شركة الدليل للتشطيب والديكور

الناس الي بتتلخبط في موضوع المعه والصبغه ..
اللمعه دي حاااجه ملهاش اي علاقه بلصبغه أو بدرجه اللون أو بتفتيح وتغميق اللون اللمعه .. -هي درجه انعكاس الاضاءه ع الحيطه - يعني في بلاستك بتدهنه مجرد ما تنور النور تلاقي في Reflection علي الحيطه . وفي بلاستك مبيعكسش خالص وفي الي بينهم وبيطلق عليه (ربع لمعه ).
الصوره دي 👇 نص لمعه ودي اعلي لمعه ممكن تبقي موجوده في البلاستك . 💯✴️

شركه الدليل للخدمات العقاريه و التشطيب
يشرفنا اتصالك
01004646924

شويه نصايح حتنفعك في تشطيب الحمام والمطبخ🌷
● الشياكه في البساطة لو عاوز حمام فندقي يبقي لازم تجيب:
◦ قاعده معلقة
◦ وحده حوض
◦ باب الحمام يكون خشب
● ممكن تدخل كذا لون في الحوائط المهم التناسق والتوزيع المناسب
اعمل تصميم 3D علشان تشوف الحمام قبل التنفيذ... 👌🏼
● مواسير التغذيه والصرف هات
اكوا ثيرم أو بي ار أو الشريف
وهات الشركه تكبس علشان نطمئن
بس لو ضامن السباك وعندو ماكينه كبس
هو يبقى أفضل
● لو هتركب سيراميك أبيض بلاش تركبه بمونة سوداء عشان في أنواع بتتشرب اللون وبتغير لونها
● متركبش الأرضيات سيراميك مط علشان حيتعب اللي بينضف ومبيبنش فيه نضافة
● لو حتركب سيراميك بلاطات كبيرة
أو مقاسات صغيرة جدا
لازم تمحر الحوائط الاول
● لو معاك فلوس كتير متعملش بورسلين في حوائط للحمام
ركب رخام حتي لو جانب واحد
● كابينة شاور الحمام الزجاج السيكيوريت أشيك من الأكريليك
● مراية الحمام لازم تكون حاجه شيك جدا علشان دي اللي حتنور... ✨
● السخانات الفورية هي أفضل وآآمن أنواع السخانات ومش بتستهلك كهرباء كتير زي ماهو شائع عنها، بشرط يكون ماركة محترمة ويتم تأسيس الكهرباء ليها وفقاً لمواصفات الشركة المنتجة...
● أركان الحمامات وحول الأجهزة الصحية والتقفيل حول البانيو استخدم فيهم مادة مليء فواصل جاهزة أفضل 1000 مرة من الأسمنت الأبيض أو السليكون
● لو هتعمل تعديلات وتهد حوائط بلاش بالمرزبة عشان الحوائط هتنمل، النحات يستخدم هيلتي التكسير أو المطرقة
● لو هتكمل على حيطة مبنية قبل كدة، هد الحيطة كلها وابنيها مرة أو اربط الحيطتين بكانات حديد
● اعمل إضاءة أسفل وحدات المطبخ العلوية
● لو حتعملي دواليب كتير في المطبخ متركبهوش سيراميك
اعمل الجزء اللي باين مبين الوحدات العلوية و السفلية جرانيت زي باقي المطبخ
● القاعدة المعلقة هتستحمل ومش هتقع ماتخافش (بتشيل لحد وزن 400 كجم)
● السيفون المدفون بيتعمله صيانة عادي على فكرة
● ركب أرضيات واستنى من أسبوعين لـ 3 أسابيع قبل ماتبدأ معجون حوائط
● البورسلين مابيركبش بمونة.. البورسلين مابيركبش بمونة
اوعى تركب بورسلين بدون فواصل 2 مم على الأقل
● علشان تركب بورسلين في الأرضية
لازم الصنايعي يدرع الأرضية الأول
وبعد كده يركب بمادة لاصقة
● اللي نعرفه أحسن من اللي مانعرفوش ده في اي حاجه إنما في التشطيب ممكن يبقى اللي ماتعرفوش أحسن من اللي تعرفه
● وسع باب المطبخ على قد ما تقدر
● ممكن تلزق سيراميك جديد على سيراميك قديم عادي ومش هيفك
● أي رخام بيتنضف بمية فقط بدون أي صابون أو مواد كيماوية
● صور مسارات السباكة والكهرباء عشان لو حبيت تخرم في الحوائط بعد كدة
● اختار الأجهزة الكهربائية قبل ما تفصل المطبخ عشان المقاسات تظبط
● في شفاطات صغيرة قطرها 10 سم بس وقدرة شفطها عالية وما بتعملش أي صوت، لو فلوسك تسمح هاتها
● الشفاط ممكن تركبه في السقف لو عامل سقف ساقط
● كبر شباك المطبخ صغر شباك الحمام
● اعمل بريزة فوق حوض الحمام
● ارضيه الشاور روم لازم تتعمل رخام أو ازمالدو وبيركب بميول كويسه علشان ميركنش مياه
● مش كل حاجة تشوفها على النت لما تنفذها هتعجبك زي الشرا أونلاين بالظبط
● اللي يقولك عزل الحمام مالوش لازمة قوله شكراً للنصيحة وبعد كدا اعزل الحمام برضه
● لما تعزل الحمام اعزل ٢٠ سم على الأقل من أسفل الحوائط
متنساش اهم حاجه في البيت
الحمام والمطبخ....
بالنسبه لأسعار المصنعيات تختلف من صنايعي للتاني المهم تجيب حد خبرة وثقة حتي لو سعره غالي شويه علشان متخسرش كتير ولو مش واثق فيه متشغلهوش !
علشان مفيش شغل من غير ثقه

