AICHE SCU-Student Chapter

لو انت طالب هتتخرج السنه دي أو لسه داخل الجامعه جديد و عايز تتعلم حاجه جديدة 🚶✌️ .
متقلقش احنا جايين نقدملك سيشن هتفيدك جداً بالتعاون مع دكتور / مؤمن عسكر : مدرب معتمد من جوجل لتقديم كورس الديجيتال ماركتنج ؛ ومدرب soft skills و marketing في شركة E-youth 🔥
مين فينا بيسمع كلمة Marketing كتير ومبيكونش فاهم يعني ايه واستفيد منها في ايه ؟
الماركتنج فن محتاج دراسة عشان توصل للاحتراف فيه وتقدر تستخدمه في حياتك العملية في شغلك أو مشروعك الخاص أو حتي تسويق لأي شيء ناوي انك تعمله ومحتاج الناس تعرف عنه .
متقلقش كل الحاجات دي و الاساسيات بتاعتها هتكون موجوده في السيشن بتاعنا .
سيشن الماركتنج قدمه دكتور مؤمن مع عدد كبير من الطلاب والريفيو عنه دايما بتبقا مبهرة وعشان كده حبينا نعيده تاني ✌️♥️
يوم الجمعة5/11 هيكون السيشن أونلاين لمدة ساعتين أو تلاتة والحضور مجاناً و هنوفر شهادة للحاضرين 🚶🤍.

لنا عودة دائماً 😎❤️
أولى خطواتنا فى العام الدراسي الجديد ستكون .....؟

الزائر المؤقت ❤️😌

في مساءِ يوم الأربعاء ٢٥ مارس،زارنا ضيفُ غريبُ الهيئة وضعيف البنية و لكن قوي العزيمة،جاء إلينا من دون ميعاد،فرحبنا به وآتيناه كرم الضيافة فرفضه،وقال أنا لست بشاربٍ أو بآكل من طعامكم هذا.... أُريد فقط أن أعقِد صفقةً معكم و هي أن فرداً منكم يتعاقد معي ويعمل ليلاً نهاراً ومن ثم الفرد يجلب لنا إثنين والفردين يجلبا أربعة والأربعة يأتون ب16 فرداً ثم32 وهكذا .....
فقاطعت حديثه قائلاً:_أتقصد "تسويق شبكي" ؟
فنطق بإسمي وقال:-يا عبدالله،سُتدرك مقصدي،ولكن ليس الآن،وابتسم إبتسامة ً عريضة بلهاء تصل لأذنيه.

فانطلقت معه حيث انطلق،وبدأت معه في العمل الذي لم أفهم طبيعته قط،وبعد مرور أربعة عشر يوماً شعرت بالتعب الشديد والخمول الأشد وأُصيب جهازي التنفسي بشئ غريب،ولم أُعد مثل ما كنت عليه من صحة جيدة.....فاعتذرت لضيفي هذا على عدم مقدرتي للإستمرار معه في صفقته هذه....فابتسم لي ابتسامة أخرى ولكن كانت تملؤها الشفقة تلك المرة وقال لا تعتذر لي يا صديقي فأنت ساعدتني كثيراً في نجاح هذه الصفقة الموكل لي أن أقوم بها.

فتنهدت قائلاً:_ماذا تقصد بحديثك الغامض ومن أنت؟
أنا يا صديقي جُندٍ من جنود الله،كائن لا يُرى بعينك المجردة،تكادوا تروني بجهازٍ ذا عدسات مكبرة لأكثر من مليون مرة وذلك لإشباع فضولكم فقط وتعرفون هويتي من أجل أن ترسمونني كُرة خضراء وتعلوها بزابيز خضراء وتصنعون كوميكساتٍ ساخرة_ما علينا يا صاحبي_أسكن بالحويصلات الهوائية بالرئتين لديكم،فجئت على عجل لأخبركم أن الرحمن اشتاق لأيدي مهاجرة، وقلوب غافلة، فأنزل البلاء لترتفع أيدي الضراعة من جديد..

جئت لا لنرتدي الكمام ونطهر الأيدي والجسد فحسب؛ بل جاء ليعلمنا كيف نرتدي لباس التقوى، ونطهر القلوب من أدران الذنوب..قلبك برضه محتاج كحول يبشه.
فأخذت شهيقاً طويلاً وأخرجت الزفير بصعوبة شديدة وسألته:- ما اسمك يا ضيفي،قال أنا أيضاً عبدُ الله أعبدهُ،وأسبحه ولكنكم لن تفقهون تسبيحي...
فقط لا تخافوني ولكن خذوا حذركم وخذوا بالأسباب المتاحة لديكم وتوكلوا على الله وادعوه كثيرا.....فالدعاء يعيد ترتيب المشهد ولا يرد القدر إلا الدعاء (القدر المعلق وليس المُبرم)
فالعلاج هو التصالح مع الله...الله هو الأمان⁦❤️⁩
لم تنته الحكاية وغداً سأختفي وتنتشر العقاقير✨💞

اللهم اشف كل من أصابه هذا الفيروس،
و رحم الله موتانا و موتى المسلمين،لكم منا السلام
واللهم أرفع هذا الوباء عنا وعن جميع بلاد المسلمين.
ملحوظة غير هامة:- قد يكون هذا المقال طويل ولكنه مش أطول من عُمر كورونا🙂

رمضان مبارك عليكم جميعا🌸🌸⁦♥️⁩
كلنا بنتسحر وبنفطر واغلبنا بينسي أو مش بيفتكر يقول الأدعيه🙂
دعاء قبل السحور ربنا يتقبل👐🙏🙏🙏

