Abdalrahman Rjab

اصلا 🙂

الف مبروووك علينا يا أهلاووويه بطوله الدورى
الف مليوووون مبروووك علينا الدورى رقم 43
الف مبروووك علينا ال 5 بطولات مع كولر
🛑بطوله دورى ابطال افريقيا للمره ال 11💪
🛑بطوله الدورى المصرى رقم 43💪
🛑بطوله كاس مصر 💪
🛑اتنين بطوله السوبر 💪
ولسه مكملين 🦅❤️

🤲🏻🤍

صنعتوا التاريخ .. للوطن العربي وأفريقيا.. تخطيتوا الأحلام وتوقعات اي شخص في العالم كله واديتوا كل الوطن العربي وكل افريقيا امل كبير وارادة كبيرة ... فخورين بيكم ولسة في قصص كتير جايه هنرويها لعيالنا واحفادنا زي ما هنروي قصتكم

لقد رأيت الثقب في سفينتك منذ اليوم الأول للرحلة ،

ولكنني قررت الإبحار معك ظناً بأن الحب يصنع المعجزات ❤🇵🇹

I saw the hole in your ship from the first day of the voyage,

I decided to sail with you and that love works miracles ❤🇵🇹

Cristiano Ronaldo

- هاتكبر وتعرف إن الصوت الهادي مافيش أحسن منه.
- وإن أحلي هدية تقدمها لأولادك هي إنك تحترم أمهم.
- ومايصحش كنت تخاصم حد علشان واحد معرفتك خاصمه.
- مش هاتاخد فكرة وحشة عن شخص غير بعد ما تتعامل معاه.
- هاتعرف إن الشخص بطبعه مش بشكله، وإن مش كل شخص حلو بيبقي ذوق بس كل شخص ذوق أكيد حلو.
- الذنب مُتعته بتروح، والطاعة تعبها بيروح، ومبيفضلش غير السيئة والحسنة.
- إن الجدال والمناهدة فكرة فاشلة، ومافيش أحسن من إنك تكبر دماغك وتقول للي بيجادلك : إنت صح.
- واللي هاياخد فكرة وحشه عنك مش هايفرق معاك تصلحها.
- هاتعرف إن مافيش أحلي من الصحة، ومافيش مرار أكتر من الحوجة للناس.
- هاتحب أبوك أكتر لما تخلف، وإنه ضهرك وسترك وفي غيابه هاتبقي زي المتعرِّي.
- إن الشكل بيلفت النظر للحظات.. لكن الطيبة والجدعنة بيخطفوا القلب العمر كله.
- هاتكتشف إنك كنت مغفل لما إتمنيت الأيام تجري، وإن اللي جريت دي كانت أحلي أيامك.
- هاتحب الأماكن والألوان الهادية، والعفش والديكورات اللي مافيهمش شغل كتير.
- مش هتآمن للي باعك أكتر من مرة، ومش هاتنصح غيرك زيادة عن مرتين.
- الخبطه اللي خدتها إدتك خبرة، وأصعب مواقف مريت بيها هي أحلي ذكريات هاتضحك عليها وتحكيها بعدين.
- مش كل اللي هاتسمعه هاتصدقه، ومش كل اللي هاتشوفه هاتنبهر بيه.
- هاتكبر وتعرف إن ماكانش ينفع تسيب اللي بيحبك، وإنك كنت غبي لما حبيت اللي سابك.
- هاتكتشف إن الإحترام أشمل من الحب، والمودة والرحمة مافيش علاقة بتكمل من غيرهم.
- هاتتأكد إنك لما تزعل حد بِصدقك معاه.. أحسن بكتير من إنك تفرحه بالكدب! كل ده هاتعرفه لما تكبر.

