دكتور عمر صبري حسبو أخصائي طب الأطفال

⏰ لسة فيه أم ما تعرفش إن فيه جرعة تطعيم ڤيروس بي في أول ٢٤ ساعة من عمر الطفل ؟

⏰ لسة فيه أم ما تعرفش إن ڤيتامين ك حقنة بعد الولادة للطفل بيحميه من النزف و ڤيتامين د ٤٠٠ وحدة من أول يوم لعمر سنة يحمي من لين العظام ؟

⏰ لسة فيه أم ما تعرفش إن الخنفرة و الزغطة ظواهر طبيعية في الشهور الأولى ؟

⏰ لسة فيه أم ما تعرفش إن الرضاعة الطبيعية رقم واحد في أول ٤ شهور من عمر الطفل ، من غير اعشاب و لا ينسون و لا أكل و لا ميه ؟

⏰ لسة فيه أم بتعمل لولادها بيات شتوي من غير استحمام و لا خروج ..
و ما تعرفش إن قلة الاستحمام بتجيب جرب و قلة الخروج بتأثر على نفسية الطفل؟

⏰ لسة فيه أم ما تعرفش إن الصفرا مش عاوزة ڤيتامينات و لا لمبة نيون..عاوزة كشف و تحليل و متابعة أو حضانة ..

⏰ لسة فيه أم بتعرض ابنها للتلفزيون فترات طويلة و ما تعرفش إن ده بيعمل سمات توحد و فرط حركة؟

⏰ لسة فيه أم بتربط سرة المولود بحزام و ما تعرفش إن ده هيخليها تلتهب و إنها هتروح لوحدها في الغالب من غير ربطها ؟

⏰ لسة فيه أم بتكحل المولود و تغربله و ما تعرفش إن الرصاص في الكحل يضر الطفل و الغربلة تعمل نزيف في المخ ؟

⏰ لسة فيه أم قلقانه من قشرة الرأس للمواليد كل ما تشيلها بفرشاة و زيت زيتون ترجع و ما تعرفش إنها من سن ٦ شهور لسنة هتختفي تماماً ؟

⏰ لسة فيه أم بتعيط جنب طفلها لما يعيط جامد و يقطع النفس و يفقد الوعي ثواني و ما تعرفش إن دي نوبات حميدة و انفعالها الزائد بيخلي الطفل يزود فب عياطه كل مرة ؟

⏰ لسة فيه أم ما تعرفش تحمي طفلها ازاي من إنه يشرق في أكل أو ألعاب صغيرة بإنها تمنع المكسرات خصوصا الفول اسوداني و اللب و نشيل أي لعب صغيرة من قدامه و لو شرق تقلب الطفل على بطنه و تخبطه على ظهره خمس ضربات و ترجع تقلبه على ظهره و تضغط في نصف صدره خمس ضغطات

⏰ لسة فيه أم بنقلق لما تشوف بروز في ث*ي الوليد و بعض نقاط اللبن و تعصرهم و ما تعرفش إن دي ظاهرة حميدة من هرمونات الأم و التعصير ممكن يعمل خراج للطفل ؟

⏰ لسة فيه أم ما تعرفش إن نوم الرضيع متقطع جداً و بيبدأ ينتظم عند ٦ شهور و تقلق لو الطفل نايم و خملان و مش راضي يرضع ؟

⏰ لسة فيه أم ما تعرفش إنه الكالسيوم مش ڤيتامين و لا يعطى روتين إلا مع تحليل دم يثبت نقص الكالسيوم و اخد الكالسيوم بدون داعي يترسب في الكلى

⏰ لسة فيه أم ما تعرفش امتى تقلق على تطور طفلها ؟
شهر ما بيتخضش من الصوت العالي ،شهرين ما ضحكش، تسع شهور ما قعدش ، سنة و نصف ما مشيش.

⏰ لسة فيه أم ما تعرفش إن وزن طفلها بيتضاعف ٣ مرات في عمر سنة و طوله بيزيد بنسبة ٥٠٪ و مع كل زيارة للوحدة الصحية أو الطبيب لازم تقيس وزن و طول الطفل. ....

⏰ لسه فيه أم متعرفش ان علاج الحساسية الصدرية بالاستنشاق افضل من الحقن و الادوية

⏰ لسه فيه أم متعرفش إن الطفل ياكل طبيعى اثناء الحرارة و مينفعش تمنع الالبان والزبادى و السمك و اللحوم لان الطفل بيحتاج للتغذية اكثر في الوقت ده .

