دكتور محمد محمد اسماعيل استاذ السكري والغدد الصماء.

ما شاء الله ولا قوة الا بالله
٣ جوايز في نفس اليوم لابطال السكري النوع الأول في الصعيد كلهم سكر تراكمي مثالي لمدة سنتين . محصلتش في القاهرة . كل التشجيع لأبطال الصعيد

لكل أطفالنا و شبابنا السكريين
يلا نحافظ علي صحتنا و سكرنا التراكمي الابطال كتييير و الجوايز مستمرة و كل التشجيع و المساندة لاولادنا و اسرهم

اولا كل التشجيع للأبطال: اطفال بعزيمة الرجال و ام نموذجية
ثانيا كل الاعتذار للناس الي انا اتاخرت عليهم في الرد و اخص بالاعتذار اهل المنيا علي تاخير الزيارة لظروف خارجه عن ارادتي و اتمني ان أراكم في أقرب وقت

ما شاء الله ولا قوة الا بالله
يا ريت تفهم من الدكتور ليه هندي هرمون النمو . مش كل حاله قصر قامة = هرمون نمو ؟؟؟!!!!.
لما نبدأ علي اساس علمي دي بتكون النتائج
ما شاء الله عليكي يا كنزي عروسه و الله.

ما شاء الله و لا قوة إلا بالله
اتنين أبطال سكري نوع اول باقل الامكانيات جولي في يوم واحد و كل قياسات التراكمي مضبوطه اكتر من ٤ مرات علي مدار سنه . كل التشجيع لأولادي الي كسبوا ١٠٠٠ جنيه و دخلوا قائمة الشرف و كل التشجيع للأولاد و الشباب الي وعدتني بانهم هيكسبوا

ما شاء الله لا قوة الا بالله.
اطفال بس أبطال مصر رافعين راسي الاولاد الي بيلتزموا بنظام كامل للحياة و النوم و الرياضه و يرجعولي منفزين التعليمات بزيادة عن طلباتي بجد مبهور وفخور بتلاقي تحسن حتي في معدلات النمو و الطول و الكتله العضليه مش بس بيتعافوا من مقاومة الانسولين . كل التشجيع لأولادي بجد حاسس اننا بنعمل حاجه حلوه.
محتاج منكوا الدعاء لمواصلة رحلة الكفاح و بشكر اغلي الناس الي طول عمرهم واقفين في ظهري في الظل ساندين و شايلين من غير ما يستنوا حاجه سنين طويله

الابطال الي محافظين على صحتهم وعلى معدلات السكر عندهم وعلى مذاكرتهم وعلى رضاء اهلهم بجد بجد ابطال رجاله وبنات يتقلوا بالذهب يلا يا ولاد نكمل التحدي وندخل في المسابقه لسه فيه مفاجأت كتير لكل الكسبانين ان شاء الله

يوسف عمرو جمال سند
بطل سكري نوع اول
الصدمة الاولي سكري نوع اول . الصدمة التانيه كسل الغدة الدرقيه hashimoto . وغيرها ..... بصوا انتصر و أصبح بطل رياضي علي مستوي الجمهوريه.
بعد كل وقعه وقعها لازم ندور علي ناس بتحبنا بجد تقف جنبنا و تكافح علشانا بدون مقابل. ايوه كانت جنبه ام بطله ساندت نفسيا قبل ما تساند ماديا. الي عنده ام او حد بيحب كده يا جماعه اوعي تسيبه هو ده الكنز الحقيقي مش هتلاقيه بسهوله. ربنا يخليلنا امهاتنا و احبابنا الي دايما جنبنا بكل احوالنا

ما شاء الله ولا قوه الا بالله ما تخليش حاجه اهم من صحتك واعصابك وراحتك ما فيش حاجه اسمها وقت متاخر غير حياتك وحافظ على صحتك وراحتك النفسيه انت اهم من الكل.

ام ناجحه اتعلمت ازاي تنتصر علي مقاومة الانسولين وخست هي و أولادها و لما بقوا بصحه و عافيه وجدت هجوم و انتقاد من كل أفراد العائله الكبيرة بشكل مخيف انا بقول للأم كلام ربنا بسم الله الرحمن الرحيم يَا أَيُّهَا الَّذِينَ آمَنُوا عَلَيْكُمْ أَنفُسَكُمْ ۖ لَا يَضُرُّكُم مَّن ضَلَّ إِذَا اهْتَدَيْتُمْ ۚ إِلَى اللَّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ تَعْمَلُونَ
وبقول لكل واحد فاشل او جاهل احنا مش هندخل معاك في جدال
لان الامام الشافعي قال ما خاطبت جاهلا الا و غلبني