-مش هتخطبني يا خميس ؟؟
=هخطبك
-وبعد ما تخطبني يا حبيبي ؟
=نكتب الكتاب
-وبعد كتب الكتاب يا خميس ؟
=نتجوز
-وبعد ما تتجوزني يا حبيبي ؟
=هطلقك
-هتطلقني بالتلاتة يا حبيبي ؟!
=بالتلاتة وتلاتين
-هتديني نفقة كام يا خميس ؟
=هديلك عَلـ. ـقة
-بليل ولا بالنهار يا حبيبي ؟
=ليل ونهار ❤️
(حماتي ملاك ... ١٩٥٩)

🤔🧏🏻‍♂️

هي الونس والضل والضحكه لمّا تِهل ❤️
هي الصديق والخِل ولا عمري منها بٓمل
سند الحياه والخير جذابه في التأثير
وقت ما أخبي حاجات تفتح بيبان السر
وانا مهما أقول في كلام وأوصف حنين وغرام
تعجز مشاعري تمام تُسكت قصائد الشعر
هي الونس والضل والضحكه لمّا تِهل

مكيفاني يا جدعان😅
#اهلاوي

عنيكي ياما كتير
أحتار فيها القلوب
والضحكه زي الشمس
هاديه وقت الغروب

مش عارف أقولك إيه
يوصف إحساسي بيكي
حقيقي ملكتي قلبي
وروحي عايشه ليكي

أنا قبلك كنت عايش
كنت بحس إن خايف
كنت بدور عليكي
مع ان كنت عارف

إن الخوف اللي فيا
هيزيد يمكن شويه
لكن خوفي النهارده
بقي خوف جدا عليكي

أنا عاشق لون عنيكي
تفاصيل بتليق عليكي
وحاجات جواكي تسحر
ربي يفرحني بيكي

إنتي الحب الكبير
طريق المستحيل
لكن أنا عند وعدي
همشيلك ألف ميل

عنيكي ياما كتير
أحتار فيها القلوب
والضحكه زي الشمس
هاديه وقت الغروب

زمان .. وأنا في الإعدادية ....
كنت أنا وكام واحد صاحبي متعودين نزوغ في الفسحة وننط من على سور المدرسة لسبب وجيه جدًا ! ..
وهو إن جنب المدرسة كان فيه فرن عيش بلدي وجنبه راجل بيقلي طعمية سخنة مقرمشة ..
كنا نروح نشتري رغيفين، ونحط فيهم أربع أقراص طعمية ونرش عليهم رشة ملح وفلفل وكمون من طبق كان حاطه الراجل بتاع الطعمية على ترابيزة جنب الطاسة ..

بعد كام سنة كده ظهر للوجود مطعم اسمه ومبي !!

وقتها كنا منبهرين جدًا بالهمبرجر والجو الامريكاني والاختراع الجديد علينا اللي اسمه الكاتشب !!
ثم توالت الاختراعات ..
كنتاكي .. بيتزا هت .. هارديز .. كوك دور .. وماكدونالدز
كنا في البداية بنعتبر الأماكن دي بتاعت ولاد الذوات !
وكنا بنقعد نحوش أسبوع والا اتنين علشان نخرج نروح مكان منهم وبعدين نقعد بقى نحكي للعيال التجربة الفريدة دي وكأننا رواد فضاء لسه راجعين من رحلة استكشافية لأطراف المجرة
ونقعد بقى نحكيلهم عن طعم الكاتشب المسكر ولسعة المسطردة والا إزاي اننا بندفع الأول وناخد أكلنا على صينية .. شغل امريكاني بقى !!

بعد سنين ..
اكتشفنا إن المطاعم دي أصلًا في أمريكا مطاعم شعبية!! ...
وإن الفاست فود ده حاجه مضروبة .. لا هو الشياكة ولا بتاعت ولاد الذوات خالص ده بتاع الغلابة اللي ميقدروش على تمن المطاعم اللي بجد !!

وطلع انبهارنا ده كله مجرد عبط من شوية عيال

بمناسبة العيال بقى ..
اللي هما أصحابي يعني ..زملاء المدرسة والشغل والحياة
لما كبرت .. أكتشفت إن كتير اوي منهم مكانوش يختلفوا عن الفاست فود والشغل الامريكاني ده !!
في أول معرفتك بيهم تنبهر .. وتشوفهم ولاد أصول .. ولاد ذوات
لغاية ما يجي موقف ورا التاني .. وتبدأ تفهم .. إنهم كانوا فاست فود في حياتك ... أو چانك فود ولا مؤاخذه!