⏰ لسه فيه ام متعرفش ان تطعيم الروتا يعطى للأطفال عند سن شهرين واربع شهور و بيحميهم من فيروس الروتا اللى بيعمل نزلات معوية وجفاف حاد .

⏰ لسة فيه أم بتضرب ابنها عشان بيبلل سريره و هو نايم و ما تعرفش إن الضرب بيزود الموضوع؟

⏰ لسه فيه أم متعرفش ان تطعيم الانفلونزا الموسمية يعطى كل سنه في شهور 9 و 10 و 11 للوقاية من فيروس الانفلونزا و مهم جدا لأطفال الحساسية

⏰لسه فى أم قرت البوست واستفادت منه ومعملتش منشن وشير ؟ِِ؟

التطعيمات الإضافية للأطفال:-

التطعيمات الإضافية للطفل مبتقلش أهمية عن التطعيمات الإجبارية(بتكون إجبارية فى كثير من دول العالم)لإنها بتحميه من أمراض كتير منتشرة الأيام دى نتيجة و بتزيد من مناعة الطفل لأمراض معينة💉💉

**تطعيم الروتا :-

بيحمى الطفل من حالات الإسهال الشديد اللى ممكن يوصل للجفاف و الوفاة.
وهو بيكون جرعتين الجرعة الأولى في سن شهرين و التانية فى سن ٦ شهور.

**تطعيم المكورات الرئوية:-

بيحمى الطفل من الإلتهاب الرئوى و التهاب الأذن الوسطى و الحمى الشوكية.
وهو بيكون ٣ جرعات شهرين و٤ شهور و ٦ شهور و جرعة منشطة فى سن سنة و نص.


**تطعيم الإنفلوانزا البكتيرية (حقنة فى الفخذ) :-

بيحمى الطفل من الإلتهاب السحائى.
وهو بيكون ٣ جرعات من شهرين ل ٣ شهور-من ٤ شهور ل٥ شهور-من ٦ شهور ل ٧شهور،،و جرعة منشطة فى سن سنة و نص.

**تطعيم الجديرى المائى (من عمر سنة)

**تطعيم الحمى الشوكية (حقن تحت الجلد) :-

وهو جرعتين ( عامين من ٤ ل ٦ سنوات ).

**تطعيم الالتهاب الكبدي الوبائي (أ) (حقن فى العضل):-

هو جرعتين (سنة - سنتين)

**تطعيم الإنفلونزا الموسمية :-

بيكون مرة كل سنة من أول ٦ شهور

لحظة ألتقاء الأخت الكبرى بأختها الجديدة😂♥️🫶

ربنا يكون في عون الأمهات 🥰

👈 أول ما الطفل يتولد ممكن يقعد إسبوعين تلاته هادي و نايم ... مطلوب من حضرتك تصحيه بأي وسيلة و ترضعيه لإن سكره ممكن ينزل و دا خطر على حياته في المرحلة دي

👈 بعد الأسابيع الأولى هتلاقيه بيصرخ و يعيط و يلم عليكي الخلق ... معلش استحمليه الفترة دي لسه جديد و مش متعود على الضوء و الأصوات و درجات الحراره المتغيرة و اللمس و الهدوم ... كل دا جديد عليه و بياخد وقت لغاية ما يتعود يمكن أول ٣ : ٤ شهور و علشان كده هتلاقيه نضيف و راضع و زي الفل بس مش مبطل صريخ و ما عليكي غير الصبر

ابنى مش بيشبع منى 😢😢😢
و لبنى قليل .. :
و بساعد بلبن صناعى ..
و أخدت كل مدرات اللبن 💊💊 بس مفيش أى نتيجه ..
و ....بصراحه زهقت بقى..
و عايزه ارضع طبيعى فقط...
زى باقى الأمهات .😢
و أرتاح من موال الببرونه و تجهيز الرضعة ..
و خايفه احسن يجيله حساسية من اللبن الصناعى 😢