لو حابب تشطب شقتك معنا تواصل علي ارقامنا
شركه الدليل للخدمات العقاريه و التشطيب
يشرفنا اتصالك
01004646924

شويه نصايح هقولهالك
لو أنت شقتك متشطبه قديم وقررت تجددها او اشتريت شقه تشطيب قديم وناوي توضبها من الاول

أول حاجه لازم تعمل أختبار لأسلاك الكهربا اللي في الشقه كلها وتشوف السخان اللي داخله كام مللي والبرايز و التكيفات والانارة كام مللي
وتشوف هل الاسلاك محتاجه تتجدد او لا

بعدين هتعمل أختبار لمواسير الصرف والتغذيه السباكه هتكبس المواسير بمعرفه الفني
لو حصل تسريب هتضطر انك تكسر السيراميك وتعمل سباكه من أول وجديد لو محصلش تسريب يبقى خلاص تقدر تكمل على كدا

ولو السيراميك مش عاجبك ممكن بدل ما نكسر السيراميك ونركب غيره نركب hdf للغرف مباشره علي السيراميك القديم

وفي الريسبشن ممكن تجيب سيراميك وتلزقه بمادة اللزق مباشره علي القديم

افتح المطبخ أمريكان هيدي وسع للشقه وهيكون شكله حلو جدا

استبدل باب الشقه القديم بباب مصفح حديث

لو في امكانيه نكبر اي شباك وندخل اضاءه وتهويه اكتر اعمل كده بدون تردد

ابواب الغرف بلاش الالوان البني بتاعت زمان ولو نجاره قديمه ومش حابب تغيرها والفني قالك دي غامقه مش هينفع تتدهن فاتح ركبلها وش جديد برسمه مودرن وادهن الوان لاكيه تليق علي دهانات الشقه الجديده

لو الميزانيه متسمحش بجيبسوم بورد كرانيش كافيه جدا هتكون بسيطه وشيك

رتب توزيع الكهربا والبرايز من الاول حسب الفرش والاستخدام ولو محتاج تزود اماكن حديده زودها قبل التشطيب

ادهن الشقه بالوان محايده وفاتحه وبلاش الالوان الكتير في كل غرفه وبلاش الدهانات المط عشان صعبه في التنظيف

لو تهويه الحمام مش جيده وده في اغلب العمارات الحديثه حاليا اعمل شفاط في الحمام ضروري للتخلص من الروايح بشكل جيد

تابعونا ونصايح في التشطيب معاك خطوه بخطوه

للاستفسار شركه الدليل للعقارات و التشطيب
يشرفنا اتصالك
01004646924

تطابق لون الفرش مع الحوائط .. من الحجات الي بتحسسك أن المكان واسع 💯

نصائح هامة جداً جداً لديكور وتشطيب بيتك 💫

1- متخليش أى صنايعى يكسر فى الخرسانة (أعمدة -كمر-سقف) نهائى ولو مفيش حل ميكسرش اكتر من ٢ سم (القشرة الخارجية للمسلح) ، وميكشفش الحديد أبداً.
لأن ده بيضعف المبنى وبيقلل من عمره وبينزل سعره، ولو حصل بتوسع، ممكن لا قدر الله يؤدى إلى تصدع المبنى.

٢- العزل مهم جداً للقواعد والسملات (فرض - واجب - ضرورى).

٣- عزل الحمامات ضرورة قصوى أوعى تخلى سباك يقنعك إنه ملوش لزمة ، ولازم يتعمل بصرف معين علشان لو الرشح زاد يصرفه على المنور.

٤-طرطشة المحارة لازم تبقا خشنة (تعور) ويعملها بالطالوش مش بالكوباية ، لو عملها بالكوباية تبقا ناعمة .

٥- البورسلين مبيتلزقش بأسمنت نهائى حتى لو قالك بنضيفله مادة ، هيطقطق ويتكسر ، لازم يتلزق بالمادة بتاعته.

٦- البورسلين والسيراميك لازم يتركبوا بالفواصل البلاستيك (حرف زائد) .

٧- أوعى تركب غاز بدون فتحة التهوية والمدخنة (نهائى).

٨- حط التكييف بعيد عن الأجهزة التانية (تليفزيون - تلاجة - دفاية) .

٩- حط التكييف بعيد عن قاعدتك المباشرة(متحطوش فوق راسك).

١٠- لو هتركب تكييف مخفى فى الجيبسوم بورد لازم تجيب الجيبسوم بورد المضاد للرطوبة.

🌹🌹🌹🌹🌹
شركه الدليل للخدمات العقاريه و التشطيب
يشرفنا اتصالك
01004646924

اهميه استخدام التصريف المخفي لأنه يعمل على زيادة فخامة الارضيات💫

ايه دا طب ومكتبة التلفزيون والنيش فين !!
تفتكروا ليه الفرش ميكونش بالبساطة دى ؟! 😁

#الدليل للخدمات العقاريه و التشطيب
01004646924

بنشوف اشكال زي كدا كتير ومش عارفين دا ايه وبيتعمل ازاي 🤔 تعالا اقولك علي السريع ..

-دا 👇 اسمه بوستر 3D مش يعني مش ورق حائط . ورق الحائط بيجي بنظام رولات جاهزه انما البوستر بيجي قطعه واحده .
-الخامه بتاعته من النسيج مش الورق حاجه قريبه لخامه الجلد فبيتنضف بسهوله .

