ბათუმის დამოუკიდებელი ცხოვრების ცენტრი • Batumi Independent Living Center

🚩 რას გვეუბნებიან და რა არის სიმართლე ე.წ. ''რუსული კანონის'' შესახებ.

🇬🇪 🇪🇺

#კიევროპას

#არარუსულკანონს

📢 29 აპრილს, 19:00 საათზე, ბათუმში, ევროპის მოედანზე ''რუსული კანონის'' საწინააღმდეგო საპროტესტო აქცია გაიმართება.

🇬🇪 🇪🇺 ერთად დავიცვათ საქართველოს თავისუფალი, ევროპული მომავალი!

#არარუსულკანონს

#კიევროპას

Send a message to learn more

📢 აპრილის თვე, ‘’პარკინოსნის ფონდის’’ მიერ, აღიარებულია პარნკინსონის დაავადების შესახებ ცნობიერების ამაღლების პერიოდად.

🔴 პარკინსონის დაავადება ნერვული სისტემის პროგრესირებადი მდგომარეობაა, რომელიც ძირითადად 60 წლის შემდგომ იჩენს თავს. მას ახასიათებს კანკალი, შენელებული მოძრაობა, მეტყველების ცვლილება, გართულებული წერა და ა.შ. პარკინსონის დაავადებას, შესაძლოა, ასევე, თან ახლდეს ისეთი გართულებები, როგორებიცაა კოგნიტური პრობლემები (დემენცია), დეპრესია და ემოციური ცვლილებები, ძილის დარღვევები…

🟢 იმისათვის, რომ პარკინსონის დაავადების მქონე პირებმა სრულფასოვნად შეძლონ საზოგადოებრივ ცხოვრებაში და ყოველდღიურ საქმიანობაში ჩართვა, მნიშვნელოვანია არსებობდეს სათანადო სერვისებზე წვდომა: რეაბილიტაციის პროგრამები, ასისტირების სერვისი და სხვა.

‼ პარკინსონის დაავადება განაჩენი არ არის, მასთან ერთად ცხოვრება აბსოლუტურად შესაძლებელია, თუ საზოგადოებაში შემცირდება სტიგმატიზაცია და გაიზრდება მხარდაჭერის დონე.

✅ იყავი ინფორმირებული და ტოლერანტული!

მიმდინარე წლის 5 აპრილს, ტელეკომპანია „იმედი“-ს საინფორმაციო გადაცემა „ქრონიკის“ ეთერში, 20:11 საათზე გავიდა რეპორტაჟი სახელწოდებით - ,,მოტყუებული შშმ პირთა ნაწილი’’. რეპორტაჟი შეეხებოდა „რუსული კანონპროექტის“ ირგვლივ განვითარებულ მოვლენებს და იმ განცხადებას, რომელიც შეზღუდული შესაძლებლობის თემატიკაზე მომუშავე ორგანიზაციებმა, უფლებადამცველებმა და მათი ოჯახის წევრებმა გაავრცელეს.

ჩვენი შეფასებით, აღნიშნულ რეპორტაჟსა და რეპორტაჟის წინარე ნაწილში [წამყვანის ტექსტში], შშმ პირები წარმოჩენილი არიან ადვილად მართვად, მოტყუებად, უცოდინარ და დახმარების მიმღებ პირებად, რომელთა ნაწილიც მხოლოდ გრანტებისა და ფულადი რესურსების მიღებაზეა ორიენტირებული და რეალურად კანონპროექტის შინაარსს საერთოდ არ იცნობს. გარდა ამისა, რეპორტაჟის მიმდინარეობისას ადგილი ჰქონდა სხვა ტიპის არაკეთილსინდისიერ ქცევასაც, რომელიც ინფორმაციის მანიპულირებასა და კონტექსტის დამახინჯებაში გამოიხატა (ამაზე, ოდნავ ქვევით მოგახსენებთ).

შეგახსენებთ, რომ შესაბამის განცხადებაში, შშმ პირები, მათი ოჯახის წევრები და შშმ პირთა უფლებადამცველი ორგანიზაციები, მკაცრად ვგმობდით/ვეწინააღმდეგებოდით აღნიშნული კანონპროექტის ხელმეორედ ინიცირებას მმართველი პარტიის მხრიდან და აღვნიშნავდით, რომ ამგვარი კანონის მიღება დააზარალებს ყველას, მათ შორის შშმ პირთა თემს, რადგან სწორედ დასავლური გრანტების მეშვეობით ხორციელდება ბევრი ისეთი პროექტი, რომლის მეშვეობითაც შშმ პირები იღებენ სხვადასხვა მხარდაჭერას - იქნება ეს უფასო სასწავლო კურსები, განათლების ხელშეწყობა, დასაქმება თუ სხვა.