مالك محمد بدر طفل سكري نوع اول مامته بجد بطله جاله السكري و هو عنده ٣ سنين وطفل بجد صعب المراس جدا . مقالتش هعمل ايه اتعلمت و اهتمت و من ساعة ما جاله السكر ٣ سنين السكر التراكمي دايما مثالي

اولا: خالص الشكر و التقدير والاحترام لكل أطباء الاطفال الي شرفوني في الندوة العلمية التي اقمتها امس الجمعه و اخص بالشكر الدكتور جمال البطران و الدكتور إيهاب خيري و كل الزملاء الي نزلوا يوم الاجازه الوحيد علشان يسمعوني بجد اتشرفت بيكم جميعا.
ثانيا أتقدم بالاعتذار عن تاخير نشر مزيد من التوعيه الطبيه في الفترة الماضيه للضغط الشديد علي ان يبدأ ذلك في أقرب وقت ان شاء الله

أولادي أبطال من كل أنحاء مصر ارادتهم احسن من الكبار و بيفرحوني بنجاحهم وبحس بجد اني ربنا اداني دور كبير في الحياة .كل التشجيع ليهم من كل متابعي الصفحه و كل الشكر للأم لما تكون بجد مدرسة في التربيه و العناية الصحية

بفضل الله إبن من ابنائي في الغردقه استفاد من هرمون النمو و حقق رقم قياسي في سنتين.
المصيبه لما تدي هرمون النمو زي البونبوني للأطفال
جالي اكتر من حاله بالاسم لطفل قصير بنسبه بسيطه و الاستشاري ؟؟؟ يقرر من اول زياره و من غير فحوصات و لا متابعه و من علي الباب ( ابنك عايز هرمون النمو) . و المشكله لما تكون متأكد ان الي بيعمل كده فاهم . الله يرحمك يا أستاذتنا الغاليه ا.د ايزيس غالي و يبارك في صحتك يا استاذتي ا.د. نرمين صلاح. مهما عشنا مش هنشوف زيكوا في لاخلاص و الامانه انا ما عنديش غير كلمه واحدة بسم الله الرحمن الرحيم
و اتقوا يوما ترجعون فيه الي الله

مقاومة الانسولين و السمنه أخطر مرض علي ظهر الارض و أسهل ما يمكن علاجه.
كتير من الناس علي السوشيال ميديا بتقول اشرب عشب كذا او كل براحتك وخد معاه خل التفاح 🤣🤣🤣🤣 او المنتج السحري والعشب البري😂😂😂😂 او كل التورته كلها بس حط مكان الشمع ااعواد القرفة 🤪🤪🤪🤪بتفرج عليهم واقول صحيح الرسول عليه افضل الصلاة والسلام قال ما خاطبت جاهلا الا و غلبني . المصيبه ان الي هيمشي ورا الجهل ده ممكن يتعرض لمصائب خطيره. ارجو كل واحد طالع علي السوشيال ميديا يلتزم بالعلم. و لو متعرفش كفايه فتاوي و كفايه عليك تضر نفسك وافتكر واحنا علي السوشيال ميديا ان كل حاجه غلط بننشرها لينا ذنب لكل واحد هيمشي ورانا

دكتور محمد محمد اسماعيل استاذ السكري والغدد الصماء. ا.د. محمد محمد اسماعيل أستاذ السكري والغدد الصماء بالقصر العيني و مدير مراكز السكري و الغدد صماء مصر

اولا :عندي اولاد وبنات ربنا بيمتحنهم بسكر النوع الأول و درجتهم في الامتحان ١٠٠% منتظرين منكوا كل التشجيع .
ثانيا. انا بتاخر في الفديوهات التعليميه للسكري و مقاومة الانسولين نظرا للضغط الشديد في العيادات و المراكز الطبيه بس بوعدكوا باني ان شاء هكمل لغايه ما اوصل اكبر قدر من الثقافه الطبيه الي تساعد الناس تعيش صح .

المنافسه علي آخرها و كتير جدا بدأوا مشوار سنه تراكمي مظبوط يلا نشجع ولادنا و كل واحد يقوي عزيمته . لسه المفاجأت كتير . شكرا لكل اب وكل ام مكافحه.

كل سنه وانتوا طيبين 😄😄البطله الخامسه😄😄
انا فخور باولادي و بناتي الي دخلوا في مسابقه السكري بحماس و وعدوني يكسبوا . كل واحد فيكوا هيجيب تراكمي تحت ٧ لمدة سنه ٤ مرات هيكون معانا مش بس الف جنيه لا كمان سحب علي جايزه كبيره و رحله كبيره و معانا فيها مفاجأت كتير . يلا كلنا نشجع أولادنا.