شيف ونص CHEF WENOS

https://www.facebook.com/103431454666295/posts/257587689250670/البوريك

كيك اند بيك Cake&Bake

ازيكووو❤❤
وصفة انهاردة هتكون بطلها المانجه😋😋
تورتة موس المانجو او
Mango mousse cake
مقاديرها وطريقتها سهله جدددا
اول حاجه هنجهز طبقتين اسبونچ باي وصفه معتمدينها هنحتاج طبقة مقاس الصنية ال هنشتغل فيها ودى للارضية وطبقة تانية اصغر وهنشرح هنستخدمها ازاى
كيلو عصير مانجو بيورية اوقطع ونضربهم بالهاند بليندر بدون اضافة اي شيء
٣ معالق كبار نوتيلا بيضة او جناش شوكلا بيضة ودة اضافه اختيارية بس بتفرق جددا ف الطعم
نص كوب كريم شانتية
٢ معلقة باسترى كريم
٢ باكو چيلي مانجو او معلقتين كبار چيلاتين هندوبهم ف ربع كوب مية
سكر حسب الرغبة
كوب عصير مانجو طبيعي او مية باردة
للطبقة الخارجية :
كيس چيلي مانجه
مكعبات مانجه فريش

اول حاجه هنجهز طوق او صنية من ال يتفتحو او صنية عادية مقاس ٢٤ ولو هنستخدم صنية عادية هنفرد فيها طبقتين بلاستيك راب بحيث يغطى الارضية والجوانب
هنحط طبقة اسبونچ ف الارضية ونسقيها عصير مانجو ونركنها علي جمب
بالمضرب الكرهربائى👩🏻‍🍳👩🏻‍🍳 هنضرب الكريمة مع الباسترى والنوتيلا البيضة مع السكر وعصير المانجو المخفف ويكون بارد من التلاجه لحد مالكريمة تعلي معانا
ف الوقت دة هفضى ال٢ باكو چيلي ف بولة صغيرة وعليهم ربع كوباية مية مغليه وادوبهم كويس جدددا ولما اتاكد انة برد هصفية فوق المانجة البيورية واقلب بسرعه عشان مايتكتلش ايد بتصب وايد بتقلب👩🏻‍🍳👩🏻‍🍳
بعد الكريمة ماتعلي هنزل عليها بالمانجو ال ضفناله الچيلي واضرب ضربيتين لحد المكونات ماتتجانس واقفل المضرب هلاقي الخليط سائل الي حد ما لاكن ناعم ماتذودوش ضرب كتير
هنصب نص الكمية دى فوق طبقة الاسبونچ ال فالطوق ونحط طبقة الاسبونچ الاصغر شوية ونضغط بسيط واخر حاجة نصب باقى كمية الموس
هنخبط الصنية خبطة بسيطة عشان لو في هوا والفها بلاستيك راب وع الفريزر ٤ ساعات ع الاقل
بعد مااتاكد انها مسكت هجهز الطبقة الاخيرة
نص كوب مية يغلي علي النار انزل علية بكيس چيلي مانجة واقلب واطفي وانزل بنص كوب مية متلجه واقلب واصب الخليط بحرص علي وش الموس وانزلها علي رف التلاجة واخر حاجة قبل التقديم مكعبات مانجه بعد طبقة الچيلي ماتتماسك كويس
هنقلها علي طبق التقديم وبالهنا
كام ملحوظة كدة👌🏼
لو هنعملها ف طوق او صنية بكليبس يفضل احط ورق ڤاكيوم🤫
طيب لو المانجو الفريش مش متوافرة ؟؟🤔🤔
مافيش اي مشكلة ممكن نعمل الوصفة بعصير المانچو المفرزن عادى جدددا طالما بيورية بدون ماء والتزويق الخارجي نكتفي بطبقة چيلي المانجة وروزيتات كريمة مش شرط مانجو قطع التزيين مفتوح👋🏻
اي سؤال سبوة ف الكومنتس هرد عليه❤❤

