دكتور محمد نبيه عامر - دكتور اطفالي

https://www.facebook.com/Dr.MohamedNabehAmer?mibextid=ZbWKwL
دا صفحتنا الرسمية

Dr Mohamed Nabeh بابا دكتور أطفال اخصائي الاطفال وحديثي الولاده
اخصائي امراض الحساسية والمناعة(اطفال-كبار)
اخصائي التغذية العلاجية

https://youtu.be/f_3PZBjSTcs

💧مملكة الهربس المجهولة 💧
- الولد سخن مولع وكل اما ياخد الخافض يسخن تانى 😱😱
واديته اوجمنتين وهايبيوتك ودكتور تانى اداه سوبراكس وابر سيفوتاكس ومفيش اي نتيجة 😭😭
-- ورينى كده زوره يا ماما ،، حضرتك ده هربس ..!
والعلاج مختلف ،، !
مين فيكو يا ماميز مرّ بالقصة دى وحابب يفهم اي الهربس وليه بتلخبط في تشخيصه ؟؟
تعالوا ندردش شوية 👍
بسم الله ...
نظراً لانتشار الهربس كالنار في الهشيم - هوا أصلاً ماختفاش ، قل شوية ورجع بقوة ..
نقول كده وبالله التوفيق شوية قواعد ..:
* القواعد ال #١٠ للهربس*
١. الهربس ده ڤيروس ،، والله العظيم ڤيروس ،، يعنى علاجه مش مضاد حيوى !
٢. المنتشر اليومين دول هربس اللوزتين والحلق ،، وده تشخيصه في قمة الصعوبة والله..
٣. النوع اللي معاه أوبشن سهل التشخيص ده مبقاش بينزل خلاص 😭 يعنى ستّى وستّك عارفين ان القرح والاكياس اللى في الفم واللثة وتحت الشفتين دي هربس ،، اهو ده بالذات قل جداً!
فين أيام الهربس الوسطى الجميل 😁😂
٤. النوع التانى : الأعراض هيا هيا أعراض التهاب الحلق ، حرارة عالية ، فقدان شهية فظيع -ميطيقش حاجة في الفم- ، حيل-غدد- تحت الفكين ، الأهم بأه ،، -الزتونة زى ما بيقولوا -،،
وجود قرح او اكياس Vesicles على اللوزتين او في الحلق ،، مع التهاب الحلق طبعاً.
٥. الفكرة في صعوبة التشخيص ،، ان ساعات يبقى الحلق فيه صديد ،، الفكرة هنا ان صديد البكتيريا بيبقى على شكل "نُقط" ،، عكس الهربس اللى بيبقى على شكل "بُطش أو كُتل" مفروشه داخل " grooves حفر او اخاديد" !!
٦. للأمانة العلمية موضوع النقط والبطش ده اجتهاد شخصى و ساعات التفرقة بتبقى مستحيلة طالما مش في Vesicles،، ساعتها بنلجأ للسؤال عن الاختلاط باطفال عندهم هربس آخر ٢-٣ اسابيع ،، وبنبدأ علاج الهربس طالما التشخيص أقرب ليه..!
٧. الكلام العلمى :
التحسن على أسيكلوڤير (زوڤيراكس- لوڤير-ڤيروستات) خلال٣-٥ ايام.
الخبرة العملية :
الحرارة بتتحسن تماماً خلال ٢٤ ساعه من العلاج ( لو استمرت راجع التشخيص تانى)
والشهية بتتحسن خلال ٣-٥ ايام !
٨. ايزوبرينوزين مش علاج اطلاقاً ،، ماهو إلا منشط للمناعه و مساعد في العلاج للهربس المتكرر. العلاج زوفيراكس .
٩. ايوا ممكن جداً الطفل يصاب بهربس ،، بعد كده يصاب بالتهاب بكتيرى ثانوى في الحلق ،، يعنى لو الدكتور كتب لحضرتك زوفيراكس في الكشف و مضاد حيوى في الاستشارة الدكتور مش غلطان هوا بيدى علاج حسب الكشف وهوا لا يعلم الغيب على فكرة..!
١٠. الهربس بيخفّ لوحده والعلاج بيسرّع الشفاء باذن الله وساعات بيقعد في الخلايا العصبية للجسم ويتكرر بشكل بايخ ومستفز كل شهر او سنة او اقل او اكتر ،، ممكن نستخدم سبراى مخدر للفم -زى بي بي سي- قبل الاكل ،، وندهن القرح والاكياس الخارجية أسيكلوڤير كريم ،، وداكتارين چل ملوش قيمة في العلاج ده ڤيروس مش فطريات .. كمان مسحة الحلق والمزرعة مش موجوده للڤيروسات في مصر كلها Viral culture فمش هتبقى ذات قيمة الا لو الالتهاب بكتيرى،، ودي بتقعد ٣ ايام اصلاً يعنى يكون الطفل اتبهدل منك فلازم تعتمد على الحس الاكلينيكى 👍

النصائح القويه للوقايه من الانفلونزا الموسميه 🤒🤧
**هوي البيت وافتحي الشبابيك وبلاش الجو الفيروسي اللي عايشين فيه ده ⛅️
**غسل اليدين علي الاقل لمدة ١٥ ثانيه بصفة دوريه ع مدار اليوم..
**ابعدي كل الالعاب القطنيه عن اولادك ( الفيروسات عايشه ومتقوقعه فيها كمان)
**استخدمي مطهرات في غسيل ارضيات البيت
**طعمي اولادك مصل الانفلونزا الموسميه وسيبك من اللي يقولك ولادي لما اخدوا تعبوا واصلهم يتعودوا عليه ..اللي زي دول بدأوا ينقرضوا😡
**زمان كان تطعيم الانفلونزا البكتيري خارجي ..لكن حاليا اصبح اجباري في وزارة الصحه والطفل بياخده عند شهرين واربعه وستة اشهر 👌
**علمي ابنك لما يعطس او يكح يعمل ايه كسلوك صحيح
**التدخين السلبي ..مصيييبه ف البيت 🚬
**افصلي الطفل اللي تعبان عن اخواته بلاش موضوع ندفي بعضينا ده
**الفواكه والخضروات:
-الجوافه والبرتقال والليمون والكيوي ..🍋مليانين فيتامين c
-الموز ..🍌ماغنيسيوم بالهبل
-الطماطم🍅..فيها(ليكوبين) ودي حضرتك ماده مضاده للاكسده وبتساعد علي تقوية المناعه ..
**السوايل الدافيه زي اليانسون والنعناع والتليو وياسلام ع شوربة الفراخ وياسلامين تلاته علي عسل النحل🐝
**فيتامين c نقط للاطفال الرضع ٥ نقط مره ف اليوم
**بنزود جرعة فيتامين د في الشتا لاخر توصيات من الاكاديميه الامريكيه لطب الاطفال
**بلاش التجماعات الحزبيه في البيت ‍‍‍
خلي العيال تلعب وتتنطط..تعرفوا !؟؟
ان الاطفال مع اللعب جسمهم بيفرز مواد طبيعيه اسمها (اندروفين) ودا بيساعد علي تقويه المناعه وبالاخص في الشتا...👍
**وطبعا بعد اللعب والشقاوه هيناموا نوم كافي وجسمهم هيستريح وبالتالي هيساعد في تقوية المناعه
**خارجين من البيت .☔️.طب تعرفي ان فيروس الانفلونزا بيتعرف علي الحراره المختلفه يبقي لازم نشرب ميه او نغسل وش الطفل قبل مايخرج ..
**الطفل الرضيع اهم حاجه ليه هي الرضاعه..🍼اه والله الرضاعه..مفيش بعدها مناعه...ومتنسيش نقط محلول الملح للانف
** افضل الطرق لاذابة البلغم عند الاطفال هي شرب الميه،، تخيلي!!
**الشور 🚿 مفيش مشكله منه بس نحافظ علي درجة الحراره ..مش ياخد شور ويطلع البلكونه حضرتك ...وافضل وقت قبل النوم
** مش عيب اننا نلبس ماسك طبي 😷 لو تعبانين ،، بتفرق في عدم نقل العدوي بنسبة كبير جداً

