Mahmoud Rashed - محمود راشد

الأسئلة الصعبة مع نفسك والاجابات الأصعب عليها غالبا بيبقى نتايجها حل للمعاناة بتاعتك... مواجهة نفسك عموما زي ما بيقول عالم النفس كارل يونج بيجاوب على الحاجات اللي انت مش قابلها من حواليك

سعيد بمشاركتي في المدرسة الشتوية ٤ بنوبيع للعاملين في المجال النفسي من الأطباء النفسيين والمعالجين النفسيين🙏❤️
#٢٠٢٤

كنت مسافر فالسواق لما عرف اني معالج نفسي بيقولي ابطل السجاير ازاي، فسكت خمس ثواني، ورديت عليه ان اهم حاجة ما تزودتش عن السجاير، لو حد عزم عليك بحاجة ارفض تماما، ومع الوقت ما تزودتش عن علبة سجاير وقلل تدريجي، قالي فعلا انا ما بشربش اي حاجة غير السجاير... قلتله تمام جدا برافو اثبت على ده
الحقيقة لقتني بقله كدة لأن مجتمع السواقين منتشر بينهم شرب الحشيش والتعاطي عشان يقدر يسوق فترات طويلة، وحبيت احسسه ان اللي انت بتعمله ده عظمة جدا وكمل عليه وطور ....
مفيش اسطامبات في مساعدة البني ادمين.... كل واحد عنده حكايته اللي بتحتاج مساعدة مختلفة

جزء من تكويننا في تربيتنا اننا نقدر نعمل كل حاجة وان اي احتمال تاني غير ده فاحنا نبقى مش كفء وفاشلين
والحقيقة دي فكرة سلبية ممكن نتايجها توصل ان الشخص يبقى مدمن او مريض نفسي
احنا كبني ادمين عندنا محدودية ومش أبطال خارقين في كل شيء، ممكن تبقى بطل خارق في الموهبة اللي ربنا رزق بها، لكن مش حتقدر تعمل كل حاجة
والعلاج انك تعيش بالمتاح واللي موجود دلوقتي واشتغل على تحسينه اد ما تقدر

وجود مسار للغضب يساعدك انك تقلل من غضبك، زي سيل المطر لو ملوش مسار عشان يتصرف، حيتراكم وممكن يبقى مدمر
مسارات الغضب، زي الكتابة اليومية، الرسم، التلوين، التسجيلات الصوتية لاسباب غصبك، مشاركة علاقة آمنة بغضبك

المواقف اللي بتلاقي نفسك غضبان، بتبقى فرصة انك تشوف سبب الغضب ده ايه، ممكن يبقى احساس بالذنب، أو بانك مرفوض، أو ظلم.... وغيرهم من الأسباب اللي الغضب بيبقى مغلفها
وده يساعدك في الوعي بنفسك وبالتالي تفهم تصرفاتك وانك مع الوقت تاخد خطوة في مواجهة الغضب ده

الذكريات خاصة المؤلمة بتمثل تحدي أثناء رحلة النمو النفسي، لان ممكن تلاقي موقف يحصل فتلاقي نفسك مثلا غضبان جدا رغم ان الموقف ما يستدعيش الغصب ده، بس ده بيبب ان الموقف ضغط على زرار استدعى معاك موقف قديم مؤلم شبه الللي حصلك دلوقتي
البداية في التعافي من الذكريات المؤلمة انك تكتب او تسجل لنفسك صوت اللي بيحصل اول ما الموقف يحصل وتبدأ تسأل نفسك هو اللي حصل ده بيفكرني بايه زمان؟

ما تتخضش لما تلاقي نفسك انك مغمور بمشاعر تقيلة في موقف صعب انت بتعدي بيه، ده طبيعي يحصل ومعناه صحي جدا
وفي اللحظة دي انت بتبقى محتاج انك تشارك ناس ثقة يسمعوك دون احكام باللي انت حاسس به، ده حيساعدك تحتوي وتقبل مشاعرك

جزء كبير من الثقة بالنفس بيجي من الحاجات الصغيرة الفعالة اللي بتواظب على عملها، الموضوع مش معجزة او حاجة كبيرة تحصل زي ما ممكن تكون فاكر

ساعات بيبقى الخوف من الوقوع في الخطأ بيبقى جاي انك خايف من تعرضك للتنمر زي اللي اتعرضت له زمان من مقربين لما وقعت في الخطأ وما لقتش الحماية ساعتها
ووعيك ان ده بيحصل دلوقتي بالشكل ده حيساعدك في التعافي، وانك تبقى محتوي حدوثه بانك تفصل نفسك عن السياق وان الموقف الحالي ده سياق مختلف عن السياق اللي حصلك في الماضي

من عوامل التعافي من الاكتئاب تواجد دواير الدعم والونس، لأن ده بيبقى عامل زي المضاد الحيوي لعلاج اثر الشعور بالوحدة اللي بقاله سنين
اولا الاسرة بتمثل دور مهم في ده، ولو المشكلةي معاهم يجي بعد كدة العائلة الاكبر والاقارب، لو مفيش يبقى الاصدقاءسواء اللي تقدر تقابلهم او المساقربن وممكن تتواصل معاهم بالفيديو كول
انا عارف انك مفضل الوحدة ومريح دماغك، بس دي خطوة حتى لو في اولها تقيل بس حتحس بفرق بعديها

جزء من تحسنك النفسي حتحس بيه لما توقف مقارنة نفسك بأي حد... توقف تفكر ان الاولانيين عملوا احسن منك في ايه ولا التانيين أسوأ منك في ايه...

