Menna Stories.

_ايه اللي انتي بتعمليه ده يا يُمنى

=اوووف حرام عليكي يا كيان انا إتعلمت حركات الرقصة بصعوبة بوظتي الفيديو

_فيديو ايه؟ وايه اللي إنتِ لابساه ده ؟

=فيديو تيك توك ومالو لبسي

_تيك توك ! وإنتِ من إمتى بتعملي تيك توك وبعدين هو ايه اللي مالو لبسي إنتِ شبه مش لابسة اصلًا هو ده لبس ؟إنتِ اتجننتي ولا ايه يا يُمنى

=بقولك ايه يكيان متطلعيش الشيخة اللي جواكي عليا وبعدين إنتِ عارفة إني معيش فلوس ومحتاجة فلوس

_وإنتِ عشان معكيش فلوس تلبسي اللبس ده وتطلعي ترقصي ولما الفلوس تيجي ضميرك هيبقى مرتاح ؟ وبعدين مهي اغلبية الناس معهاش فلوس
مش انتي بس تيجي بقى كل البنات تلبس اللبس ده وتطلع تترقص عشان يبقى معاها فلوس
=اوووف بقى

_بطلي نفخ إنتِ بتتكلمي كده ليه ومين اللي قالك تعملي كده؟ ومامتك وباباكي عارفين ؟

=لا طبعا اوعي يكيان تقوليلهم ده بابا يقتلني

_انا مش مصدقة إنتِ مستحيل تكوني يُمنى اللي أنا اعرفها إنتِ مين اللي ملا دماغك بالكلام ده وبعدين يشيخة حرام عليكي باباكي متشحطط وبيشتغل شغلانتين عشان تلبسي حلو وتاكلي وتشربي وجايبلك أحسن نوع تليفون وكل اللي تحتاجيه تلاقيه وإنتِ ف الآخر تعملي كده ده عندو استعداد ميكولش عشان خاطرك وعشان إنتِ تاكلي تقدري تقوليلي باباكي لو شاف فيديو ليكي من فيديوهاتك دي وإنتِ مفهماه إنك الملاك اللي مبيغلطش هيحصلو ايه ده بعد الشر ممكن يموت فيها

=بس

_بس ايه بس ايه إنتِ عايزة تجادلي حرام عليكي مين اللي قالك تعملي كده

=نادين قالتلي إن التيك توك بيجيب فلوس كتير

_بقى إنتِ يا يُمنى اللي تعملي كده انتي اللي كنتي دايما تنصحيني أبطل كُل حاجة وحشة نسيتي ربنا نسيتي ربنا يا يُمنى نسيتي الحلال والحرام نسيتي كُل ده نسيتي كُل اللي كنتي بتحاولي تعمليه عشان متعمليش ذنوب وتقربي من ربنا أنا ماشية يا يُمنى راجعي نفسك راجعي نفسك قبل ما تلاقي كُل حاجة راحت من إيدك هتبقي خسرتي كُل حاجة سلام
ومشيت

=كلام كيان فوقني لقيتني وشي اتغرق دموع أنا ازاي كُنت بعمل كده إزاي نسيت ربنا أنا كنت ف غفلة أنا لازم اتوب ومرة واحده لاقتني بتخنق ونفسي راح ووقعت مقدرتش حتى انطق الشهادة
خلاص كل شيء انتهى وفعلا كُل حاجة راحت من إيدي

وف النهاية احب اقول الحق نفسك قبل ما مصيرك يبقى زيها توب لربنا وحاول واغلط وحاول باب التوبة دايما مفتوح الحق نفسك قبل متلاقي كل حاجة راحت ومش هتنفع التوبة الجنة تستاهل انك تبطل كل حاجة وحشة بتعملها عشانها متخليش الدنيا تغرك وتنسى الآخرة
{يا ايهَا النَّاسُ اتَّقُوا رَبَّكُمْ وَاخْشَوْا يَوْماً لَّا يَجْزِي وَالِدٌ عَن وَلَدِهِ وَلَا مَوْلُودٌ هُوَ جَازٍ عَن وَالِدِهِ شَيْئاً إِنَّ وَعْدَ اللَّهِ حَقٌّ فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُم بِاللَّهِ الْغَرُورُ }
الاية ٣٣ من سورة لقمان


✍️🌸

توفيتَ يا أبي ولا أحد سيأخُذَ مكانك فإنكَ كُنت وستظل بعيني أعظم وأحسن أب ولا أحد مِثلكَ
اسأل الله أن يرحمك ويغفر لك
وأسأل الله أن يحفظك يا أُمي وتظلي معي إلى الممات ياحبيبتي 💜

