مركز أ.د سوزان سلامة - Prof. Suzan Salama for allergy , sleep and lung care

عطس .. زكام .. التهاب الحلق
أعرض زكام ولا حساسية أنف؟🤔

صعب تفرق بينهم لتشابه أعراض الحالتين ولكن بدورنا نوعيك بالتفريق بينهم وطرق التعامل مع الأعراض في الحالتين.

-عامل الوقت -مدة الإصابة - لو زادت عن 10 أيام بيتم ترجيح حساسية الأنف وخلال الفترة دي لو طفلك حس ب :
1- سيلان انف مع افرازات سميكة ملونة
2- ارتفاع درجة الحرارة
3- الآم فى الجسم
4- صداع وإرهاق
5- التهاب الحلق

-لو زاد المدة وظهرت أعراض على طفلك مثل :
１-سيلان وانسداد بالأنف
２- عطس مستمر
３-حكة بالأنف أو الاذن
４-حكة واحمرار فى العين
５- صعوبة فى النوم
６- ضيف تنفس ونهجان
７ طفح جلدي

بيتم التشخيص ك حساسية أنف وضروري الآتي:
-العرض علي طبيب مختص لوصف العلاج المناسب وتجنب تفاقم الأعراض
- تجنب مسببات الحساسية قدر الإمكان

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

وصلنا لأبرد شهر في السنة واللي بتتكور فيه نوبات الحساسية، البوست دا في شوية نصائح مقدمة من مركز دكتورة سوزان سلامة لمرضى الحساسية في طوبة!

١-أول ما تصحى من نومك إبدأه بشرب ماء فاتر لمعادلة حرارة الجسم وبعدها مشروب عشبي دافيء زي اليانسون.
٢- خليك حريص على تهوية بيتك في بداية اليوم ودا هيساعدك تتخلص من البكتيريا والڤيروسات.
٣- لو نازل مشوار في الصبح بننصحك ترتدي كمامة عشان تحمي أنفك من التعرض المفاجيء للهواء البارد او مسببات الحساسية.
٤- حاول خلال يومك إنك تتجنب الوجبات السريعة والأطعمة المليئة بالمواد الحافظة.
٥- إستبدلهم بوجبات صحية متوازنة هتساعدك على تعزيز المناعة.
٦- تعقيم الإيد بالكحول بصورة دورية مع غسل الإيدين.
٧- ابتعد تمامًا عن مثيرات الحساسية.
٨- متنساش تنتظم على بخاخات الربو الوقائية لأنهم هتساعدك تتجنب نوبات الحساسية.
٩- اغسل الأنف بمحلول ملحي.
١٠- شرب كوب ماء قبل النوم
١١ - تدفئة بيتك في المساء مع الإلتزام بالملابس الشتوية مع مراعاه تخفيف طبقة من الملابس عندم النوم لوجود البطانية.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

ازاي تتجنب العدوى بإلتهابات ڤيروسية خلال العمرة؟
في اخر فترة لاحظنا ان حالات كتير بتجيلنا المركز بأعراض متشابهة بعد العودة من العمرة، في البوست دا هنساعدكم تعرفوا الأسباب وازاي تتجنب الإصابة بالعدوى.

🔵 أهم الأسباب:

١- إختلاف درجات الحرارة بين مصر والسعودية.
٢- إختلاف درجة الحرارة داخل وخارج الحرم.
٣- وجود ڤيروسات تنفسية بسبب التزاحم ووجود جنسيات مختلفة.

🔵نصائح المركز لتجنب الإصابة أثناء العمرة:

١- التأكد من الشفاء التام في أي أدوار برد قبل السفر.
٢- إستخدام الكمامة وغسل الإيدي بإستمرار.
٣- الإلتزام بنظام غذائي متوازن وتعاطي ڤيتامين سي أقراص مع شرب ٣ لتر سوائل يوميًا.
٤- الإلتزام بأدواتك الشخصية وتجنب تبادلها مع شخص آخر

🔵 نصائح المركز في حالة الإصابة بعد العودة من العمرة:

١- في حالة إستمرار الحرارة أكثر من ٣ أيام بالرغم من خوافض الحرارة —> تتطلب عمل تحاليل وأشعة على الصدر.

٢- في حالة عدم وجود بلغم ملون —> الإكتفاء بالعلاج التحفظي ومضادات الڤيروسات.

٣- في حالة إستمرار الحرارة مع وجود بلغم ملون وكحة شديدة وصعوبة في التنفس —> لازم تلجأ لإستشارة الطبيب فورًا لأنه دليل لوجود إلتهاب بكتيري كمضاغات للإلتهاب الڤيروسي.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

الاستحمام ممكن يتسبب في تسمم طفلك؟ 🚿

للأسف الفترة الأخيرة حصل حالات تسمم كتيرة للأطفال والكبار بسبب تسرب غاز Co2 من السخان الغاز اللي دايما بنسميه "القاتل الصامت" لأن الاعراض بتكون بسيطة جدا وشائعة صعب طفلك يميزها زي :

- دوخة
- زغللة
- صداع
- غثيان
- ضيق تنفس
- تغير لون الجلد للاحمر

عشان كده لازم تتأكد ان في مصدر جيد للتهوية وكمان دايما تكون جاهز لللاسعافات الأولية زي :
- اخرج من التواليت فوراً واقفل محبس الغاز العمومي
- تجنب انك تشغل اي مفتاح كهربا بالذات لو عدادات الكهربا جنب عداد الغاز
- نخلي المصاب يقعد في مكان جيد التهـويه امام اي شباك ويكون وضعه جلوسا لتجنب مع الترجيع نزول اي شئ للمجرى التنفسي (aspiration)
- اتصل بالاسعاف ( 123 ) وبلغهم يجيبوا ماسك اكسجين واسطوانة اكسجين لحد ما يتنقل المستشفي وياخد اكسجين تحت ضغط عالي

لو حابب تستفسر عن تفاصيل اكتر اكتبلنا في الكومنتات واحنا هنرد عليك!

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

إضطرابات النوم بتفزع طفلك!

