Meger
شركه للخدمات التجاريه و الحسابيه
نصيحة_من_خبير
تعمل منتج وسيط . ولا منتج نهائي ؟!
دقيق ولا عيش
ورق ولا كرتون
قماش ولا ملابس
خشب كونتر ولا موبيليا
مكونات أجهزة منزلية . ولا أجهزة منزلية ؟!!
شوف حضرتك
الموضوع كبير
وفني جدا
وليه معايير كتير
فركز معايا
المعيار الأول /
بالنسبة لهامش الربح
هامش الربح بيكبر كل ما تقرب من العميل النهائي
وبيصغر كل ما تقرب ناحية الخامات الأولية
يعني أقل هامش ربح في السلسلة هو هامش ربح القمح
وبعدين يزيد هامش الربح في الدقيق
وبعدين يزيد جدا في الخبز
لسببين
أولا
حجم البيع بيقل
يعني صاحب مزرعة القمح بيبيع ١٠٠٠ طن قمح ل ١٠ مطاحن
المطحن بيبيع ١٠٠ طن دقيق ل ١٠ مخابز
المخبر بيبيع ١٠ طن خبز
ثانيا
نوعية العميل
المخبز بيبيع لست البيت الساذجة
فبيحط عليها هامش ربح كبير
المطحن بيبيع لصاحب المخبز الفاهم
فبيحط عليه هامش ربح أقل
المزرعة بتبيع لصاحب المطحن العقر
فبتحط هامش ربح صغير جدا
في النهاية مين بيكسب أكتر ؟!
اللي بيكسب أكتر هو اللي في أول السلسلة
لإنه بيبيع بهامش ربح أقل . لكن بأحجام بيع عملاقة
ففي النهاية المحصلة بتكون أكبر
عشان كده بننصحك دائما مع الوقت تاخد خطوة للخلف
لحد ما تبقي شغال في المنتجات الأولية فقط
فلو عندك مصنع كرتون مثلا . هننصحك تعمل مصنع ورق
وده طبعا محتاج راس مال أكبر
لكن في البداية لو راس مالك قليل
وهتشتغل بمبدأ هامش ربح كبير في حجم بيع قليل
يبقى إبدأ بالمنتج النهائي
المعيار الثاني /
سهولة التسويق
المشاريع اللي بتصنع منتح نهائي . بتبيع للعميل النهائي
فبتاخد معركة التسويق في سلسلة التوزيع
يعني مثلا
مصنع أجهزة منزلية . دا هيخوض المعركة مع موزعين الجملة
وموزعين الجملة هيخوضوا المعركة مع محلات الأجهزة المنزلية
وصولا لإن التليفزيون أو البوتوجاز أو الخلاط يوصل للعميل النهائي
السلسلة دي كل حلقة فيها بتضغط على اللي قبلها
وكل حلقة عاوزة تطلع هامش ربح كبير من اللي قبلها واللي بعدها
فكلهم بيصبوا الضغوطات دي على أول حلقة في سلسلة التوزيع . وهي مصنع الأجهزة المنزلية
لكن
مصنع مكونات الأجهزة المنزلية بيخوض معركة صغيرة وقصيرة ومعروفة مع مصنع الأجهزة المنزلية
هما طرفين فقط بيتفاوضوا على المواصفات والأسعار والمواعيد والتحصيل
فتسويق المنتج الوسيط أسهل من تسويق المنتج النهائي
ضيف على كده العدد
مصنع المكونات بيبيع ل ١٠ مصانع أجهزة
فعنده ١٠ معارك فقط
لكن مصنع الأجهزة بيبيع ل ٥٠ تاجر جملة
كل تاجر بيبيع ل ١٠٠ محل
كل محل بيبيع ل ١٠٠٠٠ عميل
فحجم شبكة التعاملات هنا أكبر بكتير
وممكن ترجع لك مرتجعات من آخر حلقة في السلسلة
فلو انتا في الأول وخايف من حرب التوزيع
فخليك في المنتج الوسيط
المعيار الثالث
رأس المال
راس المال المطلوب بيكبر كل ما ترجع خطوة للخلف
فراس المال المطلوب لمصنع الكرتون مثلا من ٥ ل ١٠ مليون
مصنع الورق محتاج من ٥٠ ل ١٠٠ مليون
ففي البداية لو مش معاك راس المال الكافي . هتضطر تشتغل في المنتج النهائي
لكن . لو معاك راس المال الكافي
فابدأ بالمنتج الوسيط
طيب . افرض راس المال متساوي . ودا بيحصل
يعني مثلا مصنع الموبيليا محتاج ٥ مليون
ومصنع الكونتر محتاج ٥ مليون
في الحالة دي أرشح لك مصنع المنتج النهائي
لإنك لو صنعت منتج وسيط محتاج ٥ مليون
هيتباع لمصنع منتج نهائي قيمته ٥ مليون
فتوقع إنه مع الوقت صاحب مصنع المنتج النهائي هيصنع المنتج الوسيط ويستغنى عنك
لو انا صاحب مصنع منتج وسيط قيمة المصنع بتاعي كبيرة
فأنا بابقى متطمن من صاحب مصنع المنتج النهائي إنه مش هيقدر يستغنى عني
يعني أنا صاحب مصنع ورق مثلا . فمش بكون خايف إن صاحب مصنع الكرتون يستغنى عني
لإنه عشان يستغنى عني محتاج ٥٠ ل ١٠٠ مليون يعمل بيهم مصنع ورق
والمبلغ ده أنا عارف إنه مش معاه
لكن
لو انا مصنع منتج نهائي . فأكيد بفكر استغنى عن مصنع المنتج الوسيط لو لقيت تكلفة مصنعه متوفرة معايا
فلو لقيت المصنعين تكلفتها متقاربة . فما تصنعش المنتج الوسيط . وتحط نفسك في موضع إنك يتم الاستغناء عنك لاحقا
المعيار الرابع /
التصدير
تصدير المنتج النهائي أسهل من تصدير المنتج الوسيط
يعني انتا صنعت مروحة مثلا . سهل تصدرها . لإن الشعب في البلد التانية عارف المروحة
لكن لو صنعت موتور مروحة . فانتا محتاج تنافس كل مصانع المواتير في العالم اللي بتصدر لمصانع المراوح في الدولة التانية
دا غير إن الدولة التانية ممكن ما يكونش فيها مصانع مراوح أصلا !!