كيك اند بيك Cake&Bake

مساء الخير عليكو جميعااا😍😍.كل سنة وانتو طيبين وبالف خير يارب🙏🏼🙏🏼 وباذن الله تكون سنة جديدة وسعيدة عليكو وكل ال كان نفسة يحقق حاجة ومحصلتش ربنا يكرمة ويحققها السنادى باذن الله🙏🏼🙏🏼🙏🏼...سعيدة بيكو جدا وبكل حد شرفني ع البيدچ وسعيدة بالتطبيقات ال بتوصلي منكم فعلا بتفرحني جدددا ربنا يحسن مابين ايديكو دايما وباذن الله البيدچ تكبر بيكم وبشغلكم ❤
انهاردة اخترت وصفة سهلة جدا ممكن ننفذها ف سهرة رأس السنة وهي تورتة الچيلي المقلوبة هنقول مكوناتها
اولا الاسبونچ وهنعملة بدون محسن للناس ال مش متوافر عندها المحسن او دقيق الاسبونچ✋🏼
٥ بيضات
١٢٥ سكر عادى
١١٠ دقيق
١٥ نشا
معلقة ص بيكنج باودر..(٥)جرام
رشة ملح وفانيلا
صنية مقاس٢٤
الكريمة:-
كوب الا ربع كريمة خام
كوب ونص مية بتلج او لبن
سكر حسب الرغبة
للوجة:-
شرايح موز🍌🍌
٣ باكو چيلي فراوله
اول حاجه هنعمل الاسبونچ هنضرب بيض وسكر ورشة ملح ف بولة ناشفة ونضيفه👩🏻‍🍳👩🏻‍🍳 واول مالخليط يعلي هنطفى المضرب وننزل بالدقيق والنشا والبيكنج باودر🍚 منخولين من قبل علي دفعات والتقليب من تحت لفوق ونفرد ورق ذبدة ف الصنية ونصب الخليط ونساوي الوش وعلي فرن ١٧٠الرف الوسطاني لحد ماتستوى
بعد ماتستوى هنطلعها علي شبكة تبرد وهغسل الصنية بتاعتي ال خبزنا فيها وانشفها كويس جددا وابتدى احضر الچيلي
اولا هنستخدم باكو ونص من ال٣ ال معانا هحط ف كسارول ع النار نص كوباية مية تغلي كويس هنزل بالباكو ونص واقلب كويس واطفي وانزل ب نص كوب مية ساقعه بتلج🧊🧊
هصب نص الكمية دى ف ارضية الصنية وادخلها الفريزر ٥د تمسك واطلعها ارص عليها شرايح الموز وانزل بنص الخليط الباقى وارجعها تاني ٥د تمسك
ف الوقت دة هعمل الباكو ونص الجيلي التانيين بنفس الطريقة واحطة ع الرف ف التلاجة(عاوزة القوام بتاعه يوصل لقوام العسل كدة يمسك نفسة ٥٠%بس)
هقسم كيكتي لنصين وتسقيها باي سيرب خفيف
هطلع الصنية بتاعتي وانزل بنص كمية الكريمة وافردها بالمعلقه بس من غير ماتوصلو للجناب بتاعة الصنية✋🏼✋🏼
هحط اول نص من الكيكه وافرد علية باقي الكريمة وممكن شرايح من الموز واقفل بالنص التاني من الكيك واضغط بسيط
هطلع الجيلي ال ف التلاجة واتاكد انة وصل للقوام ال قلت علية وابتدى اصب ف الفرق ال بين الكيك وسور الصنية بهدوء داير مايدور..لية قلت ان الچيلي لااازم يكون بالقوام دة👌🏼 لانة لو ساءل اول ماهنصب الكيكة هتشربة 😈احنا عاوزينة ملظلظ كدة عشان ماتشربوش ويثبت علي الجناب معظمكو بيغلط الغلطة دى😂😂😂🤭
هخبط الصنية خبطتين اتاكد ان الخليط اتوزع تماام واغطي الكيك ببلاستيك راب ع التلاجة ساعتين تلاتة اربعه كل ماتقعد بتتشرب من بعضها بتبقى احلي😋😋
هطلعها واكون مجهزة صنية اكبر فيها مية سخنة هنزل فيها الصنية واعد من واحد ل١٠ بس✋🏼😂 وارفعها اقلبها علي طبق التقديم بكل سهووولة😌
احلي واشيك تورتاية من وجهة نظرى وال بتبقى شيك جدددا ف اي مناسبة ومبهرة
هي خطواتها كتيرة وبتحتاج طريقة معينة ف التنفيذ بس عبيطة ممكن اي حد يعملها🤭🤭 وممكن جدا بالفراولة بدل الموز بنفس التكنيك وهنعملها بردو مع بعض😋
اي سؤال سبوة ف الكومنتات😍

