ضفاير

الآن ليلة أحب أيام الله إليه، يوم عرفة يوم أكمل الله لنا الدين ورضي لنا الاسلام وأتم علينا نعمته وهو يوم جمعة خير يوم طلعت عليه الشمس وصيامه يغفر له ذنوب سنة مضت وأخرى آتية، ودعاؤه مستجاب بإذن الله فأتموا صيامكم وقيامكم واسعوا في أبواب الخير فهو أكثر يوم يعتق الله فيه العباد من النار واستغفروا الله يغفر لكم وادعوه يستجب لكم، جعلكم الله خير خلفاء له على أرضه وأيدكم بنصره وحفظكم من الآفات- التي تصيب القلب قبل البدن- وأعانكم في كل مُصاب

عيدكم مبارك -عظموا شعائر الله وانشروا البهجة وسبحوا وهللوا وكبروا-
جعل الله أيامكم سعيدة هنية

♥️

نؤمن بمدي فائدة وأهمية تكوين الشراكات
لذلك نعلن عن شريكنا الجديد 🤝 ضفاير ✨

"لكل حدوتة بطل!"

وحدودتنا بدأت بأربعة أشخاص على كوكب اسمه "سنشيا" قرروا يساهموا في تغيير المجتمع من خلال رؤية مشتركة بينهم وهي التوعية.

حابين نعلن عن شراكتنا مع سنشيا والي بيشاركونا نفس أهدافنا ولأن التوعية لازم يسبقها التأهيل النفسي وعشان كدة إنت هنا هتتعرف على نفسك والناس اللي حواليك وتفهم المجتمع.

فـ تابعنا الفترة الجاية محضرين ليك مفاجأت كتيرة

"Together we can walk so far."

رحبوا معانا بتالت جهة داعمة لينا في موسم السنة دية
مؤسسة ضفاير

- اتكلمنا قبل كدة عن " القلق " و عرفنا إن من أعراضه النفسية الخوف الشديد والتوتر و إن من أعراضه الجسدية زيادة ضربات القلب و الرعشة و التعرق و ضيق فى التنفس وتقلصات فى البطن أو بتوصل للإغماء أحيانا .

- لكن اللى عايزاك تعرفه النهاردة هو إن كل الأعراض دى لو حصلت مع بعضها وفى وقت واحد دى بتبقى اسمها " نوبة هلع " . 😨

- " نوبات الهلع " أو " Panic Attacks " :-

ببساطة هى عبارة عن نوبة مفاجئة من الخوف الشديد اللى بيحفز ردود أفعال جسدية شديدة جدا بدون أى سبب واضح و محدد ، زى ما حصل لشريف فى الكلية من غير أى سابق إنذار .

- نوبة الهلع زى ما بتحصل فى ثوانى معدودة ممكن تستمر لساعات ، لأنها بتختلف من فرد للتانى وبتختلف كمان من موقف للتانى .

- " طب هو أنا لازم أروح لدكتور ؟ "

- أحب أقولك متقلقش أوى لأن نوبات الهلع بتحصل لأغلب البشر فى حياتهم مرة او اتنين و ممكن نقدر نتعامل معاها و هقولك إزاى دلوقتى 🤌
* بس لو النوبات دى بتتكرر و شديدة ف الأفضل ليك إنك تستشير دكتور يساعدك تتجاوزها لإنها لو كانت شديدة بتشبه أعراض النوبة القلبية ، ف أرجوك إطمن على نفسك .

- طيب إزاى أقدر اتعامل معاها ؟

- شوفت أكرم قال إيه لشريف ؟ - أيوة بالظبط
هنحاول نتنفس بعمق و بهدوء و نركز على النَفَس ، كمان فى طريقة لطيفة جدا ممكن تعود نفسك عليها وهى إنك تستخدم حواسّك ✋
بص حواليك وطلع من المكان اللى انت قاعد فيه :-

1 - أى خمس حاجات " تشوفها " زى ( لمبة - كرسى - احمد صاحبك - ... )

2 - أى 4 حاجات " تلمسها " زى ( قلم - كنبة - التيشرت بتاعك - ... )

3 - أى 3 حاجات " تسمعها " زى ( الموبايل - التليفزيون - اللابتوب - .... )

4 - أى حاجتين " تشمهم " زى ( وردة - أكلة - ... )

5 - أى حاجة واحدة " تدوقها "

- الفكرة فى اللعبة دى بتكون إنك خرجت عقلك من زون الخوف الشديد اللى حطك فيها و قبل ما توصل لرقم 5 هتكون فى حالة استرخاء .

