NASA Space Apps Luxor

اخيرا مع نهايه السيزون السنادي نحب نعلن عن الفائزين معانا والمتأهلين لل Global Phase ( التحكييم المحلي).
الفريق الأول معانا:

_ First Global Award Nominee: MARTIANSS Team 🥳🥳
( Mariam ibrahim \ Rana Ayman \ Shorouk Ahmed Ezz-elregal \ Ganna Salah Ahmedy \ Aya Mahdi Soliman El-saiedy \ Esraa Mustafa Abo El-khair )

_ Second Global Award Nominee: Hi Association Team 🥳🥳
( Omar Mostafa \ Marwan Mohamed \ Nader Sobhi \ Abdulrhman Magdy )

ومعانا بردو تيم كمان فائز بالمركز التالت علي مستوي الأقصر وهو:
POE (PROTECTORS OF EARTH) Team.
( Abdelrahman Nazeeh \ Omar Mohamed \ Mariam Ekramy \ Esraa elhelw \ Kenzy Sayed \ Alaa Asaad )

ال 3 تيمات ان شاء الله هيحصلوا علي الجوائز اللي مع ال Partners بتوعنا وهما:
1) 20% Discount From Banana Camp.
2) 50% Discount From Qatrani Camp.

تهانينا يا شباب وبالتوفيق في الراوند الجايه.



We hope you really did.

1 day left !!
فاضل يوم واحد على التسجيل وبداية الهاكثون و دلوقتى هنعلن عن ال partners & sponsors اللى معانا السنة دي هو Banana camp وهو special partner لأنه هيعملنا discount 20%.
هيوفر Banana camp رحلات فيها أنشطة ترفيهية كتير زى ركوب الخيل و السباحة و حاجات تانية كتير و هى بتهدف لتحسين مهارة ال teamworkب و الثقة بالنفس و زيادة الوعى البيئي خاصة أن انت بتروح اماكن طبيعية كتير و بتعمل أنشطة محتاجة أنك تتعاون مع ناس و فى الناس الوقت بتستمتع
سعداء جدا أن Banana camp هيكون partner معانا السنة ديه.

-اللى لسه مسجلش معانا يلحق يسجل قبل يوم 2 أكتوبر
https://2021.spaceappschallenge.org/locations/luxor-city/
-عملنالكم جروب على الواتساب عشان نستقبل اسألتكم و نجاوب عليها و تقدروا تعملوا join من هنا
https://chat.whatsapp.com/FvEMEoMtHdJKo2jzBFWaTo

Urgent email
اي حد سجل معانا location الاقصر يملأ الفورم اللي اتبعت علي الايميل اللي تم التسجيل بيه ع الموقع.
[email protected]

ممكن تلاقي الفورم ف ال junk او ال others و مطلوب من كل ميمبر ف التيم انه يملأ الفورم دي.

الميعاد النهائي لملأ الفورم Deadline : الساعه 9 صباحا يوم السبت 2 اكتوبر

- اللي لسه مسجلش معانا يلحق يسجل من هنا قبل 2 أكتوبر وهيوصله الفورم بردو:
https://2021.spaceappschallenge.org/locations/luxor-city/
-عملنالكم جروب علي الواتس اب عشان نستقبل اسألتكم و نجاوب عليها ونتابع معاكم وتقدروا تنضموا من هنا:
https://chat.whatsapp.com/FvEMEoMtHdJKo2jzBFWaTo

لسه قدامك الفرصه.

1 day left, Hurry Up!
فاضل يوم واحد علي نهايه التسجيل وبدايه الهاكثون.

أول award partner معانا هما Qatrani Camp

مجموعة Qatrani Camp هم مجموعة شباب من غرب الفيوم بيقدموا مجموعة متنوعة من اﻷنشطة الممتعة فى منطقة محمية جبل قطراني شغالين طول السنة صيف شتا صبح ليل.

الفائزين معانا هياخذوا تخفيض 50% على التذاكر.

احنا سعداء جدا بالشراكه مع Qatrani Camp والتعاون معاهم.

- اللي لسه مسجلش معانا يلحق يسجل من هنا قبل 2 أكتوبر:
https://2021.spaceappschallenge.org/locations/luxor-city/
-عملنالكم جروب علي الواتس اب عشان نستقبل اسألتكم و نجاوب عليها ونتابع معاكم وتقدروا تنضموا من هنا:
https://chat.whatsapp.com/FvEMEoMtHdJKo2jzBFWaTo

1 day left, Hurry Up!
فاضل يوم واحد علي نهايه التسجيل وبدايه الهاكثون.
قبل بدايه الهاكثون هنعلن عن ال Partners & Sponsors اللي مشاركين معانا السنادي.

اول community partner معانا هما EdVentures

في 2017 EdVentures كانوا هما اول ed-tech في الشرق الأوسط يركز علي التعليم و تطوير تكنولوجيا التعليم.

بالاضافه لكدا EdVentures بتسثمر في شركات تكنولوجيا التعليم اللي لسه بادئه ( startups) اللي بتخدم قطاعات التعليم والثقافة وعندها حلول للتعليم المبتكر.

وكمان بتهتم بالدعم المؤسسي والتمويل والاتصالات.
رؤيه EdVentures ان التعليم هو المحرك الرئيسي لأي تنمية اقتصادية واجتماعية في أي بلد.

احنا سعداء جدا بالشراكه مع EdVentures و المساعده في نهضه التعليم.