موضوعنا النهاردا هيكون عن التبرز اللارادى 💩💩💩
او عدم تحكم الطفل فى البراز
🙈🙈🙈🙈
المفروض أن الطفل غالبا بيبدأ يتحكم فى البراز بعد سن سنتين ودا بعد التدريب بدري والمحايله والمناكفه والذي منه 😁😁
طااااايب .. هو تحكم فى البراز وبعدين رجع مبيتحكمش أو بأه بيعمل ع نفسه براز وهو صاااحي ..😎ودى مشكله ممكن كلنا نتعرض ليها مع اولادنا وهنقول اسبابها دلوقتي 👌👌👌
● اول سبب هو الإمساك 😫😫😫
و دا بيتشاف ف الاطفال اللي بيقعدوا قدام التلفزيون أو الموبايل فترات طويله جدا لدرجه انهم بيحبسوا البراز جواهم عشان خايفين يقوموا ويفوتوا جزء م الكارتون مثلا 😏😏
او بيلعب لعبه مش عاوز يفوتها ولو راح الحمام يعمل حااجه بسيطه وجرري تاني عشان يكمل لعب 😏😒
● تاني سبب هو الطفل العنيد ودا بيعاند مع مامته ف الحمام 😤😤وبيكون شبه اللي فوق دا بس اكتر عندا .. تلاقيه مثلا بيعمل تحت السجاده ولا ف اى ركن زى القطط كدا 😭😭😭ومنتشي وهو بيعمل ..بيغيظ ف امه😃😃
● تالت سبب هو سوء التغذيه 🐸ودا للطفل اللي بياكل بدائل الأكل زى العصائر والشيبسي والحاجات اللي مفيهاش ألياف دى 🍖
》》》طب اى اللي بيحصل طيب والمشكله بتتم ازااااى !!؟
الطفل سواء اللي بيحبس الحمام بسبب اللعب أو العنيد أو اللي اكله متنيل ووحش😏 هيتمدد القولون بتاعه بسبب تجمع البراز جوااه ...هيؤدى إلى أن بطن الطفل تتنفخ وتحجر والطفل ع طول بطنه وجعاه 😨😨
وبالتالي بعد تمدد القولون .. خلاص مبقاش فيه اشارات بتتبعت م القولون للمخ أنه اتملي فلازم نفضى😢 ..ابدااا ...ابسليوتلي ..دا هو مش حاسس أنه عاوز يعمل حمام اصلا .. 🤕بس القولون مليان فالحاجات تقع غصب عنه ..😭😭 هو فعلا مش حاسس بأنه بيعمل ولا قاصد .. معدش ف احساس بالرغبه للحمام عنده بسبب اتساع القولون 😲😲
البكتريا الموجودة ف الجهاز الهضمى بأه تشتغل ع البراز دا فتعمله. تخمر وتعفن وتبقي ريحه البراز الوحشه 😖🤕...ماهى ناقصه 😬😬
وساعات البراز وهو نازل يعمل شرخ ف الشرج فالطفل يكره يعمل حمام اصلا والدنيا تتنيل بنيله اكترر...يلا بجمله المصائب🤯🤯
》》》طب نيجي للعلاج بأه وهنمشي ازاااى !!!!
• اهم جزء ف العلاج هو تفريغ القولون م البراز اللى فيه وبالتالي نحاول نخلي القولون يرجع لحجمه الاصلي ويبدأ الطفل يتحكم ويتبعتله اشارات لدخول الحمام ..حلو ..بس ازاى😎
يعنى الطفل اللى عنده المشكله دى مطالب م الام انها تقعده ع الحمام بعد كل وجبه بربع ساعه ع الحمام لمده ربع ساعه يحززززق ويجيب آخره لعند ما يفضي وف بعض الأحيان يلزم عمل حقنه شرجيه يوميا بعد الغدا عشاان نفضي بطنه .. وممكن الملينات اللبوس تقضي الغرض🤗🤗🤗
• بعد كدا لازم الأم تعرف أن شرب الميه بكثره مهم جداااا
• كمان الخضار والفاكهه مهم جدااا جدا
• البعد ع بدائل الأكل والشيبسي والقلبظ والحاجات دى.
• يوجد بعض الأدويه اللي بتحسن حركه الامعاء فبتساعد ف تفريغ محتوى البطن 😊
• بالنسبه الطفل العنيد الموضوع هييجي معاه بالعكس لو ضربنا أو هزأنا أو فضحناه قدام تيتا وخالاته 😠😠 اوعى......
لازم نحتويه
••• العامل النفسي مهم جدااااااا جداااااااا ف الموضوع دا

