Mohamed_Nageh محمد ناجح

💖🍂

سلامًا على أحلامٍ كنا نأنس بها
ثم ماتت
ذهبنا إلى المحطةِ مبكرًا
لكن رحلت بعد أن توًا جاءت
سلامًا على طرقٍ
بعد أن إنطلقنا فيها ضاقت
سلامًا على طرقٍ
أظلمت بعد إذ أضاءت
وشكرًا لجسورٍ
عندما إستندنا عليها مالت
وشكرًا لظروفٍ
وثقنا بها لكن ساءت
وشكرًا لأفاقٍ
بعد أن علت ..دنت ثم تلاشت
وشكرًا لأناسٍ
تركوا رغم أن الطرق تلاقت
جديرةٌ بالشكرِ أنفُسنا
بعد أن سقطت ..أفاقت ثم قامت
وجديرةٌ بالتقديرِ صفةُ الرضاء
بعِدنا عنها لكن عادت
سلامًا على أحلامٍ
مِتنا من أجلها ..
لكن مع غيرنا باتت .

Mohamed_Nageh محمد ناجح 💖✍

💖🍂
لنا في الأمثال أثرٌ
ولنا في الضواحي كيان
سنظل نسير بفخرٍ
مهما توالت الأزمان
مرفوعةٌ رؤوسُنا شامخةٌ قامتنا
كلامنا لا يُقدَرُ بأثمان
لا يُوجدُ عندنا معنى لليأس
دائمًا ما نعمل بإتقان
إمّا نفوز وإمّا نتعلم
ليس في قواميسنا معنى الخسران
دائمًا نسير ونبذلُ
لا نعرفُ التوقفَ حتى عند الخذلان
دائمًا نتوكل قبل أن ننطلق
ونثقُ بالخالق الرحمن
لا نقلق عمن سيعترض طريقنا
فالويل له عندما يتكلم السيفُ لا اللسان
نظرتنا تكفي كتحذير
بارزةٌ وإن لم تنظر أنت بإمعان

Mohamed_Nageh💖✍

"إن قلمي لَيحزن لكنّه لايملّ من الكتابة " 💖🍂
:
كم ذلّت أقدامنا
وصبرنا آملين بالإستغفار
وكم وعدنا بألا نرجع
وعُدنا غصبًا وليس إستهتار
وكم مرةٍ أهلكنا اليأس
وما ينقذنا إلا العزيز الجبار
كم من ليالٍ تعبنا
من أجل حلمٍ طال من أجله الإنتظار
ربما يأتي أو لا
فلكلٍ منا مقدار
إن أتى فخيرًا ..
وإن لم يأتِ فهو خيرٌ وليس إستكتار
ربما بطريقة أرى وغيرك بأخرى يرى
لكن لا يعلم الخير إلا الواحد القهار
ما علينا إلا الرضاء
مهما كان القدر ..فلنرضَ بدون إستفسار
قد نحزن أو نتزمر
وتنسكر أكتافنا من الإنهيار
وسرعان ما تمر الأيام ..
رغم أنك أخطأت وقصّرت ولو قليلا
لكنّ الله كان دائمًا ستّار
وترى أنك في نعمة...
وأنك سعيد بإختياره وليس بما تختار
سِر مطمئنًا لا تخف
ثق وتيقن ولا تحتار
Mohamed_Nageh💖 ✍

💖🍂
عِشْ كما أُمِرتَ
وارض بالسهلِ والثقيل
أحسن وتوكل تبصرْ ما حولك جميل
عافر ولا تتزمر
فلقد خلقت لتعمرَ ..
وليس لتطلبَ الرحيل

Mohamed_Nageh ✍💖

من إيحاء قلمي :
قصيدة ... أمي دي ست الكل 💖🍂
🎙:

لما جيت أكتب ...
ما كتبتش عن نجاحي ولا همّي
ولا كتبت عن أبويا ولا عمي
قولت ...
قولت هكتب عن أمي
فجأة ..لقيت القلم اتكسر
السطور بِعدت ..
كل سطر انفصل
هو الكلام كتير بس انحصر
على اللسان ال عجز وانقصر

أمي...
أمي دي ست الكل
ربنا يحميها لينا
وتكون دايمًا سند وظل
وتحفظنا من الحوجة للغير ..
ومن الضعف والذل

دي عندي بكل الناس
والله ..
والله أيديها تستاهل كل دقيقة تتحب وتتباس
مهما عِلينا وكبرنا ...
هتفضل هي دايمًا فوق ...
فوق الراس

القلب المفتوح على طول
دا أنتِ السعادة والسرور
حضنك واسع وطيب
مهما كنتِ بعيدة ....
لكن قلبك دايمًا قريب

أمي ...
أمي دي الست ال ربّتني
وفي بطنها تسع شهور شالتني
تِعبت كتير معايا
من وقت ما اتولدت ..
لحد ما حبْيت وقعدت
وعلى أيديها سندت ...
وعلى أيديها سندت ومشيت ...
هي من بين كل البيت

مهما كبرت وكبرت ...
هفضل في نظرِك صغير
وفي حضنك أترمي وأعيط ...
وأريح بالي المتحير
مهما روحت وجيت ...
هتفضلي أنتِ يا أمّا البيت
و ما أحلى دا بيت

ربنا يطّول في عمرِك لحد ما أكبر
وأكون قادر ..وأعمل أكتر وأكتر
مهما عملت مش حقك
ولا أكنّي عملت حاجة
دا كفاية بس تعبِك يوم الولادة

كل أمنياتي أفرّحِك وأهنّيكي
وأكون قادر ألبّي طلباتِك
مش عايز غير بس رضاكي
وأرتوي في الدنيا والأخرة بدعواتِك

قلبها مش عادي ...
عامل ذي النيل والوادي...
تقعد جنبه وتسرح ...
وبأديها تطبطب وتدادي
وتنسى العمر كله ..
وكأنك اتولدت الساعة دي
قلبها مش عادي...
قلبها دا الركن الهادي

في غربتي...
صوتها بيردّلي الروح
مهما أكون متضايق أو مجروح
وكأنها جنبي ومعايا
ذي ما كانت من البداية
مفيش بينا مسافات وفروق ...
دي بجد الهنا والشوق
دي ال دايمًا فوق ...
دي أمي يا ناس
دي أجمل من الكل
دي الكل في الكل
دي ست الكل

Mohamed_Nageh💖🍂.

أبيات شِعر من إيحاء قلمي💖:

المفروض أعمل إي علشان أعرف أخبارِك
أبعتلك ما ترديش
ولا أستنى الإهتمام ال ما هيجيش
ولا أجيلك دارِك
لا صافياالي ..
ولا دارية حاجة عن حالي
عايزاني إذاي أصفالِك
كمان عايزاني أما أتعصب أهداالِك
ولا عايزاني أشم وأقرأ أفكارِك
مفيش حاجة هتمر ...
المرادي مش معديهالِك
نفضها ..
وأنا في حالي وأنتي في حالِك
وكلمة سلام مش هقولهالِك
كرامتي ما تهونش أبدًا
ولا لغيرك ولا حتى علشانِك
Mohamed_Nageh 💖🍂

اللهم صلِ وسلم وزد وبارك على رسولك الكريم
صاحب الوجه البسيم
خاتِم النبيين والمرسلين
سيد الخلق أجمعين
محمدٍ بن عبد الله عليه أفضل الصلاة وأتم التسليم .💖🍂

لأي حد باع وسابنا وودنا معاه ما طمرش فيه
و ما عدّاش يوم ما كنّاش جنبه فيه
و بِعد يوم ما أتأخرنا ساعة عليه
الحمدلله ..مالكش حساب معانا تصفيه
ليك طريقك.. وطريقنا لوحدنا نمشيه
💖🍂

قصيدة ...(أصعب أيام حياتي كانت أيام الثانوية ) 🍂💖.