- اللي لسه مسجلش معانا يلحق يسجل من هنا قبل 2 أكتوبر:
https://2021.spaceappschallenge.org/locations/luxor-city/
-عملنالكم جروب علي الواتس اب عشان نستقبل اسألتكم و نجاوب عليها ونتابع معاكم وتقدروا تنضموا من هنا:
https://chat.whatsapp.com/FvEMEoMtHdJKo2jzBFWaTo

2 days left
- اللي لسه مسجلش معانا ممكن يسجل من هنا قبل 2 أكتوبر:
https://2021.spaceappschallenge.org/locations/luxor-city/
-عملنالكم جروب علي الواتس اب عشان نستقبل اسألتكم و نجاوب عليها وتقدروا تنضموا من هنا:
https://chat.whatsapp.com/FvEMEoMtHdJKo2jzBFWaTo

عشان نلم موضوع التحديات من اﻷلف إلى الياء، ده بوست زى الفهرس فيه لينك للمكان اللى بنشرح فيه كل تشالينج:-

COVID-19: CALCULATE THE RISK
DRONES AND SATELLITES FOR URBAN DEVELOPMENT:
IDENTIFYING RISK WITH SCIENCE + COMMUNITIES
WARNING: THINGS ARE HEATING UP!
https://www.facebook.com/spaceappsLuxor/posts/125951576449981/

WHEN LIGHT CURVES THROW US CURVE BALLS
ONTOLOGIES AND INTERACTIVE NETWORK VISUALIZATIONS
DISCOVERING SCIENCE CONNECTIONS
YOU ARE MY SUNSHINE
https://www.facebook.com/spaceappsLuxor/posts/126190806426058/

MAPPING SPACE TRASH IN REAL TIME
HAVE SEEDS WILL TRAVEL
PLANETARY LANDER VIDEO GAME
LET IT GO (WITHOUT A BANG)
https://www.facebook.com/spaceappsLuxor/posts/126619139716558/

SEEING THE UNSEEABLE - VIEWING BUGS FROM SPACE
MEASURING THE VALUE OF EARTH OBSERVATIONS
SPACE FOR CHANGE
NEAR-SPACE NEAR YOU
https://www.facebook.com/spaceappsLuxor/posts/126999233011882/

UNLOCKING THE SECRETS OF THE SUN
VIRTUAL PLANETARY EXPLORATION V2.0
SUPERPOWEARTH
SPACE QUEST: THE GAME
https://www.facebook.com/spaceappsLuxor/posts/127057703006035/

ARTFULLY ILLUMINATED ASTEROIDS
THE TRAIL TO MARS: CAN YOU KEEP YOUR CREW ALIVE
LEVERAGING AI/ML FOR PLASTIC MARINE DEBRIS
WHAT ON EARTH IS SYNTHETIC APERTURE RADAR?
https://www.facebook.com/spaceappsLuxor/posts/127270099651462/

LUNAR SURFACE OPERATIONS: REAL-TIME COLLABORATION
GUI FOR MATERIALS SCIENCE
INVENT YOUR OWN CHALLENGE
WEBB ORIGAMI DESIGN CHALLENGE
https://www.facebook.com/spaceappsLuxor/posts/127738709604601/

وبما إن التحديات اتشرحت تقدروا تختاروا واحد على الموقع وتسجلوا التيم بتاعكوا وتشتغلوا على المشروع وتخططوا ليه وتجاوبوا على الأسئلة وازاي هتعملوا demo ليه توضحوا فكرتكم

7 # نهاية سلسه شرح التحديات:
- اللي لسه مسجلش معانا ممكن يسجل من هنا:
https://2021.spaceappschallenge.org/locations/luxor-city/
-عملنالكم جروب علي الواتس اب عشان نستقبل اسألتكم و نجاوب عليها وتقدروا تنضموا من هنا:
https://chat.whatsapp.com/FvEMEoMtHdJKo2jzBFWaTo

1)LUNAR SURFACE OPERATIONS: REAL-TIME COLLABORATION:
خلال مهمات Artemis, وقت مكان رواد الفضاء بيجمعوا البيانات على القمر، هتكون وكالة ناسا والمجتمع العلمي في جميع أنحاء العالم بيوثقوا وبيراجعوا المعلومات في الوقت الفعلي للمهمة. هيشارك كتير من الأشخاص الموجودين علي كوكب الأرض في توثيق ومراجعة المعلومات في الوقت الفعلي. في نهج حفظ السجلات الحالي المطبق لرحلات الفضاء البشرية ، هيقوم كل عضو في فريق مراقبة الطيران بإنشاء سجل وحدة التحكم والاحتفاظ بيه لتسجيل المعلومات اللازمة لدعم واجبات وظيفته. هيكون سجل وحدة التحكم دا جزء من السجل الرسمي للمهمة.
الهدف من التحدي دا هو إنشاء تطبيق يقدر على الفور وبسلاسة دمج معلومات سجل وحدة التحكم للعدد كتير من المستخدمين (ما لا يقل عن 100 مستخدم على نفس الشبكة). يمكن يكون التطبيق دا مفيد لدعم المهام في الوقت الفعلي وحفظ السجلات على المدى الطويل لبعثات رحلات الفضاء القمرية البشرية المستقبلية لصالح المجتمعات العلمية والجمهور.
لازم تطبيقك بيكون بيحظر :
- المستخدمين من الكتابة فوق مدخلات المستخدم الآخر أو حذفها.
- الوصول للتطبيق من أشخاص غير معتمدين.

2)GUI FOR MATERIALS SCIENCE:
ناسا بتحتاج alloys او سبائك بشكل مستمر لبناء مكونات نظام الإطلاق الفضائي، والمحركات ، وحتى الدفع الحراري النووي. يعتمد نجاح كل عنصر ف الاطلاق الفضائي على خصائص السبيكة اللي اختاروها، وأداءها في البيئة ، وقابليتها للطباعة واللحام.
علم المواد و تنبؤ دور السبائك يعتبر من الموضوعات الصعبة لاعتمادها نهج هندسة المواد الحاسوبية والديناميكا الحرارية وحتى التفاعلات الذرية للسبائك والمواد دي.
الادوات المستخدمخ بتتضمن على واجهات معقدة ولغات برمجة نصية ودي قليله جدا والي خلي وصولها للمجتمع العام صعب.
عشان تدخل التحدي دا لازم تكون عارف لغات البرمجة بشكل كبير وفنفس الوقت التحدي دا مفتوح المصدر.
التحدي دا معقد شويه وبيدمج بين الديناميكا الحراريه والبرمجه.
هدفك هو انشاء واجهه مستخد رسوميه GUI ، أو كذا تطبيقات منها ودورها انها تخلي استخدام السبائك و البرامج الهندسية وعلوم المواد سهل في عمليات الاطلاق الفضائي.