حالات تسمم الاطفال ⁦⚠️⁩⁦⚠️⁩
ممكن يحصل التسمم لطفل عن طريق بلع حاجه زى اكل فاسد أو مواد كيميائيه .. وممكن استنشاق حاجه ممكن تعمله تسمم زى الغازات السامه .. أو الأدوية أو لسع الحشرات⁦🕷️⁩🦗🐞 أو التلامس مع حاجات كيميائيه ⁦⛑️⁩
بعض الأمهات بتكون شكوتها انها شافت الطفل بيشرب السوائل السامه دى زى الكلور والبطاس وغيره⁦⚠️⁩⁦⚠️⁩ أو لقت فى فمه اثار حبوب واقراص زى أقراص منع الحمل أو الأدوية ف البيت و الشرائط بتاعت الحبوب مرمية حوالين الطفل😲😲
أو اكل العيل اكل بايظ وسام أو منتهى الصلاحيه وبدأ يظهر عليه أعراض التسمم 😫🤮🤢
ازاى نعمل اسعافات أوليه للطفل دا
لازم قبل اى حاجه نكون مكلمين الاسعاف أو الطبيب أو مركز السموم ونبدأ الاسعافات لمنع تفاقم الأمر
📌بلع مواد كيميائيه أو منظفات
👈لازم تعرفي هو بلع ايه وتحفظيه كويس عشان لو الدكتور سألك
👈لازم ميرجعش بأى شكل من الأشكال
👈اديلو لبن بارد
👈اجرى على الدكتور
📌شم مواد كيماويه أو تلامس الجلد مع مواد زى الفنيك والديتول والبُطاس والنفتالين ومية النار
👈اغسلي وشه وأيده كويس جدا
👈اعمليلة استنشاق زى الوضوء. كدا بماء فاتر نضيف
👈هووى المكان كويس جدااا جدااا لتحسين عملية التنفس
📌اصابه العين بأى مادة
👈غسل العين بماء وممنوع نحط اى قطره أو نقط لعند أما نروح مستشفى
📌بلع أقراص أو علاج
👈لازم نعرف الكمية والعدد والنوع بالظبط واحنا بنكلم الدكتور
لان فى انواع بسيطه خاالص وتعدى .وفى حاجات مصائب لاقدر الله
فطبعا ولأن الوقاية خير من العلاج
📍📍لازم الاحتياطات تكون موجودة ونحط المنظفات فى ادراج بعيدة عن متناول ايدى الاطفال لانها سموم موجودة فى البيت وممكن تؤدى لمصايب لا قدر الله
📍📍ممنوع نخلى العيل يرجع لو شارب مادة كيميائيه
📍📍ممنوع نديله قطن لو بلع دبابيس ولا حاجه دا ممكن يعمل انسداد معوى ومصيبه سودا
📍📍اخر حاجه فى بعض الأدوية اللى ممكن تؤدى لاقدر الله لمصايب ومتوفرة فى كل البيوت غالبا ولازم حالا بعد منشوف البوست نبعدها فى اعلى مكان
⁦⚠️⁩أدوية الضغط على وجه العموم وبعض الأنواع على وجه الخصوص زى الكونكور والاندرال دول بيقللوا الضغط وضربات القلم فلابد نبعدهم لابعد مكان
⁦⚠️⁩أدوية السكر عامة وعلى وجه الخصوص الاماريل والدايمكرون ودول خطورتهم أنهم بينزلوا السكر وممكن يعملوا غيبوبه وتشنجات لاقدر الله ومشكلتهم بردو أنهم بيقللوا ع مدار ٢٤ ساعه فممكن فى الاول الطفل كويس وبعد كدا يبدأ سكره يقل
⁦⚠️⁩الأدوية النفسيه عامة زى أدوية الاكتئاب أو أدوية التشنجات أو اى دوا يشبههم
⁦⚠️⁩الأدوية المضادة للملاريا زى الكلوروكوين وبيستخدم بردو فى علاج الذئبه الحمراء والروماتويد .. فناخد بالنا
⁦⚠️⁩الترامادول والمورفين واللى شبههم
ممكن يعملوا تشنجات وغيبوبه وفشل كلوى
⚠️ا⁩لاعشاب ساعات بتبقي سم قاتل زى مادة الكامفور اللى موجودة ف كريمات الضهر زى موڤ والجازون ودا بكميات بسيطه ممكن يعمل ترجيع واسهال وتشنجات
⁦⚠️⁩المبيدات الحشرية عامة فى انواع ممكن تموت فى ساعتها
⁦⚠️⁩صبغة الشعر ..مصيبه سودا والله ..ممكن تعمل تورم ف اللسان والحنجرة وضيق فى النفس وممكن تموت فى وقتها للاسف
⁦⚠️⁩حجارة الليثيوم بتكون موجودة فى العاب الاطفال
سهل يبلعها فى ثواني
بتؤدى الى قرح فى جدار المرئ والمعده وممكن لو دخلت فى سكه تانيه تعمل مشاكل فظيعه فى الرئه
لو الطفل بلع حجر ليثيوم لازم اشعه فى الحال فى المستشفى ولو اتشافت فى المرئ تتشال بالمنظار فى وقتها

بدائـــــل البيبرونة
❓❓ ليه بندور على بدائل للبيبرونة؟
⬅️أن استخدام البيبرونة في إعطاء الطفل أي رضعات سواء لبن أمه المعصّر أو المشفط أو اللبن الصناعي يترتب عليه حدوث التباس الحلمة Ni**le Confusion واستسهال الطفل لهذه الطريقة ورفضه لث*ي امه
❓❓ طيب ليه الطفل بيستسهلها ؟
⬅️ لأنها مفيهاش مجهود وسريعة في توصيل اللبن للطفل .. والطفل ذكي بعد كدا مش هيبقى عايز ث*ي مامته بس عايز البيبرونة السهلة دي فيرفض ث*ي مامته وتشتكي الأم وتستغرب إن ابنها رافض صدرها
❓❓أااه عشان كدا بيعملوا بيبرونات صعبة فى تمرير اللبن ويقولوا أنها تشبه ث*ي الأم؟
⬅️ تماااام بس عمرها ماتكون زي الرضاعة على ث*ي الأم .. لازم تكون أسهل دا غير إن الطفل بيرضع عليها بطريقة مختلفة تماما عن رضاعته على ث*ي مامته
❓❓ إزاي يعني؟
⬅️ (بيرضع وبقه مقفول على الحلمة ودا مينفعش في الرضاعة على الث*ي خالص واللي فيها الطفل بيفتح بقه ويرضع على الهالة ... فبيتلخبط )
❓❓ وإيه هي بدائل البيبرونة ؟
⬅️ بدائل البيبرونة هي :
الملعقة - القطارة- السرنجة - أو الجهاز المغذي بديل الرضاعة SNS
❓❓ إيه الحيرة دي! طيب وأنا استخدم أنهي فيهم بدل البيبرونة ؟
⬅️ الإختيار مابينهم بيعتمد على شوية حاجات مثلا
احنا بنستخدمهم ليه؟ يعني ايه المشكلة اللي خلتنا نلجأ ليهم بدل من الرضاعة المباشرة على الث*ي؟
كمان هنستخدمهم قد إيه؟
وانتي ياماما تفضلي منهم ايه؟
❓❓ طيب إيه نوع اللبن اللي هياخده الطفل بواسطة البدائل دي ؟
-⬅️أحسن مكمل غذائي للطفل هو لبن الام نفسه المعصر فلو طفلك عنده مشكلة مخلياه مش بيرضع منك كويس بس في في صدرك لبن ساعتها حضرتك هتشفطي بعد كل رضعة علشان تحفزي انتاج اللبن من ناحية وتدى ابنك اللبن الغني بالدهون المشبع واللي هيكون أحسن مكمل غذائي له بالمرة
❓❓ طيب لو كانت المشكلة إن اللبن قليل وهدي صناعي ؟
⬅️ تمام في الحالتين هنستخدم واحدة من الوسايل دى وهنبعد عن البيبرونة لأننا كل مانبعد عن البيبرونة كل ما نقرب من حل المشكلة واعادة الطفل للبن امه من خلال ث*ي أمه ونتلافى التباس الحلمة واستسهال الطفل وتغيير نمط مصه ورضاعته على الصدر