اللهم يا مسبب الأسباب اللهم يا ⁦مفتح الأبواب اللهم يا سامع الأصوات يا مجيب الدعوات يا قاضي الحاجات وتقول حاجتك إقضي حاجتي وأغنني بفضلك عمن سواك اللهم إني ضيفك ⁦♥️⁩⁦♥️⁩⁦♥️⁩🌸🌸
دعاء قبل الافطار 🙏🙏
اَللّهُمَّ لا تَخْذُلني فيهِ لِتَعَرُّضِ مَعصِيَتِكَ، وَ لا تَضرِبني بِسِياطِ نَقِمَتِكَ، وَ زَحْزِحني فيهِ مِن موُجِبات سَخَطِكَ بِمَنِّكَ وَأَياديكَ يا مُنتَهى رَغْبَةِ الرّاغِبينَ .
اَللّهُمَّ اجعَلني فيهِ مِنَ المُستَغْفِرينَ، وَاجعَلني فيهِ مِن عِبادِكَ الصّالحينَ القانِتينَ، وَاجعَلني فيهِ مِن أَوْليائِكَ المُقَرَّبينَ، بِرَأفَتِكَ يا أَرحَمَ الرّاحمينَ .
اَللّهُمَّ قَوِّني فيهِ عَلى إِقامَةِ أَمرِكَ، وَأَذِقني فيهِ حَلاوَةِ ذِكْرِكَ، وَأَوْزِعْني فيهِ لِأداءِ شُكْرِكَ بِكَرَمِكَ،
وَأَحْفَظْني فيهِ بِحِفظِكَ وسَتْرِكَ يا أَبصَرَ 👐👐⁦♥️⁩⁦♥️⁩
ربنا يتقبل منا ومنكم🙏🙏🙏

شهر البركات جاء شهر الرحمة و الغفران، شهر الخير و المعجزات، شهر مبارك جاء ليجدد كل ما فينا🌸 ، شهر معطاء فلتستغله في تلاوة القرءان ، فلنكثف من الدعوات و نزيد الطاعات ، مرحب بقدومك يا شهر رمضان
شابتر ايكي يتمني لكم رمضان مبهج كعادته 💕💕🌙🌙

و اخيرا ؛ لا تنسوا نية الصيام ويشترط في النية أن تكون في الليل ، وقبل طلوع الفجر، لقول النبي صلى الله عليه وسلم : ( مَنْ لَمْ يُبَيِّتْ الصِّيَامَ مِنْ اللَّيْلِ فَلا صِيَامَ لَهُ ) . صححه الألباني في صحيح الترمذي، و المعنى : من لم ينو الصيام ويعزم على فعله من الليل فلا صيام له ،....كما ان النية عمل قلبي ، فيعزم المسلم بقلبه أنه صائم غداً ، ولا يشرع له أن يتلفظ بها ويقول : نويت الصيام أو أصوم جاداً لك . . . الخ ، أو نحو ذلك من الألفاظ التي تعتبر بدعة... فالنية الصحيحة هي أن يعزم الإنسان بقلبه أنه صائم غداً ✨⁦♥️

( كُـلُّ عـام و أنْتُم بخيـر )

غالبا عندما تقرأ هذا الكلام سيكون في وقت غير مناسب لك، و من هنا نستخرج مصطلع في حياتنا اليومية و هو " اللامناسب " و يختلف من شخص لأخر ، بل من كائن و جماد علي الارض لأخر، ... مثلا عندما يهطل المطر فجأة بدون إنذار و برغم اعتدال الجو عن البرودة ،يعتقد البعض ان الوقت غير مناسب أو لا متوقع للمطر و البعض يعتقد أنه الوقت الامثل لفتح أبواب السماء فهناك كثير من الدعوات يرديدونها بأستمرار ، و هنـاك من أحس بالسعادة حيث أعادت إليه قطرات المطر الحماس ؛ نباتات قد ارتوت و أخري غرقت ، أشياء قد اتلفها البلل و أخري زاد بريقها .
في الوقت "اللامناسب" هناك خيار ما عليك سوي القرار کـ زيارة أحد اصدقائك لك و أنت تستعد لقضاء يوم مع خالك القادم من غربة و تظهر أمامك الاختيارات : ان تترك صديقك او تترك خالك أو تجعلهم في إلتقاء واحد قد ينتج عنه بعص الاحراج ، فقط اختار الآ في دقائق يجب عليك دراسة كل الأحوال .

لا أريد ان اطل عليك الكلام و لكن الشئ الذي علمته إنني لا أحب "اللامناسب" أو الوقت الخاطئ و لا أحب المفاجآت سارة كانت أو غير محببة ، لذا أضع دائما كل الاحتمالات التي قد تحدث حتي ان كانت خيال . فقد أدركت أنه عليَّ الاستعداد دائما لربما لربما استطع أخد القرار المناسب في وقت قد لا يكون مناسب محال .
فقـط كـن مستعد لمـا هو آت 💙✌️

- فاضي شوية ؟
= لأ ، و متقوليش نشرب قهوة علشان مبحبهاش 😐
- ليه كدا يا صحبي ؟
= طعمها وحش و مر معرفش الناس بتشربها إزاي 🤦‍♂️
- اه فعلا بس بتخليك تصحصح 💪 .. اممم طيب انت فكرت ف مرة ليه القهوة فيها طعم مر ؟؟ 😉
= و انت فكرت في مرة ليه القهوة بتخليك تصحصح ؟؟ 🙂

ايوا بالظبط كدا زي ما قولت و علي فكرة اجابة السؤالين واحد و هو ( الكافيين )

في البداية كدا تعال اخدك جولة في احد مكونات البن الجميلة و هو " حمـض الكلوروجينــك "

و دا مركب نباتي كميائي مصدره الاساسي حبوب البن الاخضر او بشكل عام النباتات ذات فلقتين و هتلاقيه موجود في التوت البري ،و التفاح و الطماطم و الباذنجان و طبعا بكميات مختلفة .

طيب نيجي بقي لمصدر نكهة القهوة و ايه علاقته بيها ؟؟ 🤔 خد المعادلة دي " كل ما تحميص البن الاخضر زاد و بقاا لونه اغمق كل ما مرارة القهوة بتزيد " 👌 طيب ليه ؟؟ .. لأن مركب الكلوروجينك اللي في البن الاخضر غير مستقر حراريا يعني اي ؟؟ 🤨يعني بيتحلل بسرعة لما بيتعرض لدرجات حرارة أثناء التحميص و يتحول الي : حمض كينيك + كافيين ... و بالتالي كل ما التحميص يزيد كل ما الكافيين يزيد و يعمل نكهة مرارة

طيب حلو تعالي بقاا ناخد جولة عن فوائد حمض الكوروجينك :

- خساااارة الوزن و في دكاترة تحسيس بيستخدموه كمكملات لأنه بيولد الشعور بالشبع بالاضافة لحرق الدهون بفاعلية 😃👏
- بيحسن بطانة الاوعية الدموية و بيقلل من مستويات ضغط الدم
- تحسين وظائف الاعصاب و الذاكرة و المزاج 👏
- يحسن من حالة مرضي السكر لأنه بيعمل علي انتاج الجلوكوز ف الكبد
- تحتوي القهوة الخضراء علي مضادات أكسدة حيث تساعد في حماية البشرة من علامات الشيخوخة، والتقدم بالعمر. 💙