3)INVENT YOUR OWN CHALLENGE:
لو عندك فكرة تحدى بس مش مناسبة مع التحديات الباقية تقدر إنك تعمل التحدى ده بنفسك و تشتغل على حل ليه و تقدر تستخدم أى مصدر للمعلومات أو تستخدم مصادر ناسا بس التحدى اللى انت بتعمله ملهوش جائزة عالمية تقدر تاخدها

4)WEBB ORIGAMI DESIGN CHALLENGE:
ناسا هتستخدم تليسكوب اسمه James Webb telescope و ده هيساعدها على توسيع رؤيتها ومدى اكتشافها للفضاء المطلوب منك فى التحدى ده انك تعمل نموذج من الورق (origami) للتليسكوب ده و تعمل فيديو تبين فيه خطوات عمل النموذج من البداية مرورا بمراحل تطوره لحد ما يوصل للشكل النهائى عشان تبين تعقيد و تصميم التليسكوب و الادوات العلمية المستخدمة فيه تحط تعليمات و رسوم توضيحية للنموذج
Note:
تقدر تشتغل فى التحدى ده لوحدك لو أن انت يكون معاك فريق والفيديو ممكن يبقى عبارة عن واحد بيحكى تفاصيل النموذج ويتكلم عن النقط المهمة و لو اللى بيعمل الفيديو مكانش بيتكلم عربى لازم على الأقل توفر English subtitles
تقدر تاخد كل المعلومات اللى هتحتاجها عشان تقدر تعمل التصميم بتاعتك من اللينك ده

#6 تكمله سلسه شرح التحديات:
- اللي لسه مسجلش معانا ممكن يسجل من هنا:
https://2021.spaceappschallenge.org/locations/luxor-city/
-عملنالكم جروب علي الواتس اب عشان نستقبل اسألتكم و نجاوب عليها وتقدروا تنضموا من هنا:
https://chat.whatsapp.com/FvEMEoMtHdJKo2jzBFWaTo

1) ARTFULLY ILLUMINATED ASTEROIDS:
كويكبات طروادة هي مجموعة من الأجسام خارجية فى النظام الشمسي بتلف حوالين الشمس قريبين من المشتري، تأثير جاذبية الشمس والمشتري بيخلي الكويكبات دي ثابتة فى مدار محدد تتحرك فيه. النماذج العلمية اللي بنستخدمها حاليا بترجح إن حزام الكويكبات ده من نفس المادة اللي أسست المجموعة الشمسية، بالتالي دراسة الكويكبات دي يعتبر من أهم الأهداف العلمية على المدى القريب، ودى بقى مهمة مسبار لوسي. مسبار لوسي هيتحرك لمدة 12 سنة هتعدى على حزام الكويكبات وهتدرس مجموعة مهمة من الكويكبات دى. مهمة مسبار لوسي هو دراسة مجموعة كويكبات طروادة عشان تندينا فكرة أعمق عن تكون المجموعة الشمسية.
التحدي بتاعك إنك تعمل عمل فنى يعبر عن مسبار لوسي وتنوع الكويكبات اللى هيستكشفها، ممكن تعمل حاجات كتيرة أوي: رسم، شعر، موسيقي، فلم قصير، إلخ. عملك لازم يأثر فى ناس ويلهم الناس عن استكشاف الكويكبات.

2) THE TRAIL TO MARS: CAN YOU KEEP YOUR CREW ALIVE:
المشاكل الصحية اللى بتواجه رواد الفضاء كثير ومختلفة وصعب الواحد يتخيل كل التأثيرات مع بعض ومدى قسوتها مجتمعين. حاجات زى الجاذبية الضعيفة فى الفضاء والعالية وقت الإنطلاق بيسببوا مشاكل كثير جدا، أبسط حاجة إن مش كل الناس تقدر تستحمل ضغط إنطلاق مكوك الفضاء والجاذبية الضعيفة ممكن تسبب مشاكل فى الدورة الدموية وضمور العضلات، والقائمة تطول فى مختلف الجوانب الجسدية والنفسية.
المطلوب منك فى التحدي ده إنك توصل المعلومات دى للجمهور الصغير (طلاب إعدادي)، المفروض تعمل لعبة تعليمية ممتعة يبقي فيها اللاعب بيحاول يحافظ على رائد الفضاء فى رحلته من الأرض للمريخ (أو حتى لمكان ثاني بتحديات أكتر). اللعبة ممكن تبقي فى أشكال كثيرة وتتلعب بطرق كثيرة، الحرية والإبداع أسلحتك فى التحدي ده.

3) LEVERAGING AI/ML FOR PLASTIC MARINE DEBRIS:
بتهتم وكالة ناسا بحل مشكلة الحطام البحري وده يعتبر واحد من أكتر التهديدات انتشار على صحة المناطق الساحلية والمحيطات والمجاري المائية, التحدي اللي بتواجهه هو الاستفادة من التكنولوجيا الجغرافية المكانية وتطبيق قدرات الذكاء الاصطناعي / التعلم الآلي (AI / ML) لرصد واكتشاف وقياس الحطام البحري البلاستيكي. حاليا مازالت أنظمة مراقبة الحطام البحري في بدايتها. نظر للتنوع الواسع في الأحجام والأنواع والأشكال والطفو والتركيب الكيميائي للحطام ، فإن الاستشعار عن بعد هو التكنولوجيا الوحيدة القادرة على توفير المراقبة الموحدة اللازمة لمواجهة التحدي دي.
هدفك من التحدي ده انك:
1-تعمل قاعدة بيانات تعتمد الذكاء الاصطناعي(AI) / تعلم الآلة (ML) اللي بتساعد في تصنيف واكتشاف المواد البلاستيكية باستخدام بيانات الاستشعار عن بعد تقدر تعمل بحث علي سبيل المثال (The Global Forest Watch)
2-فهم المزايا والقيود المحتملة لاستخدام خوارزميات الذكاء الاصطناعي / تعلم الآلة لتصنيف التلوث البلاستيكي.
3. الحل بتاعك لازم تكون البيانات المتعلقة بالنفايات البلاستيكية سهل الوصول ليها وليها قيمة للعلماء المواطنين وخبراء الاستشعار عن بعد.
حاجات ممكن تعملها (مش ملزم تعملها):
-ممكن تستخدم بيانات علوم المواطن من التطبيقات. ابحث في متجر التطبيقات عن (Debris Tracker).