استعمال الخل لعلاج ارتفاع الحرارة عند الأطفال؟
أختي الغالية ، عزيزتي الأم، اقراء هذه السطور بتمعن....
يعد الخل من أخطر الطرق التى يتبعها البعض فى علاج ارتفاع حرارة الأطفال وذلك الاسباب التالية:
👈 إمكانية امتصاصه من الجلد إلى الجسم, حيث تعد نسبة امتصاصه 11 مرة أكثر في حالة ارتفاع درجة الحرارة بسبب توسع مسامات البشرة.
👈لكي يتخلص الجسم من وجود الخل بالجسم، فالكبد من يقوم بالمهمة وبالتالي سيدتي أنت بصدد إتلاف كبد طفلك الصغير. .
👈الخل عبارة عن مزيل للترسبات "déclacifiant" , ولكي تتأكدي عزيزتي قومي بأخذ بيضة وضعيها في كأس من الخل، ستلاحظين اختفاء قشرة البيضة نهائيا بعدمدة.
فما بالك وجوده بجسم طفلك الصغير.
👈إصابة الطفل بالتسمم الكحولي .
👈استعمال الخل بالكمادات ووضعها على رأس الطفل وخصوصا لطفل أقل من سنة، يؤدي إلى امتصاصه من طرف اليافوخ الأمامي(الفراغ الذي يكون برأس الطفل) والذي له علاقة وطيدة بالدماغ وبالتالي يمكن لاقدر الله إتلاف الخلايا الدماغية خصوصا لحديثي الولادة.
*على عكس ماتتمناه الأم..فالخل يمكن أن يزيد من أعراض الحرارة، نتيجة عدم التدخل السريع بالعلاج السليم لها.
وفى النهاية، ومن بين أهم طرق الإسعافات الأولية لخفض حرارة الأطفال، استخدام كمادات ماء فاتر، (لا يجب استخدام ماء مثلج او مجمد لعمل الكمادات)..
كذلك تخفيف الملابس ..دون أن ننسى تقديم اللبوس ( suppositoires) او شراب خافض حرارة.
ولا تنسوا استشاره الطبيب

💥 المرض الفيروسي المنتشر الفترة دي عدوى اليد والفم والقدم💥
💢hand , foot and mouth disease, متلازمة الفم
واليد والقدم💢
👈هو مرض فيروسي بيصيب كتير من الاطفال
👈الاعراض ممكن تلخبط الاهل في البداية لانه بيبدا بسخونية من غير طفح جلدي وبيتم اعطائه علاجات على انه التهاب بالحلق او برد.
👈 الطفح الجلدي بيظهر بعد يومين تقرييا من السخونية وبيبدا القلق الشديد من ظهوره واذاكان حساسية من العلاج اللي اخده مسبقا ولالا.
👈 الطفح بيظهر في اليد والقدم واحيانا حول الفم وداخل الفم وبيبقى الطفل عنده صعوبة في البلع وممكن في منطقة المؤخرة وبيزيد في بعض الاطفال ويشمل كذا منطقة تانية
👈 العدوى الفيروسية بتتحسن مع العلاجات الموضعية وخافضات الحرارة والسوايل
👈 الطفل بيكون معدي لباقي الاطفال ويفضل تجنب الاحتكاك في الايام الاولى مع باقي الاطفال