كيك اند بيك Cake&Bake

مساء الخير عليكووو😍
انهاردة معانا وصفة او فكرة بجد مهدور حقها وهي حلوى قشور البرتقال او البرتقال المكرمل🍊...حقيقى ف منتهي الجمال وهي مش اختراعي علي فكرة بس جايز مش متسلط عليها الضوء كفايا رغم انها بتتعمل من حاجة بنرميها اصلااا وهي قشر البرتقال🍊🍊
هنشوف ازاي نقدر نستفيد منه ونحولة لحاجه حلوة اوووى ناخدها كسناك بسيط او تحلية سريعه او جمب فنجال قهوة كدة☕😋😋
الوصفه مالهاش مقادير هي فكرة وخطوات👋🏻
اول حاجه نجمع كمية معقوله من قشر البرتقال ونراعي يكون إربع مش حتت صغيرة...هنقطعه صوابع طولية بالسكينة🔪🔪 زى صوابع البطاطس كدة ونحطة فحلة ونغطية بالمية ونحطة ع النار اول مالمية تغلي هنسيبة يغلى دقيقتين بس واخد المية دى اتخلص منها واحطلة مية تاني من الحنفية عادى وارجعه النار التاني..هنكرر الخطوة دى ٣ مراات 👌🏼
لية بنعمل كدة؟!!
احنا بنتخلص من المرارة ال موجودة ف القشر عشان تاخد منة الطعم الحلو بس😋
نيجي بقا للخطوة الجاية
ف نفس الحلة دى هنحط كوباية عصير برتقال☝🏼 وكوبايتين سكر✌🏼..ممكن مية بدل العصير عادى👋🏻..ونرفع السيرب دة ع النار ومعاه رشة فانيلا اول مالسيرب يغلي هنزل بصوابع البرتقال وانزل👇🏼 النار لوسط ونقلبها كويس ف السيرب وكل ٥د كدة اديلة تقليبة بسيطة وبهدوء وياريت نستخدم اسباتول بلاش معلقة خشب عشان متهريش معايا الصوابع..هنفضل نتابعه لحد مايتشرب كل كمية السيرب يبقى لونة شفاف كدة ومغرى😋 وكدة خلاص الوصفه جهزت😋
هاخدة علي مصفي واهوية وافرقهم عن بعض لحد مايبردو او نفردهم علي ورق ذبدة .ركزو ف الجزئية دى...لو عاملين كمية مش كبيرة كدة الوصفة خلصت لو عملنا كمية كبيرة شوية هنضاعف طبعا السيرب وكمان هنذود خطوة وهي ان بعد مافردة علي ورق زبدة هدخلة الفرن نار شمعه خالص لمدة ربع ساعه
بعد كدة زى ماتحبو ممكن تاخدو جزء وندحرجة كدة ف سكر سنترافيش او ننزل الصوابع دى ف شوكليت🍫🍫 سواء جزء منها او نغطس الصباع كلة زى ماتحبو ..وبعدها بنحفظها ف برطمان برة التلاحة عادى بتعيش مش بيحصلها حاجه جربوها بجد هتعجبكم جددددا وتعجب اطفالكم كمان❤❤
هسبلكو شوية خطوات بالصور ف الكومنتات عشان تشوفوها😍😍
شير عشان الوصفة توصل لاكبر عدد والكل يستفيد❤

https://www.facebook.com/103431454666295/posts/178133527196087/

وحشتوووووني🙈🙈🙈
بعتذر جددا ان اتاخرت فترة ف تنزيل شغل ع البيدچ 🙏🏼🙏🏼بس ان شاء الله نكمل شغل ونرجع تاني لوصفاتنا الحلوة
انهاردة معانا الخبز الصحي🍞🍞🍞 بطريقتي☝🏼☝🏼☝🏼 انجح وصفة للبراون توست وال بعتمدها من سنين وعمرى مغيرتها ومش شرط يكون عندنا دقيق كامل الحبة كمان هنعملة بالردة😉😉...الوصفة دى مش بس تنفع ف قالب التوست لا كمان ممكن تطلعو منها البقسماط الصحي والكايزر☝🏼 والفينو✌🏼 والعيش السن👌🏼 وهنشتغل كل دة مع بعض ان شاء الله ف الايام الجاية...نقول الطريقه 👇🏽👇🏽
العجن مباشر يعني كلة علي بعضه👈🏼👉🏼
٦٤٠دقيق ابيض🍚
١١٢ ردة
٣٨زيت🍾🍾
١٢ ملح🧂🧂
١٥ خميرة
٢٥عسل ابيض او سكر🍯
١٠ محسن خبز
ماء دافي للعجن🥛
هقلب كل المكونات👩🏻‍🍳👩🏻‍🍳 دى وانزل بالمية تدريجيا لحد عجينتي ماتلم واخدمها كويس جددددا واغطيعا نص ساعه ف مكان دافي لحد ماترتاح وتعلي شوية
بعد كدة هاخدها واقسمها علي ٥ او ٦ كور وافرد كل كورة ع الرخامة والمها رول👈🏼👉🏼 وارصهم ورا بعض بس اسيب مسافة بسيطة بينهم ف قالب التوست واكون دهناة ذبدة او زيت ورشاه بالردة ...👌🏼👌🏼
هغطيها تاني👇🏽👇🏽 لحد حجمة مايتضاعف وقبل مايوصل لحواف القالب اققل الغطا وادخلة علي فرن سخن ١٨٠ لمدة ٤٠د🎛 ولما يطلع اخرجة من القالب واسيبة يبرد ولو هقطعع شرايح يفضل يتلف ف فوطة نضيفة واسيبة ع الرخامة ع الاقل ٨ ساعات عشان مايفرولش وقت التقطيع وممكن وهو شرايح كدة احمصة ف الفرن علي نار هادية واحتفظ بية ف علبة محكمه لفترة طويلة مش بيحصله حاجه😋😋...هسبلكو ف الكومنتات شكله قبل وبعد التخمير...يارب الوصفه تكون عجبتكوو❤❤❤