هنقولك أعراض إضطرابات النوم عند الأطفال عشان تساعدي طفلك ينام بأمان:

١- الشخير.
٢- التبول اللإرادي.
٣- إستيقاظ متكرر ومفاجيء بسبب إنقطاع التنفس أثناء النوم.
٤- صعوبة التنفس من الأنف والتنفس من خلال الفم.
٥- عدم التركيز والتشتت في الدراسة.
٦- صداع خلال اليوم ينتج عنه مشاكل سلوكية وعدوانية.

لو لاحظتي على طفلك الأعراض دي لازم تستشيري الطبيب فورًا لإنه في الأغلب هيحتاج اختبار دراسة النوم للتأكد من تشخصيه بإضطرابات في النوم وتحديد العلاج المناسب لحالته.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

تعرف ان الانفلونزا ممكن تؤدي الى الالتهاب الرئوي! ⚠️

برغم ان الانفلونزا مرض منتشر جدًا لكن ليه مضاعفات خطيرة نقدر نتجنبها من أولها.

بدايةً كدة مين أكتر ناس معرضين للأصابة بالأنفلونزا؟
- الأطفال أقل من ٥ سنين.
- أي حد مناعته ضعيفة زي مرضى الغسيل الكلوي، مرضى الأورام والمصابين بالأمراض المناعية وغيرهم.
- أصحاب الأمراض المزمنة في الصدر أو القلب وكمان مرضى السكر.

طيب أيه الأعراض اللي تخليني أشك إن الأنفلونزا سببتلي التهاب رئوي؟
- استمرار ارتفاع درجة الحرارة.
- وجود بلغم ملون.
- ارتفاع الالتهاب في التحاليل.
- وجود أشعة بها التهاب حاد.

وعشان نقي نفسنا من الاصابة بالانفلونزا دي نصايح مقدمة من منظمة الصحة العالمية:
- أخذ أمصال الأنفلونزا السنوية بانتظام.
- غسل الأيدي بانتظام واستخدام الكحول المطهر.
- تجنب لمس عينيك وأنفك وفمك.
- تجنب مجاورة المرضى.
- إذا كنت مريضًا، ابق في المنزل لتجنب انتشار العدوى، واستشير طبيب لعلاج الأنفلونزا حيث أن الفئات الأكثر عرضة والأكثر خطورة تحتاج لمضاد للفيروسات لمدة ٥ أيام حسب المزرعة.

⚠️ اسألنا في الكومنتات عن أمصال الانفلونزا أو لو حابب تعرف المواعيد الأنسب لأخذ الجرعات!

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

عملت تمارين التنفس قبل كدا؟ 🫁

لو أول مرة تسمع عنها اعرف انك فايتك كتير، عشان هنقولك دلوقتي الفوائد الصحية الناتجة عنها:

١- تحسين حالتك الصحية والنفسية وتقليل التوتر.

٢- تحسين وظائف الرئتين عن طريق تحريك الهواء لأسفل الرئتين.

٣-تعزيز المناعة وتحسن الدورة الدموية لأنها بتساعد على تدفق الدم والأكسجين إلى الرئتين وبالتالي الحد من خطر الأمراض الرئوية ومضاعفاتها.

٤- فتح وتوسيع المجاري التنفسية للسماح للمخاط بالخروج بشكل أكثر فاعلية.

🔵 الخطوات الفعالة لتمارين التنفس:
١- لازم تقعد في مكان هادي ومريح مع ضرورة إستقامة ظهرك وفرد القدمين على الأرض.

٢- غمض عينك
٣- وضع الإيدين: حط إيد على بطنك في المنطقة اللي تحت الضلوع مباشرة، والإيد التانية على صدرك.
٤- ابدأ خد نفس منتظم ولاحظ حركة الإيد الموجودة على البطن مع كل شهيق.
٥- ابدأ خد نفس عميق وبطيء من خلال أنفك.
٦- احبس نفسك بالتوقف لمدة ثانيتين.
٧- اطلق زفيرًا ببطء من خلال الفم ولاحظ حركة الإيد الموجودة على البطن
٨- كرر الخطوات كذا مرة

🔵 بننصحك تبدأ بخمس دقايق في اليوم وتزود المدة تدريجيًا كل يوم ومهم جدًا انك تعمل التمرين كذا مرة خلال اليوم وان التنفس يكون بوعي.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

عندك حساسية صدر وبتخططي تحملي؟ 🤔

دي شوية نصايح بيقدمهالك مركز الأستاذة الدكتورة سوزان سلامة عشان تحصلي على حمل صحي وتتجنبي نوبات الحساسية.

- قبل ما تخططي للحمل ظبطي جرعات الأدوية ولو النوبات بتجيلك بشكل متكرر لازم تحلي المشكلة دي الأول مع الطبيب قبل الحمل.
- أوعي توقفي الأدوية أثناء الحمل، واستشيري الطبيب عشان يكتبلك الأدوية الآمنة ليكي ولطفلك.
- لو عندك ارتجاع مريئي بسبب الحمل مهم تعالجيه عشان الحساسية متزيدش.
- ابعدي عن كل محفزات الحساسية زي الغبار والأتربة والتدخين ووبر الحيوانات.

🔹 وأخيرًا بنقدملك اجابات لبعض الأسئلة الشائعة:
١- هل الحساسية تنتقل من الأم للطفل أثناء الحمل؟
الإجابة لا، رغم وجود عامل وراثي لكن لم يثبت بالدراسات انتقالها اثناء الحمل.
٢- هل يكفي العلاج بالأعشاب أثناء فترة الحمل؟
الإجابة لا، الأعشاب ليست كافية وإنما ضروري وجود علاج دوائي.
٣- هل التخدير أثناء الولادة آمن؟
اختبار وظائف التنفس هو الاختبار الآمن في الحمل واللي بيحدد طريقة التخدير.

⚠️ فترة الحمل فترة مهمة جدًا في حياتك، وصحتك فيها بتأثر على صحة طفلك فمهم جدًا تتابعي مع طبيبك بانتظام طول الفترة دي!

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

دلوقتي انسب وقت تاخد فيه أمصال الحساسية! ⚠️

أفضل وقت لتلقي المصل هو الوقت اللي بتكون بعيد فيه عن مسببات الحساسية وقبل فترات تغيير الفصول اللي بتزيد فيها نوبات الحساسية، لكن ازاي بنقدر نحدد المصل المناسب ليك؟

* تحديد المصل المناسب بيكون ليه عوامل مختلفة أولها انك تحدد ايه نوع الحساسية اللي عندك:
- حساسية صدر.
- حساسية أنف.
- حساسية العين.
- حساسية الجلد.