4) WHAT ON EARTH IS SYNTHETIC APERTURE RADAR?:
في المرحلة الجاية البعثات الفضائية هتوفر بيانات من الرادارات اللي بفتحة تركيبية بس البيانات ديه مش هيكون ليها تاثير كبير نظرا لان معظم الناس مش هتفهمها وهنا يجي دورك التحدي بتاعك انك تعمل فيديو مدته من دقيقتين لخمس دقايق بتشرح فيه تقنية البحث والإنقاذ وإمكانياتها لغير الخبراء سواء كانوا علماء من تخصصات أخرى أو أفراد عائلتك يصف تقنية "الرادار ذي الفتحة الاصطناعية" ( Synthetic aperture radar) وطرق القياس للجمهور ويشرح كيف يمكن لقياسات معدل الامتصاص النوعي أن تؤثر بشكل إيجابي على مجتمعك ولازم يكون الفيديو بلغتك الام) العربية( ومترجم باللغة الانجليزية
حاجات ممكن تعملها وانت بتعمل الفيديو (مش ملزم تعملها) :
1-الفيديو ممكن يكون عبارة عن تسجيل للشاشة مع شرائح PowerPoint مع ترجمة انجليزي.
2-لو انت متعرفش تقنية SAR ، فتقدر تشوف قائمة أمثلة الموارد لمقدمات لأساسيات SAR.

#5 تكمله سلسه شرح التحديات:
_ اللي لسه مسجلش معانا ممكن يسجل من هنا:
https://2021.spaceappschallenge.org/locations/luxor-city/

عملنالكم جروب علي الواتس اب عشان نستقبل اسألتكم و نجاوب عليها وتقدروا تنضموا من هنا:
https://chat.whatsapp.com/FvEMEoMtHdJKo2jzBFWaTo

1) UNLOCKING THE SECRETS OF THE SUN :

وكاله ناسا بترسل بشكل دائم مهمات فضائيه لاستكشاف الشمس وخصائصها , القمر , الكواكب المجاوره , الطقس و المريخ و لكن فهم أهمية المهمات والبيانات التي تقدمها بيكون صعب ف اغلب الاوقات.

وبالتالي الأدوات الرقمية ( التطبيقات والألعاب و المواقع ) ممكنأن تسد فجوه فهم البعثات الفضائيه دي، واالي بيتيح للناس استكشاف وإدراك أهمية الفضاء.
دورك هو اجابi سؤال: ازاي تخلي المعلومات في متناول الجميع، واي حد يقدر يعرف أهميتها؟
في اداه ناسا طورتها ناسا مؤخرا اسمها Parker Solar Probe ودي بتساعد معرفه بيئه الشمس و ممكن تسرش عنها بحيث تعرف ازاي تقدر تطور بروجكت شبها.
الهدف بتاعك هو انشاء طريقة لتحسين الوعي العام زي:
- محاكي \ visualization tool
- عناصر فنيه زي الرسم , موسيقي , نحت او حتي منسوجات.
- 2D/3D design
- موبايل ابلكيشن \ لعبه تفاعليه \ ويبسايت تفاعلي.
لازم مشروعك يركز على مهام الفيزياء الشمسية الحالية زي Parker Solar Probe والمشروع يكون بيشجع على التفكير في مستقبل استكشاف الطاقة الشمسية و دورها ف حياتنا.

2) VIRTUAL PLANETARY EXPLORATION V2.0 :

من نصف قرن وكاله ناسا اطلقت رحله ابولو واللي تضمنت اول ناس علي القمر ثم بعدها رحلات متتاليه لحد النهارده.

وكل يوم عايزين نفهم الكون والكوكب بتاعنا بشكل أفضل. و لذلك التحدي دا بيركز علي انشاء اداه تفاعيله 3D للمعدات اللي ممكن يستخدمها مستكشفو الفضاء ف المستقبل في أنشطة زي استكشاف سطح القمر أو الكوكب و بعد كدا نشر النماذج دي على صفحة ويب.
دورك انك تفكر في أنواع التجارب اللي مستكشفين الفضاء في المستقبل ممكن ينفذوها ، و نوع الأدوات اللي ممكن تساعد في التجارب.
على سبيل المثال ، تقدر تستخدم أدوات جيولوجيا الكواكب لاستكشاف الأجسام مثل الأقمار والكواكب والكويكبات.
وتقدر تتعرف علي جيولوجيا الكواكب من هنا: https://www.nasa.gov/stem-ed-resources/planetary-geology.html

ممكن هدفك ف المشروع يكون تعليمي أو إبداعي أو الاتنين .
علميا: فممكن تعمل اداه تفاعلية ( interactive models ) للعناصر التاريخية ، زي الأدوات اللي استخدمت في بعثات أبولو أو الأدوات والأنظمة العلمية اللي استخدمت في المهمات القمرية .
من الناحيه الابداعيه: ممكن أنظمة او ادوات لاستكشاف الأسطح بمختلف انواعها.

قبل ما تبدا ابحث عن أدوات استكشاف الكواكب القديمه و لما تنشئ النموذج الخاص بيك ترفعه علي صفحه ويب بحيث اي حد يقدر يشوف المعلومات بس متنساش تحط البروجكت و الداتا في صوره GLTF File.
وفي امثله كتير للمشروع اللي ممكن تعمله هتلاقيها هنا: https://2021.spaceappschallenge.org/challenges/statements/virtual-planetary-exploration-v20/details

3) SUPERPOWEARTH :
في كتير من عمليات الأرض بيراقبها العلماء وبيدرسوها عشان يعرفوا اكتر عن وظايف الأرض ومستقبلها. بتحاوب دراسات رصد الأرض والأقمار الصناعية التابعة لوكالة ناسا الإجابة علي الأسئلة دي. كوكبنا بالفعل عنده طرق كتير بتساعده على تطهير نفسه من "القمامة" ، زي دورات المغذيات اللي بتحصل في عملية البناء الضوئي ، وعمليات التحلل اللي بتحصل في عملية التسميد. دورات الأرض هي عمليات طبيعية حيث بيتم تدوير العناصر طول الوقت في أشكال مختلفة بين أجزاء مختلفة من البيئة.

التحدي عبارة عن تجسيد قدرة من قدرات الأرض في شخصية خارقة. معني التجسيد هو "تمثيل (صفة أو مفهوم) من خلال شخصية في شكل بشري" أو "تمثيل أو تجسيد صفة أو مفهوم في شكل مادي." ارسم أو أنشئ بشكل إلكتروني بطل خارق تعتقد انه مناسب لوكالة ناسا.