- وأهم حاجة ممكن تساعدك هى إنك تمارس رياضة و تواظب عليها .

- خليك فاكر إن وعيك بذاتك هو بوصلة النجاة ، واجه مخاوفك بشجاعة و اطلب الدعم النفسى من مختص لو حسيت إنك محتاج لده .🤍

ليه مش كل الناس بتشارك في الإذاعة المدرسية والعروض المسرحية أو أي event اجتماعي عمومًا برغم إن ممكن يبقى فيهم الصفات الثقافية أو الموهبة اللي تؤهلم ل ده؟

انتشر في الفترة الأخيرة مصطلح"الرهاب الاجتماعي" ومعظم الناس بتخلط بينه وبين اضطراب قلة الثقة بسبب تشابه أعراضهم..
طب إزاي أعرف أنا عندي قلة ثقة بالنفس ولا رهاب اجتماعي؟

هنفترض إن عندنا شخصين: أحمد ومحمد.
أحمد عنده رهاب اجتماعي ومحمد عنده اضطراب قلة الثقة..
قبل ما نقول أوجه الاختلاف بين الاتنين هنقول أوجه التشابه:
أحمد ومحمد عمرهم ما شاركوا في الإذاعة المدرسية في طفولتهم،بيتجنبوا التجمعات العائلية،بيفضلوا العزلة والوحدة،دايرة معارفهم محدودة جدًّا وبيتجنبوا التعرف على أشخاص جديدة،عندهم خجل مبالغ فيه وتردد واضح.

برغم التشابه بينهم إلا إن أسبابهم وأعراضهم مختلفة:
أحمد عارف إن الرهاب اللي عنده غير مبرر وملوش سبب واضح بس مبيعرفش يتحكم في نبضات قلبه اللي بتعلى وجسمه اللي بيرتعش وإيده اللي بتتلج بمجرد ما يتعامل مع حد حتى لو الحد ده بتاع السوبرماركت عادي.

على عكس محمد اللي قلة ثقته سببها التنمر والانتقاد المستمر من الأهل والصحاب اللي بيخليه يتجنب الناس ويخاف يبقى وسطهم لإنه دايمًا حاسس إن عنيهم عليه ومعندوش أي ثقة في شكله أو طريقة كلامه وأكله،دايمًا نفسه يختفي ومحدش يبقى شايفه ومبيثقش في أي مدح يتقاله دايمًا بيشوفه مجاملة أو شفقة بسبب إن الداعم الرئيسي(الأهل)وأكتر حد المفروض يحببه في نفسه وفي عيوبه قبل مميزاته دايمًا بينتقده.

ومثال على حالة محمد شخصية "زينة" في مسلسل"مين قال"..
ثقتها في نفسها معدومة بسبب تنمر الناس وإنهم بيقارنوا بينها وبين مامتها طول الوقت ويمدحوا جمال مامتها وليه هي مش حلوة زيها، وده خلاها تكره شكلها وتتعامل وحش مع مامتها وترمي اللوم كله عليها.

السؤال المهم هنا: ليه بنعمل كدة؟ليه نقارن بين أم وبنتها؟ ليه ننتقد شكل حد أو طريقته ونكرهه في نفسه ونسببله اضطراب نفسي ممكن يؤدي إلى انتحاره!

وكما قال الشاعر:
يا من يعيبُ وعيبه متشعّبٌ
كم فيكَ من عيبٍ وأنت تعيبُ!

لو كل واحد يبطل نقص ويركز على الجمال في اللي حواليه وميبصش للعيوب مشاكل نفسية كتير مش هتبقى موجودة وكل واحد هيبقى حابب نفسه ومتقبل عيوبها ومش خايف من انتقاد الناس.

وآخر حاجة مننساش قول النبي-صلى الله عليه وسلم-:"إن شر الناس منزلة عند الله يوم القيامة من ودعه أو تركه الناس اتقاء فُحشه".

لو مش هتقول حاجة لطيفة على الأقل اكفِ الناس شر لسانك.

#ضفاير.
.

