عيادة الطب النفسي التطوري للاطفال

ازاي السابلية و البيتيفور بيطيبوا خاطرك؟ 🎉🌙
عيد الفطر فرح وسعادة بعد شهر من صيام و قيام.
طقوس العيد والحلويات هي رمز للفرحة والتقدير بعد المجهود و الخير الكبير في رمضان
بيتيفور وكحك وسابلية مش مجرد أطباق، دي ذكريات و تقاليد جميلة بتجمع الأسرة
مش بس طعم لذيذ ... كمان أثر منعش و روح مبهجة. 🍰🍪
العيد بعد مجهود و خير الشهر الكريم بيفكرنا يكون عندنا لحظات استثنائية للاحتفال بمجهودنا و تفانينا مع اولادنا. 🌟
يبقي عندنا طقوس خاصة تفرحنا بعد كل انجاز حققناه .

اللحظات الثمينة بتكون فرصه للرضا عن نفسنا و الامتنان للي حوالينا .
العيد وقت الاحتفال بعد المجهود💕✨


https://healthydevelop.bio.link/

عيادة الطب النفسي التطوري للاطفال لطفولة مبتسمة و مستعدة للمستقبل

الثقة بالنفس اساسها المهارات الاجتماعية
علشان الطفل يقدر يندمج و يدافع عن نفسه و يعبر عن نفسه بطلاقة ...
برنامج "TOM" منهج متكامل تم تطويره بعيادات الطب التطوري و اعتماده اكاديمياً لدعم للطفل
اتعرف عليه من خلال الفيديوهات علي قناة العيادة على اليوتيوب .

برنامج هوية العقل TOM برنامج متخصص بالذكاء الاجتماعي للطفل

دي دعوة عامة #للتحضُّر
دراسة بجامعة اكسفورد وضّحت ان تحضُّر المجتمعات مش بمدي تقدمها التكنولوجي او مواردها ، لكنه يقاس بمدي رقي التعامل بين الناس فيها
وخاصة تعامل الناس مع الاطفال #المختلفين و التحضر فى التعامل مع أُسرِهم
لما يكون فيه طفل غير تقليدي فى الاسرة بيحتاج مجهود اكبر
و اسرته بيكون عليها تحمل #ضغوط نفسية مضاعفة فى التربية و فى الشارع و فى المحلات و فى المدارس و غيرها
.
وفي دراسة مثيرة للاهتمام من جامعة كاليفورنيا
وجد العلماء ان من اكثر الامور اللى بتدعم الاسر و بتأثر فى حيويتهم هي "اللطف" فى تعاملنا معاهم و تقديرنا لمجهودهم .
لان من اهم اسباب الضغوط علينا هى : قلقنا علي ولادنا من مجتمع مش فاهمم او مش متقبلهم او مش قادر على احتوائهم
#رقي اخلاقنا فى تفهم الطفل و تقبله و احتواءه بيطمن اهله انه في مجتمع #آمن و بيكون دليل على مدي تحضرنا احنا
تصرفات بسيطة لكن هتفرق كتير :
محذورات:
🚫 لا تتعمد تجاهل الطفل
🚫 لا تنتقد اسلوبهم فى التربية لان التجربة كلها غير تقليدية عليهم
🚫 تجنب التعليقات الفظّة زي "ياحرام" او "شدي حيلك"
🚫 لا تقارن الطفل بأي شخص اخر
🚫 لا تفترض انك اول من يكتشف اختلاف الطفل
توصيات:
🍄 ابتسم و تعامل بلطف معاهم و مع الطفل وبلاش تلقي احكام
🍄 لو فيه ملاحظة علي ابنهم ، اكد على استعدادك لمساعدتهم
🍄 قول الايجابيات فى ابنهم قبل ما تقول ملاحظاتك
🍄 راعي اختيارك لكلمات لطيفة خاصة فى وجود الطفل لانه بيحس و بيفهم
🍄 اشكرهم و قدر مجهوداتهم
🍄 افتكر انهم محتاجين تفهمك مش محتاجين شفقة
🍄 سيب النصائح للمختصين و اهتم فقط انك توفر اجواء قبول و ألفة لابنهم
🍄 ثقف نفسك
دا بيعكس شخصيتنا #احنا
دا بيعكس مدي تحضرنا و رقي اخلاقنا احنا ...
دا بيعكس انسانيتنا ..
شير و وَعِّي المجتمع بدوره