-بيطبع علي اي شكل انت عايزه .
يتنفذ ازاي ومين الي بيركبه ؟🤔
بسهوله جدا يتحدد جنب تعمل عليه البوستر وترفع مقاساته وتختار شكله وبيتنفذ والي بيركبه النقاش أو الفني الي اشتريت من عنده بس كدا 💯

شركه الدليل للخدمات العقاريه و التشطيب
يشرفنا اتصالك
01004646924

كفايه الوان بني بقي

في الوان تانيه كتير جميله لابواب الغرف

استفسار لو سمحتم ؟
عاوز اشتري عربيه ممكن اعرف في حدود كام ؟
السؤال غريب ومش منطقي صح
اهو ده بالظبط زي السؤال المكرر بتاع عاوز اشطب شقتي مساحه x تتكلف كام

الحقيقه السؤال المفروض يكون بالعكس
يعني قبل ما تشتري عربيه بتحدد الميزانيه وبعد كده بنشوف نقدر نشتري ايه في حدود المبلغ ده
بنفس الفكره كده لما نيجي نشطب
شقه حضرتك ال١٠٠ متر دي ممكن تتشطب ب ٢٠٠ الف و ب ٢٥٠ و ٣٠٠ و ٥٠٠ و مليون
اه زي ما بقولك كده
يبقي حضرتك تحدد الميزانيه وبناء عليه تعرف مواصفات التشطيب مش العكس

هترد وتقولي طيب في العربيات انت عندك خبره نوعا ما في الماركات والامكانيات فبقدر احدد مثلا عاوز عربيه ب ٢٠٠ او ٣٠٠ او ٤٠٠ وهكذا
لكن انا في التشطيب - ولنفترض ان الحمد لله الفلوس متوفره بزياده- انا عاوز تشطيب معقول ومش هقدر احدد الميزانيه يعني عادي اقدر ادفع ٢٠٠ واقدر ادفع ٣٠٠ واقدر ادفع ٤٠٠ بس ايه منهم يناسبني مش عارف اقرر
هنا احنا وصلنا لنقطه كويسه طبعا لو الميزانيه محدده فاحنا كده تمام اوي هنسال في حدود ميزانيه كزا
لكن لو الميزانيه مش محدده حتي لسه
فاحنا كده عاوزين نعرف الي شكله ايه يبقي بكام او زي ما بيقولو الكام بكام
يبقي كده عدلنا السؤال من تشطيب شقتي يتكلف كام السؤال الهلامي ده
ووصلنا لسؤال اكتر دقه وان كان لسه السؤال واسع اوي
هقولك بقي علي فكره كويسه تساعدك في الحاله دي
اكيد بتدخل علي النت وبتشوف صور شقق وتصميمات وبتزور قرايبك لسه مشطبين
هتجمع صور بسيطه للاشكال الي تحب تكون في شقتك المستقبليه
وتجمع الصور دي للريسبشن والغرف والحمام والمطبخ
ولما تسال حد متخصص مهندس او علي جروب علي التكلفه

هتقوله انا مساحتي كذا
محتاج شغل شبه ده وتوضح الصور
مكان الشقه فين والدور وحاله الشقه حاليا ( طوب او محاره مثلا )
كده الي بيسعر يقدر يساعدك ويحدد رنچ ميزانيه تقدر تنفذ بيه الي في خيالك ده

لكن السؤال العام بتاع تكلفه تشطيب شقه يكون في حدود كام سؤال مش منطقي ابدا والي يجاوب عليه يبقي متسرع جدا في التحديد وممكن يقولك علي تكلفه حاجه مش هي الي نفسك فيها سواء زياده او اقل
اتمني اكون وضحت النقطه دي وبالتوفيق
ولو حابب تشطب شقتك مع الدليل تواصل معانا
فون او واتساب
01004646924

احفظها ❤️

البوست ده لعملائنا اللى لسه بيبدأوا يكونوا بيت سعيد وحابين يتلاشوا غلطات غيرهم عملوها وندموا عليها 🤦
جمعتهالكوا واللي عنده معلومه يفيد بيها غيره😊😊

*الشبابيك الالوميتال لازم يكون فيها سلك 👌

&اوعي تجيبوا سيراميك مط او اسود او باركيه✋شكله حلو اه بس هتندموا🤦‍♀️

*السجاد الشاج او الشعر او الفاتح انتوا حرين بقا 😂

*ابواب الدواليب الجرار عشان الأطفال عينكم ما تشوف الا النور 😂

* ورق الحائط شكله حلو وشيك بس مش مع الأطفال ياحبايب يعني اختاروا الاماكن 😢😢👨🙈

الحوائط خليكم ف الفواتح مش بيبطل وبيوسع الشقه (اوف وايت . سن الفيل .فانيلا لاتيه ) كده وانتوا وشطارتكم بقي ف الديكوات والانتيكات وكده💜

*بلاعه المطبخ متنسوهاش لو بترموا مايه كتير لكن لو بتتحكموا يبقا بلاش علشان اوقات بتعمل روايح او رغاوى صابون 🥹

*السيراميك البورسلين حلو بس الاصلى التانى ده نضافته صعبه واي حاجة فيه بتعلم 🫣

*الفيش اللي بتكون تحت عشان الأطفال 🙄

*مرايه الحمام تكون فوق الحوض بشويه عشان مهما تنضفوا مش بيبان عليها نضافه من الطرطشه بتاعه الحوض😂

*باب الحمام الخشب لا 🥹

*سيراميك المطبخ والحمام لا فاتح ولا غامق يعني نخلينا ف البيچهات او الفواتح عموما 👌