Little writer✍️

-أنسيتي الوجَع
=وهل الوجَع يُنسى

ُحمد
Little writer✍️🌸

أسكريبت
الفصل الثالث والأخير
بعد سنتين
في الصباح صحيت قمر وكانِت واحده تانية خالص
بقت ٦٠ كيلو بعد ١٣٠ كيلو وقامِت بصِت في المراية
برضىَ وابتسامة وقالِت
قمر بابتسامة:بعد تعب سنين قدرت اخس وقدرت كمان اطلع الأولىَ على الكُليه بأمتياز سنتين ورا بعض شكرا يارب وطلعِت من الاوضة وراحِت الحمام وطلعِت لبسِت يونيفورم الشُغل وراحِت عشان تصحي سميحه
في اوضة سميحه
قمر:ماما ياماماا ياسوسو
سميحه:نعم ياقلب سوسو
قمر:قومي ياحبيبتي عشان نفطر وانزل الشُغل
سميحه:ماشي ياحبيبتي وقامِت دخلِت الحمام وطلعِت وقعدو يفطرو وبعد كده قمر راحِت الشُغل
وبعد ما خلصِت شُغلها روحِت
في بيت قمر وسميحه
دخلِت قمر
قمر:ياسوسو ياسوسو
سميحه:جيت اهو ياقلب سوسو ادخُلي غيري
عُقبال ما أحضر الغدا
قمر:متتعبيش نفسِك ياماما النهارده المدير صرفلي مكافأه ف جبت معايا أكل
سميحه:ماشي ياحبيبتي خُشي غيري وانا هحضر الحاجة على السفرة
قمر:ماشي ياسوسو ودخلِت اوضتها غيرت
وطلعِت وقعدو ياكلو وبعد ما خلصو شالو الحاجة وقعدو شوية يتفرجو على التلفزيون وبعدين كُل واحده دخلِت اوضتها عشان ينامو
في اوضة قمر
دخلِت الأوضة وبعدين قعدِت علىَ السرير وافتكرت هي ازاي خسِت وبقِت كِده
فلاش باك
في اول يوم في سنة تانية في الجامعة
دخلِت قمر و وهي ماشية خبطِت ف بنت
(الحوار مترجم)
قمر:أنا اسفة
البنت:قمر عاملة ايه
قمر:سلا كويسة وأنتِ
سلا:كويسة
قمر:أنا مِش عارفة اروح فين
سلا:أنا عارفة يالا نطلع مع بعض
قمر:ماشي وطلعو وبعد ما خلصو راحو يقعدو
مع بعض
(ملحوظه قمر شافت قبل كِده سلا ف الكافية اللي هي بتشتغل فيه وهما الأتنين ف نفس الكُلية)
وهما قاعدين
(الحوار مترجم)
سلا:انتي ايه اللي خلاكي تيجي تدرسي هنا
قمر حكِتلها كُل حاجة وكانِت بتعيط وبعد ما
خلصِت فضلِت تعيط ف راحِت سلا طبطبت عليها وقالِت لها
سلا:طيب ما تحاولي تخسي
قمر:محدش بيشجعني
سلا:أنتِ بيتك فين
قمر:ف ******
سلا:امتىَ يوم اجازتك
قمر:الجمعة
سلا:خلاص أنا هجيلك البيت يوم الجمعة ب المرة اتعرف علىَ مامتك ونقعُد نتكلم أنا عندي حل
قمر:بجد
سلا:بجد يالا روحي شُغلك ويوم الجمعة هكلمك
ونتقابل عند الكافية اللي بتشتغلي فيه
قمر:أنتِ مِش جايه بُكرا
سلا:لأ
قمر:طيب يا سلا سلام
سلا:سلام وكُل واحده مشيت وقمر راحِت شُغلها
وبعد كده روحت
يوم الجمعة
في الصباح صحيت قمر علىَ صوت التليفون
ف قامِت لقِت سلا اتصلِت بيها ٤ مرات ف راحِت اتصلِت عليها و ردت
(الحوار مترجم)
قمر:الو ازيك يا سلا
سلا:كويسة
قمر:معلش كُنت نايمة
سلا:عادي أنا اهو نازلة مِن البيت
قمر:ماشي أنا هقوم اغير ولما توصلي اتصلي بيا انزل اخدك
سلا:ماشي ياحبيبتي باي
قمر:باي وقامِت دخلِت الحمام وطلعِت راحِت ل اوضة سميحه
في اوضة سميحه
دخلِت قمر
قمر:سوسو أنتِ صحيتي امتىَ
سميحه:صحيت مِن شوية ياحبيبتي
قمر:ماشي ياماما سلا كلمتني ونزلِت لما توصل هتكلمني انزل اجبها
سميحه:ماشي ياحبيبتي روحي اللبسي وانا هحضر الفطار عُقبال ما تيجو
قمر:طيب ياماما هروح اللبس
سميحه:روحي ياحبيبتي وراحِت قمر لبسِت
وسلا اتصلِت عليها ونزلِت قمر جابتها وجُم
في بيت قمر وسميحه
دخلِت قمر وسلا
قمر:ماما يامامااا
سميحه:تعالو ياحبيبتي ادخلو اقعدو
قعدو سلا وقمر
سميحه:هخُش اكمِل الفطار
قمر:ماشي ياماما ودخلِت سميحه تكمِل تحضير الفطار وبعد كِده فطرو و قعدو سلا وقمر مع بعض
وسلا قالتلها ان مامتها دكتورة تخسيس وانها حاكِتلها علىَ قمر وهي هتساعدها واتفقو ان قمر تعلم سلا اللُغة العربية وان قمر تروح ل مامت سلا العيادة وفعلا ابتدت تروح العيادة ل مامت سلا وسلا فضلِت معاها لحد ما خسِت وقمر علمِت سلا اللُغة العربية والكلام اللي ب العامية وبس
باك
ونامت قمر
في الصباح
صحيت قمر ولقِت التليفون بيرن وكانِت
سلا ف ردت
قمر بنوم:يابنتي هو أنتِ مبيحللكيش الكلام غير
لما اكون نايمة
سلا:تصدقي انا غلطانة أني اتصلت علىَ
واحده زيك وبعدين احنا مِش متفقين اننا نُخرج النهاردة أنا وأنتِ
قمر بصِت ف التليفون:هنخرج الساعة ١٠ الصبح
سلا:م أنتِ يومك ب سنة عُقبال ما تقومي وتحضري الفطار لأني هفطر عندكو وبعدين تلبسي
قمر:اقفلي يا سلا
سلا:تمام أنا قايمة اللبِس سلام
قمر:سلام وقفلو وقمر قامِت دخلِت الحمام وبعدين
طِلعت راحِت ل اوضِة سميحه
في اوضِة سميحه
دخلِت قمر لقِت سميحه قاعده
قمر:صباح الخير يا ماما
سميحه:صباح النور ياقلب ماما
قمر:سلا جايه شِوية كِده هَحضر الفِطار عُقبال
ما تيجي
سميحه:ماشي اساعدِك ف حاجة
قمر راحِت باسِت رأسها:تِسلم ايدك ي روح
وقلب قمر هَروح بقىَ احضر الفِطار وحدفِتلها
بوسة وراحِت المطبخ تحضر الفِطار
بعد شوية الباب فِضل يخبط
قمر بزعيق:جاية يعني هي الدُنيا هَتطير
وراحِت فَتحت
سلا:حبيبتي عاملة ايه حضرتي الفِطار
هتفطريني ايه
قمر:اسكُتي اديني فرصة ارُد
طِلعت سميحه من الأوضة
سميحه:ايه الدوشة اللي انتو عاملِنها دي
سلا:سوسو صباح الخير وراحِت حضنتها
سميحه:صباح النور ياحبيبتي عاملة ايه
سلا:كويسة ياسوسو
قمر:هدخُل اكمِل تحضير الفِطار تعالي يابت
ودي معايا الأطباق
سلا:ادخُلي قُدامي عن اذنك ياسوسو ياقمر
أنتِ هجيب مع قمر
سميحه بضحك:ادخُلي يابكاشة
سلا:ماشي ياسوسو ودخلِت المطبخ لقمر وكملو تحضير الفطار وبعدين فِطرو
بعد ما فِطرو
سلا:ادخُلي ياقمر اللبسي عُقبال ما اغسِل المواعين
قمر:ماشي ودخلِت لبسِت وسلا غسلِت المواعين
وطلعِت قمر مِن الأوضة وبعد كِده نِزلو خرجو وبعدين رجعو البيت تاني وعدىَ اليوم
وعدت الأيام لحد ما بدأت الجامعات وجت الأمتحانات وعدِت وجابِت بردو امتياز
بعد سنة
في الصباح
صحيت قمر وقامِت دخلِت الحمام وطلعِت