https://healthydevelop.bio.link/

من رحم النكبة يُولد #بطل
اكيد الحروب من أسوأ الكوارث اللي ممكن تأثر سلبياً علي الأطفال.
بيفقدوا أحبائهم ومنازلهم ومدارسهم ، وفي بعض الحالات يتم استغلالهم أو اختطافهم أو تجنيدهم كمان .
لكن فيه وجه تاني شوفناه للنكبات دي ...
وجة طفل قدر يكبر و يتكيف و ينضج
بقي صامد اكتر و أقوي .. 💪
دراسة الاطفال ما بعد الحروب وضحت ظاهرة اسمها "Post-Traumatic Growth" او #نمو ما بعد الصدمة .
أطفال مروا بتجارب حروب صعبة و بقي عندهم مستويات اعلي من المرونة والتكيف وبيقدروا يكونوا روابط اجتماعية #أقوى وأوسع .
الحرب هنا حفـّـزت الأطفال على مواجهة مخاوفهم و كبروا قادرين يتعاملوا مع الضغط والصدمات ، وإيجاد حلول غير تقليدية للمشكلات.
و فيه دراسات بتقول ان نسبة اللى بيخرجوا من الصدمات النفسية أقوي و انضج ممكن تتخطى ال 50% .. و بيكونوا اكثر ايمانا بقيَمهم و التزاماً بمبادئهم
طيب وولادنا اللي بيشوفوا اخبار الحروب
ازاي نقدر نخلي اثر الاخبار ايجابي عليهم:

🍄 اتكلم مع أطفالك عن الحروب بطريقة هادئة ومناسبة لعمرهم. اصغِ إليهم وطمئنهم وصحح أي معلومات خاطئة.
🍄 حدد الكمية والنوعية من الأخبار اللي بيشوفوها عن الحرب. احرص ان الأخبار تكون موضوعية وموثوقة . اشرح لهم السياق والأسباب والعواقب.
🍄 شجّعهم يعبروا عن مشاعرهم وآرائهم بشأن الحرب بطرق إبداعية ، مثل الرسم أو الكتابة أو خلال اللعب. هيساعدهم دا على التخلص من التوتر والقلق والحزن ، ويزيد ثقتهم بأنفسهم وقدراتهم.
🍄 ابحث عن طرق للتواصل مع الأطفال في مناطق الحرب ، وتبادل معهم الرسائل والصور والفيديوهات. هيساعد تواصلكم معاهم على فهم القضية والتضامن الايجابي معهم .
🍄 انضم إلى حملات أو مبادرات تهدف إلى دعم الأطفال الذين يتأثرون بالحرب ، مثل التبرع بالمال أو الملابس أو الألعاب أو الكتب ، أو التطوع في المنظمات الإنسانية أو الخيرية.
الأطفال #أمل المستقبل ، وومضة الامل وسط الظلم .