وفيه نقطة تانية هنا . ألا وهي توافر المواد الخام وعدم توافر المنتج النهائي في معظم الدول
يعني عادي إن دولة يكون فيها خشب . وتكون مش شاطرة في تصنيع الموبيليا
يكون فيها ألبان . لكن مش شاطرة في تصنيع الأجبان
يكون فيها بترول . لكن مش شاطرة في تصنيع البتروكيماويات
فحضرتك تقدر تصدر للدول دي المنتج النهائي
لكن صعب تصدر لهم الخام أو المنتج الوسيط
ويا حلاوتك بقى لو استوردت منهم الخام . وصدرت ليهم المنتج النهائي . سايكس وبيكو هيرسلوا ليك تحياتهم من الجحيم
وطبعا نرجع لنقطة هامش الربح
فنلاقي إنك هتقدر تحط هامش ربح كبير جدا على الملابس اللي بتصدرها
لكن مش هتقدر تحط هامش ربح كبير على القماش
لإنك هتبيع القماش لمصنع ملابس في الدولة التانية
ومصنع الملابس دا مش ساذج
لكن الشعب في الدولة التانية ساذج . تقدر تحط عليه هامش ربح مبالغ فيه لو بتصدر له منتج تام
وطبعا لو ليك شبكة توزيعك الخاصة في الدولة التانية . تبقى تجاوزت المستورد ( اللي مش ساذج ) في الدولة التانية
المعيار الخامس /
توافر الخام
المنتج الوسيط عادة هتلاقي الخام بتاعه موجود بشكل محلي
لكن المنتج التام ضروري تحتاج تستورد ليه حاجة
لإنه ببساطة المنتج الوسيط عادة بيطلع من خامة واحدة . أو خامتين تلاتة . فسهل تلاقيهم في بلدك
لكن المنتج التام بتدخل فيه مدخلات كتير . فضروري تلاقي نفسك محتاج تستورد بعضها
القماش مثلا محتاج فقط خيوط
لكن الملابس محتاجة قماش وأساتك وزراير وسوست وأكياس . إلخ
الكونتر محتاج فقط خشب وغراء
لكن الموبيليا محتاجة ٢٠ مدخل إنتاج
الثلاجة مثلا محتاجة ٥٠ مكون
لكن مكون واحد منها . وليكن السربنتينة مثلا . محتاج فقط مواسير نحاس
فالخام هيكون متوافر أسهل مع المنتج الوسيط
لكن هتحتاج تلف لفة كبيرة عشان توفر خامات ومكونات المنتج النهائي كاملة . وممكن جدا تحتاج تستورد بعضها
والاستيراد حاليا بقى موضوع حساس بعض الشيء
أخيرا
مين الأحسن
نصنع منتج وسيط ولا منتج نهائي ؟!
اقرأ البوست تاني
تطبيق حسابات مجاني لكل المجالات
النسخه الكامله ب ٥٠٠ج
نسخه التطبيق
https://play.google.com/store/apps/details?id=com.pyakia.cashier&pli=1
لطلب نسخه الكمبيوتر اتصل علي
1556533914
متفكرش كتير
برنامج حسابات مجاني لفتره محدوده
تطبيق حسابات مجاني
ليه مجاني
لان لسه في تحديثات مهمه اول ما تتم
التطبيق هيكون سعره ٢٥ ج في الشهر أو ٢٠٠ج في السنه
اهلا بالجميع
تطبيق محاسبة بجوده ممتازة مع تحديثات مستمرة للافضل
انتظرونا
1556533914
Click here to claim your Sponsored Listing.
Category
Contact the business
Telephone
Website
Address
Alexandria
02
Smouha
Alexandria, 19006
We helping businesses in achieving more profitable solutions by analysing their business , developin
Alexandria, 760222
⚙️| We Help Traders Become Funded & Stay Funded. Click the link to join the team 👇
Alexandria
تقسيط جميع انواع الموبايلات والأجهزة المنزلية والاثاث والكاوتش ........والخ .
452 طريق الحرية برج السلام فوق صيدلية صبري الدور التالت رشدي
Alexandria, 21500
شركة الميزة للتقسيط تهدف الي تسهيل التعاملات المالية والإجراءات الورقية وكل ما يخص أنظمة التقسيط.