Fiat Tipo support

أعضاء الجروب وملاك التيبو🥰
نتمنا لكم استلام السياره بطريقه صحيحه امنه
🌹

معلومات هامه عند الإستلام
للتيبو
____________________

1- فحص العربيه كامله خارجياً وداخلياً قبل إستلام اى ورقه بالسياره .
يفضل إزاله الورق الأبيض كاملاً للفحص .

2- الفحص الخارجي لصاج السياره بشكل جيد ( تركيزاً بالعتب ) .

3- فحص الكاوتش كاملاً والتأكد انهم بتاريخ موحد وإنتاج 2020

4- تشييك على كل سوائل العربيه ( الزيت - قربه المياه - مياه المساحات - زيت الفرامل ) .

5- تشييك على المساحات والمياه .

6- فتح كبوت العربيه وفحص الاجزاء الخارجيه والمصابيح الاماميه والخلفيه والفوجات .

7- يوجد كيس بالشنطه به ( كتالوج السياره - طفايه السجائر - الولاعه - الاريال الأصلي - مسامير تعليق اللوحات ) ملحوظه : بعض الفئات ليس به ولاعه.

8- التأكد من وجود كتالوج الخاص بالسياره والضمان ومراجعته جيداً .

9- تشييك على العده مع الاستبن ( كوريك - مفك - مفتاح كوريك - قمع - شنكل جر )
ملحوظه ( القمع مهم جداً ) .

10- فتح الابواب الاربعه وغلقهم اكتر من مره للتشيك عليهم .

11- فتح الكبوت والشنطه وغلقهم اكتر من مره (فتح الشنطه من الداخل و بالريموت ) .

12- تشييك على الصالون كاملا والتأكد ان ليس به اى تجريح او مشكله .

13- تشييك على الكراسي وحركتها ومقابضها تأكد انها تتحرك بسهوله .

14- تشييك على جميع انوار العربيه والعالي والواطى وموتور التحكم بالاضأه .

15- تشييك على رفع زجاج السياره كاملاً وانه يعمل بشكل جيد وكذلك المرايات .

16- تشييك على التكييف البارد والسخن وجميع مستوياته .

17- تشييك على فرامل اليد والفتيس وتحريك الساره للامام والخلف .

18- تشييك على الكاميرا فى الهاى لاين فى حاله الرجوع للخلف .

19- تشييك على عداد العربيه بأن لا يتعدى عداد 50 ك.م .

20- تشييك على السينسور في الهاي لاين .

21- التشييك على إضاءه السياره بالداخل وفرش الكراسي .

22- تجربه المالتي الموجود بالطاره وإعدادات كومبيوتر الرحلات والتأكد انها تعمل بشكل جيد .

23- تشييك على جميع الازرار داخل السياره .

24- تجربه الكاسيت بشكل كامل والنظام الصوتى والبلوتوث ان وجد والتأكد ان جميع ان جميع السماعات ووصلات الكاسيت تعمل بشكل جيد .

25- التأكد من ضبط المرايات بالكهرباء .

26- يسلم 2 مفتاح ( الريموت - مفتاح عادى) .

ملحوظه: لن يقبل بوستات من نوعيه استلم ايه مع العربيه
البوست مثبت في الإعلامات دائما
مع تمنياتي بلتوفيق للجميع

Fiat Tipo Sedan (automatic)
Baseline

المواصفات الفنيه
الأداء والمواصفات الفنية:
متور ١٦٠٠cc
١١٠ حصان
عزم ١٥٢ نيوتن/٤٥٠٠ لفه
اوتوماتيك ٦ نقلات
الشنطه ٥٢٠ لتر
Saftey_الامان

Abs_Ebd_Esp
٢وسائد هوائيه
نظام مراقبه ضغط الاطارات (الكوتش)

Options&Design_الكماليت

جنط ١٦ رياضي شكل جديد
مصابيح ضباب اماميه خلفيه
ضبط ارتفاع حزمه الضوء الأمامية
شاشه ٥ بوصه بلوتوث و USB
لوحه عرض ٣,٥ بوصه من نوع TFT
تكيف هواء يدوي شكل جديد يدور حوله نيكل
زجاج كهرباء
عجله القياده متعدده الوظائف
مثبت سرعه
عجله الالكترونيه
التحكم في وضعيه عجله القياده
مريا الزاويه كهرباء ضبابها كهربائية
مصابيح اضائه اماميه مستمرة
مسند يد امامي للسائق
مساند رأس اماميه و خلفيه
ضبط ارتفاع مقعد السائق
حساسات للحراره
قفل مركزي للابواب بالتحكم عن بعد
مصابيح LED اماميه بالكامل
شاحن wireless
ولاعه+طفايه

اقبل يا ادمن بعد اذنك
تم تجديد العروض ليوم الجمعة القادمة قبل نزول الاسعار الجديدة

تعالي اقولك علي معالجات كان ملاحظة فالتيبو كدة.

و قبل منبدا متفتكرش ان دي عيوب او مشكلة فالعربية.. كل الملاحظات دي طبيعية جداً خاصة فالعربيات الاقتصادية او الفئة المتوسطة و موجودة فكل عربيات الفئة دي تقريباً.
حتي لو معاك عربية تانية تقدر تتبع نفس الكلام.

📌صوت صفارة الفرامل:
الصوت ده طبيعي جداً فالعربيات الاوروبية نتيجة خامات التصنيع المختلفة لتكون صديقة للبيئة و متكونش مسرطنة.
حلها بسيط جداً.. سبراي تنضيف و بيتم رش منظومة الفرامل هتمنع معاك الصوت.

📌بلالين الكوتش:
لاصحاب الهايلاين بالزات. بردو دي مشكلة شوارعنا مش مشكلة كوتش.
الحل ان في نوع كوتش ممتاز و قوي جداً مش هيعمل معاك بلالين.
و الميزة ان سعره كويس. الكوتش ده bridgestone potenza. الفردو ال١٧ بحوالي ١٥٠٠

📌اصوات هبد فالعافشة:
الصوت ده ٩٠٪؜ بيبقي طبيعي مش مشكلة فالعافشة.
حلها بردو بسيط جداً. هتروح لا عفشجي او التوكيل و تقولهم عايز اعمل عازل للسوست.
بيتم تركيب خراطيم اخر عقبة فالسوستة عشان تبقي عازلة بين السوسته و بين قاعدة المساعد. و دي غير مكلفة نهائي ممكن تعمل فحدود ٢٠٠ جنيه.