„იმედი“-ს მიერ მომზადებულ რეპორტაჟში, საუბარი იყო იმაზე, რომ განცხადების ხელმომწერთა ნაწილმა, საერთოდ არ იცოდა რას მოაწერა ხელი და თავად ეს „ჟურნალისტური დასკვნა“ ეყრდნობოდა განცხადებაზე ხელმომწერი ერთ-ერთი ორგანიზაციის ხელმძღვანელი პირის სატელეფონო საუბრის ჩანაწერს, სადაც პირი მართალია ამბობს, რომ ,,არ მომიწერია ხელი, გადმომიგზავნეს მაგრამ არა მაქვს ხელი მოწერილი“, მაგრამ შემდეგ როდესაც რესპონდენტს ეუბნებიან რომ მისი ორგანიზაცია ნამდვილად არის ხელმომწერთა სიაში, რესპონდენტი აგრძელებს - ,,ვაიმე რომელ იმასში არის’’... შემდეგ კადრში ჩნდება განცხადება და ჟურნალისტის კომენტარი, რომ ამ ორგანიზაციის წარმომადგენლები არ იცნობენ განცხადების შინაარსს და ფინანსების გამჭვირვალობასთან პრობლემა საერთოდ არ აქვთ. შეგახსენებთ, რომ გავრცელებულ განცხადებას ხელი 70-მდე სუბიექტმა მოაწერა და ერთი ბუნდოვანი შემთხვევის განზოგადება შშმ პირთა თემზე - პირდაპირი მანიპულაციაა. ერთი ორაზროვანი შემთხვევა არ არის იმის ტოლფასი, რომ შშმ პირთა „ნაწილზე“ გავრცელდეს.

გარდა ამისა, რეპორტაჟში ხელოვნურად არის „გამჭვირვალობის“ საკითხი შემოტანილი და ერთგვარ „აღმოჩენადაა“ მოხსენიებული იმის „გაგება“, რომ თურმე შშმ პირთა ნაწილი გამჭვირვალობის წინააღმდეგ სულაც არაა. აზრის ამგვარი ინტერპრეტაციაც მანიპულაციაა, რადგან არცერთი ორგანიზაცია, არცერთი აქტივისტი და არცერთი სხვა ადამიანი, არც აქამდე ყოფილა გამჭვირვალობის წინააღმდეგი და არც ამის შემდეგ იქნება. ამ ფაქტის „ჟურნალისტურ მიგნებად“ გამოყვანა არსებული კონტექსტის დამახინჯებისა და საზოგადოების შეცდომაში შეყვანის გარდა არაფერს ემსახურება.

ზემოაღნიშნულ მანიპულაციებს რეპორტაჟში ემატება კანონის ინიციატორი, საპარლამენტო უმრავლესობის ლიდერების სრულიად მიუღებელი და აღმაშფოთებელი განცხადებები იმის შესახებ, რომ თითქოს - შშმ პირებს ატყუებენ დასავლური ორგანიზაციები, რომ მათ დაფინანსებაზე კანონპროექტის მიღებას გავლენა ექნება და რომ შეზღუდულ შესაძლებლობას იყენებენ პოლიტიკური მიზნებით. ბოლოს კი, საპარლამენტო უმრავლესობის ერთ-ერთი ლიდერი აჟღერებს მოსაზრებას, რომ - შესაძლოა შშმ პირებს აშინებენ რომ თუ ისინი განცხადებას არ გააკეთებენ დახმარება შეუწყდებათ, ხოლო ვინც შშმ პირებს ეხმარება ფინანსურად თუ სხვა პროგრამებით იმათ ,,ორდენი’’ ეკუთვნის.

ჩვენი შეფასებით, ერთი მხრივ, ტელეკომპანია „იმედის“ რეპორტაჟის ავტორებმა და მეორე მხრივ - ამ რეპორტაჟის სახელისუფლებლო პარტიის წარმომადგენელმა, დაარღვიეს ეთიკისა და მორალის ნორმები; უფრო მეტიც, ჟურნალისტური პროდუქტის გამოყენება სახელისუფლებო მიზნებისთვის - პირდაპირი, ღია პროპაგანდაა, რომელიც მიზნად ისახავს კანონპროექტის მიღების მოწინააღმდეგეთა დისკრედიტაციას, მათი რეპუტაციის, კომპეტენციისა და იმიჯის შელახვას, ხოლო მათი ადამიანური თვისებებისა და უნარების - დაკნინებას.