https://www.facebook.com/103431454666295/posts/180068707002569/

ازيكووو وحشتوني جدددا😍😍
معشوق الجماهير😌😌😌

وصفتنا انهاردة هي البراونيز😍😍 يعني شوكلاتةx شوكلاته
جمب فنجال قهوة ماشي لضيافة سريعه جاتلنا فجأة شغال جددددا لانها سهلة ومبتاخدش وقت ابدددا وكمان ف طبق واحد مش زوربيح مواعين ودة ال عجبني فيهااا😂😂😂 طعمها غني جدددا بالشوكلاته للناس ال بتحب الشوكلاته
مقاديرها
١١٥ ذبدة سايحة باردة🧈
١٥ مل زيت🍾
٢٣٠ سكر🍚
معلقة كبيرة عسل اسود🏺
٢ بيضة🥚🥚
معلقة ص فانيلا سايله🥄
رشة ملح🧂
معلقة ص نسكافية ☕
٦٠ج دقيق🍚
٥٠ كاكاو🍘
١٥٠ج شوكليت شيبس او شوكلاتة🍫🍫 متكسرة قطع صغيرة
نص كوب عين جمل او بندق(اختيارى)🌰🥜
ف بولة هضرب بالويسك اليدوى👩🏻‍🍳👩🏻‍🍳 ذبدة وزيت والسكر والعسل الاسود والنسكافية وبعدين انزل بالبيض👩🏻‍🍳 والفانيلا واضرب حوالى ٥د بالويسك اليدوى بلاش كهربا مش عاوزة هوا يخش ف الخليط انا عاوزة بس السكر يدوب شوية والخليط لونة يفتح
هنزل بالدقيق والكاكاو منخولين ورشة الملح واقلب هنلاقي خليط تقيل شوية دة الصح منقلقش👩🏻‍🍳👩🏻‍🍳
هنزل اخر حاجه بقطع الشوكلا واقلب وانزل بالخليط ف صنية مربعه او مدورة مقاس ٢٠ او ٢٥x٢٥ مفرودة ورقة زبدة ضرورى جدددا☝🏼 ومدهونة زيت كويس وع الوش هحط المكسرات بتاعتي🌰🥜🌰🥜 انا حطيت عين جمل😋😋 وممكن جدا قطع من بسكوت الاوريو
هندخل الصنية ع الشبكة فرن ١٨٠ لمدة من ٢٥د ل٣٠ د مش اكتر ابددا تطلع تبرد وتتقطع 🔪🔪وتتقدم مع بولة ايس كريم وبالهناا😌😌🍨🍨

https://www.facebook.com/103431454666295/posts/180830946926345/

ازيكووو وحشتوني❤

هتكون وصفتنا انهاردة بأسهل طريقة ومكونات بسيطة جدددا🍚🍚
كلنا عندنا ف الفريزر كيس جوز هند🥥🥥 من رمضان مالهوش اي تلاتين لازمة فالحياه😂😂😂 وكل مانفتح الفريزر نجيبة شمال مرة ويمين مرة😐
يالا نستغله بقا ونعمل بية حلا ف منتهى الجمال وكمان شيك جدددا ف تقديمة ف اي ضيافة 😋😋
الوصفه مافهاش مقدار محدد لاكن فيها مكونات اساسية وهي الجوز هند طبعا وخليط نلم بية الافندى دة 😂 وليكن حاجة م الاتى:-
نوتيلا بيضا...جناش ابيض...حليب مكثف محلي.. اي حاجة من دول او شوية من كل حاجة ودة ال انا عملته😋😋😋
ف بولة هنحط جوز الهند🥥🥥 وعليهم حاجة م ال قلتها زى ما اتفقنا ونعجن الخليط👩🏻‍🍳👩🏻‍🍳 لحد مايلم معانا واقدر اشكل منه كور..هريحة ف التلاجة ١٠د بس وابتدى اخد قطعه اشكلها كور واحشيها بندقة🌰 او كريسبي او اي مكسرات متاحة🥜 وممكن سادة زى ماتحبوو ماتتقيدوش...بعد مااخلص هغطس الكور ف جوز هند سادة🍚 مش متضاف لية اي حاجه واقدمها وممكن ارصها ف ورق الميني بتاع الكب كيك واحطها ف علبة شيك🎁 لو هنقدمها ف زيارة..وصفة بسيطة جدددا وطعمها اكتر من رائع❤❤