* وبعدين بتبدأ تحدد مسببات الحساسية اللي بتكون متنوعة وبتختلف من شخص للتاني ومنها على سبيل المثال لا الحصر:
( التراب - حبوب اللقاح - السجائر- شعر الحيوانات - أطعمة معينة - الحشائش…)

من هنا بيتم اختيار المصل المناسب ليك واللي هيحميك من نوبات الحساسية المستمرة أو أخذ العلاج الدائم.

🔹اسأل في المركز عن أمصال الحساسية المتوفرة.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

تفتكر فيه علاقة ما بين قطع الكهرباء والتهاب الصدر؟🤔

لاحظنا في الفترة الأخيرة زيادة حالات التهاب الصدر ونزلات البرد ونوبات الحساسية بسبب التغيير المفاجئ لدرجة الحرارة أول ما الكهرباء تقطع والتكيف يقف والعكس!

طيب أيه الأعراض اللي ممكن تظهر عليك وقتها؟
- انسداد بالأنف.
- احتقان بالحلق.
- كحة.
- رشح.
- ارتفاع درجة الحرارة.

🔹 وعشان تحاول تتجنب الأعراض السابقة، مركز دكتورة سوزان بيقدملك حلول ونصايح تتبعها الفترة دي:
- بالنسبة لمرضى حساسية الصدر فيجب الانتظام في أخذ جرعات الأدوية لتجنب الدخول في نوبات الحساسية.
- تثبيت مواعيد الاستحمام بعد رجوع الكهرباء مباشرةً ويتم تجفيف الشعر جيدًا قبل التعرض للتكيف أو المروحة.
- وضع ملايات السرير في التلاجة أو الفريزر واستخدامها أثناء فترة انقطاع الكهرباء للحفاظ على درجة حرارة الجسم.
- تغيير الملابس المبللة بالعرق بأخرى جافة قبل التعرض للتكييف.
- الاكثار من شرب الماء والسوائل للحفاظ على تروية الجسم.
- تجنب المشروبات التي تحتوي على كافيين لإنها تؤدي الى جفاف الجسم.
- تعليق اقمشة قطنية مبللة على النوافذ من أجل الحصول على نسمة هواء باردة.
- تنظيف الأنف جيدًا بمحلول ملح ثلاث مرات يوميًا لتجنب النزلات الشعبية.

⚠️ وأخيرًا الوقاية خير من العلاج، اتبع التعليمات أثناء انقطاع الكهرباء ولو حصلتلك أي اعراض التهاب بالصدر فيرجى التوجه للطبيب فورًا!

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

في موجة الحر دي بتشغلوا التكيف قد ايه في اليوم؟ 🤔

في حر أسوان الشديد أصبح لا غنى عن استعمال التكيف طول ساعات اليوم للتقليل من حرارة الجو، لكن هل التكيف ليه عيوب؟ وأيه تأثيره على رئتك؟

🔹 مشكلة التكيف بتتمثل في انه بيحتاج غرف مغلقة وده اللي بيمنع الهواء النقي وضوء الشمس انه يدخل المكان، فالمكان بيكون بيئة خصبة لانتشار البكتيريا والميكروبات، وده اللي بدوره بيعمل على:
- الاصابة بالالتهاب الرئوي التحسسي.
- التهابات الجهاز التنفسي العلوي.
- انتشار عدوى الجهاز التنفسي.

🔹 وعشان تتجنب اضرار التكيف احنا هنديلك نصايح للفترة دي:
١- يجب تهوية المكان من وقت للتاني وفتح كافة مداخل الهواء.
٢- الاهتمام بنظافة المكان بشكل دوري عشان متترسبش الأتربة والميكروبات.
٣-عدم توجيه هواء التكيف على الشخص بشكل مباشر.
٤- تنظيف فلتر التكيف بشكل اسبوعي.
٥- تنظيف الأنف باستمرار، باستخدام محلول ملح بالإستنشاق لتجنب احتقان الأنف.
٦- عزل أي شخص مصاب بالتهاب في الصدر في غرفة مستقلة لتجنب نقل العدوى.

وأخيرًا التكيف سلاح ذو حدين فضروري تتبع كل اجراءات السلامة ليك ولعيلتك.

تعرف أيه عن اختبار النوم؟ وهل محتاج تعمله؟ 🤔

دراسة أو اختبار النوم هو فحص بيشخص مرض انقطاع النفس الإنسدادي النومي، وفي عوامل خطر لو موجودة عندك يبقى انت لازم تعمل الفحص، والعوامل هي:
- زيادة الوزن.
- التقدم في العمر.
- ارتفاع ضغط الدم والسكر بالرغم من أخذ العلاج.
- التدخين.
- عدم تحسن حساسية الصدر بالرغم من أخذ العلاج.
- وجود احتقان انفي مزمن.
- حدوث جلطة في القلب أو المخ.

قولنا في الكومنتات انت محتاج تعمل اختبار النوم ولا لا؟

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

متاخدش الدوا من مجرب خده من الطبيب! ✋🏻

مهم جداً قبل تناول أدوية الحساسية استشارة طبيبك عن الأنواع الأكثر فعالية واقل آثار جانبية بالنسبة ليك وده بيختلف من شخص للآخر على حسب حالته الصحية.

فى البوست ده هنوضحلك ليه يُفضل علاج الحساسية تحت إشراف الطبيب :
١. بعض أدوية الحساسية بتأثر بشكل سلبى على الذاكرة والتركيز والقدرات الذهنية وبتسبب خمول وكسل.
٢.بعض أدوية الحساسية تحتوى على مادة الكرتيزون اللي بيعالج أى رد فعل تحسسى ويقلل من الالتهابات لكن ليه بعض الآثار الجانبية زى:
-احتباس السوائل فى الجسم.
- ارتفاع ضغط الدم.
- زيادة فى الوزن.
- ارتفاع مستوى السكر فى الدم.
- هشاشة العظام.
وكمان بيكون ليه جرعات محددة بتختلف من شخص للآخر ومينفعش نوقفه من غير استشارة الطبيب ووضع خطة لوقفه.