حضرِت الفطار وراحِت تصحي سميحه
في اوضة سميحه
دخلِت قمر
قمر:ماما ياماما
صحيت سميحه
قمر:صباح الخير
سميحه:صباح النور يابنتي
قمر:قومي يالا ياماما انا حضرت الفطار
سميحه:ماشي يابنتي وقامِت دخلِت الحمام وطلعِت وقعدو يفطرو
وهما بيفطرو
قمر:خلاص ياماما هنرجع مصر كمان يومين
سميحه:ايوه يابنتي
بعد ما خلصو فطار
قمر شالِت كُل حاجه ودخلِت اوضتها ولبسِت
وخرجت
قمر:انا هنزل ياماما اقابل سلا عايزه حاجه
سميحه:لا يابنتي عايزه سلامتك
قمر:ماشي ياماما ونزلِت
وراحت قابلِت سلا
قمر:ازيك ياسلا
سلا:ازيك ياقمر مالِك
قمر:مِش عارفة
سلا:ايه الايرور دَ
قمر:تفتكري ماما لما تشوفني هتعمل ايه
سلا:مِش عارفة متخافيش ان شاء الله خير
دَ احنا خلاص مسافرين
قمر:ماشي انا همشي بقىَ ونتقابِل بعد بكره
سلا:ماشي ياحبيبتي باي
قمر:باي ومشيت رجعِت البيت
بعد يومين يوم السفر
قمر:الو يا سلا
سلا:الو ياقمر أنا جيت تحت البيت انزلو يالا
قمر:ماشي هننزل اهو سلام
سلا:سلام
قمر:يالا ياماما
سميحه:يالا ونزلو وراحو المطار وركبو
الطيارة ورجعو مصر
في مصر
قمر:بصي يا سلا انا هوقف ليكو تاكسي تروحو البيت عند ماما سميحه وانا هروح ل ماما
سلا:ماشي وراحو وقفو تاكسي ومشيو سميحه وسلا وقمر ركبت تاكسي وراحِت عند مامتها الحقيقيه هاله
ف بيت هاله
خبطِت قمر وفتحِت هاله اتصدمت لما شافتها
هاله:قمر
قمر:ازيك يا أمي
هاله:ازيك يابنتي
قمر:بنتك يااااااه كان نفسي اسمعها منك مِن زمان
يا أمي
هاله:أنا اسفة يابنتي صدقيني عرفِت غلطي
قمر:اسفة اسفة علىَ ايه ولا ايه يا أمي
هاله:على كُل حاجة سامحيني يابنتي
قمر:انا مسمحاكي يا أمي بس مِش عشانِك عشان خاطِر ربنا وأنا مِش هرجع اعيش هنا تاني أنا لقيت أمي اللي حبتي واللي خففت عني كُل حاجة
عارفة يا أمي فاكره لما كُنت بقولِك رايحه لصحبتي كُنت بروحلها ولما مشيت قبل معاد الطيارة كُنت قاعده معاها ولما سافرت بردو كُنت معاها ودلوقتي هعيش معاها
هاله:أنا اسفة يابنتي وأنتِ معاكي كُل الحق مِش زعلانة أنا استاهل
قمر:متخافيش يا أمي انا هفضل اسأل عليكي ولو احتاجتي حاجة دَ رقمي وادتها ورقه مكتوب
فيها رقم
وكانِت هتمشي راحِت هاله قالِت
هاله:بنتي ووقعِت علىَ الأرض
قمر:أمي وجريت عليها
هاله:سامحيني يابنتي اشهد ان لا اله الا الله واشهد ان محمدا رسول الله وماتت
قمر بدموع: ماما قومي يامامااا مسمحاكي ياماما
مسمحاكي
بعد يومين
قمر كان وشها باهِت ولا بتاكل ولا بتشرب ولا حتىَ حضرِت عزا مامتها
سميحه:يابنتي كُلي بقىَ متوجعيش قلبي
قمر:مِش قادره ياماما صدقيني مِش قادره وفضلِت تعيط وراحِت سميحه حضنتها وبعد كده قامِت خرجِت من الأوضة
سميحه ببكاء:مش راضيه تاكل
سلا:اهدي يا أمي احنا هندخل لها
ودخلو سلا وحلا وليل
ليل:قمر ياقمر وهزتها قمررر تعالو بسرعة مِش بتتحرك جريو عليها وودوها المستشفى
في المستشفى
حلا:خير يادكتور
الدكتور:متقلقوش هي ضغطها واطي وعلقنلها محاليل واللي حصل دَ من قلة الأكل ياريت
تهتمو بأكلها
حلا:حاضر يادكتور
بعد شوية دخلولها
سميحه:كده تقلقيني عليكي يابنتي
قمر:معلش ياماما انا بقيت كويسة احنا
هنمشي امتىَ
سلا:لما المحاليل تخلص
بعد ما الحاليل خلصِت روحو وفضلو حلا وليل قاعدين معاها
بعد اسبوع
قمر بقِت بتاكل وبقِت كويسه الى حدٍ ما
في الصباح
صحيو كلهم وكانو قاعدين بيفطرو
قمر:أنا لقيت بوست من شركة*****للعقارات عايزين حد يشتغل في الحسابات وهروح
الانترڤيو بكرا
سلا:بجد دي شركة عقارات كبيره جدا ومعروفه سميحه:ربنا يوفقك يابنتي حلا:وانا كمان لقيت شغل ف بنك كبير
وهبتدي شغل اول الشهر
ليل:وانا كمان وأنتِ يا سلا هتعملي ايه
سلا:لسه مِش عارفه
ليل:ماشي
وكملو فطار وبعدين عدىَ اليوم
في الصباح
صحيت قمر وقامت لبسِت بنطلون واسع ازرق وتيشرت ابيض بكُم وكارديجان ازرق
وطرحه بيضة وخرجِت
قمر:صباح الخير
كلهم:صباح الخير
سميحه:مِش هتفطري يابنتي
قمر:لا يا ماما عشان متأخرش
سميحه:ماشي يابنتي ربنا يوفقك
قمر:باي ومشيت وراحِت الشركة
في الشركة
قمر:لو سمحتي كُنت جايه اعمل انترڤيو
بخصوص شغل الحسابات
السكرتيره:تمام اديني ال CV بتاعِك
وارتاحي خمس دقايق
قمر:ماشي وراحِت قعدِت والسكرتيره دخلِت المكتب للمدير وخرجِت
السكرتيره:اتفضلي مستر هادي مستنيكي جوا
قمر:ماشي شكرا
السكرتيره:عفوا ودخلِت قمر بعد ما خبطِت
هادي:اتفضلي يابنتي انا شوفت ال CV بتاعِك وعجبني ومِن بُكرا هتبدأي هنحُطك تحت الأختبار لمُدة شهر ولو نجحتي هتشتغلي معانا وأنتِ مِن النهاردة بقيتي زي بنتي كُل اللي بيشتغلو هنا زي ولادي اطلعي دلوقتي للسكرتيره وهتعرفِك كُل حاجة وبعدين تيجي بكرا تبدأي شُغل
قمر:تمام شكراً لحضرتَك وان شاء الله هقدر انجح
هادي:لا شُكر علىَ واجِب وقمر خرجِت واتعرفِت علىَ السكرتيره وعرفِتها كُل حاجه وبعد
كده مشيت
في البيت
دخلِت قمر الشقة واول ما دخلِت سلا وحلا وليل شدوها قعدوها علىَ الكنبة
التلاتة:ها عملتي ايه
قمر:الحمدلله هبدأ بُكرا
ليل:احكيلنا ب التفصيل المُمل علىَ كُل
حاجة حصلِت
قمر:طيب هخش اغير اومال فين ماما
سلا:ف المطبخ بتعملنا مكرونة وكوسة بالبشاميل
قمر:بجد طيب هقوم اغير وأجي بسرعة ودخلِت الاوضة غيرت وطلعِت وقعدو ياكلو
وهما بياكلو
ليل:ها احكيلنا
قمر:بصي ياستي وحكتلهُم علىَ كُل حاجة
قمر:وبس
سلا:طب وهو الراجل دَ عندو كام سنة
قمر:ف أواخر الخمسينات كده
سميحه:طيب الحمدلله ربنا يوفقك يابنتي
ويوقفلِك ولاد الحلال
قمر:آمين ياأمي
وكملو أكل
وعدِت الأيام وقمر كانِت محبوبة مِن الكُل في الشركة و قدرِت تثبت شطارتها ونجحِت
جدا واترقِت كتير وبس
تمت ❤
شكرا جدا ليكو علىَ متابعتكو لل أسكريبت
وأحب اقول لكُل مُتنمر بلاش تتنمر علىَ حد متعرفش كلامك بيعمل ايه