كيك اند بيك Cake&Bake

ازيكووو وحشتوني جدددا😍😍
معشوق الجماهير😌😌😌

وصفتنا انهاردة هي البراونيز😍😍 يعني شوكلاتةx شوكلاته
جمب فنجال قهوة ماشي لضيافة سريعه جاتلنا فجأة شغال جددددا لانها سهلة ومبتاخدش وقت ابدددا وكمان ف طبق واحد مش زوربيح مواعين ودة ال عجبني فيهااا😂😂😂 طعمها غني جدددا بالشوكلاته للناس ال بتحب الشوكلاته
مقاديرها
١١٥ ذبدة سايحة باردة🧈
١٥ مل زيت🍾
٢٣٠ سكر🍚
معلقة كبيرة عسل اسود🏺
٢ بيضة🥚🥚
معلقة ص فانيلا سايله🥄
رشة ملح🧂
معلقة ص نسكافية ☕
٦٠ج دقيق🍚
٥٠ كاكاو🍘
١٥٠ج شوكليت شيبس او شوكلاتة🍫🍫 متكسرة قطع صغيرة
نص كوب عين جمل او بندق(اختيارى)🌰🥜
ف بولة هضرب بالويسك اليدوى👩🏻‍🍳👩🏻‍🍳 ذبدة وزيت والسكر والعسل الاسود والنسكافية وبعدين انزل بالبيض👩🏻‍🍳 والفانيلا واضرب حوالى ٥د بالويسك اليدوى بلاش كهربا مش عاوزة هوا يخش ف الخليط انا عاوزة بس السكر يدوب شوية والخليط لونة يفتح
هنزل بالدقيق والكاكاو منخولين ورشة الملح واقلب هنلاقي خليط تقيل شوية دة الصح منقلقش👩🏻‍🍳👩🏻‍🍳
هنزل اخر حاجه بقطع الشوكلا واقلب وانزل بالخليط ف صنية مربعه او مدورة مقاس ٢٠ او ٢٥x٢٥ مفرودة ورقة زبدة ضرورى جدددا☝🏼 ومدهونة زيت كويس وع الوش هحط المكسرات بتاعتي🌰🥜🌰🥜 انا حطيت عين جمل😋😋 وممكن جدا قطع من بسكوت الاوريو
هندخل الصنية ع الشبكة فرن ١٨٠ لمدة من ٢٥د ل٣٠ د مش اكتر ابددا تطلع تبرد وتتقطع 🔪🔪وتتقدم مع بولة ايس كريم وبالهناا😌😌🍨🍨

https://www.facebook.com/103431454666295/posts/123043732705067/الوصفة ف اللينك

https://www.facebook.com/103431454666295/posts/120687502940690/
صوابع زينب😋😋 الوصفة ف اللينك☝🏼☝🏼

عاوزين تعرفو بتتعمل ازاى😋😋😋
تعالو معايا👇🏽👇🏽
https://www.facebook.com/103431454666295/posts/116806549995452

لعشاق الكراميل😍😍😍
وصفه كلها كراميلxكراميل🤭🤭👇🏽
https://www.facebook.com/103431454666295/posts/115198813489559/

وربات للقشطة الكدابة😍
الوصفة ف لللينك دة👇🏽👇🏽
https://www.facebook.com/103431454666295/posts/118998726442901/

الكنااافة بالمانجة باسهل طريق للمبتدئين😋https://www.facebook.com/103431454666295/posts/118021393207301/

كيك اند بيك Cake&Bake

اصدقائى متابعين شيف ونص ارجو متابعتي علي صفحتي الجديدة كيك أند بيك Cake and Bake لجميع انواع الحلويات والمخبوزات وكل عام وانتم بخير😊❤❤
لينك الصفحه https://www.facebook.com/كيك-اند-بيك-CakeBake-103431454666295/

Dalia Moussa Cake& Bake

المشبك السورى

وحوي ياوحوووووي😍😍😍
كل سنة وانتو طيبيين🤗🤗
بلح الشام... صنف ف نظري مايقلش اهمية عن الكنافة ف سفرة رمضان صنف بسيط بس لية طلة بردو👌😉
ف كسارول ع النار ٢٠٠ مل مية وعليهم ٥٠ج زيت ورشة ملح وذرة سكر يغلووو
ننزل بربع كيلو دقيق ونقلب بسرعه لحد ماتلم هاتتقل وتبقي غلسة مانقلقش براحة لكد الدقيق مايتشرب السايل كلة وتبقي كورة نقلبها دقيقتين كدة وناخدها نبردها ع الرخامة بقا ف العجان المتاح👋
بردت خلاااص...ننزل ب ٣ بيضات+صفار بيضه
بيضة الاول تختفي انزل بالتانية وهكذاومعاه الفانيلا
ف طاسة غويطة فيها زيت غزير مولعتش علية النار لسة اقطع البلح وانزل ف الزيت ماملاش الطاسة اوى وبعدين اولع النار اول مالاقى البلح بدا يقب انزل النار لاقل من متوسط بس مش نار هادية اوى وماجيش جمبة خااالص ف المرحلة دى اول ماحس انة بدأ يشقر اقلب
هاقلب ازاي بقا...بسطح المقصوصة علي ضهرها ف الزيت واقلب داير مايدور اكني بدوب عشان البلح مايتجرحش مني
بفضل اقلب باستمرار عشان ياخد لون واحد ويطلع علي سيرب تقيل بارد ويتصفي ويتقدم وبالهنااا والشفا😍😍
كنت هنسى😂😂
السيرب ٣ كوب سكر وكوب ونص مية وعصرة لامون وشوية فانيلا واخر حاجه نص كوب عسل جلوكوز 👌
من فضلكم❤️❤️