★ ملحوظة:
لازم تستشير طبيبك قبل ما تاخد ادوية الحساسية فى الحالات دى :
- الحمل، لإن كل مرحلة فى الحمل ليها أدوية حساسية معينة آمنة لصحة الجنين، وضرورى تراجعى الطبيب قبل الولادة مباشرة ليتناسب العلاج مع التخدير.
- إذا كانت لديك حالة صحية مزمنة، مثل مرض السكري أو المياه الزرقاء أو هشاشة العظام أو ارتفاع ضغط الدم أو أمراض القلب.
- علاج الحساسية عند الأطفال.
- علاج الحساسية لدى كبار السن، لإنها ممكن تؤدي الى أعراض ارتباك أو تبول لدى كبار السن.

⚠️ فعشان كل ده مينفعش تاخد الدوا لوحدك من غير ما تستشير طبيبك!

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

ابنك بيحط كل حاجة في بوقه؟
اقري البوست ده كويس! ⚠️

بيميل الأطفال من سن سنتين لحد ٣ سنين انهم يحطوا كل حاجة بيشوفوها في بوقهم لإنه المكان الوحيد اللي بيعرف من خلاله طبيعة الأشياء اللي حواليه.
لكن يجب عليكي تنتبهي ليه كويس وتتأكدي إن في السن ده ألعابه كلها تبقى آمنة وتبعدي عن الحاجات الصغيرة اللي ممكن يبلعها بالغلط.

- طيب أيه اللي ممكن يحصل لو ابنك حط خرزة في بوقه أو أي جسم صغير؟
الخرزة دي ممكن تتجه الى مجرى التنفس وتسببله اختناق، واللي بيحصل بيكون حاجة من اتنين:
١- الجسم الصغير ده يسد مجرى التنفس بشكل كلي وساعتها ميقدرش ياخد نفسه وحياته بتكون في خطر لو متلحقش بسرعة.
٢- يحصل انسداد جزئي وده خطورته إن الطفل بيقدر يتنفس بشكل طبيعي فممكن الأهل مياخدوش بالهم من الأعراض فيتحول لمشكلة كبيرة والأعراض ساعتها بتكون:
* سعال متكرر.
* تزييق في الصدر.
* التهاب رئوي مستمر.

🔹 ملحوظة: الاختناق ممكن يحصل بقطع الأكل الصغيرة مش بس الألعاب.

⚠️ لو لاحظتي أي أعراض من دي في طفلك لازم تتوجهي للطبيب فورًا!
ولو طفلك بيعاني من اختناق متكرر وصوته اتغير فلازم تعملي منظار شعب هوائية لاكتشاف اي اجسام غريبة في مجرى التنفس.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

١٠ طرق فعالة للتخلص من الكحة ليلًا! ✋🏻

لو عندك كحة وبتزيد معاك بليل ومش بتعرف تنام بسببها يبقى البوست ده ليك، دي نصائح من المركز عشان كحتك تقل:
١- ابعد عن مسببات الحساسية ومن أهمهم الأتربة والملوثات.
٢- حافظ على نظافة منزلك من الأتربة وقم بتغيير الستائر وتنظيفها باستمرار لعدم تجمع الأتربة بها.
٣- لو عندك حساسية على الصدر عالجها، لو كحتك ناشفة وفي أوقات بيجيلك ضيق في النفس فاستشير طبيبك عشان تاخد أدوية للحساسية.
٤- اقفل الشبابيك كويس خصوصًا في مواسم الأتربة وحبوب اللقاح.
٥- لو عندك ارتجاع مريئي عالجه! لإنه سبب اساسي في زيادة الكحة ليلًا، ومتنامش بعد الأكل على طول انتظر على الأقل ساعتين ونص، وحاول ترفع مخدات السرير شوية.
٦- استخدم جهاز ترطيب للهواء، لإن الهواء الجاف بيجفف زورك وبالتالي بيزود الكحة.
٧- لو عندك التهاب في الجيوب الأنفية اتعالج منه فورًا.
٨- كل من معلقتين لتلاتة عسل قبل ما تنام، وممكن تخلط العسل بشاي أخضر أو اعشاب دافية وده بيساعد على ترطيب المخاط في الحلق وتقليل الكحة.
٩- اعمل غرغرة بماية وملح.
١٠- وقف تدخين.

⚠️ ملحوظة: استشير طبيبك لو الكحة زادت عن ٣ أسابيع، أو كمية البلغم في الكحة زادت، أو بدأت تكح دم.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

"هو الارتجاع المريئي ممكن يأثر على الحساسية؟" 🤔

- اللي بيحصل في الارتجاع المريئي إن حمض المعدة بيزيد وبيتحرك في الإتحاه العكسي من المعدة إلى المريء ومنه ممكن يوصل للبلعوم والقصبة الهوائية فيبدأ يسبب أعراض مرتبطة بالصدر.

• وأيه هي أعراض الإرتجاع المريئي؟
- أعراض الإرتجاع المريئي مختلفة وممكن تتشابه مع مشاكل تانية في القلب مثلاً فلازم تروح للطبيب عشان يشخصك صح، ومن أهم أعراضه:
- حرقة المعدة وبتزيد بعد الأكل.
- الم الصدر.
- صعوبة التنفس.
- مرارة الفم.
- عدم القدرة على البلع.
- غثيان وقيء.

• طيب أعمل أيه خصوصًا في رمضان لو أنا مريض ارتجاع مريئي؟
- دي نصائح المركز بيقدمهالك عشان تتبعها في رمضان:
- اكسر صيامك على طعام بسيط مثل التمر والشوربة لتهيئة عصارة المعدة على عملية الهضم.
- قسم وجبة الفطار إلى وجبتين صغيرتين.
- ابتعد عن الأطعمة اللي بتزود الإرتجاع المريئي زي:
* المقليات.
* منتجات الألبان.
* القهوة.
* الحلويات الرمضانية.
* المخبوزات.
* المشروبات الغازية.

