Abdou Ramadan

هيا إيه الفكره من الكورسات ؟
ليه اخد كورس أصلا ؟
ما انا ممكن اروح اقرأ واجرب بنفسي زي الناس اللي بتعمل كدا .
ودا صح وانا متفق معاك عليه ...

ولكن عايزك تاخد بالك من شئ
الكتاب لما بتقرأه فأنت بتاخد خلاصه حياه شخص تاني وتضيفها لنفسك مش مجرد معلومات فقط كدا ، لذلك الكتاب بيكون مقابله قيمه ولو حتي بسيطه علشان الشخص تعب فيه وتعب في إنه ينقلك سنين خبره وتجارب .

كذلك الكورسات ، الكورس عباره عن خلاصه تجارب شخص مر بيها علي مدار شهور وأيام وسنين علشان يعيش التجربه بشكل كامل ويتعلم ويجرب ويخطأ ويخسر ويقف علي رجليه تاني ويحاول تالت ، وبعدين يقدم المعلومه بشكل سلس وبسيط ويقصر عليك تجارب هتستنزفك وقت وفلوس ومجهود وإحباط كبير .

الاسكرين دا لأداه كنت دافعها بجربها جديده في خدمه العملاء ، تقريبا قاعد بجرب من الساعه 4 العصر لحد دلوقتي الساعه 7 الصبح .
فاتح اكتر من 100 Tap واكتر من فيديو واكتر من مقال ودافع 50 دولار مقاااابل ( خد بالك ) حاجه بجربها .

علشان اشوف هتنفعني في شغلي والا لا ..
فنرجع للنقطه الاساسيه
وهيا الكورسات ليه ؟
علشان توفرلك وقت ومجهود وفلوس مش كل الناس عندها المقدره تقعد بالساعات تعمل محاولات فقط بس ولا كل الناس عندها المقدره تدفع في تجربه تافهه زي دي مبلغ 50 دولار في سبيل التجربه بس .

بس ممكن يكون عندك المقدره إنك تدفع نفس المبلغ في سبيل إنك تاخد معلومات اندفع فيها آلاف الجنيهات واستنزف فيها مئات الساعات والمحاولات علشان الحاجه دي تنجح .

كلامي مش علشان اقولك روح اشتري الكورس بتاعي
ولكن علشان تاخد بالك اد ايه المعلومه علشان توصلك بتستنزف من الشخص فلوسه ووقته وراحته ومجهوده فمش تبخس بحد تمنه ولا تبص في رزق حد ولا تستكتر إنك تطور من نفسك علشان مبلغ ممكن اللي بينقلك المعلومه بيصرفه في تجربه بسيطه ما بالك بالتجارب الكبيره والخساير اللي بيمر بيها

هيا الفكره مش في التارجتنج ولا الكلام دا
ولا الفكره في إنك تعمل اعلان مصروف علي تجهيزه ١٠٠ الف جنيه.
في الحقيقه ناس كتير بَاعَت لفكر الناس ، انا عايز حد يستهدفلي صح !
عايز حد يجيبلي العميل من قفاه يشتري !

ونسيوا إن العميل دا بشر وإنسان زيه زيك , يعني لما تيجي تبيعله مش استهدافك اللي هيبيعله ولا تكلفه تجهيز كامبين ب ١٠٠ الف !

العميل علشان يشتري منك ويطلع فلوس من جيبه لازم يكون مقتنع إنك فعلا بتقدمله value وقيمه حقيقية هو هيستفاد بيها ، وبتقدمله حاجه فعلياً بتلبي احتياج عنده .

للأسف ناس كتير لبست في الحيط وخسرت فلوسها في شغل وفي كورسات ومع ناس بسبب فكره الاستهداف دا .

ودا من اقوي المفاهيم اللي انتشرت وبوظت الدنيا ، ونسينا اننا بشر بنكلم بشر زينا .

عميلك مش مقتنع بالعرض صدقني مش هيشتري ، انت نفسك لو مش مقتنع بالعرض اللي انت بتقدمه هتبيع ازاي !

" لو منتجك او خدمتك فعلاً بتفيد الشخص اللي قدامك ، صدقني من غير استهداف لو عملت كامبين اي كلام بدون تارجت هتحقق مكاسب فى بعض الاحيان "

فهنا الفكره مش في ال Dashboard ولا Targeting كبداية الفكره هنا بتكمن في الطبخه اللي بتحصل ورا الكلام دا ثم بعد كدا شغل الـ Digital

ودا اللي الماركتير الشاطر عارفه وفاهمه كويس
لو مكونات الطبخه بتاعك عاملها صح هتقدر تطلع اكله الناس تاكلها ، لو مكونات المنتج او الخدمه بتاعك مبنيه صح هتطلع منتج يحقق مبيعات ، لازم تكون فاهم دا كويس .