مناعة الأطفال ضعيفة جدا وبالذات في الشتاء
عشان كدة لازم الأم تدى لطفلها إهتمام أكبر لتقليل إصابته بالأنفلونزا ونزلات البرد وأى أعراض تانية.
وعشان يهمنى سلامة طفلك
بقدم لك بعض الأطعمة والمشروبات اللى بتساعد في تقوية المناعة : 👇
✅ الليمون:
الليمون من أكتر الحمضيات اللى بتقوى المناعة لأنه بيحتوى على نسبه كبيرة من فيتامين C وتأثيره سريع فبيحمى من نزلات البرد وبكده هتقللى فرص إصابة طفلك بالأمراض.
✅ الكركديه: ☕
من أقوى المشروبات الغنية بالفيتامينات زى فيتامين C , فيتامين A وفيتامين B1 وفيتامين E والمعادن زى الفسفور والحديد والكالسيوم وبيقوى القلب والمعدة، ويحميها ويعالج مختلف حالات الربو الشعبي .
✅ الجوافة:
بتحتوى على فيتامين ج اللي بيحمى من مختلف الأمراض الفيروسية زى الأنفلونزا ونزلات البرد والسعال، وبتساعد في الشفاء من غير ما تضطرى تدى لطفلك أدويه.
✅ القرنفل:
بيحتوى على ألياف وفيتامينات ومعادن اللى بتخليه مفيد للصحة وكمان بيحتوى على فيتامين ج دعم وتقوية الجهاز المناعى ف بالتالى بيطهر الجسم ويطرد البكتيريا والجراثيم والالتهابات والفطريات.
✅ الجنزبيل:
بيحمى من مختلف الأمراض لأنه يحتوى على أقوى مضادات للأكسدة، ولان طعمه مر جدا ممكن تضفيه لعصير زى الجزر بكده الطفل هيحصل على أعلى فايدة منه وتحميه من البكتيريا، والعدوى الطفيلية .
✅ البروكلي :
من أفضل الخضروات لصحة الاطفال والكبار لانه بيحتوي على نسب عالية جداً من الالياف ومضادات الأكسدة وغني بالمعادن والقيتامينات زى A, C وبيمنع الإصابة بالعديد من الامراض زى سرطان الأمعاء.
✅ اللحوم : 🍖
بتحتوى على الزنك اللى بيزود من إنتاج خلايا الدم البيضاء والأجسام المضادة اللى بتحارب العدوى .
✅ الأسماك
سمك التونا والسلمون أكثر أنواع السمك المفيدة لأنه بيحتوى ع الأوميجا 3 اللى بتزود من نشاط خلايا الدم البيضاء وبتدمر البكتيريا وبتظبط جهاز المناعة وزيت السمك بيحمي الجسم من أمراض القلب والشرايين وبيحسن المزاج وتقوية الذاكرة وأداء المخ .
✅ البيض :
مصدر غنى للبروتين وبيحتوى على فيتامين “A” المهم جدا لجهاز المناعة وليه خصائص مضادة للأكسدة وبيحافظ على الخلايا التي بتقاوم البكتيريا والفيروسات.
✅ الموز
من الفواكه الغنية بالطاقة والمعادن وبيحتوي على كمية كبيرة من البوتاسيوم اللى بيعمل على خفض ضغط الدم، والتخلص من ألم العضلات.
✅ الكيوي:
بيحتوي على كمية كبيرة من فيتامين سي وبيحتوى على المعادن زى البوتاسيوم وفيه مضادات للأكسدة ومادة الكلوروفيل اللى بتساعد في مقاومة السرطان و نسبة عالية من المغينسيوم اللي بتقوي القلب وتحمي الاوعية الدموية .
✅ الثوم:
الثوم بمثابة مضاد حيوي و بيستخدم بشكل فعال جدا في تقوية جهاز المناعة ضد أي نوع من أنوع الإلتهابات وبيعمل كمضاد للسموم .. من الأفضل مشاركته في معظم الوجبات الغذائية الخاصة بالأطفال .
✅ العسل:
من أهم مصادر الطاقة للجسم وبيستخدم كمضاد للالتهابات ومقاوم للفيروسات وبيعالج نزلات البرد بنصحك تدى ملعقة عسل يومياً للأطفال على الريق .
✅ السبانخ
فيها نسبة عالية جدا من الحديد بنصحك بالسبانخ للأطفال وخاصة لو طفلك في مراحل نمو جسمه.
✅ اللوز
بيمد الجسم بالبروتين وبيبنى العظام، لأحتوائه على نسبة عالية من المعادن اللازمة لبناء العظام زى الكالسيوم والماغنسيوم والمانجنيز والفسفور.
✅ الجزر🥕
بيحتوى على مادة البيتا كاروتين وفيه نسبة عالية من فيتامين أ ومهم جدا في بناء جسم الأطفال .
حاولى تداومى عليهم بإستمرار ..
إهتمام أكتر مناعة اقوى🌸😄

فيتامين أ
🖊امتى ؟ من عمر ٦ شهور
🖊 طيب لو مأخدوش ؟ الطفل يكون عرضة للاصابة بضعف النظر - تشققات و تصبغات الجلد - ادوار البرد المتكررة
🖊يتاخد ازاي ؟
- اول جرعة هتكون ١٠٠ الف وحده و هياخدها عند سن ٦ شهور ((المفروض انها بتتاخد روتين مع التطعيم )) هي هتكون عبارة عن كبسولتين اسمهم (A-viton) وبيتاخدوا مره واحده
-بعد سن السنة ٤ كبسولات مرة واحدة كل ٦ شهور لحد سن ٦ سنين على الاقل

طفلك لازم ياخد #حديد من تمام عمر ٤ شهور لحد ما يكون بياكل كويس أطعمة تحتوي على الحديد ... حتى لو مافيش انيميا
دي توصيات الأكاديمية الأمريكية لطب الأطفال وبتقول
♦️ لو الرضاعة طبيعي بالكامل يبقى طفلك محتاج الحديد من تمام عمر ٤ شهور
♦️ لو الطفل بيرضع طبيعي وصناعي بردو محتاج الحديد من تمام عمر ٤ شهور
♦️لو الطفل بيرضع صناعى بالكامل فهو مش محتاج الحديد
♦️ الطفل عند عمر سنة محتاج تحليل صورة دم كاملة ومستوي الحديد بالدم لاستبعاد الانيميا
#الجرعة
١٢.٥ مجم يوميا في صورة قطاره او شراب
للتسهيل الهيدروفيرين او الانريتش ربع قطارة يعني ٥ نقط يوميا ... ومش محتاج تحليل حديد مسبق
لحد ما يكون بياكل اكل محتوى على الحديد وقتها مش محتاج الدوا

اللحوم والدجاج والبيض و البقوليات الخضروات زي البروكلي و الفاصوليا والبسله و البطاطا الحلوة والعدس والفاكهه المجفف ... ولكن المصدر الحيواني كاللحوم امتصاص الحديد منه اسهل وأكثر
#ملحوظة
يمكن اعطاء الحديد مع الفيدروب معا... لكن لايمكن اعطاء الحديد مع منتجات الألبان ولا دواء الكالسيوم في حالة ان طفلك محتاج كالسيوم لازم فاصل ساعتين على الأقل

فيتامين ك
وده اول فيتامين الطفل لازم ياخدوا في حياته
امتى ؟؟ اول ما يتولد ،، تتأكدوا من الدكتور اللي ولده ان الطفل اخد الفيتامين ده ولو لا تفكروه ولازم ياخده
طيب لو مأخدوش ؟؟ .. الطفل في الحالة دي بيكون عرضه للنزيف من اي مكان .. اشهرهم و اكثرهم حدوثا هو النزيف من الحبل السري او القي او النزيف مع البراز .. و اخطرهم نزيف المخ .. و للاسف شفت اكتر من حالة بالمنظر ده .. اتأكدوا ان ابنكم اخده من فضلكم.
يتاخد ازاي ؟ جرعة واحدة عضل وقت الولادة ..((في منه بالفم بس انا انصح بالعضل))

