Ehab Mosallam Designs

كل عام و انتم طيبين بمناسبة رأس السنة الهجرية

Create a Working Space in your Home
"Ehab Mosallam Designs" For Design & Finishing works
-----------------------------

بند المحارة :

المحارة من اهم بنود التشطيب ... ولازم تطلع صح جدا ... وبناء عليه كل شغلك بيبقى كويس جدا جدا والعلاقات عندك في التشطيب هتبقي قمة في الروعه لو اشتغلت محاره صح وطالما بنتكلم عن جودة المحاره يبقي لازم اقولك انواع المحاره والفرق بين كل نوع والتاني من حيث جودة المصنعيات👇👇...

كلنا بنسمع محارة دراع علي ابوه ومحاره دراع موازين ومحارة بؤج واوتار ومحارة تأكيس وتربيع (الفرق بينهم في جودة المصنعيات فقط) ...

**محارة دراع علي ابوه او محارة ادة:
هي اقل انواع المحارة جوده وهي باختصار شديد انك بتعمل طبقة من المونة علي الحائط بدون مراعاة وزنة الحائط او تربيع الغرف يعني باختصار ممكن لو المباني عندك مش مظبوطه تلاقي الحائط فيه ميول او تلاقي الغرف مش متربعه (يعني ابعاد اضلاعها المتقابله مش زي بعض)

**محارة دراع موازين:
نفس الطريقة اللي فاتت ☝️☝️بس الاختلاف هتلاقية ف انك بتوزن الحائط بتخلية رأسي ودي بتتعمل من غير بؤج اطلاقا.

**محارة تربيع او محارة بؤج:
وفي الطريقة دي احنا بنوزن الحائط رأسي وكمان بنربع الغرف يعني بنظبط ابعاد الغرف بحيث ان كل ضلعين متقابلين من ابعاد الغرفه يكونوا مظبوطين اد بعض بالظبط ودي بنعملها عن طريق البؤج

**محارة تأكيس وتربيع
في الطريقة اللي فاتت احنا قولنا بنربع الغرف لكن مجبناش سيرة عن علاقة كل غرفة بالتانيه وعلاقتها بالطرقة وعلاقتها بالواجهة ، في الطريقة دي بنظبط تربيع الغرف بحيث ان كل الغرف تبقي علي محورين او اكسين متعامدين علي بعض وفي النهاية هتلاقي كل الحوائط اللي عندك اما موازية لبعضها تماما او عمودية علي بعضها تمام .

طيب هل التأكيس والتربيع ده بيفرق في جودة التشطيب اوي يعني؟؟
طبعا ،،، بعد كده لما تيجي تعمل السيراميك او البورسلين او اي ارضيات ميطلعش عندك سمك في الارضيات شكله وحش
وكمان لو هتعمل تجاليد في الحوائط سواء رخام او خشب العلاقات في الزوايا هتطلع مظبوطة كأنها مرسومة عشان كده اي شغل هتعمله لازم يبقي متربع كويس ومتأكس ومتسمحش لنفسك تقف علي شغل دراع فقط.

خطوات عمل المحارة
1- يتم رش الحوائط بالكامل ودي مهمة جدا

2- يتم عمل بؤج واوتار لكل الوحدة حوائط واسقف طبعا للتاكد ان الحوائط ميزان وتربيع الغرف زي ما قولنا... وان مفيش ميول ولا حوائط قالبة ( مكرشة ) ودى مرحلة بتم قبل الكهربائى ( علشان يمشى علب الكهرباء كلها وش واحد ووزنة واحدة ( علشان العلب متبقاش داخلة وطالعة ) وكمان البؤج دي السباك بيشتغل عليها.

3- يقوم بعمل طرطشة للحوائط بروبة مونة ( اسمنت ورمل خفيف جدا بمحتوي اسمنتي 9 شكاير للمتر المكعب) علشان تكون محببة وتقبل مونة فى مرحلة الملو

4- بيرجع صنايعى المحارة بعد الكهربائى والسباك ميخلص لمرحلة الملو

5- يبدا يحط شبك ممدد للفواصل
اي فاصل بين مباني ومحارة لازم احط شبك ممدد صلب واماكن تكسير خراطيم الكهرباء بنحط شبك فايبر

6- مرحلة الملو ( بيبدا يحط المونة على الحوائط وبعد كده يدرعها بالدراع ( يعنى يساويها )

7- مرحلة التخشين ( بيبدا يلمع الشغل بالفرطاسة والماية علشان يكون كله ماية واحدة )

8- معلومات :
☆ التربيع ده بتم عن طريق البؤج اللى فى اول مرحلة انه بيربع كل غرفة بحيث ميكونش فيها شطرات علشان فى باقى البنود بعد كده متلاقيش مشاكل فى السيراميك او الرخام او ال hdf