والطبخه دي اللي بتتكون من :
مين عميلك ؟
مين منافسينك ؟
الماركت دا اخباره ايه ؟
طب المنافسين بيقدموا ايه ؟
العميل ايه مشاكله وهل المنافسين بيحلوها فعلاً والا لا ؟
طيب ازاي العب علي المشاكل دي ؟
ازاي اصلا اقدر اطلع value حقيقية اضيفها لمنتجي او خدمتي ؟
طيب العميل بتاعي بيشتري ازاي ؟
ايه هيا الاعتراضات اللي ممكن تقابله ؟ وانا هقدم إيه في سبيل إني اتغلب عليها ؟ الخ ...

طبختك للأسف بتتبني من قبل الكامبين بتاعك ومن قبل اي حاجه .
دراستك وفهمك للبيزنس بتاعك والسوق وعميلك ومنافسينك هتديك الوعي الكامل لانك تقدر تنزل بشكل مختلف تكسر بيه الدنيا مبيعات !

انا مقتنع جدا بفكرة إنك فعلا لو قدمت value وخدمت عميلك بقيمه حقيقية ، هتقدر تعمل كامبين ب ٢ جنيه وتعمل منه مبيعات بمئات الالاف .

ويمكن بعض الناس مش هتكون مقتنعه بدا بس لما فعلا تندعك وسط تجارب ودراسه كتيره هتقدر توصل للنقطه دي !

شركه أنشأتها علي فكره بسيطه بتحل مشكله عند العميل ، ونزلت بيها سوق مليان منافسين ملوش اول من آخر .

حطيت سعر مضروب في اتنين سعر المنافسين بتوعي ، وقدرت احقق بيها مبيعات ربع مليون جنيه ب ٢ بوست و ٢ منتج بس !
وتجهيز الكامبين صرفت عليه ١٦٠ جنيه في الصورتين اللي المصمم عملهم !

سوق الديجيتال ماركتنج جميل جدا ومربح جدا ، بس للي يقدر يفهمه ! وعلشان تفهمه صح وتكون حد تقيل فعلاً فيه لازم تفهم المعادله دي .

Mindset+ Marketing knowledge+ Digital Marketing tools + Experience+ Bravery

لو وصلت للمعادله دي هتحقق أرقام فعلا زي اللي بتشوفها علي ال Dashboard بتاعت الناس .

لو قدرت توصل للمعادله دي هتقدر انت تحط رقم تطلبه من الشركه اللي انت داخلها وبتدور علي شخص زيك عنده الفكر إنه ينجح بيزنس .

لو قدرت توصل للمعادله دي وتتعلم ماركتنج وتطبقه ديجيتال ماركتنج وتنجح بيه الاونلاين بيزنس بتاع عميلك او الخاص بيك هتروح لحته تانيه .

بس المعادله دي ليها طريقين
الطريق الاول إنك تبدأ تبحث وتدور وتقرأ وتتعلم وبعدين تيجي تطبق ، فيقابلك مشاكل وتخسر ومره تانيه تنجح وترجع تعيد الموضوع مره تانيه ويستنزف منك وقت وفلوس وجهد طويل ، وهتكون تجربه شيقه بس عايزه نفس طويل منك اوي .

او إنك تاخد خلاصه التجربه من شخص مر بيها علي مدار 5 سنين بخبرات واسعه وينقلك تجربته ، ويتابع معاك ويدعمك باي حاجه بعد ما تاخد تجربته علشان تحط رجلك علي أول الطريق .

فلو عايز تجرب الطريق بنفسك جرب
اما لو عايز تعرف إيه هيا شكل خلاصه التجربه إضغط هنا
https://abdouramadan.com/?cartflows_step=checkout-page

كفايه كورسات Facebook Ads !
الشركات مش بتبحث عن الناس اللى واخده كورسات Facebook
الشركات بتبحث عن الناس اللى بتعرف تحقق أرقام وتعلي مبيعات البيزنس بتاعها .

