عيادة د.محمد حلمي السيد لطب الاطفال وحديثي الولادة

انا مقدر انك دافع كتير اوي لابنك في المدرسة
وانك خايف ان يفوته دروس
بس دا ميمنعش انه لازم يغيب وهوا تعبان
دا افضل لمناعته هايتحسن بسرعة
وكمان ميعديش زمايلة
حافظ علي اولاد الناس زي ما تحب انهم يحافظوا علي اولادك

👨🏻‍⚕️خلى بالكوا لو هنبدأ للطفل جرعات حديد💪 يبقي لازم يأخد الحديد على معدة فاضية قبل الأكل🍔🥗 بساعة أو بعد الأكل بساعتين عالأقل👍
علشان جسمة يمتص الجرعة كاملة ويستفيد منها 👌
🙋🏻‍♂️ازاى تحسبى جرعة الحديد التفاصيل في الكومنتات 👇👇

👨🏻‍⚕️متاكليش ابنك👶🏻جبنه نستو (مثلثات)🧀 دى كلها دهون مشبعة وزيوت نباتية مهدرجة بتضر❌ صحة الطفل خليكى افضل في الجبنة القريش🥛 مضمونه المصدر👌
👩🏻 لا دى ماما👵🏻بتلحسه حته صغيرة اد كدة 🤏
🤦🏻👇👇👇👇

👨🏻‍⚕️افضل الانواع👌 اللى ممكن تقدميها لطفلك خصوصا في سندوتشات #المدرسة التفاصيل في الكومنتات 👇

يعتذر دكتور محمد عن التواجد بالعيادة يومي الاثنين والثلاثاء

📚عام دراسي سعيد
اللهم ارزق ابنائنا علماً نافعاً وانفعهم بما علمتهم وزدهم علما اللهم ارزقهم الصحبة الصالحة وأبعد عنهم رفقة السوء اللهم اجعله عام نجاح وفلاح وتوفيق وبركة

ياريت ياجماعة بلاش كوراع في اللانش بوكس😂

👨🏻‍⚕️الاحتواء علاج سحرى لكل المشكلات 👍❤️

👩 انا مش فاهمه ازاي يادكتور تكتب لابني مضاد حيوي ٦٤٢ وهوا عنده سنه
بصراحه انا مجبتوش
بنت خالتي قالتلي ٢٢٨ اخف واحسن لعمره

👨‍⚕️جرى ايه يا ام حمزة هوا انا ببيع كشري 😡
تعالي افهمك 👇👇

المضاد الحيوي في الاطفال بنختارة بشروط
📌 علي اساس نوع الميكروب اللي عند ابنك
بنحدد نوع المضاد ومدة العلاج والجرعه المناسبة
اللي بتكون مناسبة لوزن ابنك

يعني مثلا في حالة حمزة عنده التهاب في الاذن الوسطي والجيوب الانفيه وكان بياخد مضاد حيوي من فترة قريبه

بالتالي محتاج جرعه عالية ولمدة ١٠ ايام علشان كدا تركيز ٦٤٢ أأمن عليه من تركيز ٢٢٨

واديكي اتأخرتي في العلاج الصح والولد لسه سخن بعد خمس ايام ودلوقتي هنبدأ حقن

👨‍⚕️ بلغي بنت خالتك تركز في المطبخ وملهاش دعوة بالعلاج ❌❌

قريبا الماميز الجديدة 😅 تجربة اول طفل في الحضانة🎒🤦🏻

👨‍⚕️يعني يا ست الكل اديتي للولد
موسع شعب علشان الكحة 😷😷
ومهدئ للسعال علشان ميكحش😷
ومضاد حيوي ليكون التهاب في الزور🥵🥵
ومضاد فيروسات ليكون هيربس 🥵🥵
دا غير خوافض الحرارة ومذيب البلغم 🥵
طيب انتي جاية دلوقتي ليا ليه⁉️⁉️
علشان اعملة كمدات 😂😂

دكتور محمد موجود انهاردة الاثنين في العيادة
تم تغيير مواعيد العيادة👇👇👇

يلا بينا نطلع لايف
هنتكلم فيه عن المدارس ازاي نرفع مناعة اولادنا وازاي نزود تركيزهم

👩🏻- خلصت حفظ ؟
👦🏻= أيوه يا ماما 😁
👩🏻- طب هات اسمعلك 🧐!
👦🏻= طيب قولي أول حته كده 🤔وانا هقول الباقي علشان مش فاكر 🥺🥹
ازاى تتغلبي على عدم التركيز والنسيان عند الاطفال
التفاصيل في الكومنتات 👇

