https://www.facebook.com/107308031965801/

FA Model BSU

FAO Model is a student activity has been founded on 2022 at the Beni-Suef university, Faculty of Agriculture and aimed at simulating Food and Agriculture Organization of the United Nations FAO and to promote student's graduated projects to compete scientifically and commercially.

ال FAO Model هو نشاط طلابى تأسس عام 2022 بكلية الزراعة جامعة بنى سويف يهدف لمحاكاة منظمة الأغذية والزراعة التابعة للأمم المتحددة والإرتقاء بالمشاريع الطلابية للمنافسة بها علميًا وتجاريًا.

25/06/2024

" ثورة علمية✨ "

مع ظهور مشاكل للعصر الحديث، كان لازم نواكب التغير عشان نبني مستقبل مستدام✨

و ظهر مع الوقت، دور لمجال مؤثر ساهم في حلول مبتكرة🖇️

والنهارده بنعلن عن كامبين جديد هيكون خاص بالمجال ده🥱🔥

بس قبل منفصح عن اسمه!
هنترك ليكم التخمين زي متعودنا🚶‍♂️.

شاركونا في التعليقات 👀🔥

متنسوش تنضموا معانا عشان تعرفوا كل جديد 💙

📌لينك التليجرام :
https://t.me/Famodelbsu

📌لينك مجتمع الواتساب :
https://chat.whatsapp.com/IKRBxGrvLpL4okRpY6O6kk

24/06/2024

اخيراا ...وبعد طول انتظار وبعد فترة الامتحانات وكمان الاعياد نقدر نقول Welcome Back 🥳🩷
خلينا نأكد ان العودة من جديد بعد غياب هي دائمًا فرصة للبداية من جديد فرصة للتطور والنمو وتحقيق النجاح. فلنكن مستعدين للتحديات والفرص الجديدة ! 🔥

وعودة ال FA Model BSU عودة مليانه مفاجآت و Events كتيرة كلها نجاح وإلهام ! ✨✨✨

خليكم علي أهبة الاستعداد واوعي تضيعوا الفرصة واستغلوا اجازتكم صح 🤩

يلا مستني ايه انضم معانا علشان تستفيد من كل اللي جاي وخليك فرد من عائلة FA BSU 🩷✨

📌لينك التليجرام :
https://t.me/Famodelbsu

📌لينك مجتمع الواتساب :
https://chat.whatsapp.com/IKRBxGrvLpL4okRpY6O6kk

15/06/2024

✨ عيد مبارك ✨
عائلة FA MODEL BSU تتمني لكم جميعًا عيدًا سعيدًا مليئًا بالفرح والسلام والحب. 🕊️💚
دعونا نجعل هذا العيد وقتًا للتجديد والأمل والسعادة . 🥰
اعاد الله عليكم الايام بالخير واليمن والبركات .. دمتم سالمين 💚💚

11/05/2024

🚀 أنضم لثورة الزراعة الرقمية مع FJ Developers! سجل الآن لتحويل أفكارك إلى واقع ملموس. 🌱

🚀 يلا نبدأ مغامرة جديدة مع FJ Developers !

🌟 المقدمة للبرنامج:
مرحباً يا شباب! لو بتحبوا التكنولوجيا وعندكم شغف بالزراعة، فبرنامج FJ Developers ده هو فرصتكم تغيروا الزراعة بأيديكم وتعملوا فرق بجد. هنتعلم مع بعض ازاي نطبق التكنولوجيا في الزراعة ونخليها أكثر كفاءة واستدامة.

🎫 بوست الأعلان:

https://www.facebook.com/100092274490033/posts/359427083809772/?mibextid=rS40aB7S9Ucbxw6v

📜 شروط التقديم للبرنامج:
عايزين تكونوا جزء من البرنامج؟ يلا شوفوا الشروط:
1. لازم يكون معاكم لاب توب عشان الشغل اللي هنعمله.
2. لازم يكون فريقكم مكون من ٥ أفراد، وواحد منكم على الأقل من كلية الزراعة.
3. مينفعش تكونوا مشاركين في أي برنامج تاني تابع لفاو جيكت وقت البرنامج.

🎫 بوست الشروط:

https://www.facebook.com/100092274490033/posts/360696547016159/?mibextid=rS40aB7S9Ucbxw6v

❓ الأسئلة المتعارف عنها:
- هو فيه تكاليف للمشاركة؟ لأ، البرنامج مجاني لكل الطلبة.
- هل البرنامج مفتوح لأي كليات؟ أيوة، طالما فيكم واحد من كلية الزراعة.
- مدة البرنامج ايه؟ تلات شهور من التعلم العملي والمشاريع.

🎫 بوست الأسئلة:

https://www.facebook.com/100092274490033/posts/360076150411532/?mibextid=rS40aB7S9Ucbxw6v

🎉 يلا مستنيين إيه؟ ده وقتكم تظهروا مهاراتكم وتتعلموا حاجات جديدة هتفيدكم في مستقبلكم العملي. لو عندكم الشغف والحماس، سجلوا دلوقتي في برنامج FJ Developers وخلوا بصمتكم في عالم الزراعة الرقمية!

🔗 سجلوا من هنا:

https://docs.google.com/forms/d/e/1FAIpQLScG0Qko2O8yo2lv_DN5kDrY00KyG80lACaCD0UQxgaXkrpeIw/viewform?usp=pp_url

10/05/2024

"اغتنم الفرصة قبل أن تفوتك، فالحياة مليئة بالفرص، لكنها لا تنتظر أحداً."💫

فالأفكار الكبيرة دائماً ما تبدأ بخطوة صغيرة، ودورنا في Pioneers إننا نساعدك تبدأ خطوة في طريق نجاحك.✌🏻

هنساعدك ازاي تتعرف على المشكلة وتوصل لحل لها وبالتالي توصل لفكرتك وتقدر تنفذها على أرض الواقع.🎯

🎯استغل الفرصة واستثمر في نفسك لتحقيق النجاح.

06/05/2024

لو مهتم بالمنح الدراسية وعاوز تحقق هدفك وتتقبل في منحة، دلوقت تقدر تقدم في برنامج FA Model Seekers
وهو برنامج تدريبي كامل يؤهل الطلاب للتقديم والقبول في المنح الدراسية.