☆ لو حابب ان الزوى متتكسرش ممكن تركب زوايا حديد ودى بتركب مع المحارة اسمها ( زاوية فرسبيكو )

☆لازم تستلم كل الاركان والاعمدة بزاوية قايمة / ولو تربيع لازم تستلم بالمتر المقاسات متربعة ورا زى قدام ويمين زى شمال / وعلشان تتاكد ان الحوائط ماية واحدة او ميزان لازم تستلم بالدراع وعلى سيفه وتاخد اكتر من تلت لقطات واكسين

☆ فى اميات الشبابيك والابواب بلاش تستخدم جبس خالص علشان بتطبل وبتشرخ بعد كده مهما حصل

☆ الاسقف يفضل تستلمها بميزان قامة علشان تطلع ميزان واحد ولو حابب تعمل مصيص ( ضهارة ) يبقى تتفنش تمشيط

☆ الحمامات لو هتتعمل سيراميك بمادة لازم يتفنش تمشييط علشان يقبل المادة ( اوعى تخشن ☝)

Lights ...one of the most magnificent design elements 😍

"Ehab Mosallam Designs" For Design & Finishing works
-----------------------------

كل عام و انتم طيبين …عيد سعيد عليكم جميعا

Designed By :
"Ehab Mosallam Designs"
"Ehab Mosallam Designs" For Design & Finishing works
-----------------------------

#بند المباني :
بند المباني هو اول بند تبدأ به بعد الخرسانات لو كنت بتبني مبنى من البداية او بتعمل تعديلات على شقة و محتاج بناء قواطيع ( حوائط اضافية ) جديدة حسب التصميم .
بند المباني بيتم تنفيذة في الاغلب الاعم في مصر باستخدام الطوب الطفلي (الطوب الاحمر) او باستخدام البلوك او الطوب الاسمنتي .

مصطلحات:
عراميس : هي خطوط اللحام بين كل قالب طوب و الاخر عند البناء و التى تحتوي على المونة الاسمنتية . ويتم أيضا تكحيلها.
مدماك : كل صف افقي من الطوب في الحائط يسمي مدماك.
كرسي : هي رصة الطوب بشكل متتالي ( مدماك عرضي و مدماك طولي ) و ذلك لنقل الطوب من الرصة الى مكان العمل .
كانة : اداة تثبيت معدنية تستخدم كثيرا في اعمال البناء و تستخدم في بند المباني لربط المباني بالخرسانات .

قبل التنفيذ :
يوجد عدة ملاحظات يجب ملاحظاتها و تجهيزها قبل التنفيذ مثل
1- حصر و تجهيز الاعتاب للنوافذ و الابواب اما بشرائها جاهزة او صبها في الموقع ( لصبها في الموقع يراعى وضع 2 سيخ حديد تسليح على الاقل في كل عتبة ) ولا يفضل شراءها جاهزة .
2- تجهيز المون و حصرها و شرائها و تشوينها داخل الشقة في اماكن بعيدة عن اعمال المباني حتى لا تعوق البناء و يراعى ان يكون التشوين في مكان امن و جاف و بعيد عن مصادر الرطوبة و مياه الامطار و يفضل تشوين الاسمنت على بلتات خشبية و تغطيته بالمشمع .
3- يتم تجهيز السقالات المناسبة ليصل العامل الى الارتفاع المطلوب .
4- يتم التاكد من وجود مصدر مياه في الموقع او تخزين كميات مياه كافية .

حسابات :
لكل 1000 طوبة من الطوب الطفلي الاحمر نحتاج حوالي 3 شكاير الى 4 شكاير اسمنت للمونة الاسمنتية و نصف متر الى 0.75 متر مكعب رمل .
بالنسبة لحساب كمية الطوب يتم اولا قياس الطوب المورد حيث يوجد بعض الاختلافات بين مقاسات الطوب في مصر تبعا للمنطقة .
في حالة مثلا المقاس 6سم * 10 سم * 20 سم يكون فانه كل 1000 طوبة تغطي مساحة حوالي 14.2 متر مربع و يراعى عند توريد كمية الطوب حساب 10% على الاقل زيادة تحت حساب الهدر و التكسير في النقل و التشوين .