🕵️الدكتور اتأكد ان وزن الطفل مش بيزيد ؟؟
🕵️علمك طريقة الرضاعة الصحيحة ؟؟
🕵️أو قال لك ان الطفل و هو تعبان ان وزنه ميزيدش !!
أو قالك روحى لحد متخصص فى الرضاعة الطبيعية قبل ما يديله لبن صناعى 🕵️🕵️
لا يا دكتور ... مفيش حاجه من دى حصلت الصراحة 🙈🙈🙈
هو انا قلتله ان الولد علطول بيعيط... و مش بيشبع
فقال لى ان لبنى خفيف !!!
و ان اللبن مش كفاية !!! ..فأكيد هو مش شبعان !!
وكتبلى على لبن الصناعى ...
و قال لى .. كملى برضعة صناعى علشان يشبع .........
و من يوميها كل ما آجى أرضعه يعيط و ميسكتش الا لما أديله الببرونه 😧😧

بصى يا مدام ..
أول خطوه علشان لبنك يزيد ..لازم تكونى بترضعى صح .. يعنى الطفل بيمسك صدرك بطريقة صحيحة ويكون ماسك الح**ة و الهالة علشان بيفضى اللبن اللى موجود فى صدرك بسهولة و يشبع و اللبن يتجدد و يزيد !!
على أرض الواقع ... بيجيلى أمهات كتير معتقدين انهم بيرضعو بطريقة صحيحة .. و فى الواقع الطفل بيمسك الحلمه بس و مش بتنزل له اللبن بطريقة كامله فالطفل مش بيشبع ..و كنتيجه لكده الوزن مش هيزيد ... و لبنك هيقل ...

و لو بتاخدى مدرات لبن .. و صدرك مش بيتفضى كويس مع الرضاعة ... لبنك مش هيزيد برده !!
و الطفل لو اخد صناعى فى المرحله دى وزنه هيزيد ......و هيزيد اعتقادك ان المشكله فى لبنك ..مع ان المشكله فى انه مش عارف ياخد اللبن أصلا !!
ومفيش حاجة اسمها لبنى خفيف ...😤
( كل أم عندها لبن خفيف فى أول الرضعة و لبن دسم و تقيل فى آخر الرضعة بعد ما الخفيف ينزل للطفل ) و دا طبعا للى بتكمل الرضعة الصحيحة المتصلة لمدة 15 - 20 دقيقة .... و مع كثرة الرضاعة بيزيد انتاج اللبن طبعا و يكفى حاجة الطفل .
فالمفروض الطفل يرضع من نفس الثدى كذا رضعة (ممكن تفضلى ترضعي من ناحية واحدة طول النهار ) لغاية اما يفضى خالص و بعدين تسيبي الفاضى يمتلىء و ترضعي من الثدى المليان ... و دا بيفرق كتير فى زيادة لبنك و زيادة وزن ابنك لأن الدسم بينزل مع آخر كمية فى الثدى..
لو عايزة الصح متفكريش فى الصناعى و حاولى تعتمدى على اللبن بتاعك ..

- طيب يا دكتور ...الخلاصة أعمل ايه؟
- هو دا الكلام المظبوط ..
بصى يا ستى ..هتعملى التعليمات دى و يمكن ربنا يسهل و الامور تتحسن .
**************************************
👈👈 لازم نوقف الح**ة الصناعى ( الببرونه )...
علشان ميتعلقش الا بح**ة صدرك ...و لو هنكمل بصناعى هيبقى من غير ببرونه :o

👈👈و تعملى تلامس الجلد للجلد فى غير اوقات الرضاعة .

👈👈و تحاولى ترضعى بطريقة صحيحة زى الفيديو اللى فى أسفل البوست .

👈👈و يرضع اللى فى صدرك الاول و لو عايز تكملى بالصناعى بس بملعقة او قطارة او سرنجه .... مهم متديهوش ح**ة صناعى تانى

👈👈و مع الوقت نقلل كمية الصناعى اللى بياخده بعد كل رضعة بالتدريج على مدار اسبوع مثلا.. وعلشان اللبن مايقلش عصرى كتير ورضعى طبيعى أكتر

👈👈واشربى سوايل كتير وحلبه وينسون و شمر
و كلى حلاوه طحينيه وجرجير و شوفان
لاااااازم كل رضعة ياخد منك علشان لبنك يزيد .. و لو شبع و لسه فى صدرك لبن متديش صناعى فى الرضعة دى !!