لازم العيال تعتمد علي نفسها 👇👇

🧕 بص يادكتور محمد التطعيمات الاضافية دي كلام فاضي وكل اصحابي مأكدين الكلام دا فلوس بندفعها علي الفاضي
ما احنا اتربينا من غيرها وزي الفل اهوه

👨‍⚕️ بصي يا ام حمزة ست البيت الشاطرة اللي تعرف توفر خدي ردي دا وانقلية لكل صحباتك

📌 الروتا فيروس مثلا من الفيروسات شديدة العدوي بيعمل اسهال وترجيع شديد وبنسبة كبيرة بيدخل الطفل في جفاف
الاسهال ممكن يستمر لاسبوع
تعالي نحسبها بالورقة والقلم علاج طفل من فيروس الروتا ممكن يتكلف كام

📌 اسهال ٧ ايام حوالي ٧ مرات يوميا يعني باكت بامبرز بحوالي ٢٥٠ جنيه
وكريم تسلخات طبعا بحوالي ١٠٠ جنيه
ونقول ٤ ازايز محلول جفاف بحوالي ١٦٠ جنيه
ومطهر معوي ٥٠ جنيه
دا غير الإجازة اللي هتخديها من الشغل وكشف الدكتور والمواصلات ووجع القلب علي الولد التعبان

📌اما بقي لو لاقدر الله حصل للولد جفاف واحتاج محاليل ومستشفي دي قصه تانيه بقي
اضعاف الفلوس دي

يبقي التطعيم بيوفر فلوس👀👀

📌 لو اتكلمنا بقي بالعلم فتطعيم روتا فيروس بيقلل الاصابة بيه بنسبة ٧٠ ٪ ولو لاقدر الله ابنك اتعدا وهوا مطعم بتكون الاعراض اخف بكتير والعلاج اسهل

📌 وبعدين تعالي هنا يا ام حمزة انتي وصحباتك اللي بتقولوا اتربينا من غير تطعيمات واحنا زي الفل اهوه
دا انتوا ماشيين بعلاج عضم ومعده ودوخة وانيميا
دا انتوا عايزين قطع غيار من التوكيل 😂😂

حكاوي علي الماشي

لو عايز تطلب من دكتور اي طلب ويحققهولك
اطلبة منه بعد نبطشية السهر يعني اسنتناه وهوا خارج من المستشفي الصبح واطلب اللي انت عايزة
لانه مش بيكون عارف هوا مين ولا شغال ايه
من الاخر ماشي من غير مخ😂😂

في ٢٠١٢ كنت شغال في مستشفي في القاهره نبطشية حضانه وكانت نبطشية جميلة زي المعتاد عن نبطشياتي حالات تنفس صناعي وحالة تغيير دم

خارج من المستشفي مروح ركبت ميكروباص من الموقف ومستني الميكروباص يحمل الركاب

فجأه ظهر راجل بيعيط علي واحد صاحبة سواق وبيقول انه محتاج عملية قلب مفتوح ضروري
والعملية هاتتكلف( ١٥٠٠ جنية ) ومعاه كل الروشتات والتقارير
ربنا قدرنا والناس في الميكروباص جمعوا مبلغ وانا دفعت
بعد ما روحت ونمت وصحيت
اكتشفت ان ١٥٠٠ جنيه دول ميعملوش عملية زايدة اساسا😂😂

ربنا يكون في عون اي اب بيسهر برا بيته في الشغل الموضوع فعلا ارهاق زهني وبدني
ويكون في عون اي ام بتتحمل مسؤلية بيتها في غياب زوجها
الحياة مش سهلة وكلنا بنكمل بعض

🧕 والله يادكتور تعبت من كتر تعب ابني مش عارفه الاقيها من حساسية ولا من حرارة اعمل ايه 😭😭😭

👨‍⚕️سيبي الواد مش نضيف

يعني الدقايق بتوع الكشف دول مسحتي ايديه بكحول مرتين واكيد في البيت مبهدلاة معقمات ومطهرات

اولا الكحول هينشط الحساسية جدا
و كتر الاستخدام هيموت البكتريا النافعه علي الجلد

كدا بقي حساسية وفرصه سهلة للعدوي

ارحمي ابنك وسبيه في حالة
ياكل اكل طبيعي بدون مواد حافظة وياخد تطعيماته وعلاج الحساسية هايبقي زي الفل