⚠️ لو انت مريض حساسية صدر وعندك ارتجاع مريئي فيجب انك تستشير طبيب جهاز هضمي لتجنب تكرار نوبات الحساسية.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

عيش أجواء رمضان من غير نوبات حساسية. 😌🌙

رمضان كريم وكل سنة وأنتم طيبين، احنا في مركز الأستاذة الدكتورة سوزان سلامة بنتمنالكم رمضان خالي من التعب ونوبات الحساسية ودي نصايح مننا عشان تكونوا في صحة كويسة:
- مبدأيًا مهم جدًا نهتم بمواعيد الأدوية ونظبطها مع الطبيب قبل الصيام وننتظم فيها.
- يجب الابتعاد عن مثيرات الحساسية زي البخور والعطور.
- يجب الابتعاد عن التدخين والمدخنين.
- ينصح بالإكثار من شرب الماء بما لا يقل عن ٣ لتر يوميًا.
- والإكثار أيضًا من شرب السوائل الدافية.
- ينصح بتناول الأطعمة الغنية بڤيتامين سي زي اليوسفي والجوافة لإنها بتحتوي على مضادات الأكسدة، وكمان الأطعمة الغنية بڤيتامين أ زي البطاطا والجزر لإنها بتقلل من التهاب الشعب الهوائية.
- يرجى الابتعاد عن الأطعمة الحارة والغنية بالبهارات، لإنها تؤدي الى مرض الارتجاع المريئي وبالتالي أعراض الحساسية تزيد.
- احرص على النوم بشكل جيد ليساعد على تقوية جهاز المناعة.

⚠️ وأخيرًا يجب الالتزام بجرعات الأدوية المحددة من قبل الطبيب ولو ظهرت عليك أي أعراض فاتوجه للطبيب فورًا!

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

الكحة طولت جدًا معاك؟ اقرأ الكلام ده. ✋🏻

دور البرد خلص وفضلت الكحة مستمرة؟
في البوست ده هنعرف سبب الكحة اللي بتيجي بعد دور البرد.

مبدأيًا اللي بيحصل بعد ما جسمك ياخد عدوى في الجهاز التنفسي زي دور البرد العادي والانفلونزا او الالتهاب الشعبي والالتهاب الرئوي ان العدوى دي ممكن تدمر الأغشية اللي بتبطن الممرات الهوائية، فبيحصل عندك كحة كرد فعل من جسمك وبتستمر فترة من ٣ ل٨ اسابيع لحد ما الأغشية دي ترجع تتحسن تاني.
ده غير ان حساسية جسمك تجاه الأتربة والغبار والدخان بتزيد بعد أي عدوى تنفسية وده اللي بيخليك برضو تكح.

🔹 طيب أيه اللي ممكن تعمله في الفترة دي عشان تتعافى أسرع؟
- تشرب كمية كويسة من السوائل الدافية عشان تهدئ من تهيج حلقك.
- تستخدم الأجهزة المرطبة للجو أو تاخد دش سخن عشان بخار الماء يرطب الهواء اللي حواليك.
- تبعد عن أي حاجة ممكن تهيج الكحة زي الأتربة والأدخنة وملوثات الهواء.
- تبعد عن التدخين السلبي والإيجابي.

لو بعد كل ده الكحة متحسنتش بنبدأ ناخد أدوية وممكن ناخد بخاخة عشان تهدي الكحة.

⚠️ لو الكحة استمرت اكتر من شهرين فدي ليها سبب تاني لازم تكشف وتعرف السبب.

مركز أ.د سوزان سلامة - Prof. Suzan Salama for allergy , sleep and lung care مركز أ.د/سوزان سلامة لتشخيص و علاج أمراض الصدر و الحساس?

خلي بالك من زعابيب أمشير! ⚠️

لو انت مريض حساسية فأكيد الفترة دي من كل سنة بتتعب فيها شوية بسبب انتشار الأتربة والتغيير في درجات الحرارة، في البوست ده هنديك شوية نصايح عشان تتفادى نوبات الحساسية.

🔹 أولاً هنتكلم عن الأعراض اللي ممكن تحس بيها نتيجة للحساسية:
- الزكام.
- العطس.
- الصداع.
- الكحة وضيق التنفس.
- انسداد في الأنف.

🔹 ثانيًا ازاي تتجنب نوبات الحساسية الشهر ده؟
- تناول أدوية الحساسية بانتظام واستخدام الدواء والبخاخة الوقائية حتى لو حالتك مستقرة.
- لو بتعانى من حساسية الجيوب الأنفية يجب أن تقوم بعلاجها فوراً.
- قم بتغطية أنفك أثناء الخروج فى الصباح.
- تناول السوائل الدافئة، والأطعمة التي تقوى مناعتك.
- تجنب تناول الأطعمة التي تسبب الحساسية مثل الأسماك، البيض، الشوكولاتة، الموز والفراولة.
- حافظ على نشاطك .
- يمكن أن يؤدي الجفاف إلى ألم في الجيوب الأنفية يمكنك استنشاق بخار الماء أو استخدام جهاز البخار "النيبولايزر".
- استخدم محلول ملحي للأنف لتنظيفه من الأتربة ومسببات الحساسية .
- البقاء فى الداخل قدر الإمكان أثناء العواصف وغلق النوافذ والأبواب وفتحات التهوية.
- ابتعد عن رش البخور والمبيدات الحشرية فى منزلك.

🔹 وأخيرًا لو حسيت بأي تعب الفترة دي لازم تستشير طبيبك عشان يوصفلك العلاج المناسب!

لو متعرفيش الفرق بين جهاز استنشاق البخار والعلاج بالأكسجين يبقى البوست ده ليكي! ✋🏻

كتير من الأمهات بيحصل عندها خلط ما بين الاتنين وتتجه لجهاز استنشاق البخار لابنها وحالته محتاجة اكسجين وده خطر جدًا، فعشان كدة هنقولك هنا الفرق ما بينهم.

🔹 أولاً جهاز استنشاق البخار أو النيبولايزر:
هو جهاز بيعمل على تحويل الدواء السائل الى رذاذ يسهل استنشاقه، وبنحتاجه في الحالات التالية:
- الأطفال المصابون بحساسية الصدر، وده بيكون علاج مؤقت وقت الأزمة مش حل دائم.
- يمكن استخدامه أيضًا في بعض حالات الانسداد الرئوي المزمن.