‎شيف ونص CHEF WENOS‎'s cover photo

شيف ونص CHEF WENOS

فينو الافران الهش
كيلو دقيق
١٠٠ج سكر او كوب الا ربع مذاب فى كوب ماء دافيء
٢معلقة ص ملح
تلات م ك خميرة
كوب الا ربع زيت
ماء للعجن حوالي ٥٥٠ج
معلقة ص محسن خبز
يخلط الدقيق مع الملح والخميرة ويضاف الزيت والماء المذاب بالسكر ويتم العجن باضافة الماء تريجيا حتى الحصول على عجينة ملساء والعجن لمدة لاتقل عن ربع ساعه لو بالايد وعشر دقايق لو فى العجان
تترك لتخمر لمدة ساعه ثم تقسم العجينة لكور صغيرة الحجم وتشكل على هيئة صوابع رفيعه وترص ف صاج مدهون وتترك لتخمر ساع ونص فى مكان دافء وتسوى على ١٨٠حتى تمام النضج
☺☺☺

البوريك 😍😍😍
مافيييش احلي مين ريحة المخبوزات ف البيت
ومافيش اطعم من ال بيتعمل بايدك انتي 😍😍😍😍بجد احلي واطعم بوريك ففطار بقا او للولاد ف المدرسة او تصبيرة ف نص اليوم جمب كوباية شاااي...ياااااة🤗🤗🤗انا جعت😂😂 تعالو نعرف بيتعمل ازاي
نص كيلو دقيق نحط علية نص كوباية سكر ومعلقة صغيرة مليانة ملح ونص كوب زيت وبيضة ومعلقتين كبار لبن بودرة لو موجود ومعلقة صلصة كبيرة ومعلقة خميرة كبيرة ونكون مجهزين جمبنا ربع لتر مية دافية او كوباية وربع هانعجن الكلان دة لحد ماتتكون عجينة بتلزق بسييط ف ايدينا ونعجنها مش اقل من ربع ساعه لحد مانلاقيها نعمت ولونها افتح
هاحطها ف بولة مدهونة زيت واغطيها واسبها تخمر ف مكان دافئ ساعه
بعد الساعه هاهبط العجينة بايدى واقطعها كور حجم البيضة كدة واغطيها واخد واحدة واحده وافردها بايدى بسيط تبقي دايرة كدة وعلي نص الدايرة احط جبنة بيضة وزتون او حبة البركة او جبنة رومي مبشور الحشو ال تحبوة واقفلها زى القطايف بدون ماضغط عليها من الاطراف واراعي وانا بشتغل تكون الرخامة نضيفه تماما مش عليها اى دقيق عشان ماترجعش تفتح لما تخمر والحشو يخرج هي هاتبقي ملزقة وهاتقفل علي بعضها لوحدهاا👌👌
هارص ف صاج مدهون زيت بسيط واغطيها واسبها تخمر ف مكان دافي ساعه او لحد مالحجم يتضاعف مرتين ع الاقل
هادهن الوش بصفار بيضة مع شوية لبن وشوية فلفل اسود وارش سمسم وحبة البركة واسوى علي ١٨٠ ....وبالف هنااا

لو عجبتكو الوصفه😘😘

كاب كيك بشكل جدييييييد🤗🤗🤗🤗
احلي كاب كيك ممكن تدوقوووة بجد ومكوناتة بسييييطة خالص😍😍
١٧٥ ج دقيق
٢٥ ج كاكاو دارك
١١٠ج سكر
١٠٠ج زيت
١٠٠ لبن
٣ بيضات ورشة ملح ورشة فانيلا
كيس بيكنج باودر
ف الخلاط هانحط البيض والفانيلا والسكر ونضرب لحد مايبقي الخليط كريمي ولونة يفتح..☝☝هانزل ب اللبن واضرب ضربتين ومن فتحة الخلاط انزل بالزيت
هانهل الدقيق مع الكاكاو مع البكنج باودر واضفلهم رشة الملح وانزل بالخليط علية واقلب بمضرب يدوي لحد مالمكونات تخش ف بعضها
بدهن القوالب بتاعتي زيت واصب تلتين البولة واسوية علي ١٨٠ لمدة ١٥ دقيقه..انا استعملت قوالب سليكون هي ال اظتنى الشكل دة لو مش متوافرة ممكن نعمل ف قوالب الكب كيك العادية بس هانستعمل ورق الكاب كيك طبعا
ف حالة القوالب السليكون بعد مالكيكة تبرد واطلعها بغسل الفورمة وانشفها كويس جدا وبدهن الفورمة بالشوكولا الخام السايحه كويس جدا مهليش جزء باين وبرجع الكيكه تاني للفورمة وادخلها التلاجة ربع ساعه وبعدين اطلعها هاتكون خدت شكل الفورمة☺☺☺بدهن الحروف بمربي وازينها باي مكسرات عندة
انا فرمت جزء م الكيك وعملت بية ترايفل وغطتها بالشوكولا
جربوهااااا🤗🤗🤗