بس بردو متنساش إن اي حاجة لو زادت عن الحد بتتقلب الضد ، بمعني إن الافراط في الكلوروجينك او تناول القهوة مثلا له اضرار زي :
- الاصابة بأمراض القلب لأنها بترفع من مستويات الـ homocysteine في الدم
- احتمالية الاصابة بالقولون العصبي او مرض المياه الزرقا للعين او الاصابة بهشاشة عظام

الاجواء دي عاوزة كوباية سحلب سخنة و بطانية مع فيلم خيال علمي علي mbc2 ، و طبعا القعدة دي مبتكملش غير بدخلة ست الكل علينا بطبق البرتقال و قشر يا عم تلت اربع برتقالات ميهمكش 😂👏💙💙

و علشان البرتقال هو الراعي الرسمي للشتا فقولنا نتكلم عنه شوية ✌️💕

- بما ان البرتقال من الحمضيات و الحمضيات بشكل عام بتكافح عدد كبير من أنواع السرطان ، زي سرطان الجلد و الثدي ... و كمان تقليل الاصابة بسرطان الكبد و دا نظرا لمضادات الاكسدة القوية الموجودة ف فيه
- كمان البرتقال بيعمل علي خفض الكولسترول في الدم و دا لاحتوائه علي نسبة عالية من ألياف قابلة الذوبان
- تقوية القلب و الاوعية الدموية لانه غني بالبوتاسيوم و الكالسيوم و دي مواد مسئولة عن تعزيز و تنظيم معدل ضربات القلب و ضغط الدم
- و طبعا فيتامين سي اللي البرتقال مشهور بيه دا بقاا بيعزز امتصاص الحديد بمعني انك لما تكون آكل وجبة محتوية علي حديد فالبرتقالة بتسرع امتصاص الحديد في الامعاء علشان الجسم يستفاد منه
- تقوية جهاز المناعة ،اللي هنحتاجه لمواجهة فيروس كوفيد 19 💪🙂
- مضاد ضد السعال و الانفلونزا
- يزيل اثار التسمم نتيجة كثرة استعمال الادوية الكيماوية

و دي حاجات بسيطة بالاضافة لفوائد عديدة زي : الحفاظ علي صحة الجلد و العيون و الوقاية من الامساك، تزويد الجسم بالطاقة لاحتوايه علي سكريات بسيطة و منعش و منظف للفم .. ......الخ

و علشان لسة ف فوائد كتيير تعالي ناخد نبذة مختصرة عن مكونات البرتقالة الواحدة ✌️💙🍊

مبدأيا كدا في دراسات بتقول ان معظم المواد المفيدة موجودة ف القشرة البيضاء للبرتقالة ، ايوا اللي انا و انت بنرميها دي و نقشر البرتقالة تماما 😂💔
تحتوي البرتقالة بقاا حبة حاجات مفيدة كدا زي :
- فيتامين أ ، سي ، ب ، حمض الفوليك المسمي ايضا بـ فولاسين او الفولات
- مضادات اكسدة زي ألفا و بيتا كاروتينات و اللوتين
- عناصر مثل الكالسيوم و الفوسفور و الحديد و الصوديوم .....
- حمض الستريك

الكلام عن البرتقال ممتع جدا 😍 بس هنكتفي بدول ، و اخيرا أنت تعرف اي هي أنواع البرتقال؟؟ او تعرف اي منها؟؟ 🤔🤔

كيف حالك يا صغيري..؟ أعلمُ أنَّ حالكْ حالِك؟
وأعلم أنك لستُ على ما يُرام.. والأيام لم تكن رحيمة بك بما يكفي،والليالي تفعلُ بك ما يحلو لها ولم يروق لك.
ولكن هون عليك يا صغيري...فأنت مع كل محاولة وتعثر ونهوض تزداد جمالاً وحلاوةً!

سأُخبرك بشئٍ يا صديقي،انظر إلى يدي اليسرى وما يعلوها من أربطة بيضاء تضغطها بشدة،أتعلم أن يدي تؤلمني أحياناً و أتألم أكثر لطول فترة الألم..ولكن لا بأس؛ أنني موقناً أن بعد فترة وجيزة من الأيام والليالي وبعض الآهات وأكواب القهوة التى لا فائدة لها سوى أنها تُزيد من الحدائق السوداء حول عيني..سيجبُر هذا الرباط الضاغط ألم يدي وتذوب آلامي وآهاتي في بحر النسيان..وهذه الضغطة التي كانت تؤرقني إنما هي ليست إلا ضُمادة..وتصبح يدي حينها عفية وتسبح مرة أخرى في أمواج الزمان وتقلباته.

واعلم يا صغيري أن بعد الصبر جبر... وأن الصبر على الصبر يُعد صبراً جميلاً، وأن الله يرى محاولاتك في النهوض بعد كل تعثر
ويسمع دعائك الخافت وينصت لرجاء قلبك..
لا تتوقف مادام الله قريب إلى هذا الحد.

وأخيرا يا صديقي..خدعوك حين أخبروك أن "من سار على الدرب وصل"
لكن لا أحد يخبرك بالقصة الكاملة.
القصة هي..
"من سار على الدرب تعثر وسقط، تألم ونهض،
خُذل ووقف، أتته لحظات يأس فحارب وتوكل على الله، ثم مشى بالعزيمة، وركض حتى وصل"..
اللهم وصولاً اليك وأنت راضْى عنا"

ملحوظة قد تبدو مُهمة:-
"مقولة..من سار على الدرب وصل إلي آخره..مُقتبسة بتصرف"

🚶🚶

Our form : https://cutt.ly/kh3fsKl

بمناسبة اليوم العالمي للغة الضــاد 💙💙اللغة العربية الخالدة اختارنا لك الأتي ❤️👏✌️

مسميــات :

* لا تسمى الكأس كأساً إلا إذا كان فيها ما يشرب، وإلا فهي القدح.
* لا تسمى المائدة مائدة حتى يكون الطعام فوقها، والا فتسمى الخوان.
* لا تسمى الحديقة بالحديقة إلا بها سور، وإلّا فتسمى بستانا

فـرّق بيــن :