أسكريبت
الفصل الثاني
قمر:أنا عايزه اسافر اكمل تعليمي برا
هاله:متسافري هو انا مسكتك
قمر:ماشي ياماما
هاله:وهتسافري امتى ان شاء الله وفين
قمر:هسافر المانيا لما اخلص السنة
هاله:وهتجيبي فلوس منين
قمر:أنا هتم ٢١ كمان ٣ شهور لما اتمهم هاخد ورثي من بابا وأنا كنت محوشه فلوس هحطهم على بعض واحضر باسبوري واسافر وهناك هبقى اشتغل
هاله:ماشي حاجة تاني
قمر:لا ياماما أنا داخله اوضتي
هاله:ادخُلي
في اوضة قمر
دخلِت قعدِت تزاكر وبعد شويه نامِت
في الصباح صحيت قمر ودخلِت الحمام وطلعِت حضرِت الفطار لمامتها وقالتلها انها هتروح تقُعد مع صحبتها ولبسِت ونزلِت راحِت لسميحه
في بيت سميحه
قمر بتخبط فتحِت سميحه
قمر بابتسامه:صباح الخير ياماما
سميحه:صباح النور ياقلب ماما ادخُلي
دخلِت قمر
قمر:فطرتي
سميحه:لا مستنياكي
قمر:طيب هدخُل احضر الفطار
سميحه:ماشي دخلِت قمر حضرِت الفطار وطلعِت وفضلو يتكلمو كتير وبعد كده روحِت
قمر وعدى اليوم
بعد ٣ شهور يوم عيد ميلاد قمر
صحيت قمر وقامت حضرِت الفطار وكانِت زعلانه عشان مامتها نسيت زي كل سنه وخلصِت تحضير الفطار وراحِت قالِت انها هتروح تقعُد مع صاحبتها ولبسِت وراحِت ل سميحه
في بيت سميحه
قمر كانِت بتخبط فتحتلها سميحه ودخلِت لقِت
ليل وحلا وبلالين وتورته وسميحه راحِت حضنتها
سميحه:كل سنه وأنتِ طيبه يابنتي
قمر راحِت حضنتها جامد:وأنتِ طيبه ياماما
ليل وحلا جريو عليها وحضنوها وقالو بصوت عالي:كل سنه وأنتِ معانا يا قمر
قمر بفرحة:وانتو طيبين ومعايا يارب وحضنِت
ليل جامد راحت حلا قالت
حلا:أنا اللي جبت التورته على فكرة استاهل حضن كبيييير اوي قد كدهو
راحِت قمر حضنتها
ليل:مكفاية احضان أنا عايزه أكُل تورتة
راحو كُلهم ضحكو
قمر بصوت واطي ل حلا:طفسه
ليل:انا طفسه
قمر:اكدب اكدب يعني
ليل:طفسه طفسه أنا عايزه أكُل تورتة
حلا:كُلي تورتة يختي
احتفلو وقعدو مع بعض وبعد كده قمر روحِت وابتدِت تجهز البسبور ليها ولسميحه وكل يوم
تروح ل سميحه وخلصِت تحضير الحاجة
وجَت الامتحانات وخلصِت وابتدِت تجهِز ورق
النقل وحضرِت كل حاجه
في الصباح
صحيت قمر ودخلِت الحمام وطلعِت حضرِت
الفطار لمامتها ودخلِت لبسِت وراحِت شالِت الأكل
بعد ما شالِت الاكل
قمر:ماما أنا نازله
هاله:ماشي ونزلِت قمر راحت لسميحه
في بيت سميحه
خبطِت قمر وفتحِت سميحه
سميحه:ادخُلي ياعيوني حضرت الفطار
قمر دخلِت:ليه ياماما ما انا كُنت هحضرو
سميحه:مِش مُشكلة ياحبيبتي
قمر:ماشي يالا ناكل أنا جعانه اوي
سميحه:يالا وراحو ياكلو
وهما بيأكلو
قمر:ماما
سميحه:نعم ياعيون ماما
قمر:احنا هنسافر كمان اسبوع
سميحه:ماشي يابنتي أنتِ قولتي لمامتك
قمر:لسه هقولها لما اروح
سميحه طبطبِت عليها:ربنا يريح بالِك يابنتي
قمر راحِت حضنتها وباسِت رأسها:امين يارب ياماما
عدى اليوم وقمر روحت
في بيت قمر
دخلِت قمر من باب الشقة
قمر:ازيك ياماما
هالة:اهلا
قمر:أنا عايزة اتكلم معاكي في موضوع
هالة:خير
قمر:هدخُل اغير هدومي واجي
هالة مردتش وقمر دخلِت اوضتها غيرت وطلعِت قعدِت قُدام مامتها
قمر:أنا هسافر كمان اسبوع
هالة:مع السلامة عايزه ايه بقا
قمر:كُنت بس بعرفك أنا بُكرا هلم هدومي
وحجاتي وهمشي
هالة:هتروحي فين بُكرا أنتِ مِش بتقولي
كمان اسبوع
قمر:يهمك يعني عالعموم همشي ومِش هتشوفي وشي تاني وهريحك مني ومِن قرفي
وقامِت مشيت دخلِت اوضتها بحُزن ونامِت
في الصباح
صحيت قمر وقامِت دخلِت الحمام وطلعِت حضرِت الفطار لمامتها ودخلِت اوضتها لمِت كُل حاجِتها وخدِت معاها هدوم وحجات باباها وخدِت كُل
حاجة بتاعتها ولبسِت وطلعِت برا و وقفِت عند باب الشقة بتشوفها وبتودعها وراحِت بصت ل أمها
اللي بتاكُل بالامُبلاة وقالِت لها
قمر بحُزن:سلام ياماما
ومستنتش رَد ومشيت وخرجِت من باب الشقة
ونزلِت وراحِت لبيت سميحه
في بيت سميحه
قمر خبطِت وفتحِت سميحه وشافَت الشنطة ودخلِتها
سميحه:ايه يابنتي الشنطة دي
قمر:أنا هقعُد معاكي يا ماما لغاية ما نسافر
سميحه:طيب يابنتي ايه اللي حصل قولتي لمامتك
قمر حكِت لها اللي حصل وسميحه زعلِت
جدا عشانها
سميحه:خلاص متزعليش يابنتي يالا قومي غيري هدومِك وتعالي نحضر الفطار سوا
قمر:حاضر ياماما ودخلِت الاوضة غيرت وراحِت لسميحه المطبخ وحضرو الفطار وقعدو وعدِت