ამგვარი ქცევითა და პროპაგანდით, ხელისუფლება ეწინააღმდეგება მის მიერვე მიღებულ და დამტკიცებულ კანონებს, რომელთა მიხედვითაც შშმ პირთა თემის დამოუკიდებლობაა აღიარებული. ასევე, ახდენს შშმ პირთა სტიგმატიზებას და ახალისებს შშმ პირთა თემის წარმოჩენას საქველმოქმედო მიდგომის პარადიგმიდან, რომლის მიხედვითაც, ჩვენ, თავად, არაფრის განსჯა არ შეგვიძლია და მთლიანად სხვებზე ვართ დამოკიდებული.

საუბარი იმაზე, რომ ჩვენ არ ვიცით რას ვაწერთ ხელს, რომ დონორი ორგანიზაციებისგან ვიმართებით და რომ შეცდომაში ვართ შეყვანილი ჩვენი პარტნიორების მხრიდან, ეს, ზოგადად, დასავლური ფონდების დისკრედიტაციის მცდელობაცაა; იმ პარტნიორების, რომლებიც უკვე ათწლეულებია რაც ჩვენი ღირსეული ცხოვრების უზრუნველსაყოფად, შშმ პირთა თემისთვის რესურსებს არ ზოგავს და დღემდე ურყევად უდგას გვერდით ყველაზე მოწყვლად ჯგუფს.

უახლოეს პერიოდში, ჟურნალისტური სტანდარტების დარღვევისა და არაკეთილსინდისიერი პროფესიული საქმიანობის შესაფასებლად, აუცილებლად მივმართავთ „საქართველოს ჟურნალისტური ეთიკის ქარტიას“, მანამდე კი, მოვითხოვთ:
⦁ ტელეკომპანია „იმედმა“ დაუყოვნებლივ, განცხადების გასაჯაროვებისთანავე, შშმ პირთა თემის შეურაცხყოფისთვის მოიხადოს ბოდიში და სადაც ეს შესაძლებელია, ყველა საჯარო სოციალური ქსელიდან აიღოს ზემოაღნიშნული რეპორტაჟი. ამასთანავე, შეწყვიტოს ის პროპაგანდა, რომელსაც აქტიურად აწარმოებს კანონპროექტის მიღების მოწინააღმდეგეთა მისამართით;
⦁ რეპორტაჟის მონაწილე ყველა იმ რესპონდენტმა, ვინც წარმოადგენდა კანონის ინიციატორ სახელისუფლებლო გუნდს, რეპორტაჟში გაჟღერებული დამამცირებელი შინაარსის მატარებელი განცხადებებისთვის, შშმ პირთა თემს მოუხადოს ბოდიში და დაუყოვნებლივ გაიწვიოს მათ მიერვე ინიცირებული კანონპროექტი „უცხოური გავლენის გამჭვირვალობის შესახებ“, რომელსაც, სინამდვილეში, არანაირი კავშირი არ აქვს გამჭვირვალობასთან, და რომელიც საფრთხეს უქმნის საქართველოს და ქართველი ხალხის ევროპულ მომავალს;

------------------
რეპორტაჟი:
🔗
https://www.facebook.com/tvimedi/videos/1777920006037773
განცხადება:
🔗 https://docs.google.com/forms/d/e/1FAIpQLSdp3ws_A6TQ1UEy7bebkH9h8FOnNwTGOhRfVuiBEShCLe2w7w/viewform

🟨 6 აპრილს ''ბათუმის დამოუკიდებელი ცხოვრების ცენტრისა'' და ორგანიზაცია ''ცვლილებები თანაბარი უფლებებისათვის" თანამშრომლობით ჩატარდა შეხვედრა შეზღუდული შესაძლებლობის მქონე ბავშვთა და მოზარდთა მშობლების პიროვნული ფსიქო-სოციალური მხარდაჭერისა და გაძლიერების მიზნით.

🟪 შეხვედრას უძღვებოდა კლინიკური ფსიქოლოგი და ფსიქოთერაპევტი ზურაბ ქარჩავა.

ცვლილებები თანაბარი უფლებებისათვის / Changes For Equal Rights

Zurab Karchava Insight

💢 აუტიზმის შესახებ ცნობადობის ამაღლების დღესთან, 2 აპრილთან, დაკავშირებით ‘’ბათუმის დამოუკიდებელი ცხოვრების ცენტრმა’’ ‘’ბათუმის ბოტანიკურ ბაღის’’ ადმინისტრაციასთან თანამშრომლობით მხარდამჭერებთან ერთად ჩაატარა შემდეგი აქტივობები:

✅ ელექტრომობილებით გასეირნება;

✅ ბოტანიკური ბაღის გაშენების შესახებ ისტორიის გაცნობა;

✅ მცენარეების დარგვა და ბოტანიკური ბაღის დათვალიერება.

🟡 აქტივობებში მონაწილეობა მიიღეს აუტიზმის მქონე პირებმა, სხვა შეზღუდვის მქონე შშმ პირებმა და მათი ოჯახის წევრებმა.

