسة لازم يكون ليكى رد فعل فى الموقف و تاخدى حقك بس بالادب مش بقلة الادب عشان متضيعيش حقك ولو حسيتى انك مستكفتيش تعالى احكيلى وانا اخذلك حقك تانى وتالت بس الاهم متطلعيش من الموقف إلا وليكى رد فعل عشان ميستضعفوكيش 🥰
ومن ساعتها لحد دلوقتي وانا باخد حقى تالت ومتلت ومش بسمح ب ان حد يتعدى حدوده وكله بالادب ✌🏻💪🏻☺️
المقصود من كلامى انه متستنيش حد يجبلك حقك انتى ولا ضعيفة ولا مغلوب على امرك 🥹😔
لا خالص فيكى لسان تعرفى تردى بيه رد يلجم اى حيو..ان
ولازم تكونى فاهمة طبيعة شخصية المتح..رش واهم صفة بتميزه الجُبن
يعنى يخاف من البنت القوية دائما بيختار البنت الضعيفة عشان هتسكت ومش هيكون ليها رد فعل عليه 🥹
البنت القوية هنا بمعنى انها واعية ومتيقظة وصوتها قوى ونبرة صوتها ونظراتها حادة 🤓
مثلا قاعدة فى المواصلات ومش مرتاحة واللى جنبك اخد راحته فى المكان بمنتهى البساطة تقوليله و بنبرة صوت واضحة وقوية شوية كانك بالعة جاموسة كدة 😅😅(حضرتك ممكن تروح هناك شوية انا مش عارفة اقعد )عادى يعنى مش هتستنى بقى يخبطك او حد يقوله الانسة مش عارفة تقعد يا استاذ 🤓🥴
وبنفس الطريقة كدة تتعاملى فى كل المواقف ومتستنيش حد يجيبلك حقك اتصرفى انتى وبالادب برضو💪🏻😅
30/06/2023
كلام البوست ده فكرنى ب بوست تانى عجبنى اوى
واحدة كانت كاتبه ( الرجاله كلهم زى بعض )
رد عليها واحد بمنتهى البساطة (مين قالك تجربيهم كلهم )
✨اتفقت معاه جدااا
-ايه اللى يخليكى تعطى مشاعرك لمن لا يستحق وترجعى تزعلى🥹
-نفس الفكرة هنا ايه اللى يخليكى تسمعى كلام حلو من اكتر من حد وتسمحى بأن يُسلب منكِ ابسط حقوقك كأنثى بأنك تستمتعي ب الاثر الايجابى للكلام اللطيف وتوصلى نفسك للنوع ده من البرود 🤷♀️
انتى اللى رخصتى مشاعرك ومعملتيش حدود من الاول اولا عشان تتأكدى من صدق الشخص ده وثانيا عشان ماتبقيش اديتى فرصه لمن لا يستحق 🙄😉
ف العيب هنا مش بس على بياع الكلام اللى مش بينفذ بمواقف واخره كلام لا كمان على اللى سمحتله بانه ياكل بعقلها حلاوة 🙂
-تمهلِ فى اختياراتك وامشي بما يرضى الله وصونى مشاعرِك ربنا وضعلك حدود عشان تكونى مِتصانه التزمى بيها و
ربنا هيكرمك ب اللى يستاهل مشاعرك ويصونها ويسمعك الكلام الحلو ويكلل الكلام الحلو ده بالمواقف اللى تثبت صدق كلامه 😊🌹
قرأت قبل كدة جمله عجبتنى اوى
ان الانسان الجاهل هو اللى عقله على اطراف جسده
-بمعنى انه لمابيتضغط بيش.تم (اللسان)او يض.رب (اليد)
بغض النظر عن سبب الشِجار الحي.واني ده ازاى الامهات دى بتتصرف كدة وهما حاملين اطفالهم يعنى مش خايفين ليتخبطوا او يحصلهم حاجة
تخيلو معايا الامهات دى وهى بتربى ولادها تفتكروا بيربوهم ازاى بيقولولهم مثلا اللى يض.ربك اض.ربه (وده طبعا مصيبه )
ولابيقولولهم لا اوعوا تعملوا كده وبكده يبقوا متناقضين بيقولوا حاجة وبيعملوا عكسها (و دى تبقى مصيبه برضو)
وفى الاخر تيجى وتشتكى ابنى بيض.رب اخواته وماسك فى زمارة رقبتهم مهو حضرتك لو انتى مش بتتعاملى بالطريقة دى (الض.رب ) هو هايعرفها منين 🙄🤷♀️
لمًا بيجيلى طفل عنده سلوك الض.رب والغضب اول حاجة بنتفق مع بعض ان الشجار والض.رب الهجومي الهم.جى ده عند الحيوانات بس لكن احنا البشر عندنا عقل وبنعرف نفكر ونتكلم ونعبر عن اللى جوانا ف لما نتعرض لنوبة غضب بنتكلم ونقول مثلا (انا متضايق /مش عايز اتكلم دلوقتي ) ونقعد لوحدنا نعمل التنفس بعمق وغيره من وسائل تهدئة الغضب ولما نهدأ نرجع نتعامل تانى
ف ازاى هيعرفوا يعملوا ده والاهل بالهم.جيه دى
ياريت نتربى قبل ما نربى فضلا 🙏🏻
طبيعى نشعر بنوبات الغضب 😤😡خلال يومنا بس مش طبيعى ان يكون لينا رد فعل نندم عليه بعدين 🙂
لازم نعمل حاجة اسمها إدارة غضب عشان نسيطر علي الغضب ومنسمحش بانه يكون هو المسؤول عن رد فعلنا ويخسرنا حاجات مهمة بالنسبالنا 🫣🤷♀️
الحسد وسنينه😒🧿😅😅😅
28/04/2023
والجدير بالذكر ايضا انها مكنتش هتعرف تعمل كل ده لولا وجود زوج صالح و سوي نفسيا وداعم ليها ويساعدها على انها تتقدم فى حياتها✨❤️🌹
فكرة ولابد من تغييرها 🙄👇🏻🌹
✨تلبسى فستان غالى تتشافى فيه مش كامله وناقصك حاجات ولا تلبسي فستان بسيط وتتشافى فيه كامله وست البنات .