أتمنى الرساله توصل للجميع

📢 النزلات المعويه عند الأطفال 🙋🏻
👈🏻من الحاجات المنتشره الفتره دي النزلات المعويه
👈🏻الإسهال عموما بيحصل نتيجه التهاب بجدار الأمعاء نتيجه دا بتفقد الأمعاء قدرتها على هضم وامتصاص العناصر الغذائية اللي بياكلها أو بيشربها الطفل مع فقدان للأملاح والسوائل من الجسم ودا كله بينتج عنه الجفاف
👈🏻من اشهر مسببات النزلات المعويه فى الأطفال الڤيروسات وأشهرها روتا وغيره زى النورو ڤيروس
من الأسباب التانيه للنزلات المعويه بكتيريا أو طفيليات ودي نسبتها أقل
بالإضافة للتسمم الغذائي والإفراط في استخدام المضادات الحيوية وحساسيه الطعام وشرب كميات كبيره من السكريات أو اسهال مصاحب للإمساك المزمن

✍🏻هانتكلم عن النزله المعويه الڤيروسيه لأنها الأكثر انتشارا 🤷🏻‍♂️
✓أعراضها بتكون إسهال و سخونيه و قريفه و وجع بالبطن و فقدان للشهيه و ترجيع في حاله حدوث التهاب بالمعده
✓الإسهال عموما بيكون مايل للون الأصفر المخضر وبيكون فيه كميات كبيره من السوايل وغالبا لا يحتوي على براز متماسك ودا بيحصل نتيجه زياده حركه الأمعاء

👨🏻‍⚕️ ازاي أعالج النزله المعويه الڤيروسيه:
أهم نقطه في العلاج بتكون عن طريق منع حدوث الجفاف والمحافظة على نسبه السوايل فى الجسم عن طريق الرضاعه و محاليل معالجه الجفاف أو سوايل تانيه
وقف الترجيع عن طريق حقن زوفران ٤مجم أو بدائله زي دانست، ايميريست الجرعة ١سم لكل ١٣ كجم.

❌استخدام مضادات الإسهال خصوصاً في الأطفال أقل من سنتين غير مسموح بيه وفي الأطفال اكبر من سنتين تستخدم بحذر لانها بتخلى التهاب الأمعاء اسوء وبتعمل حبس للأملاح والسوائل ودا هايخلى إن عدد مرات الإسهال أقل بس للأسف دا بيكون مصاحب ليه زياده في درجه الجفاف وانتي مش واخده بالك 🤦🏻‍♂️
✓ممكن نستخدم أدوية زى الزنك و البروبايوتكس

❌ استخدام المضادات الحيوية مقتصر على النزله المعويه البكتيريه ودي نسبتها أقل
✓ اوقات بنوقف التغذيه مؤقتا وبنعتمد على السوايل زي محلول معالجه الجفاف ودا في الحالات الشديده
✓ اوقات بنحتاج نوقف الرضاعة وبنعتمد على لبن قليل الاكتوز ودا في حالات معينه ولفترات محدده
👈🏻 الإسهال عموما هياخد وقت ممكن اسبوع او اكثر شويه بس مش اكتر من اسبوعين وقتها بتحتاجى ترجعى للدكتور
👈🏻 بتعرفى إن الطفل اتحسن مع تحسن نشاطه الحركى والشهيه و بيعمل حمام بول زي قبل النزله ودا بيدل على تحسن علامات الجفاف

🚨 امتى اقلق من النزله المعويه ولازم اروح للدكتور 🩺
¥ ارتفاع الحرارة بشكل مستمر من يوم ليومين
¥براز فيه دم
¥ استمرار الترجيع اكتر من ١٢ ل ٢٤ ساعه
¥ ترجيع سائل اخضر او معرق بدم أو بني غامق
¥ رفض الاكل والشرب
¥ وجود انتفاخات شديده بالبطن
¥اصفرار بالعين والجسم
¥علامات للجفاف شديده ومستمرة

📣 طيب ايه طرق الوقايه من النزلات المعوية 🤔
* الاهتمام بالنظافه الشخصية مهم جدا خصوصا غسل اليدين باستمرار
* الأكل مايكنش ملوث واللبن يحضر بطريقه مناسبه
* تقليل استخدام الادويه خصوصا المضادات الحيوية
* الرضاعه الطبيعيه لوحدها بتقلل من حدوث النزلات المعويه
* نقلل من العصاير والسكريات عموما للأطفال
* تطعيم الروتا ودا مهم جدا و للأسف مش من التطعيمات الإجبارية عشان كدا معظم الأطفال مش واخدينه
متاح منه نوعين بيتاخد بالفم ROTATEQ ودا ٣ جرعات وبيتاخد عند عمر شهرين و ٤ شهور و ٦ شهور
والتاني ROTARIX وبيتاخد عند عمر شهرين و ٤ شهور
الطفل اللي بياخد التطعيم بتقل عنده اعراض النزله المعويه الناتجه عن ڤيروس روتا حتي لو تمت الاصابه بتكون الأعراض اخف وفرصه حدوث الجفاف أقل