الايام لغاية ما جيه يوم السفر
في الصباح صحيو قمر وسميحه بدري فطرو
ولبسو والباب خبط وقمر فتحِت لقت ليل وحلا
قمر:ادخلو
ليل:كُنتي هتسافري من غير ما تودعينا يا ندله
حلا:اندال اندال اندال
قمر:هتفضلوا على الباب
ليل و حلا دخلو وراحو حضنوها وفضلو يعيطو
وقمر تعيط معاهم
سميحه:بقالكو نُص ساعة بتعيطو هتفضلو
تعيطو على طول
ليل خرجِت مِن حُضنها:هتوحشيني اوي
قمر:وأنتِ كمان والله
حلا:هنفضل نتكلم علطول
قمر:كُل يوم
ليل:ماشي ياحبيبتي يالا
قمر:يالا فين
حلا:هنوصلكو المطار
قمر:لا طبعا ده بعيد احنا هنروح وهكلمكو لما اوصل
ليل وحلا:ماشي تعالو ننزل سوا
قمر:يالا ياماما
سميحه:طيب يابنتي مِش هتروحي لمامتك
قمر:لا ياماما يالا
سميحه:ماشي يابنتي يالا ونزلو كُلهُم وقمر وسميحه ركبو تاكسي
بعد ساعة وصلو سميحه وقمر وكان فاضل ربع ساعة علي طلوع الطيارة اتصلِت قمر ب ليل
وحلا ودخلو المطار وطلعو ركبو الطيارة
بعد ما وصلو المانيا
قمر وسميحه كانو في مطار المانيا وقمر خبطِت
في بنت وهي ماشية
(الحوار مترجم)
قمر:أنا اسفه
البنت بابتسامه:عادي
قمر:شكرا
البنت:العفو أنتِ مِش من المانيا صح
قمر:ايوه أنا مصريه
البنت:اهلا بيكي في المانيا أنا سلا وأنتِ
قمر:أنا قمر ومدت ايديها وسلا سلمِت عليها
سلا:اتشرفِت بمعرفتك
قمر:شكرا ليكي انا همشي باي
سلا:باي ومشيت
سميحه:مين دي يابنتي
قمر:دي بنت اتعرفت عليا
سميحه:طيب هنروح فين
قمر:هنروح فندق لغاية ما ادور على شقة
سميحه:ماشي يابنتي وراحو الفندق
في الفندق
(الحوار مترجم)
البنت:اهلا بيكي ف الفندق
قمر:شكرا
البنت:تحبي تحجزي اوضة
قمر:ايوه
البنت:كام اوضة
قمر:واحده
البنت:تمام وخلصو الاجرأت
وقمر وسميحه طلعو الاوضة
في الاوضة
قمر:أنتِ جعانه ياماما
سميحه:لا يابنتي أنا هغير هدومي وارتاح شوية
قمر:وأنا كمان ننام شوية وبعدين لما نصحىَ ناكل
سميحه:ماشي وغيرو ونامو
بعد ما صحيو
قمر:هطلُب أكل ياماما
سميحه:ماشي ياحبيبت ماما وقمر طلبِت أكل وكلو وفضلو قاعدين شوية وخلص اليوم ونامو
في الصباح
صحيت قمر وسميحه وقمر لبسِت ونزلِت عشان تدور على شقة وفضلِت ٤ سعات بتدور ولقِت شقة وخلصِت فيها وراحِت لسميحه
في الفندق
دخلِت قمر الاوضة
قمر:ياماما
سميحه:نعم يا قلب ماما
قمر:لقيت شقة كويسة جدا واشترتها وبكرا نروحها
سميحه:ماشي ياحبيبتي
قمر:هطلُب أكل بقىَ عشان جعانه اوي وأنتِ
اكيد مكلتيش
سميحه:ماشي ياقمر وطلبِت قمر الأكل وكلو ونامو
في الصباح
صحيت قمر وسميحه ولبسو وخدو شنط لبسهم
ومشيو من الفندق وراحو الشقة
في الشقة
دخلو قمر وسميحه وقعدو
قمر:أنا هنزل ياماما اشتري حجات وادور علىَ
شُغل وأجي
سميحه:طيب يابنتي
قمر:ماشي ياماما مِش هتأخر وباسِت راسها ونزلِت
وفضلِت تدور علىَ شُغل ولقِت شُغل في كافية قريب من البيت واشترت حجات وروحت
في البيت
دخلِت قمر وحطِت الحجات في المطبخ
قمر:مامااا يا مامااا
دخلِت الأوضة لقتها نايمه ف صحتها
سميحه:نعم ياحبيبة ماما
قمر:قومي ياماما اصحي عقبال ما اعمل الأكل
سميحه:لا خليكي أنتِ يابنتي وأنا هقوم
اعمل الأكل
قمر:لا ياحبيبتي قومي أنتِ بس وأنا اهو رايحه اعمل الأكل
سميحه:ماشي يابنتي وقامِت وقمر راحِت تعمل الأكل وخلصِت وقعدو ياكلو
قمر:أنا لقيت ياماما شغل في كافية قريب من البيت
سميحه:ماشي ياقلب ماما هتنزلي الشغل
دَ من امتىَ
قمر:بكرا
سميحه:ماشي ياحبيبتي وكملو أكل و بعد الأكل
شالِت قمر الأكل وقعدو يتفرجو وبعدين نامو
في الصباح
صحيت قمر الساعة ٦ ونص غيرت وحضرت الفطار لسميحه ولبسِت اليونيفورم بتاع الشغل وراحِت عشان تصحيها
في اوضة سميحه
قمر:ماما ياماما
سميحه:نعم يا ياقلب ماما
قمر:اصحي ياماما أنا حضرتلك الفطار عشان
انزل الشُغل
سميحه:الساعة كام ياحبيبتي
قمر:سبعة وعشرة
سميحه:خلاص أنا ٥ دقايق هدخُل الحمام واطلع ونفطر سوا
قمر:طيب ياحبيبتي قومي ادخُلي الحمام
وهستناكي برا
سميحه:ماشي ياحبيبتي وقامِت دخلِت الحمام
وطلعِت وقعدو يفطرو وبعد كده قمر راحِت الشُغل
وفضلِت علىَ الروتين دَ لغاية ما جات الجامعات
وراحِت قدمِت وبقت تروح كُل يوم الجامعة وترجع تروح الشُغل وبليل ترجع البيت تأكل
وتزاكر وتنام
يتبع..........