والفرق بين الشخص اللى واخد كورس Facebook Ads والشخص اللى بيحقق ارقام كبير اوي
هقولك ايه الفرق بس خليني احكيلك قصه حصلت معايا شخصيا

=============

فى 2021 كنت شغال مدير تنفيذي في Agency بيقدم خدمات الـ Digital Marketing لشركات كبيره ولكن في السعوديه
وكان معانا اكتر من 12 Client ولكن جالنا Client حجمه كبير جدا ويعتبر من اكبر الشركات اللى موجوده فى السعوديه

بيصرف شهريا مبالغ كبيره والـ Target الشهري انه يعمل مبيعات 1 مليون ريال سعودي من خلال الـ Social Media Channels بس وكان شغال علي (Instagram - SnapChat - Google - TikTok -
Youtube - Google Analytics - Google Tag Manager)

المهم حاولنا نعمل Hiring لكذا شخص انه يمسك الـ Project محدش كان عنده المهارات المطلوبه ولو بنسبه 60% حتي واحنا هنساعده ونتابع معاه , كان معظم اللى جايين واخدين كورسات Facebook Ads بس ومعندهمش الـ Mindset الكامله اللى تقدر تدير Online Business فاضطريت اني انزل امسك الـ Project بالكامل مع التيم اللى موجود .

حققنا الـ Target وكسرناه بشكل شهري وعملنا نجاح كويس الا اني قررت اسيب الشركه لظروف شخصيه .
ولما سبت الشركه كان البعض بيقول ان اى حد يقدر عادي يمسك الـ Project وان موضوع الاعلانات سهله .

فعملوا Hiring لاكتر من 10 اشخاص وكلهم فشلوا والشركه رجعت تكلمني تاني علشان امسك الـ Project لان العميل عامل مشاكل معاهم , لدرجه ان العميل نفسه كلمني بشكل مباشر .

================

القصه هنا في ايه , ان بعض الناس بتاخد كورسات كتيره جدا فى الـ Facebook Ads وغيره من الـ Social Media Channel وبردوا بتحس بنفس الاحساس اللى كانت حساه لاول مره واللى هو , احنا تايهيين وحاسين ان ناقصنا لسه كتير وكل ما يقع قدامهم كورس جديد لمحاضر جديد يشتروه ويفضلوا يعيدوا في نفس الدايره تاني .

ويبصوا يلاقوا الناس حواليهم بيعملوا ارقام بالـ 100 الف والـ 500 الف جنيه شهريا ومش عارفين الناس دي بتعمل الارقام دي ازاي !!

هنا هأبدا اوضحلك الموضوع بشكل كامل :-
معظم الكورسات اللى موجوده كلها شبه بعض الا ان كل محاضر بيتكلم في كورس معين عن ميزه بسيطه يمكن انت مش عارفها ويفضل يشتغل عليها فتحس انك ناقصك لسه وتاخد الكورس وتلاقي نفسك طالع من الكورس بمعلومه واحده جديده مش هتفيدك اصلا .

خطوات عمل الاعلانات واحده مفيهاش حاجه جديده , ولكن التفكير والـ Mindset فى مرحله ما قبل الكامبين دا اللى بيفرق بين الشخص اللى بيقدر يحقق نتايج والشخص اللى الكامبين بتاعه ممكن يكون كويس في الاول وبعدين يتبهدل منه .

في جملتين لازم تحطهم في دماغك ومش تخرجهم منها ابدا :

" الـ Digital Marketing ما هو الا أداه انت بتستخدمها علشان تطبق بيها علم الـ Marketing "

" نجاح ديجيتال ماركتير عن ديجيتال ماركتير هو فهمه للبيزنس اللى بيمسكه "
==================

وهنا هكلمك عن حاجات لازم تاخد بالك منها علشان تنجح كـماكتير الشركات بتبحث عنه :
لازم يكون عندك Mindset لازاي تقدر تدير Online Business

واللى بتظهر في انك تفهم الـ Online Business Cycle الدايره الكامله بتاعها بتكون عامله ازاي .
الماركتير الشاطر اللى بتبحث عنه الشركات بيكون فاهم ان في :
4 حاجات اساسيه بيتكلم عنهم الـ Marketing هما اللى بينجحوا الـ Business وبيبقي اسمهم 4ps
- منتج & Product
- تسعير & Pricing
- المكان & Place
- تسويق & Promotion

وبيبدأ يترجم الكلام دا في شغله ويعمله Customization محترم ينجح بيه شغله .

