هي مؤسسة هدفها تطوير صناعة القوالب والأسطمبات في إفريقيا والشرق الأوسط عن طريق تأهيل وتدريب المهندسين والفنيين على النطاق النظرى والعلمى وتقديم الخدمات الهندسية المطلوبة للصناعة بأفضل شكل احترافي.
التدريب في RE Mech عبارة عن مسارين تعليميين بيغطوا عمليات تصميم المنتج والهندسة العكسية وكذلك عمليات تصميم و تصنيع قوالب البلاستيك.
1. Reverse Engineering.
2. Design, Drafting and Manufacturing.
كل مسار تدريبي من دول مستقل بذاته ومهمته يأهل المتدرب انه يكون خبير في المجال دا، لأنه بيركز على المحتوى العلمي والنظري عن طريق محاضرات وورش تدريبية مستمرة لمدة سنة كاملة.
في البداية هنتكلم عن مسار الهندسة العكسية “Reverse Engineering” :
مجال الهندسة العكسية هو واحد من المجالات الأكثر انتشاراً مؤخراً مش بس في عمليات تقليد المنتجات بل كمان في فهم أسرار منتجات المنافسين وتطوير المنتج الخاص بيك وكمان تصنيع قطع الغيار.
مسار الهندسة العكسية بيهتم بتأهيل المتدربين على استخدام أدوات القياس المختلفة سواء التقليدية أوالمتطورة زي الـ 3D Scanners وبعدها بيتم تحويل القياسات اللي تمت دي لرسومات ثلاثية الأبعاد وعمل رسومات هندسية و تصنيعية للمنتجات دي.
مسار الهندسة العكسية التدريبي بيتكون من ٢٠ كورس بيغطوا كل المهارات المطلوبة لعملية هندسة عكسية ناجحة و مبنية على أساس علمي.
الكورسات دى بتستمر لمدة ٥٠ اسبوع و بنناقش فيهم الجزء النظري للهندسة العكسية و كمان بنهتم جداً بالتطبيق العملى سواء لأجزاء بسيطة زى الاجهزة المنزليه و قطع الغيار و المنتجات البلاستيكيه او حتى معدات كبيرة مجمعة زى السيارات و المعدات التقيله.
المهارات اللي بيغطيها المسار ده هي:
1. أساسيات علم القياس و الطريقة السليمة لاستخدام أدوات القياس المختلفة.
2. كيفية عمل و طريقة استخدام اجهزة قياس الإحداثيات و اجهزة المسح ثلاثية الأبعاد.
3. قراءة الرسومات الهندسية و التصنيعية و فهم مبادئ ال GD&T
4. استخدام برنامجي "CATIA & Geomagic Design X” فى عمليات الهندسة العكسية المختلفة خصوصا تحويل مخرجات ال 3D Scanner الي رسومات CAD ثلاثية الابعاد.
ثانياً: مسار التصميم و الرسم و التصنيع :
المسار دا واحد من أهم المسارات التعليمية اللي بنقدمها وكمان أكترها تميزاً لأنه بيهتم بعملية التصميم الميكانيكي للمنتجات والقوالب و الأسطمبات اللى بتكون مبنية على أسس علمية باستخدام الحسابات الأولية اليدوية وكمان الحسابات الأكثر تعقيدا سواء عن طريق حل المعادلات الحسابية باستخدام برنامج الـ Excel أو المعادلات التفاضلية باستخدام الـ FEA وكمان بيهتم كمان بمجالات الـ CAD والـ CAM وعمليات التشغيل المختلفة للمعادن و البوليمرات.
المسار التدريبي دا بيحتوي على خمس دبلومات بيغطو المجالات دي :
1. تصميم المنتجات و تصميم قوالب البلاستيك.
2. استخدام أدوات القياس المختلفة وعمل الرسومات الهندسية و التصنيعية و التجميعية.
3. استخدام برامج الـ CAD فى رسم المنتجات و القوالب و يغطى كل من “SolidWorks, CATIA, Inventor” و غيرهم من البرامج التانية المتخصصة فى صناعة البلاستيك و الأسطمبات.
4. استخدام الـ FEA في محاكاة عمليات تشكيل البلاستيك وتلافى العيوب المتكررة أثناء التشغيل.
5.عمليات التشغيل وبرمجة المخارط والفاريز لتصنيع قوالب الحقن والنفخ وقطع الغيار المختلفة.