وعلشان تعرف تفاصيل أكتر عن البرنامج، شوف البوست ده 👇🏻
https://www.facebook.com/share/p/rCaatyBPSijgAPUx/?mibextid=oFDknk

هل انت طالب طموح وبتدور على منحة دراسية تقدر من خلالها تحقق أهدافك الأكاديمية؟🤔

من خلال برنامج Seekers هتقدر تكون مؤهل وجاهز لكل خطوات التقديم على المنح الدراسية 🤩
ودا لانه اتصمم علشان يفهمك كل ما يخص المنح الدراسية من بداية التحضير لاختبار لغة عالمي زي الـ IELTS لحد ما تعرف ايه انسب منحة ليك وطريقة التقديم بالكامل بعد ما تخلص كل احتياجات التقديم 🥰

البرنامج مقدم بشكل كامل ومجاني، اونلاين وفي أشهر يوليه واغسطس وسبتمبر 📆

علشان كدا لو انت طالب جامعي متفوتش الفرصة واملأ فورم التقديم دلوقتي 👇🏻

https://docs.google.com/forms/d/e/1FAIpQLSc0uKUHLUmqy9a-UsFYDdeBtw_I1lCGN7ejo7IzjmMJ0ViliA/viewform?usp=pp_url

ولو عندك اي استفسار عن البرنامج أو في الفورم
تقدر تدخل جروب التليجرام واللي فيه منتورز تقدر تسالهم ويجاوبوك عن أي استفسار بخصوص الفورم او البرنامج
لينك الجروب 👇
https://t.me/+1CphXOJSuNhjOTQ0

ومتنساش تتابعنا علشان تعرف كل تفاصيل البرنامج في البوستات الجاية 🔥

30/04/2024

" ديدان لحياة أفضل 🤫 "

لا كدا كبرت بقا..... هتشربونا مايه بالديدان🤢
- اسمع بس وانت تعرف الحكايه 🏃‍♂️....
ــــــــــــــــــــــــــــــــــــــــــــــــ

" قله مخزون الماء للأراضي الزراعية 💦 "
اصبحت مشكله كبيره بتواجه الزراعه👨‍🌾

كمان مشكله تصريف مياه الصرف الصحي إلى المسطحات المائية المفتوحة، بيسبب موت لأغلب الكائنات💔

ومن هنا العلماء بحثوا و اقترحوا تقنية جديدة ومختلفة لمعالجة مياه الصرف الصحي باستخدام ديدان الأرض 🐛

🔹طيب استخدموا الطريقة ازاي؟ 🤔

▫️اعتمدوا على قدرة ديدان الأرض على العمل " كمرشحات حيوية 🪱"

▫️من خلال انها تمتص الملوثات العضوية وغير العضوية من مياه الصرف الصحي، وتهضمها وتطلقها على شكل براز في البيئة ...

🖇️وبكدة بيتم تنظيف المياه وتطهيرها وإزالة السموم منها ✨

ومش بس كدا👀....

🔹 كمان قدروا يحولوا نواتج الديدان (العضوية او غير العضوية) إلى :
▫️سماد عضوي معدني
▫️السماد الدودي والكتلة الحيوية لديدان الأرض

🖇️اللي ممكن تكون بمثابة مادة خام للأعلاف والصناعات الدوائية🤯

وبكده نبقى عالجنا المياه وكمان بقى عندنا مصدر للسماد والعلف✨
ــــــــــــــــــــــــــــــــــــــــــــــــ

اكتبولنا في الكومتنات حابين تعرفوا ايه اكتر عن المايه✨

ومتنسوش تتابعونا عشان تعرفوا كل جديد🔥.

29/04/2024

" رمال بتنقي الماء 😮 "

متستغربش
معظم بيوتنا بقت لا تخلو منها👀

- تعالي نشوف ايه🏃‍♂️...
ــــــــــــــــــــــــــــــــــــــــــــــــ

" فلتر المايه " ✨
فيها بيعمل جزء مهم اسمه الترشيح الرملي

وهي عملية تنقية للماء بتمر من خلال طبقة من الرمال النظيفة💫

🔹وده بيتم بعده خطوات كالآتي:

▫️بيتمّ إدخال الماء خلال مرشح اسمه (مرشح الجاذبية الرملي) :

وهو عبارة عن خزان مايه شكله مستطيل، يتكوّن من ثلاث طبقات ترشيح:

• الطبقة الأولى رفيعة وطويلة،
• والطبقة الثانية سميكة وقصيرة وتتكوّن من الرمل،
• والطبقة الثالثة سميكة وقصيرة برضو وتتكوّن من الحصى،

و المرشّح بيكون هدفه إزالة الشوائب والكائنات الحية الدقيقة بنسبة تتراوح ما بين 98 % إلى 99%.

▫️تتجمّع المايه اللي تمّت تنقيتها في أسفل مرشح الجاذبية الرملي، وبعدها يتمّ تغطية المايه بطبقة ملمسها لزج اسمها الطبقة الحيويّة،

وتتكون الطبقة دي من البكتيريا والطحالب والدياتومات🧫.

▫️اما في الطبقة الحيوية، تظهر الكائنات الحيّة الدقيقة الباقّيه بشكل أوضح🔍.

بعدها يحصل تأكسد للمواد العضوية الموجودة في المياه، و يتمّ ترشيح الخلايا الميكروبية🦠.

▫️بعدها نضع عنصر الكربون المنشط في قاعدة المرشح عشان نتخلص من الروائح والسموم.

وبعد ما تتم عملية الترشيح نقدر نستخدم مياه خالية من الشوائب ✨
ــــــــــــــــــــــــــــــــــــــــــــــــ

وبكدا نكون انتهينا من كامبين المايه

متنسوش تشاركونا في الكومنتات، ايه اغرب معلومه عرفتوها عن المايه✨

و تابعونا عشان تعرفوا كل جديد🔥.