🔵 ცენტრი მადლობას უხდის მხარდამჭერებსა და პარტნიორ ორგანიზაციებს აღნიშნულ აქტივობებში მონაწილეობისათვის!

🔅 დღეს აუტიზმის შესახებ ცნობადობის ამაღლების დღეა!

💭 აუტისტური სპექტრის დარღვევის მქონე პირებს აქვთ ყველა ბაზისური უფლება (განათლების, დასაქმების, ოჯახის შექმნის, თავისუფალი გადაადგილების და ა.შ.) და უნდა ჰქონდეთ ამ უფლებების რეალიზებისათვის საჭირო რესურსებზე წვდომა. მნიშვნელოვანია, რომ დღეს ვისაუბროთ აუტისტური სპექტრის დარღვევის მქონე ადამიანების შესახებ საზოგადოებაში არსებულ სტიგმასა და ნეგატიურ სტერეოტიპებზე და დავიწყოთ მათ აღმოფხვრაზე მუშაობა ერთობლივად!

⚜ 2 აპრილი, როგორც აუტიზმის შესახებ ცნობადობის ამაღლების დღე, 2007 წლიდან აღინიშნება ‘’გაერთიანებული ერების გენერალური ასამბლეის’’ მიერ ინიცირების შემდგომ.

💠 აუტიზმი ნეიროგანვითარების დარღვევაა, რომელსაც ახასიათებს ადამიანებთან ინტერაქციისა და კომუნიკაციის სირთულეები. ასევე, განმეორებადი, სტერეოტიპული ქცევები.

🔳 იყავი ინფორმირებული და ტოლერანტული!

🟪 დღეს ეპილეფსიის ცნობადობის ამაღლების დღეა (ე.წ. "მეწამული ფერის დღე" - The Purple Day)!

🟥 "მეწამული ფერის დღე" 2008 წლიდან აღინიშნება და უკავშირდება კანადელ გოგონას - ქასიდი მეგანს, რომელმაც ცნობადობის ასამაღლებელი კამპანია საწყის ეტაპზე მარტომ დაიწყო, თუმცა შემდგომ ბევრი ორგანიზაცია თუ ცნობილი პირი შეუერთდა.

🟨 დღესდღეობით ყოველწლიურად 85 ქვეყანა აღნიშნავს ამ დღეს.

🟪 26 მარტს ადამიანები იცვამენ მეწამული ფერის ტანსაცმელს და აწყობენ ეპილეფსიის შესახებ ცნობადობის ასამაღლებელ აქტივობებს. მეწამული საერთაშორისოდ აღქმულია როგორც ეპილეფსიის ფერი, ასევე, იგი სიმბოლურად აღნიშნავს - სოციალურ იზოლაციასა და სტიგმას.

🗯 ეპილეფსია არის ნევროლოგიური დარღვევა, რომელიც იწვევს უეცარ გულყრებს - გონების დაკარგვას, გაუკონტროლებელ ქცევას და ა.შ.

✅ იყავი ინფორმირებული და ტოლერანტული!

🧦 21 მარტი დაუნის სინდრომის დღეა!

❗ დაუნის სინდრომის მქონე პირებს, როგორც ყველა ადამიანს, აქვთ განსხვავებული შესაძლებლობები. მათ აქვთ ღირსეულად და დამოუკიდებლად ცხოვრების სრული უფლება, თუმცა ამ უფლების რეალიზებისათვის მნიშვნელოვანია საზოგადოებაში ფესვგადგმული სტერეოტიპების გადასინჯვა და სწორი დამოკიდებულებების ჩამოყალიბება საზოგადოებრივი ცნობიერების დონის გაზრდით. დაუნის სინდრომის მქონე პირებს აქვთ უფლება შექმნან ოჯახი, იცხოვრონ დამოუკიდებლად, იშრომონ მათთვის სასურველ სფეროში და ა.შ.

🔴 დაუნის სინდრომი ერთ-ერთი ყველაზე გავრცელებული ქრომოსომული გენეტიკური ცვლილებაა, რომლის დროსაც ადამიანის ორგანიზმში 46 ქრომოსომის ნაცვლად დამატებით ერთი ქრომოსომა გვხვდება 21-ე ქრომოსომულ წყვილში.

🟠 ქრომოსომა უჯრედის ბირთვის ნაწილია. მის მთელ სიგრძეზე სხვადასხვა გენი არის განთავსებული, რომლებიც მემკვიდრულ ინფორმაციას შეიცავენ და გადაეცემიან თაობიდან თაობას. თითოეული უჯრედი შეიცავს 46 ქრომოსომას, 23 წყვილში, რომელთაგან 1 დედისეულია, მე-2 კი - მამისეული.

