كـــلام فـي الكــــورة

الي النهائي 🤌🦅🚩

كبير القوم 🏆 وسيد القارة

ياجدعان التحول الي حصل في الهدف الاول للاهلي والله يدرس 🔥 التنظيم الدفاعي والوقفه حاجه تتدرس ... مروان بيقطع الكوره باص لكهربا ثم باص لبيرسي تاو ... وتاو يعمل اسكان ويعمل الثرو والشحات يخدها بكعب رجله ويفنش بجوده ممتازه 🔥 هدف ممتع بكل تفاصيله

اي ليفربول ده هي المشكله فين عندهم؟

الزمالك ... بينزف الزمالك سئ جداً جداً
الاتحاد عمل ماتش كبير تكتيكياً اخر ربع ساعه قدم كوره ممتعه
وكمان بيراميدز وفيوتشر قدموا هديه للاهلي ...
مفيش احسن من كده اكسب يا اهلي اركب الجدول وامشي لقدام

رابع اكتر فريق سجل اهداف برصيد ٢٩ هدف بعد سيتي و ارسنال و توتنهام

تالت اكتر فريق في معدل الاهداف المتوقعة xG برصيد 27 هدف بعد سيتي و ليفربول ، و ده معناه ان الافراد متطورة جدا و قادرين يسجلوا فرص غير محققة للتسجيل ..

رابع اكتر فريق سدد برصيد 218 تسديدة بعد سيتي و ليفربول و توتنهام

رابع اكتر فريق سدد علي المرمي مباشرة برصيد 79 تسديدة بعد سيتي و ليفربول و توتنهام

اقل فريق استقبل اهداف في الدوري رفقة ارسنال برصيد ١١ هدف فقط

استقبلوا 57 تسديدة فقط علي المرمي و ده سادس اقوي ريكورد في الدوري بعد ارسنال و سيتي و برايتون و يونايتد و البالاس

نيوكاسل هو رابع اكتر فريق خلق فرص محققة للتسجيل بعد سيتي و ليفربول و برينتفورد

نيوكاسل هو تالت اكتر فريق في البريميرليج قام بتعطيل مرحلة بناء اللعب من تلت ملعب الخصوم بعد ليفربول و ليدز يونايتد 👏

نيوكاسل هو رابع اقوي فريق في البريميرليج من حيث الضغط ، بيمتلك PPDA بيوصل الي 10.96 يعني تقريبا الخصم اخره 11 تمريرة يعملهم قبل ما تفسد هجمته عن طريق ضغط نيوكاسل ، بعد ليدز و تشيلسي و ليفربول

نيوكاسل مخسرش علي ملعبه سان جيمس بارك و قادر يستغل اجواء ملعبه بشكل مثالي ، لعب ٨ مباريات ، فاز في 5 مباريات ، تعادل في ٣ مباريات ..

بعد الفوز علي تشيلسي ، نيوكاسل قدر يوصل للفوز الخامس علي التوالي في البريميرليج و ده ريكورد متحققش للماجبيث منذ 2014 ..

نيوكاسل واجه الكبار Top six بكل قوة و شخصية و روح عالية و كورة ممتعة و مخسرش غير بصعوبة من ليفربول في اخر ثانية في الماتش

لكنه تعادل مع سيتي ، تعادل مع يونايتد ، فاز علي توتنهام و فاز اليوم علي تشيلسي ..

و اخيرا ، نيوكاسل بيحتل المركز التالت في البريميرليج خلف مانشيستر سيتي بنقطتين فقط و بناقص مباراة لصالح السيتي ..

في خلال سنة فقط منذ تعيين ايدي هاو في 8 نوفمبر 2021 ، قدر نيوكاسل يتدرج بمشروعه بنسق سريع و للامام فقط ولا يوجد تعثرات او سقطات ، تطور مستمر و مشروع مبشر بالاقوي مستقبلا 👏

الافضل من المشروع ، هو الايمان بالمشروع 🔥❤️

اعذروني في اللي هقوله ده ...

بس نابولي هو امتع فريق الموسم ده بيقدم كورة ✅💙

اللي بيشوف ماتشات نابولي بالكامل هيوافقني

و اللي مش بيشوف ماتشات نابولي اصلا هيضحك عليا لان في دماغه فرق زي ريال مدريد و برشلونة و السيتي و باريس و مش بيشوف ماتشات غير ليهم ...

سيبكوا من اقوي و اضعف
لكن نابولي هو الامتع حرفيا 👌💙

٤١ نقطة من اصل ٤٥ نقطة ممكنة في 15 مباراة
لم يهزموا في الكالتشيو حتي الان 👌 ...

المجد
كل المجد
للمدربين الذين يخلقون السيناريوهات عن طريق الدراسة و المنهجة 👏❤️ ..