- الرهط من 5:10
- العصابة من 10:40
- العصبة من 10:90
- بضع من 3:9

شاركنا ابداعات لغتنا الكريمة و اكثر الأبيات بلاغة و تأثيرا لك 💙💙👏

و خريف العمر يا صديقي هو الأفضل، هو النضج الكافي هو "الرونق" ، هو كوب من الشاي الدافئ مع خبز طازج ، في صباحٍ تملؤه قطرات الندي علي زجاج الشرفة ؛ تعكس ابتسامتك التي تكبر أكثر، دعني أخبرك - صديقي - ان العمر يشبه فصول السنة تلك : فالصيف هو الأكثر طولا منذ ولادتك و حتي الثامنة عشر ، الشمس الحارقة و رائحة العرق المحرجة من كثرت اللعب و اللهو و طاقة لا نعلم لها نهاية ليأتي العطش المعرفي و توسع المدارك و خوض تجارب تجعلك تشعر بذلك الحر اللاذع فتتمرد و تثور ، تريد الجميع يدور حولك فأنت هو المركز ، أنت الذي يعاني و هم في الظل يرددون الأغاني ....، ينتهي الصيف بإعطائك هدية من قوة كبيرة تستقبل بيها ربيــع العمـر ، يمنحك ارضًا لتزرعها لتبث بها جذورك ، لتضع الحبوب المناسبة لتجني ثمار صالحة طازجة .. ؛ تنبت الأرض و يعلو الزرع و يأتي الحصاد ، كما نعلم يختلف حصاد كل شخص ، بنفس مقدار اعتنائك و عطائك للأرض ستعطيك ،....سيودعك الربيع بعدة حكاوي و روايات تحكيها للأجيال ، ليحل الخريـف بدون إستئذان عازفًا لحن الذكريات ربما جيدة أو سيئة ، لكن بداخلك يعم السلام ،... اما الشتاء فليس له موعد ثابت حيث يزورك كل حين ليجمدك في موضعك حتي يشاء العليم ، ثم .. ثم تنهض بعزمٍ جديد . 💪

الحياه قصيرة يا بني ، عش كل فصولها بإبتسامة و شغف ، فكل ذاهب لا يعود، حتي أنت سترحل يومًا لـلقاء القبـور . 💙

كل عام وأنتم بخير❤️❤️

كل عام و انتم بخير
عيد اضحى مبارك

غالبا سمعنا عن الحالة اللي في الصين بتاعت " الطاعون الدبلي أو الدملي " و أنه مرض معدي بينتشر اكتر في المناطق الريفية
و ان منغوليا و دي المدينة اللي ظهر فيها الحالة اعلنت درجة الانذار الثالثة بمعني تم عمل حظر صيد و أكل الحيوانات لأنه بينتقل من القوارض و خاصة حيوان المرموط اللي اصاب الحالة دي و - اللي اصبح في حالة مستقرة - و اصاب شخصين كمان السنة اللي فاتت بعد ما اكلو من حيوان المرموط ; واحنا هنا هنتكلم عن مرض الطاعون نفسه! 🤔

الطاعون أو "the black death " الموت الاسود زي ما أطلق عليه في العصور الوسطي.
⬅️ هو عبارة عن عدوي بكتيرية حادة يعني نوع من البكتيريا هو اللي بيسبب المرض و أسمه " يرسينيا بيستيس " أو "طاعون يرسينيا " نسبة لعالم البكتيريا الفرنسي "ألسكندر يرسن " .. الحامل الاساسي للمرض هو البراغيت اللي بتنتشر علي اجسام القوارض عادة او الحيوانات عمتا
كمان الطاعون واحدا من الأمراض الوبائية الثلاثة التي يجب الإبلاغ عنها على وجه التحديد إلى منظمة الصحة العالمية - الاثنان الآخران تحديدا هما الكوليرا والحمى الصفراء-

⬅️ يوجد 3 أنواع من الطاعون هما كالتالي :
1- الطاعون الدبلي : هو أكثر أنواع المرض شيوعًا. سُمِّي باسم تورم العُقَد اللمفية

من علاماته وأعراضه
ظهور مفاجئ لحمى وقشعريرة
الصداع
التعب و الضعف العام
آلامًا في العضلات

2- طاعون إنتان الدم

يحدث طاعون إنتان الدمِ عندما تتكاثر بكتيريا الطاعون في مجرى الدم.
من اعراضه :
حُمّى وقشعريرة
الضعف الشديد
ألم في البطن، إسهال وقيء
نزيف من الفم، الأنف أو المستقيم، أو تحت الجلد
اسوداد وموت الأنسجة في الأطراف، الأكثر شيوعًا أصابع اليدين والقدمين والأنف

3- إنتان الرئة ( الطاعون الرئوي )

يؤثر الطاعون الرئوي على الرئتين. نادر لكنه الاشد خطرا ، لأنه يتطوَّر بشكل سريع، وقد يسبب فشل الجهاز التنفسي وصدمة خلال يومين من بدء العدوى.
من اعراضه:
السعال، والمخاط المصحوب بالدم
صعوبة في التنفُّس
الغثيان والقيء
ححمي شديدة
الصداع
الضعف
ألم الصدر

⬅️ العلاج :بما اننا بنتعامل مع بكتيريا مش فيروس فالعلاج بيتلخص في المضادات الحيوية 💊💊

في الاخير الطاعون مرض له ماضي أليم مع البشرية و بالتحديد الطاعون الدبلي💔 .... و ندعو بالشفاء العاجل للمرضي في كل مكان 🤲💙

استمر خالد في البحث عن مفهوم التسويق وأهميته حتي يتثني له التسويق للكتاكيت الخاصة بمشروعه 🐤🐤