أسكريبت
(دَ أسكريبت مكون من ٣ فصول اتمنى يعجبكو)
(ملحوظة القصة كلها مفيش حاجة فيها حقيقية كلها خيال )
الفصل الأول
:ايه دَ فيل قعد جمبنا
:أنتِ ايه اللي جابِك تقعدي جمبنا قومي امشي
:ازاي دَخلوكي الجامعه
:ايه الارف دَ
قمر سِمعت الكلام دَ وقامِت جريت
(قمر عندها ٢٠ سنة ف اول سنه ف كُلية تِجاره ودَ اول يوم ليها بيضه وعيونها بني غامِق وتخينه
اوي وقصيره باباها متوفي وعايشة
مِن وهي صغيره وهي بتتعرض للتنمُر حتى من امها معندهاش صُحاب خالِص نفسيتها تعبِت مِن كُتر التنمُر مَحدِش بيحبها كُل ماحد يشوفها يمشي
مَحدِش كان بيشجعها غير باباها مِن اول ما مات
وهي نفسيتها تعبانه اوي)
جريت وطلعِت مِن الجامعه وقعدِت على الرصيف وفضلِت تعيط بعد شويه لقِت حد بيحُط ايده على كِتفها بَصِت لقِت سِت كبيره قعدِت جَمبها
وطبطبِت عليها
السِت:مالِك يابنتي بتعيطي ليه
قمر ببكاء:مفيش ح حاجه
السِت:اعتبريني زي والدتِك وراحِت السِت فَتحِت حُضنها لقمر وقمر راحِت اترمت في حُضنها
وفضلِت تعيط جامِد والسِت فضلِت تطبطب عليها
السِت:اهدي يابنتي اهدي وقوليلي مالِك
قمر طلعِت مِن حُضنها وقالِت
قمر:مِن وأنا صُغيره وكُل الناس بتتنمر عليا بابا كان ديماً يشجعني اول ما مات مبقِتش قادره كُل الناس بتتنمر عليا حتى مامتي بتِفضل تقولي أنتِ وِحشه أنا مبحبكيش محدِش بيحبك انا تعبت اوي تعبت
السِت:أنتِ أسمك ايه يابنتي
قمر:أسمي قمر
السِت:أسم على مُسمى يابنتي دَ أنتِ زي القمر
واللي مِش بيحبوكي دول بيغيرو مِنك أنتِ زي
القمر وروحِك حِلوه متحطيش الكلام دَ ف
دِماغك وعيشي حياتك
قمر بابتسامه:شكرا
السِت:تعرفي أنا معنديش اولاد وطول عمري بتمنى
ان يكون عندي بنت لما شوفتك اعتبرتك بنتي
قمر:وانا حبيتك اوي
السِت:انا همشي يابنتي عايزه حاجه
قمر:طيب انا هشوفِك تاني ازاي
السِت:خدي رقمي واعتبريني زي مامتِك لما تبقي مخنوقه اتصلي بيا وأنا اخدِك تقعدي معايا شويه
انا عايشه لوحدي
قمر:طيب قوليلي الرقم
السِت:***********
قمر:هو انتي اسمِك ايه
السِت:سميحه
قمر:طيب ياماما سميحه
السِت:سلام يابنتي
قمر:سلام ومشيت السِت ودخلِت قمر الجامعه
ف لقت بنت في وشها
البنت:اسمِك ايه
قمر بابتسامه:قمر
البنت بسُخريه:قمر وفضلِت تضحك قمر كانِت رايحه تمشي راحِت البِنت شنكلِتها و وقعِت قمر على الارض وقعدو البنات والولاد يضحكو عليها
فجأه جريت عليها بنت وقومِتها وراحِت
اتكلمِت بغضب
البنت بغضب:في ايه انتو ازاي كِده حرام عليكو
انتو معندكوش ولا دَم ولا رحمه أنتِ يا اللي
كُنتي بتكلميها لو أنتِ مكانها هتعملي ايه حرام عليكو بقا كفايه كفايه تنمُر انتو ايه ما بتحسوش
حطو نفسكم مكانها ولفت لقمر وخدتها ومشيت
البنت:أنتِ كويسه
قمر:ايوه شكرا
البنت:العفو على ايه أنتِ اسمِك ايه
قمر:اسمي قمر وأنتِ
البنت:اسمي ليل
قمر:اسمِك حلو اوي
ليل:أنتِ اللي جميله ياحبيبتي من النهارده احنا
بقينا اصحاب
قمر:بجد
ليل:ايوه بجد هاتي بقا رقمك
قمر:***********
ليل:ماشي سجلت رقمك يالا بقى عشان
المحاضره هتبدأ
قمر:ماشي يالا وراحو المحاضره
بعد المحاضره
ليل:تعالي نقعُد في الكافتريا
قمر:ماشي هو في محاضرات تانيه
ليل:لا هي كانِت محاضره واحده بس
قمر:ماشي تعالي نشرب حاجه
ليل:ماشي أنا هشرب عصير مانجا وانتي
قمر:وأنا كمان هشرب مانجا
ليل:ماشي هروح اجيب واجي
قمر:ماشي وليل وراحت تجيب وقمر فضلِت
قاعده مستنياها وهي قاعده جَت البنت اللي
وقعتها الصبح
البنت:قمر
قمر بعصبيه:نعم عايزه ايه تاني
البنت:أنا كنت عايزه اعتزرلك أنا اسفه جدا
قمر:ماشي
البنت:لو سمحتي متزعليش مني أنا اسمي حلا ومدت ايديها ل قمر وقمر فضلِت باصه ل ايديها وحلا كانِت رايحه تشيل ايديها راحِت قمر مديت ايديها ومسكِت ايد حلا وحلا ابتسمِت
حلا:شكرا
قمر بابتسامه:على ايه
حلا:ممكن نبقا اصحاب
قمر:ماشي وجت ليل وقفِت ف وش حلا
ليل:عايزه ايه تاني
قمر وقفِت وقالِت
قمر:هي كانِت عايزه تعتزر
ليل:ماشي
وقعدِت هي وقمر
حلا:أنا ماشيه
قمر:ماشي ياحلا باي
حلا:باي
بعد شويه
قمر:أنا همشي يا ليل عايزه حاجه
ليل:لا ياحبيبتي أنا كمان ماشيه