* وجلسات البخار بتختلف من جلسة لأخرى، على حسب نوع الدواء المستخدم وكل نوع بيكون ليه طريقة حفظ ومواد فعالة مختلفة زي:
- موسعات القصبة الهوائية: وأشهرها الفاركولين اللي بنستخدمه في حالات الحساسية.
- المحاليل الملحية المعقمة: بتساعد على فتح مجرى الهواء ويساعد على اخراج المخاط.
- المضادات الحيوية: ويستخدم في حالات العدوى التنفسية الشديدة.

🔹ثانيًا العلاج بالأكسجين:
رئة ابنك بتسحب الهواء بكل الغازات اللي فيه وتفصل الأكسجين لوحده وبتوديه للدم لإنه ضروري في كل العمليات الحيوية، فبيكون موجود بنسبة معينة في الدم، لو النسبة قلت بتبدأ تظهر أعراض نقصانه على الطفل وبيكون الحل الوحيد ليه هو اعطائه الاكسجين بشكل مباشر.

وبنستخدم العلاج بالاكسجين في حالات عديدة منها الفشل التنفسي الحاد اللي ممكن ينتج عن التهاب رئوي شديد.

* أما عن أعراض نقص الأكسجين فهي:
- تحول لون الجلد الى الزرقان.
- ارتباك وقلق وهذيان.
- زيادة عدد نبضات القلب.
- زيادة عدد مرات التنفس بشكل ملحوظ.
- رعشة.

🔹 ملحوظة هامة: أن الأكسجين علاج مستمر لمدة ايام وليس جلسات مثل جهاز استنشاق البخار.
🔹 الأكسجين لا يعوض بعلاج آخر، لإنه بيعوض الأكسجين المفقود بسبب الجزء المصاب بالالتهاب الرئوي حتى يتم علاج الالتهاب بعلاجات أخرى.

أنفك هو بوابة رئتك، اعرف ازاي تحافظ عليه!

لو انت مريض حساسية ففترة تغيير الفصول بتأثر على رئتك بشكل كبير، وعشان تحافظ على صحتك يبقى لازم تبدأ بنظافة أنفك، لأن أنفك يعتبر مرشح فعال ضد ملوثات الهواء.

* الغبار والجزيئات وحبوب اللقاح ممكن تتراكم في أنفك وبالتالي تسبب تهيج فيه ومن ثم يكون الطريق سهل قصاد البكتيريا والميكروبات انها تخترق رئتك، وبغسيلك لأنفك بالمحلول الملحي فانت بتتجنب تراكم مسببات الالتهاب.

* وبجانب ده غسيل الأنف له فوايد تانية زي:
- إزالة المخاط من الأنف بسهولة وبالتالي هتقدر تتنفس بشكل أفضل.
- تفريغ المخاط من الجيوب الأنفية فيساعد على تخفيف أعراض التهابها.
- يرطب الأغشية المخاطية.
- يقلل من احتقان الأنف.

* وبالتأكيد عشان توصل لأفضل نتيجة لازم تكون عارف طريقة غسل الأنف الصحيحة:
١.اغسل ايدك وجففها، واتأكد إن الجهاز نضيف.
٢. ضع المحلول الملحي في فتحة الأنف ببطء ووجهه تجاه مؤخرة الرأس ليس للأعلى.
٣. اسمح للمحلول بالخروج من الفتحة الأخرى للأنف .
٤. تنفس من فمك أثناء الاستخدام .
٥. كرر الأمر نفسه في فتحة الأنف الأخرى.
٦. انفخ النفس خارج الأنف برفق في منديل بعد الانتهاء للتخلص من المخاط .

🔹 وأخيرًا مهم جدًا تستشير طبيبك قبل الاستخدام. ⚠️

بتصحى كتير أثناء نومك مع شعور مزعج بالأختناق ؟ 🥺

- لو بتعانى من الحالة دي ضروري تكمل البوست للآخر هنعرفك ايه هو الأختناق الليلي وأسبابه وأهمية علاجه.
- الأختناق المتكرر خلال النوم من الإضطرابات التي تعوق قدرتك على الوصول لمراحل النوم العميقة والمريحة، وبتأثر على جميع أجهزة الجسم الحيوية ومهم جداً نعالجه.
- سببه بيكون انسداد فى الحلق أو تضييق فى القصبات الهوائية أو عندما تسترخى عضلات الحلق بشكل متقطع وتغلق مجرى الهواء أثناء النوم .

🔵 أسباب الأختناق أثناء النوم ؟
١. انقطاع النفس الإنسدادي النومي
٢. التنقيط الأنفي الخلفي بسبب نزلات البرد والحساسية
٣. التهاب الرئة
٤ التهاب الجيوب الأنفية
٥. التهاب اللوزتين
٦. الإنسداد الرئوي
٧. قصور القلب
٨. ارتجاع المريء

🔵 الاختناق المتكرر خلال النوم يتسبب فى ظهور بعض الأعراض مثل :
١. الشخير بصوت عالي
٢. قلة النشاط والشعور بالتعب الشديد خلال النهار.
٣.الأكتئاب والقلق
٤.ارتفاع ضغط الدم
٥.الصداع خاصة فى الصباح
٦.قلة التركيز والنسيان
٧. الإستيقاظ بفم جاف أو حلق ملتهب

🔵 بننصح اللى بيعاني من الاختناق خلال النوم بإتباع بعض التعليمات مثل :
١.تجنب تناول الأطعمة فى وقت متأخر من الليل ، أترك ٣ ساعات على الأقل بين الطعام والنوم .
٢.تجنب الأطعمة التي تسبب الحرقة والسعال مثل الأطعمة الحارة والحمضيات والأطعمة الدهنية والكافيين والمشروبات الغازية .
٣.تجنب النوم على الظهر .
٤.تجنب التدخين .
٥.تجنب زيادة الوزن ، وتخلص من الوزن الزائد .

⚠️لو بتعانى من نوبات اختناق متكررة خلال النوم من المحتمل تكون مصاب بانقطاع النفس الإنسدادى النومى ومهم تتوجه فورا للطبيب المختص لتشخيص حالتك وعلاجها .

🔵 بنوفرلك فى مركز الدكتورة سوزان سلامة التشخيص الدقيق لحالتك وده بيتم عن طريق إجراء اختبار اضطرابات النوم ويترتب على نتيجة الاختبار الطرق المناسبة لعلاجك .