*رخامه المطبخ متكونش سودا لو مش هتنضفوها علطول ✌🏻✌🏻

*الحلل الكتيرر بلاش فلوس ع الارض 🙄

*الحاجات الرخيصه بلااااااش 💪

*ارضيات الشقه السيراميك الأسود لا لا لا 👌❌

*حيطان الشقه الغامقه لا لا لا ❌❌ ممكن كام جنب تختاروهم بعنايه افضل 👌

*السجاد الفاتح والكبير الضخم ده بيكسر الضهر وهيجيبلكم الغضروف بدري 😂

*البراقع والبلتكانات والفرانيش والكلام ده😕 بلاش

*الانتريهات والركن الفاتحه والأبواب الغرف الفاتحه هتتعبكم جدا فى التنضيف👌👌

*العفش الكبير وانك تعمل عفش من غير ما تاخد مقاس الغرف 🫣

مفارش الدرابيه مولد ع السرير وزحمة وفي الاخر مكانها فوق الدولاب 😂😂😂

*متسترخصوش ف الاجهزه الكهربائيه لان دى حاجه العمر 👌✌🏻

*الركنه تعرفوا تنقلوها عشان تنضفوا مطرحها👍👍

*النيش الضخم وحش اقولك بلاش نيش او هاتوا حاجة صغننه كده 💪💪

*الجبسوم بورد المأفور عشان بيلم تراب وحشرات وليلة كبيرة اوي سعادتك 😂😂

*اعملوا كذا فيشه ف المطبخ هتحتاجوهاجدااا جدا جدا 👌👌👌

* خصصوا جزامه او مكان للاحذية ✌🏻💪

* ترابيزه الشاشه بتعمل مكان وخطر ع الأطفال 🥹🥹

*متجبيش ملايات الاطفال والمفارش وحاجات أوضة الاطفال لا اولادي ولا بناتي خليها محايد 🧑‍🦰

*بلاش عفش ابيض ❌❌❌

شركه الدليل للخدمات العقاريه و التشطيب
يشرفنا اتصالك
01004646924

افكار ديكورية للعمود

فيها منها اخفاء ل العمود

ومنها تحسينه ديكوريا
#ملحوظة
دة مش تكسير ف الأعمدة الخرسانية الأعمدة والكمر ممنوع تكسيرها
دة ديكور بالجبس ع الاعمدة

شركه الدليل للخدمات العقاريه و التشطيب
يشرفنا اتصالك
01004646924

السيلر الحراري
منتج قوي جدا وله استخدامات كتير

يعتبر هو افضل مادة عازلة للجبسوم بورد
طالما عامل السقف جيبسوم بورد ضروري تعزل بسيلر حراري وليس سيلر مائي عادي

في حاله كان موجود رطوبة ف الحوائط وتم معالجتها خلاص وهنشطب جديد
لازم نعزل الحوائط بسيلر حراري قبل التشطيب عشان ميحصلش اي مشاكل في الدهان الجديد

لو عندك شغل قديم وعاوز تجدد وخايف القديم يأثر ع الجديد خلي الصنايعى ينضف الحوائط من اي تقشير ويعزلها بسيلر حراري بيكون اقوي من المائي

تابعونا معلومات في التشطيب
ولو حابب تشطب معانا تواصل معانا
شركه الدليل للخدمات العقاريه و التشطيب
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

على فكره انت ملزم تاخد بالك من ال 20 حاجه دي وانت بتشطب شقتك 👀

1. لو عملت تصميم لشقتك قبل ما تبدأ شغل، هتوفر على نفسك وقت ومجهود كبير.
2.المطبخ أهم مكان في الشقه بلاش تضيق مساحته.
3. مش لازم تجيب نيش، أي حاجه تانيه هتستخدمها أهم.
4. شقتك لو ضيقه متعملش حمام ضيوف ووسع على نفسك.. كدا كدا مفيش ضيوف ولا حاجه.
5. سيراميك الجوهره أفضل من كليوبترا بمراحل.
6. الشباك الجرار بيساعدك تفرش الفراغ بسهوله على عكس الشباك المفصلي، لكن بيقلل من الإضاءة والتهوية.
7. لو اختارت أبواب خشب كويسه وغاليه شويه مش هتندم عليها.
8. أكتر حاجه هتخلى شقتك شيك هى توزيع الإضاءة صح.
9. ممكن تأسس لكل التكييفات في مرحلة التأسيس حتى لو مش هتشتري تكييفات دلوقتي.
10. الدهان الربع لمعه اشيك من المط واللامع.
11. مفيش أحلى من الدهانات الساده بس اختار الألوان صح.
12. أي حاجه مط بيبان عليها تراب.
13. الغالي تمنه فيه لو بتشتري أوكر الابواب والخلاطات ونواكل السباكة.
14. ألوان الحوائط والارضيات والسجاد والفرش والاكسسورات.. الخ، كل دي حاجات ليها علاقه ببعض ولازم تنسقها صح عشان متحسش إن فى حاجه غلط في الشقه.
15. ممكن تعمل سيراميك فرز تاني أو تالت ورا الوحدات بتاعت المطبخ، كدا كدا مبيكونش باين.
16. رخامة المطبخ هاتها جرانين مش رخام.
17. لو عايز توفر في تشطيب شقتك متستخدمش جيبسوم بورد في السقف إلا للضروره.
18. تستلم شقتك طوب أحمر أحسن ما تستلمها نص تشطيب.
19. بلاش تختار سيراميك حوائط مقاساته كبيره لو حابب توفر، لان طريقة تركيبه مكلفه.
20. مش لازم تعمل زى الناس، انت حر.

شركه الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

اختار الوان الحوائط برحتك وعلي زوقك 👍
لكن لون السقف أبيض ده موضوع منتهي ☺️

انهي درجه تعجبكم

تعالى هنقولك نصايح في النقاشة مهمة 📣

النقاشة هي اهم واخر بند واكتر بند بيظهر جوده الشغل وزوقك في الشقه يعتبر تاج التشطيب لكل مجهود التشطيب فركز فيه اوي

1- قبل اي حاجة عشان متتعبش في المعجون لازم تهتم بالمحارة كويس اوي لانها هتسهل عليك كتير

2- سيب الحيطة و السقف تنشف على الاخر بعد المحاره و ياريت يبقى فيه معالجه برش المحارة و تتساب تنشف و متنساش لو انت في الدور الاخير تتاكد من العزل و تختبره

3- لو فيه تنميلات صغيرة افتحها و اديها معجون شروخ ولو عامل جيبسوم بورد متنساش تديله وش السيلر الناري قبل التشطيب