https://healthydevelop.bio.link/

عيادة الطب النفسي التطوري للاطفال لطفولة مبتسمة و مستعدة للمستقبل

طفل عبقري
بيقابل تحديات اكتر
وهيحتاج مننا اضعاف المجهود
تصوّر ... #العبقرية .... سلاح ذو حدين.
طبقا لليونيسيف ، فيه ملايين الاطفال العباقرة لا تتوافر لهم الفرص ملائمة
و يكفي ان تعرف ان نسبة الاطفال ذوي الذكاء المتميز تقارب طفل كل 1000 طفل
و بيتولد كل لحظة طفل عبقري ..
و دي بعض الملاحظات لذكائهم ، ممكن نكتشفها فى وقت مبكر جدا فى طفولتهم :
🍄 ذاكرة قوية للتفاصيل
🍄 الفضول و الشغف بالتحديات الجديدة
🍄 الكلام الكتير
🍄 اهتمامات غير تقليدية بمواضيع او العاب معينة
🍄 خيال خصب
🍄 #حساس جدااا جدااا جداا ; و ممكن قدراته كلها تتدهور لأقل سبب يؤثر عليه .. ودا يعتبر اهم عامل بيخلي التعامل مع فترة طفولتهم صعب و مرهق
مش كل الاطفال الذكية هتظهر عليها جميع السمات دي بالكامل .
لكن هتلاقي بعضها ملحوظ بشكل واضح فى سن مبكر
تلميحات سريعة ازاي #تدعم تميزه دا :
🍄 وفّر لهم بيئة غنية بالمثيرات و الكتب و الالعاب و الناس .. الناس اهم مثير
🍄 اتحدي عقله وإلا هيزهق بسرعة جدااا
🍄 احترم تمـيـُّـزه ... لا تقارنه بأي أحد
🍄 شجعه و كافئه على المجهود مهما كانت النتائج
🍄 خليك قدوة قدامه ، خاصة في التعامل مع المواقف الحساسة
🍄 متسيبوش مع الشاشات ... هتستهلك اعصابه
🍄 ركز مع مميزاته و اصبر عليه
🍄 اتعلم انت منه ، ابنك هيعلمك افضل اسلوب تعامله بيه
🍄 اسمع من المتخصصين و اسعي تساعده يطور قدراته ، خاصة ذكائه العاطفي
🍄 اعمل له اختبارات توضح نقاط القوة و التحديات عنده
🍄 حــبـه ... بدون شروط
🍄 افتكر انك بتساعده يكون افضل نسخة منه ، مش علشان يحقق احلامك انت

الطفل الذكي لو متوفرش له الدعم الكافي ، بيكون معرض لملل شديد و تقلبات مزاجية و عزلة و ضعف ثقة بالنفس و توتر و غيرها .
بس بمجهودنا فى زيادة الوعي بيهم و باحتياجتهم ، #بينوروا و يزدهروا
شكرا لاهتمامك بالصحة النفسية للطفل
#شارك البوست علشان تستفيد منه كل اسرة ممكن يبقي فيها طفل موهوب لم يتم اكتشافه بعد.



https://healthydevelop.bio.link/

عيادة الطب النفسي التطوري للاطفال لطفولة مبتسمة و مستعدة للمستقبل

الحقيقة وراء صمت طفلك ...🤫
ممكن يكون بيكسّل يتكلم او متمرد عليكي ... جاايز
بس الاطفال نادرا لما بتستخدم الصمت كعقاب .. 🥸
غالبا بيكون فيه اسباب أعمق .. اسباب لها علاقة بمخه و عواطفه
تراجع كلام الطفل و ميوله للصمت ممكن تكون بسبب :
🍄 ضغط نفسي ; زي اضطرابات القلق و التوتر
🍄 ضعف بتطور اللغة ; نتيجة اضطرابات التواصل الاجتماعي
🍄 ضعف السمع ; حتي لو بينتبه الطفل للاصوات ، السمع وارد يكون موجود لكن مش طبيعي لبعض الترددات
🍄 تأخر ذهني ; ومن اعراضه تأخر الكلام
🍄 صعوبات حركية ; معطّله حركة أعضاء الكلام
🍄 و غيرها من الاسباب زي بعض الاضطرابات الكهربية بالمخ او اضطرابات التمثيل الغذائي او كسل في الغدد الصماء
في اغلب الاضطرابات دي الطفل بيكون بيتكلم بس مش في كل الاوقات .. 🤯
ودا مش بمزاجه .. دا بسبب ان تطور اللغة لسه ضعيف فبيتكلم مضطر ونادرا لو نطق بعفوية
دا مش معناها ان الأمر بمزاجه و هو إللي عنيد ... دا معناها ان فيه معاناه علشان يتكلم بطلاقة زي إللي في سنه
و محتاج مساعدة ...
بعد التشخيص بنحط أيدنا علي السبب ..
و دي البداية .. إحنا محتاجين لسه نعلمه الكلام ..🧑‍⚕️
ودا له متطلبات :
🍄 لازم التدخلات تكون بمنهجية #علمية
🍄 لازم الطفل #يستأنس بالمختص و بيكي اثناء التعلم والا هيردد كلام بدون فهم
🍄 ممكن بعض الاطفال تحتاج #تقنيات حديثة مع جلسات التخاطب تحفز مراكز اللغة
🍄 بعض الاطفال بتحتاج تدريبات خاصة بعضلات #النطق
🍄 تدخلات دوائية او تأهيلية بهدف زيادة #الدافعية للتواصل و تقليل التوتر النفسي
🍄 شوية او شويتين صبر و حتي لو الوقت طال و خلي جواكي #أمل لانك انتي نفسك أهم أمل له
الصمت مش دايما اختيار📣
و الخروج منه محتاج أيد متفهّمة تساعد الطفل و عقول عندها علم تداويه و نفس راضية تحتويه.