✨تاكلى فى مطعم معروف بأحلى الاكلات وتتسممى بأمّر الكلمات ولا تاكلى ابسط الاكلات وتسمعى وتغذى روحك ب ما ألذ وطاب من الكلمات.
✨تعيشى فى بيت كبير فخم وتحسي الوحدة والغربة ولا تعيشي فى بيت صغير ملئ ب الدفا والامان و الونس و احلى الذكريات.
✨ ف يا فتاه اختارى حياة لكى وليس مجرد عمر ينقضي واسأل الله ان لا تبتلى بأن تلبسي وتأكلى وتعيشي البسيط مع أمّر الكلمات حفظك الله وحماكى وارزقكى زوج صالح يعيشك اجمل اللحظات 🤲🏻❤️🌹
07/04/2023
✨غالباً كتير مننا فى حياتهم حاجات بيعملوها بس غير مدركين لاهميتها ومدى تأثيرها على حالتهم النفسيه والمشاعر المصاحبة للانشطة اللى بيقوموا بيها خلال يومهم .
✨لازم نركز شويه مع نفسنا ونفهم حقيقة مشاعرنا ونكتشف مسببات السعادة لينا و نطبقها بشكل يومى .
✨وطبعا الحاجات اللى هتبسطنا او هتخلينا نحس احساس حلو بتختلف من شخص لآخر .
✨ده مجمع لأكثر من نشاط دوره انه يخلينا نحس مشاعر كويسة خلال يومنا.
✨اختاروا الانشطة المناسبة ليكم وطبقوها بشكل يومى او كل ما تحسوا بمشاعر غير مرغوب فيها .
✨و استمتعوا بالحلو الموجود بحياتكم
ربنا يسعدكم جميعا 🌺🌹❤️
رسالة لكل ربة منزل بلاش تبخلى على نفسك بالراحة والسكينه اخلقى لنفسك الوقت لإسعاد نفسك عشان تقدرى تتغلبى على ضغوطك وتقومى بدورك بالشكل اللى يرضيكى بدون تأنيب ضمير ❤️🌺
حقيقى ربنا يقويكم ويعينكم جميعا 🌹❤️
ازاى تفسيرنا للموقف هو المسؤل عن التواصل بينا وبين الاخرين🙄🌹
سلسلة فيديوهات التشوهات او الاخطاء المعرفيةpart5
قراءة المستقبل🙄👇🏻
سلسلة فيديوهات التشوهات او الاخطاء المعرفيةpart4
قراءة العقل 🙄👇🏻
سلسلة فيديوهات التشوهات او الاخطاء المعرفيةpart3
الأفكار الإلزامية 🙄👇🏻
سلسلة فيديوهات التشوهات او الاخطاء المعرفية part2
الكل او اللاشيء 🙄👇🏻
هو انا مميز ولا كلى عيوب زى ما بيقولوا ؟🥹💔
16/02/2023
عيد حب سعيييد❤️🙄
ها! صُحابنا المرتبطين والمخطوبين والمتجوزين والحبيبة ..خلصتوا .. لفلفتوا 🙄😏😒🤣
انهاردة بقى للمجروحين 🥹💔❤️🩹💝🥰🫶🏻🌹❤️
إزاى نتعامل مع الم الفقد💔❤️🩹
العقاب الايجابي بديل ال 🩴🤣🤣
يعنى ايه علم نفس 🥀🌹
مين انا وبعمل ايه هنا 🙄🥰
23/01/2023
Click here to claim your Sponsored Listing.
Category
Contact the practice
Telephone
Website
Address
Marina Raafat
San Stefano
Alexandria
I’m a certified life coach and a pharmacist as well. Here Iam offering help and support for all. For
Mahmoud Rashed - محمود راشد
Alexandria
MA, Psychotherapy sessions معالج نفسي، ماجستير علم النفس الإكلينيكي، جلسات علاج نفسي
مركز الوان
الاسكندرية, ش ابراهيم حسنى امتداد, وابور المياه, برج جراند زمزم الدور الاول مركز ألوان للدعم النفسي والعلاج الطبيعي
Alexandria, 21500
مركز ألوان للدعم النفسي والأسرى العلاج الطبيعي يتقدم فى ألوان خدمات تأهيلية للاطفال والمراهقين وذوى القدرات الخاصة
مروة خاطر اخصائية تخاطب وتنمية مهارات و صحة نفسية للطفل marwa khater
شارع الشامي اوله سوبر ماركت اولاد رزق بجوار شارع مدارس القدس ميامي الجديدة متفرع من مصطفي كامل 45 ناحية الدولي
Alexandria
مستشفى سان كاراس شارع مدارس القدس ناحيه الدولي وناحيه 4
Samar Hamdy Abou Taleb
شارع سموحة, الاسكندرية, الاسكندرية, مصر
Alexandria, 21615
علاج الاكتئاب/اضطرابات القلق/الوسواس القهري/كرب ما بعد
وعى للصحة النفسية
Alexandria, 21500
طبيب نفسي ، أخصائي نفسي ، مرشد نفسي ، أطفال ومراهقين وبالغين ، ادمان ، علاج زواجي ، قلق ، إكتئاب ....