" التسويق هو علم بنمارسه كل يوم في حياتنا من غير ما ناخد بالنا ،، ولما هنتعمق فيه شوية هتحس انك محتاجه في كل يوم في حياتك يعني ،،
انت لما بتتكلم كويس مع الناس ،، او بتلبس حلو ، أو بتطور نفسك في أي مجال من مجالات الحياة فانت بكده بتكتسب ميزة تنافسية بتنافس بيها ،، ودي مهارة تسويقية بتستخدمها عشان تسوق لنفسك ..
لما بتتكلم أو بتتعامل مع الناس !! يا تري بتكلمهم كلهم بطريقة واحدة أو أسلوب واحد ؟ !! لا طبعا ..
انت بتعمل تقسيم للمجتمع بتاعك .. أهلك ، قرايبك ، صحابك ، زمايلك في الجامعة ، .. الخ ،،
وبعد التقسيم ده انت بتقرر انك تستهدف كل شريحة على حسب صفاتها وسلوكها .. وانت بتبقى عاوز تظهر بصورة مختلفة لكل شريحة من دول ،،
بتظهر في صورة المطيع في البيت ، والرياضي مثلا مع صحابك في الكلية ، والمجتهد وسط أساتذتك في الجامعة او مدرسينك في المدرسة ،، وهكذا ..
وكل دي مهارات بتتعلمها في الماركتنج أصلا ..
حتى لما تيجي تدور على شغل ،، بتدور الاول على احتياجات الشركة والسوق ، وبجانب ده بتعمل لنفسك تحليل داخلي وعلى حسب المعلومات اللي بتجمعها عن السوق وعن نفسك وبتبدأ تطور من نفسك عشان تلبي حاجة السوق وتشتغل الشغلانة اللي انت عاوزها ..
وبالتالي التسويق هو العلم اللي مينفعش تندم انك اتعلمته في يوم من الأيام ،، لأنك لما بتتعلم التسويق بتتعلم معاه مهارات النجاح .. مهارات التخطيط و الإقناع ،، مهارات التفكير وحل المشاكل ،، والمهارات دي بتساعدك انك تسوق لأي حاجة بتقدمها او تسوق لنفسك حتى ^^ "
(من كتاب ماركتنج بالعربى)
ومن هنا رغبة خالد بتزيد كل يوم في الالتحاق بكورس الماركتنج ل د / مؤمن عسكر واللى هيبدأ خلال أيام 😎🔥.
تفاصيل أكتر عن الكورس هتلاقوها في البوست فى أول كومنت

تقدر تسجل للكورس عن طريق الفورم ده
https://docs.google.com/forms/d/e/1FAIpQLSexf1TW9IU7tJE4B3i7lTPs6iBt80SNvi2np9-aAvWRXIcT1A/viewform

بعض من الفيدباك للطلبة في اخر مرة تم فيها الكورس ⁦♥️⁩
ممكن تكون متردد وحاسس انك داخل حاجة مش متجربة ولكن لازم تعرف ان الكورس اتكرر مع اكتر من ٢٠ جروب وكل الفيدباك كانت بالشكل ده وكمان دكتور مؤمن هو مدرب معتمد من جوجل 🔥
أول مجموعة في الكورس هتبدأ خلال أيام قليلة ان شاء الله 🔥⁦♥️⁩
تقدر تحجز من خلال الفورم ده
https://docs.google.com/forms/d/e/1FAIpQLSexf1TW9IU7tJE4B3i7lTPs6iBt80SNvi2np9-aAvWRXIcT1A/viewform

الوقت بيقرب وهنبدأ اول جروب خلال أيام معدودة 🔥😎
فرصة الكورس لسه قدامك بسعر بسيط وهو ٥٠ جنيه تقدر تشترك من خلال الفورم الموجودة في البوست 🔥⁦♥️⁩

"بعد أن وصل خالد إلى فكرةٍ لمشروعٍ جاد،للربح السريع،وبدأ يجمع رأس المال لشراء الكتاكيت ومُعدات التسمين،وبرنامج التحصين،وبالفعل قد أتم ذلك....وبعد يومين من بدء تنفيذ المشروع لم يأتِ غير ثلاثة أفراد فقط ليبتاعوا منه بعضُ من الكتاكيت،و هن أقاربه فكانت خالته و إحدى زميلاتها،والأخري نظرت للكتكوت بتمعن ونظرت لخالد وانتظرت منه كلمة أوكلمتين عن مميزات كتاكيته،ولكن لم يحدث ذلك....فغادروا المكان وغادرت معهن بعضُ من الكتاكيت المسكينة.....

دخل المنزل،وجلس في زاوية غرفته،وضمّ إحدى ركبتيه إلي رأسه،وبدأت الأسئلة تتخبط بجمجمته،لماذا لم يأتِ أحد ويبتاع كتكوتاً واحداً!
لقد أتيت بجميع ما يحتاجه المشروع،ما الذي ينقصني إذاً..........!
فُسرعان ما أجبته،ينقصك"شُهرة الكتاكيت" يا خالد
-أتقصدين،أن التقط مُكبراً للصوت،وأغني ب"كتاكيتي صاو صاو صاو"🐣🐤
_اااااااخ منك يا خالد،اقصد ينقصك التسويق لمشروعك يا جهبيز ،التسويييق.✨

أنصحك أن تلتحق بالدورة التدريبية للماركتنج اونلاين،بشابتر AiChe، حسناً سأقص عليك تفاصيل الMarketing Clinic.
هذا الكورس بالتعاون مع أسرة SEG و أسرة ATI
أما عن محتوى الكورس :
Introduction - Kinds of marketing - Marketing Strategies - Creativity - Offline marketing - Digital marketing - Social media advertising - Marketing plan - market research - Content Creation - Slogan - Personal Branding - LinkedIn
طب والكور....... مهلا يا خالد،مهلاً
أما عن مدة الكورس،أسبوعين،عبارة عن 10 Sessions،منهم 3 ديجيتال ماركتنج،والسيشن مدته20 دقيقة ع مدار اليوم تقدر تسمعه في اي وقت،وتسيب أسئلتك بالجروب.
وطبعا هيبقي فيه مهارات وأنشطة آخر اليوم،ونتقسم جروبز نعملsimulation لبروجكت معين.

الكورس اتطبق مع ٢٠ جروب على مدار سنتين يعنى أخده حوالى ٥٠٠ شخص ف إنت داخل حاجه متجربة ونتائجها مضمونة ب اذن الله .
الكورس بسعر رمزي ٥٠ جنيها 🔥😌
🎤 Course Presenter:-Dr/Mo'men Asker
🔵 مدرب سوفت سكيلز و ماركتينج فى شركة E-youth
بالإضافة لكونه مدرب معتمد من جوجل مهارات لتقديم كورس الديجتال ماركتينج .
طوال فترة عمله كمدرب قدم كورسات لحوالى ٣٠٠٠ طالب فى ٨ محافظات مختلفة.