📌صوت تزييق الابواب:
صوت بيظهر فبعض العربيات الجديدة و ده بيطلع من احتكاك كوتش الابواب مع الصاج.
بردو حله بسيط. بتجيب سبراي سيليكون و ترش كوتش الابواب هيمنع معاك الصوت.
افضل ماركة liqui moli.

📌العربية مش بتدور الصبح من اول مرة:
طبعاً دي مشكلة شائعة بسبب بنزين.
هتدي اول تكة و تبطل مرتين تلاتة و بعدين تدور.
و استخدم منظفات دورة بنزين او اوكتين من motul. و طبعاً غير البنزينة المرة الجاية.

لو اي حد عنده ملحوظة تانية يقول و باذن الله افيده فيها

منظومة الفرامل .. لها ما لها و عليها ما عليها 😯😂

🔥تصفير التيل مش مؤشر حتمي علي أنتهاءه .. ممكن يكون مجرد تراب هو اللي عامل الصوت ده .

🔥تيل الفرامل اللي بيهبب الجنط مش سيء .. لأنه بيكون free asbestos و صديق للبيئة .. و "الأسبيستوس" من مسببات السرطان .

🔥التيل اللي بيخلص بسرعة ده ميزة اكتر منه عيب .. لأنه لما يخلص بسرعة و يحافظ عالطنابير أفضل من أنه يفضل زي ماهو و الطنابير هي اللي تتاكل .

🔥التيل اللي بيصفر مش بالضرورة يكون نوعية سيئة .. ممكن تكون المشكلة في الطنابير نفسها .

🔥التيل ملهوش عدد كيلوات ثابت للتغيير .. أستخدامي غير أستخدامك و كل شخص ليه أسلوب قيادة مختلف .

🔥منظومة الفرامل الخلفية ال "Drums" بتحتاج تنضيف و مراجعة كل ١٠ ألاف كم للتأكد من كفاءة عملها .. بلاش إهمالها .

🔥تيل الألنترا و السيراتو بيركب عادي للتيبو .. لكن صدقني أنت اللي هتدفع التمن غالي لما يبوظلك الطنابير .. و لو مبوظهاش فيكفيني أقولك أنه بيغطي مساحة ٧٥٪ فقط من سطح التلامس عكس التيل الأصلي و بالتالي كفاءة الفرامل هتقل كتير .

🔥زيت الفرامل مبيتزودش .. زيت الفرامل بينقص من فرق تأكل التيل .. و بيرجع لمستواه الطبيعي مرة تانية لما بتركب التيل الجديد .. مع مراعاة اختباره بجهاز الرطوبة بصفة دورية لو الرطوبة أكتر من ٢٪ يتغير .. مع مراعاة تغييره كل ٣ سنوات .

🔥قياس التيل ال STD في التيبو بيكون ١٢ مللي .. و الحد الأمن للتغيير هو ٣مللي ( ٢٥٪ ) .

🔥الشفة الخارجية للطنابير غير مؤثرة علي كفاءة عمل الفرامل .. تقلق بس لو في شفة في سطح التلامس مع التيل .

👈و أخيرآ .. أفضل الأنواع الموجودة في السوق بديلة للتيل الأصلي للفيات التيبو هي Kale ، Samko , Icer .

النهاردة هتكلم عن جزء مظلوم في العربية .... معظم الناس بتعتبره حاجة مالهاش لازمة .... ومجرد جزء الخواجات عاملينه عشان العربيات تمشي حلو في بلادهم ... إنما احنا في مصر الجو عندنا حر ... يا عم شييييل ..
فكل ما حد يشتكي إن عربيته بتسخن... تلاقي أول حاجة الناس تقولها: "شيل ثرموستات الكوعة"
لو عرفت الفايدة من ثرموستات الكوعة هتعرف ينفع نشيله ولا لأ
بس الأول .... إيه هو ثرموستات الكوعة؟؟
ثرموستات الكوعة هو عبارة عن "محبس"، موجود ما بين الموتور والرادياتير، مهمته إنه يتحكم في وصول المياه للرادياتير
المحبس ده بيفتح ويقفل بطريقة أوتوماتيكية ومن غير أي تدخل خارجي، يعني ولا حساس ولا كمبيوتر.
من وجهة نظري فكرته عبقرية
فكرة المحبس ده ببساطة هي نفس فكرة الثرمومتر الزئبقي... اللي جواه زئبق بيتمدد مع الحرارة ومنه نقدر نعرف درجة الحرارة كام
الثرموستات ده عبارة عن اسطوانة جواها مادة بتمدد بالحرارة برضو... المادة دي هي شمع البارافين، ولما الشمع يتعرض لدرجة حرارة عالية بيتمدد ويخلي الاسطوانة تتحرك تدريجيا بعيد عن اسطوانة المحبس.
الترموستات بيبقى متعاير (مظبوط) على درجة حرارة معينة (بتبقى مكتوبة عليه)... اللي عندها بيبقى مفتوح على الآخر
طيب ... إيه اللي بيحصل لما الثرموستات ده بيبقى راكب وشغال صح في العربية؟؟
أول ما بتشغل العربية مية التبريد بتبقى باردة، ولو المية دي راحت على الرادياتير هيبردها أكتر... في الحالة دي الثرموستات بيبقى قافل ويمنع المية تروح الرادياتير عشان الموتور يسخن بسرعة وياخد وضع التشغيل بأسرع وقت،
ولما المياه تسخن يبدأ يفتح السكة للرادياتير عشان يبردها...
ولو الرادياتير قدر إنه يبرد المية أكتر من اللازم.. الثرموستات هيقفل تاني لحد ما المية توصل للحرارة المطلوبة وبعدين يفتح ... وهكذا
وبكده يحافظ على درجة حرارة ثابتة للتشغيل
عشان كده... ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية
طيب ليه الناس بتقول نلغي الثرموستات لو العربية فيها مشاكل سخونية؟؟
مشكلة ثرموستات الكوعة إنه ممكن يعطل وما يتحركش، وغالبا بيعطل في الوضع المقفول (أو النص مقفول)، وفي الوضع ده المية مش هتتبرد بما يكفي في الرادياتير
بس أهم ميزة في ثرموستات الكوعة إنه بيساعد كمان على التبريد المنتظم للموتور.... لوشلته الموتور مش حيتبرد كويس، وهتبقى السلندرات الأمامية (القريبة من الثرموستات) باردة والسلندرات البعيدة سخنة زيادة عن اللزوم.
ده غير إنك في الشتا لو سقت على طريق سريع ... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان
طيب ليه درجة حرارة التشغيل لازم تبقى ثابتة؟؟
الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة
لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. وده بيعمل تآكل ما بين الشمايز والبساتم وعمود الكرنك ده غير إن الزيت ما بيكونش وصل للزوجة الصحيحة للتزييت.
من الآخر... الموتور البارد موتور بيفوت بسرعة.
طيب إيه أهم أعطال الثرموستات؟؟
الثرموستات لما يعطل معناه إنه ما بقاش يعمل المطلوب منه.. إنه يفتح ويقفل مع تغير درجة حرارة المية..
فممكن يعطل وهو مقفول... وفي الحالة دي يبقى الشمع اللي جواه اتسرب.. في الحالة دي لازم الثرموستات يتغير فورا.
وغالبا... الحكاية دي بتخلي الموتور يسخن قوي ، ولازم نشيك على ثرموستات الكوعة قبل ما نصلح العطل الأساسي اللي سبب السخونية القوية دي.
أو ممكن يعطل وهو مفتوح (أو نص مفتوح)، وعادة دي بتحصل لما الصدا يكتر في مية الرادياتير ويحصل ترسبات على الثرموستات تخليه يتحجر...
وهنا غالبا العربية مش هتسخن كويس... في الحالة دي لازم نغير الثرموستات وننضف دايرة التبريد كويس ونحط ميه خضرا.
اض
أنا عامل الموضوع ده أساسا عشان الأسطورة الشايعة اللي بتقول: " ثرموستات الكوعة للدول الباردة بس"
الدول اللي الجو عندهم بارد مشاكلهم في المية ... مش الثرموستات... لإن المية بتجمد في الشتاء، وحتى لو الثرموستات موجود وشغال كويس، المية بتبقى متجمدة في الرادياتير ... وبرضو الموتور بيجيب وش سلندر علشان بيسخن ومفيش ميه دخلت تبرده (ماهي متجمدة في الرادياتير!!!).
المشكلة دي بتتحل عندهم بإنهم يحطو مية خضرا في الرادياتير
إنما ثرموستات الكوعة شغلته إنه يحافظ على درجة حرارة التشغيل ثابتة من غير تأثر بالجو الخارجي، يعني لما تمشي في الزحمة العربية ما تسخنش، ولما تسوق على الصحراوي العربية ما تبردش.
كون إن العربية مش بتسخن بسرعة ده مش ميزة... ده عيب ... زيه زي سخونية العربية.... بس زي ما قلت قبل كده... تأثيره مش بنحسه مباشرة... إنما هتضطر تعمر موتورك قريب