بيكون عارف ايه هو الــ :

الـ Product Life Cycle ويقدر يحلل المنتج بتاعه بشكل كويس
بيقدر يعمل Marketing Research قبل بداية الـ Campaign علشان يكون عنده الخلفيه الكامله عن السوق وعن شغله وازاي هينزل السوق وبأي شكل .
بيقدر يحلل الـ Business بشكل كامل ومعتمد في تحليلاته على الـ SWOT Analysis
بيقدر يفهم الـ Buyer Persona بشكل كويس ويحللها كمان علشان يعرف يطلع الـ Problems اللى بتواجههم وكذلك الـ objections ويشتغل عليها في الـ Campaign ويقدمها في شكل Need بتلمس الـ Persona اللي رايحلها .

بيكون عارف ازاي الـ Online Business بيتم إدارته وبيكون عارف ان تكاليف التسويق ليها معدل معين مينفعش تتخطاه لان في تكاليف منتج وتكاليف شحن وتكاليف عماله لسه بتنضاف عليه فالـ ROI اللى موجود فى الـ Dashboard مش دا مقياس نجاح البيزنس .

بيكون فاهم ان في حاجه اسمها الـ Largest Market Formula
بتتقسم لـ
3% Buying Now
3% بس من العملاء اللى بيشتروا حاليا وانت وكل المنافسين في نفس السوق بتاعك بتنافسوا عليهم
17% Information Gathering Model
17% من السوق بيجمعوا معلومات دلوقتي عن المنتج وتفاصيله لكن لسه مش جاهزين للشراء
20% Problem Aware
20% عندهم علم بالمشكله ولكن لسه بيدوروا علي الحل الامثل ولسه هيدخلوا مرحله الـ Information Gathering Mode
60 % Not Problem Aware
60% معندهمش علم بالمشكله اصلا

ودا اللى معناه انك كـ ماركتير لازم يكون شغلك مبني فيه Selling System عبارة عن Sales Funnel وكل مرحلة من الـ Funnel دي بتقدر تقدم فيها العرض المناسب ليه على حسب هو فين دلوقتي في الـ Funnel .

وان الماركتير العادي بيشتغل كامبين مبيعات علي طول فبالتالي بينافس علي 3% فقط من الجمهور اللى موجود في السوق بتاعه ومهمل 97% من باقي الجمهور اللى محتاجين انك تشتغل عليهم بـ Sales Funnel .

بالاضافه ان الماركتير الشاطر دا مش بيشتغل الا بالارقام
فهو بيكون عارف ان :
كل احصائيه موجوده عنده فى الـ Dashboard ليها معني محدد وبيتبني عليها شغل معين
زي الـ CTR معناه ايه والمفروض يكون كام وليه تبص عليه وايه القرار اللى المفروض ياخده لو المعدل قليل او عالي .

بيكون عارف ان شغل الـ Conversion او المبيعات من خلال الـ Website شغله بيكون مختلف عن الـ Messages
وان ليه اساسيات وارقام بتقرأها علي مدار 3 ايام من خلالها تفهم الـ Campaign بتاعك دا هو اللى هيكمل والا يقف .

بيكون عارف امتي يعلي الـ Budget وليه وازاي وبناءا علي ايه , علشان يقدر يعمل الـ Scaling اللى الناس دايخه عليه ومش قادرين يطبقوه علشان يسرعوا نسبه مبيعاتهم .

فالنهايه انت لازم يكون واصلك نقطه ان معرفتك لخطوات عمل الـ Campaign كـإن في ماكينه قدامك وانت عارف فين زر التشغيل بتاعها .

ولكن معندكش العلم بإزاي تتحكم فيها , يعني لو حصل فيها عطل مش هتقدر تصلحه ولا تحلل العطل دا بسبب إيه .

ولو ضغطت علي الزر علشان تشتغل وتجيبلك مبيعات , والمبيعات مجتش مش هتكون عارف إيه الاسباب .

لازم تعرف انك علشان تكون ماركتير شاطر لازم تفهم ماركتنج وتطبقه ديجيتال ماركتنج وتتعلم الاونلاين بيزنس بيتم ادارته ازاي
لازم تعرف ان علشان شركه محترمه تمسكلها الشغل لازم يكون عندك مهارات بتتسمي الـ One Man Show يعني كأنك شركه متنقله بتقدر تنشأ بيزنس من الصفر وتعلي مبيعاته لـ 10 اضعاف مش شخص واخد كورس Facebook Ads وهتمسكلهم الشغل.

