StylingH by Kevin Chiu

由22/3起 Niko 正式喺Rush Reading 返工
佢係我喺香港一齊工作好幾年嘅Technician 電染師同事，好開心大家又可以再做同事。
Donebyniko 係佢一d喺香港做過嘅客人作品，大家如有需要染髮 負離子 電髮都可以約Niko
佢返星期三至六，暫時會主力做電染，遲啲會去公司學院上剪髮堂，學埋剪髮

Men's Korean Perming 男士韓式電髮
主要係電出紋理 增加頭髮質感

唔經唔覺已經黎左英國兩年幾，返工都返左年幾
大家黎左英國除左擔心搵唔髮型師外，最擔心就係甩頭髮。喺英國好大部分地區都係硬水，除左令到d浴缸，龍頭有水垢外，就係會令到皮膚、頭髮型都會痴上水垢，令到皮膚變乾，頭髮亦容易打結，感覺好似沖唔乾淨。最簡單直接嘅方法就係裝softener，但又唔係每個人間屋都係自住，可能係租，同埋安裝成本都唔平。另外亦可以選擇安裝一d有濾芯嘅花灑頭，去減少水垢。
水垢除左令到頭髮容易打結外，就係會令到頭髮上唔到色同影響電髮藥水擺放嘅時間 。點解咁樣講？ 因為有客人試過黎左英國半年，都無染髮，黎到公司染髮，隔左一日喺屋企洗頭嘅時候，d顏色全部甩返出黎，好似無染過一樣，電髮都係一樣需要用上較强力嘅藥水同要擺好耐先達到預期效果，或者未如理想。水垢痴左喺頭髮表面係好難整走，仲要每次洗頭嘅時候都會再增加上去，所以點解大家會覺得洗完都好似唔係幾乾淨，同埋頭髮好似好快就會笠痴痴。今個post 就係為大家介紹一隻made in uk 嘅洗頭水，呢隻洗頭水最大嘅用處就係detox，佢可以洗走頭髮同埋頭皮上嘅水垢，令到頭髮回復應有狀況，再配合有coconut oil成份嘅護髮素，佢可以防止水垢痴喺頭髮表面。大家可能會話coconut oil會唔會令到頭髮好笠？係唔會，因為英國濕度無香港咁高，冬天冷風乾燥，室內暖氣會令頭髮水份減少，夏天室外空曠，紫外線會令頭髮變得乾燥，所以大家唔需要擔心笠嘅情況。我介紹呢款洗頭水可以日日用，如果大家有自己用開嘅洗頭水，可以第一梘用detox，第二梘用返平時用緊嘅洗頭水。點解要洗兩次？第一次係洗頭皮，第二次係洗頭髮，同埋唔好用太熱嘅水洗頭，太熱會令頭皮變乾，頭油分泌會增加，最好可以用溫水，夏天可以用偏凍嘅水，可以鎖色同保持頭髮水份
#點解本地人有咁多甩頭髮問題係有原因嘅
#硬水其實係好嘢黎有好多礦物資
#好多客都話黎左英國頭髮長得快左


#我自己都用緊

#有黎搵我剪嘅客人都知我個頭係白金色
#自己兩個月到就要補漂

#揀啱洗頭水好緊要

Colour change
From blonde highlight to 50/50 colour
Copper and platinum blonde


#雷丁香港人髮型師

Today work
From top highlight to balayage
Concave layer with curtain bangs

#雷丁香港人髮型師

Wolfcut butterfly layer with finger dry
呢個係一位中東客人嘅女，佢自己已經剪左幾次，知我識剪亞洲人頭髮，所以帶個女黎剪。本身頭髮長，過晒胸口，髮質粗硬，自然攣。何為Wolfcut ～ 呢款係一個由短至長層次以漸進方式，將頭髮由頂部開始除去長度髮量，保留底部髮尾長度，從而另到頭髮有質感同層次感。從相可以見到頭髮嘅層次由前到後，上到下組合而成，頭髮只係用風筒配合手捲曲方式，將頭髮自然嘅捲度呈現，手捲向前同向後會有唔同效果～手捲向前髮尾就會彎入，可以修細面型及捲度會較整齊～手捲向後髮尾會向外彎，頭髮好似蝴蝶飛一樣（butterfly layer)，捲度會增加，從而達致輕盈零亂感，另頭髮更立體。呢種髮型適合粗硬髮質，喜歡頭頂蓬鬆配合自然攣嘅客人