28/04/2024

🌟 في عالم لا يُرى بالعين المجردة، تتراقص الإنزيمات في سيمفونية معقدة، تحتضن كل قطرة ماء وتحولها إلى نبع حياة. 🌟

🔍 عمرك فكرت في السر وراء كل نقطة ماء نظيفة بتطلع من الحنفيات أو ازاي الماء المستعمل بيرجلعنا صافي كأنه متلوثش اصلا ؟

🚀 في البوست دا هنكشف الستار عن الأبطال الخارقين الذين يعملون بصمت في خدمة البشرية والطبيعة.
ــــــــــــــــــــــــــــــــــــــــــــــــ

الانزيمات زي ما احنا عارفين هي عبارة عن محفزات بروتينية وتدخل في العديد من الأطعمة والمنسوجات وغيرها 👌

ومن خلاله بدأوا يطوروا من هندسة البروتين ويصنعوا انزيمات فيها خصائص محسنة ومصممة بدرجة نقاء عاليه

وعلشان كدا استخدمت في معالجة واعادة تدوير مياه الصرف الصحي بسبب خصوصيتها العاليه للمؤشرات الحيويه المستهدفه ✨

بكدا الانزيمات بقا ليها دور فعال في معالجة المياه وإعادة تدوريها 💚
ــــــــــــــــــــــــــــــــــــــــــــــــ

هل كنت تعرف ان الانزيمات ليها دور في تنقية الماية ؟ 👀
📌 شاركنا رأيك في التعليقات ✨

28/04/2024

🌀✨ مغامرة في عالم الذرات !
الامتزاز الحارس الخفي لمياهنا النقيه ✨🌀
______________________________

عمركم سألتوا ازاي المايه بتبقا نقيه زي الكريستال 🤔

↩️ الجواب بيكمن في عمليه بسيطه ولكنها عبقريه وهي الامتزاز

▪️طيب بتتم ازاي ؟ 👀
جزيئات المايه بتتدفق من خلال طبقه من الفحم النشط اللي مهمته انه يلتقط الذرات الصغيره الملوثه للماء او مسبباله صبغه ويترك السائل الصافي النقي 💧✨

مش كدا وبس لا دي كمان عمليه تعتبر صديقه للبيئة ودا لانها بتستخدم مواد طبيعية زي الفحم النشط والزيوليت والمواد دي مش بتضر بالبيئة وبتعيد للماء لمعته ونظافته 💚🌱

▪️تقنية الامتزاز بقت الوسيله الاسهل والاكثر انتشارا واستخداما لإزالة الملوثات المختلفة من المياه ودا بسبب الكفاءة العالية والتكلفة المنخفضة مقارنة بباقي الطرق الأخرى 🔥
______________________________

📌 شاركونا في الكومنتات بطرق مبتكره ومستدامه نقدر من خلالها نعمل تنظيف للماء ولا تضر بالبيئة 💙

27/04/2024

" ضوء سحري 🪄 "

سمعت عن ضوء بيعالج المايه👀
لا ومش اي ضوء ... ده ضوء سحري 🤫🪄

🔹طب ايه القصه؟ 👀
- تعالي نشوف🏃‍♂️.....
ــــــــــــــــــــــــــــــــــــــــــــــــ

سبق واتكلمنا عن الأوزون و فايدته للماء🌠

والنهارده كلامنا عن احد طرق التكنولوجيا الحيوية وهي " الضوء "

🔹او بالمسمي الآخر....
" الأكسدة الضوئية او التحفيز الضوئي✨ "

▫️ودي عملية بتستخدم الطاقة الضوئية من أشعة الشمس أو مصادر ضوء اصطناعية لتنشيط مواد مساعدة زي ( الأكسجين الموجود في الماء)

▫️عشان يحول الملوثات العضوية والغير عضوية إلى مواد غير ضارة.

🔹 واعتمادها الاساسي بيكون علي إستخدام الاشعة فوق البنفسجية من الطيف الشمسي :

▫️ودي طاقة عالية تستخدم لتفعيل الأكسجين الجزيئي في الماء،

▫️اللي بدوره بيساعد في عملية التحلل والتخلص من الملوثات

🔹طب تفتكر ايه يميز الطريقة دي عن غيرها؟ 👀

- لاسباب كتير منها :

▫️بتحافظ على البيئة، و مش بتنتج مواد ضارة في عملية التنظيف.

▫️كفاءتها عالية ونتيجتها واضحة.

▫️العملية كلها بتكلفة منخفضة مقارنة بالطرق التانية.

▫️بتشتغل بسرعه وتأثيرها بيظهر بسرعة.

▫️آمنة لا يوجد مواد كيميائية آخري.

▫️الصيانة بتكون قليلة ومنتظمة.

وبكده نقدر نعالج المايه بطريقة فعالة✨
ــــــــــــــــــــــــــــــــــــــــــــــــ

اكتبولنا في الكومتنات حابين تعرفوا ايه اكتر عن المايه✨

ومتنسوش تتابعونا عشان تعرفوا كل جديد🔥.

27/04/2024

لما بنسمع كلمة اوزون كل اللي بيجي في تفكيرنا ... طبقة الاوزون المحيطه بالارض ومسببالنا الحر دا 🫠

🔹لكن هل كنت تعرف اننا ممكن نستخدم الاوزون علشان ننقي الماء 🤔
- دا اللي هنعرفه في بوست النهارده 🏃‍♂️
ــــــــــــــــــــــــــــــــــــــــــــــــ

في العصر الحالي من التقدم التكنولوجي بتظهر اهمية الابتكارات الحيويه في معالجة الماء 🧬

ومن بين الطرق دي، بيظهر الاوزون كنجم ساطع في سماء التطهير 🌟

و بنقدر نحصل علي الاوزون عن طريق التحليل الكهربي للمايه

وبيكون سلاح فعال في ازالة المركبات اللي ليها رائحه كريهه 🚫

🔹طيب ليه الاوزون ؟
▫️الاوزون مؤكسد قوي ودا بيخليه فعال بشكل ملحوظ في معالجة الماء
▫️ بيساهم في الحفاظ علي البيئة وحماية الغلاف الجوي
▫️ بنقدر نستخدم وحدات قابلة للبرمجه ودا بنقدر من خلاله نضمن فاعلية معالجة الماء

🔹ازاي بنقدر نستخدمه في المعالجه ؟ 🤔
◽ ترشيح الكربون النشط الحُبَيّبي ودا علشان نقدر نزيل الشوائب والملونات
◽ عمل تليين مكثف للمعادن الثقيله وبنستخدم فيها طبقة معلقة من الرمال علشان نقدر نحسن من جودة المايه 💧
◽ استخدام تقنيات الاغشية وحلول التبادل الايوني ودي بنستخدمها علي نطاق واسع علشان نحقق اعلي مستويات التنقيه 🧪🔬

وبكدا نكون ضمنا ان الماء اتعالج بشكل سليم وفعال وكمان محافظ علي البيئة وصالحه للانسان 💙
ــــــــــــــــــــــــــــــــــــــــــــــــ

اكتبولنا في الكومنتات معلومه غريبه عن المايه اول مره تعرفوها ✨

ومتنسوش تتابعونا عشان تعرفوا كل جديد🔥.