4) SPACE QUEST: THE GAME :

الفضاء مذهل لابعد الحدود بس في تحديات كتير لازم نتغلب عليها عشان نقدر نستكشف الفضاء منها المسافات الكبيرة، صعوبات الإطلاق والهبوط، الاتصالات المحدودة والمتأخرة، بيئة الأشعة الكونية، والتكاليف الباهظة لتغيير السرعة والاتجاه. الأمثلة اللي فاتت مجرد عدد قليل من العقبات الكتير اللي لازم نتغلب عليها. بس من الرغم من كدا فالعقبات دي بتقدم أمثلة فريدة ومقنعة لتدريس المفاهيم الأساسية في العلوم والهندسة بطريقة يمكن أن تكون ملهمة ومسلية.

التحدي اللي بتاوجه عبارة عن استخدام لعبة أو تنسيق أحجية كأداة تعليمية لمساعدة الأشخاص على فهم الجوانب المعقدة لاستكشاف الفضاء و يمكن يكون التنسيق أي حاجة من بطاقات إلى لعبة لوحية، إلى أحجية قابلة للطباعة ، إلى لعبة فيديو.

#4 تكمله سلسه شرح التحديات:

_ اللي لسه مسجلش معانا ممكن يسجل من هنا:
https://2021.spaceappschallenge.org/locations/luxor-city/

1) SEEING THE UNSEEABLE - VIEWING BUGS FROM SPACE :
معظم فصائل الكائنات الحية على اﻷرض حشرات، واللى ليهم ولصحتهم تأثير كبير علينا؛ فيه حشرات بتلقح المحاصيل اللى بناكلها، وفيه اللى بيخصب تريتنا، وحاجات تانية كثير. بالرغم من كده تنوع الحشرات بيتأثر بشكل مش منطقى بسبب البشر. تدمير البشر المستمر للبيئة وتوسعهم بدون إدراك المخاطر البيئية دايما بيعود عليهم بالسوء، بيصل سوء الموضوع لإنقراض مئات اﻷنواع الحشرات.
تحديك إنك تطور طريقة عشان ترصد الحيوات الحشرية وتتنبأ بمدى تغيرهم بمرور الوقت، وبعدين توصل الموضوع ده للعلماء وعامة الناس بشكل يشجعهم إنهم يحاولوا يقفوا الموضوع.
مثلا:
- ممكن تسجل التغيرات فى توقيت دورات حياة الحشرات
- ممكن تعمل خريطة تربط بين الحشرات والبيانات من اﻷقمار الصناعية.

2) MEASURING THE VALUE OF EARTH OBSERVATIONS :
المعلومات من الأقمار الصناعية من الحاجات المهمة جدا واللى بتأثير بشكل كبير فى قرارات كثير بتفيد المجتمع والبيئة. اﻷقمار الصناعية استخدمت قبل كده فى إنقاذ الناس، التنبؤ بحرائق الغابات وحتى زيادة اﻷرباح لبعض الشركات.
المفروض إنك فى التحدى ده توصف وتوضح مدى تأثير البيانات من اﻷقمار الصناعية على الأرض وفايدتهم لينا، ازاى المفروض نبص للمعلومات اللى معانا ونقرر على أساسها قرارات إجابية، وإنك تخرع طريقة عشان نقيس مدى فائدة الموضوع ده. التحدى متكون من ثلاث خطوات: أول حاجة إنك تحدد موقف فبه البيانات من اﻷقمار الصناعية ساعدت فى الوصول لقرار حقيقي، ثاني حاجة إنك ايه الحاجات اللى عملها متخذى القرار بالبيانات اللى كانت معاهم، وثالث وأخر حاجة إنك توضح إزاى القرار اللى اتعمل أثر فى المجتمع بتاعنا. فى كل خطوة مهم جدا إنك تركز على المصادر الموثوقة المفصلة. خذ باللك إن الخطوة اﻷخيرة مش حالة عامة (مش كل القرارات هتأثر فى المجتمع) فلازم تختار الموقف بعناية.

3) SPACE FOR CHANGE :
فيه فى عالمنا حاليا العديد من المجتمعات المهمشة أو المهملة زى الطبقات المنخفضة اقتصاديا و اجتماعيا أو حتى السكان الأصليين للمكان ده و الاهمال ده بيأثر عليهم بالسلب بحيث أن هما بيكونوا من أكتر الناس المتأثرين من الأضرار البيئية، المطلوب منك فى التحدى ده إنك تستخدم مراصد Nasaب زى الأقمار الصناعية بالاستعانة ببعض المعلومات عن الأحوال الاقتصادية و الاجتماعية عشان تقدر تظهر المجتمعات اللى بتواجه مشاكل بيئية و نقص فى الموارد و الفرص و تبدأ إنك تصمم حلول منصفة ليهم و ممكن تضيف بعض الحاجات للحل بتاعك زى إنك تعمل دراسات عشان تحدد الفئات الأكثر تأثرا بالكوارث الطبيعة دونا عن غيرهم او أنك تجمع معلومات عشان تشوف الفئات اللى معرضة للخطر بشكل أكبر من الباقى.

4) NEAR-SPACE NEAR YOU :
وكاله ناسا بتطلق العديد البالونات و المناطيد (عاليه الارتفاع) بشكل كبير مؤخرا في دراسة الطقس ، واستكشاف الكون ، واختبار قدره ومدي تحمل الاقمار الصناعيه للحمولات لتطويرها.
البالونات بتساعد ايضا في تطوير العديد من المهارات ، زي حل المشكلات والتنبؤ بالرحلات الجويه وتتبعها والاتصالات مع المنظمات الحكومية.
الهدف في التحدي هو انشاء خطه تساعد بيها الطلاب في تعمل كيفيه انشاء مناطيد و اي الماتريالز المتاحه لانشاء منطاد قليل التكاليف بس بيقدر يوصل لاماكن عاليه عشان يستكشف بكشل اكبر.

التركيز هيكون في تطوير خطة مدروسه لانشاء منطاد قريب من اللي بتستخدمه ناسا بس بتكالي منخفضه قادر على الوصول إلى الفضاء القريب بين 20 كيلومترًا و 100 كيلومتر فوق مستوى سطح البحر.
حط ف اعتابراك الخطوات دي: التخطيط ، والإعداد ، والإطلاق ، والتتبع وتكاثر الطحالب الضارة.