شرح كيف أعرف ان طرمبة البنزين ضعيفة

كيف اعرف ان بمبه البنزينه (بمبه تشي) ضعيفة , يمكننا معرفة ذلك من خلال مشاكل وأعطال بمبه البنزين في السيارة والتي نستطيع من خلالها أن نعرف حلتها ونحدد أنها ضعيفة أو تعرضت للتلف ، حيث أن أغلب القطع في السيارات تظهر بعض الأعراض على قرب تلفها ويبدأ هذا الأمر بحدوث بعض التغييرات البسيطة في أداء محرك السيارة وهنا يجب على السائق الانتباه الى هذه التغييرات او العلامات وصيانتها حتى لاتتعرض لعطل مفاجئ يؤدي الى توقف السيارة على الطريق ،

بمبه البنزين : fuel pump

- موضوعنا اليوم حول أعراض تلف بمبه البنزين ( مضخة البنزين ) وكيف تعرف أنها أصبحت ضعيفة وتحتاج الى صيانة وهي كالتالي :

- 1 - توقف المحرك بشكل مفاجئ عن العمل :

عند تلف مضخة البنزين ، أو اذا تعرضت مضخة البنزين للتلف سيتوقف المحرك عن العمل وعند محاولة اعادة تشغيله مرة أخرى لن يعمل ، لأنه وببساطة الوقود لايصل الى محرك السيارة نتيجة تلف مضخة الوقود ، فأول شيء نقوم بها اذا لم تشتغل السيارة او توقفت بشكل مفاجئ هو التأكد من وصول الوقود الى المحرك أولاً اذا كان الوقود لايصل الى المحرك ، وطبعاً هذا في حالة اذا لم يكن خزان سيارتك فارغاً من البنزين ، وقد شرحنا في موضوع سابق طريقة فحص مضخة الوقود ومعرفة هل تعمل أو لا

- 2 - ملاحظة إهتزاز محرك السيارة :

- من بين العلامات التي تدل على ضعف بمبه البنزين في السيارة هي ظهور إهتزاز غير عادي في محرك السيارة عندما يكون المحرك يعمل والعجلات متوقفة عند السرعة الخاملة علي الملمو

- 3 - ملاحظة ضعف في عزم محرك السيارة :

ستؤدي الى ضعف في عزم محرك السيارة نتيجة عدم ضخ البنزين بصورة طبيعية الى المحرك

- 4 - تقطيع في أداء المحرك عن المشي بالسيارة ، وأيضاً ظهور مشاكل وصعوبات في تشغيل السيارة

وللاشارة بعض هذه الأعراض التي ذكرناها في هذا الموضوع ، قد تظهر مشابهة تماماً عند تلف بعض القطع الاخرى في محرك السيارة مثل فلتر البنزين و الشماعي لهذا يجب التأكد من العطل قبل تغيير أي جزء في السيارة .

اقبل يا ادمن بعد اذنك
باقي اسبوع علي انتهاء العروض

مشكلة شائعة بقالها فترة.

اصحي الصبح ادور العربية متدورش من اول مرة.
بتبرجل شوية فالاول
صوت الموتور عالي
نتشة بسيطة.

كل دي اعراض بنزين مش نضيف. حتي لو ٩٥. للاسف البنزين فمصر دلوقتي بقي بشع مش عارف ليه، و قليل اما تلاقي بنزينة نضيفة.

انضف البنزينات حالياً
بنزينة chill out
بنزينة mobile اللي فيها on the run فقط.

و للاسف بردو مش كلهم.

طيب لو حصل معاك المشكلة دي تعمل ايه؟
لو الدنيا بايظة خالص يفضل تفضي تانك البنزين عند اي ميكانيكي.
او تجيب اضافات محسنات الوقود زي الoctane booster و injection cleaner.

و بردو في منهم مضروب كتير😅.

اضمن حاجة ماركة motul and liqui moli.

أيه الي بيبوظ تلاجة التكييف الداخلية و ازاي نحافظ عليها ؟
- رقم واحد الحفاظ علي تغيير فلتر التكييف بأستمرار .
- رقم ٢ و دي أهم لازم قبل ما توصل مشوارك ب ٣ دقايق تفصل الكومبريسور و تسيب المروحة شغالة تجفف المية الي جوة الكويل .

