აფხაზეთის სულიერი განვითარებისა და ეროვნული ფასეულობების დაცვის ცენტრი

🔹ოკუპირებულ ტერიტორიაზე მცხოვრებმა და დევნილმა მოზარდებმა ათენის მერიის საერთაშორისო მულტიკულტურულ ბანაკში იმოგზაურეს

🔸აფხაზეთის ავტონომიური რესპუბლიკის მთავრობის ა(ა)იპ „სულიერი განვითარებისა და ეროვნული ფასეულობების დაცვის ცენტრის“ და ათენის მერიის ერთობლივი პროექტის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს სსიპ „აფხაზეთიდან იძულებით გადაადგილებულ პირთა-დევნილთა მომსახურეობის სააგენტოს“ ფინანსური მხარდაჭერით 12-26 აგვისტოს ორგანიზებულ იქნა ოკუპირებული აფხაზეთის ტერიტორიაზე მცხოვრები და დევნილი მოზარდების (52 პირი), საბერძნეთის რესპუბლიკის ქ. ათენის მერიის საერთაშორისო მულტიკულტურულ ბანაკში 2 კვირით გამგზავრება.

🔸ბანაკში ყოფნის პერიოდში ბავშვებს საშუალება ჰქონდათ გაცნობოდნენ ბერძნულ კულტურას, დაახლოებოდნენ ბერძენ, ებრაელ, უკრაინელ თანატოლებს, მათთვის გაეცნოთ საქართველო, თავად გაცნობოდნენ ათენის ისტორიულ და კულტურულ ღირსშესანიშნაობებს და რელიგიურ ცენტრებს.

🔸მოზარდებს ათენის მერიის ადმინისტრაციულ შენობაში მიღება მოუწყო ათენის მერმა, რომელმაც სიმბოლური საჩუქრები დაურიგა ბავშვებს და რესტორანში გაცნობითი ხასიათის ვახშამი მოუწყო.

🔸აღნიშნული პროექტის მიზანს მოზარდების ფსიქოლოგიური მდგომარეობის გაუმჯობესება, შემეცნებითი და ტოლერანტული ფასეულობების გაღვივება და ცხოვრებისეული სტიმულის მიცემა წარმოადგენდა.

🔸 მსგავსი სახის პროექტებს პერმანენტული ხასიათი ექნება.

🔹ათენის მერიის ბანაკის მონაწილე ოკუპირებულ აფხაზეთში მცხოვრები და დევნილი მოზარდები მსოფლიო პატრიარქმა დალოცა

🔸აფხაზეთის ავტონომიური რესპუბლიკის მთავრობის ა(ა)იპ „სულიერი განვითარებისა და ეროვნული ფასეულობების დაცვის ცენტრის“, ათენის მერიის და აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს სსიპ „აფხაზეთიდან იძულებით გადაადგილებულ პირთა-დევნილთა მომსახურეობის სააგენტოს“ ფინანსური მხარდაჭერით ორგანიზებული ერთობლივი პროექტის ფარგლებში, საბერძნეთის რესპუბლიკის ქ. ათენის მერიის საერთაშორისო მულტიკულტურულ ბანაკში 2 კვირით გამგზავრებული, ოკუპირებული აფხაზეთის ტერიტორიაზე მცხოვრები და დევნილი მოზარდები (52 პირი) მსოფლიო პატრიარქმა, მისმა ყოვლადუწმინდესობა ბართლომეოსმა, ფანარის საპატრიარქო რეზიდენციაში ისტუმრა და დალოცა.

🔸 მისმა ყოვლადუწმინდესობამ აფხაზეთის ავტონომიური რესპუბლიკის მთავრობის დელეგაციას: აფხაზეთის ავტონომიური რესპუბლიკის იძულებით გადაადგილებულ პირთა-დევნილთა მინისტრ დავით ფაცაციას, აფხაზეთის ავტონომიური რესპუბლიკის მთავრობის ა(ა)იპ „სულიერი განვითარებისა და ეროვნული ფასეულობების დაცვის ცენტრის“ დირექტორ ბესიკ სილაგაძეს და ქ. სტამბულში საქართველოს გენერალურ კონსულ ალეკო ჯიშკარიანს მისასალმებელი სიტყვით მიმართა, სრულიად საქართველოს კათოლიკოს-პატრიარქისადმი ღრმა პატივისცემა გამოხატა და მომავალ წელს მსოფლიო სპატარიარქოს ბანაკში ბავშვების მიღების სურვილი გამოთქვა. საუბარი შეეხო ერთობლივი პროექტების განხორციელების შესაძლებლობებსაც.