4- يتم عمل سكينة المعجون الأولى أفقي أو راسي والثانية ف اتجاه عكس اتجاه الأولى ولون مختلف و متنساش تصنفر كويس جدا وهكذا الثالثة وصولا لدرجة النعومة المطلوبة.
ويفضل استخدام معجون شديد اكريلك وخلي لالك الصنايعيه مش بتحبه عشان صنفرته صعبه لكن هو الافضل

5- بعد منخلص مرحلة المعجون والصنفرة بنعمل وش دهان بنسميه بطانة و يفضل قبله ندي سيلر تاني .. ده هيوفر معاك في كمية الدهانات وظهور درجه اللون المطلوبه بدقه وبعد كده لو في أجزاء عايزة تلقيط بالمعجون بنعيد عليها تاني
بعد كده بنشطب عدد الوشوش المطلوبة حوالي ثلاث أوجه دهان لو شركات متوسطة الجودة ووشين لو شركات مستوى عالي زي جوتن

6- يجب تشطيب الأسقف اولا ثم الحوائط.

7- لازم تكون متاكد من شغل الكهربا قبل اي حاجة في النقاشة

8- يفضل البدء ف الدهانات بعد تمام تركيب السيراميك بالكامل وترك الحوائط تجف من اي رطوبه من تخمير المونه ويتم تغطيه السيراميك بالكرتون

9- يفضل تشطيب الوش الأخير للدهانات يكون نصف لامع اسهل ف التنظيف

10- خلي عندك احتياطي دهانات و احتفظ بدرجات و ارقام الالوان الكمبيوتر اوعى ترميها عشان لو في اي حاجه حبيت تعيد عليها

11- خليك ف الالوان الفاتحه والالوان المحايده ولو هتعمل بانوهات ادهنها بنفس لون الحائط عادي والاسقف ديما ابيض

ولو محتاج اي استفسار في التشطيب تواصل معانا

شركه الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

شويه نصايح هقولهالك
لو أنت شقتك متشطبه قديم وقررت تجددها او اشتريت شقه تشطيب قديم وناوي توضبها من الاول

⚜️أول حاجه لازم تعمل أختبار لأسلاك الكهربا اللي في الشقه كلها وتشوف السخان اللي داخله كام مللي والبرايز و التكيفات والانارة كام مللي
وتشوف هل الاسلاك محتاجه تتجدد او لا

⚜️ بعدين هتعمل أختبار لمواسير الصرف والتغذيه السباكه هتكبس المواسير بمعرفه الفني
لو حصل تسريب هتضطر انك تكسر السيراميك وتعمل سباكه من أول وجديد لو محصلش تسريب يبقى خلاص تقدر تكمل على كدا

⚜️ولو السيراميك مش عاجبك ممكن بدل ما نكسر السيراميك ونركب غيره نركب hdf للغرف مباشره علي السيراميك القديم

⚜️وفي الريسبشن ممكن تجيب سيراميك وتلزقه بمادة اللزق مباشره علي القديم

⚜️افتح المطبخ أمريكان هيدي وسع للشقه وهيكون شكله حلو جدا

⚜️استبدل باب الشقه القديم بباب مصفح حديث

⚜️لو في امكانيه نكبر اي شباك وندخل اضاءه وتهويه اكتر اعمل كده بدون تردد

⚜️ابواب الغرف بلاش الالوان البني بتاعت زمان ولو نجاره قديمه ومش حابب تغيرها والفني قالك دي غامقه مش هينفع تتدهن فاتح ركبلها وش جديد برسمه مودرن وادهن الوان لاكيه تليق علي دهانات الشقه الجديده

⚜️لو الميزانيه متسمحش بجيبسوم بورد كرانيش كافيه جدا هتكون بسيطه وشيك

⚜️رتب توزيع الكهربا والبرايز من الاول حسب الفرش والاستخدام ولو محتاج تزود اماكن حديده زودها قبل التشطيب

⚜️ادهن الشقه بالوان محايده وفاتحه وبلاش الالوان الكتير في كل غرفه وبلاش الدهانات المط عشان صعبه في التنظيف

⚜️لو تهويه الحمام مش جيده وده في اغلب العمارات الحديثه حاليا اعمل شفاط في الحمام ضروري للتخلص من الروايح بشكل جيد

تابعونا ونصايح في التشطيب معاك خطوه بخطوه

شركه الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

💡 تاثير الاضاءة 💡

10 نصائح مهمة لغرف نوم الأطفال 👶

1- واحنا بنختار غرفة الأطفال من بين غرف الشقة ياريت نختار اللي مساحتها كبيرة علشان يقدروا يلعبوا فيها براحتهم، وبلاش اللي بتطل ع المَنوَر.

2- لازم يكون في شباك بحجم متوسط أو بلكونة في الغرفة، لأن التهوية والاضاءة الطبيعية مهمين، ووصول الشمس لأغلب الغرفة ضروري لصحة الطفل خصوصا في سنين عمره الأولى.

3- نراعي اثناء امداد الكهرباء ان تكون المفاتيح والأفياش في غرفة الأطفال مرتفعة بقدر كافي ومتدارية بين الأثاث ويكون ليها غطاء أمان.

4- يستحسن يكون في أباچورة بضوء أصفر نستخدمها لو الطفل صحي في نص الليل بدل ما ننور الغرفة كلها والنوم يروح من عينه خصوصا لو كان طفل رضيع ساعتها هنندم ندم عمرنا.

5- يستحسن تكون الأرضيات من غير فواصل كبيرة لأن الفواصل بتتراكم فيها الجراثيم، واحسن إختيار هو الباركيه لأنه كمان دافي في الشتاء عكس السيراميك.