26/04/2024

" تفاعلات ... تكنولوجيا ... تطور 🔥 "

مع التقدم اللي حاصل....
أصبحت فلسفه حياتنا اليومية كلها تطور🖇️✨

🔹 ومنها التكنولوجيا الحيوية وده اللي هنكفم عنه النهارده🏃‍♂️...
ــــــــــــــــــــــــــــــــــــــــــــــــ

🔹اصبحت التكنولوجيا الحيوية عامل مؤثر بشكل كبيير في تحسين و تنقية الماء بالمقارنة مع بالطرق التقليدية💧.

🔹بيتم استخدام الكائنات الحية الدقيقة زي البكتيريا والطحالب والفطريات

علشان يتفاعلوا مع المواد اللي في المياه ويزيلوها.

🔹ولازم نراعي استخدام العمليات التكنولوجية المناسبة زي
▫️خزانات الترسيب
▫️والمرشحات
▫️والأوزون ومرشحات الكربون

عشان نضمن أقصى كفاءة في تنقية المياه وسلامتها للشرب. 🚰

🔹 *اما بالنسبة لفوائد التكنولوجيا الحيوية في معالجة الماء كتير، منها :*

▫️تزيل المواد الضارة زي المعادن الثقيلة والمبيدات الحشرية والهيدروكربونات بشكل فعال.
▫️تعمل على تحسين طعم ورائحة المياه.
▫️تساعد في التخلص من الجراثيم والبكتيريا الضارة😷.
▫️توفر طرق مبتكرة زي الأنظمة البيولوجية والتكنولوجيا الكهروكيميائية لتنقية المياه.
ــــــــــــــــــــــــــــــــــــــــــــــــ

ودي كانت نبذة عن استخدام التكنولوجيا الحيوية في تنقيه الماء 🦠

اكتبولنا في الكومتنات حابين تعرفوا ايه اكتر عن المايه✨

و ايه الطرق اللي هنكلم عنها في تنقيه الماء البوست الجي👀 ✨

ومتنسوش تتابعونا عشان تعرفوا كل جديد🔥.

26/04/2024

" بكتيريا بتحسن جودة الماء 😮❗"

معروف أن البكتيريا غالبًا ما تُعتبر ضارة،

إلا أنها في بعض الأحيان بتأثر بشكل إيجابي ✨

🔹طب تفتكر هتفيدنا ازاي في تنقية الماء👀
- تعالي نشوف🏃‍♂️....
ــــــــــــــــــــــــــــــــــــــــــــــــ

البكتيريا ليها دور كبير في تحسين جودة الماء🚰،

وده من خلال اكتشاف بكتيريا زي حمض اللاكتيك اللي بتعتبر معجزة بجد! 😮

🔹طب ايه آليه عمل البكتيريا 🤔

▫️ المجتمعات البكتيرية في الاول بتتحط في محطات تنقية المياه،

▫️ومن هنا نبدأ نلاحظ إنها بتساعد على فهم العمليات الديناميكية التشغيلية اللي بتحصل في مياه الشرب،

بالتالي بتلبي معايير جودة المياه اللي بنشربها. 🌿🔬

🔹طب تفتكر ايه مميزات استخدام البكتيريا تلحية في الماء :

▫️بتساعد في معالجة التلوث .
▫️بتعمل على قتل الميكروبات الضارة وتقليل انتشار الأمراض.
▫️بتقدر تخفف من ملوثات زي الكلور اللي يعتبر من اكثر الملوثات اللي بتستخرجها البكتيريا الزرقاء 🧫

وكل ده بيساعم في تحسين جودة المياه وطعمها ورائحتها. 🌟🦠

علي الرغم من صغر حجم البكتيريا إلا إنها تُعتبر حل فعال في مواجهة مشاكل تلوث الماء💫
ــــــــــــــــــــــــــــــــــــــــــــــــ

اكتبولنا في الكومتنات حابين تعرفوا ايه اكتر عن المايه✨

وتفتكروا ايه الطرق اللي هنكلم عنها في تنقيه الماء 👀 ✨

ومتنسوش تتابعونا عشان تعرفوا كل جديد🔥.

25/04/2024

"معركة طحالب ضد البكتيريا تفتكر مين هيكسب👀🔥 "

كلنا عارفين ان الطحالب بتلعب دور مهم في البيئة، ولكن هل لدرجة انه نستخدمها في معالجة الماية ؟! 🤔
______________________________

دلوقتي بقي يتم استغلال الطحالب بشكل متزايد في مجال معالجة المياه وهو دا موضوع بوست النهاردة 🫵

تعالوا نشوف ازاي دا بيحصل :-

⬅️ إزالة الملوثات : ✅
الطحالب عندها القدرة على امتصاص العناصر الضارة زي النيتروجين والفوسفور من المايه ولما بزراعتها في محطات معالجة مياة الصرف الصحي، تساهم في تحسين جودة المياه والحد من التلوث.

⬅️ إنتاج الأكسجين: 🪸
الطحالب بتقوم بعملية التمثيل الضوئي وتطلق الأكسجين. ودا يساهم في تحسين نسبة الأكسجين في المياه وتعقيمها.

⬅️ تقليل البكتيريا والطفيليات: 🦠
الطحالب تنافس البكتيريا والطفيليات على الموارد الغذائية، ودا بيقلل من تكاثرهم .. وبكدا بتساهم في تعقيم المياه وجعلها أكثر صحية.

⬅️ تحسين البيئة المائية: 🕳️
الطحالب تعمل كمرشح طبيعي للمياه.