لكل أم ناويه تفطم طفلها قبل رمضان

أولاً لازم يكون الطفل مستعد وفى ظروف تمنع استمرار الرضاعة الطبيعية

ثانيًا ياريت تبدأى الفطام الجزئى
بمعنى وجبات أكل طول النهار ونخلى الرضاعة بالليل فقط ونقلل الرضاعة تدريجى ونزود الأكل وصولا الفطام النهائي
الرضاعة الطبيعية أمانة ربنا يعينك 🙏💙💙

ثالثا بنقول أن الفطام أسهل في الشتا وبنخاف في الصيف من النزلات المعوية وكده بس اليومين دول مع دور التعب ده بلاش نضيف للطفل صدمة جديدة... الفطام بالنسبة له حاجة متعبة نفسياً والتعب هيخليه متعلق بيكي أكتر فالفطام هيبقى صعب عليكي وعليه
لو هو نفسه مسدودة من البرد وعايزة تقللي الرضاعة وهو مش متضرر ماشي
لكن لو متعلق بيها اصبري عليه لحد ما يخف ويتحسن 🌷🌷🌷

أمبولات Pulmicort اللي بنستخدمها فى جلسات التنفس فى جهاز النيوبيلايزر ⁉️

👌 الأمبول بيبقي عبارة عن Suspension " مش solution لازم يترج كويس قبل مايُستخدم.

👌 لو الأمبول اتفتح علشان يتسخدم في أكتر من جلسه ، لازم ميعديش استخدام الجرعة التانيه عن ١٢ ساعة.

👌 نحافظ علي الأمبولات جوا الـ envelope بتاعها لإنها بتتكسر بالضوء، ونحافظ علي وضعها في upright position.

👌 آخرك ٣ شهور بس من ساعة فتح ال envelope إنك تستخدم فيها الأمبولات.

لكل أم ناويه تفطم طفلها قبل رمضان
أولاً لازم يكون الطفل مستعد وفى ظروف تمنع استمرار الرضاعة الطبيعية
ثانيا ياريت تبدأى الفطام الجزئى
بمعنى وجبات أكل طول النهار ونخلى الرضاعة بالليل فقط ونقلل الرضاعة تدريجى ونزود الأكل وصولا الفطام النهائي
الرضاعة الطبيعية أمانة ربنا يعينك 🙏💙💙

مع تقلبات الجو 🌀 كل أم قلقانه علي ابنها من التهابات الجهاز التنفسي⁦🗣️⁩ والتهاب الحلق🤒؟؟

✍️ اول نصيحه بنقدمهالك عشان نتفادي التهابات الحلق ال تعتبر من اشهر مشاكل الطفل

بلااااااااااش نبوس البيبي او الطفل💋🙊 خصوصا من الفم 🚫💋

🛑 طيب ليه ؟؟
عشان حاجتين مهمين ✌

🔺اولا : البكتريا والفيروسات 🗣️ال ممكن تتنقل لاقدر الله زي الالتهاب الرئوي 🗣️ ال بينشط اصلا ف الاماكن الزحمه 👥

🔺 والبيبي طبعا ما يستحملش الكلام دا فمانعملش احنا الزحمه👥 حواليه ونبوس ف بقه ودا بيكح 🗣️😤ودا بيعطس😷🗣️ يبقي بلاااااااااش منه😪 🙏

ثانيا : اللعابSaliva🤤
اللعاب🤤 دا ممكن طبعا من حد بيبوس الطفل من الفم
✍️طيب ليه بننبه ع الموضوع دا 🚨