عملنالكوا جروب علي الواتس اب عشان نستقبل اسألتكوا و نجاوب عليها وتقدروا تنضموا من هنا:
https://chat.whatsapp.com/FvEMEoMtHdJKo2jzBFWaTo

7 days left!
فاضل علي الهاكثون 7 ايام و يبدأ وهنوضحلكم ازاي تسجلوا التيمات و تبدأ تشتغلوا علي ال workspace:
_ اولا لو معندكش اكونت علي موقع space apps ممكن تعمل اكونت من هنا: 2021.spaceappschallenge.org/auth/signup/
بعد كدا هيجيلك ايميل للتاكيد و تعمل login عادي.

_ اللي لسه مسجلش التسجيل الفردي ( Individual) يقدر يسجل من اللينك دا وينضم علي ال location بتاع الاقصر ويدوس register وهيتبعتله ايميل للتأكيد من هنا: https://2021.spaceappschallenge.org/locations/luxor-city/
_ تقدر تشارك ف المسابقه لوحدك بشكل فردي و لكن نرشحلك يكون معاك تيم من 3 ل 6 افراد بحد اقصي.
_ لو عايز تبدأ تيم ممكن تدخل علي اللوكيشن بتاعنا وتختار ال teams section وتختار التحدي اللي هتشتغل عليه مع فريقك.

_ الخطوه الجايه انك تدوس START A TEAM وتبدأ تملأ البيانات وعن طريق ال invitation code باقي الفريق يقدروا يبعتوا request وتبدأوا التحدي.
الاختيار التاني : ممكن لو مش معاك فريق تشوف الفرق اللي شغاله علي التحدي اللي انت اختارته و تبعتلهم request انك عايز تنضم ليهم وتستني الرد.

_ تقدروا تتدخلوا علي ال workspace ف اي وقت عن طريق ال Dashboard و تتناقشوا في ال Team Board Section.
لو في اي اسأله او لو حد بيواجه صعوبه ف التسجيل يبعتلنا علي البيدج او يكتب ف الكومنتس.

#3 تكمله سلسه شرح التحديات:
https://2021.spaceappschallenge.org/challenges/
1-MAPPING SPACE TRASH IN REAL TIME :
حاليا بقى فيه زيادة كبيرة فى الأجسام اللى بتلف حول كوكب الأرض و ده بيقلل من قدرتنا فى استكشاف الفضاء كمان الأجسام ديه بقت تأثر على روتين حياتنا اليومى زى استخدامنا ل GPS و ده عن طريق استخدام الاقمار الصناعية اللى بتلف حول كوكبنا المطلوب منك فى التحدى ده إنك تعمل application متاح لكل الناس يكون بيعرض و يحدد مكان كل جسم بيلف حول الأرض زى إنك تعمل application يكون بيستمد المعلومات عن الأجسام ديه من مصادر جغرافية مفتوحة أو مكتبة خرائط زى Nasa world wind, open layers تقدر تضيف ل application إمكانية تحديد محيطات المدارات اللى بتلف فيها الاجسام و تحدد ارتفاعها و خطوط الطول و دوائر العرض.

2-HAVE SEEDS WILL TRAVEL :
لما رواد الفضاء بيسافرو لكوكب زي المريخ بيقضو وقت طويل جدا لغاية ميوصلو علشان كدا هما محتاجين نظام غذائي علشان تبقا صحتهم كويسة
دورك هو انك تعمل تصميم لانتاج محاصيل اللي فيها طاقة كبيرة زي البروتينات كده تتحمل المدة الكبيرة ده بحيث الرواد يستخدموها ف الفضاء.
التارجت انك تقدر تكفي طاقم رواد من 4-6 افراد من اول انطلاقهم من الارض وحتي رجوعهم.
بس قبل م تبدا في حاجات لازم تلاحظهم:
1/ لما تخطط لنظامك ضع فاعتبارك ان في مشاكل تانية ممكن تخلي مشروعك يفشل زي الوزن اللي بيختلف من مكان لمكان او انه مياخدش مساحة كبيرة من مركبة الفضاء.
2/ خلي بالك انك لما تسافر للفضاء ممكن مشروعك يتعرض لاشعاعات تفسده.
3/ الصيانه متبقاش صعبة و لازم تكون فعالة والمساحه تكون مش كبيره.

ويستحسن ولكن مش مطلوب ان تراعي ( الكتله, اعاده تدوير المياه, استخدام الصرف الصحي بسهوله و تقليل موادر بدء التشغيل)

3-PLANETARY LANDER VIDEO GAME :
فيه وكالات فضاء كثيرة مهتمة بإستكشاف البشر للمجموعة الشمسية، فيه شوية مهتمين بالرجوع للقمر وعلماء ثانيين مهتمين بالمريخ. فيه معلومات كثيرة عن مهمات الهبوط على القمر اللى ممكن تساعد ناس كثير إنهم يفهموا العملية بشكل أعمق، واﻷهم من كده إنها ممكن تساعد الناس على تخيل شكل الهبوط على المريخ.
فى التحدى ده مهمتك إنك تعمل لعبة أو نماذج تفاعلية عشان تعلم الناس عن الموضوع ده، فكر إزاى تلهم اللاعب. المشاريع فى التحدى ده لازم تكون web application. اللعبة ممكن تكون حاجة بسيطة زى2D side scroller أو حاجة معقدة ومبهرة زى جربة واقع افتراضي VR. اللعية ممكن تتناول وجوه عده للموضوع, ممكن تعمل لعبة إستشاف، أو إستراتيجية أو حتى الغاز بسيطة.

4-LET IT GO (WITHOUT A BANG) :
عملية فصل المركبات عن بعضها فى الفضاء فى الغالب بتكون صعبة وخشنة، ومش بس كده ده كمان نظام معقد ومليان قطع كثير. معظم المركبات بتستخدم نوع من المتفرجات اللى بتحتاج احتياطات أمان زيادة، واللى بيزيد الموضوع سوء هو إن معظم الحاجات دى مش ممكن تستخدم غير مرة واحدة بس.
هدفك إنك تطور تصميم ميكانيكي جديد يخلى العملية دى أكثر سلاسة وسهولة. الجهاز لازم يكون سريع وعملى وأحسن بشكل ملحوظ من التصميمات القديمة، باﻹضافة لكده لازم يستحمل ظروف الفضاء الصعبة زى الحرارة متقلبة وكمان ميبقاش بيخلف space junk.