خطوات التنفيذ :
1- قبل البدء في التنفيذ يجب ان يتم رش الطوب بالمياه بشكل جيد ( لمنع امتصاص الطوب للمياه من المونة الاسمنتية بعد ذلك مما يضعف رباط الطوب ) .
2- يتم تنضيف مكان اول مدماك ( اول صف ) من اي اتربة حتى الوصول الى سطح الخرسانة و يتم رش مكان اول مدماك بالماء .
3- تبدأ عملية بناء اول مدماك و التي تسمى بالقد او باللهجة العامية ( الأد ) اي رسم اللوحات الخاصة بالمباني باستخدام الطوب عن طريق اول مدماك و ذلك باستخدام الخيوط كدليل او مسطرة للجنب و تثبيت سواعي ( خيوط رأسية ) و مراجعة الاطوال بالمتر مع مراعاة ترك اماكن الفتحات ( الابواب ) .
صورة من الانترنت توضح السواعي

4- يتم رفع البناء مدماك اخر بكامل مسطح الشقة ثم يأتي دور استلام المهندس ( او المالك ) و التاكد من مطابقة البناء على الواقع للرسومات و التصميمات .
5- يتم بناء المداميك بعد استلام ( الأد ) حتى منتصف ارتفاع الحوائط فقط في اول يوم و لا يتم زيادة الارتفاع عن 1.5 متر تقريبا في اليوم .
6- يتم التاكد من رباط الجنب عن طريق عمل مفاتيح بين المباني و المباني و عن طريق كانات حديد بين المباني و الخرسانات .
7- قبل انهاء اعمال اليوم يجب التاكد من نظافة الموقع و مكان التخمير للمونة الاسمنتية ( الورش ) و نضافة جميع اللحامات ( العراميس ) في المباني من سقط او زوائد المونة الاسمنتية
8- عند الوصول لارتفاع تركيب الاعتاب يراعي تركيب العتب مع وجود ركوب لا يقل عن 10 سم من كل اتجاه .
9- عند الوصول لاخر مداميك ( اخر 5 او 7 مداميك ) يتم قياس الارتفاع المتبقي حتى السقف مع تقسيط الارتفاع على عدد صحيح من قوالب الطوب .
10- يجب التاكد من امتلاء الفراغ بين اخر مدماك و السقف بالمونة بشكل كامل فيما يسمى بعملية ( الشحط )ويفضل وضع خوابير بين اخر مدماك والسقف لعملية لزيادة عملية التماسك .
11- قبل انهاء الاعمال يجب التأكد ثانية من نظافة جميع العراميس من بواقي المونة الاسمنتية او سقط المونة .
12- يفضل رش الحوائط بالماء بشكل يومي عدة ايام بعد اتمام اعمال البناء و قبل تنفيذ اعمال المحارة .

طريقة الاستلام :
يراعى عند الاستلام الاتي
1- مطابقة الاعمال و مقاساتها للوحات .
2- مطابقة اماكن و مقاسات الفتحات ( من عرض و ارتفاع ) للرسومات .
3- ان تكون الحوائط رأسية تماما و يتم التاكد من ذلك باستخدام ميزان الخيط .
4- ان تكون الحوائط مستوية تماما و يتم التاكد من ذلك باستخدام ذراع معدنية ( إدة الومنيوم ) .
5- ان تكون جميع العراميس نظيفة .
6- ان يتم الربط بين اعمال المباني و بعضها عن طريق طرف رباط أو عمل مفاتيح و بينها و بين الاعمدة الخرسانية عن طريق الكانات موضحة بالصور .
7- ان يتم شحط المباني في السقف كما سبق شرحة .
8- التاكد من رش الطوب بالماء في كل مراحل البناء .
9- عدم وجود هدر في الطوب المستخدم بشكل مفرط و توظيف انصاف القوالب في عملية البناء بشكل صحيح .
10- التاكد من افقية الاعتاب و رأسية جوانب الفتحات .

Designed By :
"Ehab Mosallam Designs"
"Ehab Mosallam Designs" For Design & Finishing works
-----------------------------

Some of our work التجمع الخامس 5th Settlement

Ehab Mosallam Designs updated their website address.

Ehab Mosallam Designs updated their business hours.

Do this not that …tips for furniture &home decorations 👇👇

Gypsum board ceilings

Penthouse by Ehab Mosallam Architecture Finishing

عيد فطر سعيد كل عام و انتم طيبين

Installation &finishing of futec courniche ceiling
تركيب و تشطيب كرانيش فيوتك بالاسقف

Wall mounted tv ideas

Bathroom by Ehab Mosallam Architecture Finishing

Reception by Ehab Mosallam Architecture Finishing

كل عام و انتم بخير رمضان كريم ☪️ 🌙

Reception by Ehab mosallam

Small toilets ideas

Toilet washbasin

Kids Bedroom

Some advices for wall & ceiling paints to give different areas & shapes spaces

Penthouse roof tiles installation
تركيب سيراميك ارضيات بالسطح

Wooden doors installation
تركيب ابواب خشب

Standard dimensions for kitchens design

Stair Steel handrail installation
#
تركيب درابزين كريتال بالسلم

Standard architecture dimensions for toilets

Natural marble fireplace installation settlement
تركيب دفاية رخام بالتجمع الخامس

Wooden partitions