🌀اكيد مش عاوزين نزعل الناس🙄

بس ف الاساس 🚨يهمنا سلامة ابنك👪 سواء البيبي او الطفل👨‍👩‍👧

🚩 إيه بقي *الأمراض 🗣️اللى بتتنقل عن طريق اللُعاب🤤🤧؟ ( بوس الطفل) 💋💋

🚨 فيروسات و بكتيريا رخمه😷 ممكن تنتقل عن طريق اللعاب

😷يبقي الوقايه افضل ونريح دماغنا

🔺🤤 فيرس البرد اسمه Rhinovirus😷

🔺🤧فيرس الانفلونزا وبالمناسبة البرد غير الانفلونزا والاتنين فيروسات وحضرتك لو فكرتي تجربي ف الطفل مضادات حيوية - اعرفي انها مش بتشتغل عليهم أصلاً بل تزيدهم شراسه فى الجسم خصوصا لو المناعه ضعيفه🤒

🔺👾فيرس اسمه EBV وده فيرس شرس🤺 هنتكلم عنه في بوست مفصل للتوعية بيه وبمخاطره

🔺😰فيرس اسمه هيربس Herpes النوع الأول .. وده اللى بتلاقيه عمل التهاب فيروسي في الحلق🤒 و احمرار وفقاعات صغيرة جداً حوالين الشفايف ودا برضه🌬️ ماينفعش معاه مضادت حيويه

🔺 بكتيريا اسمها 🌬️ Streptococcus Pyogens ودى اللى بتجيب التهاب الحلق البكتيرى للأطفال🤒

*دمتم ودام اطفالكم سالمين* 🌷
*ابنك ماحدش يبوسه*🙏🙏

د/ عمر صبري حسبو
أخصائي طب الأطفال وحديثي الولادة
شبراخيت: أمام مجلس المدينة
للحجز والاستعلام 📞 01068707058

دكتور عمر صبري حسبو أخصائي طب الأطفال عيادة طب الأطفال وحديثي الولادة
خدمة طبية متميزة على أعلى مستوى

عينك جيت علي إيه !♥️

الحق يا دكتور ابني عنده حاجات وارمه في رقبته او ورا ودنه 😱😱😱

وفي شكوي اخري الام تقول في حاجه زي البليه تحت ايدي🙆🙆

🛑الغدد الليمفاوية عند الاطفال

ده زمان لو تفتكري كنا بنسميه حيل💆

ودي اماكنها الظاهره كتير في الجسم

جانبي الرقبه 🧏

ورا الاذن 👂

اسفل الفك🧏

تحت منبت الشعر قفاه لمؤاخذه🤦

تحت الابط💪

التقاء الفخذ مع البطن🦵

وفي مجموعات في الصدر والبطن
ومنهم الطحال كمان واللوزتين واللحميه بس دول حضرتك مش هتحسيهم🫳🫳

قصتها باختصار🤨🤨

الجهاز الليمفاوي هو نظام صرف وطرد لكل الميكروبات وسموم الجسم ويعمل كفلاتر لهذه الميكروبات🦠🦠

ومن الطبيعي يحدث تضخم في الغدد الليمفاوية علي حسب مكان العدوي😫😫

تضحم الغدد دي ممكن يكون

موضعي Localized lymphadenopathy
أشهر مكان هو تضخم العقد الليمفاوية الموجودة في منطقة الرقبة بسبب التهاب الأسنان أو اللوزتين أو الجيوب الأنفية أو التهاب الوجه و فروة الرأس🙀

او منتشر generalized
بحيث يكون التضخم في الغدد الليمفاوية في أكثر من مجموعتين بسبب عدوي بكتيرية أو فيروسية
🦠. 🦠.
CMV, EBV

او حاجة خطيرة زي سرطان الدم او ورم سرطاني بالغدد الليمفاوية😭😭



🛑🛑كيف يتم التعامل مع حالات تضخم الغدد الليمفاوية ؟

الفحص السليم لكل مجموعات الغدد الليمفاوية

سونار علي البطن

بعض التحاليل (صورة دم كاملة و سرعة ترسيب و بعض التحاليل للكشف علي بعض الفيروسات المسببة) 🩸🩸



❌ايه علامات القلق في حالات تضخم الغدد الليمفاوية والتي تستدعي عينة من الغدد الليمفاوية ؟؟⁉️⁉️

👉تضخم الغدد الليمفاوية أكثر من 8 أسابيع علي الرغم من العلاج

👉شكل الغدد الليمفاوية غير طبيعي ومتدهور وصلب
فقدان الوزن بصورة ملحوظة و سخونية وتعرق كثيرا ليلا