呢位係一個香港客人，頭髮天生攣、鬆散，髮質徧幼，本身長時間染開白頭髮，同有做開負離子直髮。
一直想試highlight 但又怕無乜時間打理，所以今次嘗試balayage，balayage 係一種退淺髮尾，可以保留髮根深色或需要染髮根，從而增加頭髮嘅立體感。Balayage 唔需要髮根一有新生頭髮就補色，如果有白頭只需補回髮根顏色就可以，髮尾8-10星期補色就可以，補色只需10-20分鐘，唔需要退淺再上色，相對highlight係低保養。Balayage 適合中長以上頭髮(超過膊頭），想將厚重頭髮透過顏色深淺，增加立體感令頭髮視覺上輕盈，頭髮越長，深到淺嘅漸進效果越明顯。亞洲人皮膚一般偏黃，所以漂淺唔需要退到太多，只需退到7/8明度已經可以做到客人嘅效果。
點解有時漂染需時好耐，或者做唔到想要嘅效果？因為漂染有時會出現卡色嘅情況，好似呢位客人長時間染白髮，髮中/尾就好容易出現卡色，因為髮中/尾可以重覆染深，導致漂染難將頭髮退淺到均勻，所以需要通知客人，有機會出現卡色嘅情況。而目標顏色亮度越高，透明度越高，就需要頭髮越接近淺黃/白金先可以做到，亞洲人髮色深 粗硬紅色素高，一般需要漂兩到三次先可以達致淺黃，仲要未計可能會卡色，所以如果顏色需要漂淺再上色，要預備多d時間，最少3/4小時以上，同需要配頭髮强韌護理，確保頭髮唔容易喺漂染過程，容易折斷

24/7-9/8 會放大假
同大少二少跟陽光玩遊戲
如需剪髮請提早預約，多謝

Mens haircut style ~ Wolf cut with natural wavy

StylingH by Kevin Chiu updated their business hours.

Balayage on dark hair
Prelight from Lv3 to Lv 8 with foil
Warmbrown colour for toner
Mulit-texture face framing and a V shape haircut
Wavy blowdry for the finishing

客人差唔多一年無電直，原生髮有6-7吋長，髮尾有d乾
髮質幼，曲髮程度中。客人對上一次整直頭髮，劉海部分好 快變回曲髮，是藥水選擇强度有誤，導致軟化不足，所以今次為客人選擇比較偏强直療藥水，達至足夠軟化程度。
先用深層淨化洗頭水洗髮，之後再用電前護理為髮尾補充營養，藥水只塗放原生髮長度，髮尾部份不作任何軟化，擺放時間為20分鐘，頭髮已經達至9成以上嘅軟化，沖走藥水後再塗上修護髮膜於髮尾部份，然後吹乾頭髮，之後再為頭髮塗上抗熱髮油，用直夾將頭髮夾至順滑，髮尾部份都用上直夾，將補充營養用熱力作為修護，最後塗上定型藥水，頭髮順滑有光澤
#英國直療 #英國香港人髮型師 #英國負離子直髮 #雷丁香港人髮型師

更新一下，Paimore直療服務已經回歸，更加引入洗髮水，電/染前護理，受損修護髮膜，抗熱髮油等產品為大家使用，達到最佳直療效果。歡迎查詢預約
#英國香港髮型師 #雷丁香港髮型師

今日下午有2個鐘空檔，幫個摩洛哥籍同事做咗個balayage+half head Highlight，本身同事天然髮色都5/6 level同埋個髮尾好薄，又剪到太碎，所以頭髮後半部分用balayage技術去做，可以避開頭髮太碎導致髮尾無色嘅情況，頭頂同前半部用返傳統highlight技術去做返自然嘅線條。今次呢個頭唔需要漂，只需要用高去淺度嘅染膏就可以做到，前提係頭髮唔可以做過人造色，因為染膏係唔可以退淺染膏，因為同事鐘意copper嘅色系，最後用左一個有copper嘅淺金色toner，全頭上色

呢位客人喺聖誕前walk-in 黎剪頭髮，剪跟嘅時候我提議佢可以做少少colour，等個頭有d對比，望落去輕d，剪好佢好滿意個髮型，俾完錢仲預約埋過左新年後黎做highlight。
放完新年假第一日返工，佢就黎整，本身佢比左一d好白金，好淺色嘅highlight相我做參考，但呢d顏色唔係太襯佢嘅膚色，同咁黑嘅頭係好難一下去到白金咁淺
，所以我提議佢可以試下half-head highlight，因為佢本身natural curl，頭髮下半部會做比轉粗身highlight，上半部做返自然粗幼嘅highlight。Highlight部份，需要用漂粉退走天然/人造顏色，再用cool tone 顏色上色
#香港髮型師在英國