#الكالسيوم
الكالسيوم
♦️ الطفل في أول سنه من عمره مش محتاج كالسيوم
لإن الكميات اللي هو بيحتاجها متوفرة في لبن الأم او اللبن الصناعي
♦️ فقط فيتامين د في صورة الفيدروب ٤ نقط (٤٠٠ وحدة دولية) يومياً لإن وظيفته إنه بيساعد على إمتصاص الكالسيوم من الأمعاء و توصيله للعظام وكده يبقى استفدنا إستفادة كاملة من الكالسيوم الموجود في الحليب الطبيعي أوالصناعي
؟
احتياجات الطفل اليومية للكالسيوم بتزيد طبعا وكمان كمية اللبن اليومية اللي بياخدها الطفل في اليوم بتقل و الأكل بيزيد......طيب هنعمل ايه؟
♦️ لازم تقدمي أكل صحي لطفلك يحتوي على الكالسيوم
زي منتجات الألبان من حليب و زبادي و الأجبان بالذات القريش و الشيدر ... (على فكرة سواء كامل الدسم أو خالي الدسم كله فيه نفس نسبة الكالسيوم).. لكن لا يفضل خالي الدسم قبل عمر السنتين
♦️ الأطفال اللي مش بيحبوا منتجات الألبان ممكن نديهم الأكل الغني بالكالسيوم زي فول الصويا و اللوبياء والبروكلي والبرتقال و البيض والتين و القراصيا و اللوز و السمسم و الحبوب الكاملة زي القمح (البليلة)
♦️ الحاجات الغنية ب فيتامين د .. زي البيض و التونة و سمك السردين ....كل الحاجات دي بتزود إمتصاص الكالسيوم ... كمان هنستمر على الفيتامين د زي الفيدروب (٦٠٠ وحدة دولية) ٦ نقط يوميا
الكالسيوم لا يعطي الا بتحليل دم يثبت وجود نقص في نسبته بالدم

🔶اشياء تساعد على تقوية مناعة الطفل ؟
📍 الرضاعة الطبيعية حيث تحتوي على كميات كبيرة من الأجسام المضادة .
📍 أخذ التطعيمات بمواعيدها .
📍 النوم الهاديء و المستقر ليلًا .
📍 غسل اليدين بأستمرار .
📍 تجنب السكريات و الاطعمة المعلبة .
🔷 بعض أنواع الأطعمة التى تساعد في رفع مناعة الطفل:
🔸 اللبن الزبادي .🥛
🔸 الثوم و البصل و الزنجبيل حيث تحتوي على خصائص مضادة للجراثيم و الأكسدة .
🔸المكسرات مثل الفستق و اللوز .🌰🥜
🔸 الفواكه و الخضار الغنية بفيتامين A و C مثل الجزر و الفلفل و البرتقال .🥕🍊

فيتامين د
1️⃣العمر : الولادة - ١٢ شهر
نوع الرضاعة : رضاعة طبيعية
التوصية : يجب إعطاء فيتامين د يومياً، و منذ الأيام الأولى الولادة، و بجرعة ٤٠٠ وحدة دولية.
2️⃣العمر : الولادة - ١٢ شهر
نوع الرضاعة : رضاعة طبيعية + صناعية
التوصية : يجب إعطاء فيتامين د يومياً، و منذ الأيام الأولى للولادة، و بجرعة ٤٠٠ وحدة دولية.
3️⃣العمر : الولادة - ١٢ شهر
نوع الرضاعة : رضاعة صناعية
الكمية المستهلكة : أقل من ١ لتر من اللبن الصناعي في اليوم
التوصية : يجب إعطاء فيتامين د يومياً و منذ الأيام الأولى الولادة، و بجرعة ٤٠٠ وحدة دولية.
4️⃣العمر : الولادة - ١٢ شهر
نوع الرضاعة : رضاعة صناعية
الكمية المستهلكة : ١ لتر أو أكثر من اللبن الصناعي في اليوم
التوصية : لا داع لإعطاء فيتامين د لكون جميع أنواع الحليب الصناعي يحتوي اللتر الواحد منها على ٤٠٠ وحدة دولية من فيتامين د
5️⃣الأطفال بعمر أكبر من سنة و المراهقين و البالغين الذين لا يحصلون على حاجتهم اليومية من فيتامين د عن طريق التعرض للشمس أو الغذاء و أصحاب البشرة الداكنة و الذين يتجنبون التعرض للشمس و الذين لديهم فرد بالعائلة حدث له نقص فيتامين د أو كالسيوم أو يعانون من بعض الأمراض المزمنة فيجب أن يتناولون فيتامين د يومياً و بجرعة ٦٠٠ وحدة دولية.
٤٠٠ وحدة دولية = ٤ نقط فيدروب

#نصائح
لو ولادك زعلوكي..
متسيبيش الأمور تمط منهم..
وتخليهم محتاسين مش عارفين يراضوكي إزاي 😢!
علميهم إزاي يصالحوكي بخطوات واضحة..
قولي لهم اللي بتحبيه من كلمات وأفعال..
وعرفيهم ده لسهولة مراضاتك بعدها..
بدل ما تلاقيهم حيرانين.. بعد غضبك..
ومشيوا وتجنبوكي..
وراحوا يلعبوا ونسيوا اللي حصل أساسا..
ونسيوا زعلك..
الطفل بينسى فعلا.. وبيروح يندمج في حاجة تانية بعيدا عن الموقف اللي سبب له ارتباك في شعوره..
مش بيبقى قاصد يتجاهلك..
أعينيهم على برّك يا غالية 😊
🌟 🌟 🌟 🌟 🌟 🌟
مثال للتوضيح :
نيجي في وقت الرضا العادي خالص ونقول له :
لو حصل وزعلتني متفضلش واقف كده متعملش حاجة عشان أصالحك..
ومتروحش تلعب وتسيبني كتير..
لكن هقولك تصالحني إزاي:
1.أنا بحب رسمة جميلة مثلا فيها قلب ♥
2.أنا بحب تروح تقرأ قرآن وتيجي بعدها تبوسني وتنفخ في إيدك وتمسح راسي..
3.أنا بحب إنك تجيب لي كوب مية عشان أهدى وتيجي تبوس إيدي وتحضني وتقول سامحيني..
4.أنا بحب تسيبني أهدى شوية وبعدين تيجي تقول لي نشيد بحب أسمعه منك. يكون حاجة عن الأم تحفظيها له..
وهكذا 😍👋