وكل ما تكبر يبدأ انبهارك يقل اكتر واكتر
وتبدأ تعرف الناس على حقيقتها وتعرف تقيّم وتقدر تغربل وتلغي من حياتك كل اللي ميستاهلش يفضل فيها ..
وتبدأ دايرة الأصحاب والزملاء الفاست فود دي تقل من حياتك
وتدور على الصاحب البلدي .. مش الخواجه !

لغاية ما يجي يوم
تلاقي نفسك راجع لوحدك لفرن العيش البلدي وقرصين الطعمية السخنة ورشة الملح والكمون !!
وتلاقيهم في الحقيقة كانوا أطعم بكتير اوي من الهمبرجر والكاتشب
بس أنت اللي مكنتش عارف تستطعم ولا عارف تقدر قيمتهم
أنت اللي كنت مبهور بشوية أونطة !
حتفهم بعد سنين طويلة إن سخونية العيش والطعمية كانوا دفا وعزوة وثوب على مقاسك ولايق عليك
وإن رشة الملح والكمون دي كانت محبة ومجدعة وأصل طيب

بس أنت اللي كنت عامل فيها خواجه ..
ولابس البرنيطة ع الجلابية!

حتفهم أخيرًا إن حلاوتهم من البداية إنهم كانوا
بلدي ... مش امريكاني!!!

يوم الإنتصارات 💪✌️🇪🇬
6 اكتوبر 1973 🇪🇬
مصر عظيمة .. وستبقى الأعظم 💪✌❤️
نصر اكتوبر ذكرى الفخر و العزة والكرامة 🇪🇬 ✌
تحيا مصر ❤ تحيا مصر ❤ تحيا مصر ❤️

تشرب شاي!!
لو من إيدك طبعا يعني دا أجمل شاي❤️
طب تتغدي إذا تستني !!
لاء مشوار وشويه وجاي
ربي يبارك لينا في عُمرك
يشهد ربي إني بحبك
واني ماشُفتش إنسان زيك
فاكر دايماً مش نساي

لسه عيونك زي الضي
وعزف الناي❤️❤️
لسه إيديكي ورغم شقاها
اللي بتسند في الأيام
ست جميله وطبعك أحلي
عشتي أصيله وصادقه كمان
ربي يبارك لينا في عُمرِك
يشهد ربي إن بحِبك
وإن ما شُفتش إنسانه زيك
زي الحلم بيجري أوام

- زمان وأنا فى إبتدائى ..
أمى كانت لازم تخلينى أفطر كويس قوى قبل ما أنزل م البيت .. وده كان مشكلة كبيرة ليا أتعلمت بسببها أعظم درس فى حياتى ..
- ساعة الفُسحة ..
كنت ألاقى زميلى اللى جنبى طلع ساندوتشاته وبياكلها وهو مستمتع بيها جداً جداً ..
وأنا أطلع ساندوتشاتى ألاقيها باردة ومالهاش طعم وماتفتحش النِفس ..
أقوم شايلها زى ماهى فى الشنطة وأقعد مضايق .. وفضلت ع الحال ده كتيرررر ..
- لغاية ما فى يوم جات مُدرسة مستحيل أقدر أنساها ..
كانت بتتكلم مع كل واحد فينا كأننا كبار .. ودايماً مبتسمة، وبتعاملنا زى ما تكون أم لكل طفل ف الفصل ..
المهم فى يوم كنت قاعد فى الفسحة مضايق وشافتنى المُدرسة دى ..
جات وقالتلى مالك قاعد لوحدك ليه ؟؟ انت مامعكش ساندوتشات تاكلها زى زميلك اللى جنبك؟؟
قولتلها معايا بس أنا ساندوتشاتى مش حلوة زى ساندوتشاته ..
قامت المدرسه قالتلى يعنى انت نِفسك تبدل مع زميلك ..
بصيت لها بكل سعاده وانا بقولها .. "ياريت" ..
قالتلى ماشى ..
راحت المدرسه وأقنعت زميلى إنه يبدل معايا ساندوتشاته ..
بالفعل زميلى وافق ..
لكن ساعتها حصلت حاجة غريبة جداً ..
لما جيت اكلت ساندوتشات زميلى ، لاقيتها عادية بردو ومالهاش طعم مش زى ما كنت فاكر ..
المُدرسة لما لاقيتنى سيبت السندوتشات تانى ..
- قالتلى ..
انا حبيت أثبتلك إن العيب مش فى الساندوتش اللى معاك .. العيب جواك انت .. أيوة جواك انت ..
- طول مانت شبعان .. مستحيل تحس بنعمة الساندوتش اللى معاك ..وتلاقى مُتعة لما تاكله ..
زميلك عشان بياكل وهو جعان فعلاً .. بيلاقى الأكل حلو جداً .. وأنت بتلاحظ إنه مستمتع قوى بأكله ..
عزيزى❤ ..
مستحيل تحس بقيمة النعمة اللى معاك طول ماإنت مش حاسس بقيمتها .. هاتفضل طول حياتك عايش فى تعاسة .. وفاكر إن كل الناس معاهم حاجات أحسن منك .. وأنت الوحيد المظلوم .. وتعيش فى عتاب شديد مع ربنا وفاكر إنه ظالمك ..
صدقنى ..
لو بدلت حياتك مع حد ..ساعتها هاتعرف انك في نعمه مش عند حد
بنعرف بقيمة النعمة اللى معانا .. لما نتحرم منها ..
انت ..غنى.. باللى معاك ..