توماس فرانك دخل مباراة السيتي مذاكر مذاكرة الاول علي الدفعة بالمعني الحرفي

شوط اول ضغط عالي بشكل ٥ / ٣ / ٢ و اعتمد ان بيرناردو جناح اليوم مش في وسط الملعب ف السيتي معندوش عنصر يسرع مرحلة بناء اللعب و يحتوي الضغط و بالتالي قرار هايل من فرانك و حجم الممرات العمودية بشكل كبير و اجبر السيتي علي توجيه كراته علي اطراف الملعب " المناطق الاقل خطورة في مراحل الاختراق "

شوط اول كله كرات عمودية طولية مباشرة و استغلال اكبر نقطة قوة لديه " الثنائيات الهوائية " و كسب كرات تانية كتير قدر يسجل منهم واحدة و يتقدم في النتيجة ، لحد دلوقتي السيناريو شغال حسب ما فرانك مخطط بالظبط ..

شوط تاني تراجع كلي ب ضغط منخفض بشكل ٥ / ٣ / ٢ و بخطوط ضيقة بحيث خماسي الدفاع يكونوا في منطقة الجزاء و ميحتاجش يضغط للامام ف يفرغ المساحات الخلفية ..

قدر يشل جوارديولا في مراحل الاختراق و انه يعتمد علي عرضيات و بس

بينزل ويصا و دا سيلفا عشان يجدد الدماء البدنية لان عنده خطة و منهج للتحولات و اللي زود الطينة بلة هو خروج كانسيلو و نزول الفاريز ، جوارديولا ترك الملعب بدون اظهرة صريحة و فاتح الملعب علي البحري و معتمد ان واحد زي ستونز يضغط بشكل عكسي و يسترجعله الكورة و هنا فرانك استغل ده بنزول دا سيلفا علي اليسار في الدقيقة 87 في نفس توقيت خروج كانسيلو ...

اشتغل مرتدات طول الشوط التاني و الرعونة كانت في طريقة انهاء الهجمة

و لكن افكاره بتنصفه بالهدف التاني من مرتدة و الفوز بنقاط المباراة بالكامل عن جدارة و استحقاق 👏👏👏 ..

هتقولي يا بوتا ده جوارديولا استحوذ بنسبة 75% و سدد 29 تسديدة

بس انا هقولك انه زار مرمي ديفيد رايا ب ٦ تسديدات فقط و خلق فرصة يتيمة محققة للتسديد و من هنا تعرف ان فرانك قدر يحجم مرحلة الاختراق علي جوارديولا بصورة كبيرة

اما فرانك ، ف سدد 10 و زار مرمي ايديرسون 8 مرات ، و خلق 6 فرص محققين للتسجيل بحالهم ، سجل منهم 2 ، اعتقد المباراة كانت المفروض تنتهي باكتر من هدفين ل برينتفورد كمان 👋

عالمي يا توماس يا فرانك 👏🔥

قائمة منتخب البرازيل النهائية المنطلقة نحو مونديال قطر 2022 ..

بصراحة بشوف ان البرازيل عندها اشمل و اقوي افراد في كاس العالم ده ، رعب هجومي بالمعني الحرفي ، مواهب متنوعة و لديها من الجودة اللازمة لتحقيق كل شئ ..

يمكن كلنا متفقين ان " تيتي " مش المدرب القوي تكتيكيا عشان يقود مجموعة عظيمة زي دي ، بس صدقني احيانا مش لازم تكون مدرب تكتيكي قوي كفاية طالما تمتلك الكتيبة دي

بشوف تيتي لو قدر يضبط الوضع ذهنيا و نفسيا ، يقدر يغطي علي القصور الاستراتيجي ، و يقدر يفتح مساحة ارتجالية واسعة جدا عشان الافراد دي تقدم كل اللي عندها ..

يمكن اضعف مراكز في البرازيل هي الاظهرة ، عشان كدة انضمام الفيس ما هو الا اضافة عنصر خبرة لان فعلا مفيش ظهير ايمن عليه القيمة ينفع يلعب مع المجموعة دي ، برضه في الجانب الايسر مش بشوف تيليس او ساندرو جديرين باللعب ، لكن ده اللي موجود و يمكن دي النقطة الوحيدة اللي فيها مشكلة للبرازيل ..

بريمير اضافة قوية جدا في قلب الدفاع مع ماركينيوس و سيلفا و من بعدهم ميليتاو ، خبرات و قوة و جودة ..

وسط ملعب فيه كاسيميرو و فابينيو و جيوماريس و باكيتا حاجة مكتملة مش محتاجة اي اضافات حرفيا ..

خط هجوم مرعب و هو الاقوي في البطولة بدون نقاش ، لدرجة ان تيتي هيحتار هيبدأ بمين فيهم ، الموضوع فعلا محير ، لو جيت بصيت هتلاقي ان نيمار متألق الموسم ده ، فينيسيوس و رودريجو مستويات عالية اوي ، مارتينلي مقدم كتير لغاية دلوقتي ، رافينيا و انتوني برضه كويسين جدا ، مهاجمين صريحة زي خيسوس و ريتشارليسون ، الخط متنوع الي اقصي درجة ...