👉تضخم الكبد و الطحال

👉وجود تضخم في العقد الليمفاوية الموجودة أعلى الترقوة

👉تغير في صورة الدم (انيميا او نقص عدد الصفائح الدموية او زيادة او نقص في كرات الدم البيضاء)


واوقات بنحتاج د جراحه

للمساعدة في تشخيص الحالة

أخذ عينة من الغدة تحت مخدر عام

تفريغ الخراج لو حدث تجمع صديدي في الغدد الليمفاوية

🤔مين حست بالبليه دي عند ابنها⁉️

تنبيه ⚠️ هام
علاج الكحة 🟰 علاج السبب بعد التشخيص الدقيق 🩺
الكحة عرض وليس مرض

"لا تعجبَنَّ لِقِصري عندَ طولِهِمُ
‏فالفخرُ لِلَّيثِ، ليس الفخرُ للجَملِ.."

💢 خروج دم مع البراز عند الاطفال💢

🎲الاسباب💬💬💬

✅ عند حديثي الولادة 👈👈

▪️ابتلاع بعض الدم أثناء عملية الولادة.
▪️في حالة التهاب القولون
▪️نقص فيتامين ك.
▪️إصابة الطفل بأمراض الأمعاء النادرة.

عند الأطفال الرضع والكبار 👈👈

🥇 الشق الشرجي إذا لم يكن هناك إسهال، فإن معظم هؤلاء الأطفال يكون لديهم تمزق صغير في فتحة الشرج، وهذا عادة بسبب مرور البراز الكبير أو الصلب (الإمساك)، وهذا هو السبب في 90 ٪ من الأطفال الذين يعانون من وجود الدم في البراز.

🥈 الإسهال البكتيري او الديسنتاريا إذا كان الطفل أيضًا مصابًا بالإسهال الدموي، فقد تكون العدوى البكتيرية في الأمعاء هي السبب، من الأمثلة على ذلك الشيجلا، والسالمونيلا، والإيكولاي.

🥉عدوى الجلد يمكن لعدوى الجلد العصبية حول الشرج أن تتسبب أيضًا في خروج دم مع البراز عند الأطفال.

🏅 التهاب القولون بسبب حليب الأبقار حيث يبدأ الأمر خلال أول شهرين من الحياة، وفي هذه الحالة يجب تجنب تناول لبن البقر ..

📍 تدلي المستقيم.

🥢 الإصابة ببعض الأمراض النادرة مثل:
▪️البواسير الشرجية.
▪️التهاب القولون التقرحي.
▪️مرض كرون.
▪️وجود نزيف في الجزء العلوي من الجهاز الهضمي والذي يمثل المعدة والأمعاء الدقيقة، مما يؤدي إلى ظهور بقع الدم السوداء في براز الشخص.
▪️وجود نزيف في الجزء السفلي من الجهاز الهضمي والذي يمثل الأمعاء الغليظة بالكامل، مما يؤدي إلى وجود بقع دم حمراء كستنائية أو فاتحة اللون في براز الشخص.
▪️تناول الشخص سواء كان طفل أو شخص بالغ بعض أنواع الأطعمة التي تتسبب في ظهور الدم في البراز ومن أهم الأمثلة على تلك الاطعمة ما يلي:
اللفت الأحمر.
الشوكولاته.
عرق السوس الأحمر.
الأطعمة المضاف إليها بعض المواد الملونة.
الأطعمة ذات اللون الأخضر الداكن.
▪️تناول الطفل أو الشخص البالغ أنواعًا معينة من الأدوية التي تسبب ظهور الدم في البراز، وتتمثل تلك الأدوية في:
أدوية المعدة.
المضادات الحيوية.
▪️وجود الأورام الحميدة القولونية، وهي عبارة عن أورام مخاطية توجد في القولون، تؤدي إلى حدوث النزيف من وقت لآخر.

⛔️ ⛔️ ضعف الشهية عند الأطفال ⛔️ ⛔️

⛔️ أهم أسباب ضعف الشهية عند الأطفال:
💫 التعرض للالتهابات الفيروسية والبكتيرية، خصوصا بمنطقة الفم والتي تتسبب في عدم قدرة الطفل على تناول الطعام.
💫 إصابة الطفل بالطفيليات او الديدان و التي تمتص العناصر الغذائية من وجبة الطفل ودي منتشره جدا فالاطفال وسبب مهم لفقدان الشهية
💫 إجبار الطفل على تناول أنواع معينة من الأطعمة قد يتسبب في ضعف الشهية بشكل ملحوظ.
💫 قد يلجأ الطفل إلى رفض الطعام كنوع من جذب الانتباه لتقديم الحب والاهتمام والرعاية إليه.❤️
💫 حدوث بعض الاضطرابات النفسية والعصبية والسلوكية للطفل.
💫 شعور الطفل بالخوف وعدم الشعور بالأمان يتسبب في إصابته بضعف الشهية.
💫 إصابة الطفل بالأنيميا يعمل على إصابته بضعف الشهية.