https://healthydevelop.bio.link/

مرحب بعيد جميل ، فيه يستجيب الله الدعوات
دعاء ابراهيم لأسرته و دعاء هاجر الملهوفة علي ابنها و دعاء كل أسرة بأذن الله

>>> دا المفروض يعني😎

قال رسول الله صلى الله عليه وسلم: (إذا جاء يوم العيد فأتوا بأحسن ما تستطيعون من ثيابكم وأطيب ما تجدون من طيبكم وأفضل ما تقدرون من نسككم) .
فرحة العيد سنة .. افرح و فرّح اللى حواليك 🥰

اصل هو اللى مستفز 🤬
بيشوف ايه بيضايقني و يعمله
حوالي 75% من الامهات اعلنوا فى دراسة ان ولادهم بيستفزوهم بشكل متكرر😤
و فيه حلول للظاهرة الازلية دي بدون صراخ او عنف او حتي نصائح مكررة
بس الاول نفهم ليه ؟ .. ليه الاطفال بتغيظنا :
في دراسة امريكية حوالي 80% من الامهات بيعتقدوا ان السبب هو اسلوب تربيتهم الغلط او ان الاب هو اللي مدلعهم ، فواضح ان امهات امريكا و مصر متفقين فى النقطة دي
بس غلط .. غالبا مش بيكون احنا السبب و فيه اسباب تانية :
- جذب انتباه
- تعبير خاطيء عن المشاعر سواء غضبهم منك او حتي حبهم ليك
- تقليد لحاجة شافوها
- فرض سيطرة و اختبار لحدوده معاكي
قبل الحلول ثقي بنفسك و ان مزاجك ملكك انتي😮‍💨 .. و انك تقدري تتعاملي مع الوضع بدون ما تفقدي اعصابك🤯
- في الموقف :
🍄 اهم خطوة ، عرفيه ان طريقته ضايقتك ، وان دا اسلوب هزار مش مقبول
🍄 اسأليه ليه عمل كدا لانه ممكن تكوني فهمتي الموقف غلط وهو عنده حق
🍄 تعاطفي مع مشاعره بدون ما تغيري موقفك " انا مقدرة انك مضايق لكن دا مش مبرر لاسلوبك"
🍄 استغلي الفرصة و نمّي ذكاءه العاطفي ، عرفيه شعوره اللى دفعه يقول كدا و عرفيه اساليب تانية يقدر يعبر بيها " انت اتصرفت كدا لانك حسيت بالاحباط لما ملقتش لعبتك ، المرة الجاية اطلب مني ادوّر معاك عليها"
🍄 لو اصرّ ، عرفيه ايه هيكون عقابه و انك هتكرري العقاب كل مرة يكرر اسلوبه دا
- و عامة :
🍄 لوضايقك وانتي فى نقاش معاه ، تجاهلي استفزازه ليكي و ركزي على الموضوع الرئيسي لانه هيتوهك
🍄 اتأكدي بيتف*ج على ايه لانه ممكن يكون بيقلد
🍄 سمعيه كلام حلو هيقول كلام حلو ، احضنيه و حفزيه علشان علاقتكم تقوي
🍄 خليه يسمعك بتقولي كلام حلو عليه قدامه .. مش العكس
🍄 اتفقي مع باباه ازاي يكون تعبيركم عن مشاعركم لانه هيقلدكم
🍄 اديله نموذج فى مواقف مختلفه ازاي انك بتعتذري لو غلطتي
🍄 خلي فيه وقت لكم سوا تلعبوا او تعملوا نشاط بتحبوه
🍄 لو اسلوبه عنيف او مستمر و مؤذي لازم تلجئي لطبيب مختص لانه ممكن يكون محتاج مساعدة للتعامل مع مشاعرة او لسه مش قادر يعبر بشكل سليم