وعلشان تقدر تعمل كل دا اصغط علي اللينك دا
https://abdouramadan.com/?cartflows_step=checkout-page

ايه هو البراندنج وازاي اقدر اعمل براند ؟
مقال متكامل ودليلك لفهم وإنشاء براند .

البراندنج هو عباره عن انطابع الشركه عند العميل نتيجه مجهودات الشركه
والمجهودات دي اللى بتكون مترجمه في شكل :
🔸 خدمه عملاء كويسه
🔸 منتجات بجوده كويسه العميل يكون راضى عنها
مقابل المبلغ اللى بيدفعه
🔸 خدمه ما بعد البيع
🔸 سهوله عمليه الشراء
🔸واي شئ تاني الشركه بتعمله فى سبيل خدمه العميل علشان العميل يكون مبسوط من تجربه الشراء ويقدر يتذكرها ويتكلم عنها ويعيد عمليه الشراء من الشركه مره تانيه .

📜فى انواع للبراند واللى هيا بتنقسم لـ :
☑️ براند فردي - individual Brand
ودا بيكون عباره عن براند مركز علي بيع نوعيه واحده من المنتجات .

☑️ براند خدمات - Services Brand
براند مختص ببيع الخدمات زي شركات الخدمات اللى بتقدمها شركات التسويق .

☑️ براند شخصى - Personal Brand
وهو عباره عن براند معتمد علي شخص واحد بيقدم فيه خدماته او غيره زي مدربين التسويق الالكتروني وغيره .

☑️ براندات البيع بالتجزئه - Retail Brands
براندات البيع بالتجزئه زي مثلا المطاعم - الفنادق - البنوك وغيرها

☑️ براند مجموعه العلامات التجاريه - Group Brand
وهيا عباره عن براند اساسي او رئيسي وتحته مجموعه براندات تانيه وهو عباره عن زي مثلا ام وليها مجموعه ابناء زي شركه Amazon او شركه Coca-Cola اللى تحتها مجموعه براندات تانيه

لكن ازاي نقدر نأسس البراند الخاص بينا ؟ 📒
فى مجموعه خطوات علشان تقدر تأسس براند ناجح

✅ ابحث عن المنافسين والمنافسه فى السوق اللي عايز تأسس براند فيه - Research The Competition

من اهم الخطوات اللى هتديك وعي كامل بالسوق اللى انت فيه هيا انك تبدأ تشوف المنافسين اللى موجودين في السوق الخاص بيك وتحللهم وتشوف هما عاملين ايه وبيقدموا ايه وواصلين لفين وايه هيا اهم المميزات اللى موجوده عندهم ومنجحاهم بشكل كبير علشان تقدر تكون ملم بكل حاجه عن السوق والبراندات الموجوده وتقدر تستنبط افكار تحطك علي الطريق اللى تقدر تبني بيه براند قوي ينافس .

✅ أسس شخصية لعلامتك التجاريه - Establish your brand personality
بشكل بسيط تأسيس شخصيه البراند يعني كأنك بتجسد شخص حقيقي في شكل علامه تجاريه فانت لازم تحدد شخصيه البراند دا ايه تحديد , هل الشخص اللى بتجسده فى علامتك التجاريه دي :
بيحب الضحك ؟ فهتبدأ خدمه العملاء تضحك مع العملاء فى الشات والكومنتات وغيره
والا بيحب الرعايه بالناس ؟ فهتعامل العميل كانك بتحتضنه ومهتم بكل تفاصيله وترشحه الافضل وتديله النصيحه بشكل وفي ليه بدون اي كذب او غش !
والا شخصيه مبدعه ؟ والا شخصيه ناشفه وصريحه ؟ والا ايه تحديدا ؟
خد الجمله دي وابحث بيها علي جوجل هيطلعلك انواع شخصيات البراند لو عايز تتعميق اكتر "what is brand personality example" .