🔸 დელეგაციის წევრები ასევე ისტუმრა და ქრისტესმიერი სიყვარული გამოხატა, ადრიანოპოლისის კარიბჭის (ედირნექაფის) წმინდა გიორგის სახელობის ქართული სამრევლო ტაძრის წინამძღვარმა, მსოფლიო საპატრიარქო საყდრის არქიმანდრიტმა ილია ჯინჯოლავამ, რომელიც მისი ყოვლადუწმინდესობის კურთხევით თანამონაწილე იყო ბავშვების დალოცვის ცერემონიის.

🔸 აღნიშნულმა შეხვედრამ წარუშლელი შთაბეჭდილება დატოვა ქართველ მოზარდებზე.

🔸 „სულიერი განვითარებისა და ეროვნული ფასეულობების დაცვის ცენტრი“ დიდ მადლობას უხდის ქართული სამრევლო ტაძრის წინამძღვარ არქიმანდრიტ ილია ჯინჯოლავას და ქ. სტამბულში საქართველოს გენერალურ კონსულ ალეკო ჯიშკარიანს გამოვლენილი ქრისტესმიერი სიყვარულისა და თანადგომისათვის.

🔹 ოკუპირებულ ტერიტორიაზე მცხოვრებმა და დევნილმა მოზარდებმა როდოსის საერთაშორისო მულტიკულტურულ ბანაკში იმოგზაურეს

🔸 აფხაზეთის ავტონომიური რესპუბლიკის მთავრობის ა(ა)იპ „სულიერი განვითარებისა და ეროვნული ფასეულობების დაცვის ცენტრის“ და როდოსის მიტროპოლიის ერთობლივი პროექტის ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა-დევნილთა სამინისტროს სსიპ „აფხაზეთიდან იძულებით გადაადგილებულ პირთა-დევნილთა მომსახურეობის სააგენტოს“ ფინანსური მხარდაჭერით 7-21 აგვისტოს ფარგლებში ორგანიზებულ იქნა ოკუპირებული აფხაზეთის ტერიტორიაზე მცხოვრები და დევნილი მოზარდების (51 პირი), საბერძნეთის რესპუბლიკის კუნძულ როდოსზე, მსოფლიო საპატრიარქოს როდოსის მიტროპოლიის საერთაშორისო მულტიკულტურულ ბანაკში 2 კვირით გამგზავრება.

🔸ბანაკში ყოფნის პერიოდში ბავშვებს საშუალება ჰქონდათ გაცნობოდნენ ბერძნულ კულტურას, დაახლოვებოდნენ ბერძენ თანატოლებს, მათთვის გაეცნოთ საქართველო, გაცნობოდნენ ქართულ კალიგრაფიას, დაეთვალიერებინათ კუნძულის რელიგიური, ისტორიული და კულტურული ღირსშესანიშნაობები.

🔸მოზარდებს მიღება მოუწყო როდოსის მიტროპოლიტმა, რომელმაც დალოცა ბავშვები და სიმბოლური საჩუქრები დაურიგა.

🔸აღნიშნული პროექტის მიზანს მოზარდების ფსიქოლოგიური მდგომარეობის გაუმჯობესება, შემეცნებითი და ტოლერანტული ფასეულობების გაღვივება და ცხოვრებისეული სტიმულის მიცემა წარმოადგენდა.

🔸მსგავსი სახის პროექტებს პერმანენტული ხასიათი ექნება.

🔷 ა(ა)იპ „სულიერი განვითარებისა და ეროვნული ფასეულობების დაცვის ცენტრის“ დირექტორი ბესიკ სილაგაძე ვლაქერნობის დღესასწაულს დაესწრო


🔶 აფხაზეთის ავტონომიური რესპუბლიკის მთავრობის ა(ა)იპ „სულიერი განვითარებისა და ეროვნული ფასეულობების დაცვის ცენტრის“ დირექტორი ბესიკ სილაგაძე, ზუგდიდისა და ცაიშის მიტროპოლიტის მეუფე გერასიმეს მიწვევით, ყოვლაწმინდა ღვთისმშობლის სამოსის ტაძარში დაბრძანების დღისადმი მიძღვნილ ვლაქერნობის დღესასწაულს და სადღესასწაულო წირვას დაესწრო ქ. ზუგდიდში.