قمر:ماشي باي
ليل:باي ومشيو وقمر روحت بيتها
في بيت قمر
دخلِت قمر
قمر:ازيك ياماما
هاله ببرود:اهلا
قمر:انا داخله اوضتي
هاله:ماشي ودخلت قمر اوضتها وقعدِت على السرير وفضلِت تعيط وراحِت بصَت للمرايه قُدامها وقررت قرار وراحِت مسحِت دموعها وقامِت غيرت وطلعِت دخلِت الحمام غسلِت وشها وطلعِت دخلِت
المطبخ عملِت ليها سندوتشات ودخلِت قعدِت تزاكر
وبعد كده نامِت
في الصباح
صحيت قمر ودخلِت الحمام وطلعَت لبسِت ونزلِت راحِت الجامعه
في الجامعه قمر وصلِت واتصلِت على ليل و ردِت
قمر:الو ياحبيبتي أنا وصلِت
ليل:ماشي أنا قدام بوابِة الجامعه وداخله أنتِ
فين بالظبط
قمر:اول ما تدخلي هتلاقيني ف وشك
ليل:ماشي أنا اهو شوفتِك اقفلي وقفلو
قمر:عامله ايه
ليل:كويسه وأنتِ
قمر:كويسه احنا علينا كام محاضره
ليل:اتنين
قمر:أنتِ وراكي حاجه بعد المُحاضرات
ليل:لا ليه
قمر:عايزه اتكلم معاكي شويه
ليل:ماشي تعالي المحاضره هتبدأ
قمر:تعالي ودخلو المحاضره
بعد المُحاضرات ليل وقمر راحو قعدو في الكافتريا
في الكافتريا
ليل:ايه في ايه
قمر:أنا قررت انا هسافر اكمل تعليمي برا
ليل بصدمه:ايه طب ومامتِك
قمر:ماما مش هيفرق معاها
ليل:طب ليه
قمر بدموع:أنا تعبِت بجد بس خلاص أنا مِش
هرجع ف قراري
ليل:طب أنتِ مُتأكده من قرارك فكرتي كويس
قمر:ايوه وخلاص مِش هرجع ف قراري
ليل:طيب هتسافري لوحدك
قمر:لا
ليل:اومال هتسافري مع مين
قمر:هقولك بُكرا
ليل:طيب هتسافري امتىَ
قمر:لما السنة تخلص ف الاجازه هنقل
حاجاتي وهسافر
ليل:طيب هتسافري ازاي وتعيشي هناك منين
قمر:بابا لما مات سابلي ورث لما أتم ٢١ سنه هاخدو
وأنا كُنت محوشه مبلغ وحطاه في البنك وأنا
هتم ٢١ سنه كمان ٣ شهور لما اخُد الفلوس هحُط
الفلوس علىَ بعض واحضر بسبوري واسافر وهِناك
هبقى اشتغل
ليل:وهتسافري فين
قمر:هسافر المانيا أنا واخده كذا كورس الماني وبعرف اتكلم الماني كويس
ليل:طيب ياحبيبتي ربنا معاكي بس اكيد
هنفضل اصحاب
قمر:يابنتي هو أنا هسافر بُكرا وبعدين احنا
خلاص اصحاب وأنتِ بقيتي زي اختي وانتِ
اول واحده تعرفي
ليل:ربنا معاكي ياحبيبتي
قمر:يارب يالا أنا همشي عايزه حاجه
ليل:لا ياحبيبتي مش عايزه سلام
قمر:سلام ومشيت قمر وطلعت علي بوابِة الجامعه واتصلِت علي السِت (سميحه) وردِت
قمر:الو
سميحه:الو مين
قمر:أنا قمر يا ماما سميحه
سميحه:ازيك يابنتي عامله ايه
قمر:أنا كويسه الحمدلله بقولِك ياماما
سميحه:نعم ياعيوني
قمر:أنا واقفه عند بوابِة الجامعه مُمكن تيجي تخديني كُنت عايزه اتكلم معاكي شويه
سميحه:ماشي ياحبيبتي ١٠ دقايق وهكون عندك
قمر:ماشي ياماما سلام
سميحه:سلام وقفلو وقمر فضلِت واقفه
مستنيها وجتلها
قمر:ازيك ياماما وراحِت حضنتها
سميحه:الحمدلله يابنتي تعالي نروح البيت
قمر:ماشي وراحو
في بيت سميحه
دخلو سميحه و قمر وقعدو
سميحه:اتكلمي يابنتي
قمر:هو أنتِ ياماما قاعده لوحدِك
سميحه:ايوه يابنتي
قمر:طيب أنا يماما قررت اسافر اكمل تعليمي برا
أنا تعبت اوي ياماما وأنتِ هتيجي معايا
سميحه:أنا يابنتي ا
قمر بمُقاطعه:مِش أنا بنتك هتسيبي بنتك
تسافر لوحدها
سميحه:ماشي يابنتي طب ومامتك
قمر:هفضل اسأل عليها مهما كان دي مامتي
سميحه:ماشي يابنتي هنسافر امتىَ
قمر:هحضر البسبور بتاعي أنا وأنتِ وهنسافر لما اخلص السنة دي
سميحه:ماشي يابنتي
قمر:يالا أنا همشي وهجيلك بُكرا الصُبح اقضي معاكي اليوم
سميحه:ماشي يابنتي مع السلامة
قمر:سلام ومشيت
في بيت قمر
دخلِت قمر لقِت مامتها قاعده
قمر:ازيك ياماما
هاله:كويسه يالا حضري الغداء أنا مِش قادره اقوم
قمر بحُب:حاضر
هاله:يحضرلِك الخير قمر دخلِت اوضتها غيرت وطلعِت حضرت الغداء
قمر:أنا خلصت ياماما اتفضلي
هاله:مِش هتاكلي
قمر:مليش نِفس
هاله:ما أنتِ علطول بتاكلي يعني ايه الجديد
قمر بحُزن:ولا حاجه لما تخلصي قوليلي عشان
اشيل الاكل ودخلِت اوضتها
في اوضة قمر
دخلِت قمر فضلِت تزاكر وبعد شويه مامتها ندهِت
عليها طلعِت شالِت الاكل وراحِت قعدِت مع مامتها
قمر:مُمكن اتكلم معاكي شويه
هاله:خير
قمر:أنا عايزه اسافر اكمل تعليمي برا
هالة.......
يتبع..........