وبعدما قرر خالد حضور كورس الماركتنج،أصبح في طريقه لكونه"مليونير مليونير.."💵🐥

https://docs.google.com/forms/d/e/1FAIpQLSexf1TW9IU7tJE4B3i7lTPs6iBt80SNvi2np9-aAvWRXIcT1A/viewform?usp=pp_url

مش بس في موت مفاجئ للأنسان دا كمان في عالم الحيوان منهم حالات الموت الطبيعي و منه الغامض اللي العلماء مقدروش يتوصلوا لسبب موته ، زي اللي حصل في دولة بوتسوانا من يومين؛ - و دي دولة جنوب الصحراء الكبري و كانت محمية بريطانيا سابقا قبل استقلالها - أما عن الموت المفاجئ و الغامض كان ل350 فيل، وصفها علماء بأنها "كارثة لحماية الحياة البرية"، و كانت أول حالة وفاة غير عادية في مايو الماضي، عندما توفي 169 فيلا في فترة قصيرة في دلتا أوكافانغو، وهي موطن الحياة البرية هناك، وتضاعف هذا العدد تقريبًا بحلول منتصف يونيو، حيث حدثت 70 % من الوفيات حول فتحات المياه، وفقا لمصادر محلية بحسب ما ذكرت صحيفة "ديلي ميل" البريطانية.

شهود عيان محليون قالوا إن بعض الفيلة شوهدت وهي تسير في دوائر، وهو ما يشير إلى خلل في الجهاز العصبي. قال الدكتور نيال ماكان، مدير حماية الحياة البرية في حديقة National Park Rescue بالمملكة المتحدة: "إذا نظرت إلى الجثث، ستجد أن بعضها سقطت على وجهها مباشرة، وهو ما يشير إلى أنها ماتت بسرعة كبيرة. ويبدو أن أفيالاً أخرى ماتت ببطء أكثر، مثل تلك التي كانت تسير في دوائر. لذا يصعب للغاية تحديد ماهيّة هذا السّم، كما أن الأفيال كانت تموت من جميع الأعمار ومن كلا الجنسي.
أيضا يظل تسمم السيانيد -الذي كثيراً ما يستخدمه الصيادون غير الشرعيين في زيمبابوي- احتمالاً قائماً، كما ذُكر ان مرض "كوفيد-19" قد يكون سبب محتمل لكنه يُعتبر مستبعد .
و حيث أن لم تفحص حكومة بوتسوانا العينات المأخوذة من الأفيال الميتة بعد، لذا لا توجد معلومات عن سبب الوفيات حيث قال الدكتور سيريل تاولو، القائم بأعمال مدير إدارة الحياة البرية والحدائق الوطنية في بوتسوانا :
"لقد أرسلنا (عينات) لفحصها ونتوقع الحصول على النتائج خلال الأسبوعين القادمين أو نحو ذلك"، مضيفاً :لم تساعد القيود المفروضة بسبب كوفيد-19 على نقل العيِّنات في المنطقة وفي مختلف أنحاء العالم. وقد بدأنا الآن في الخروج من هذا الوضع، ولهذا السبب أصبحنا الآن في وضع يسمح لنا بإرسال العينات إلى مختبرات أخرى".

و ها مازال السبب الحقيقي وراء موت الفيلة مجهولا حتي تتم الفحوصات ✋.

"بعد أن وصل خالد إلى فكرةٍ لمشروعٍ جاد،للربح السريع،وبدأ يجمع رأس المال لشراء الكتاكيت ومُعدات التسمين،وبرنامج التحصين،وبالفعل قد أتم ذلك....وبعد يومين من بدء تنفيذ المشروع لم يأتِ غير ثلاثة أفراد فقط ليبتاعوا منه بعضُ من الكتاكيت،و هن أقاربه فكانت خالته و إحدى زميلاتها،والأخري نظرت للكتكوت بتمعن ونظرت لخالد وانتظرت منه كلمة أوكلمتين عن مميزات كتاكيته،ولكن لم يحدث ذلك....فغادروا المكان وغادرت معهن بعضُ من الكتاكيت المسكينة.....

دخل المنزل،وجلس في زاوية غرفته،وضمّ إحدى ركبتيه إلي رأسه،وبدأت الأسئلة تتخبط بجمجمته،لماذا لم يأتِ أحد ويبتاع كتكوتاً واحداً!
لقد أتيت بجميع ما يحتاجه المشروع،ما الذي ينقصني إذاً..........!
فُسرعان ما أجبته،ينقصك"شُهرة الكتاكيت" يا خالد
-أتقصدين،أن التقط مُكبراً للصوت،وأغني ب"كتاكيتي صاو صاو صاو"🐣🐤
_اااااااخ منك يا خالد،اقصد ينقصك التسويق لمشروعك يا جهبيز ،التسويييق.✨

أنصحك أن تلتحق بالدورة التدريبية للماركتنج اونلاين،بشابتر AiChe، حسناً سأقص عليك تفاصيل الMarketing Clinic.
هذا الكورس بالتعاون مع أسرة SEG و أسرة ATI
أما عن محتوى الكورس :
Introduction - Kinds of marketing - Marketing Strategies - Creativity - Offline marketing - Digital marketing - Social media advertising - Marketing plan - market research - Content Creation - Slogan - Personal Branding - LinkedIn
طب والكور....... مهلا يا خالد،مهلاً
أما عن مدة الكورس،أسبوعين،عبارة عن 10 Sessions،منهم 3 ديجيتال ماركتنج،والسيشن مدته20 دقيقة ع مدار اليوم تقدر تسمعه في اي وقت،وتسيب أسئلتك بالجروب.
وطبعا هيبقي فيه مهارات وأنشطة آخر اليوم،ونتقسم جروبز نعملsimulation لبروجكت معين.

الكورس اتطبق مع ٢٠ جروب على مدار سنتين يعنى أخده حوالى ٥٠٠ شخص ف إنت داخل حاجه متجربة ونتائجها مضمونة ب اذن الله .
الكورس بسعر رمزي ٥٠ جنيها 🔥😌
🎤 Course Presenter:-Dr/Mo'men Asker
🔵 مدرب سوفت سكيلز و ماركتينج فى شركة E-youth
بالإضافة لكونه مدرب معتمد من جوجل مهارات لتقديم كورس الديجتال ماركتينج .
طوال فترة عمله كمدرب قدم كورسات لحوالى ٣٠٠٠ طالب فى ٨ محافظات مختلفة.