مساء الخير، وكل سنة وانتم طيبين، هنا تقدر تشارك ببوست بتحكي فية مشكلتك أو ممكن تكون من الي بيقدموا الدعم والمساعدة الجروب مساحة تعبيرية آمنة للناس اللي هتشارك فيه سواء انت أو حد تاني، وعشان نحقق ده في حاجات كتير مش بنسمح بيها محتاج تعرفها وتلتزم بيها عشان نخلق البيئة الآمنة دي للكل، وعشان بصراحة مفيش تحذيرات هنا، زي الصفحة بالضبط بتاخد بان مباشر من هنا وكل بلاتفورم لينا ومش بنغيره أبداً. حتى "رياكت haha للي مختلف معاه" بتاخد عليه بان. الجروب strict جداً.
فياريت نقرا الrules عشان نحافظ على الجروب بيئة آمنة كل الناس تقدر تتكلم فيها بدون قلق من تعليق سخيف أو مزايدة أو تلقيح أو تقليل.

بنتمنالكم حياة سعيدة...♡

https://www.facebook.com/groups/183968700518501/?ref=share

مسلسل "مين قال" الذي يُعرض حاليا علي التلفزيون المصري سلًط الضوء علي بعض القضايا المهمه الخاصة بالمراهقين ومنهم الSocial anxiety أضطراب القلق الاجتماعي واللي كان مُصاب به اكرم في المسلسل واللي ظهرت أعراضه بشده أثناء جلوسه مع أشخاص ميعرفهمش

دائما اكرم كان خايف ومتوتر من السخريه من اي فعل بيعمله أو أنه يحط نفسه في موقف محرج أو خوفا من أن يطلق عليه الأحكام السلبيه وكل دا من أعراض ال Social anxiety لذلك بنلاقي بعض الطلاب في المدرسه بيقوموا بالتحضير لمناسبه ما في المدرسه بشكل مفرط ومش بيقبلوا بأي خطأ ودائما متوترين ومضغوطين لحين أنتهاء الحدث

وللتأكد من صحة الإصابة بال Social anxiety يجب أن تستمر تلك الأعراض لستة أشهر أو أكثر

وفيه درجات للإصابة بال Social anxiety
ممكن تكون محدوده بموقف واحد معين كالخوف من التحدث أمام الآخرين أو تناول الطعام أو الكتابة أو القراءة كما يمكن أن تكون أعراض مشكلة عامة أكثر فيشعر المصاب بها بالخوف في كل وقت بوجود الآخرين

ومن الممكن علاج هذا الاضطراب بجلسات العلاج السلوكي وينصح بتعليمه تجنب المواقف المحرجه والاهتمام بمظهرة فذلك يعطيه ثقه بنفسه أكثر ومقابلة الأشخاص الغرباء أكثر للأعتياد علي الأمر

⚠ : This initiative supports the Palestinian cause and It doesn't recognize the Isr•aeli entity
⚠: هذة المبادرة تدعم القضية الفلسطينيه ولا تعترف بالكيان الصه•يوني

◉قطر الجواز هيفوتك 🕔

– كلمة متداولة فى المجتمع وبيخاف منها كتير من البنات والشباب

–بتضع البنت تحت ضغط نفسى كبير بمجرد بلوغها ٢٥ عام وقد يكون أقل او اكثر لخوفها من لقب عانس وكلام الجيران والأقارب وكأن الزواج قطر له ميعاد محدد مسبق إذا لم تلحقه فأنه سيتركك ويذهب دون عودة. 🤦🏻‍♀️

ويظل المجتمع فى تلك الدوامة حتى ينتهى المطاف بقبول الانثى أو الرجل بمن يجده أمامه خوفا من كلمة عانس وتتحول الحياة لكلا منهم لجحيم.

لأن مفيش حد من الطرفين كان مستعد للمرحلة دي وطبعاََ مش كان فية وقت كافي للتعرف علي ملامح شخصية كلا الطرفين ، علي قد ما كانوا عايزين يهربوا من كلام الناس🗣️

الخوف هنا كان خوف من عدم إتمام الجواز ومش كان خوف من عدم مناسبة شريك حياتك 🤷🏻‍♂️

الزواج جُعل للسكينة والمودة عندما يصبح كلا من الأنثى والذكر مستعدان لتلك المرحلة التى تعد الأهم على الإطلاق فى حياتهم والمجتمع.👫

الزواج نعمة وتحول فى عصرنا هذا لأكبر نقمة بسوء فهمنا له و انطباعتنا الخاطئة وعاداتنا التى أصبحت تصعب مسئلة الزواج وتعطى انطباعات خاطئة عنه.

