ِAL MEZAN - الميزان
كل ما يخص الارانب فى جيبك
بامر الله اول تحميل وتشغيل بعد اجازة العيد يوم السبت القادم
28/04/2022
كل عام وحضراتكم بخير .. موسم رمضان سعيد على الجميع وتم على خير و الحمد لله .. وعلى خير نبدأ اجازة العيد من غدا السبت وبنعتذر عن عدم قبول اوردرات تحميل اضافيه .
وهنعلن ان شاء الله ميعاد بدأ العمل بعد العيد قبلها بفنره كافيه
سعر اليوم ثابت 39
24/01/2022
سعر اليوم
و دا السعر اللى تم بيه التحميل اليوم و مراجعة العملا من العاشره مساءا أمس
ملخص الاسبوع التانى
التحديث الاول لينا نزل واللى بيتيح تعديل الاوردر او حذفه واضافة سلة مشتريات للعميل و اختيارات كتير تيسر عملية التداول من خلال التطبيق
علما بان كل الاوبشنز دى واكتر كتير كانوا متاحين فى اول اصدار للتطبيق قبل رفضه من جوجل والرفض دا اجبرنا ننزل بنسخه اوليه للتطبيق اقل فى الامكانيات عشان منتأخرش على النزول بعد ما وعدنا وحددنا ميعاد وهنحدث تدريجى لحد ما نعلى بالمستوى عن اللى كنا هننزل بيه فى المره الاولى
تم انشاء شركة الوليد للعمل كوكيل للميزان داخل القاهره والقليوبيه
تم الاتفاق على عرض سلالات من مزارع كبرى هيتم عرضها على التطبيق ابتداء من السبت
تم ضم الجيزه ضمن النطاق التجريبي للتطبيق وبينفذ اوردراتها شركة الوليد الوكيل الحالى للقاهره والقليوبيه
حاليا تقدر تعمل اوردر باى كميه داخل النطاق بتاعنا فى ال٣ محافظات ومش هنحجمك بال١٥٠حته تانى العدد بقا مفتوح
لو انت فى اى محافظه خارج النطاق تقدر تنقل شغلك لمحطاتنا مباشره ونستلم منك بالمعلن بعد الترتيب والاتفاق مع خدمة العملاء على ميعاد التسليم والعدد
تم اضافة مخزن اضافى لمحطة الوليد (وكيل الميزان فى المحافظات ال٣) بالقرب من الطريق الدائرى لسهولة الوصول وسرعة النقل
اكتر من ٣٠ شاب بيشتغلوا من اول ما يصحوا لحد الكام ساعه نوم عشان نحسن خدماتنا كل يوم عن اللى قبله والحمد لله بنكسب كل يوم ثقة عدد اكبر من اللى متشككين فى قدرتنا على احداث تحرك ايجابى
بعض الانتقادات حول السعر بتوصلنا عن ان السعر المتداول اعلى بكتير من المعلن عندنا.. احنا نتمنى دايما للمربى انه يبيع باحسن سعر. وبالنسبه لنا ولكل اللى اتعاملوا معانا احنا قدمنا احسن سعر فعلى فى السوق بعيد عن الارقام الغير واقعيه واللى لا تمثل السوق ويسعدنا اننا نبقي الحل الافضل لصغار المربيين اللى مقدامهمش سعر افضل لكن اللى عنده السعر بالتوفيق جدا وهنسعى اننا نتعلم منه عملها ازاى لحد ما نبدأ التشغيل الكامل او الشبه كامل و تفعيل البورصه
ومع كل دا احنا لسه مبدأناش تشغيل حقيقي وبنوعدكم بالافضل
استنونا على القاهره والناس من بكره للسبت الساعه ٧ على القاهره والناس٢
#الميزان
14/01/2022
حصيلة اول اسبوع تشغيل للميزان
اكتر من الف عميل محتمل فى اقل من اسبوع تشغيل و اقل من ١٠ ايام على جوجل بلاى (للعلم ٩٥٪ منهم مربيين والتسويق بيتم بفريق خدمة عملا ومندوبين لبعد فكرة التطبيق عن سوق الفرارجيه)
نفذنا نسبه للاسف لا ترضينا من المعروض واعتذرنا عن كل الاوردرات خارج نطاق العمل التجريبي و اعتذرنا كمان عن الكميات فوق ٢٠٠ حته عشان منضطرش ننزل بالسعر او نخزن بضاعه خاصه فى فترة التجريب
دخول اسمين من افضل خمس اسماء فى اعلاف الارانب فى السوق المصرى
Itfeed ابو سمره
وتواصلنا مع افضل ٥ اسماء اعلاف مبيعا وانتشارا و جوده ولم يصلنا الرد لتحفظ البعض من الفكره
تم تحويل اوردرات الاعلاف خارج نطاق عملنا للشركات نفسها توصلها من خلال موزعيها
اكتر من الف اوردر وهمى تحت مسميات كتير استهلك من طاقة خدمة العملا و وقتهم اللى محتاجينه للتسويق
تحقيق تواصل مع اكتر من الف فرارجى لتجربة النظام الجديد ومستمرين فى التواصل والعرض
فوق المليون (طبعا رقم مجازى) عرض وكاله للتوسع فى المحافظات قوبلت جميعها بانتقاد وسخريه او وعود بلا جدية تنفيذ
لم نحقق ١٠٪ من اللى مخططين له وبنتمناه ولا تعد الارقام الحاليه انجاز يذكر.. يادوب بنرتب اوراقنا وبننطلق
شكرا لكل اللى بيساندونا واللى بيشككوا فينا عشان ضايفين علينا اعباء تمنعنا من اى كسل او تأخير
11/01/2022
انضم لاسرة الميزان مجموعة اعلاف ارانب ابو سمره
تسلم طلبات الاعلاف عموما مرتين اسبوعيا
ويضاف ١٥ج شحن على طلب العلف ايا كانت الكميه سواء شيكاره او طن
08/01/2022
من تقييمات العملاء لتطبيق الميزان علي جوجل بلاي
07/01/2022
تم حل مشكلة رسائل تأكيد انشاء الحساب
07/01/2022
بسم الله نبدأ العمل التجريبي بتطبيق الميزان ابتداء من صباح السبت ٨ يناير ٢٠٢٢
نطاق التشغيل التجريبى القاهره والقليوبيه
اقسام التشغيل..