🟡 დაუნის სინდრომი 1866 წელს პირველად აღწერა ინგლისელმა ექიმმა ჯონ ლანგდო დაუნმა. სწორედ მის საპატივცემულოდ ეწოდა ამ მდგომარეობას დაუნის სინდრომი.

🟣 დაუნის სინდრომი არ არის დაავადება და წარმოადგენს სინდრომულ მდგომარეობას - ანუ ერთობლივად გამოვლენილი ნიშნების კომბინაციას. იგი არ გადაეცემა მემკვიდრეობით.

🟢 დაუნის სინდრომს ახასიათებს სპეციფიკური ნიშან-თვისებები:
· ქუთუთოს ირიბი ნაოჭი (ეპიკანტი);
· სახის ბრტყელი პროფილი (მთვარისებრი ფორმა);
· ყურის ნიჟარის განსხვავებული ფორმა (პატარა, გასადავებული ნაოჭის მქონე, ქალაზე მიდგმული ყური);
· ბრტყელი კეფა, თავი (ბრაქიცეფალია);
· ღია პირი (პირღიაობა) ტუჩის კუთხეების დაშვებით;
· მაკროგლოსია (დიდი ენა);
· ვიწრო მაღალი გუმბათისებრი სასა (გოთური სასა);
· მეხუთე თითის შუა ფალანგის დისპლაზია, კლინოდაქტილია (მოხრილი ფორმის მე-5 თითი);
· ხელისგულის განივი ნაოჭი;
· სახსრების ჰიპერმობილურობა;
· სანდალისებრი ნაოჭი ფეხის ტერფზე;
· ცალკე მდგომი ცერა თითი;
· ჰიპოტონია (კუნთების დაქვეითებული ტონუსი);
· მცირე ზომის თეთრი ლაქები თვალის ფერად გარსზე (ბრუშფილდის ლაქები).

🔵 აღნიშნული სიმპტომები ყველასთან უნიკალურად ვლინდება საკუთარი ხარისხითა და სიხშირით ან შესაძლოა სრულებითაც არ გამოვლინდეს. დაუნის სინდრომს, აგრეთვე, შესაძლოა თან ახლდეს მსუბუქი, საშუალო ან ღრმა ინტელექტუალური შეზღუდვა.

✅ იყავი ინფორმირებული და ტოლერანტული, ერთიანობა მრავალფეროვნებაშია!

🔵 15 მარტს ''ბათუმის დამოუკიდებელი ცხოვრების ცენტრისა'' და ორგანიზაცია ''ცვლილებები თანაბარი უფლებებისათვის" თანამშრომლობით ჩატარდა პროგრამის რიგით მე-6 შეხვედრა შეზღუდული შესაძლებლობის მქონე ბავშვთა და მოზარდთა მშობლების პიროვნული ფსიქო-სოციალური მხარდაჭერისა და გაძლიერების მიზნით.

🟢 შეხვედრას უძღვებოდა კლინიკური ფსიქოლოგი და ფსიქოთერაპევტი ზურაბ ქარჩავა.

ცვლილებები თანაბარი უფლებებისათვის / Changes For Equal Rights

Zurab Karchava Insight

„გაგვითვალისწინეთ, ნუ ჩაგვიხერგავთ ტროტუარებს“- 5 ქუჩის მონიტორინგი ბათუმში ადაპტირებული გარემო • შშმ პირები •

✔ ’'ბათუმის ბულვარი’’ 2024 წლისთვის გეგმავს ინფრასტრუქტურული ცვლილებების განხორციელებას ბულვარის ტერიტორიაზე, რის ფარგლებშიც გათვალისწინებულია 3 ლოკაციაზე შშმ პირთათვის მისაწვდომი სივრცეების მოწყობა, კერძოდ, - ადაპტირებული საშხაპეების დადგმა და სანაპიროს აღჭურვა გადასასვლელი პანდუსებით.

🤝 ‘’ბათუმის დამოუკიდებელი ცხოვრების ცენტრი’’ მიესალმება აღნიშნულ სიახლეს, რაც ხელს შეუწყობს შშმ პირთათვის მისაწვდომი გარემოს შექმნას და, ამასთანავე, გამოთქვამს მზადყოფნას მისაწვდომობის მონიტორინგის და გაუმჯობესების მიზნით ‘’ბათუმის ბულვარის’’ წარმომადგენლებთან თანამშრომლობაზე.

9 მარტს ''ბათუმის დამოუკიდებელი ცხოვრების ცენტრისა'' და ორგანიზაცია ''ცვლილებები თანაბარი უფლებებისათვის" თანამშრომლობით ჩატარდა პროგრამის რიგით მე-5 შეხვედრა შეზღუდული შესაძლებლობის მქონე ბავშვთა და მოზარდთა მშობლების პიროვნული ფსიქო-სოციალური მხარდაჭერისა და გაძლიერების მიზნით.