✍️🌸

إسكريبت
عمر:ماما هو إنتِ بطنك منفوخة كده ليه
رانيا:عشان هنا في أُختك عايزاك لما تيجي تحافظ عليها عشان إنت هتبقى باباها بعد ما باباكو الله يرحمه مات وتحبها وتصاحبها وتبقى ضهرها وسندها ومتخليش اي حد يفرق بينكو أنا كمان تعبانة ويا عالم يومي هيبقى امتى ماشي ياحبيبي
عمر:ماشي ياماما
وهنا في سيناريوهين
الاول
بعد مرور ١٥ سنة
عمر:قومي يانجمة يالا عشان اول يوم مدرسة ياحبيبتي
نجمة:قومت ياحبيبي
عمر:عايزك ياحبيبتي تشرفيني كده وتجيبي مجموع حلو إنتِ ف اول سنة من ثانوي عشان تخشي الكلية اللي بتحلمي بيها عشان نفرح بابا وماما الله يرحمهم
نجمة:الله يرحمهم ، إن شاء الله هزاكر كويس وهجيب مجموع حلو
عمر:يالا عشان الحق اوصلك ومتأخرش على شُغلي
نجمة:ربنا يعينك ياحبيبي مش عارفة إنت ليه مش راضي تخليني أنزل اشتغل واساعدك بتشتغل شغلانتين ومش عارف تجيب اي حاجة ليك وأنا عارفة مصاريف الدروس كتيرة والهدوم والأكل والشرب ومش عايز تخليني أقل من اي حد ، فكر ده لولا إن الحمدلله الشقة دي ملكنا كان زمانا متمرمطين ف الإيجار
عمر:أنا كام مرة اقولك متفتحيش معايا الموضوع ده
وكمان أنا مشتكتش ومش هخليكي تنزلي تشتغلي
لما إن شاء الله تتخرجي ابقي اشتغلي لاكن
غير كده لا
نجمة:ماشي يا حبيبي هقوم البس وننزل
عمر: خدي دول مصروفك
نجمة:لا ياحبيبي خليهم معاك أنا الفلوس اللي معايا لسة مخلصتش وكمان أنا عارفة إنك مش معاك دلوقتي فلوس خليهم معاك لحد ما تقبض
عمر:بس
نجمة:مافيش بس أنا لما اعوز حاجة هاجي اقولك
وانتهى الموقف بحضن من الاخ الكبير للاخت الصغيرة وعاشوا مع بعض الايام الصعبة والحلوة وعدوا كل حاجة سوا

اما السيناريو التاني
عمر:إنتِ يابت قومي يالا عشان تغو..ري الشغل
نجمة:بس أنا مش هاروح النهاردة أنا ورايا مدرسة
عمر:قومي يابت غو..ري بدل ما والله ما اخليكي تروحي المخر.وبة دي تاني وبعدين أنا عايز فلوس
والمخر..وبة اللي بتروحيها دي ما بتأكلناش عيش
أنا صابر بس عشان زي مابتقولي لما تاخدي الشهادة دي تشتغلي وتجبيلي فلوس كتير
نجمة بدموع:بس النهاردة اول يوم ولازم اروح عشان اثبت حضوري وبعدين أنا لسة مدياك فلوس اول امبارح
عمر:الفلوس خلصت
نجمة:طب خد المتين جنيه دول وسبني اروح المدرسة واطلع من المدرسة على الشغل
عمر:طب هاتي مية كمان
نجمة:والله مامعايا غير ميت جنيه هصرفهم في المواصلات الكام يوم دول لحد اما اقبض
عمر:ماشي بس لما تجيلي هتديني متين كمان
نجمة:هاجيبهم منين م إنت عارف بقبض ب الاسبوع وكل الفلوس اللي معايا إنت بتاخدهم
وفاضل تلت ايام على القبض
عمر:مليش فيه إنتِ تتصرفي
نجمة بهم: حاضر
عمر:يالا غو..ري شوفي هتعملي ايه
وانتهى الموقف بكسرة الاخت الصغيرة وهي شايفة اخوها الكبير بيعمل ايه وبتعدي الايام وهي بتتكسر اكتر بسبب مُعاملة اخوها ومستنية ربنا يا يخادها
يا ياخدو
الموقفين حقيقة في الموقف الاول الاخ جي بمعنى الاب والصاحب وكل حاجة للاخت
وفي الموقف التاني الاخ جي بمعنى اكتر حد بيجي على الاخت والاخت بتتمنى كُل يوم اليوم يخلص وتنام متصحاش
تم اتمنى الإسكريبت يعجبكو ولو عجبكو ادعموني بكومنت وريأكت شكرا
سلسلة من الواقع
بقلم منه الله محمد
✍️🌸

:أنتِ مالكيش لازمة
:عايزه تتعلمي ليه ما أنتِ اخرِك هتم..وتي
وأنتِ لوحدك
(أنا رنا فى أخر سنة كُلية هندسة حصلتلي
حادثة خلتني قَعيده علىَ كُرسي مُتحرك ومِن ساعتها وكُل الناس اللي كانو معايا بانو علىَ حقيقتهم وبقو يتنمرو عليا)
فى الجامعة
رنا:ازيكو عاملين ايه
جميله:أنتِ ايه اللي جابِك تُقفي جامبنا اخخ سوري قصدي تُقعدي جمبنا أنتِ فاكرانا كُنا مصاحبينك عشان جمال عيونك إحنا كُنا مصاحبينك عشان
كنتي بتخرجينا وتلخصلنا المُحاضرات لكن دلوقتي خلاص بقيتي عاجزه امشي كِده وراحِت زقتها بالكُرسي علىَ الأرض جت بنات ساعدتها
وقعدتها علىَ الكُرسي
رنا للبنات اللي ساعدوها:شكرًا وراحِت بصت علىَ جميله وقالت
رنا:اما أنتو أحب اقولكو إن ربنا بيقول
{وَاللهُ يَعْلَمُ وَأَنْتُمْ لَا تَعْلَمُونَ}
فى البيت
رجعِت رنا البيت وفضلِت تعيط
بعد فتره
طلعِت رنا مِن المُستشفى بعد ما عملِت عملية ورجعت وقفت علىَ رجليها
فى الجامعه
دخلِت بنت جديده تمامًا عن البنت القديمة
رنا:اهلًا ي بنات
جميله:رنا
رنا:ايوه رنا ايه إتفاجئتي مَكُنتيش تَتوقعي صح
جميله:رنا أنا مكنش قصدي أأنا كُنت به
رنا بمُقاطعه:معلش أصلي مِش فاضية ليكي
باي ومشيت
وجت الأمتحانات ونجحِت رنا بأمتياز.
باك
ودلوقتي بقت مهندسة معروفة ومشهورة بعد ما عملِت عمليه ورجعِت وقفِت علىَ رجليها ونجحت
قال الله تعالى
{وَبَشِّرِ الصَّابِرِينَ * الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ * أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}
النهاية
سلسلة لا للتنمُر
بقلم منه الله محمد حسين