لو سمعت عن مصطلح التليف الرئوي وحابب تعرف أكتر عنه، كمل البوست دا للأخر! ⚠️

🔹التليف الرئوي بيحصل نتيجة تلف أنسجة الرئة وبيفضل يتطور تدريجيًا لحد ما تتحول لأنسجة قاسية وسميكة وبالتالي بيحدث خلل في وظيفة التنفس.

🔹لو بتسأل نفسك عن الأسباب اللي ممكن توصّل الرئة للمرحلة دي، فهي أسباب موجودة حوالينا بشكل كبيرة زي:

١- التدخين.
٢- التعرض المستمر لأدخنة المصانع والأتربة.
٣- العلاج الإشعاعي
٤- الإلتهاب الرئوي
٥- بعض الأمراض المناعية

🔹بالنسبة لأعراض المرض بتختلف حسب درجة المرض وممكن تبدأ بسيطة وتزيد مع الوقت زي:
١- ضيق في التنفس
٢- كحة ناشفة مع تنفس سريع
٣- إرهاق
٤- فقدان في الوزن
٥- إنتفاخ نهاية أطراف الأصابع

لو ظهرت عليك الأعراض دي لازم تستشير الطبيب فورًا لتشخيص المرض

🔹تفتكر تشخيص المرض بيتم إزاي؟

١- إختبار وظائف التنفس
٢- الفحوصات التصويرية: الأشعة المقطعية لتحديد نوع التليف
٣- أخذ عينة من الرئة

🔹نصائح مركز دكتورة سوزان سلامة لمرضى التليف الرئوي:

١- تجنب الأماكن المزدحمة خصوصًا في فصل الشتاء.
٢- ضرورة أخد تطعيمات الإلتهاب الرئوي والانفلونزا، لتجنب الإلتهابات وتطور تليف الرئة
٣- تجنب التعرض للمرضى المصابين بالإلتهابات

٤- عدم إهمال العلاج لتجنب المضاعفات الخطيرة للتليف زي:
- ارتفاع ضغط الرئة
- فشل الجانب الأيمن من القلب
- فشل الجهاز التنفسي
- سرطان الرئة

اعرفي أهمية جهاز المباعد لطفلك مع بخاخ الحساسية! ✋🏻

في البوست دا هنقولك ازاى تساعدى طفلك يحصل على أقصى استفادة من البخاخ بأنك تستخدمى جهاز التوصيل أو المباعد (spacer) معاه واللي من أهم مميزاته:

١. تسهيل تلقى العلاج بالبخاخ وانتقاله إلى الرئتين وبتظهر فاعليته خاصة مع:
- الأطفال.
- كبار السن.
- المرضى الغير قادرين على أخذ نفس عميق من البخاخ مباشرة.

٢. بيقلل من الأعراض الجانبية لاستخدام البخاخ زي:
- جفاف الفم.
- بحة الصوت.
لأن عند استخدام البخاخ مع المباعد (spacer) تترسب بقايا الرذاذ داخل اسطوانة الجهاز بدلاً من فم المريض.

▪️ طيب ازاى بيتم استخدام جهاز التوصيل أو المباعد (spacer) مع البخاخ؟
١. رج البخاخ جيداً قبل الاستخدام.
٢. قم بإدراج البخاخ فى جهاز التوصيل.
٣. ضع الماسك على الوجه بحيث يغطى الأنف والفم جيداً.
٤. اضغط على البخاخ وتنفس حوالى ١٠ مرات مع إبقاء الماسك مثبت على الوجه.
٥. ازل الماسك وتنفس بشكل طبيعى.

▪️ تقدر تستخدم كمان جهاز التوصيل أو المباعد (spacer ) بدون الماسك وتستنشق الدواء عن طريق المبسم فقط، والخطوات بتتم كالآتي:
١. ضع شفتيك حول المبسم.
٢. ضغط على البخاخ مع أخذ نفس عميق وببطء مرة واحدة.
٣. بعد الاستنشاق ازل المبسم من فمك واحبس انفاسك لمدة 10 ثواني ثم تنفس بشكل طبيعى وكرر الجرعة بعد دقيقة إذا نصح الطبيب بذلك.

وفي النهاية بننصح المرضى بغسل جهاز التوصيل دورياً بالماء وصابون الاطباق ويترك ليجف تلقائياً.

لو بتحس بضيق تنفس ونهجان دايماً من أقل مجهود لازم تاخد بالك! ⚠️

الإحساس بضيق التنفس والنهجان عند بذل مجهود بدني زائد ده طبيعى وغالباً بيكون سببه الوزن الزائد وقلة اللياقة البدنية، لكن لو بتحس بضيق التنفس والنهجان من مجهود بسيط زي:
- طلوع السلالم.
- الصلاة.
- المشي لمدة قصيرة.
فى الحالة دي ممكن يكون عندك مشكلة صحية ولازم تعالجها عشان تمارس حياتك بشكل طبيعى وتتفادى المضاعفات.

ودلوقتي هنعرفك إيه أسباب ضيق التنفس من أقل مجهود ويا ترى سببه قلبي ولا رئوي:

ممكن يكون لأسباب رئوية زي:
١.الربو
٢.التهاب القصبات الهوائية المزمن .
٣.تراكم السوائل في الرئة
٤.التهاب الرئة
٥. الجلطة الرئوية
٦. تليف الرئة
٧. أورام فى الرئة
٨. ارتفاع فى ضغط الشريان الرئوي

أو أسباب قلبية زي:
١. النوبة القلبية
٢. قصور أو فشل فى القلب
٣. تراكم السوائل بين أغشية القلب
٤. اختلال كهربية القلب
٥. عيوب خلقية فى القلب
٦. ضيق فى الشريان التاجي للقلب
٧.ضيق فى صمام القلب
٨. تضخم عضلة القلب

أو أسباب أخرى زي:
١. أسباب نفسية مثل التوتر والاكتئاب
٢. فقر الدم
٣. تسمم أو التهاب فى الدم
٤. ضغط الدم المرتفع

اطمن على صحتك واستشير طبيبك وهيتم تشخيص حالتك عن طريق :
- التاريخ المرضى
- الفحص السريري
٣- إجراء بعض الاختبارات اللى بيحددها الطبيب مثل :
١. فحص قياس التنفس spirometry
وده بيستخدم لتشخيص الربو أو الانسداد الرئوي االمزمن ،
والحالات الأخرى التي تؤثر على التنفس .
- ويستخدم لقياس التنفس بصورة دورية لمراقبة حالة الرئة .
٢. اشعة للصدر
٣. تخطيط القلب .
٤. قياس مستويات الأكسجين فى الدم .
٤. تحليل الدم الهيموجلوبين.