رمضانكم كريم 🥰

عيادة الطب النفسي التطوري للاطفال لطفولة مبتسمة و مستعدة للمستقبل

اضطراب تشتت الانتباه .. 🤯
العلاج المبكر بيدي فرصة للطفل يستغل امكانياته بأحسن صورة علشان يكبر و صحته النفسية بخير ✌️

عام سعيد و مستقبل مطمئن لكل ولادنا 🥰

اهم مهارة تعلمها لابنك
انه "ميبصش على العصفورة"
في زمن ملئ بالمشتتات و الملهيات ، السيطرة علي النفس امر مش سهل ابدا... و الطفل بتشتته 100 عصفورة فى اليوم
التحكم بالنفس والقدرة علي تجنب المشتتات او اللي بنسميه
"Impulse Control and Delayed Gratification"
من اهم المهارات الي ممكن نعلمها لأولادنا
دراسات حديثة كتير اثبتت ان تعليم ولادنا ازاى يتحكموا فى نفسهم يكاد يكون اهم مهارة يتعلمها طفل مقبل على العالم مزخرف المشتت دا
و دا علشان الاطفال المكتسبين لمهارة التحكم بالنفس :
🍄 تحصيلهم الاكاديمي اعلي وبيحققوا طموحاتهم اسرع في المستقبل
🍄 علاقاتهم الاجتماعية افضل ، ولديهم صداقات طويلة الامد مقارنة بغيرهم
🍄 صعب يضلوا طريقهم مع صحبة غير سوية او فى طريق المخدرات
ازاي اقدر اخلي طفلي يكتسب المهارة دي ⁉️
🍄 اول نقطة هي بناء الثقة 🥰
تنفيذ الوعود و مشاركتك اهتمامته بيديله ثقة
🍄 خليك قدوة 🤓
الاطفال بتتعلم التحكم في العواطف من النماذج القريبة منها
لما يكون الاهل بيعرفوا يسيطروا علي مشاعرهم ، الوصلات العصبية عند الطفل بتنمو بشكل افضل واقوي والطفل بيتعلم ازاي يسيطر علي عواطفه وينظمها
🍄 اخترع مواقف 🤠
تعمد تكون مع طفلك و يقابلك حاجة بتحبها بس تتنازل عنها علشان مش اولوية دلوقت .. و يكون فعلا مش تمثيل
🍄 سمّي له مشاعره 😠😢
عرفه الشعور اللى حاسس بيه ، و ان منطقي انه يحس بس مش منطقي يعبر عن شعوره بشكل غير ملائم
🍄 عرفيه القواعد .. و المباديء السوية 🧐
و خليه يكررها وراك
لو مش عارف القواعد هيكون فيه احتمال كبير ان سلوك يبقي غير متوقع ... عرفه القواعد و النتائج لو خالف القواعد
و المباديء اللى هيكمل حياته بيها ...
🍄 تمالكي اعصابك 😎
الاطفال في سن مبكر بيكون من الصعب يتعامل مع مشاعره و ممكن يكون حركي و مندفع بس مع الوقت المفترض الطفل ينضج و يتحكم فى اندفاعيته .. قبل عمر ال 3 سنوات اديله فرصة و كن صبور
لو حاسه ان طفلك مندفع سواء حركيا او لفظيا بشكل مختلف عن زمايله من عمره .. دا ممكن ميكونش خطأ فى التربية ... ممكن الطفل نفسه يكون محتاج مساعدة و الضغط عليه مش هيصلح سلوكه.
بعض الاضطرابات السلوكية و النفسية بتأثر على قدرة الطفل انه يتحكم فى تصرفاته .. و هنا بيحتاج مساعدة مش عقاب