حاول تطلع نفسك برة التحديات اللي بتواجهها وتبص على نفسك من برة، لان وانت جوة المشكلة مش بتشوف الصورة كاملة...
وده ممكن تعمله مع نفسك انك تحاول تتكلم بصوت عالي مسموع عن اللي بتواجهه، أو تتكلم مع حد ثقة يساعدك في ده

الفكرة الايجابية ممكن تشجعك انك تعمل سلوك كويس، بس حتحتاج ان يكون عندك مجموعة من القيم تضمن استمرارية السلوك الكويس ده
واكتشاف قيمك من خلال انك تشوف اكتر ٥ مواقف في حياتك فاصلة ومهمة اخدت قرارات مصيرية وتسأل نفسك انا ايه اللي خلاني اتصرفت كدة؟

الأفكار السلبية اللي فجأة بتهاجمك فجأة بتفصلك عن اللحظة الحالية بتبقى عاملة زي ما بتتكلم في التليفون ومرة واحدة تدخل مكان مفيهوش شبكة
وانك تؤجل التفكير في الأفكار السلبية لمعاد محدد يساعدك انك توقف هجمات الأفكار مؤقتا وحدتها تقل...
فمثلا جات فكرة وانت في الشغل ان ممكن مرض معين يجيلك... فتكلم مع الفكرة انك حتتناقش في الموضوع ده بليل الساعة ١٠ واحنا قاعدين على كرسي المكتب
فحدة الفكرة حتقل وبتقدر تكمل تركيزك في شغلك

كل سنة وانت طيب وقريب لنفسك
#٢٠٢٤

Psychotherapy is a process not a destination.

عمرك ما حتحط نفسك أولوية وتبدأ رحلة انك تقرب لنفسك وتبقى حقيقي إلا وحتلاقي بعديها طبقات بتتكشف وبتشوف الدنيا بنظرة تانية تماما.... ناس كنت شايفهم وحشين يبقوا هم الحقيقيين وناس كنت شايفهم ما جاش زيهم يطلع انهم ما جوش اصلا ...وحاجات كنت فاكرها ثابتة ... طلعت متغيرة ... وهكذا كأنك بتروح لأرض تانية مختلفة تماما عن اللي كنت فيه... اقولك على حاجة مفيش ناس وحشة وناس حلوة اصلا ... كلنا فينا الخير والشر.... انت اللي عندك احتياجات بتحاول تلبيها من اللي حواليك... ابدأ رحلتك واستيقظ... واطمن انت ماشي صح ... ما تستوحش الطريق لقلة السالكين والمسافرين...

سعيد بإتمامي اول ١٠٠٠ جلسة نفسية على موقع شيزلونج، وضمن افضل ٦٠ معالج نفسي على الموقع
الحمد لله 🙏🏼

الحمد لله 🙏🏼

التوقعات كل ما ربطها بخيالك حتلاقي نفسك مصدوم والحقيقة دي حاجة انت محتاج تغيرها بأنك تخلي توقعاتك مربوطة بالحقائق اللي حاصلة والواقع بيقول ايه
وانك تدي لنفسك فرصة تشوف الواقع من ٣ ل ٦ شهور في اي علاقة تدخلها في حياتك سواء كانت شغل أو صداقة او حب... حيساعدك انك تحط توقعات واقعية ومن حقك ساعتها انك تشوف ده مناسب ليك او لا ومن حق الطرف الآخر يرفض او يقبل

فكرة انك ثابت والأحداث بتمر بتساعدك انك تتجاوز الألم وبيساعد انك تتعافى..
يعني الموقف الصعب اللي اتعرضت له الاسبوع ده... افتكر انك من سنة عديت بوقت صعب وعدى وتجاوزته... وان من ٧ سنين كان فيه وقت صعب وظنيت انه مش حيعدي وعدى...
انت الثابت.... والمواقف مؤقتة

العلاقات الصحية بتكبر وتتضج:
لما اتعامل بهنا ودلوقتي، بإني لا بديها أكتر من اللي عاوزاه فيخلي عندي توقعات عالية ويخلي الطرف الآخر حاسس اني خانقه ومقتحم حدوده
ولا بتعامل بأقل من اللي عاوزاه فاخلي الطرف التاني يبعد لاني حاطط سور وبيوصله مني جفاء

I'm honored that Recovery Child Center gave me the opportunity to deliver "Burnout" session at Riada American School 🙏🏼

الايجو مش غرور ونرجسية زي ما احنا "بنحب نشوفه" ... الايجو ممكن في مساعدة الناس على حساب نفسك... انك تعمل تضحيات مش مطلوبة وتيجي تطلب حسابها... انك تفضل الصمت وقت الكلام
الصدق مع النفس صعب اوي وانك تشوف الايجو بتاعك ده رزق