الالتهاب السحائي خطر اعرفي إزاي تحمي أطفالك منه! ⚠️

🔹 في الأول تعرفي إيه هو الإلتهاب السحائي؟

الالتهاب السحائي هو التهاب بينتج عن عدوى فيروسية أو بكتيرية ممكن يسبب اضطرابات فى الدماغ وعادة بيُصاب بيه الأطفال الرضع والاطفال الأكبر سناً نتيجة عدوى بكتيرية متواجدة فى الجهاز التنفسى وممكن ينتقل لهم من المرضى عن طريق لمس إفرازات الجهاز التنفسى زى اللعاب أو مخاط الأنف اللى بيحتوى على البكتيريا المسببة للالتهاب السحائى .

أما الأطفال حديثي الولادة بيصابوا بيه نتيجة عدوى بكتيرية فى الدم انتقلت للطفل من الأم أثناء الولادة.

🔹 طيب تعرفي إيه أعراضه؟

أعراض الالتهاب السحائي في الأطفال الأصغر من ١٢ شهر بتظهر في شكل:
1. كثرة البكاء حتى مع حمله واحتضانه
2. قلة الطعام أو رفضه تماماً
3. ارتفاع أو انخفاض درجة الحرارة
4. قيء
5. طفح جلدي
6. نوبات صرعية

أما الأطفال الأكبر سناً أو المراهقين غالباً بيبدأ عندهم بالزكام وبتظهر عليهم أعراض زي:
1.الحمى
2. الصداع
3. تيبس الرقبة
4.نوبات صرعية

لو الطفل مصاب بالأعراض دي وبيحس دايما بالنعاس أو مبيتصرفش بشكل طبيعى وانتباهه غير كامل، من الضروري جدا اصطحاب الطفل إلى المستشفى فوراً.

🔹 هل في إجراءات تقدري تحمي بيها ابنك من الإصابة بالالتهاب السحائي؟

طبعاً فيه، أولاً لازم نهتم بتطعيمات الأطفال لأنها بتساعد على الوقاية من بعض أنواع العدوى البكتيرية المسببة للإلتهاب السحائى وكمان نهتم بتعقيم وتطهير الأسطح والألعاب والأدوات اللي الأطفال بيستخدموها.

5 أسباب وراء الكحة بعد الاستيقاظ من النوم .. اعرفهم واعرف إزاي تتغلب عليهم! ⚠️

بيعاني كتير من الناس من نوبات الكحة بعد الاستيقاظ من النوم ودا ممكن يشير لأكتر من مشكلة صحية هنقولك دلوقتي على أشهر 5 منها:-

1 - التنقيط الأنفي الخلفي
هو أشهر سبب للكحة بعد الاستيقاظ من النوم وهي مشكلة شائعة بتحصل لما بيتعثر خروج المخاط من الأنف
فيتجمع ويمتد أسفل الحلق من الأنف والجيوب الأنفية وتعتبر المشكلة دي مزمنة لكتير من الناس وبتتكرر لما يصاب الشخص بنزلة برد أو يتعرض لبعض مثيرات الحساسية زي الغبار والروائح.

2 - نزلات البرد أو الانفلونزا
غالبًا بتزيد نزلات البرد والتهابات الجهاز التنفسي من إنتاج المخاط والبلغم وممكن يتسبب في تراكم للمخاط أثناء النوم وبيؤدي للسعال بمجرد الاستيقاظ وتغير وضع الجسم.

3 - جفاف الفم
كمان ممكن يؤدي جفاف الفم أثناء النوم للشعور بالتهيج في مؤخرة الحلق والكحة بمجرد الاستيقاظ من النوم.

4 - الحساسية
الحساسية وحمى القش هي ردود فعل مناعية للمسببات الحساسية في الهواء وفيه عدد من المحفزات لهذه التفاعلات ولكن أكثرها شيوعًا هي حبوب اللقاح والغبار ووبر الحيوانات الاليفة وعادة لما بيعاني المصابين بالحساسية من نوبات من الكحة بمجرد الاستيقاظ من النوم وبذل أي جهد ولو بسيط.

5 - وضعية نوم غير صحيحة
ممكن كتير من الناس يعانوا من الكحة بعد الاستيقاظ من النوم
بسبب النوم بطريقة غير صحيحة
متسمحش للشخص بالتنفس بشكل طبيعي فيتسبب في التنفس عن طريق الفم مما يؤدي لجفاف الفم وبالتالي الكحة بمجرد الاستيقاظ.

السؤال الأهم إزاي نتغلب على الكحة دي؟

ممكن نتغلب على نوبات الكحة بعد الاستيقاظ من النوم لما نعرف سببها ونحاول نعلاجها تحت إشراف طبيب مختص لكن في بعض النصائح البسيطة اللي بتساعد على التغلب على كحة بعد الاستيقاظ من النوم منها:

- شرب كميات وفيرة من الماء على مدار اليوم لتجنب التعرض لجفاف الفم اللي بيزيد من فرص التعرض للكحة بعد الاستيقاظ من النوم.
- اختيار مخدات مريحة ومناسبة والتأكد من وضع النوم الصحيح.
- تنظيف الأنف جيدًا والتأكد من عدم تراكم المخاط.
- في حال الإصابة بحساسية الأنف لازم نستخدام بخاخ الأنف قبل النوم وبعد الاستيقاظ.
- تجنب مثيرات الحساسية قدر المستطاع.
- اختيار مفارش وأغطية مناسبة ونظيفة تجنبًا لإثارة الحساسية.
- تجنب النوم في غرفة مغلقة والتأكد من وجود مصدر للتهوية.
- تجنب النوم من غير مخدات وعدم تغطية الرأس أثناء النوم.
- شرب المشروبات الدافئة باستمرار
على مدار اليوم.
- تناول العسل الأبيض الذي يحتوي على مضادات البكتيريا ويساعد في علاج العدوى.

يلا مستنيين أسئلتكم في الكومنتات وهنرد عليكم!