#التسنين
(التسنين عند الاطفال )👶
اول حاجة لازم تعرفي ان رغم انك بتحسي بفرحة ان طفلك بدأ تسنين لكن الفترة دي هتكون متعبة ليكي وليه بس لازم تعرفي انها مؤقتة وهتعدي ولازم تقدري قد ايه هو بيتألم وتعبان فحاولي تطولي نفسك شوية وتكوني حنينة عليه وتستحملي قريفته وعياطه وزنه المستمر مفيش حد احن عليه منك 💝🌸
⚫️ امتي بيبدأ التسنين ؟🌹
التسنين في الغالب بيكون مابين الشهر الخامس وال11 يعني لو ابنك كان في التامن او التاسع ومسننش متقلقيش في اطفال كتير كدة
⚫️ طيب ايه هي علامات التسنين ؟ 🌹
▪ اول علامة انك لما تبصي في اللثة تلاقيها وارمة
▪ تلاقي ابنك دايما مقريف ومضايق ومش بينام كويس وعنده سخونية من غير سبب بتروح وتيجي
▪ بيرفض الاكل وبالذات لو جيتي اكلتيه بالمعلقة لانها ممكن تخبط في اللثة وتوجعه
▪ خدوده ممكن تحمر او تظهر بقع حمرا حوالين بوقه او دقنه
▪ لو بيطلع الاسنان اللي فوق ممكن تحسي عينه مدمعة ومناخيره بترشح كانه عنده برد
▪ ممكن يرجع من فترة للتانية ويحصله اسهال
▪ وزنه بينزل وتحسيه ضعفان ومعدش يلعب ويناغي زي الاول
⚫️ ازاي اعتني بيه و اخفف عنه فترة التسنين؟ 🌹
▪ اهم حاجة تعرضيه للشمس كل يوم ربع ساعة فترة 7-11 الصبح علشان جسمه يكتسب فيتامين د اللي مهم جدا ليه في الفترة دي
▪ لو انتي بتديه نقط فيدروب واظبي عليها يوميا ولو مش بتديه ابدأي اديه لانه مفيد جدا جدا كفيتامين د والجرعة بتكون ٤ نقط كل يوم
▪ ممكن تديه شرايح جزر وخيار باردين يعضعض فيهم
▪ متديهوش مضادات حيوية غلط جدا عليه
▪ لو حرارته رفعت اعملي كمادات او الزقيله لزقة الكمادات بتاعت الصيدلية واديه قطارة سيتال كل 6 ساعات
▪ متديهوش كالسيوم الا اذا الدكتور قالك اديه لان ممكن جسمه يكون مش محتاج والكالسيوم الزيادة يكونله حصوات
⚫️ لو طفلك اتأخر في التسنين عن سنة؟ 🌹
لازم تروحي للدكتور تكشفي لانه غالبا عنده نقص كالسيوم او نقص في فيتامين د
⚫️ امتي تكتمل اسنانه؟ 🌹
لما يتم 3 سنين المفروض تكون كل اسنانه كملت وعددهم بيكون 20 وان حصل غير كدة الاحسن تروحي للدكتور لان ممكن دة بردو نقص كالسيوم
⚫️ اعتني باسنان ابني ازاي؟ 🌹
ممكن كل يوم قبل النوم تشربيه مية وتنضفي اسنانه بالفرشاة علشان تشيلي رواسب اللبن ودة بيكون من غير معجون لانه ممكن يبلع المعجون .. وتقللي اكله للحلويات والبطاطس لان كترهم بيسوس الاسنان
شير ومنشن للامهات

هو بيشتري لنا الاكل و الشرب وانا بحوله لوجبة 😍
هو اشتري لنا البيت بس انا حولته لسكن ❤
هو اشتري لنا اللبس وانا فضلت اغسل و اكوي كل مرة عشان يبان شكله حلو علينا 🥰
بعد الغدا هيقوم يعملي شاي نشربه مع بعض، بس الصبح قبل ما ينزل انا اللي هحضرله قهوته بنفسي 😻
الجواز مش سباق 😌
ربة البيت تعتبر شغل و عمل شاق علي كل ست 🥲
بالظبط زي الشغل برة و تحمل مصاريف البيت 🙄
و من غيره مكنتش هقدر اكمل دوري و من غيري مكنش دوره هيكمل برضو 😍
علي فكرة ساعات برضو بنحتاج نكمل بعض بإني اشتغل شوية و اصرف في البيت 👌
وساعات هو يشمر و يمد ايده معايا و يساعد في شغل البيت 🤗
انا ولدت و رضعت و هو ساعدني و ربي معايا و شال الولاد و دفع مصاريفهم 🙂
كل دا لا عيب مني و لا عيب عليه ⚘
دي حتي مش شركة اسسناها سوا زي ما بيقولوا، دي عشرة و حب و مودة و رحمة 😌
مفيش فيها حاجة سهلة، بس كلها تفاصيل مستاهلة ❤
متتسابقوش ازاي تدايقوا بعض او تخربوا كل واحد من ناحية اللي يقدر عليه، حاولوا تقدموا دايما كل اللي تقدروا عليه الدنيا معدتش سهلة زي زمان 🥰 محتاجين نتعب و نشيل الحمل مع بعض ⚘
واللي يقع التاني يسنده و يقومه عشان مينفعش نعيش من غير بعض و نتحمل بعض شوية عشان الضغط علينا احنا الاثنين ☺
🤎 و ربنا يديم ما بيننا المعروف 💜