#رسائل

وأنا عمري 4 أعوام: أبي هو الأفضل.
وأنا عمري 6 أعوام: أبي يعرف كل الناس.
وأنا عمري 10 أعوام: أبي ممتاز ولكن خلقه ضيق.
وأنا عمري 12عامًا: أبي كان لطيفًا عندما كنت صغيرًا.
وأنا عمري 14 عامًا: أبي بدأ يكون حساسًا جدًا.
وأنا عمري 16 عامًا: أبي لا يمكن أن يتماشى مع العصر الحالي.
وأنا عمري 18 عامًا: أبي ومع مرور كل يوم يبدو كأنه أكثر حدة.
وأنا عمري 20 عامًا: من الصعب جدًا أن أسامح أبي، أستغرب كيف استطاعت أمي أن تتحمله
وأنا عمري 25 عامًا: أبي يعترض على كل موضوع
وأنا عمري 30 عامًا: من الصعب جدًا أن أتفق مع أبى، هل يا تُرى تعب جدى من أبي عندما كان شابًا.
وأنا عمري 40 عامًا: أبي رباني في هذه الحياة مع كثير من الضوابط، ولابد أن أفعل نفس الشيء.
وأنا عمري 45 عامًا: أنا محتار، كيف أستطاع أبي أن يربينا جميعًا.
وأنا عمري 50 عامًا: من الصعب التحكم في أطفالي، كم تكبد أبي من عناء لأجل أن يربينا ويحافظ علينا.
وأنا عمري 55 عامًا: أبي كان ذو نظرة بعيدة وخطط لعدة أشياء لنا، أبي كان مميزًا ولطيفًا.
وأنا عمري 60 عامًا: أبي هو الأفضل !!

- جميع ما سبق احتاج إلى 56 عامًا لإنهاء الدورة كاملة ليعود إلى نقطة البدء الأولى عند الـ 4 أعوام "أبي هو الأفضل"

- فلنحسن إلى والدينا قبل أن يفوت الأوان ولندعوا الله أن يعاملنا أطفالنا أفضل مما كنا نعامل والدينا.

قال تعالى:
﴿وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا﴾

منقول

اسمع مني يا ولدي نصيحه
وزنها في عقلك واعمل بيها
اوعي تخبي الكلمة في قلبك
واوعي مشاعرك يوم تداريها
وقبل الكلمة ماتخرج منك
اعقلها واعرف معانيها
اصل الحر بيوفي بوعده
لما يقول كلمة بيوفيها
وارضي برزقك واحمد ربك
دنيا غروره وربي فانيها
واوعي تبص للقمة غيرك
شغل ايدك وكل منيها
وارمي هموم قلبك علي ربك
هو اللي بيقدر يشفيها
واكتم سرك واحفظ عرضك
واوعاك تكشف اللي خافيها
واوعي كرامتك يوم تبيعها
بكره هتحسد اللي شريها

ابنك هيطلع زي ما انت عايش ، مش زي ما انت عايز.