6- بالنسبة لألوان الحوائط يستحسن تكون هادية ومريحة للعين وكفايا بقا أزرق و وردي، وبلاش نرسم شخصيات كرتونية على الحوائط لأن ذوق الطفل بيتغير مع تقدم العمر، فا الأحسن تكون نقوشات خفيفة، ونستخدم دهانات قابلة للغسل علشان ابنك هيطلّع ڤان جوخ اللي جواه ع الحوائط كلها.

7- واحنا بنشتري اثاث الغرفة ناخد بالنا انه ميكونش بزوايا حادة، ويكون مناسب لكل المراحل العمرية اللي هيمر بيها الطفل او ع الأقل أول 10 سنين من عمره علشان منضطرش نغير السرير مثلا لانه صغير ع الطفل، وبمناسبة السرير فا بلاش يكون عالي أوي عن الأرض.

8- بلاش سجاد بوَبر ولا سجاد بشعر طويل علشان بيستخبا جواهم حجات مش هناخد بالنا منها غير وهي في بوء الطفل، وبلاش كمان سجاد بيتزحلق.

9- اغراض وألعاب الطفل لازم تكون في متناول ايده مش في مكان عالي،وتكون ومُرتبه بشكل أفقي مش فوق بعض علشان متقعش عليه.

10- لازم نوفر مساحة فاضية يلعبوا فيها، ولو مساحة الغرفة صغيرة ممكن نلجأ للأثاث الاقتصادي والمُعلق ونستغل الحوائط.

ودي شوية أفكار وتصاميم مختلفة لغرف الأطفال 👇
دمتم سالمين ❤

شركه الدليل للخدمات العقاريه و التشطيب
يشرفنا اتصالك
01004646924

لو بتركب أو هتركب بديل خشب ورخام تعالا اقولك علي حاجه سريعه تاخد بالك منها وتوصلها للي هيركب.

*بص يا سيدي قبل ما تركب تعالا علي الحيطه الي هتركب عليها وشيك كويس جدا علي الوزره انها تكون مستويه مسطره ..لان طبيعي النقاش وهوه بيسحب المعجون بيقفلك علي الوزره فبتعمل كيرڤ فتيجي تحط الوح مش هتلاقيه مطبع علي الحيطه ومعبي هوه..
الحل بصاروخ كدا علي الهادي تساوي الوزره كويس وتوزنها هيتركب بسهوله ويطبع علي الحيطه 💯

#تفاصيل 👌

شركه الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

فكره بسيطه توفر عليك كتير ✅

لو حابب تشطب وتوفر من غير ما تقلل في الجوده في افكار كتير
فكره منهم ان تختار سيراميك الحوائط مقاسات مش كبيره

طيب ليه ؟ 🤔
لانك لو اخترت مقاس كبير يبقي لازم تمحر الحوائط الاول وبعد كده تلزق بماده لزق
يبقي كده كلفت زياده محاره و تكلفه الماده
ثم اجره المصنعيه نفسها الي بتزيد كل ما زاد مقاس السيراميك عشان بيكون اصعب ف التركيب
فلو حابب توفر خليك ف المقاسات العاديه والفرق مش كبير ف الشكل النهائي لو الفواصل معموله بشكل حلو ومنتظمه والسقيه جيده الشكل النهائي هيكون كويس


لو حابب تشطب شقتك كلمنا
شركه الدليل للخدمات العقاريه و التشطيبات
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

عزيزي العميل🔔
انا عارف انك بتشطب شقتك وتركيزك كله رايح في الوان الحوائط وطقم الحمام وارضيه الريسبشن ومشغول وعلي اخرك بس حبيت افكرك بحاجه انت ناسيها ومش مهتم بيها خالص
يا جماعه في بند اسمو المحاره لازم يتصرف عليه كويس ويكون صنايعي محترم يعمل شغل محترم ونستلمه منه كويس جدا
لانه من اهم البنود ولو اتعمل غلط بياثر علي كل البنود تقريبا كل البنود لما تلاقي فيها مشكله هتتفاجئ ان الصنايعي بيقولك مش مني دي مشكله محاره
فرجااااء رجااااء الاهتمام ببند المحاره والتربيع والتأكيس لان المحاره مش مجرد مونه سوده بتغطي الطوب وخلاص

شركه الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

هوه فيه حاجه اسمها تخفيف الوان ؟🤔
ولو فيه .. بنلجئ ليه امتي ؟
وازاي اعرف اذا كنت محتاج اخفف اللون ولا الونه زي ما هوه ؟
----
كل دي اسئله محتاجين نسلط عليها الضوء 🧐

*الاصل ف الالوان عدم التخفيف لتعدد درجات الألوان فلو محتاج لون افتح هلاقيه ولو محتاج اغمق هلاقيه عندك اكتر من 3650لون تقدر تختار ما بينهم . اتفلقنا 🤝

*طيب ليه الناس بتاخد نص صبغه وربع صبغه ودبل صبغه وتربل صبغه 🙃.
المفروض أن دا اوبشن بنلجأ ليه في أضيق الظروف . بمعني
لون زي #ليمستون لو جينا نبص علي الافتح منه هتلاقي ريفلكشن وتايملس وبريز دا تدريجه في الكارتله بس تدريجه مش جايب النص صبغه منه بيروح مني ف حته تانيه 🤷
فبلتالي بنلجأ للتخفيف .
طيب امتي اعرف انا محتاج نسبه تخفيف من عدمه .
لو في لون عاجبني جدااا بس انا عارف لو خته علي وضعه كدا هيقفل عندي بسبب الاضاءه أو المساحه فبهدا بتون الون سيكا فممكن اعمله مخفف 75٪ أو 50٪ عشان لما يعدي مراحل الجفاف بتاعته ويقفل يديني الدرجه الي عايزها 👌 ودي محتاجه حد متخصص يلمح الليله كلها .