& 👩🍼👶

12 نوع من الطعام ممنوع تماما اعطائها لطفلك قبل عمر سنة
⛔(1) حليب البقر🥛
يمنع❌ تقديم الحليب الحيوانى🐄🐃🐏 الطازج أو المجفف قبل عمر السنة نهائياً حتى وإن تم تخفيفه بالماء ، لعدم قدرة الجهاز الهضمي للطفل👶🏻 على هضمه بشكل كامل وإحتوائه على كميات كبيرة من البروتينات والمعادن التي تزيد العبء على الكلية ، كما يسبب فقر دم 😬بنقص الحديد بسبب كمية الحديد غير المتوازنة فيه ، ناهيك عن تأثيره الشديد على الجهاز الهضمي حيث قد يسبب نزيف بالجهاز الهضمى (لاقوا ان فيه دم خفى فى البراز فى ٤٠% من الاطفال اللى بياخدوا لبن حيوانى قبل عمر سنة)...
⚠️أما على المدى البعيد فقد اكدت الكثير من الدراسات عن وجود علاقة بين إدخال حليب البقر بعمر أقل من سنة وزيادة نسبة حدوث الربو الشعبى والاكزيما الجلدية وداء السكري عند الأطفال....
⛔(2) عصير الفواكه 🥤🍹
توصي الجمعية الأمريكية لطب الأطفال (AAP)📰 بعدم تقديم عصير الفواكه❌ سواء كان طازجاً🍹 أو معلباً🥤 للأطفال قبل عمر السنة لإحتوائه على كمية كبيرة من السكر والماء التي تقلل من شهية الطفل كما أنه فقير⬇️ بالشحوم والبروتينات والزنك والكالسيوم وفيتامين د كما أن الإكثار من العصائر يسبب تسوس الأسنان😬 والإضطرابات الهضمية المزمنة...
⛔(3) العسل 🍯
العسل ممكن يحتوي على مُكَيِّسات بكتيريا clostridium botulinum ودى نوع من البكتيريا الخطرةً جدا ⚠️ واللي لو دخلت أمعاء الرضيع ممكن تسبب إفراز سموم😑 بتعمل تشنجات شديدة في العضلات😥 ولو وصلت لعضلات التنفس قد تؤدي -لا قدّر الله- إلى الوفاة ....
↩ودا بسبب إن الطفل الرضيع قبل ما يتم السّنة جهازه الهضمي لا يحتوي على ما يكفي من المادة الحمضية واللي نقصها⬇️ بيخللي السموم والجراثيم دي تنتشر بسهولة في الجسم..... وتسبب اضرار كتيرة😱....
⛔(4) الأطعمة غير المبسترة (الملوثة)🚫
يمنع تقديم جميع أنواع الأطعمة غير المبسترة أو المعقمة للأطفال بعمر أقل من سنة مثل (اللبن - العصائر) المعدة بدون تعقيم لإحتمال تلوثها بمختلف أنواع الجراثيم المضرة للطفل.
⛔(5) اللحوم المصنعة 🍔
إن اللحوم المصنعة و هي اللحوم التي تم حفظها بالتدخين أو بالتمليح أو بالمعالجة أو بإضافة مواد حافظة كيميائية وتشمل : اللانشون ، اللحوم المقددة، البسطرمة، النقانق، السجق، المرتديلا، البرغر، السلامي، الناغت وغيرها وتعتبر ضمن الأطعمة التي يجب ألا تقدم للأطفال عموماً لكونها تحتوي على كميات كبيرة من النيتريت والصوديوم والشحوم والمواد الكيميائية الضارة كما وتُصنف ضمن المجموعة ١ كعامل مسبب للسرطان.
⛔(6) الأسماك الحاوية على كميات كبيرة من الزئبق
يمنع تقديم بعض أنواع الأسماك مثل التونة والمارلن، القرش🦈، أبو سيف، الماكريل الملكي، سمكة الذيل و السلمون المرقط🐟 لإحتوائها على تراكيز عالية⬆️ من الزئبق ( مثيل الزئبق ) الذي يعتبر ساماً للجسم خصوصاً للأطفال.
⛔(7) الملح 🍚
يمنع إضافة الملح الى طعام الطفل إطلاقاً لأن الحاجة اليومية من ( الملح / الصوديوم ) خلال هذا الشهر أقل من ( ١ غم / ٠.٤ غم ) و هي كمية قليلة جداً يحصل عليها الطفل عادةً من الحليب ( الطبيعي أو الصناعي ) و أنواع الطعام المقدمة له.
⚠️ لا تستطيع كلية الطفل في هذا العمر من طرح وإستقلاب أكثر من هذه الكمية مما قدم يسبب عبئاً على عملها قد تتطور الى مشاكل كلوية وقلبية وارتفاع ضغط الدم في المستقبل.
⛔(😎 السكر
يمنع إضافة السكر الى طعام الطفل للأسباب التالية :
❎ إن عملية تصنيع و تكرير السكر تجعله يحتوي على بعض المواد الكيميائية المضرة للطفل.
❎ يقلل من تقبله للطعم الخضار🥔🥕.
❎ يقلل من تقبله لحليب الأم🤱.
❎ يسبب تسوس في الأسنان اللبنية.
❎ يقلل من المناعة🤔
❎ يزيد من خطر تطور السمنة التي هي عامل مؤهب للداء السكري ( النوع الثاني ) وأمراض القلب في المستقبل.
⛔(9) المكسرات🥜
يمنع تقديم المكسرات الكاملة للأطفال بعمر أقل من تجنباً لحدوث الشرقة و الإختناق بينما لا مانع من إضافتها الى غذاء الطفل بشكل مطحون أو بشكل زبدة كزبدة الفول السوداني منذ عمر ( ٦ شهور ) بشرط عدم وجود أو حصول تحسس غذائي منها.
⛔(10) اللبان التوفى البونبونى🍬🍭
يمنع تقديمها للأطفال بعمر أقل من سنة ويفضل تقديمها بعمر أكبر من ٣سنوات تجنباً لخطر الشرقة والإختناق.
⛔(11) المشروبات الغازية 🥃 غير صحي على الإطلاق و له الكثير من الأضرار على صحة الطفل و البالغ لإحتوائها على كميات كبيرة من السكر والألوان الصناعية والكافيين.
⛔(12) الأطعمة الغنية بالزيوت المهدرجة
مثل البطاطس المقلية أو الدجاج المقلية.

مشكله بنشوفها كتير بتخلي الام تجري علي الدكتور او تنزل الطوارئ كمان
هي كوره تطلع في رقبه الطفل...
متقلقيش الكره ديه غده ليمفاويه وهي جزء من الجهاز المناعي بتاع الطفل..
يعني لو جاله التهاب في زوره او في ودانه او اي عدوي في الرأس ممكن تكبرها وديه حاجه كويسه بتخلينا نطمن ان جهاز المناعه شغال كويس.
طيب امتي نقلق؟؟
لو لقتيها ثابته ومش بتتحرك ومش بتوجعه..
وامتي نطمن؟؟؟
لما توجعه ولما تتزحلق تحت ايدك ولما يكون زوره لسه ملتهب وسخن من يومين ودا طبعا يرجع لتقييم طبيبه المتابع..
لما بتكبر مش بناخد مضاد حيوي لانها بتاخد شهر او اكتر عشان ترجع لحجمها

#المفاجأه أن أطفال كتير ماشيين علي كالسيوم بدون تحليل وعلشان كدا مهم جدا نعرف إن الكالسيوم لا يعطي إلا من خلال تحليل مثبت..✅
#طفلك مش محتاج كالسيوم خلال السنه الأولي لأن لبن الأم أو حتي اللبن الصناعي بيوفر احتياجاته من الكالسيوم في التوقيت دا✅
مهمه جدا واللي بدوره بيساعد علي إمتصاص الكالسيوم وهي ٤٠٠ وحده دوليه أي ما يعادل ٤ نقط مره واحده يومياً✅
احتياجات طفلك من الكالسيوم أكيد بتزيد بس وقتها نقدر نقدم أكلات غنيه بالكالسيوم زي الجبن خصوصا الجبنه القريش والحليب والزبادي والبرتقال والبيض والتنين والسمسم✅
أكلات غنيه بفيتامين "د" زي التونه والبيض والاسماك خصوصا سمك السردين واللي بيساعد علي إمتصاص الكالسيوم من الأمعاء ويوصله للعضم وبكدا نقدر نحمي الطفل من الأمراض اللي بتنتج عن نقص الكالسيوم زي الكساح✅
بنزود جرعة فيتامين د إلي ٦٠٠ وحدة دوليه يوميا أي ما يعادل ٦ نقط مره واحده يومياً✅