على المجتمع أن يفهم أن الزواج علاقة تجمع بين شخصين لبناء أسرة وليس خوفا من كلام المجمتع عليهم👨‍👩‍👦‍👦

لو أتحطيت ف الموقف دة تقبل/ي كلمة عانس بدلاََ من أنكم تقضوا حياتكم في جحيم بسبب كلمة من مجتمع مش هيتحمل عواقب الجواز الي من النوع دة ♡

" عندى مريض محجوز من سنة 1973 لحد دلوقتى و أهله رفضوا يستلموه بعد التحسن و محدش بيزوره ، انا بس بتمنى المجتمع بتاعنا يبقى أكثر رحمة بالمرضى النفسيين " .
- مدير مستشفى العباسية للصحة النفسية .

سمعت قبل كدة عن مصطلح " ستيجما " ؟ 🤔

- وصمة العار من المرض النفسى او Mental Health Stigma : هى وصمة بتصيب أى حاجة متعلقة بالعلاج النفسى ، بتصيب المريض النفسى و المرض النفسى و حتى كمان الطبيب النفسى 🤷‍♀️

- كلنا بنتعرض لضغوطات فى حياتنا سواء كانت المهنية أو الدراسية أو الأسرية أو العاطفية و كلنا عارفين إننا بنحتاج نفضفض و نتكلم مع صديق و نستشيره فى حلول لمشاكلنا او نعيط ونصيح معاه بالساعات .
* و لكن ، لو فى يوم قولت انك محتاج تفضفض لمعالج نفسى أو تستشير دكتور .. بيحصل كالآتى :-

1 - " هنقول ايه للناس ؟ "
2 - " و هتتجوزى ازاى ؟ "
3 - " اكيد انت بعيد عن ربنا "
4 - " ليه ؟ احنا عملنا فيك ايه عشان تحتاج دكتور "

- و غيره كتير من الانتقادات و الاتهامات و نظرات الاستنكار و الرفض لمجرد الفكرة ، ولو كان عندك الشجاعة و قدرت تكمل و تاخد الخطوة بالفعل مش بتقدر تعلن عنها .

- عشان كدة لازم نفتكر دايما إن المرض النفسى مهما كان درجته و نوعه ف هو زى المرض الجسدى بيخف مع العلاج و بيختفى .
- أرجوك انتبه لكلامك و ثقف نفسك فى مواضيع الصحة النفسية و الذهنية وخليك دايما عارف إن المرض النفسى مش وصمة عار .💙

رمضان هل علينا و قبل اي كلام كل سنه و انتو طيبين و بألف خير❤️

كلنا عندنا اجماع ان اجواء رمضان دايما بتطبطب ع قلوبنا و دايما بتنشر بينا الراحه و الامان سواء ف البيوت او حتي ف الشوارع

رمضان دايما سبحان الله بيظبط توقيته بمشيئه ربنا و ييجي ف اكتر وقت بتكون قلوبنا فيه تعبانه و جابت اخرها من تعب سنه كامله.. بييجي ف وقت احنا بنكون ف امس الحاجه للأمان و الطمأنينه الروحانيه اللي بتبقي منتشره ف الاجواء بشكل جميل و غير مفهوم

و بنلاقي نفسنا ف دعاء قبل المغرب.. لمتنا مع ناس بقالنا كتير مشوفناهمش.. صلاه التراويح اللي بتريح قلوبنا لسنه قدام و تخلينا نقدر نكمل ف الدنيا و احنا نضاف و كويسين.. وقوفنا بين ايدين ربنا بعد ما كنا ساعات كتير مش منتظمين ف الصلاه و توبتنا ليه و قربنا منه تاني و قلوبنا كلها ضعف و احتياج لربنا و عطفه علينا❤️

بتلاقي نفسك و قلبك ف سماعك لصوت ضحك قرايبك و حبايبك و انتو متجمعين ف بيت واحد

سحور و صلاه فجر يخلوك تحس انك مرتاح راحه مش طبيعيه و مقبل بكل ما فيك ع ربنا و طاعتك ليه و بتحس بيه و بطبطبته ع قلبك وقت قيام الليل و انت بين ايديه