الفكرة !

- هيقولك " انا نجحت " بس مش هيقولك " انا كنت بعيط كل ليلة امتحان و بنام ساعه بس فاليوم ونظري ضعف ولبست نضارة"

- هيقولك " انا اشتريت موبايل i phone " بس مش هيقولك "انا بقالي سنين شايل اقل موبايل فصحابي وقرايبي ومحيطي "

- هيقولك " انا اشتريت عربية " بس مش هيقولك " انا بدفعلها اقساط لسا ومديون "

- هيقولك " انا جبت مجموع طب " بس مش هيقولك "انا فقدت والدتي او والدي فنفس السنه "

- هيقولك " انا هعملك احلي حفلة بمناسبة كذا" بس مش هيقولك " انا هحوش الجنيه علي الجنيه شهور علشان اقدر اعملك دا "

طبيعي ان الشخص هيشاركك انتصاراته والحاجه الكويسة و هيحتفظ بالجانب المُظلم لنفسه ، بلاش تحسدو الناس علي نصيبهم من الخير لمجرد ان نصيبهم من المعاناه مش متشاف .. يا تشيل الليلة علي بعضها يا تغمض عينك عنها علي بعضها وتقول كان الله فالعون ♥️👌🏻

نصيحه منى ياولدى والنصيحه حلال
قبل ما تناسب تحاسب

فى ناس نسبها شرف.
اصل الشرف سلسال.
نابع من الاصل مش فارق معهم جاه ولا مال.
رجاله مقامها عالى فى وسط الرجال.
والكلمه منهم بتهد جبال.
شاربين توب الرجوله من ضهر سبع خيال.

وفى ناس نسبها قرف.
بتكيل بميت مكيال.
ماتاخدش منهم كلمه كأنه كلام عيال.
والشورى شورة حريم ولا لهم فى ايه مجال.
بيتكلموا زى الحريم عمال على بطال.

و على الاصل دور مفيش حاجه اسمها محال
فى ناس مناظر ياولدى جواهم فاضى مش مليان
صدق من قال
قبل ما تناسب تحاسب لتعيش على ده الحال

لما إسماعيل ياسين حط الزبالة فى حلة ماية وسخة وشالها ورايح يرميها .. والشاويش عطية شافه شايل الحلة وماشى ف اتهمه إنه سارق الشوربة ..
إسماعيل ياسين حلف له انها ماية وسخة لكن الشاويش عطية مصدقش وجاب العسكري مجانص وطلب منه إنه يدوق ويشوف هى شوربة ولا ماية وسخة فالعسكري مجانص عشان كان بيكره العسكري إسماعيل شرب وقال عليها شوربة ..!!

إسماعيل أستغرب وحلف إنها ماية وسخة فالشاويش عطية قال لمجانص أشرب تانى عشان إسماعيل مش مصدق .. فمجانص شرب تانى وقال دى شوربة ..

و بعدها الشاويش عطية حب يتأكد وشرب بنفسه وعرف إنها ماية وسخة ..!!
مجانص شرب مرتين ماية وسخة وكان مستعد يشرب الماية الوسخة كلها علشان الكره والظلم والحقد اللى جواه مخليه عنده استعداد يعمل اى حاجة ..

يشهد زور .. يحكى حكاية من خياله .. يشوه صورة حد قدام الناس .. ياخد الحكاية ويضيف عليها من عنده .. وفى الآخر الحقيقة بتتعرف ..

كل المجانص آللي فى حياتنا مش هاينوبهم إلا إنهم هيشربوا الماية الوسخة 🤷🏻‍♂️

لعلك في ضيق الآن، وما بينك وبين قضاء حاجتك هو استغفارك ..
– استغفروا 🌻

لَن يُفرّق الله بيْن إثْنين لَهمَا نفْس النِيةَ ، إنَ القُلوب عَلى نوَاياَهَا تَلتقِي 💍👩‍❤️‍👨♥️