احنا كلنا عارفين ان مشكلة المواهب البرازيلية هي العقلية ، و عشان كدة ده تحدي تيتي في كاس العالم ، لو قدر يسيطر علي عقليات الافراد دي و الامور اصبحت متوازنة ، هيقدر يتوج بكاس العالم لان السكواد يسمح بكدة ....

خدها و اشتري مني

التوليفة دي مع " كاسبر هيولماند " هيعملوا قلق في المونديال و ممكن الموضوع يوصل عادي انهم يتصدروا المجموعة علي حساب فرنسا مفيش اي مشاكل ..

و حاول كمان تحط في اعتبارك ان منتخب الدنمارك داخل ينافس زي المنتخبات الكبيرة مش جاي تقضية واجب و خلاص زي المنتخبات المتوسطة و الضعيفة ...

هداف الابطال ... مهما اتكلم مش هتاخد حقك الكافي. انا مش جاي اتكلم فنياً لا انا جاي اتكلم عن لعيب كل ماتش بيحطم ارقام وبيخوض تحديات ويكسبها. صلاح اسطوري في ظل الضغوط هو لسه بيقول انا موجد وقادر اسجل والكل يبص ويصقف 👏. صلاح وصل ل6 اهداف ولسه مخلصين دور المجموعات يعني لسه قدامه تحديات وبقولك اهووو لسه الموسم طويل وحجات كتيره هتتغير بعد كأس العالم

عاد الي الفريق اليوم بعد غياب دام ل 61 يوم
نزل بديلا في الدقيقة 83
سجل الهدف الاول له بعد شهرين في الدقيقة 87 ✅

يا اخي كان واحشني احتواءك لضغط المدافعين و استخدام هيكلك الجسدي بشكل منهجي ، احتفاظك بالكرة و تسليمها و تحركك تجاه المساحة الجديدة اللي اتخلقت ، انهاءك بتسديدات قوية و قاتلة ❤️

الان ، انزاجي قادر علي اعادة مرحلة التحولات القاتلة للخصوم باستخدام عنصر حركي مميز قادر علي مهاجمة المساحات بشكل شرس ❤️ ...

اعمل رصد كدة لتحرك ليفاندوفسكي العمودي و هو بيهاجم مساحة العمق

ركز و اعمل Zooming و عيد اللقطة 60 مرة ...

لان من كتر ال Scan اللي عمله ليفاندوفسكي مش هتقدر تعدهم ، مش بس عشان عددهم ، ده عشان نسق ال Scan و الفارق الزمني بين كل Scan و التانية ، حقيقي الموضوع مرعب

ليفاندوفسكي عمل علي الاقل 4 scans قبل لحظة التمرير

طب هو عمل ايه بيهم يعني ال 4 scans دول ؟!

لا مفيش ، هو هاجم المساحة الصح
رصد تحرك المدافع تجاه المساحة
استبق المدافع علي المساحة اولا ، و ثانيا عرف وضعية جسد المدافع و قراره بإغلاق زاوية التسديد

ف يقوم ليفاندوفسكي يستلم بدوران و يلم بالمدافع عشان يخلي الكورة في جانب اعمي بالنسبة له ف يغلط في البلوك ، ف ليفا يفتح زاوية التسديد بالدوران ده و يسدد بالقدم الاضعف

ده بخلاف كدة ، هو اخفي الكرة عن حارس المرمي ف الحارس مبقاش عارف انت هتعمل ايه يا ليفا اصلا ، لا شايف الكورة ولا شايف قرارك ، ف اكون بفاجئ الحارس بالقرار ف يعمل ال Diving بشكل عشوائي

طبعا انت هتكتب الكومنت المشهور بتاع " ليفاندوفسكي : انا عملت كل ده "

انا بقولك كدبني و روح شوف الهدف تاني ، يلا باي 👋

قطار الابيض يستمر في الانتصارات ويلحق بسيرميكا الهزيمه الاولي ... بـ اداء متوسط والاعتماد علي التأمين الدفاعي واللعب علي التحولات اخذ المراد وهي الـ3 نقاط

الانتصار الثاني علي التوالي.... بـ اداء اقل من المتوسط ينتصر الاهلي بهدف نظيف علي اسوان ... هبوط في المستوي الفني بشكل كبير انهارده للاهلي اظن لبعض التغييرات في التشكيل وتحديدا الشكل الهجومي علامات استفهام علي اداء عبد القادر لتاني ماتش علي التوالي
ولكن الاهم خروج الاهلي بـ3 نقاط

هنتكلم في كل حاجه تخص الكوره هندردش مع بعض بنحب الكورة ونحب نتكلم فيها⚽🔥