رمضان دوا لقلوبنا و ارواحنا و دايما بندعي اللهم بلغنا رمضان عشان ندخل الشهر الكريم نستشفي من اي معاصي و من اي غصه ف قلوبنا و نرمي كل الدنيا ورا ضهرنا و نقف بين ايدين ربنا مرتاحين و مبسوطين ❤️
استغل الفرصه و توب من كل حاجه نفسك امرتك بيها تغلب ع شيطانك و صلي و صوم و قيم الليل و صلي التراويح و اقرا كلام ربنا و افهمه بقلبك و قرب منه بكل طاقتك🙏
و اي حد هيعمل كده هيطلع من الشهر الكريم راضي و مرتاح و فيه طاقه يواجه اي حاجه تيجي قدامه ما دام ربنا معاه و هو مع ربنا
ادي نفسك فرصه تبقي انسان جديد ف رمضان و بعد رمضان ده ي من بخته اللي هيكسب دنيا و آخره و يعيش الاجواء اللي متتعوضش دي و يستغل كل حاجه صح
رمضان كريم🌙❤️

كتير مننا لو سمع مصطلح ( القلق) بييجي ف باله القلق العادي اللي ف حياتنا اليوميه.
مثلا:
( قلق من نتيجه امتحان-قلق من من بابا او ماما- قلق من المدرس - قلق علي مستقبلي..)
و هكذا من اشكال كتير م القلق بنمارسها ف حياتنا اليوميه بصوره طبيعيه و متكرره."

بس هنا حابه اقف و اقول ان ده قلق يطلق عليه (القلق السوي او الايجابي) وده طبيعي عشان هو اللي بيخلينا نتقدم و نشتغل ع نفسنا بس مش ده اللي انا جايه اتكلم عنه انا هدفي من كلامي النهارده هو (القلق السلبي او المرضي) و فيما يطلق عليه اضطراب القلق وهنا هوضح كام نقطه مهمه و انا متاكده ان انت او حد تعرفه بيعاني من الاضطراب ده لانه منتشر بشكل كبير و احنا مش واعيين بيه❤️

اضطراب القلق ده مرض نفسي حقيقي بيعاني منه كتير و بيبقي فعلا خطر و محتاج علاج نفسي..🙏

صاحب اضطراب القلق مش بيخاف و يقلق القلق العادي بتاع حياتنا اليوميه لا ده بيخاف و يقلق بشكل مفرط لدرجه انه ف دقيقه ممكن يوصل لذروه القلق ده و يخش ف نوبه ذعر حقيقيه بيفقد فيها الشخص ده سيطرته علي مشاعره و افكاره و اي حاجه!
بيبقي قلقان قلق و خوف كبير و مفرط اوي غير مناسب للموقف و رعب كبير و ده (غصب عنه)💔

لدرجه ان اصحاب الاضطراب اوقات كتير بيشطروا انهم يتجنبوا اماكن و مواقف و ناس كتير عشان يمنعوا نفسهم من تنهم يخشو ف نوبه القلق و الذعر دي من جديد.

و كلامي هنا مش موجه للناس الكبيره بس لا ده الاعراض بتبدأ من سن الطفوله و ممكن تستمر لحد البلوغ و الشيخوخه لو متعالجتش و اعراضها كمان تزيد مع الوقت!!

و القلق مش مبهم كده ده ليه انواع كتيره و ممكن الشخص الواحد يصاب بكذا نوع من الاضطراب و هنا ييجي دور العلاج النفسي و اهميته القصوي ف حل المشكله دي❤️

_من انواع القلق/

1/ الرهاب الاجتماعي و ده عباره عن احساس بمستوي عالي م الخوف و القلق من اي موقف اجتماعي بسبب شعوره بالاحراج الشديد و قله الثقه بالنفس و الوعي الذاتي و قلق لا ارادي و خوف من اصدار الناس التانيه احكام عليه او انهم يتكلمو عنه بشكل سلبي حتي لو هما مش ف نيتهم كده بس هو مش فادر يسيطر ع قلقه و خوفه من كده

2/ الخرس الانتقائي و ده بيخلي الاشخاص مش قادرين يتكلموا بشكل سليم و طبيعي خاصه لو ف المدرسه او ف اثناء تفاعلهم ف اي موقف اجتماعي مع ان الشخص ده ممكن ف البيت و مع اهله بيتكلم عادي جدا و ده بيخليه مع الوقت يتجنب التفاعل مع اي حد و بياثر عليه بشكل سلبي كبير