___ قسم الانتاج (ارانب اللحم)
وهو قسم يتلقي عروض البيع و طلبات الشراء بخصوص ارانب اللحم الحى على مدار اليوم
وسيتم اطلاق اعلان سعر التنفيذ الفعلى بعد منتصف ليل الجمعه
___قسم الاعلاف وهو يختص بطلبات استلام الاعلاف فقط
اما عروض البيع فعلى شركات الاعلاف الراغبه فى عرض منتجاتها على الميزان التواصل مع خدمة العملاء لتوصيلهم بالاداره المختصه بالتعاقدات مع العلم ان كافة خدمات العرض داخل التطبيق مجانيه تماما . الا ان خدمات الاعلان والدعايا حسب خطط اسعار التطبيق وهى مجانا لمدة ٣ شهور ايضا
___ قسم السلالات (الارانب المنتجه)
ابتداء من السبت على الراغبين فى عرض
منتجاتهم او عرض الحجز لمنتجاتهم داخل التطبيق التواصل مع خدمة العملاء من خلال ارقام الشركه و معرفة اشتراطات العرض داخل التطبيق حيث يلتزم العارض بمطابقة معروضاته للمواصفات و الالتزام بمواعيد الحجز و التوريد وضمان سلامة معروضاته من العيوب والامراض وهو ما يستلزم اتفاق كتابى مع الشركه سواء اتفاق دائم لعرض السلالات فى التطبيق او اتفاق خاص بمجموعه او عدد معين فقط
والعرض فى قسم السلاله مجانى تماما
خدمة عملاء الميزان
01021278219
01114726966
https://play.google.com/store/apps/details?id=com.mywork.elmizan
06/01/2022
03/01/2022
تم اضافة لينك التطبيق فى التعديل
واهو جه يا ولاد اهو اجه يا ولااااد
https://play.google.com/store/apps/details?id=com.mywork.elmizan
نعتذر عن التأخير فى نزول الميزان على جوجل بلاى
خلال ال٢٤ القادمه فى اى وقت بامر الله يكون التطبيق نزل ويتم تداوله
سيتم تشغيل التطبيق تجريبيا فتره بسيطه فى القليوبيه والقاهره فقط ققبل تعميم التشغيل فى باقي المحافظات
فترة التشغيل التجريبي مهمه جدا جدا لبناء قاعدة البيانات من خلال انضمام اكبر عدد من المستخدمين فى كل انحاء مصر لضمان اصدق تعبير عن السعر وضمان افضل فعاليه لتشغيل الخدمه
وكمان التشغيل التجريبي هام جدا لتلافي اى مشكلات او اضافة اى تعديلات صغيره لاننا حريصين على تقديم الخدمه بشكل مميز قبل التشغيل العام
احنا بنتمنى نتوفق فى الميزان و بنتكاتف و نجتهد بكل امكانياتنا عشان يكون تطبيق نموذجى مش بس لانه شغلنا و اهم مشاريعنا .. لكن كمان لان ناس كتير عاقده امال عريضه على نجاح الفكره و تحقيق توازن و طرح نظام عادل للسوق.. وبامر الله مش هنخذل حد اتوسم فينا الخير
السكرينه للشكل النهائى للتطبيق اللى هتشوفوه خلال ساعات بامر الله
#الميزان
#الفرارجيه
#الميزان
#ارانب
الاعلان الترويجى الاول للميزان
الفرارجى
Click here to claim your Sponsored Listing.
Videos (show all)
Category
Website
Address
القلج بجوار الطريق الدائرى خلف بنزينة موبيل وخلف محطه مياه الزهور
El-Qalag