თემა: "სტრესი და ფსიქო-სოციალური კრიზისის ეგზისტენციალური საზრისი".

შეხვედრას უძღვებოდა კლინიკური ფსიქოლოგი და ფსიქოთერაპევტი ზურაბ ქარჩავა.

ცვლილებები თანაბარი უფლებებისათვის / Changes For Equal Rights

Zurab Karchava Insight

2 მარტს ''ბათუმის დამოუკიდებელი ცხოვრების ცენტრისა'' და ორგანიზაცია ''ცვლილებები თანაბარი უფლებებისათვის'' ( ცვლილებები თანაბარი უფლებებისათვის / Changes For Equal Rights ) თანამშრომლობით ჩატარდა პროგრამის რიგით მე-4 შეხვედრა შეზღუდული შესაძლებლობის მქონე ბავშვთა და მოზარდთა მშობლების პიროვნული ფსიქო-სოციალური მხარდაჭერისა და გაძლიერების მიზნით.

თემა: "მე და ჩემი ღირებულებები."

ტრენერი: ფსიქოთერაპევტი ზურაბ ქარჩავა ( Zurab Karchava Insight ).

29 თებერვალს ‘’ბათუმის დამოუკიდებელი ცხოვრების ცენტრისა’’ და ორგანიზაცია ‘’ცვლილებები თანაბარი უფლებებისათვის’’ (ცვლილებები თანაბარი უფლებებისათვის / Changes For Equal Rights) თანამშრომლებმა მონიტორინგი გაუწიეს ახლად რეაბილიტირებულ ბაგრატიონის ქუჩის მიმდებარე ტერიტორიას.

საქართველოში რამდენიმე წელია მოქმედებს ‘’მისაწვდომობის ეროვნული სტანდარტი’’, რომელიც ადგენს საჯარო თუ კერძო სივრცეების მისაწვდომობის სტანდარტებს (ტექნიკურ მახასიათებლებს) შეზღუდული შესაძლებლობის მქონე პირებისათვის.

როგორც ჩატარებული სამუშაოებიდან ჩანს, აღნიშნულ ტერიტორიაზე უგულებელყოფილია მისაწვდომობის მინიმალური მოთხოვნებიც კი: ტროტუარებზე გადასასვლელი პანდუსები ზედმეტად მაღალია იმისთვის, რომ ეტლით მოსარგებლემ დამოუკიდებლად შეძლოს ასვლა; რამდენიმე გადასასვლელის დახრილობა ძალიან მაღალია; მცირედმხედველი და უსინათლო პირებისათვის განკუთვნილი ტაქტილური ბილიკები საერთოდ არ გვხვდება ან არასტანდარტულად არის დამონტაჟებული და ხშირად სცილდება გადასასვლელ სივრცეებს; ‘’ზებრა’’ გადასასვლელების ორივე მხარეს პანდუსები ხშირად არ არის, რაც პირდაპირ ზღუდავს ეტლით მოსარგებლე პირის გადაადგილებას.

ქალაქის კეთილმოწყობაზე პასუხისმგებელი შესაბამისი მუნიციპალური უწყებები ვალდებულნი არიან შეზღუდული შესაძლებლობის მქონე პირების საჭიროებების გათვალისწინებაზე, რაც აღსრულების პროცესში უგულებელყოფილია. შესაბამისად, მუნიციპალიტეტის მხრიდან აუცილებელია რეგულარული მონიტორინგი საპროექტო განაცხადების დამტკიცებისა და შესრულების პროცესში.

ბათუმის მერია/Batumi City Hall

არჩილ ჩიქოვანი • Archil Chikovani

24 თებერვალს ''ბათუმის დამოუკიდებელი ცხოვრების ცენტრისა'' და ორგანიზაცია ''ცვლილებები თანაბარი უფლებებისათვის'' თანამშრომლობით ჩატარდა პროგრამის რიგით მე-3 შეხვედრა შეზღუდული შესაძლებლობის მქონე ბავშვთა და მოზარდთა მშობლების პიროვნული ფსიქო-სოციალური მხარდაჭერისა და გაძლიერების მიზნით.

თემა: "სტრესის მართვის თანამედროვე ფსიქოტექნოლოგიები."

ცვლილებები თანაბარი უფლებებისათვის / Changes For Equal Rights
Zurab Karchava Insight

- ძალიან კარგი და სასიამოვნო ამბავია მაღალმთიანი და არამარტო მაღალმთიანი აჭარის მოსახლეობისთვის.
- კარგია რომ შშმ პირების და მათი უფლებადამცველი ორგანიზაციების არაერთი თხოვნა, მუნიციპალური/საქალაქთაშორისო ტრანსპორტის შშმ პირებისთვის მისაწვდომობის შესახებ ეტაპობრივად განხორციელდებას იწყებს.