呢位本地客人係經理個客，因為經理今日開始，放一個月假返澳洲老家，所以將呢位需要Redo嘅客人，轉左俾我執手尾😅😅，尋日仲同我講話個客有d rude，叫我唔駛理佢……心諗喺投訴之都打滾左咁多年，有咩X客未預過呀……講返個客因咩原因要返黎Redo，事源個客本身做左好多年highlight，唔知點解心血來潮話想染返自己天生顏色，經理解釋一返完照做，點知唔夠兩日就打黎公司話個頭好ginger，有d copper....佢本身天生髮色根本就係咁……如是者經理就話幫佢做返d balayage 整返淺部份頭髮。今日個客黎到，就話呢兩日係咁洗頭，想快d fade-out，用左d deep cleaning呢洗頭水，洗到個頭散晒，本身天生攣，依家變到鐵線咁🙈🙈，見到我個頭，就話好鐘意我個頭嘅顏色，跟住佢講左個顏色有咩唔滿意，我就解釋返點解會咁，依家可以有咩解決方案，跟住我就開工啦，先用balayage技術將部份頭髮退淺，之後再全頭用cool tone(ash/matt/violet) toner上色，吹完頭佢好滿意，俾我影相keep reference，仲俾左£10貼士

This lady is one of my manger clients who came few day before for a colour service, she come today for the redo with me, because my manger having her month pay leave, back to Australia from today.
Yesterday before my manger leave, she told me that her client will come today for the redo and she a little bit rude, i can ignore that, i seen many trouble clinets in HK, i think is not a big deal...
Today when she arrive, she said she wash many time in these two day, she want the colour fade out quickly, after she use some deep cleaning shampoo, her hair is mass...she told me that now her hair had some copper shade and look ginger tone, she really dont want it, she like my hair colour(platinum blone), so i suggest i can do some balayage to lift up some hair, after that put a cool tone toner(ash/matt/violet) all over to neutralize the copper and the ginger shade, after i blowdry and styling her hair, she very satisfied and we made some photo for my reference, also she gave £10 for my tips when she leave
#香港髮型師在英國

公司Secret Santa同事送嘅聖誕禮物

呢位本地客人係公司附近一間Pub嘅bartender，佢有一半非裔血統，所以頭髮非常幼同攣，青少年時代試過整直，今次都想再試下整直，我為佢選用左keratin treatment角蛋白護理，呢隻treatment嘅好處係可以撫平毛燥、攣曲頭髮，達致順滑效果，平常亦可隨意改變造型。缺點係角蛋白會隨洗頭時流失，需要配合sulfate free無硫酸鹽 keratin 洗頭水護髮素使用，補充角蛋白，順滑效果大概最多12星期，一般負離子效果維持半年或以上。離開嘅時候佢話好鐘意直頭髮嘅自己
This beautiful lady is a bartender who work nearby our salon, she had half African blood, she got afro hair, she tried a straightening once since she is teenage, today she come to do a keratin treatment. Keratin treatment can smooth the frizzy and curly hair, it can be hold for 12 weeks with using sulfate free keratin shampoo and conditioner to maintain, its also can change hair style easily. The japan ion straightening can be hold within 6 months or over. After i finished the treatment, she very love her new look
#香港髮型師在英國

Balayage法式手掃漂染
呢位係我第一位本地walk in 客人，原本髮色徧黃，之前已經做過highlight,佢唔鐘意咁黃，想做到白金，所以今次幫佢運用balayage技術，去將頭髮上唔均勻嘅顏色，做到均勻返，之後再用10.22一個帶有紫色嘅白金色中和頭髮漂淺後嘅黃色，所以完成圖會帶有少少淺紫嘅反光效果，經過一兩次洗頭後，淺紫色就會退走。
日常打理，一星期大概用1至2次 silver/pupple 洗頭水，去中和硬水令到頭髮變黃

StylingH by Kevin Chiu is now on WhatsApp.

唔經唔覺已經黎左英國差唔多一年，之前一邊修讀髮型師牌照課程，一邊上門幫在英香港人剪頭髮，終於搵到本地髮型屋工作，繼續為大家嘅頭髮服務，香港人加油！！

StylingH by Kevin Chiu updated their address.

StylingH by Kevin Chiu updated their phone number.