🤝❤️

شركه الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

👈شويه نصائح ع الماشي 👉

الثلاجه جنب البوتاجاز غلط.🚫
التكييف تحته شاشه غلط.🚫
توصيل اكثر من جهاز بيسحب امبير عالى في مشترك واحد غلط.🚫
فونية البوتاجاز تسليكها بحرص🚫
موتور المياه لازم تشغله حتي ولو دقيقه كل يومين حتي لو مش محتاجه🚫
ولو مسافر ورجعت بالسلامه فك وش التهويه ولف المروحه بايدك وبعدين شغلو
الراوسب اللي في المياه بتسبب قفش للاولسيل ولو شغلتو وسبتو علي اساس انك مش بتسمع صوته اصلا لانك في دور عالي ممكن يكون قافش وانت مش واخد بالك ويتحرق.

التلاجه ماينفعش تتركن لفترات طويله.🚫
الديب فريزر والتلاجه متعملش ناصح وتقول افصلهم طول الليل واشغلهم بالنهار علشان اوفر كهربا . بالعكس انت كده هتستهلك كهربا اكتر .🚫

سخان المياه الكهربا لو لاحظت انك فتحت البارد لقيت مياه دافيه افصلو فورا وهات فني يغير شيك بلف قبل ما تحصل كارثه والهيتر يضرب داخل الحله وتتكهرب.🚫

الغساله اثناء الشغل فجأه لقيتها ب "ترقص حافية القدمين" ماتكبرش دماغك وتقول بعدين ولازم توقفها فورا وتجيب حد يشوف البلي والمساعدين والصليبه.بدل ماتدخل نفسك في قصة موتور وكارته.🚫

كاتيل الشاي املي مياه علي قدر حاجتك علشان توفر في استهلاك الطاقه وتحمي طقم القواعد والمفتاح.

شركه الدليل للخدمات العقاريه و التشطيب
يشرفنا اتصالك
01004646924

احفظهم عندك هيسهلولك الدنيا شويه 😌✨

شركة الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

الليد بروفايل 🌟✨ تعمله بهدووء ويبقي ليه وظيفه ❤️

شركه الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

الانطباع الاول يدوم ❤️ اهتم بمدخل بيتك 👌

شركة الدليل للخدمات العقاريه و التشطيب
يشرفنا اتصالك
01004646924

#اللمعه.. امتى تختار اللمعه في الدهان الي انت عايزها 👌🎨 خدلك فكره

يلا بينااا..
البلاستك بينقسم الي مطفي وربع لمعه او تلت لمعه / ونصف لامع. أما اللمعه الكامله دي مبتتوفرش كتير في الدهانات المائيه بتبقى موجوده ف الدهانات الزيتيه زي الاكيه.

#اولا؛ المطفي..
ودا بيبقى 3% لمعه
المزايا: انو بيدي رقي كبير للمكان وبيخلي المكان مائل للهدوء.
مناسب لغرف النوم والعيادات الطبيه
العيوب: انو بيبصم وقابليته للغسيل بتبقى اقل من النص لمعه

#ثانيا؛ الربع او التلت لمعه..
وهوه الشائع في مجال الدهانات لمعه 7%
مزاياه: لمعه وسط مناسب لمعظم الأماكن قابليه للغسيل أعلى ثبات للون أوضح.. ملمس ناعم حريري.
عيوبه: مش كتير الا اذا تنفيذه كان فيه اخطاء.
النص لامعه..

12% لمعه.. ويستخدم في غرف الأطفال او الاستقبال لانه مقاوم للاوساخ وله قابليه للغسيل أعلى من اي منتج.
ولكن لو اتنفذ بطريقه مش سليمه زي ان البطانه تكون بلاستك هيعمل حبايه الصح ان ينبطن بسيلر مائي. اول وش يتخف ب 10% ميه.. والوش التاني 20% ميه. 👌
_______
دي كدا نبذه سريعه عن اللمعه في الدهان ❤️

شركة الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

هوه ليه برغم بساطه الشكل ولمساته الهاديه المكان عندي مبيطلعش بنفس الجوده دي ؟🤔
----
برغم بساطه الشكل فعلا الا انه محتاج شويه تركات لو عدت عليك الفنش هيبقي غير مرضي ومنها 👇

*التاسيس
وأقصد بيه تأسيس الحوائط بشكل مظبوط جدا من غير كروته والوصول الي سطح مجهز من خلال المراشمه والسيلر والمعجون والسيلر والبطانه والتشطيب .✅

*التشطيب
الي هما اخر وشين دهان اختار بلاستك ذو نعومه ولمعه وسط أو ربع لمعه
ولو بختار درجه فاتحه زي كدا ابقي حريص أن البلاستك يكون بيتغسل ✅

*الالوان
ودي اهم مرحله لأنها بتكمل اللوحه الجميله يا تقفلها 🤦 وهنا ببقي حريص اني اختار درجات حياديه فاتحه جدا والفرش بتاعي أو الاثاث يبقي فارق سيكا أو شويه عن الوان الحوائط ولكن مش Contract لا تناسق يعني فاتح والغامق بتاعه .والستائر من الفرش ✅

*الاكسسوار
تبقي حجات Simple جدااا ورقيقه. وليها معني ومتشافه مش حشو وخلاص .✅

شركه الدليل للخدمات العقاريه و اعمال التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

اربع خطوات لو نفذهتم بيتك هيطلع فندقي ✅❤️

*الوان الحوائط = سواء فاتحه أو وسط أو غامقه تبقي كلها لون واحدا من باب الشقه لآخر نقطه ✨ربع لمعه

*الاسقف
سواء جبسمبورد أو جبس بلدي أو فلات أو مصيص . تبقي ابيض او افتح درجات الاوف وايت 🤍نوع الدهان مط