اللي لسه مسجلش معانا ممكن يسجل من هنا:
https://2021.spaceappschallenge.org/locations/luxor-city/
اكتبوا لينا في سكشن ال comments ال challenges اللي نفسكم نوضحها البوست اللي جاي ولو عندكم اي سؤال تقدروا تسألونا في الcomments.

وهنشرحلكوا قريب ازاي تعملوا تيم و تسجلوه و تشتغلوا علي ال workspace بتاعه ناسا.

تاني 4 تحديات معانا النهارده عشان نسهل عليكم اختيار التحدي المناسب.

1) WHEN LIGHT CURVES THROW US CURVE BALLS:
شكل الكويكبات بيأثر على شكل منحنيات الضوء لذلك واحدة من أهم الظواهر اللى العلماء بيستخدموها عشان يحددوا اشكال الكويكبات هى تغير السطوع المرئى للكويكبات
المطلوب منك فى التحدى ده إنك تطور أداة تفهم الناس ازاى شكل الكويكبات بيأثر على منحنيات الضوء زى إنك تتيح للناس أنها تغير فى سطح جسم معين أو سطوع الجسم بحيث أن منحنى الضوء يطابق منحنى موجود فى الحقيقة لتوصيل الفكرة الأساسية للبروجكت ( توضيح أثر شكل الكويكبات فى منحنيات الضوء)
و ممكن تضيف لمشروعك الآتى:
تعريفات توضح معنى منحنيات الضوء بحيث إنك توضح الفكرة اكتر
جرافات توضح فيها تغير سطوع الكويكبات بمرور الوقت
نماذج 3D للكويكبات المستخدمة المستخدمة فى الجرافات
Note:
هتلاقى اجسام كتير متعلقة بمنحنيات الضوء زى ال supernova, transiting exoplanets, binary star
المطلوب منك إنك تركز على منحنيات الضوء الخاصة بالأجسام اللى بتعكس ضوء الشمس مش
الأجسام اللى بتنور بنفسها

2) ONTOLOGIES AND INTERACTIVE NETWORK VISUALIZATIONS
ناسا بتجمع عشرات الآلاف من مجموعات البيانات، معظم إذا مكنش كل البيانات دى مفيدة بشكل متتخيلهوش، بس للأسف صعب ﻷى حد يوصل للحاجة اللى هو عايزها بالظبط واﻷصعب انه يجمع ما بين أكثر من مجموعة عشان فيه مجموعات كثير مختلفة فى الترتيب والتنظيم عن بعضهم.
المفروض فى التحدى ده إنك تعمل حاجتين: إنك تعمل طريقة لتقسيم المعلومات دى (حاجة كده زى علم الـ taxonomy)، وإنك تعمل web application بيساعد الناس فى ربط المجموعات دى بشكل ممكن يساعدهم فى إنهم يلاقوا اللى عايزينه. البرنامج اللى هتعله لازم يبقى تفاعلى (الواحد يقدر يلعب فيه يعنى)، ونوع التنظيم والتقسيم اللى تعمله لازم يكون منطقى وثابت فى التطبيق بتاعك.
على سبيل المثال:
- ممكن تعمل موقع فيه network بكل المجموعات وعلاقتهم ببعض فتبقي زى شبكة العنكبوت ممكن المستخدم يتحرك فيهم
- ممكن تعمل hierarchical list يبقى فيه parents و children حسب الطريقة اللى انت عملتها لتقسيم مجموعات البيانات

3) DISCOVERING SCIENCE CONNECTIONS
فروع العلم الكثيرة والمختلفة من أكثر المواضيع الشيقة اللى مكن تبحث فيها، بالذات لما يبقى الموضوع ليه علاقة بدراسة الفضاء. فى التحدى ده بنركز على خمس علوم: علم اﻷرض، علم الفلك، الفيزياء الشمسية، علم الكواكب، والفيزياء واﻷحياء. ممكن ميكنش واضح فى اﻷول العلاقة بين كل علم والثانى بس لو ركزت كويس هتلاقى علاقات أكثر وأقوى مما كنت تتخيل.
فى التحدى ده شغلك إنك تلاقى العلاقات المميزة بين العلوم دى وتعرضها بطريقة مميزة ومبتكرة للناس عشان يعرفوا أكثر عن المواضيع دى. مشروعك ممكن يبقى منصة جديدة لتقديم الفكرة، قصة شيقة بتتعرض بطريقة جديدة أو حتى محتوى متوجه لجمهور جديد من الناس.

4)YOU ARE MY SUNSHINE
فيه كمية بيانات مهولة عن الطاقة الشمسية واﻷرصاد الجوية المتعلقة بيها، كمية كبيرة من البيانات دى ممكن تبقي مفيدة جدا فى اتخاذ قرارات فى بناء خلايا الطاقة الشمسية بالذات بالنسبة للشخص العادى اللى عايز يستخدم مصدر طاقة نظيفة. بالرغم من فايدة المعلومات دى إلا إن الوصل ليها صعب جدا؛ بسبب إن المصدر الرئيسي ليها هو NASA POWER web portal اللى ليه واجهه صعبة ومعقدة لكونها موجهه للناس اللى فى المجال العلمي أكثر من الناس العاديين زينا، ففيها كمية معلومات مش ممكن حد يستوعبها ويتعامل معاها.
دورك فى التحدى ده إنك توظف البيانات دى فى برنامج على الموبايل يقدر يفيد الناس ويساعدهم فى اختيار اﻷحسن ليهم بالنسبة للمكان بتاعهم. البرنامج لازم يبقى فيه شوية حاجات: رسم بيانى (ايًا كان نوعه) بيمثل المتوسط اﻹسبوعى لكمية الشمس فى السنة، ويبقى تقدر فيه تغير شوية عوامل (زى مدى الدقة، والفترة الزمنية، إلخ)، وأخيرا تبقى فيه كل البيانات واضحة وفى رسوم بينية واضحة.
على سبيل المثال:
- ممكن تعمل برنامج لحالة محددة جدا، قيبقى مثلا مركز يورى أى حد بيفكر يشترى خلايا شمسية كمية أشعة الشمس فى منطقته فيقرر على أساسه هل الموضوع يستاهل ولا ﻷ أو هل هينفع يعتمد عليه طول السنة ولا فى الصيف بس.
- ممكن البرنامج يبقى عام ويبقى فيه بيحدد المستخدم نوع البيانات اللى هو عايزه وطريقه عرضه عشان يبقى عنده نظره أشمل عن الموضوع.
اللي لسه مسجلش معانا ممكن يسجل معانا ف اللكويشن بتاعنا من هنا:
https://2021.spaceappschallenge.org/locations/luxor-city/
اكتبوا لينا في سكشن ال comments ال challenges اللي نفسكم نوضحها البوست اللي جاي ولو عندكم اي سؤال تقدروا تسألونا في الcomments.