✅ ابدأ باختيار اسم لشخصيه البراند - Choose the right business name
اختيارات الاسم بيكون ليها طرق كتيره - زي انك تسمي البراند باسم مركب من كلمتين او تسمي البراند بحاجه ليها علاقه بقوه تميزك اللى انت بتوضحها .
علي سبيل المقال كان في براند ملابس اسمه silsilk وترجمه الكلمه دي ( الحرير ) فهو مسمي اسم البراند بالكلمه دي بالاضافه ان الكلمه دي هيا اللى بتميز نوعيه القماش اللى بيستخدمه فى التصنيع .
وفي اكتر من طريقه تانيه لاختيار الاسم ولكن لازم تاخد فى اعتبارك لو هتبدأ تتسوع فيم بعد ان الاسم بتاعك يكون مبني علي حسب توسعك ونظرتك للمستقبل البعيد وتخطيطك للبراند بتاعك .
لكن لو معندكش افكار للاسم ممكن تبدأ تستعين بمواقع بتعمل Generate للاسماء
يعني انت بتحطلها اسمين وليكن زي Luxury + Oils هتبدأ تطلعلك اقتراحات لاسماء
وتقدر تستعين بالموقع دا
🔗 https://www.wix.com/tools/business-name-generator
🔗 https://www.shopify.com/tools/business-name-generator
🔗 https://businessnamegenerator.com/

اما النقطه التانيه انك تبدأ تبحث وتشوف الاسم اللى اختارته دا هل متاح ليه دومين والا لا ؟
يعني ايه Domain يعني الاسم اللى الناس هتبدأ تبحث بيه علي جوجل فهيبدأ يطلعلها الموقع بتاعك اللى المفروض هتبدأ تاسسه فيم بعد مع مراحل توسعك .
وامثله علي كدا www.silsilk.com هو دا اسم الدومين اللى بنتكلم عنه .
طيب تقدر تعرف دا ازاي وتتاكد هل الاسم متاح والا لا ؟
هتدخل علي اي موقع من المواقع دي وتبدأ تحط الاسم اللى اختارته وتشوفه متاح والا لا .
🔗 https://www.wix.com/domain/domain-name-search
🔗 https://ae.godaddy.com/domains
🔗 https://www.hostinger.com/domain-checker

✅ ابدأ انك تخلق شعار بيعبر عن قوه علامتك التجاريه - Craft a catchy slogan
الشعار او الـ slogan عباره عن جمله بسيطه بتتكون من 3 : 5 كلمات بيعبروا عن قوه علامتك التجاريه .
فانت ابدأ حلل نفسك انت مميزات براندك في ايه ؟ وابدأ استعين بيها انك تقدر تصنع سلوجان .
شركه ديزني دا السلوجان الخاص بيها - Disney “Happiest Place on Earth.”
بتتكلم عن انها اسعد مكان علي وجه الارض ودا اللى فعلا بتقدمه للعميل بتاعها انها بتخليه يخوض تجربه يطلع مبسوط منها ومش هيقدر يلاقيها في مكان تاني .

✅ صمم لوجو يعبر عن البراند الخاص بيك - Design a professional logo
اللوجو يفضل انه يكون فريد ومميز مش مكرر او مقلد علشان الناس تقدر تتذكره بسهوله .
واللوجو ممكن يكون في شكل حرف معين او رسمه او رمز او مركب من رسمه مثلا وحرف او كلمه .
فدا بيرجع علي حسب تخيلك انت , وهنا هقدملك ترشيح لموقع يقدر يساعدك فى عمل لوجو وكافر وتصميمات لانك تعمل الهويه البصريه بشكل كامل للبراند بتاعك
🔗 https://www.canva.com/

✅ الوانات البراند والهويه البصريه - Define a visual
لازم تاخد بالك وانت بتأسس البراند ان البراندنج بتاعك يكون ليه هويه بصريه موحده !
يعني بشكل بسيط وانت بتأسس البراند تختار الوانات موحده للبراند وتشتغل بيها ومينفعش تغيرها علشان الالوانات دي اللى انت عايز من خلالها تثبتها في دماغ العميل او ما يشوفها يفتكرك .
ابسط مثال شركه فودافون بتستخدم لونين في كل تصميماتها وموحداهم علي مستوي الفروع والسوشيال ميديا والفلايرات اللى بتستخدمها وغيره وهما ( الابيض - والاحمر ) .

فدا اللى انا بقصد بيه ان هويتك البصريه تكون متكامله بالشكل دا ودا اللى هيساعدك فيه موقع
🔗 https://www.canva.com/
بردوا اللى اتكلمنا عنه دلوقتي .

كدا انت اسست البراندنج والبراند الخاص بيك .
المفروض تعمل ايه ؟

✅ الحفاظ علي تطبيق النقاط والاساسيات اللى انت عملتها دا بشكل دائم ومستمر - Apply your branding consistently

طبق كل اللى انت عملته دا علي مستوي رحله حياه البراند بتاعك , ومتعملش زي بعض الناس تبدأ كويس في الاول وبعدين العملاء تلاقي الجوده بتاعك بتقل او الخامه مبقتش زي الاول او اي شئ يكون مخالف للسياسات اللى انت عليها أنشات البراند وبتحاول تحافظ عليه وتطوره .