وبعدما قرر خالد حضور كورس الماركتنج،أصبح في طريقه لكونه"مليونير مليونير.."💵🐥

https://docs.google.com/forms/d/e/1FAIpQLSexf1TW9IU7tJE4B3i7lTPs6iBt80SNvi2np9-aAvWRXIcT1A/viewform?usp=pp_url

إعلان متداول علي جميع مواقع التواصل الاجتماعي ( تعلن قاعدة الصواريخ و الالعاب النارية عن بدأ الاحتفال بأفتتاح فرع جديد من سلسلة محلات "بومب" للملابس الجاهزة ،بعروض و أسعار بومب 💥 و خصم 50% لو أول مرة تشرفنا .

- بس يا صاحبي المحل دا لقيت أسعار و عروض نار ، وليد صاحبنا راح اشتري منه و بيقول دي فرصة متتعوضش
- اه فعلا دا المحل كمان شكله نضيف اوي و مصروف عليه و الفيس مقلوب عليه صوره منتشرة في كل حتة ، خلاص بكرة ننزل نعدي عليه
لما روحت أنا و صحبي المحل لاقيناه محل صغير في منطقة شعبية نوعا ما ، اما عن العروض فكانت كويسة بس مش بالشكل المتوقع و الملابس زي كل الملابس اللي في المحلات .. بس لاحظنا حاجة أن في إقبال تاريخي علي المحل و مسمع في المنطقة كلها بالرغم من ان في محلات احسن منه بس دا حاز بشعبية اكتر .. السبب يتلخص في كلمة واحدة و هي : " marketing " بمعني ان المحل اتعمله ماركتنج كويس.
ال "Marketing " ... معرفش درجة معرفتك عن الماركتنج اي، أو أنت شايفه أزاي ؛ بس الاكيد ان الماركتنج يعتبر عمود المنظمة اللي هتتسند عليه .. و في الوقت الحالي هتلاقي أن كل المنظمات سواء كبيرة او صغيرة بتعمل وظفتين اساسيتين هما : أنتاج السلعة أو الخدمة أو الفكرة ... و من ثم الترويج و التسويق لها بشكل أحترافي ،علشان التسويق هو اللي ممكن :
يطور المنظمة و يعليها .
يزيد انتشارها .
بالتالي زيادة مستواها الاقتصادي .
و كمان الارتقاء بحياه حضارية حيث التنافس لخدمة المستهلك و تقديم الافضل
و بالتالي إشباع حاجات و رغبات المستهلك .

بإختصار شديد " بقاء أو فناء المنظمة يعتمد علي تسويقها.

في احدي الاماكن المهجورة البعيدة عن الأنظار و الأسماع ،تجمع عائلي- علي الضيق كدا - لاحدي عائلات الفيروسات التاجية المعروفة ؛ قطع الصمت المخيم علي المكان كبير العائلة ناظرا لأحد الافراد الظاهر عليه الاعياء
- بقاا يا فالح مش قادر تخلص علي الصين بعد ما صرفت عليك دم قلبي يا كوفيد 19 يا بني قوتك راحت فين؟ بقاا الصين تقضي عليك و يرجعوا يفتحوا المدارس تاني و عدد الحالات بقالها57 يوم صفر
= اعمل اي يا حاج دول قربوا يعملولي أدوية مضادة ليا
- و انا اللي كنت فرحان أنك عملت عدد وفيات أكتر من اخوك SARSاللي اتولد في 2002.
بصوت عالي : ابعتلي سلالة كورونا اللي في اوروبا للصين فورا .. دا اللي هيجيب من الاخر دا ال SaRS-Cov. 2 اعلي منك في العدوي و سرعة الانتشار و بهدل دول اوروبا كلها و بيشكل خطر علي العالم ، و اعراضه مختلفة و غريبة عنك شوية.
= خفافيش بردو يا حاج ؟؟
- لا المرادي اسماك السلمون اللي الصين بتستوردها من اوروبا
= مدينة ووهان؟
- لا خلينا ف "شينفادي" اكبر سوق في مدينة بكين ،و اسيا كلها ،اما نشوف الصين هتعمل ايه .

و بالفعل تمت المهمة و بعد ما الصين فضلت 70 يوم من غير اصابات ظهر يوم 11/6 حالات و بالفعل كانت الاعراض غريبة شوية لحد ما قال الطبيب" يان تشانزو" ان دي سلالة من فيروس كورونا و اطلق عليه SaRS-Cov 2 و تم الفحص ف السوق و لقوا عينات من الفيروس علي لوح تقطيع سمك السلمون و دا النوع الللي يتم استراده من اوروبا و قامت المتاجر في جميع أنحاء المدينة بسحب سمك السلمون من أرففها..
و لما حللوا الفيروس طلع نفس سلالة اللي ف اوروبا
و تم اخد اجراءات حازمة :
- تم غلق سوق شينفادي و تعقيمه
- تم اغلاق 21 كومباوند بالقرب من شينفادي - تأجلت المدارس وأمر بإجراء اختبارات للمواطنين للكشف عن الفيروس
- عقدت السلطات مؤتمر صحفي حيث رفع حالة الطوارئ من المستوي التالت للتاني ..و أصبحت مدينة بكين شبة مغلقة لحصر المصابين و عدم التفشي ف البلدان المجاورة .

ف حقيقي ربنا يتولانا😢 ، كل ما في يدينا هو الدعاء ان ربنا يعدي الايام دي علي خير و يشفي المرضي في جميع انحاء العالم 🤲🌸

Welcome to the Higher Technological Institute Student Chapter to our family in Egypt 😎❤️

We have a new member to AIChE family in Egypt!! 🎉🎊

It is a great honor to announce that the family of AIChE Egypt has been increased by the Higher Technological Institute (10th of Ramadan) Student Chapter.