📢 📢 تنبيه خدوا بالكم على الاطفال الجو هيقلب🤦🏻 من الاثنين للاربعاء لان في
توقعات بمنخفض جوي وامطار رعدية ⛈️ بداية من مساء الاتنين للاربعاء

البيت اللي مفهوش طفل سخن انهاردة بلاش يقول بقي علشان الحسد 🥵🥵
👇👇

زمن النبطشيات الجميل 😂😂
علشان لما اقعد مع احفادي ابقي احكيلهم عن النبطشيات

👨‍⚕️ اكلتي البنت ايه يامدام
🧕 بسكوت باليانسون يا دكتور
👨‍⚕️ تمام اهم حاجة تكوني عملاه في البيت
🧕 ايوا يا دكتور عملاه في البيت

بعد البحث والاستفسار طلع بسكوت ماري باليانسون 😂😂😂
مش بسكوت بيتي معجون باليانسون زي ما انا كنت فاكر
لازم استجوب الامهات كأني ظابط علشان اعرف كل التفاصيل 😂😂

تطعيم الانفلونزا 👍👌👇

طب الأطفال علمني النفس الطويل مع الناس 🤣🤣

الاباء👨🏻 في العيادة🤦🏻😅

😂😂
محدتش بقي يكلمني ويسأل ندخل للعيال الافوكادو من عمر كام
طلع طعمية وكوسة 😂😂

صباح الفل
دكتور محمد موجود ان شاء الله في العيادة
انهاردة وبكرة الاثنين

العيادة هتكون اجازة الثلاثاء والأربعاء
استشارات اليومين دول
ممكن يحجزوا انهاردة وبكرة

🧕 اهلا بحضرتك يافندم
ممكن اعرف سبب زيارة حضرتك للفرع عندنا

👨‍⚕️ بصراحة علشان عندكوا تكييف والجو حر فدخلت اقعد في التكييف شوية 😂😂
متزعليش مني مفيش احسن من الصراحة

🧕 تنورنا يافندم لو تحب تاخد فكرة عن المنتجات في الفرع

👨‍⚕️ تمام لو عايز اركب تكييف في العيادة بالمساحة دي سعرة كام

🧕 تكييف بارد فقط بدون اي اضافات 47 كاش

👨‍⚕️ 47 الف صح😱
شكرا لحضرتك انا خلاص ماشي
وبعد اذنك هابقي ابعت الاطفال من العيادة يقعدوا في التكييف بتاعكم شوية 😂

متنسيش بقي تتابعي قناتنا علي واتساب اللينك في اول كومنت ومتنسيش تفعلي الجرس

لما يقولولك هاتي الطفل التالت بعد الثاني علطول
يتربوا مع بعض 😂😂👇👇

كل جمعة وانتم طيبين 🌹🌹

شغلي مع الاطفال والاهل بقي فيه كلمات ثابته بقولها

يعني مثلا
👌 الف سلامة علي الولد
👌 ربنا يرزقة الشفاء
👌 وانا بكشف علي الطفل بقولة ايه يا جميل عامل ايه انهاردة
👌 مع السلامة يا قمر
👌 بنادي كل الاطفال باسم الدلع بتاعهم كنوع من اطمنه وقت الكشف

ومع الوقت بقت ردود افعال لا إرادية
ودا بيعملي مواقف محرجة لما اكون مش مركز او مش نايم كويس

ممكن اكون في سوبر ماركت والراجل يقولي محتاج حاجة تانيه
يكون ردي ( الف سلامه ) 😂😂
( مع السلامة يا جميل)

الحمد لله ربنا بيسترها 😂😂

من كام سنه كنت مرهق جدا في نبطشية سهر في المستشفي
وكان فيه ولد واقع علي دماغة ومطلوب ليه اشعه مقطعيه والاشعه اتعملت وانا بقرأها

فجأه الام قعدت تصوت قبل ما اقولها حاجة عن الاشعه وحالة ابنها
وانا مش فاهم ايه اللي بيحصل

اكتشفت بعد كدا اني كنت بقول ( لا حول ولا قوه الا بالله) في سري وهيا افتكرت اني بقول كدا علشان الاشعه فيه مشكلة

ومن بعدها لما احب اذكر الله وقت الشغل
( سبحان الله وبحمده سبحان الله العظيم)

اهوا لو سمعتها الام تفتكر ان فيه معجزة في حالة ابنها 😂😂

متنسوش بقي تصلوا علي النبي
اللهم صل وسلم وبارك على نبينا محمد

عن أوس بن أوس رَضِيَ اللَّهُ عَنهُ قال، قال رَسُول اللَّهِ ﷺ: (إن من أفضل أيامكم يوم الجمعة فأكثروا عليّ من الصلاة فيه فإن صلاتكم معروضة علي) فقالوا: يا رَسُول اللَّهِ وكيف تعرض صلاتنا عليك وقد أَرِمْت (قال: يقول بَلِيْتَ) قال: (إن اللَّه حرم على الأرض أجساد الأنبياء) رَوَاهُ أبُو دَاوُدَ بإسناد صحيح.