*الابواب والحلوق
تبروزها يعني تعملها فاتحه لو الحوائط وسطيه أو غامقه وتعملها غامقه لو الحوائط فاتحه المهم يبقي في تباين بينهم ✅ نص لمعه لاكيه أو دوكو أو استر

*نكحل الشغل بقي بوزره نعله فيوتك تحت لونها ابيض في الشقه كلها او علي الاقل الريسبشن والطرقه 💯

لو عملت الحجات دي عمر ما بيتك هيطلع وحش ايا كان ذوقك ❤️✌️

شركه الدليل للخدمات العقاريه و التشطيب
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

🌟مثلث برمودا أو مثلث المطبخ العظيم هو أكتر مكان عليه حركة في المطبخ وهو البوتاجاز والحوض والتلاجة 🚦
المثلث ده محتاجين ننظمه كويس قوي👌 ونشيل أي حاجة تعطل الحركة فيه لأنه كدة كدة بيبقى مشغول دايما👣
اعرف أكتر عن
"وابعتلنا لو عندك أي سؤال" 🙂
"و ما تشلش همِ التشطيب" 💪

شركه الدليل للخدمات العقاريه و التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

مرحلة التشطيب مرحلة صعبه و فى زحمتها أغلب الناس دايما بيتفاجئو بعد مايخلصو بحاجات ناقصه كانو عاوزين يعملوها و علشان تعدلها بعد كده ده هيكلفك
- فلوس
- وقت
- بهدله للشغل القديم

الحاجات اللى ممكن تتنسى زى مثلا :
- مكان للتخزين
- تكتشف انك كنت محتاج تعمل تعديل فى تقسيمة الشقه
- تكتشف ان فيه تقسيمه افضل للمطبخ

و سبب نسيان الحاجات دى بيكون :
- قلة الخبره و كمان ان كل مجال ليه تفاصيله اللى مبيعرفهاش غير اللى شغال فيه
لو عاور تشطب صح كلمنا دلوقتي


شركه الدليل للخدمات العقاريه و التشطيب
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

👈 تأسيس التكييف
لو الوحدة الداخلية للتكييف مش هتركب علي نفس الحيطة اللي فيها الوحدة الخارجية يبقي لازم تأسس للتكييف بأنك تمد مواسير الفريون وتدفنها لسببين مهمين
🌟 انك تختار المكان الأنسب للتكيف من الاول ومتبقاش مجبر تركبه ف اقرب نقطه للوحدة الخارجية
🌟 الثاني هو انك تحافظ علي جمال بيتك والمواسير متبقاش ظاهرة

خليك متابع عشان تعرف ازاي تشطب شقتك صح ✅
وابعتلنا لو عندك أي أسئلة 🙂

شركه الدليل للخدمات العقاريه و التشطيب
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

السيراميك مادة جيده جدا ومناسبة لظروفنا وفى منها اختيارات مختلفة و متنوعة وبتتكون البلاطه من طبقتين، الفخار وهى الطبقة الحامله للبلاطه وهى خامه محليه والصينى وهى الطبقه اللامعه والمسئوله عن المظهر الجميل وهى خامة مستورده من الصين. كل ما زاد سمك البلاطه الأجمالى زادت قوة تحملها وكل ما زاد سمك طبقة الصينى ازداد سعرها .معظم السمك الاجمالى بيتراوح بين 6 مم و 10 مم للأنواع الفاخره

سيراميك الشقه كله لازم يكون معمول ميزان مايه و سيراميك الحمام يكون واخد ميول على البيبه ( البلاعه) .. ⚖️وبالذات السيراميك ماينفعش يعمله صنايعى مبتدىء عشان ماتحسش بمطبات وانت ماشى

- "الكمية"
الملحوظة الأهم اللي المفروص تهتم بيها عند استلام السيراميك هى "مراجعة الكمية بدقة" عشان متتفاجئش عند التركيب بأن الكمية التى وصلتك مش دقيقة وده ممكن يضطرك انك تشتري سيراميك زيادة وتحمل تكلفة نقل إضافية.

- "الألوان" 🎨
برضو لازم تتأكد من اللون وأن كل كراتين السيراميك عليها نفس كود اللون وده اسمه الدارج فى السيراميك هو "التون"

- "الكسر"
نصيحة مهمة كمان هي فحص كراتين السيراميك بشكل سريع عشان تتأكد أنها خالية من الكسر

- "الفرز" 📦
كمان اتأكد من فرز السيراميك، إن كنت اشتريته من الدرجة الأولى أو الثانية أو الثالثة تتأكد من الفرز المكتوب على العبوة من برة وعشان تضمن عدم التعرض للغش من البائع عشان بعضهم بيحطوا الفرز الثالث فى كراتين الفرز الأول وعشان كدة بننصحك بجولة سريعة وعشوائية على الكراتين عشان تتأكد من البلاط اللي جواها

تابعنا لو مهتم تعرف أكتر عن
و ابعتلنا لو عندك أي سؤال

شركه الدليل للخدمات العقاريه و اعمال التشطيب
يشرفنا اتصالك
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني

من ضمن الحاجات اللي لازم تاخد بالك منها لما تيجي تشطب شقتك هو شكل وتقسيمة الشقة 🏠
الحواجز والفواصل أيا كان نوعها بيقفل مساحة الشقة وبيحسس اللي في البيت بالخنقة..تقليل الحواجز والفواصل بيدي طاقة إيجابية وراحة نفسية لكل اللي في البيت
كمان اوعى تغفل عن التهوية والإضاءة بتاعت الشقة لأنها بتحافظ على صحة البيت وبتجدد الهواء وبتقلل من انتشار البكتريا 🌞
تابعنا عشان تعرف أكتر عن
وابعتلنا لو عندك أي أسئلة

شركه الدليل للخدمات العقاريه و التشطيب
01004646924
عنوان الشركه ش عبد السلام الشاذلي امام نقابه التطبيقيين اعلي معرض الحداد الدور الثاني