زيت الفرامل وهل تغييره صح أو خطأ ؟
فزيت الفرامل في السيارة هو عبارة عن قوة مساعدة هيدروليكية تقوم بالعمل على ايقاف السيارة في الوقت والمسافة المناسبة وكما هو معلوم فدائرة الفرامل هي دائرة مغلقة بحيث يجب تفادي وجود أي تسريب في زيت الفرامل
فالعديد من سائقي السيارات يجهل أهمية هذا الزيت وأنه من الواجب تغييره كل فترة معينة فزيت الفرامل من أهم سلبياته هي امتصاص الرطوبة من الهواء المحيط به فيمكنك ملاحظة هذا بوضوح عند فتح غطاء زيت الفرامل لاحدى السيارات التي لم يسبق أن تم تغيير الزيت بها من قبل فيمكنك رؤية تكون طبقة فوق الزيت تظهر بوضوح ومع مرور وقت أكبر ستلاحظ تكون أو تراكم ترسبات تشبه التراب أسفل علبة الزيت فهذه الترسبات لاتتناسب مع نظام الـABS في السيارة مما قد يعطله عن العمل بالشكل المناسب ويتسبب في مشاكل عديدة

فتجد صاحب السيارة قام بتغيير الفرامل فحمات الفرامل وديسك الفرامل مع تنظيف كل شئ وعند استعمال السيارة يجد ان الفرامل مازالت لاتعمل بالشكل المطلوب فالمشكل يكون في زيت الفرامل فله أثر كبير جدا على أداء الفرامل في السيارة
فزيت الفرامل من الواجب تغييره كل سنتين اذا أردت الحفاظ على سلامتك وسلامة سيارتك فوظيفة زيت الفرامل هي نقل الضغط من علبة الفرامل الى الكليبرات ومن خصائص الزيت أن لا يكون قابل للضغط ويجب أن تتوفر فيه اللزوجة المطلوبة التي تشتغل في جميع درجات الحرارة وله وظيفة أخرى هي الحفاظ على الأجزاء الداخلية لنظام الفرامل فهو يعمل كمزيت أيضا كما يجب أن يكون مقاوم للصدى لهذا يجب الحرص دائما على شراء زيت الفرامل ذو جودة عالية حتى لو كان ذو تكلفة مرتفعة

فعند مرور سنوات على استعمال السيارة دون تغيير زيت الفرامل فمسافة التوقف للسيارة لن تكون جيدة كما في السابق بحيث ستزداد مسافة التوقف لهذا ينصح بتغيير زيت الفرامل كل سنتين او ٤٠٠٠٠ الف كيلو و الا ستسبب في تلف الماستر العمومي أو احد الماستر الفرعية

خطوات استلام fiat tipo

*الموضوع سهل خالص ومايقلقش*

*هتاخد نظرة خارجية شامله على العربية هتشوف فوارق الابواب والكابوت والشنطة والاكصدامات وكمان انتظام السوك( وهى البروزات اللى على جسم العربية من الخارج ) كلها زى بعضها ولا لاء واللون واحد بدون تجريح او رش وكمان بص على الجنوط سليمة ولا فى تجريح ومشى ظهر أيدك على أجناب العربية بالكامل والاكصدامات وشوف هتحس بنفس نعومة البويا ولا فى اختلاف فى جزء عن باقى أجزاءها لو الإحساس اختلف بقى انعم او اخشن هيبقى فى الجزء المرشوش ولو فب ورق علي العربية ابقي شيلو .
*بص العربية ماشية كام كم لو بتستلم من التوكيل او موزع معتمد العداد حيبقى اقل من ٢٠ كم لانها بتتنقل على كساحه
لو كنت بتشترى من صالة خلى بالك من العداد ماشى كام لو رقم كبير ماتاخدهاش لان معنى كده انها بتلف من صاله لصالة وده بيوديها وده بيجيبها
*هتجرب جميع الأنوار والفوجات والإشارات الخارجية والداخلية الأمامية والخلفية والكلاكس و هتجرب اى زرار جوه العربية ولو مش عارف ده بتاع ايه او تشغله ازاى هو موظف التوكيل لو هتشتري من التوكيل هيعرفك كل حاجة ، افتح الشنطة من الداخل وغطا التنك من الخارج وجرب كل زراير الازاز الكهربا وجرب الريموت وخلي بالك علشان هو ريموت واحد و ثمنة 9000ج والمفتاحةالتاني منغير ريموت .
*هتبص على الاستبن والعدة اللى مع العربيةكوريك مفتاح عجل مفك وخلافه واريال الراديو وقمع بنزين وكتالوج وكتاب الضمان والدوستين الهدية بتوع الكرسين اللي قدام
*بص علي تاريخ الصنع بتاع الكاوتش اللى هو رقم مكتوب جنب كلمة DOT يبقوا كلهم نفس الرقم
* بعد كده جرب الكاسيت والموظف هيفهمك شاشة العدادات والاوبشن اللي فيها سريعا مش هتفتكر حاجة منو طبعا بس متقلقش علي رواقة في فيديو كنت منزلة علي الجروب في شرح بالتفصيل ، وبص علي التكييف سخن وساقع على سرعات مختلفه .
** بعد كده لو كله تمام تمضى على استلام العربية**

* تسألهم هتاخد ورق العربية امتى و صورة افراج العربية
بيان بسداد تمن السيارة والرسوم الجمركى المقررة باسم الوكيل
خطاب من الوكيل لإدارة المرور اللى انت تختاره يفيد شراءك لها لترخيصها باسمك من التوكيل
*فاتورة من التوكيل لك يفيد شراءك للعربية مرفق بيها بيان بسعر السيارة الفعلى والرسوم وإجمالي السعر النهاءى
لما تستلم الورق ده حاتقدر ترخص
*ماتدوسش على الفرامل جامد اول ٣٠٠ كم الا فى حالة الضرورة
*ماتجريش جامد بالعربية اول ١٠٠٠ كم والآر بى ام مايعديش 3 لفه /دقيقة وماتسمعش كلام اللى يقولك اجرى الماتور متلين ده كلام مش مظبوط هو فعلا متلين لكن الفتيس جديد
ولازم تخلى الماتور والفتيس بينهم تناغم ويأخذوا على بعض على سرعات مش عالية .
*تابع معدل استهلاك الوقود واطمن العربية حتظبط فى الاستهلاك سواء باقل او اعلى بعد اول 1500كم .
*لو عربيتك فيها مثبت سرعة جربه وانت ماشى .
*مهم او لماتستلمها تظبط ضغط الاطارات لانها بتكون مضغوطه بهواء زيادة جدا بسبب الشحن والسفر بالبحر والتخزين

* ونصيحة للي لسة جديد في السواقة وشاري العربية كاش امن علي العربية اول سنة لحد ما تتظبط علشان قطع الغيار مش رخيصة .