⛔️ أسباب ضعف الشهية عند الرضع:
💫 تعرض الطفل إلى نزلة برد.
💫 تعرض الطفل الرضيع إلى التهابات فطرية مما يقلل من قدرته على الرضاعة.
💫 انسداد مجرى الأنف
💫 فترة التسنين.😭


🎀 نصائح مهمة لفتح شهية الأطفال:
💫 الحرص على عدم إجبار الطفل على نوع معين من الطعام.
💫 تقديم الأطعمة بطرق مختلفة ومحببة للأطفال.
💫 عدم تقديم وجبات بكميات كبيرة.
💫 تقطيع الفواكه والخضراوات إلى أشكال محببة للطفل تشجعه على تناول الطعام.
💫 الحرص على اللجوء إلى الطبيب المختص لعمل الفحوصات اللازمه والعلاج

علشان كل أطفالنا محتاجين نعلمهم شويه حاجات .. راجعوا مع ولادكم الصغيرين سيناريوهات الخطر ..

🧕🏻حافظ رقم تليفوني ؟

🧕🏻لو تُهت .. و بصيت حواليك مالقيتناش.. اتفقنا هاتعمل ايه ؟
👲🏼استنى في مكاني .. انتو هاترجعوا تاخدوني..

🧕🏻لو الاساسنسير قفل و انت لسه جوا .. هاتعمل ايه ؟
👲🏼هادوس على G و استناكي في الدور الأرضي

🧕🏻لو القطر اتحرك وانا نزلت و انت لسه جوا ..ها تعمل ايه ؟
👲🏼هانزل المحطة اللي بعدها و استناكي

🧕🏻لو احتاجت تطلب مساعدة من حد .. هاتسأل مين ؟
👲🏼هادور على حد لابس يونيفورم .. أو أب و أم معاهم أولاد


مش كله مرة واحدة 🤣 بس لما ندخل مكان .. نراجع اللي متفقين عليه في دقيقة ..
خفيف كده من غير دراما 😆

ما تخافيش انهم يخافوا ..
الحاجات دي ممكن تنقذ حياتهم

لو حسيتي انهم خافوا .. راجعي الخطة أكتر بتفاصيل أدق

أنا عن نفسي قرأتها فاستحيت من ربي إقرؤوها فهي قصيرة ولكن مؤثرة جداً تتجلى عظمة الخالق..
في الحديث القدسي الشريف قال سبحانه وتعالى:
( يا ابن آدم جعلتك في بطن أمك.. وغشيت وجهك بغشاء لئلا تنفر من الرحم .. و جعلت وجهك إلى ظهر أمك لئلا تؤذيك رائحة الطعام .. و جعلت لك متكأ عن يمينك و متكأ عن شمالك فأما الذي عن يمينك فالكبد.. و أما الذي عن شمالك فالطحال ... و علمتك القيام و القعود في بطن أمك .. فهل يقدر على ذلك غيري ؟؟
فلما أن تمّت مدتك. وأوحيت إلى الملك بالأرحام أن يخرجك فأخرجك على ريشة من جناحه. لا لك سن تقطع ... و لا يد تبطش... و لا قدم تسعى .. فأنبعث لك عرقين رقيقين في صدر أمك يجريان لبنا خالصا.
حار في الشتاء و باردا في الصيف .
و ألقيت محبتك في قلب أبويك. فلا يشبعان حتى تشبع ... و لا يرقدان حتى ترقد ..
فلما قوي ظهرك و أشتد أزرك . بارزتني بالمعاصي في خلواتك ..
و لم تستحي مني . و مع هذا إن دعوتني أجبتك)
(و إن سألتني أعطيتك.. و إن تبت إليّ قبلتك)
واخفض لهما جناح الذل من الرحمة وقل رب ارحمهما كما ربياني صغيرا