يانهاااار كيك🤗🤗🤗🤗
كيك بوبس ...شيك جدا ف اعياد الميلاد والكبار والصغار بيحبوووة...وطريقته سهلة مووووت😍😍😍
اى طريقة كيك معتمدة عندك وبتنجح معاكي او كيكة باظت منك😬😬او اي بواقي كيك سواء شوكولا او فانيلا بنقطعها ونحطها ف الميكسر ونديها فرمة لحد ماتبقي مفتفتة خالص...بنفضيها ف بولة ونحط عليها اي حاجه من دول 👆👆
معلقتين قشطه او مربي يفضل مشمش او شوكولا اسبريد نوتيلا او اي جناااش عندك او حتي كريمة ذبدة لحد ماتتكون عجينة اعرف اكورهاا
بعمل كور احجام متساوية وبجيب الاستيكس بتاعة الكيك بوبس(بتتجاب من اي حد بيبيع مستلزنات الحلو او الادوات المنزلية) وبنزلها ف شوكولا خام سايحة مش مضافلها اي شيء واغرزها ف كور الكيك واسبها تمسك ف التلاجة خمس دقايق بس عشان لنا نيجي ننزلها ف التوبينج ماتقعش م الاستيك
بجيب شوكولا واسيحها واضيف ليها نقطتين زيت وانزل الكيك فيها واخبطة خبطه بسيطة وبصفية من اى ذيادات 🤗🤗وقبل مالشوكولا تمسك بزينها باي حاجه متاحه فورماسيل او اسبرنكلز او مكسرات مجروشة او بعمل كورنية من ورق الذبدة واملاه شوكولا واعمل نقط او خطوط بالشوكولا البيضة انا هنا عملت بشوكولا دارك وشوكولا بيضة لونتها بالوان باودر السايلة مماتتفعش ياجماعه هاتبوظ الشوكولااا☝☝☝وبثبت الاستيكس ف اي فوم عندى وبقدمهاا جربوها للاطفال هاينبهرو بيهااا😍😍😍وانتو كمااان😂😂😂
لو عجبتكو الوصفه😉😉

تارت المربي 😉😉😉
٣٠٠ ج دقيق
٢٠٠ ذبدة
١٠٠ سكر بودرة
كلو مع بعض ف الميكسر لحد ماتتكون عجينة بنلمها ونفردها علي سطح مرشوش دقيق والعجينة دى ميزتها انها مش بتحتاج نريحها😎😎
بنقسم العجينة تلت 👆وتلتين✌
بنفرد الجزؤ الكبير ف قالب التارت بسمك ١ سم👌👌
وبندخله الفرن يتشمع بسيط ونطلعه وبنفرد المربي النوع ال تحبوة وبباقي العجينة بنعمل شرايط طولية وعرضية زى الصورة وبندخلة يكمل سواه وبعد مابيخرج بنرش سكر باودر ع الوش ..احلي تارت مربي ممكن تاكلو 😍😍 وبالهنا

وافلز بصوص الشوكولاااا😋😋😋

المشبك السورى😋😋😋

تعالو نعمل احلي بسبوسة شرقي باللوز والبندق😍😍
ف بولة هانحط نص كيلو سميد بسبوسة سايب م العطار وعلية رشة ملح ورشة فانيلااا ومعلقتين كباار جوز هند
وف كسارول هانحط الاتى👌👌
نص كوب سمن نوعية كويسة
كوب لبن
نص كوب عسل جلوكوز او معلقتين كبار عسل نحل
فانيلا
كوب ونص سكر
ونرفع الخليط دة ع نار هادية خالص مع التقليب يادوووب السكر يدوب مش اكتر مش عاوزة الخليط يغلي👆👆👆
هاننزل ع السميد ونقلب بطراطيف صوابعنا بدون عجن عشان ماتنشفش يادوب ندخل المكونات ف بعضها وننزل بالكلام دة ف صنية مقاس ٣٠ مدهونة سمن كويس ونخبطها ع الرخامة خبطتين تلاته عشان الوش يتساااوى ونحط مكسرات لو حابين ..ولو عاوزين نقلبها بعد السوى بنحط زرقة ذبدة وبردووو بندهنهاا
بندخلها الفرن علي ٢٠٠ ع الرف الوسطاني اول ١٠ دقايق وبعدين ننزل النار ل١٨٠ لحد مالحروف تحمر وبعدين نطفي ونشغل الشواية
علي مالبسبوسة تستوي بنكون عملنا السيرب
ف كسارول بنحط كوبين سكر وكوبين مية ونرفعهم ع النار اول مالسكر يدوب بحط رشة فانيلا ومعلقة صغيرة سمن بلدى😉😉 البسبوسة سخنة مولعه والسيرب سخن يقابلو بعض وبتاخد كمية السيرب كلوووو
اسمع حد يقول معرفش اعمل بسبوسة تانى 😂😂😂