______________________________

في النهاية، يمكن القول إن استخدام الطحالب الدقيقة في معالجة المياه يمثل خطوة مهمة نحو الاستدامة والحفاظ على البيئة. 💧🌱

📌اكتبولنا في الكومنتات حابين تعرفوا ايه اكتر عن الماء✨

وتفتكروا ايه طريقة تنقية الماء اللي هنكلم عنها البوست الجي👀 ....

ومتنسوش تتابعونا عشان تعرفوا كل جديد🔥.

25/04/2024

( ليس للفرص من قيمة، اذا لم نحسن الافادة منها.)
📌 و FA Alumni Model بتقدملك فرصه انك تكون جزء منها و من التيم بتاعها ب لجانه المختلفه. 🤩

📍و بالفرصة ديه انت مش بس هتستفيد انت كمان هتكون يد عون لزميلك الخريج الفاموديل أن يلاقي فرصه شغل فمجاله.📄🤝

عشان كدة متحاولش تضيع الفرصة اللى قدامك 🧐
Tik Tak ⌛🕑
خلي بالك الفورم خلاص هتقفل خلال 24 hr بلاش تندم 🫡
سجل دلوقتي مستنى ايه 🏃🏻
https://docs.google.com/forms/d/13cJG_V9ybUtA8SagDsl2D4yYmlabsbyp0Xw0w9Fvpw8/edit?usp=drivesdk

25/04/2024

" ما بين ضرورة الماء وتحديات تسممها⚠️ "

البوست اللي فات قولنا ان في مشاكل بتسبب تسمم الماء زي وجود المواد العضوية 💦

🔹عشان كدا العلماء بدأوا يبحثوا عن حل للمشكله

و توصلوا انهم يعالجوا الماء من في ظل ظروف هوائية وده موضوع النهارده 💧✨
ــــــــــــــــــــــــــــــــــــــــــــــــ

🔹طب ازاي العملية دي بتم؟ 🤔

▫️عن طريق انك بتقوم بإمرار الماء المحتوي على مواد عضوية ونيتروجين الأمونيا خلال خزان تفاعل تحت الظروف الهوائية🖇️.

▫️و الخزان ده بيقوم بتنقية المواد العضوية الصلبة العالقة في الماء.

🔹بس في شروط لازم تاخد بالك منها وهما 👀 :

▫️ان تركيز المواد العضوية و تركيز نسبة نيتروجين الأمونيا يكون محدد.

▫️كمان يكون وقت الإحتفاظ بالماء في خزان التفاعل لا يزيد عن ساعتين🕰️.

🔹طب تفتكر العملية هتفدنا في ايه🤔؟

▫️هتساعدك في معالجة المواد العضوية والنيتروجين في نفس الخزان،

وده هينتج عنه معالجة مستقرة استثنائية✨.
ــــــــــــــــــــــــــــــــــــــــــــــــ
اكتبولنا في الكومنتات حابين تعرفوا ايه اكتر عن الماء✨

وتفتكروا ايه طريقة تنقية الماء اللي هنكلم عنها البوست الجي👀 ....

ومتنسوش تتابعونا عشان تعرفوا كل جديد🔥.

24/04/2024

" خطر و بداية حياة 🌎✨ "

مع زيادة وعينا بأهمية الماء في حياتنا،

لازم نواجه تحديات تلوث الماء علشان نحمي صحتنا وصحة البيئة. 🌊💧
ــــــــــــــــــــــــــــــــــــــــــــــــ

تسمم الماء بقي مشكلة كبيرة بتهدد حياتنا،

🔹وده بيحصل لأسباب كتير زي :

▫️التلوث بالمواد الكيميائية من المصانع. 🏭

▫️او استخدام مبالغ فيه للأسمدة في الزراعة اللي بتتسرب لتحت الأرض. 🌏

▫️تجمع الأمطار الملوثة علي سطح الأرض اللي بتكون محملة المواد الكيميائية والفضلات. 🌨️

▫️التلوث بالهيدروكربونات النفطية نتيجة تسرب المواد البترولية من خطوط الأنابيب أو من السفن النفطية.

🚨والتسمم ده ممكن يسبب مشاكل صحية كتيرة، زي الإسهال والقيء والتهاب المعدة🤒.

🔹وعشان نتجنب مشاكل التسمم 🏃‍♂️

🖇️هنتكلم معاكم الفترة الجية عن طرق تنقية ومعالجة الماء بطرق مبتكرة و حديثة✨
ــــــــــــــــــــــــــــــــــــــــــــــــ

📌 اكتبولنا في الكومتنات حابين تعرفوا ايه اكتر عن الماء✨

وتفتكروا ايه الطرق اللي هنكلم عنها في تنقيه الماء 👀 ....

ومتنسوش تتابعونا عشان تعرفوا كل جديد🔥.

24/04/2024

نظرا لموجة الحر اللي احنا فيها دي خليني اسألكم سؤال بسيط .. 🌚
- بتعملوا ايه علشان تلطفوا علي نفسكم وتقللوا احساسكم بالحر وانتم ماشيين في الشارع ؟ 👀
= بنشرب مايه ساقعه او بنغسل وشنا دا بيهون علينا شوية تأثير الحر
ايوه بالظبط هي دي الإجابة اللي كنت عايزة اسمعها ودا موضوع بوستنا النهاردة 🫵
_________________________

كلنا عارفين ان الماء عنصر أساسي للبقاء على قيد الحياة، وعارفين كمان اننا لازم نقدره ونحافظ عليه دايما لان " الماء = الحياة. " ✨

بس هل كلنا عارفين ليه الماء اساسي كدا او ايه دوره غير انه بيروي عطشنا وبيقلل احساسنا بالحر ؟ 🤔

▪️ المايه اضافة لأنها بتروي عطشنا، ليها فوائد كتير جدًا لصحتنا زي انها :
- بتساعد على نقل الأكسجين والمواد الغذائية لكل خلايا الجسم.
- بتحافظ على برودة الجسم وتنظم درجة حرارته.
- بتقلل من خطر تعرض الأعضاء والأنسجة للتلف.
- بتحافظ على حركة المفاصل وتلينها.
- بتساعد في الهضم وتحسن من وظائف الدماغ.
- وكمان شرب الميه بانتظام ممكن يقلل من الصداع ويحافظ على وزن صحي.
_________________________