3/ اضطراب القلق العام و ده قلق مستمر و مفرط حتي من المشاكل الروتينه بتاعه حياتنا اليوميه و بيبقي صعب ع الشخص انه يسيطر ع قلقه ده و ده بياثر جسديا عليه فيما بعد لو زادت الاعراض و ممكن يدخل ف اكتئاب او اضطرابات نفسيه اخري

4/ الوسواس القهري و هنا بيكون الشخص واعي ان تصرفاته الوسواسيه زي غير منطقيه بالنسبه للموقف و كل ما يحاول يتجاهلها بتزيد حده القلق والتوتر و هنا الوسواس بيبقي ف صوره أوامر الزاميه لازم الشخص يعملها عشان يخف من حده التوتر و القلق مثلا زي الخوف من عدوي الجراثيم او غسل الايدين بشكل متكرر و مفرط لدرجه انهم ممكن يتصابوا بندبات و مشاكل جلديه و لما الشخص يسمع كلام وسوسته و افكاره ده بيهيأ للشخص انه كده ف امان

في انواع اكتر من كده بكتير و كل نوع اخطر م اللي قبله انا بس حبيت ادي نبذه عن اهميه الموضوع و اننا لازم نتوجه للعلاج النفسي خصوصا لو حسينا بالاعراض دي:
1/ الاحساس بالخوف المفرط لدرجه انه بيأثر علي حياتك او شغلك او تعاملاتك مع اللي حواليك بشكل سلبي و ملحوظ

2/ صعوبه السيطره علي نوبات القلق و الذعر

3/ الدخول ف اكتئاب و التفكير ف شرب الكحول او المخدرات لتفادي التفكير ف مشكله القلق

4/ ارتباط الاضطراب بمشكله بدنيه و تحوله من مرض نفسي فقط الي مرض نفسي جسمي (امراض سيكوسوماتيه) ودي بتبقي ناتجه عن مرض بدأ باعراض نفسيه ثم تفاقم و تحول لمشكله جسديه كمان!!
* علي سبيل المثال (الصداع النصفي او الشقيقه-مرض القلب-مرض السكر-مشاكل ف الغده الدرقيه- القولون العصبي- اورام نادره...)

و اخيرا و ليس آخرا لازم نعرف ان التعب النفسي لا يقل اهميه عن التعب الجسدي بل هو اكبر منه اهميه و خطوره كمان❤️

احنا بنبكي كتير في حياتنا ... لما نكون زعلانين، حاسين بألم ، مضغوطين ، خايفين ... حتى بنبكي واحنا فرحانين.

البكاء ساعدنا كتير في حياتنا. وخليني اقولك خمس حاجات البكاء ساعدنا بيهم

1- تنقية الجسم
الدموع انواع الدموع الأساسية، الدموع الانعكاسية والدموع العاطفية. اول اتنين بينظفوا العين من البكتريا و الأجسام الخارجية زي التراب والدخان. والدموع العاطفية بتخرج من الجسم هرمون التوتر المعروف باسم الكورتيزول وبتساعد على الاسترخاء.

2- مضاد للألم طبيعي
البكاء بيحفز الجسم يفرز هرمون إندورفين أو معروف بهرمون السعادة. ده بيساعدنا نقلل من الألم الجسدي والعاطفي.

3- تحسين المزاج
البكاء بيتج عنه انخفاض صغير في معدل نبض القلب والتنفس. وده بيخلينا ندخل حالة من الهدوء البدني والعاطفي.

4- أول وسيلة تواصل
من ساعة ما اتولدنا البكاء كانت أول وسيلة تواصل بنتطلب بيها المساعدة والاهتمام من اللي حوالينا.

5- استعادة اتزانك العاطفي
اوقات ممكن تمر بمواقف وتحس بيها فيها بمشاعر قوية زي حزن، فرح أو خوف. البكاء هنا بيك ن طريقة الجسم لاستعادة اتزانك العاطفي.

مفيش مشكلة انك تبكي. دا اكيد هيساعدك مش يضرك لو حسيت في يوم برغبة في البكاء متكتمهاش. البكاء طريقة صحية للتعبير عن مشاعرك.

💚

#ضفاير

أماكن للعلاج النفسي ف الشرقية
Just for help... ♡

First meeting for high board in Dafayir podcast

Our team....Our power ♥️

President : Mohamed Mitwaly
Co-founder : Shehab eldin Ahmed