🔶 დღესასწაულის ფარგლებში, ზუგდიდისა და ცაიშის მიტროპოლიას, საერთაშორისო ფონდის მიერ ა(ა)იპ „სულიერი განვითარებისა და ეროვნული ფასეულობების დაცვის ცენტრისადმი“ უსასყიდლოდ გადმოცემული საჩუქრები გადაეცა.

🔶 აფხაზეთის ავტონომიური რესპუბლიკის სულიერების ცენტრმა მოზარდებს „ბავშვთა საერთაშორისო დღე“ მიულოცა

🔷 აფხაზეთის ავტონომიური რესპუბლიკის მთავრობის ა(ა)იპ „სულიერების ცენტრის” ორგანიზებით და „კასს ლენდ დაიმონდ რეზორტის“ მხარდაჭერით პირველ ივნისს - ბავშვთა საერთაშორისო დღესთან დაკავშირებით საქართველოს საპატრიარქოს პატრონაჟის ქვეშ მყოფი ბავშვთა თავშესაფარის “კიდევაც დაიზრდებიან” მოზარდებმა წალკის კანიონი მოინახულეს.

🔷 „კასს ლენდ დაიმონდ რეზორტის“ წარმომადგენლებმა, სრულიად უანგაროდ, ნამდვილად დაუვიწყარი და მრავალფეროვანი დღე მოუწყვეს მოზარდებს. ჩაუტარდათ შემეცნებითი ტური, მათ პოზიტიურ განწყობაზე იზრუნეს ანიმატორებმა მულტფილმების საყვარელი გმირების სახით, სრულად დაათვალიერეს როგორც კანიონი, ასევე ჩანჩქერი და მიმდებარე ტერიტორია.

🔷 „სულიერების ცენტრი“ დიდ მადლობას უხდის „კასს ლენდ დაიმონდ რეზორტის“ ყველა წარმომადგენელს მოზარდებისადმი გამოჩენილი ყურადღებისა და სითბოსთვის და იმედოვნებს, რომ მსგავსი სახის ღონისძიებებს პერმანენტული ხასიათი ექნება.

🔹 აფხაზეთის ავტონომიური რესპუბლიკის მთავრობის თავმჯდომარემ და სულიერების ცენტრის დირექტორმა საქართველოს საპატრიარქოს პატრონაჟის ქვეშ მყოფ ბავშვთა თავშესაფრის მოზარდებს დამდეგი აღდგომის ბრწყინვალე დღესასწაული მიულოცეს

🔸 აფხაზეთის სულიერების ცენტრის ორგანიზებით, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ და ცენტრის დირექტორმა ბესიკ სილაგაძემ, საქართველოს საპატრიარქოს პატრონაჟის ქვეშ მყოფი ბავშვთა თავშესაფარი “კიდევაც დაიზრდებიან” მოინახულეს და ბავშვებს დამდეგი აღდგომის ბრწყინვალე დღესასწაული მიულოცეს.

🔸 მთავრობის თავმჯდომარე თავშესაფრის წინაშე არსებული პრობლემებით და მოზარდების საჭიროებებით დაინტერესდა. თავშესაფრის წინამძღვარ იღუმენია ბარბარესთან საუბრის დროს მთავრობის თავმჯდომარემ გამოხატა პრობლემების მოგვარებაში მონაწილეობის მზადყოფნა და ადგილზევე იქნა გადაწყვეტილი გარკვეული პრობლემური საკითხები, ასევე დაიგეგმა განსახორციელებელი პროექტები.
თავშესაფარს სააღდგომო სასურსათო ნობათი გადაეცა.

🔹 ბესიკი სილაგაძე საქველმოქმედო ფონდ „მომავლის გზას“ ესტუმრა

🔸 აფხაზეთის ავტონომიური რესპუბლიკის მთავრობის ა(ა)იპ „სულიერების ცენტრის“ დირექტორი ბესიკი სილაგაძე საქველმოქმედო ფონდ „მომავლის გზა“-ს დირექტორ დავით კინწურაშვილს და ფონდის აღსაზრდელებს შეხვდა.
შეხვედრაზე განხილულ იქნა ფონდსა და ცენტრს შორის თანამშრომლობის გაღრმავების პერსპექტივები, აღნიშნულ იქნა ცენტრის კალიგრაფის ქ-ნ ლეილა ბაღბაიას მიერ მოზარდების შემეცნებითი უნარ-ჩვევების განვითარების კუთხით პოზიტიური საქმიანობა და მხარეების მიერ გამოითქვა ერთობლივი ღონისძიებების ჩატარების სურვილი.
ღონისძიება ატარებდა გაცნობით და მოზარდებთან მიმართებაში შემეცნებით ხასიათს, რომლის ფარგლებში ფონდის აღსაზრდელებზე ახსნილ იქნა ეროვნული ფასეულობების და სულიერი ღირებულებების დაცვის აუცილებლობა და გამოითქვა მოზარდების ინტერესების შესაბამისად, მათზე მორგებული პროექტების გამრავალფეროვნების მზადყოფნა. დევნილ მოზარდებს ამერიკული ფონდის საჩუქრები გადაეცათ.