ქედას, შუახევსა და ხულოს ახალი ავტობუსები აქვთ ახალი ავტობუსები •

18 თებერვალს ''ბათუმის დამოუკიდებელი ცხოვრების ცენტრისა'' და ორგანიზაცია ''ცვლილებები თანაბარი უფლებებისათვის'' თანამშრომლობით ჩატარდა შეხვედრა
შეზღუდული შესაძლებლობის მქონე ბავშვთა და მოზარდთა მშობლების პიროვნული ფსიქო-სოციალური მხარდაჭერისა და გაძლიერების მიზნით.

აღნიშნული შეხვედრა წარმოადგენდა შეხვედრათა ციკლის მე-2 სესიას. შეხვედრის თემა იყო შემდეგი: "სტრესი და ფსიქოსოციალური კრიზისის ეგზისტენციალური საზრისი."

ცვლილებები თანაბარი უფლებებისათვის / Changes For Equal Rights

Zurab Karchava Insight

☑️ ''ბათუმის დამოუკიდებელი ცხოვრების
ცენტრი'' ამერიკის შეერთებული შტატების საელჩოს მხარდაჭერით ახორციელებს პროექტს - დამოუკიდებლობა ყველასათვის: დამოუკიდებელი ცხოვრების განვითარების ხელშეწყობა აჭარაში მცხოვრები შშმ პირებისთვის.
☑️ პროექტი მიზნად ისახავს, საქართველოს დემოკრატიული განვითარებისა და დასავლური ინტეგრაციის მხარდაჭერას აჭარის რეგიონში შეზღუდული შესაძლებლობის მქონე ქალებისა და ახალგაზრდების გაძლიერების გზით, რადგან ისინი წარმოადგენენ ყველაზე მოწყვლად ჯგუფს.
☑️ პროექტის ერთ-ერთი ამოცანაა თვითდასაქმების ხელშეწყობის მიზნით აჭარაში მცხოვრები შშმ ქალებისთვის ორ ეტაპიანი ბიზნეს-ტრენინგების ჩატარება.
☑️ორგანიზაციის ოფისში მიმდინარე პერიოდში (17-18 თებერვალს) ჩატარდა შეხვედრა ბიზნეს-ტრენინგების კურსის მე-2 ეტაპზე გადასულ მონაწილეებთან, რომლებმაც წარმოადგინეს საკუთარი საპროექტო განაცხადები. შეხვედრის ბოლოს 4 ბენეფიციარს სიურპრიზად გადაეცა ლეპტოპები, რომელთა შეძენაც პროექტით არ იყო გათვალისწინებული, თუმცა, გამომდინარე აღნიშნული ჯგუფის ყველაზე დიდი გამოწვევიდან (სამუშაო გაჯეტების არ ქონა), ცენტრის თანამშრომლებმა ამერიკის საელჩოსთან მოლაპარაკების საფუძველზე შეიტანეს აღნიშნული კორექტივები პროექტში. ლეპტოპების გამოყენებით ისინი შეძლებენ დაიწყონ საკუთარ საპროექტო განაცხადებზე მუშაობა და წამოიწყონ თავიანთი საქმიანობა. ცენტრი წარმატებას უსურვებს მათ და მადლობას უხდის პროექტის დონორს - ''ამერიკის შეერთებული შტატების საელჩოს''! ჩვენი გუნდი გააგრძელებს მათ მხარდაჭერას.

☑️ ბათუმის დამოუკიდებელი ცხოვრების
ცენტრი, ამერიკის შეერთებული შტატების საელჩოს მხარდაჭერით, ახორციელებს პროექტს - დამოუკიდებლობა ყველასათვის: დამოუკიდებელი ცხოვრების განვითარების ხელშეწყობა აჭარაში მცხოვრები შშმ პირებისთვის

☑️ პროექტი მიზნად ისახავს, საქართველოს დემოკრატიული განვითარებისა და დასავლური ინტეგრაციის მხარდაჭერას აჭარის რეგიონში შეზღუდული შესაძლებლობის მქონე ქალებისა და ახალგაზრდების გაძლიერების გზით, რადგან ისინი წარმოადგენენ ყველაზე მოწყვლად ჯგუფს.