حقيقة ❤️👌👌

نركز بقي علشان برد المروحة بدأ يرجع تاني

🛑العدوي سريعة الانتشار لكل افراد الاسرة

🛑 اللي عنده برد في البيت يتعزل عن باقي افراد الأسرة

🛑 ارجوكم حديثي الولادة مفيش مناعة ولو حصلهم عدوي خطر عليهم

🛑 مفيش سبوع ومفيش بوس لحديثي الولادة

🛑 لو الام حصل ليها عدوي باعراض برد متوقفيش الرضاعة الطبيعية واتعاملي مع الطفل وانتي لابسه كمامه واغسلي ايديكي كويس

احترس ☠️⚠️ الحساسية المفرطة قد تؤدي الي الوف⚠️اه ☠️❌

ابني جسمه ورم وعنيه اتنفخت وبيكح
بعد ما اخد علاج او اكل او قرصته حشرة

مفيش حاجة اسمها هابعت للدكتور علي واتساب واستني يرد ويكتب علاج حساسية

دا نوع من انواع الحساسية العنيفة ممكن يحصل معاها تورم في الحنجرة وانسداد في مجري التنفس والوف⚠️اه

ودا هوا سبب وفي⚠️ات الاشخاص بعد حقن المضاد الحيوي وقت حدوث حساسية منها

لو ابنك حصلة اعراض الحساسية دي
انزل جري علي اقرب مستشفي

ممنوع ❌ تماماً اعطاء حقن المضاد الحيوي غير في المستشفي

الحمد لله الذي اتم علي ابنتي الشفاء

شكرا لكل اللي دعا ليها بالشفاء
وشكرا لكل الي سأل عليها

كل الشكر لدكتور محمد اسماعيل
اخصائي النساء والتوليد ببورسعيد
عيادة دكتور محمد اسماعيل النساء و التوليد

كل الشكر لدكتورة ايمان عبد العزيز
اخصائي الاطفال وحديثي الولادة

مفيش كلمة شكر توفيهم حقهم في وقوفهم معايا

اعتذر عن التواجد بالعيادة والرد علي واتساب والموبايل في الوقت الحالي
الرجاء الدعاء لابنتي بالشفاء العاجل وتمام الصحة والعافية والخروج من الحضانة سليمة معافاه

فيه امهات انا ممكن اكتب لاولادهم في الروشته (سم فيران 🐀😱) ولا اني اكتب حاجة من دول👇 ( كورتيزون او مضاد حيوي او بخاخات حساسية صدر او لبن صناعي )😱

📌تعالي بقي اسمعي الكلام👇👇

ممنوع ❌ تماماً انك تدي لاولادك اي حاجة من اللي كتبتها فوق دي بدون اسنشارة طبيب

حالات الاسبوع اللي فات 👇👇

حديث ولادة الرضاعة الطبيعية قليله جدا ووزنه قليل واعترض الاهل علي اللبن الصناعي ومأخدوش
انتهي الحال بدخول الطفل حضانه بسبب الجفاف

التهاب صديدي علي اللوز والاهل رفضوا اعطاء الطفل مضاد حيوي شراب
وانتهي الحال بحقن مضاد حيوي بعد ٣ ايام حرارة ٤٠

طفل تاني صعوبه بالتنفس وحجز بالمستشفي وجلسات استنشاق بسبب عدم استخدام البخاخات تحت سبب خايفين يتعود عليها

بلاش خوفك من دوا معين يخليكي تضري بصحة ابنك طالما واثقة في دكتورك صدقية ومتسمعيش للمعلومات الغير كامله علي سوشيال ميديا

لما الاب👨🏻 يكون فرحان اوى 👏ان ابنه هايتعلم البوتي
ومش هايشتري بامبرز تاني ويوفر فلوسه بقي😅
يلاقي البوتي ب ٦٥٠ جنية🤦🏻 😂
متنسوش نصايح لتعليم البوتي في البوست دا 👇👇
https://m.facebook.com/story.php?story_fbid=154842729353963&id=101322008039369