قررنا ننزل سلسله نشرح فيها ال 28 تحدي الموجودين السنادي, كل بوست فيه 4 تحديات و نشرح و نوضح شكل البروجكت اللي ممكن يتنفذ:
https://2021.spaceappschallenge.org/challenges/

1) COVID-19: CALCULATE THE RISK:
علي الرغم من ان تطعييم الكورونا و كل الجهودات الموجوده لحل المشاكل ولكن في بردو نسبه خطر من انتشار الفيرس.
دورك في التحدي انك تستخدم الداتا الموجوده من كل المنظمات عن الوباء و انتشاره و اثاراه البيئيه, الاجتماعيه, الاقتصاديه و السياسيه في انك تعمل موبايل ابلكيشن بيوفر تحذيرات للمستخدم عن مخاطر كورونا و اماكن انتشار الفيرس و النطاقات الجغرافيه بتاعته وتحاول تزود الوعي الاجتماعي والاستجابة والأمن الصحي عند الناس.
علي سبيل المثال: ممكن تضيف خوارزميات بحيث تبلغ عن شخص مصاب و اماكن تواجده وممكن تضيف الاماكن الامنه للتسوق و تعمل استطلاعات للرأي و اماكن تواجد التطعيم الخ.
يستحسن تعمل بروتوتايب ( نموذج مصغر ) من الفكره بتاعتك بحيث تقدر تبين البروجكت بتاعك.

2) DRONES AND SATELLITES FOR URBAN DEVELOPMENT:
في التحدي دا انت هتشتغل علي ال SDGs او اهداف التنميه المستدامه و تستخدم بيانات الاقمار الصناعيه و طائرات ال drones في حل مشاكل التنميه زي (المياه والكهرباء و السكن).
علي سبيل المثال للتوضيح: ممكن تستخد بيانات الاقمار الصناعيه و ال drones في تحديد الاماكن ذات الكثافه السكانيه العالية و تحليل مواردها و الاماكن المجاوره ليها و تساعد الدوله في انشاء خطط لزياده التنميه الحضاريه هناك.
هدف التحدي هو انك تربط بين البيانات الجويه و البيانات اللي علي الارض و توصل منهم لحل لمشكله اجتماعيه و تمكين الدوله من تطوير خطط حضارية أكثر استدامة.
ابدأ البحث عن ال SDGs اولا -وممكن تتعرف عليهم من هنا https://sdgs.un.org/goals - ثم اختار منهم هدف و اشتغل عليه و دور علي حل ليه باستخدم البيانات المتاحه ليك من خرائط و صور من ال drones او الاقمار الصناعيه.
ممكن البروجكت يكون فيديو بيوضح طريقتك او حاجه ديجيتال او ابلكيشن.

3) IDENTIFYING RISK WITH SCIENCE + COMMUNITIES
الانهيارات الأرضية ديما تحدي بيواجه المناطق الريفية لانه بيأثر بالسلب علي التنمية الاقتصادية للمجتمع دا, في التحدي هنا مهمتك انك تصمم نموذج او أداة تستخدم فيه بيانات أقمار ناسا الصناعية والمصادر الأرضية اللي بتحدد خطر الانهيارات الأرضية, مع الوضع في الاعتبار ان الاداة او النموذج اللي هتصممه يكون سعره منخفض بالنسبة للوضع المحلي.
واثناء تصميمك للأداة تقدر تضيف الاتي:
- واجهة رسومية ( user interface) بتوفر للمجتمعات والحكومات المحلية عرض المعلومات المحلية وتفسيرها.
- نموذج أولي قابل للتطوير وكمان قابل للتشغيل بتكلفة منخفضة.
- تطوير مجموعات بيانات التدريب على التعلم الآلي للتنبؤ بالانهيارات الأرضية بحيث يمكن للباحثين بسهولة دمج بيانات التدريب في عملياتهم.

4) WARNING: THINGS ARE HEATING UP!
من المتوقع التغيير في المناخ هيزود من مشاكل الظواهر المرتبطة بالحرارة اللي بتأثر علي صحة الانسان والنظم البيئية, آثار تغير المناخ واضحة بالفعل في الولايات المتحدة والعالم. غالبًا بترتبط موجات الحر بجفاف وحرائق الغابات اللي ليها آثار بمليارات الدولارات على المجتمعات الوطنية والعالمية, في التحدي دا مهمتك انك تطور او تصمم أداة بتستخدم Earth Observations (EO) ونماذج لتوليد تحذيرات بالمخاطر المرتبطة بالحرارة.
واثناء تصميمك للأداة تقدر تضيف الاتي:
- عرض جداول بسيطة (كمية) ورسومية مع شرح موجز.
- تقدم التفاصيل كإسنادات ترافقية ملحقة أو مرتبطة.
الادوات ممكن تكون ابلكيشن بتدي تحذيرات من مخاطر الاحتباس الحراري زي مثلا ضوء ( احمر \ اصفر \ ازرق).
Note:
كل التحديات مينفعش تسخدم اي بيانات محليه من اي جهه مش امريكيه فممكن تسعين ب بيانات CSA \ NASA \ ESA \ JAXA.
_متنسوش تسجلوا معانا علي الموقع https://2021.spaceappschallenge.org/locations/luxor-city/

اكتبوا لينا في سكشن ال comments ال challenges اللي نفسكم نوضحها البوست اللي جاي ولو عندكم اي سؤال تقدروا تسألونا في الcomments.