كانت أيام صعبة وكتيرة
أحادثها أكتر وكانت سنة تقيلة

إحتياجات ومطالب ما تتعدش
عايزه اللي يدي ما يعدّش
بس بفضل ربنا في البيت جبال ما تتهدش
أب وأم واقفين في ظهرك وِقفة أبدية

خلصت ومرت بسلام
وأدينا على باب الأحلام

مش مهم إن الإمتحانات ما كانتش عادلة
وإن تعبنا راح ومعظم الناس مش راضية
المهم إنك عملت اللي عليك
وإتوكلت على ربك يحميك
ودعيته يوفقك ويهديك
لجل تفرح أمك وعيلتك وكل اللي حواليك
ووثقت في عدله وإنه هيراضيك

سيبك من السنة كلها وأمسكلي أيام الإمتحانات
مفيش نوم في بس مذاكرة وسهرات
نو أكل نو دلع نو خروجات
لوحدك عايم بين الكتب والمذّكرات
جه وقت إنك توفي بعهدك إنك هتعوض في الجايات
الأذان ينادي تجري لمجيب الدعوات
يارب اقف معايا ذي كل مرة من المرات
اقف جنبي يارب أعدي أيام الإمتحانات

وتمر وتعدي الأيام لحظات
جات الأجازة اللي كنا فاكرينها غير كل الأجازات
قال يعني هنرتاح ونقضيها خروجات
الكل ماسك الموبايلات
زهقت من تكرار البوستات
مفيش إبتسامة بنِفس أو ضحكة حتى في سكات
قاعدين مستنيين النتيجة والدرجات
اللي مستني طب وتجارة
واللي نفسه في هندسة يعوم في السحاب بطيارة
واللي مشغول بقدرات فنون حلوة وعمارة
واللي كان حلمه يدخل إعلام يعمله قرشين يشتريله فيلتين وعمارة
واللي حاسس أنو النتيجة مش هتبقى مُرضيّة
وإن الشلاليت هتبقى قوية
وياعيني على اللي بيحضر للدور التاني
نفسه حتى يعدي خمسين في المية
ولا اللي ما إتوفقش السنادي وقاعد بيحضر للسنة الجاية
يابختك ياطنط ياللي راقدة على شط الساحل تحت شمسية
مش بحسدك والله بس نفسي حتى أروح إسكندرية
مش لازم الساحل ولا الغردقة أهم حاجة في بحر وفي ماية

بس مش مشكلة هنرضى بالراحة النفسية
على الأقل هنشوف السبت والحد في صورتهم الطبيعية
لا هبدأ السبت بفيزيا وأنجز علشان البحتة ولسا في لغة عربية
ولا هذاكر الحد كيميا ولغة فرنسية
أه بحافظ على صلاتي وأذكاري وقيامي
بس البريكات ما بقيتش لغة إنجليزية
ولا حد يقولي الشحنة اللي رايحة كام ولا كفاءة الشحنة اللي جاية

رغم إنها كانت أيام صعبة وفقرية
بس الواحد إتعلم يعني إيه يبقى إنسان
ثم إذاي تبقى راجل مع نفسك وتشيل مسئولية
وإنك تخلي ثقتك بربك مبدأ ويقين ومش حاجة عادية
أحيانًا الفرصة ما بتبقاش مُربِحة
بس أنت ال تقدر تخليها مكفّية
أحيانًا الفرحة وهمية
بس إتعلمت إذاي أكتم وأتحمل و ما أتعبش ال حواليا
إتعلمت حاجات كتير
بإذن الله تنفعني في أيامي الجاية
أصعب أيام حياتي ..
كانت أيام الثانوية .

🍂💖