🔸 სულიერების ცენტრი მადლობას უხდის ბატონ დავით კინწურაშვილს და მის გუნდს ქვეყნისა და ხალხის უანგარო სამსახურისთვის და იმედოვნებს, რომ დევნილების საჭიროებებთან მიმართებაში არსებული თანადგომა მუდმივად იქნება პრიორიტეტული.

https://www.facebook.com/dkf.ge/posts/409285071613729

🔹 ბესიკი სილაგაძემ და კონსტანტინე ზარნაძემ ქალთა დღესთან დაკავშირებით მოზარდებს უმასპინძლეს

🔸 აფხაზეთის ავტონომიური რესპუბლიკის მთავრობის ააიპ „სულიერების ცენტრის“ დირექტორის ბესიკ სილაგაძისა და თბილისის საკრებულოს გლდანის რაიონის მაჟორიტარი წევრის, კონსტანტინე ზარნაძის ინიციატივით და მასპინძლობით, ქალთა დღესთან დაკავშირებით გლდანში მცხოვრები დევნილი და სოციალურად დაუცველი 25 მოზარდი კინოთეატრ „კავეაში“ ფილმის ჩვენებას დაესწრო, რის შემდეგაც გოგონებს კომპანია „ბურგერკინგმა“ უმასპინძლა და ღონისძიების დასასრულს ამერიკული ფონდის საჩუქრები გადაეცათ.

🔸 სულიერების ცენტრი მადლობას უხდის ბატონ კონსტანტინე ზარნაძეს ჩართულობისათვის და იმედოვნებს რომ დევნილების საჭიროებებთან მიმართებაში არსებული თანადგომა მუდმივად იქნება პრიორიტეტული.

http://tbsakrebulo.gov.ge/index.php?m=255&news_id=7580&fbclid=IwAR2Xocv8Lek4mPEaMdvZpdK5MCDgUKcCcjljRp-W2OZEnV7XNcMzr9ZbdVc

🔹 აფხაზეთის „სულიერების ცენტრმა“ სოხუმის სახელმწიფო უნივერსიტეტთან ერთობლივი ღონისძიება გამართა

🔸 დედის დღესთან დაკავშირებით, აფხაზეთის ავტონომიური რესპუბლიკის მთავრობის ა(ა)იპ „სულიერების ცენტრმა“ და სოხუმის სახელმწიფო უნივერსიტეტმა ერთობლივი ღონისძიება გამართეს, რომლის ფარგლებშიც, უნივერსიტეტის რექტორმა ზურაბ ხონელიძემ, აფხაზეთის ავტონომიური რესპუბლიკის მთავრობის თავმჯდომარის მოადგილემ ანზორ მარგიანმა, აფხაზეთის ავტონომიური რესპუბლიკის მთავრობის განათლებისა და კულტურის მინისტრმა ნანა გაბელიამ, საქართველოს კათოლიკოს-პატრიარქის პროტოდიაკვანმა მამა მირიან სხირტლაძემ მანდილოსნებს მიულოცეს „დედის დღე“ და უნივერსიტეტის თანამშრომლების შვილებს გადასცეს საერთაშორისო ფონდის მიერ გადმოცემული საჩუქრები.

🔸 ღონისძიება ატარებდა შემეცნებით ხასიათს.

🔸 სოხუმის სახელმწიფო უნივერსიტეტი წარმოადგენს საუკეთესო სამშვიდობო-საგანმანათლებლო პლატფორმას არა მარტო ქართულ, არამედ მსოფლიო საუნივერსიტეტო-საგანმანათლებლო სივრცეში, რომელიც უდაოდ უალტერნატივო რეალობაა შეუზღუდავი შესაძლებლობებით და კრეატიული, პატრიოტული აზროვნების და სულისკვეთების მქონე რექტორით.