أسباب إضاءة علامة ABS في السيارة

ما هو نظام ABS ؟
عند حالات الطوارئ أثناء القيادة، يقوم السائق عادة بالضغط على دواسة المكابح بشكل عنيف وفجائي، ما يؤدي تلقائيا إلى انزلاق الإطارات إلى الأمام من دون أي قدرة فعلية على التحكم في وجهة السيارة.

فالكبح السليم يجب أن يكون عبر تهدئة دوران العجلات بسلاسة بحيث يبقى التلامس بين الإطار والأرض على نحو سليم، ما يسمح للسائق في نفس الوقت بتوجيه السيارة بشكل عادي إلى حين التوقف، حتى أثناء عملية الكبح القوي.

ومن هنا أهمية الدور الذي تلعبه تقنية التشغيل ABS كونها نظام أمان يعمل عند الكبح الشديد لمنع العجلات من التوقف عن الدوران أثناء الفرملة وانزلاقها تلقائيا إلى الأمام.

لتفعيل النظام، ما على السائق سوى الضغط على دواسة المكابح بقوة، فيقوم النظام التكنولوجي بالعمل تلقائيا على ضبط عملية الكبح. ولكن في بعض الحالات، يحدث عطل ما في النظام فتضاء علامة ABS في الشاشة الأمامية من مقصورة السيارة.

أسباب إضاءة علامة ABS في السيارة
في حال إضاءة لمبة ABS، يجب اتخاذ خطوات سريعة للكشف عن سبب المشكلة قبل تفاقمها:

– لنبدأ أولا بتحديد الفيوز الخاص بنظام المكابح ABS ، فإذا كان تالفا عليكم تغييره، وإذا كان سليما ننتقل إلى سبب آخر للمشكلة.

– تتضمن الخطوة التالية الكشف على مستوى زيت الفرامل وإن كان ناقصا أم زائدا، بحيث يجب أن يكون مستوى الزيت في علبة الفرامل بين علامتي الـ Min والـ Max. وقد يتبين هنا أن أساس المشكلة هو تسريب في دورة الزيت بحيث يمكن معالجتها بسرعة.

– إذا كان مستوى زيت الفرامل جيدا، يجب التأكد عندها من احتمال وجود خطأ كهربائي بسيط في كمبيوتر السيارة. وللتأكد من ذلك، قوموا بغلق المحرك وفصل كابل البطارية عن نظام السيارة، ثم انتظروا لمدة 30 دقيقة وقوموا بإعادة توصيلها وتدوير المحرك. فيجب أن يختفي عندها ضوء علامة ABS من الشاشة.

– وفي حال فشل كل الخطوات المذكورة أعلاه، من الأفضل التوجه فورا إلى ميكانيكي متخصص قادر على فحص السيارة للتأكد من سلامة التوصيلات والأسلاك الخاصة بحساسات نظام ABS، وقد يقوم بتنظيف هذه الحساسات أم تغييرها لحل المشكلة.

♠️ أنظمة الفرامل فى التيبو ♠️

⚠️ أنظمة الفرامل موجوده فى جميع فئات التيبو .

----------------------------------------------------

‏✅ ABS أختصار (Anti-Lock Braking System)
نظام فرامل ABS هو مانع لتثبيت العجل أثناء الفرامل .. بمعنى
انك لو دوست فرامل التيل مش بيمسك فى الطنابير بشكل ثابت بحيث انه يعمل توقف تام للعجله .. هو عباره عن ضغط متكرر من التيل على الطنابير ممكن توصل ل ١٠ مرات فى الثانيه .. فايدته هو عدم تثبيت العجله مره واحد اللى ممكن ينتج عنها تزحلق العجل أثناء الفرامل بالتالى نقطة الوقوف اللى كنت عاملها تبقى ابعد .

----------------------------------------------------

‏✅ EBD أختصار( Electronic Brake Force Distribution )
نظام فرامل EBD هو توزيع مختلف للفرامل بمعنى كل عجله
ليها نسبتها فى قوة الفرامل تختلف عن الأخرى .. مثال لو ماشى على طريق والجزء الأيمن من الحاره فى طينه والأيسر جاف
لما نيجيى ندوس فرامل الجزء الأيمن مش هيحصل فى نفس نسبة الفرامل الموجوده بالأيسر بالتالى الثبات هيختل .. هنا بقى دور النظام أنه يشتغل ودا عن طريق مستشعرات السرعه الموجوده به .

----------------------------------------------------

‏✅ DTC أختصار ( Drag Torque Control )
النظام دى بيشتغل على الإختلال اللحظى للسرعه بمعنى لو سقطت نقله أو سيبت دواسة البنزين بسرعه .. هيحصل أختلال فى سرعة العجل .. لو افترضنا ان الأرض تسمح بالتزحلق .. هنا بقى بيجيى دور النظام فى استعادة عزم الموتور للحفاظ على الثبات .

----------------------------------------------------

‏✅ ESC أختصار ( Electronic Stability Control )
النظام دا خاص بالثبات فى التوجيه مع السرعات العاليه ، وبيعتمد فى عمله على ( حساس السرعه فى كل عجله - زاوية الدريكسيون - مستشعر دوران على محور رأسى ) ، مثال : مع سرعه كسرت دريكسيون بسرعه شمال ، حساس الدريكسيون بعت رساله للكونترول ان الجزء الأمامى داخل شمال وحساس الدوران بعت اشاره ان وزن العربيه لسه طالع لقدام هنا بقى دور النظام لتفعيل الفرامل على العجل خلفى شمال علشان يساعد فى حفظ التوازن ، ونلخص اللى فات ان النظام بيحافظ على التوازن فى الجنبين من الإنقلاب .

----------------------------------------------------

‏✅ TC أختصار ( Traction Control )
طريقة عمله على نظام ال ABS و THROTTLE البوابه
وبيقرا اشارته من حساس السرعه فى كل عجله وهو خاص بعدم لف دوران العجل على الفاضى ، بمعنى انه لو لقى عجل بتلف اكتر من باقى العجلات بيفعل الفرامل عليها علشان تتماسك اكتر فى الأرض و بيتحكم فى العزم عن طريق البوابه علشان يخفض دوران المحرك ويخرج معاها العزم المطلوب .

