GTUC • საქართველოს პროფკავშირების გაერთიანება

❗️ პროფკავშირებმა ლაგოდეხის მერს დავა მოუგო - სასამართლომ ლაგოდეხის მერიის ბრძანება ,,საზოგადოებრივი ჯანდაცვის სამსახურის“ დირექტორის გათავისუფლების თაობაზე ბათილად ცნო!

🟥 ლაგოდეხის მერმა, საზოგადოებრივი ჯანდაცვის სამსახურის (რომელიც მუნიციპალიტეტისთვის საზოგადოებრივი ჯანდაცვის სფეროში დელეგირებული უფლებამოსილების ფარგლებში ფუნქციონირებს) დირექტორი სამსახურიდან დაითხოვა და მის ნაცვლად, გათავისუფლებულის ყოფილი მძღოლი დანიშნა. (ბრძანება 12.11.2021წ. გამოიცა). ამასთან, დასაქმებულს არც კუთვნილი ხელფასი გადაუხადა.

👉 ყოფილი დირექტორის განცხადებით, მერმა ჯერ განცხადების დაწერა მოსთხოვა, უარის მიღების შემდეგ კი მოკვლევის საფუძველზე მოვალეობათა უხეში დარღვევის მიზეზით ბრძანება ოფიციალურად ჩააბარა.

📌 გათავისუფლებული დარწმუნებული იყო, რომ სამსახურიდან დათხოვნის რეალური მიზეზი მისი მხრიდან სხვადასხვა საკითხზე, მათ შორის, პანდემიის პერიოდში ხალხმრავალი ღონისძიებების გამართვასთან, დაავადებათა კონტროლის ეროვნული ცენტრიდან მიღებული თანხების თანამშრომლებზე განაწილებასთან და თანამშრომლებისთვის ზეგანაკვეთური სამუშაოს ანაზღაურებასთან დაკავშირებით დაფიქსირებული განსხვავებული მოსაზრებები იყო.

🤝 გათავისუფლებულმა დირექტორმა დახმარების თხოვნით პროფკავშირებს მომართა. საკითხის მნიშვნელობიდან გამომდინარე, გაერთიანების იურისტმა სერგო მახარაძემ უმოკლეს დროში მოამზადა სარჩელი და სასამართლოს მიმართა.

👉 სასამართლოს დასკვნით ეტაპზე მუშაობა გაერთიანების იურისტისთვის ძალიან სენსიტიური და განსაკუთრებული მნიშვნელობის იყოს, რადგან დავის მიმდინარეობის პერიოდში, ჩვენი ბენეფიციარი გარდაიცვალა. საქმეში მისი უფლებამონაცვლე ჩაერთო.

⚖️ სასამართლომ ლაგოდეხის მერიის ბრძანება ა(ა)იპი ,,საზოგადოებრივი ჯანდაცვის სამსახურის“ დირექტორის გათავისუფლების თაობაზე ბათილად ცნო და ა(ა)იპი ,,საზოგადოებრივი ჯანდაცვის სამსახურს“ სახელფასო დავალიანების, მისი ანგარიშსწორების დაყოვნების გამო პირგასამტეხლოს და გათავისუფლების დღიდან გარდაცვალების დღემდე (დროის პერიოდის ხელფასის შესაბამისი) კომპენსაციის გადახდა დააკისრა.

✔️ საქმეში, ასევე, აქტიურად იყო ჩართული საქართველოს მედიცინის, ფარმაციისა და სოციალური დაცვის მუშაკთა პროფესიული კავშირი.

ნიუსი თემაზე: https://gtuc.ge/sasamartlo-dava-lagodexis-meria/

📢 უზენაესმა სასამართლომ მომსახურების ხელშეკრულება შრომით ხელშეკრულებად ცნო – პროფკავშირებმა ,,ბიუ-ბიუს” დავა სამივე ინსტანციაში მოუგო!

✊ უზენაესმა სასამართლომ ,,ჯეო დისტრებუშენ გრუპის” მიერ ,,ბიუ-ბიუს” სავაჭრო ობიექტზე გამყიდველის პოზიციაზე მომუშავე უკანონოდ გათავისუფლებული პირების მიერ ორ ინსტანციაში მოგებული სასამართლო დავა კიდევ ერთხელ დასაქმებულთა სასარგებლოდ გადაწყვიტა. უფრო მეტიც, სასამართლომ, მომსახურების ხელშეკრულება შრომით ხელშეკრულებად დააკვალიფიცირა და კომპანიას სახელფასო დავალიანების, ანგარიშსწორების დაყოვნების გამო პირგასამტეხლოს, განაცდურისა და კომპენსაციის გადახდა დააკისრა.