كل دا تم تطبيقه بشكل عملي في الكورس اللى هتلاقيه من خلال اللينك دا :
https://abdouramadan.com/?cartflows_step=checkout-page

الجروب الاول من كورس
How To Sell Like Crazy للمتابعه
ولسه بيتم اضافه باقي الملتحقين بالكورس من الدفعه الاولي.

57 متدرب وثقوا فينا في أقل من شهر من إنطلاق الكورس

اى حد اخد كورس الخطة التسويقية بيرجعلي منه بريفيو عظيم .
ميزة الكورس اني مسهل ليك كل شئ من ملفات كامله للخطه التسويقيه بدايه من
- الادوات والطرق اللى المفروض تستخدمها فى ال Marketing Research
- ملف لل Buyer Persona غني جدا
- ملف لتحليل SWOT & PEST Analysis
- ملف لل Budget
- ملف لل Executive summary
ملف كامل خاص بيا وبشغلي في شكل سؤال وجواب بيساعدك انك تنفذ خطتك التسويقية علي ابسط شكل بأنك بس تجاوب علي الاسئله اللى انا حاتطها فى الملف خطوه بخطوه .
بمجرد اجابتك للأسئله دي فانت قدرت تنفذ خطتك التسويقية ودا اجمل حاجه مصممه بأتقان واحتراف فى الكورس
- كتاب كامل تم كتابته في اكتر من 4 شهور خاص بالخطه التسويقية باكتر من 60 صفحه
- فى النهايه ببعتلك لينك نموذج للخطه التسويقية اللى صممته داخل الكورس فارغ وجاهز ليك تقدر تملاة وتقدمه فى شكل Presentation للعميل او الشركه بشكل كامل ومنظم

- الكورس ميزته انه مقسوم لجزئين الجزء النظري علشان لو الشخص مش ملم بخطوات الخطة التسويقية يقدر يفهم كل خطواتها بشكل كامل

- اما الجزء العملي فدا بقي مش هتصدق عينيك ان في حد بيشرح بالطريقه دي وقاعد كانه معاك بيفسرلك كل شئ بشكل واضح وبيوريلك كل ارقام شغله والطرق اللى بينفذها وازاي بيفكر وعلي بيزنس حقيقي محققين فيه ارقام مبيعات فوق الـ 120 الف جنيه في شهرين بس

استفيد دلوقتي بالخصم المتاح علي الكورس واللي مش هيتعوض تاني لمده 24 ساعه فقط ، ابعتلنا رساله دلوقتي وهنرد عليك بكل التفاصيل

كتــــاب أصــنع خطــتـك الـتـسويقـيـة بـنـفـسـك

الكــتــاب مجـــــانـي لفتره محدوده تقدر تحمله لما تضغط علـي اللـيـنـك 👇
https://digitalgrowth-eg.com/digital-marketing-book/
في كل مره كان بينطلب مـنـك إنــك تعمل خـطـة تـسويقـيـة سواء لشغل Freelancing او شركه شغال فيها كنت دايما بتـتـوه وســط :
📌 الـمصادر الكــتيره والملفـات الجـاهزه علي النت اللى بتحـاول تنزلها ومش قادر تفهمها ولا تطبق عليها
📌 او بتكون عـارف الخطوات لـكـن مش قـادر تنفذها بشـكـل عمـلـي
📌 ودا بكل بساطه لانها مش متوافقه مع نــوع وحــجــم الشـغـل والبيزنس اللى انت شـغـال عليه , طـب إيــه الـحـل ؟

الكــتــاب مجـــــانـي لفتره محدوده تقدر تحمله لما تضغط علـي اللـيـنـك 👇
https://digitalgrowth-eg.com/digital-marketing-book/

الـحـل اللي لازم تاخد بالك منه ان الخـطـة الـتـسويقـيـة ملهاش شكل معين ولا Template معين تشتغل عليه

ولكن لـيـها خـطـوات و Process معينة بتمشى عليها وبتطبق عليها بم يتناسب مع نــوع وحــجــم الـبـيـزنـس بتاعك