جاتو شاتو بصوص الشوكولا الرهييب🤗🤗
سهل وسريع واقتصاااادى جدا وينفع لضيوف الغفلة😎😎
ف الخلاط كوب لبن دافي مع كوب سكر بودرة وضرب مبررررح لحد مالسكر يدوب تماما ..بنزل بنص كوب كاكاو خام يفضل الاسباني طبعاا
واضرب تاني ٣ دقايق ومن فتحة الخلاط بنزل بكوب زيت ذرة خيط رفيع مع الضرب
باخد م الصوص دة كوب واركنه علي جمب
وعلي باقى الكمية ال ف الخلاط بحط بيضتين ورشة فانيلا واضرب...وبكون مجهزة ف بولة كوب دقيق منخووول علية رشة ملح ونص معلقة صغيرة بيكنج باودر ورشة ملح اسااااسي ف اي وصفه..بقلبهم وانزل عليهم بالخليط ال ف الخلاط واقلب بويسك يدوى وانزل ف صاج مربع صغير مدهون زيت واساوى الوش كويس واسوية علي ١٨٠ لمدة ١٤ دقيقة وبعد مايستوي بقطعه مربعات
التركة👌👌 ال بعملها اني مش بحط الصوص لان طعم الكاكاو بيضايقني وهو ني .انا بجيب كسارول صغيرة وانزل فيها بكوب الصوص ال شلناه ف الاول👆👆 وبحط علية معلقة عسل نحل☝ ومكعب شوكولا ☝ومعلقة صغيرة نسكافية☝ لل بيحب طعم القهوة ✋ومعلقتين تلاته لبن علي نار هادية خالص🔥🔥 مع التقليب وبعد مالصوص يبرد بنزل ع الكيكة🎂 بعد ماكون خرمتها وسقتها مياة غازية او سيرب خفيف او قهوة سريعة الذوبان
بفرد الصوص وبعدها انقل القطع🍰🍰 ف طبق التقديم وتتزين حسب المتاح عندك مكسرات او كريز او سبرينكلز او شوكولا مبشورة🤗🤗🤗🤗
دمتم مكلبظين😍😍😍

البريوش 🤗🤗
او المنجؤنة البورسعيدى
كل سنة وانتو بالف خييير🤗🤗🤗
البريووش ...ماحدش بيختلف علية تقريبا عجينة سهلة وغنية جدا بمكوناتها وبتنفع ف اي وقت وبتتاكل مع اى حاجه وكل حاجة
سادة ف الفطار او ديبنج مع صوص شوكولا كتحلية😋😋 وكمان قيمتها الغذائية هايلة لان فيها بيض ولبن وذبدة🤗🤗🤗تعالو نعرف بتتعمل ازاى
ف بولة هانحط
نص كيلو دقيق قوي
٣ بيضات
١٠٠ج سكر
١٥ج خميرة
٨ج ملح
٣ بيضات
رشة فانيليا
١٠٠ مل لبن او نص كوب
و٢٥٠ج ذبدة بدرجة حرارة المطبخ هاننزل بيهم بالتدريج
كلة مع بعض ماعدا الذبدة يتعجنو حوالي ٥ دقايق وبعدين انزل بالذبظة قطعه قطعه مع العجن لحد ماتخلصي ال ٢٥٠ج كلهم
هانلاقي العجينة تقريبا شبة سايلة دة القوام المظبوط بتاعها مانخافش
هانغطيعا ونحطها ف التلاجه مش اقل من ٤ ساعات وممكن نعملها قبلها بيوم عادى
لازم العجينة تتحط ف التلاجه عشان الذبظة تمسم واقدر اتعامل مع العجينة واشكلها زى مانا عاوزة
بعد ال ٤ ساعات هاطلعها واخدمها بسيط واخد جزء م العجينه وافردة علي رخامة مرشوشة دقيق وارش سكر بني وشوية قرفة وعين جمل لو متوافر وابرم واقطع قطع صغيرة واوقف كل ٣ قطع ف فورمة صغيرة او ف قوالب الكاب كيك زى الصورة كدة
جزء تاني بحشوة مختلفه بدل السكر والقرفه بدهن كاستر سابق التحضير مع رشة زبيب وبشكلها بنفس الطريقه
شكل تانى ان بعمل كورة حجم البيضه وفوقها كورة صغيرة وبرش الشكل دة من فوق بالسكر البني وممكن اضيف للعجينة نفسها شوية زبيب
بسيب الاشكال دى تخمر بدهن الوش ببيض مربوب مع سكر ورشة نسكافية وفانيلا ومعلقة حليب وبسويها علي ١٨٠ وبعد ماتخرج وهي سخنة بلمعها بمربي مشمش مخففة بمعلقتين مية
لو عاوزة اعمل م العجينة دى اشكال زى الضفيرة او اي شكل تاني بعنل نفس الوصفة ظى بس بخلي الذبدة ٢٠٠ج فقط وبحط بيضتين مش ٣ واللبن ربع كوب فقط عشان العجينة تكون متماسكة مش سايله😍😍

لو عجبتكو الوصفه

دوناتس بشكل جديد🍩🍩🍩

Untitled Album