كل دا واكتر من فوائد المايه ف ضروري جدا نحافظ عليها علشان كدا FA BSU قرر يعملكم كامبين كامل عن الماية علشان يعرفكم أهمية الماية وايه المشاكل اللي بتواجه المايه وبتلوثها
خليكم علي استعداد وترقبوا القادم 🔥🔥

📌 اكتبولنا في الكومتنات حابين تعرفوا ايه اكتر عن الماية وامتي آخر مره شربتوا فيها 🌚✨

23/04/2024

حاجة ممكن تكون صلبة زي الصخر، ولينه زي الحرير، وكمان بتقدر تاخد اشكال لا حصر لها ؟ 🤔

ممكن يكون هادي وساكن ، وفي لحظه يتحول لقوة كبيرة منقدرش نوقفها. 💥

بيحمل سر الحياة وبيشكل جزء لا يتجزأ من كل لحظة في حياتنا. 💙

تقتكروا ايه؟! 👀
دلوقت بعد مقولنا التلميحات دي تقدروا تخمنوا ايه هو اسم الكامبين بتاعنا ✨

📌 انتظرونا في حملتنا الجاية لاكتشاف العجائب اللي بتحيط بينا☁️

19/04/2024

" ابني مستقبل وحقق التغيير 🌏 "

في الوقت الحالي العالم كله مركز علي فكره تحقيق الاستدامة♻️

وبما اننا في عصر التكنولوجيا 💫

فقدرنا نستغلها كـ سلاح قوى لمواجهة تحديات التغير المناخي 💪🔥

🔹 والتكنولوجيا مثلناها في حاجات كتير .. زي اي👀؟
- تعالي نشوف 🏃‍♂️
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

▫️الزراعة الذكية🚜:
قدرنا نستخدم التكنولوجيا في الزراعة بالتالي زودنا الإنتاجية وقللنا المخلفات وانبعاثات الغازات الضارة.

٢. الذكاء الاصطناعي🤖:
قدرنا من خلاله نتوقع ونراقب التغيرات المناخية المفاجئة زي العواصف والفيضانات.

٣. البنية التحتية المُقاومة للكوارث🌪️:
وده ساعدنا اننا نتحمل الكوارث الناتجة عن تغير المناخ زي الفيضانات والجفاف.

٤. التصنيع بتقنية الطباعة ثلاثية الأبعاد:
من خلال تصنيع مكونات الطاقة المتجددة وتحسين كفاءة المباني وإنتاج منتجات صديقة للبيئة🏙️.

٥. البيوت الذكية🏘️:
اللي ساعد علي تقليل استهلاك المياه والكهرباء والغاز من خلال استخدام التكنولوجيا في المنازل.

٦. الخلايا الشمسية المتقدمة☀️:
ودي تقنية جديدة تزيد من كفاءة الطاقة الشمسية بتكلفة منخفضة.

٧. الهيدروجين الأخضر🌳:
وهو عباره عن وقود نظيف قابل للاستخدام في مختلف الصناعات من غير إنبعاثات ضارة.

٨. إعادة تدوير المخلفات♻️:
من خلال تحويل المخلفات إلى مواد قيمة ماديًا عشان نحفاظ على الموارد الطبيعية.

في النهاية...
كل فرد واجب عليه انه يتحمل مسؤولية مواجهة تحديات المناخ🌳

غير العالم وابدأ بنفسك !
نحو مستقبل اخضر أفضل 🌿✨
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

وبكدا نكون وصلنا لآخر بوست في كامببن التغير المناخي🌏.

ونلقاكم في كامبين جديد بإفادة جديدة إن شاء الله ✨

ومتنسوش تتابعونا عشان تعرفوا كل جديد🔥.

18/04/2024

" احدث فارقاً في العالم✨ "

مع تزايد التحذيرات حولين التغير المناخ وآثاره المدمرة،

دلوقت جيه دورنا اننا نحاول نكون جزء من الحل✨
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

🔹اولا مشكله الغازات الدفيئة، ودي بعض الخطوات نقلل منها :

▫️استخدام الطاقة المتجددة زي:
• طاقة الشمس ☀️
• طاقة الرياح 🍃
• طاقة المياه🚰

▫️ترشيد الطاقة🔋:
توجيه الجهود نحو تقليل استهلاك الطاقة في المنازل وأماكن الشغل لتقليل الانبعاثات الضارة.

▫️ التشجيع على النقل العام🚙:
من خلال انك تقلل من انبعاثات الكربون عن طريق التحويل إلى وسائل النقل العامة والعربيات الكهربائية.

▫️التقاط الكربون:
تطوير تقنيات لالتقاط الكربون من الجو واستخدامه في صناعة وقود طبيعي متجدد يقلل الانبعاثات الكربونية.

▫️ زراعة الغابات🌳:
تشجيع زراعة الأشجار لتقليل تأثير غازات الاحتباس الحراري.

▫️ تغيير العادات الغذائية🍴:
تشجيع الحملات لتقليل الإهدار الغذائي وتغيير العادات.

▫️ التوعية بأهمية الاستدامة♻️:
شارك المعرفة والوعي بأهمية المحافظة على البيئة و حاول تبني أساليب حياتية مستدامة.
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
وبكدا نكون وصلنا لنهاية بوست النهاردة 👏.

فشاركونا حابين تعرفوا ايه اكتر عن التغير المناخي 🌍،

ومتنسوش تتابعونا عشان تعرفوا كل جديد🔥.

18/04/2024

" معركة البشرية ضد الموت ⚠️ "

🔹تفتكر تغير المناخ ممكن يسبب امراض للإنسان 😷
- تعال نشوف🏃‍♂️
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

🔹التغير المناخ بيهدد صحتنا كبشر ⚠️

ومنها ظواهر جوية متطرفة زي :

▫️موجات الحر
▫️ والعواصف
▫️والفيضانات
اللي ممكن تسبب وفاة او إعاقة👨‍🦽.