ودا اللى فضلت اشتغل عليه لمده 5 شهور علشان اقدر اطلع كتاب فيه شرح لـخطـوات الخـطـة الـتـسويقـيـة بشكل كامل وعليه تطبيق عملي

بعد كل خـطـوه بـيـتـم شرحها في الكتاب ( باللغه المصريه العاميه ) في ملف مكون من اسئله بمجرد ما تجاوب عليها بتكون قدرت تنتهي من الخـطـوه اللى انت شغال عليها بالتطبيق وبـنـهايـة الكتاب بتكون قدرت تنتهي من الخـطـة الـتـسويقـيـة بشكل كــامـل بدون ما تتوه لان الكتاب ميزته بيخليك تنفذ خـطـتـك فى شكل ســـــــؤال وجـــــــواب بــدون ما تـاخد بالك

فببساطة هياخدك خـطـوه بخطوه من إيديك ترسم الخـطـة الـتـسويقـيـة بـم يتناسب مع نــوع وحــجــم الـبـيـزنـس بتاعك ايـا كان حجمه او نوعه بعيدا عن الخطوات الاكاديميه والمصطلحات المعقده

الكــتــاب مجـــــانـي لفتره محدوده تقدر تحمله لما تضغط علـي اللـيـنـك 👇
https://digitalgrowth-eg.com/digital-marketing-book/
الكتاب مفيد لـ
📌الـ Marketers - علشان يقدروا يــــ نفذوا أي خـطـة تـسويقـيـة لأي نشاط واي نوع بـيـزنـس مهما كان حجمه ونوعه

📌أصحاب المشاريع الصغيرة والمتوسطة - علشان يقدروا يرسموا أهدافهم ويترجموها في شكل خـطـة عـمـلـيه عايـزيـن يشتغلوا عليها

📌الـ Freelancing - علشان يقدر ينفذوا أي خـطـة تـسويقـيـة لاي نشاط هـيـتـم التعاون مـعـاهم فيه ومش يتوهوا تاني وسط المصادر والمقالات والـكـورسـات الـنـظـريـة

مش هتحتاج تشتري كورسات تانى !😃
كورس ال Facebook Advanced
هينزل بالكامل مجانى هديه للمتابعين الجمال 🥰
دي الحلقات اللى نزلت وكل يوم هينزل جزء من الكورس
متنسوش تعملوا Subscribe على اليوتيوب علشان يوصلكم الحلقات الجديده اللى هتنزل ❤️
متنسوش تعملوا Comment علي البوست و Share علشان هينزل عليه Update بباقي الحلقات اللى هتنزل كل يوم ويجيلكم Notification بيهم
عيدكم سعيد وكل سنه وانتم طيبين 🌹

ما هو هدفك من الاعلان وكيف تحققه ؟
https://youtu.be/XoDrr0MwP9Q
كيفيه تقسيم السوق وايجاد الشريحه المستهدفه
https://youtu.be/SPv515QCxXQ
رسم شكل العميل المستهدف بطريقه العصف الذهني
https://youtu.be/2oIaPfbnOyg
الاستهداف التفصيلي فى البيزنس مانجر
https://youtu.be/nC4CNKWi_Fs
اداه تحليل الجمهور المستهدف
https://youtu.be/2p60-6yaBSo
تكمله تحليل الجمهور المستهدف باداه تحليل المنافسين
https://youtu.be/raPxCzG2aOU
تكمله الاستهداف بين اداه الاستهداف والحمله الاعلانيه
https://youtu.be/zs0XyUM_GQc
الاستهداف التفصيلي - ( الاهتمامات - السلوكيات - التركيبه السكانيه )
https://youtu.be/m-aivPFAWMA
بعض الافكار لاستهداف الشريحه ذات الدخل المرتفع
https://youtu.be/nF0PznnjND8
شكل الهيكل الرئيسي للحمله الاعلانيه
https://youtu.be/RBH_bo3WOEc
ما هو الفيسبوك بيكسل
https://youtu.be/ZKGLFvWaSck
ما هو الجمهور المشابه وإعاده الاستهداف
https://youtu.be/HItaYOSLXeM
تركيب الفيسبوك بيكسل بشكل عملي
https://youtu.be/2EjblaHwPew
الجمهور المشابه واعاده الاستهداف تطبيق عملي
https://youtu.be/UzQxjDcFF2c
ما هو ال A- B Test كامبين
https://youtu.be/Bv_kleHahUc
الاعلانات الديناميكيه وكيف تعمل
https://youtu.be/-Bx0PnFk1BA