اجهزي علشان قربنا
عام دراسي جديد و دورة جديدة من دورة حياة ابنك ..
و طبعا هتدوري معاها مش هيدور لوحدة
دي شوية تحضيرات سريعة علشان ندخل العام الجديد برجلنا اليمين:
Ready:
🍄 دربيه على الاجواء الصباحية للمدرسة: انه يصحي بدري ويفطر مثلا.
🍄 جهزي معاه مواضيع يكلم زمايله فيها : قضى الصيف ازاي وايه المواقف المضحكة اللي مر بيها الصيف.
🍄 المشاركة في شراء الأدوات المدرسية الخاصة بالعام الدراسي الجديدة ، هيساعدهم يبقوا أكثر حماسا لاستخدامها.
🍄 جهزي ركن فى البيت معاه علشان يبقي مريح وممتع وخالي من المشتتات ومليان بالمحفزات .. هنذاكر هنا .
Steady:
🍄 احكي له عن مغامرات فى المدرسة و عن مواقف واجهتيها و نجحتي فيها... بطولات سعادتك هتشجعه بس متزوديش البطولة اوي.
🍄 خليه يكتب اللى عايز يحققه السنة الدراسية الجديدة ، علي فكرة مش ولادنا بس اللي هيكتبوا ، انتي كمان اكتبي معاه.
🍄 انتي عارفه التحديات اللى هتقابلكم . اقري عنها او استشيري طبيب متخصص في كيفية مواجهتها.
Go:

🍄 اول يوم دراسة خليه يختار الوجبة اللى بيحبها و حطي خطة ممتعة لباقي اليوم لما يرجع عشان نكسر الخوف والتوتر من اليوم ده.
🍄 خلي في حاجة مشتركة بينك وبينه زي مثلا ميدالية مثلا تحسسه انك طول الوقت معاه وحاسه بيه.
🍄 بعد انتهاء اول يوم دراسة واحنا راجعين البيت هنشتري حاجة بيحبها زي مثلا ايس كريم او شيكولاته لانها هتخفف ضغط اليوم دا و تسيب ذكري حلوة عنده.
🍄 في نهاية كل اسبوع دراسي هتعلموا نشاط سوا ولو خروجة بسيطة مع بعض... و اتفقي من قبلها هتعملوا ايه و هترجعوا امتي علشان تبقي خروجة ممتعة من اولها لاخرها مش اولها بس .

دعم رحلته التعليمية مهم زي دعم صحته النفسية .

بيتسلق الشجر و بيتشقلب على السرير
فى دراسة حديثة بجامعة انجليزية وضحت اثر اللعب الحركي للاطفال من سن 5 الى 11 سنة على صحتهم النفسية
و ازاى انه بينمي خيالهم و بيقلل توترهم و بيفتح فرص للتفاعل معاهم
و كان من بعض توصياتهم :
🍄 شاركه تجاربه
و السر هنا انك تظهر انه مستمتع و مبهور و بتعلق على كل حاجة بتعملها معاه
افكارك المبتكرة في اللعب بتكون بالنسبة له زي السحر لانه مثلا مش متعود يعلق شرايط ورق تطير قدام المروحة ولا انه يركب فوق ظهرك حصان .
و حتي لو كان سنه كبير محتاج يطلع معاك مكان مفتوح و يحاول يتسلق و يقفز و يجري .. وانت كمان من وقت للتاني بتحتاج دا 😉
🍄 الطبيعة ملعبكم
هتحتاجوا تنزلوا سوا اماكن مفتوحه
و اكيد هتحتاجوا تتجاهلوا الناس و تقضوا وقت كأن مفيش غيركم هنا.
🍄 لو ازمت اوي يبقي خلي فيه وقت صباحي لكم "سوا" فى البلكونة
ممكن تضيف له شويه العاب مائية او رملية
نظام البيت مهم ، بس ممكن نتشقلب شوية على السرير فى وقت محدد و بعدها نرتبه تاني
المهم يبقي لكم وقت سوا 😊

عيد مبارك
اللهم احفظ احبتنا بحفظك و أرزقنا تقواك والعمل في رضاك ..
اضحاكم سعيد ، تقبل الله منا ومنكم صالح الاعمال