----------------------------------------------------

‏✅ PBA أختصار ( Panic Brake Assist )
النظام دا بيساعد فى تسهيل القوه عن رجلك فى حالة فرملة الهلع وبيحس بيها من خلال سنسور بيقيس سرعة دوستك على الفرامل النظام دا هتحس بيه جداً فى رجلك " تأثيره ملحوظ " وهنا بقى بيعلى ترددات ال ABS وهتحس برجه جامده فى رجلك ودا امر طبيعى جداً .

----------------------------------------------------

‏✅ ERM إختصار ( Electronic Rollover Mitigation )
ماشيين بسرعه واكتشفنا حاجه قدمنا والفرامل مش هتنقذ الموقف أو وراك حد ... بالتالى هتنقل لحاره تانيه بسرعه من الأخر " غرزه " هنا بقى يجيى دور النظام دا انه يحافظ على درجة ميل العربيه الجانبى برضه بتفعيل الفرامل لرجوع اتزان العربيه من تانى .. ودا مهم جداً خصوصاً لإرتفاع التيبو عن مستوى الأرض .

----------------------------------------------------

‏✅ TCS إختصار ( Trailer Sway Control )
النظام دا بيساعد على عدم الإهتزاز فى التيبو عن طريق خفض عزم الموتور وتفعيل الفرامل فى بعض العجل .. ودا خاص بثبات التيبو أثناء مرورك جنب مقطوره او اوتوبيس اللى من خلالها بتعمل ضغط بيأثر على الثبات .

----------------------------------------------------

‏✅ HHC أختصار ( Hill Hold Control )
العربيه واقفه على مطلع درجة ميله ٥٪؜ او اكتر ودايس فرامل والفتيس على D هتحس ان دواسة الفرامل عملت تكه بسيطه هتحسها ... طيب هنمشى هنسيب فرامل بعدها هتثبت العربيه مكانها ثانيتين بالظبط بعد كدا النظام بيتلغى ودا بيساعد ان العربيه ماتريحش منك الكلام بالعكس فى المنزل عكس ما سبق هيبقى الفتيس R
بالنسبه للمانيوال نفس الكلام لو جايب غيار الاول على مطلع او مارشدير و طالع بضهرك.

فتيس التيبو المانيوال 🇮🇹🖤🇮🇹

علشان الأسئلة الكتير عن فتيس العربيه وانه بيجيب الغيار السادس على سرعة ٦٠ و ازاى و الكلام ده،،

الفتيس ده ايطالى تصميم و تصنيع من شركة فيات نفسها

الفتيس ده نفسه قصير فعلا short shifter و بيديك على الشاشه قصادك بين الغيارات shift up على ٢ rpm عشان ده الideal و بكده توصل سرعه ٦٠ وانت على السادس فعلا،،،

ده بيديك الاستهلاك الامثل للبنزين الموضح فى الارقام الرسميه من الشركة طبقا لنوع الموتور اللى راكب عليه و رقم اوكتان البنزين الموصى بيه و ضغط الكاوتش الموصى بيه مع متغيرات زى الرياح و انحدار الطريق و الشباك مفتوح او مقفول و تشغيل التكيف و هكذا

لو تجاهلت اللى بيتكتب على الشاشه و نقلت على ٣ او ٣ ونص هتبقى زى اى عربيه و مش هتاكل بنزين بالدرجه اللى متخيلها يعنى ولا الزيت هيخلص مثلا،
هتتساق زى اى عربيه

ولو عودت العربيه على النقل على ٣ هتلاقى كلمت shift بتطلعلك متأخر عن ٢ و بتظهر على ال ٣، هى حسب طريقة سواقتك و بتديك اللى انت عايزه حسب دوستك،،،

بالنسبه لسواقة العربيه التيبو المانيوال عشان كتير ناس بتتكلم على انها ليها طريقه معينه و كلام كبير كده و غريب الحقيقه، كل الفكره ان الدواسه كهرباء فبيحصل delay فى الاستجابه فبتحس بفرق عن سواقه العربيات المانيوال المعتاده ليس الا، الفتيس ده قوى جدا و محترم جدا مش شركة فيات و compatible جدا مع الموتور الفاير ال ١٤٠٠ الشهير بتاع فيات و هو ايطالى الاصل و التصنيع ايضا،

الفتيس ده ولا بيرزع ولا بيسحب العربيه و تنط منك و ناعم و سلس جدا و سواقته فى الزحمة ممتعه جدا و مريح جدا وعلى السرعات ايضا فهو جميل فعلا جدا و اللى راكب التيبو مانيوال فاهم و حاسس اللى بقوله، ناهيك عن ان الدبرياج ملبن تحت رجلك و مش ناشف ولا مقرف خالص

ده باختصار عن الفتيس و الاسئلة الكتير

فتيس التيبو المانيوال

علشان الأسئلة الكتير عن فتيس العربيه وانه بيجيب الغيار السادس على سرعة ٦٠ و ازاى و الكلام ده،،

الفتيس ده ايطالى تصميم و تصنيع من شركة فيات نفسها

الفتيس ده نفسه قصير فعلا short shifter و بيديك على الشاشه قصادك بين الغيارات shift up على ٢ rpm عشان ده الideal و بكده توصل سرعه ٦٠ وانت على السادس فعلا،،،

ده بيديك الاستهلاك الامثل للبنزين الموضح فى الارقام الرسميه من الشركة طبقا لنوع الموتور اللى راكب عليه و رقم اوكتان البنزين الموصى بيه و ضغط الكاوتش الموصى بيه مع متغيرات زى الرياح و انحدار الطريق و الشباك مفتوح او مقفول و تشغيل التكيف و هكذا

لو تجاهلت اللى بيتكتب على الشاشه و نقلت على ٣ او ٣ ونص هتبقى زى اى عربيه و مش هتاكل بنزين بالدرجه اللى متخيلها يعنى ولا الزيت هيخلص مثلا،
هتتساق زى اى عربيه

ولو عودت العربيه على النقل على ٣ هتلاقى كلمت shift بتطلعلك متأخر عن ٢ و بتظهر على ال ٣، هى حسب طريقة سواقتك و بتديك اللى انت عايزه حسب دوستك،،،

بالنسبه لسواقة العربيه التيبو المانيوال عشان كتير ناس بتتكلم على انها ليها طريقه معينه و كلام كبير كده و غريب الحقيقه، كل الفكره ان الدواسه كهرباء فبيحصل delay فى الاستجابه فبتحس بفرق عن سواقه العربيات المانيوال المعتاده ليس الا، الفتيس ده قوى جدا و محترم جدا مش شركة فيات و compatible جدا مع الموتور الفاير ال ١٤٠٠ الشهير بتاع فيات و هو ايطالى الاصل و التصنيع ايضا،

الفتيس ده ولا بيرزع ولا بيسحب العربيه و تنط منك و ناعم و سلس جدا و سواقته فى الزحمة ممتعه جدا و مريح جدا وعلى السرعات ايضا فهو جميل فعلا جدا و اللى راكب التيبو مانيوال فاهم و حاسس اللى بقوله، ناهيك عن ان الدبرياج ملبن تحت رجلك و مش ناشف ولا مقرف خالص

ده باختصار عن الفتيس و الاسئلة الكتير

♠️ خاص للمواتير ال ١٤٠٠ ♠️

⚠️ أتمنى البوست دا يفيد ملاك تيبو مانيوال ، ويقدر يطمنهم على العربيه .