🔸 აღსანიშნავია, რომ სულიერების ცენტრი და სოხუმის სახელმწიფო უნივერსიტეტი ურთიერთთანამშრომლობის გაღრმავებზე შეთანხმდნენ.

https://www.facebook.com/SokhumiStateUniversity/posts/pfbid031QajDszrKeCmJgfdg9VG6ZBQWyevSvD7grXHShyEUcijmeU8UDKDWEbyjvdJAMMbl

🔹 ბესიკი სილაგაძემ ა(ა)იპ „სულიერების ცენტრის“ 2023 წლის საქმიანობის ანგარიში წარადგინა

🔸 მიმდინარე წლის 28 თებერვალს, აფხაზეთის ავტონომიური რესპუბლიკის მთავრობის ა(ა)იპ „სულიერების ცენტრის“ დირექტორმა ბესიკი სილაგაძემ, აფხაზეთის მთავრობის წევრებთან ცენტრის მიერ 2023 წელს გაწეული საქმიანობის ანგარიში წარადგინა.

🔸 ანგარიში ატარებდა როგორც გაწული საქმიანობის შეფასების, ასევე სამომავლო გეგმების შესახებ ინფორმაციულ ხასიათს.

🔸 სულიერების ცენტრი ცდილობს, საერთაშორისო პარტნიორი სამთავრობო და არასამთავრობო ორგანიზაციების მხარდაჭერით მაქსიმალურად გაზარდოს საქმიანობის არეალი და მასშტაბი.

https://www.facebook.com/GovernmentofAbkhazia/posts/pfbid02DbVyayJB6EQUpdifo67GAnheLExsDQRaHFiXYXE6jrgTdV2NxKwP5C1UtNXqB9bNl

✅20 თებევრალს, გვესტუმრა:
✨აფხაზეთის ავტონომიური რესპუბლიკის მთავრობის ა(ა)იპ „სულიერების ცენტრი“.
✨ აფხაზეთის მთავრობის თავჯდომარის მოადგილე, გენერალი ანზორ მარგიანი.
✨ აფხაზეთის მეომართა კავშირის თავჯდომარის მოადგილე, ბატონი ზური შამუგია.
✨ და მამაო ბასილი.

🎁🎉🎉სტუმრებმა საჩუქრები გადასცეს აფხაზეთის ძიუდოს აკადემიის ძიუდოისტებს.🎉🎉🎁

✔️აფხაზეთის ძიუდოს აკდემიის პრეზიდენტი, ბატონი კობა გეგია, დიდ მადლობას გიხდით გვერდში დგომისთვის და ბავშვების წახალისებისთვის.🩵
✔️ერთობლივი თანადგომით იგეგმება კიდევ ბევრი ახალი პროექტი, რასაც თანდათან შეგატყობინებთ🩵

🔹 ბესიკი სილაგაძე და ანზორ მარგიანი აფხაზეთის ძიუდოს აკადემიის აღსაზრდელებს შეხვდნენ

🔸 აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანთან, აფხაზეთის მეომართა კავშირის წარმომადგენელ ზურაბ შამუგიასთან და ქ. თბილისის, წმ. სერგი რადონეჟელის სახელობის ტაძრის წინამძღვარ მამა ბასილ ნიქაცაძესთან ერთად აფხაზეთის ავტონომიური რესპუბლიკის მთავრობის ა(ა)იპ „სულიერების ცენტრის“ დირექტორი ბესიკ სილაგაძე აფხაზეთის ძიუდოს აკადემიის პრეზიდენტს კობა გეგიას და აღსაზრდელებს შეხვდა.

🔸 შეხვედრა ატარებდა შემეცნებით ხასიათს, რომლის ფარგლებშიც ბავშვებისთვის ახსნილ იქნა ეროვნული ფასეულობები, ქრისტიანული ღირებულებები და მათი დაცვის აუცილებლობა. მამა ბასილმა უქადაგა მოზარდებს და მათი ინიციატივის საპასუხოდ პერმანენტული შეხვედრების მოწყობის მზადყოფნა გამოთქვა. აკადემიის 120 აღსაზრდელი წმ. სერგი რადონეჟელის სახელობის ტაძრის მრევლი გახდა. შეხვედრის დასასრულს მოზარდებს საერთაშორისო ფონდის მიერ უსასყიდლოდ გადმოცემული საჩუქრები დაურიგდათ.

🔸 სულიერების ცენტრი ცდილობს მოზარდების სულიერ განვითარებას და ეროვნულ ფასეულობებში განმტკიცებას შეუწყოს ხელი.