اكتر من ٢٠ ألف ... 😲
دا عدد الجمل السلبية و الانتقادات اللى بيسمعها طفل عنده " اضطراب تشتت الانتباه و فرط الحركة" اكتر من باقي الاطفال اللي في سنه قبل ما يوصل عمره ١٢سنه..
يعني مش كفاية عنده مشكلة ، المزعج اكتر هو "اللوم" اللي بيسمعه دايما علشان عنده المشكلة دي.
دا بيولِّد عند الطفل ما يسمي بـــ"Rejection Sensitive Dysphoria" او حساسية #الرفض ..
انه بيكبر و هو دايما قلقان انه ممكن يتم رفضه او #انتقاده
فى كل كلمة او تصرف بيعمله بيشوف الرفض فى عين الاخرين حتي لو مش بينتقدوه ..
هو خلاص بقي حاسس دايما انه مرفوض ..😞
حساسية الرفض دي بتخلي الطفل اما :
- يتجنب اى موقف اجتماعية
- او يعمل تصرفات مبالغ فيها علشان ينال حب و رضا #الاخرين
واكيد انت دلوقت متخيل قد ايه دا ممكن يأثر بشكل سلبي على علاقاته الاجتماعية فى الطفولة و فى المستقبل .
فيه اعراض لو موجوده ممكن تبقي #مؤشر ان الطفل بقي عنده حساسية شديدة من الرفض :
🍄 ضعف الثقة بالنفس
🍄 انفعال و هياج شديد مع اي نصيحة او توجية
🍄 بيغضب بسرعة و يهدأ بسرعة
🍄 تجنب المواقف الاجتماعية
🍄 خناقات متكررة مع أهله فى البيت
🍄 تكرار كلمة "معرفش" او "مقدرش"
🍄 أداء اكاديمي متذبذب احيانا شاطر و احيانا مفيش تركيز
🍄 بعض الاطفال ممكن يفكر يأذي نفسه
اضطراب ال ، اضطراب حقيقي و محتاج تدخل علاجي يساعد الطفل ذهنيا و نفسيا
٩٩% من المراهقين اللى عندهم " اضطراب تشتت الانتباه و فرط الحركة" قالوا انه اصعب شيء فى حياتهم انهم حاسين دايما بالانتقاد فى عين الاخرين.
الطفل محتاج نساعده و نعالجه .. مش #نلومه او نلوم نفسنا او نسمح حتي للاخرين يلومونا ..
و اساليب #العلاج المتعددة سمحت لنا باختيار الانسب للطفل و لنا .. علشان يكبر و هو واثق في نفسه.

ربنا يقوي كل أب و يكون دايما أمن و دفا لولاده ✨

موبايلك 📱 - عربيتك 🚗 - ساعتك ⌚️ - حتي شنطتك 👜
كل ما كان تصميمها مبتكر و مميز كل ما زادت قيمتها
التصميم دا تنفيذ لفكرة
فكرة نتيجة #خيال ابداعي لشخص
كلنا عندنا خيال بدرجات مختلفة
و تنمية الابداع مهارة كلنا نقدر نطورها فينا و في .. ولادنا 👩‍🎓
عيادة الطب التطوري للاطفال بتطبق برامج عالمية #لتنمية خيال الطفل
قدرته على التصوّر النهاردة بتهيأ مخه لقدرات ابداعية فى #المستقبل🧠

خياله النهاردة .. ابداعه لبكرة
جمعنالكم اكتر من ٨٠ صورة من #ابتكار المبدعين الصغار لو كانت موجوده فى الحياة
#افتح الصور و ادخل عالمهم

كل عيد و انتم بخير و سعادة و كل دعواتكم مستجابة 🥳

هتوحشنا يا رمــضـــان 🥰

رمــضـــان 🥰

عيادة الطب النفسي التطوري للأطفال - YouTube أول قناة عربية مختصّة بالصحة النفسية و الذهنية للطفل و دعم تحصيله الاكاديمي و تواصله الاجتماعي