----------------------------------------------------

✅ مقياس الزيت ( Dipstick )

مبدأياً مقياس الزيت أو العصايه اللى بنقيس بيها الزيت لا تعبر عن كمية الزيت الكامله داخل الكارتيره هى بتعبر فقط عن ١ لتر الزيت اللى المُصنع سامح بيهم فى النقص ، يعنى أقل من كدا هنبدأ نتكلم فى مخاطر على المُحرك .

----------------------------------------------------

✅ ليه الزيت بيحصله بخر ( Oil Consumption )

علشان نجاوب على السؤال دا لازم نرجع لتصميم المحرك ...

أغلب الشركات المُصنعه كانت بتصنع المواتير بإحكام ومكانتش بتستهلك أى زيت ولكن مع مرور الوقت بدأت حلقات المكبس البستم بالتأكل وتزايد إستهلاك البنزين و ... إلخ ، بدأ إتجاه أخر للتصميم ...

١- تخفيف وزن السياره ودى حلول بيبقى صعب تنفيذها بالكامل .

٢- تحسين الحرق - توقيت الصباب المتغير VVT - التربو

( حرق نفس كمية الوقود وإستخراج أكبر قدر من العزم )

٣- معالجة مقاومة الهواء ( Aerodynamic ) - خفض الإحتكاك الداخلى للمحرك ( Rolling Resistance ) بمعنى أخر مُعالجة هدر القوه داخل المحرك . ودى اللى تهمنا .

أصبح هنا الخلوص بين البستم والسلندر اكبر لتقليل الإحتكاك بينهم وبالتالى هنا فى فرصه لدخول الزيت اكبر فى عملية الحرق جوه غرفة الحرق .

الخلاصه : المُصنع ذاكر النقطه دى فى كتاب المستخدم بصوره مختصره ، ودا مش عيب فى محركات فيات بالعكس شركات كتير موجوده بمحركات قويه ذاكره دا وبتكتب فى شاشة العدادات أنك تزود زيت كل ٣٠٠٠ كم .

⚠️ يوجد صور لمحركات أخرى ( BMW-Audi ) تنبيه لإضافة زيت نظراً للإستهلاك .

----------------------------------------------------

✅ إعتمادية المحركات ال ١٤٠٠ فاير ...

من سنين كتير وفيات بتستخدم المحرك دا سواء فى ( لينيا - بونتو - براڤو ) وفعلاً الموتور دا أثبت نجاحه ومن خلال تجارب الملاك للعربيات دى كان فى شكوى من إستهلاك الزيت فى المحرك ، لكن بعد ال ٣٠ ألف كم الإستهلاك الكتير الغير منتظم دا بقى أما ( إستهلاك قليل بإنتظام - شبه مش موجود ) وتقدر تتأكد من الكلام دا بالرجوع للموضوع دا فى المحركات ال ١٤٠٠ من فيات إسأل ملاكها فى مصر او بره المحركات دى عامله ايه دلوقت .

----------------------------------------------------

✅ لما الزيت ينقص أزود من نفسى ولا أرجع للتوكيل ؟

الموضوع دا فى شبه إجماع فى الأراء أنك الأفضل تزود فى التوكيل ، ليه ؟

١- انك بتزود زيت مجاناً مش محتاج تشترى لتر زيت علشان تزود وتكلف نفسك .

٢- أن فى معدلات إستهلاك للزيت طبيعيه لو حصل تجاوز فى الكميات دى هيبقى فى حاجه غلط فى الموتور وحفاظاً على حقك فى الضمان لازم التوكيل يتابع أفضل .

----------------------------------------------------

✅ ليه مش كل مُلاك التيبو ال ١٤٠٠ نقص ( استهلاك ) الزيت عندهم واحد ؟

دا راجع لأسلوب السواقه ( حرق على الغيارات - الوزن داخل العربيه - ...... إلخ ) والأفضل أنك لازم تحافظ على عدد لفات الموتور فى ال ٣ غيار الأولى انه يكون بين ٢٥٠٠ - ٣٠٠٠ لفه من بعد الغيار ال ٣ تقدر تعدى عدد اللفات دى .

----------------------------------------------------

✅ ليه نقص ( استهلاك ) الزيت هيقل أو هينتظم من ال ٢٠ ألف ؟

الموضوع من خلال التجارب الكتير انه بيقل ليه وايه السبب ؟

١- أسلوب وطريقة القياده بتختلف مع مرور الوقت

٢- لو قولنا أن المحركات الجديده بتنزل ( ملينه ) فا دا مش بيبقى نسبة ١٠٠٪؜ ، فى تطبيع للأجزاء المتحركه داخل الموتور بيحصل مع التشغيل .

--------------------------------------------------

توضيح سريع للى عايز يعرف الفرق بين فئات فيات تيبو مانيوال ( الشكل القديم / face-lift ) :
الاولى :
- ٢ كهربا قدام بس
- ١ ايرباج سواق
- مرايات عاديه مش كهربا
- ٦ سماعات
- مثبت و محدد سرعه
- تراكشن كونترول
- ايه بى اس
- تنبيه ضغط الاطارات
- طاره مالتى فانكشن
- كاسيت يو اس بى فقط و واديو
- باور كهربا باوبشن سيتى درايف
- تكييف بكر
- طارة تليسكوبيه بتتحرك فوق و تحت و قدام وورا
- طاسات على جنط حديد ١٥
-سخان زجاج خلفى
- كنبه مش طى
- مكان كار سيت اطفال
- فتح الشنطه ريموت و من التابلوه
- ١٤٠٠ سى سى موتور فاير ٩٥ حصان
- ٦ نقلات امامى
- كرسى سواق بيعلى و ينزل
- مفيش فوجات
- داى لايت امامى و خلفى
- نظام انارة تتبع ( فولو مى )
- مفيش سينسور ولا كاميرا
- مفيش نواكل جوه ولا بره
- نور شبوره خلفى
- بنزين ٩٥
- ٢ نور صالون قدام وورا
- شنطه ٥٢٠ لتر كبيره جدا
- صالونها واسع جداً
- كروز كنترول و معدل استهلاك وقود
- عزلها حلو جداً و ناعمة و ثابتة جداً فى الملفات و عاليه عن المطبات يعنى المعادله مظبوطه
- hill start assist
،،،،
الفئه التانيه بتزيد بس عن الاولى
- ورا ازاز كهربا
- مرايات كهربا و ليس ضم كهربا
- واحد ايرباج زياده للى جمب السواق
غير كده هى نفس العربيه فى كل حاجه ولا جنوط ولا شاشه ولا اى حاجه

الاسئله الشائعه يا اهل التيبو

اول صيانة امتى ؟
-سنة او ١٠ آلاف كم ، مفيش صيانه ١٠٠٠ كم .