🔹كمان ارتفاع درجات الحرارة ونقص الأمطار بيسبب أمراض معدية كتير زي :

▫️الملاريا :
ودي بتيجي من خلال بعوض بينقل فيروس الملاريا وقت إرتفاع درجات الحراره

▫️وحمى الضنك :
اللي بينقلها البعوض المصاب وقت ارتفاع درجات الحرارة

▫️ده غير الفقر والجوع الناتج عن نقص الغذاء و سوء التغذية، اللي بيأثر علي صحة الأطفال والبالغين👪

بالتالي بيكون في ازدحام للمستشفيات، اللي بينتج عنه تعطيل في الخدمات الصحية في بعض البلاد🏘️.

تغير المناخ تحدي خطير لصحتنا جميعًا، لكن نقدر نقلل من مخاطره و نحمي صحتنا من خلال اتباع أساليب هنتكلم فيها فيما بعد✨.
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

وبكدا نكون وصلنا لنهاية بوست النهاردة 👏.

فشاركونا حابين تعرفوا ايه اكتر عن التغير المناخي 🌍،

ومتنسوش تتابعونا عشان تعرفوا كل جديد🔥.

17/04/2024

" على وشك الانقراض🚨 ! "

الفترة الاخيره ..التغير المناخي سبب قلق عالمي كبير ‼️

🔹و اللي أثر بشكل كبير علي احتياجاتنا🧍‍♂️
- تعالي نشوف اثر ازاي🏃‍♂️....
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

▫️ نقص مياه الشرب 🫗.

وده نتيجة لارتفاع درجات الحراره اللي سبب جفاف وقلة المياه الصالحة للشرب💦 !

▫️نقص الغذاء🍴.

واللي سبب زيادة في معدلات الجوع وسوء التغذية في العالم.

▫️تدمير المدن بأكملها 🌪️.

وده بسبب العواصف البحرية الشديدة ⛴️،

اللي سبب علي مر العقود إلى وفاة حوالي 23.1 مليون
شخص کل سنة، و ده غير المعاناة و الفقر💔.

في النهاية لازم ندرك أن مكافحة التغير المناخي والحفاظ على البيئةمش مجرد واجب،

بل هي مسؤولية جماعية
كلنا لازم نتكاتف لضمان بقاء كوكبنا للأجيال القادمة. 🌿
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

وبكدا نكون وصلنا لنهاية بوست النهاردة 👏.

فشاركونا حابين تعرفوا ايه اكتر عن التغير المناخي 🌍،

ومتنسوش تتابعونا عشان تعرفوا كل جديد🔥.

17/04/2024

خطر جديد بيهدد الحياة علي كوكب الأرض..💣

كلنا عارفين أن الصحة والمناخ مرتبطين ببعض بنسبة كبيرة، بس في السنين القادمة صحة المليارات بتتعرض للخطر 🤷‍♂️👀

🔹ودا بسبب اي ؟
السبب ببساطة هو العواصف المدمرة 💥🌫️

واللي أصبحت أكثر حدة وانتشار في مناطق كتيرة وبتسبب خسائر كبيرة

🔹طيب ويا تري العواصف المدمرة دي زي اي ؟
- تعالي اقولك..👀
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

العواصف المدمرة بتتمثل في :
▫️الفيضانات🌊
التي أصبحت منتشرة بشكل كبير وبارتفعات شاهقة ودا بيؤدي الي تدمير المدن الساحلية.

▫️الأعاصير🌪️
خصوصا الأعاصير الاستوائية والتي تزداد شدتها مع ارتفاع درجة الحرارة وبالتالي بتأثر علي الأراضي الزراعية.

▫️العواصف الرملية💨
اللي أصبحت أشد عن ما سبق مما تؤثر على القطاع الزراعي والحياة البحرية ودا غير انها بتنقل الأتربة المحملة بالملوثات والمعادن الثقيلة الي المياه.

▫️ارتفاع مستوي البحر💦
ودا بيؤدي الي تأكل السواحل في المدن الساحلية مثل الإسكندرية واللي بدأت تتأثر بنسبة كبيرة.

🔹طبعا انت دلوقت بتفكر يا تري اي الحل ؟🤔

حتي الآن لا توجد سوي حلول مؤقتة كالاهتمام بالبنية التحتية للفيضانات والأعاصير والعواصف المدمرة

لكن لسا في امل اننا نقدر نتغلب علي تلك العواصف المدمرة ونحمي كوكبنا 🌍✨
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

وبكدا نكون وصلنا لنهاية بوست النهاردة 👏.

فشاركونا حابين تعرفوا ايه اكتر عن التغير المناخي 🌍،

ومتنسوش تتابعونا عشان تعرفوا كل جديد🔥.

16/04/2024

" موجه تضرب العالم 😶"

الدنيا بقت حر... حر جداً
- اه فعلا محتاجين تكييف🥵

ياريت...
بس المشكلة اكبر من كدا بكتير😢.
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

تأثير الحرارة العالية بس بيهدد الإنسان بل بيهدد الكوكب كله❗

🔹 الحرارة العالية بتسبب مشاكل كتير زي :
▫️انها بتخلي البكتيريا والفيروسات تعيش عيشة هنية وتنتشر بشكل أسرع،

وده بيزود من خطر الأمراض اللي ممكن تضرب العالم كله. 😷

▫️وكمان الغابات اللي هي رئة الأرض، بتولع وتتحرق و ده بيهدد الحياة على كوكبنا. 🌳🔥

▫️ده غير ان الجليد اللي في القطب الشمالي، الحرارة الزيادة بتخليه يدوب بسرعة،

ولو استمر الوضع كده، يمكن نشوف مدن ساحلية كتير تحت المية. 🌊

▫️وبعدين، إحنا كمان مش قادرين نستحمل الحر ده، الشغل بيقل والحياة بتتأثر بشكل كبير. 😓

▫️وفوق ده كله، فيه حوالي مليون نوع من الكائنات الحية ممكن ينقرضوا بسبب التغيرات دي. 🐾

يعني لو ما لقيناش حل سريع، ممكن نكون إحنا كمان في خطر الانقراض⚠️.

🔹طيب السؤال دلوقت،
ازاي نواجه التحديات البيئية دي ؟ 🤔

▫️ نقدر نمشي علي خطوات عملية للحد من التغيرات المناخية وآثارها زي مثلا :
1. التشجير
2. الطاقة المتجددة
3. ترشيد الاستهلاك
4. الزراعة المستدامة
5. التوعية والتعليم

وغيرهم
احنا نقدر نعمل تغيير إيجابي ونحمي كوكبنا، بس لازم نتحرك ونسعي للتغير ده🧍‍♂️

" ابدأ بنفسك وساعد في التغيير ✨ "
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

شاركونا حابين تعرفوا ايه اكتر عن التغير المناخي 🌍،

ومتنسوش تتابعونا عشان تعرفوا كل جديد🔥.