We would like to welcome and support them and wish them all the best. 💙💙
Here is the page link of AIChE HTI:
https://www.facebook.com/AIChE-HTI-SC-110726663873077/

And here are the other branches of AIChE in Egypt.
AIChE CU : https://m.facebook.com/AIChE.CU
AIChE-Minia University :
https://m.facebook.com/aiche.elminia
AIChE PUA :
https://m.facebook.com/aichepua
AIChE Alex :
https://www.facebook.com/AiCheAlexSc/
AIChE SCU :
https://m.facebook.com/AiChEscuSC
AIChE EAE&AT :
https://m.facebook.com/EAEAT.AIChE/?_rdr

خبر بعنوان : " روسيا تعلن حالة الطواري بسبب تسريب 20 ألف طن بترول في نهر امباريانا " 🤦‍♀️

هي سنة باينة من اولها انا عارف فمتقلقش خالص 🤦‍♀️ ، و تعالي اقولك التسرب حصل فين و اي اللي حصل بالظبط .....
التسرب كان في احدي محطات الطاقة في مدينة نوريلسك و دي مدينة صناعية أقصي شمال القطب الشمالي و امبر. مدنه، المدينة تتنفس تقريبا بثاني اكسيد الكبريت بسبب تلوث الهواء لكثرة المصانع و الانتاج و اعتبرها معهد بلاكسميث في نيويورك المعني بالبيئة واحدة من أكثر عشر مدن من حيث درجة التلوث على المستوى العالمي😳 . المهم ان التسرب اللي حصل في محطة الكهرباء و اللي مش عارفين الخزان اي اللي حصله بس ف بداية الامر موظفين المحطة قرروا يسيطروا علي الوضع و مبلغوش خدمة الطواري يومين بس للأسف لم يستطيعوا احتواء الموقف ، و بالصدفة السلطات المحلية عرفت الموضوع من وسائل التواصل الاجتماعي ،ايوا زي ما انت عرفت الخبر كدا 🙂
طبعا الرئيس بوتين انتقد مديري الشركة علي عدم التبليغ قبل انهيار الخزان ، و بالتالي أمر الرئيس برفع حالة الطوارئ في مدينة نوريلسك بسيبيريا حيث تجاوز تركيز الملوثات في المياه المستويات المسموح بها عشرات الآلاف من المرات، و تحول" نهر امبارنايا " لبقعة باللون الاحمر الفاتح .
المؤسف ان التسرب قد يستغرق أسابيع لبدء عملية التنظيف حيث تفتقر المنطقة إلى الخبرة في استخدام هذه الكميات من الوقود ، والنهر غير قابل للملاحة ولا توجد طرق تحيط به ادا اردت الذهاب ل نوريلسك ف بالطائرة 💔🤦‍♀️
واعتبر خبراء البيئة أن هذا التسرب النفطي هو أسوأ حادث من نوعه في منطقة القطب الشمالي، وثاني أسوأ تسرب في تاريخ روسيا.

الموضوع كارثي فعلا !😢 و مش معني انه بعيد عن بلدك اننا كدا في السيلم ، "اي كارثة بتحصل علي الارض كلنا كجنس بشري معرضين للضرر من ناحيتها مش بس المنطقة الام و طبعا دا اللي علمتهولنا كورونا 🙂🤟 علشان كدا ندعي الكارثة دي تعدي علي خير ✌️

في مساءِ يوم الأربعاء ٢٥ مارس،زارنا ضيفُ غريبُ الهيئة وضعيف البنية و لكن قوي العزيمة،جاء إلينا من دون ميعاد،فرحبنا به وآتيناه كرم الضيافة فرفضه،وقال أنا لست بشاربٍ أو بآكل من طعامكم هذا.... أُريد فقط أن أعقِد صفقةً معكم و هي أن فرداً منكم يتعاقد معي ويعمل ليلاً نهاراً ومن ثم الفرد يجلب لنا إثنين والفردين يجلبا أربعة والأربعة يأتون ب16 فرداً ثم32 وهكذا .....
فقاطعت حديثه قائلاً:_أتقصد "تسويق شبكي" ؟
فنطق بإسمي وقال:-يا عبدالله،سُتدرك مقصدي،ولكن ليس الآن،وابتسم إبتسامة ً عريضة بلهاء تصل لأذنيه.

فانطلقت معه حيث انطلق،وبدأت معه في العمل الذي لم أفهم طبيعته قط،وبعد مرور أربعة عشر يوماً شعرت بالتعب الشديد والخمول الأشد وأُصيب جهازي التنفسي بشئ غريب،ولم أُعد مثل ما كنت عليه من صحة جيدة.....فاعتذرت لضيفي هذا على عدم مقدرتي للإستمرار معه في صفقته هذه....فابتسم لي ابتسامة أخرى ولكن كانت تملؤها الشفقة تلك المرة وقال لا تعتذر لي يا صديقي فأنت ساعدتني كثيراً في نجاح هذه الصفقة الموكل لي أن أقوم بها.

فتنهدت قائلاً:_ماذا تقصد بحديثك الغامض ومن أنت؟
أنا يا صديقي جُندٍ من جنود الله،كائن لا يُرى بعينك المجردة،تكادوا تروني بجهازٍ ذا عدسات مكبرة لأكثر من مليون مرة وذلك لإشباع فضولكم فقط وتعرفون هويتي من أجل أن ترسمونني كُرة خضراء وتعلوها بزابيز خضراء وتصنعون كوميكساتٍ ساخرة_ما علينا يا صاحبي_أسكن بالحويصلات الهوائية بالرئتين لديكم،فجئت على عجل لأخبركم أن الرحمن اشتاق لأيدي مهاجرة، وقلوب غافلة، فأنزل البلاء لترتفع أيدي الضراعة من جديد..

جئت لا لنرتدي الكمام ونطهر الأيدي والجسد فحسب؛ بل جاء ليعلمنا كيف نرتدي لباس التقوى، ونطهر القلوب من أدران الذنوب..قلبك برضه محتاج كحول يبشه.
فأخذت شهيقاً طويلاً وأخرجت الزفير بصعوبة شديدة وسألته:- ما اسمك يا ضيفي،قال أنا أيضاً عبدُ الله أعبدهُ،وأسبحه ولكنكم لن تفقهون تسبيحي...
فقط لا تخافوني ولكن خذوا حذركم وخذوا بالأسباب المتاحة لديكم وتوكلوا على الله وادعوه كثيرا.....فالدعاء يعيد ترتيب المشهد ولا يرد القدر إلا الدعاء (القدر المعلق وليس المُبرم)
فالعلاج هو التصالح مع الله...الله هو الأمان⁦❤️⁩
لم تنته الحكاية وغداً سأختفي وتنتشر العقاقير✨💞

اللهم اشف كل من أصابه هذا الفيروس،
و رحم الله موتانا و موتى المسلمين،لكم منا السلام
واللهم أرفع هذا الوباء عنا وعن جميع بلاد المسلمين.
ملحوظة غير هامة:- قد يكون هذا المقال طويل ولكنه مش أطول من عُمر كورونا🙂