☑️ პროექტი ითვალისწინებს რამდენიმე მნიშვნელოვან აქტივობას:
• დამოუკიდებელი ცხოვრების უნარების გაუმჯობესებისათვის საჭირო სასწავლო მოდულის შემუშავებას;
• თვითდასაქმების ხელშეწყობის მიზნით აჭარაში მცხოვრები შშმ ქალებისთვის ორ ეტაპიანი ბიზნეს-ტრენინგების ჩატარებას;

☑️ მიმდინარე ეტაპზე, ორგანიზაციის ოფისში ჩატარდა ბიზნეს-ტრენინგების მეორე ეტაპის პირველი სესია, რომელიც შეეხებოდა დონორების მოძიების სპეციფიკას და საშუალებებს; ტრენინგს ესწრებოდნენ პროექტის ის მონაწილეები, რომელთა ბიზნეს იდეებმაც მეორე ეტაპზე ყველაზე კარგი შეფასება მიიღო.

გაცნობებთ, რომ ''ბათუმის დამოუკიდებელი ცხოვრების ცენტრი''-ს მდებარეობა შეიცვალა. ბენეფიციარებს ჩვენი სერვისებით სარგებლობისათვის შეუძლიათ გვეწვიონ შემდეგ მისამართზე: ბათუმი, მიხეილ ლერმონტოვის ქუჩა, N 67/69 (ა. პუშკინისა და გ. ბრწყინვალის ქუჩებს შორის).

''ბათუმის დამოუკიდებელი ცხოვრების ცენტრის'' გამგეობის წევრები და შშმ აქტივისტები - დეა ერემაშვილი და რამინ მაჭარაშვილი საუბრობენ შშმ პირების წინაშე არსებულ გამოწვევებზე აჭარის ტელევიზიის გადაცემა ''კონტაქტში''.
გადაცემაში საუბარი იყო, აგრეთვე, ცენტრის მიერ განხორციელებულ პროექტებზე:
1) ''აჭარაში მცხოვრები შშმ ქალების გაძლიერება მათი ჯანმრთელობის დაცვის უფლებების დასაცავად'' - პროექტი ხორციელდება ევროპის ფონდის დაფინანსებით და ითვალისწინებს შემდეგ აქტივობებს: აჭარის სამ მუნიციპალიტეტში (მაღალმთიანი აჭარა-ხულო, შუახევი, ქედა) მცხოვრები შშმ ქალების, მათი ოჯახის წევრების და მედიცინის მუშაკების ცნობიერების ამაღლება შშმ ქალთა უფლებებზე, საჭიროებებზე და ადვოკატირების მექანიზმებზე; აჭარის სამ მუნიციპალიტეტში მცხოვრებ შშმ ქალთა ჩართვის ხელშეწყობა ადგილობრივ დონეზე გადაწყვეტილებების მიღების პროცესებში.
2) ''დამოუკიდებელი ცხოვრების განვითარების ხელშეწყობა აჭარაში მცხოვრები შშმ პირებისთვის'' - პროექტის დონორია ამერიკის საელჩო. პროექტის ფარგლებში დაგეგმილია: დამოუკიდებელი ცხოვრების უნარების გაუმჯობესების სასწავლო მოდულის შემუშავება, რომელიც დაეხმარება სამიზნე ჯგუფებთან მომუშავე ორგანიზაციებს, რათა მოხდეს შშმ პირთა დამოუკიდებელი ცხოვრების ხარისხის ამაღლება; თვით დასაქმების ხელშეწყობის მიზნით აჭარაში მცხოვრები შშმ ქალებისთვის ორ ეტაპიანი ბიზნესიდეების წერის ტრეინინგების ჩატარება, რათა მათ შეძლონ საკუთარი საქმის წამოწყება; აჭარის მუნიციპალიტეტებში თემატური შეხვედრების განხორციელება შშმ პირთა საკითხებზე და უფლებებზე.
დეტალური ინფორმაციისთვის შეგიძლიათ ეწვიოთ მითითებულ ბმულს და მოისმინოთ გადაცემის სრული ვერსია.
Europe Foundation • ევროპის ფონდი
US Embassy Tbilisi, Georgia

# რა გამოწვევების წინაშე არიან აჭარაში მცხოვრები შშმ პირები # რა გამოწვევების წინაშე არიან აჭარაში მცხოვრები შშმ პირები

"ბათუმის დამოუკიდებელი ცხოვრების ცენტრის" პარტნიორობით ორგანიზაცია "ცვლილებები თანაბარი უფლებებისათვის" განხორციელდა შეხვედრა შშმ პირების მშობლებსა და ფსიქოთერაპევტ - ზურაბ ქარჩავას შორის. შეხვედრა ატარებდა გაცნობით ხასიათს და ორიენტირებული იყო ფსიქო-სოციალური საჭიროებების გამოკვეთაზე, რომელთა მიხედვითაც მოხდება შემდგომი შეხვედრების დაგეგმვა და სტრუქტურირება. პროექტი მიზნად ისახავს შშმ პირებისა და მათი მშობლების ფსიქო-სოციალურ გაძლიერებას.
Zurab Karchava Insight
ცვლილებები თანაბარი უფლებებისათვის / Changes For Equal Rights