افعل الضمان ازاى؟
-مع اول صيانه هيتفعل اتوماتيك او لو ليك خلق تكلمهم كلمهم على ١٩٩٨٤ بعد الترخيص .

لازم احجز للصيانة ولا اروح على طول 😁؟
- لازم حجز على رقم ١٩٩٨٤
لو فى حاجة طارئة روح من غير حجز و هتاخد دور و تستنى برضو 💀.

اعلق النمر ازاى ؟
-هتجيب حامل نمر بلاستيك او نمر اوروبى و تركبه فى المسامير اللى فى الشنطه اصلا و تعلق عليه النمر ، او تخرم فى الشنطه "ولا يكلف الله نفساً إلا وسعها" 😄.

الكاوتش على كام ؟
- ٣٣ امامى ٣١ خلفى .
مانيوال ٣٢-٣٠ .

لمبه ضغط الكاوتش نورت اعمل ايه ؟
هتتاكد ان مفيش مشكله فى الكاوتش الأول و بعدها هتزود الكاوتش و تمشى شوية بالعربية و تدوس على زرار set ناحية رجلك الشمال .

الكاوتش عمل بالونه؟
-هتغير الكاوتش بنوع نفس النقشة و حاول تحافظ دائما ً على ضغط الكاوتش و بلاش تاخد نقر و حفر على سرعة .

الكاوتش فى الضمان ؟
- لأ 😁

الداى لايت بيتقفل ؟
- لأ ، ممكن تعمل update بره التوكيل فى مركز ايفريست فى كفر الدوار و هيتضاف اختيار انك تقفله او تشغله من الشاشة.

التللين كام كم ؟
الكتالوج بيقول يفضل ان ماتستخدمش العربية بكامل أدائها اول ١٦٠٠ كم 😎

الاستبن جنط زى اللى موجود ولا لأ؟
-لأ استبن حديد.

اقفل المرايا ازاى 😀؟
-ارفعها سنه فوق و اقفلها 🤷🏻‍♀️ العربية مفيهاش مرايات ضم ، و مقفوله زى مفتوحة مش هتحس بفرق 😄

الزجاج الامامي اتشرخ لوحده !!
-هتروح التوكيل و هيتعمل معاينه و لو مفيش نقر او اى مؤثر خارجى هيتغير فى الضمان .

كل حاجة فاصله و العربية مش بتدور او فى errors كتير فى شاشة العداد؟
-البطارية ماتت ⚰️ .

ضمان البطارية ؟
-سنتين .

الزيت ناقص ؟
-روح التوكيل هيتزود من غير فلوس و بتحصل فى المانيوال بس و بتتظبط بعد صيانة ال ١٠ آلاف
و يفضل مراجعة الزيت و السوائل فى كل الفئات كل ١٠٠٠ كم .
و لو فى اى حاجة اطلع على التوكيل 🏃🏻‍♂️.

الكلاكس فصل؟
-اطلع على التوكيل هيتعمله رجلاش و احتمال يفصل تانى و هيتغير لو لسه فى الضمان.

-العربية بتكركر 😄؟
- غير البنزينة و حط بنزين نضيف و يفضل ٩٥ .

مياه المساحات خلصت 😀؟
-هتجيب مياه مساحات من اى بنزينة و تزودها ، بلاش مياه و صابون علشان غلط على الرشاشات .

صوت خبط حديد لما بدوس الفرامل ؟
عادى فى الاول لحد ما العربية تطبع .

فى هباب على الجنط؟
-طبيعى من تآكل التيل 🌚 .

اعرف منين التيل فاضل فيه قد ايه؟
-هتصوره بالموبيل و لو سُمك التيل أقل من سُمك الحديدة بتاعه التيل يبقى محتاج يتغير .

فى صوت صفارة لما بدوس فرامل ؟
-اتاكد ان التيل مش محتاج يتغير الاول ، لو التيل تمام يبقى محتاج يتنضف بمسدس هواء فى اى بنزينة .

اغسل العربية ازاى؟
-عادى زى ما بنغسل طول عمرنا بس بلاش بعد مشوار طويل او و الطنابير سخنه و بلاش مياه على الموتور ولا جوة العربية ناحية الكهرباء و الأبواب و استخدم ملمعات ماركة معروفة و مضمونه علشان مفيش حاجة تبوظ و بلاش ترش مباشر على الدريكسون.

الدريكسيون قشر !
-اقرأ اجابة السؤال اللى فات تانى 😄

فرش الجلد يخرج العربية من الضمان؟
-لو baseline لأ .
-لو highline اه هتخرج من ضمان الairbags علشان موجود فى الكراسى و ضمان داعم القطنية .

التوكيل بيركب كاميرا و سينسور ؟
-بيركب سينسور و صوت بس 😒.

لو ركبت كاميرا و سينسور بره هخرج من الضمان ؟
- اه هتخرج من ضمان الكهرباء .

الشاشة يركب عليها كاميرا 👀؟
اه يشتغل عليها عادى .

الشاشة فيها mirroring للموبيل؟
لأ.

ينفع يشتغل عليها فيديوهات؟
لأ برضو .

العربية على الP و بتقولى أنها مش على ال P و المفتاح مش عايز يخرج 🤨؟
-لو فى اى cover او كيس على الفتيس شيله .

- لوك العربية بيفتح من جوة و فى اطفال؟!
-اه بيفتح من جوة طبيعى
-و لوك الاطفال فى الباب اللى ورا هتلاقى حته بلاستيك بيضاء هتلفها بالمفتاح و الباب مش هيتفتح غير من برة بس و مش بنقعد اطفال قدام أصلا 🤨.

فى تأخير او لاج فى دواسة البنزين؟ 🙇🏻‍♀️
-طبيعى علشان البوابه كهرباء و هتتعود عليها مع الوقت و دوستك هتبقى اتقل فى الطلعة و مش هتحس بالتأخير .