رمضانكم بركة و نور 🌙

كل سنة و كل " أم" في سعادة و راحة بال 🤱

المصطلح الطويل دا Didaskaleinophobia
مشتق من كلمتين بالاتينية .. "Didasko" و معناها تدريس و "Phobos" و معناها الخوف الشديد
علي بعضها تعني "الخوف من المدرسة"
دي مشاعر قلق بتخلي الطفل يحاول انه يتهرب من المدرسة فيقول انه تعبان او سخن او بطنه بتوجعه عشان ميروحش مدرسته
مش ادعاء ولا تمثيل .
خوفه الشديد ممكن يظهر فى هيئة اعراض نفسجسميه .. فيوصف لك صداع او آلام متكرره ، خاصة وهو بينام قبل يوم المدرسة .
ملهاش سن معين و مش علشان هو لسه صغير
فوبيا المدرسة ممكن تيجي لطالب جامعي و ممكن اعراضها تطول اذا متعالجتش بشكل مناسب.
فوبيا المدرسة مش نادرة ومعدل انتشارها يصل ل 5% من الاطفال.
بس كل الاطفال ممكن تقلق بشكل طبيعي و ترفض تروح المدرسة
فعلشان نقول ان دا اضطراب قلق هتلاقي :
🍄 خوف شديد قبل يوم المدرسة
🍄 صعوبة فى النوم و كوابيس
🍄 قيء او آلام او صداع قبل يوم المدرسة
🍄 نوبات غضب او تعلق شديد بالاباء
🍄 تراجع بالاداء الدراسي
لو دققت شويه فى حياه الطفل احيانا هتلاقي اسباب ساعدت ان مشاعر الخوف دي تسيطر عليه , منها :
🍄 قلق الطفل من الاداء الدراسي فيما يسمي بــ Performance Anxiety
بسبب التركيز الاداء الاكاديمي او انه بيعاني من صعوبات بالتعلم .
🍄 التعرض لأزمات نفسية في الاسرة مثل وفاة شخص مقرب ،او انفصال او الاب فقد وظيفته ... اى متغير كبير فى حياة الاسرة
🍄 تغيير المدرسة ممكن كمان يسبب رفض للمدرسة الجديدة لانه مش قادر يتأقلم علي التغيير و اكتساب اصدقاء جداد والتعامل بنظام مختلف عن الي اتعود عليه
🍄 ممكن يكون سبب محدد بالطفل ، زي قلقه ان حد بيتنمر عليه او بيهدده او بيتعرض له لفظيا او جسديا او قلقه على احد افراد اسرته .
و ايه الحل ...
🍄 اولا لازم يكون فيه تواصل سليم بينك وبينه بدون اتهامات ، مينفعش اقوله بطل دلع ، انت جبان ، او انزله بالعافية وهو رافض او بيبكي و منهار كدة بفقده ثقته فيا ، لكن اسأليه عن حقيقة مشاعره وسبب رفضه لان مممكن جدا تطلعي باجابات تعرفك فين المشكلة وتساعد علي الحل
🍄 متحاوليش تتكلمي بعقلانية لان الخوف ممكن يكون ملوش مبرر عقلاني .. وضحي انك هتساعديه و هتكوني جنبه .
🍄 راجعي طبيب الاطفال لان ممكن فعلا يبقى عنده سبب عضوي بيسبب الصداع او القيء فعلا .
🍄 تواصلي مع طاقم التدريس بالمدرسة لبحث الاسباب.
🍄 ابحثي عن حليف فى المدرسة .. مدرس او مختص ، ابنك يلجأ له لو حس بخوف شديد و يحتويه و يكون مصدر امان.
🍄 ادمجيه بأنشطة اجتماعية خارج نطاق المدرسة.
🍄 احجزي كشف طبي لتقييم قدرته على التركيز و الانتباه لان الارهاق الذهني او صعوبات التعلم ممكن تكون سبب اساسي لتهربه من المدرسة.
🍄 خدي خطوات تدريجية بسيطة .. ممكن النهاردة يروح المدرسة معاكي لمدة ساعتين بس .
🍄 ابعدي الطفل عن وسائل الترفية في الايام اللى مش هيروح فيها المدرسة.
🍄 كافئيه و خلي المدرسة تكافئه على ابسط الانجازات فى البداية.

لو الاعراض متكرره يبقي الطفل فعلا بيعاني و محتاج مساعدة متخصصة سواء علاج دوائي او تاهيلي علشان يتخطي الحاجز النفسي دا
تواصلي مع العيادة و عرفيه ان فيه دكتور هيساعدكم و ان الامر بسيط و خوفه هيختفي بسرعه .
متنسيش اتكلمي بثقة قدامه .. هو بيستمد أمانه منك ...
.

الطفل بيكبر و يتطور .... و #يختلف
افتح الصور و اقري الكابشن علشان تساعد في #تطور طفلك و صحته النفسية

🌃🥱 لو مناموش كويس مش هيسيبوك تنام !! 💤😴

عام سعيد و مبارك علي كل اسرة