❤️

15/04/2024

طبعا كلنا ملاحظين ان الصيف بقي حر اوي عن زمان والدنيا بتسخن أكتر من اللازم 🌞🔥

🔹طيب عمرك سألت نفسك ليه ؟
▫️السبب ببساطة هو
الغازات الدفيئة ! 😤
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

▫️الغازات الدفيئة :
هي غازات موجودة فى الغلاف الجوى للارض، بتمتص الاشعة تحت الحمراء و تحتفظ بيها، و تمنعها من الخروج من الارض مرة تانية 🔒⚔️

و الغازات دي زي ثاني أكسيد الكربون والميثان، بتخلي الحرارة اللي من الشمس تفضل محبوسة معانا هنا على الأرض ودا اللي بيزود الحرارة. 🌍

والمشكلة إننا كل يوم بنزود المشكلة دي🚶‍♂️...
• بالعربيات اللي بتزيد🚗
• والمصانع اللي شغالة ٢٤ ساعة. 🏭

وده طبعا بيزود الحرارة، اللي بينتج عنه مشاكل كتير زي
• الفيضانات والجفاف وحرائق الغابات.
• وكمان بيأثر على صحتنا، يعني زيادة في الأمراض اللي بتجيلنا من الهوا الملوث . 😷

🔹طيب السؤال المهم دلوقتي ازاي نقلل من تأثير الغازات الدفيئة دي ؟ 🤔

▫️تقدر تقلل من تأثيرها عن طريق شوية خطوات بسيطة زي :

• الحد من استهلاك الكهرباء
• تقليل الانبعاثات الناتجه من المصانع
• تقليل الانبعاثات الناتجه من قطاع النقل
• الحد من استخدام الكيماويات الثقيله والاسمده البتروليه في الزراعة
• الاعتماد على الطاقه المتجدده
• الحد من استخدام الاجهزه الالكترونيه
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

في النهاية كلنا عارفين ان التغيرات المناخيه مش بس ارقام واحصائيات لكن هي واقع بنعيشه يوميا 📈 ،

والغازات الدفيئه ليها دور كبير في المشكله دي !

لكن لسه في امل أننا نقلل من تأثير الغازات دي ونحمي كوكبنا 🌏🌱

خلونا نبدأ بتغييرات صغيره في حياتنا اليوميه فكل خطوه مهما كانت صغيرة هتعمل فرق كبير لما نجتمع كلنا لنفس الهدف 💪

شاركونا حابين تعرفوا ايه اكتر عن التغير المناخي 🌍،

ومتنسوش تتابعونا عشان تعرفوا كل جديد🔥.

15/04/2024

" 🌏 نهاية العالم قربت واحنا السبب❗"

احنا بنعرض كوكب الأرض لخطر كبير جداً وده بسبب تدمير الغلاف الجوي.

🔹ازاي ده بيحصل؟ وايه النتايج اللي هتترتب عليه؟
- ده اللي هنعرفه🚶‍♂️
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

🔹بداية الثورة الصناعية كانت في القرن الـ ١٨ ودى كانت بداية الإنهيار.

المصانع عشان تشتغل محتاجة طاقة ومصدر الطاقة دي من حرق الوقود الأحفورى ( الفحم والبترول )

ونتيجة الحرق ده بينتج غاز الميثان وثاني أكسيد الكربون وطاقة ومن هنا الجو بيبوظ🌡️.

🔹بس المشكلة عندنا مش في المصانع بس

▫️ لأن فيه مصادر تانية كتير للإستهلاك زي:
• وسائل النقل
• إنتاج الأغذية
• إستهلاك المنازل
• إخراجات الثروة الحيوانية واللي فيها كمية كبيرة من غاز الميثان وحاجات تانية كتير.

🔹وفي مشكلة كبيرة بدأت تنتشر❗
- وهي قطع أشجار الغابات واللى بتعتبر المرشح الأكبر لغاز ثاني أكسيد الكربون.

🔸 وده إن يدل علي شئ
وهو ان السبب الأكبر في المخاطر دي " العنصر البشري🧍‍♂️ "

عشان كدا لازم نرشد من إستهلاكنا ونحاول نلاقي بدائل للإستخدام بشكل آمن علي كوكبنا.
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

شاركونا حابين تعرفوا ايه اكتر عن التغير المناخي 🌍،

ومتنسوش تتابعونا عشان تعرفوا كل جديد🔥.

14/04/2024

قبل وجود البشر على الارض لم تسلم الارض من التغييرات المناخية 🔥

🔹طب يا ترى اى هى الاسباب ⚠️
- تعالي نشوف🏃‍♂️
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

▫️الشمس ☀️

• على الرغم من فوائد الشمس إلا أن الاشعة تحت الحمراء بتزود من الاحتراق العالمى . 💥

▫️الانفجارات البركانية 🌋

• انفجار البراكين بينتج عنه انبعاثات دخانية كثيفة من غاز ثانى اكسيد الكربون الى بتدمر الغلاف الجوى .

▫️الصواعق 🌩️

• الصواعق بتكون سبب فى حدوث حرائق فى الغابات اللي بينتج عنها تصاعد غاز CO2 اللى يعتبر من الغازات الدفيئة .

( مهم جدا يا عزيزى تعرف ان الغابات بتمتص كميات هائلة من غاز ثانى اكسيد الكربون و بتخرجه اكسجين )

▫️دورات ميلانكوفيتش 💫

• و ده كل 1000 سنه بيحصل ميلان لمحور الارض حوالين الشمس و دة بيزود كمية الشعاع الضوئى المتساقط على كوكب الارض .

بس فى الاخر مش الطبيعة هى السبب الأساسي فى كل الدمار الى بيحصل للكوكب دلوقتى وفي أسباب كتير هنعرفها فيما بعد
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

شاركونا حابين تعرفوا ايه اكتر عن التغير المناخي 🌍،

ومتنسوش تتابعونا عشان تعرفوا كل جديد🔥.