📌 სასამართლოში დამსაქმებელი კომპანია ამტკიცებდა, რომ დასაქმებულებთან მომსახურების ხელშეკრულება ჰქონდა გაფორმებული და შესაბამისად, ნებისმიერ დროს, ყოველგვარი მიზეზის მითითების გარეშე შეეძლო შეეწყვიტა მათთან შრომითი ურთიერთობა. გაერთიანების იურისტმა სერგო მახარაძემ აღნიშნულ საქმეზე დავა სამივე ინსტანციაში მოიგო. დეტალებს წინა ინსტანციის დავის შესახებ შეგიძლიათ გაეცნოთ ბმულზე: https://gtuc.ge/biu_biu-_sasamartlo_dava/

📌 საქმეში, ასევე, აქტიურად იყვნენ ჩართულნი მომსახურების სფეროს, კომუნალური და ბანკების მუშაკთა და აგრარული მეურნეობის, ვაჭრობის და მრეწველობის პროფესიული კავშირები.

თემის დეტალები: 👇

https://gtuc.ge/biu-biu-sasamartlo-dava/

https://www.bpn.ge/article/128133-minimaluri-xelpasi-samarcxvino-20-lari-agar-ikneba-propkavshirebis-tavmjdomare

მინიმალური ხელფასი სამარცხვინო 20 ლარი აღარ იქნება - პროფკავშირების თავმჯდომარე „პარლამენტისგან პოლიტიკური თანხმობა უკვე გვაქვს, რომ მინიმალური ხელფასის ადეკვატური ოდენობა უნდა დადგინდეს, ...

✊ "ევოლუშენ ჯორჯიას" ა ფლიგელის შესასვლელებთან, გაფიცულებმა სოლიდარობის ცოცხალი ჯაჭვი გააკეთეს.

📢 აქციის მონაწილეები მოთხოვნების დაკმაყოფილებამდე პროტესტის შეწყვეტას არ აპირებენ!

👥 აფხაზეთის პროფესიული კავშირების გაერთიანების წევრებისთვის, პროფაქტივისთვის დასაქმებულთა ცნობიერების ამაღლების კამპანიის ფარგლებში, Solidarity Center-ის მხარდაჭერით, სემინარი ჩატარდა.

🗣️ აფხაზეთის პროფგაერთიანების თავმჯდომარემ, თამარ ვეფხვაძემ პროფკავშირების არსსა და მნიშვნელობაზე ისაუბრა. აღნიშნა სასამართლო პრაქტიკის წარმატებული მაგალითები და ხაზი გაუსვა პროფკავშირების როლს დასაქმებულთა ცხოვრებაში.

👉 გაერთიანების იურისტებმა: სერგო მახარაძემ და ლევან ხვინგიამ შრომით კანონმდებლობაში არსებულ სიახლეებზე, წინასახელშეკრულებო ურთიერთობასა და ხელშეკრულების გაფორმების ეტაპის მნიშვნელობაზე ისაუბრეს.

👌 შეხვედრამ დასაქმებულთა აქტიურობით, კითხვა-პასუხის რეჟიმში ჩაიარა.

📢 როგორც ცნობილია, 12 ივლისიდან „ევოლუშენ ჯორჯიაში“ გაფიცვა მიმდინარეობს.

✊ „ევოლუშენ ჯორჯიაში“ გაფიცვის პარალელურად, პროფკავშირების გაერთიანების იურისტმა ორი სასამართლო დავა მოიგო!

📌 ერთ შემთხვევაში, კომპანიამ უკვე მესამედ წააგო საკუთარ დასაქმებულთან დავა - უზენაესმა სასამართლომ ძალაში დატოვა სააპელაციო და საქალაქო სასამართლოს გადაწყვეტილებები საქმეზე, რომელშიც დამსაქმებელი შრომის კანონმდებლობის გვერდის ავლით ურეგულირებდა დასაქმებულს სამუშაო დროსა და შვებულებით სარგებლობის წინაპირობებს, უცხადებდა საყვედურებს და ამით სოციალურად დაუცველ, მარტოხელა დედას დამატებითი შემოსავლის წყაროს უსპობდა (საქმის დეტალებს შეგიძლიათ გაეცნოთ ბმულზე: https://gtuc.ge/profkavshiri-wevri-disciplinuri-saxdeli/ ). „ევოლუშენ ჯორჯიას“ მიერ წარდგენილი საჩივრები როგორც სააპელაციო, ისე უზენაესმა სასამართლომ არ დააკმაყოფილა. ამგვარად, დამსაქმებლის მიერ დაკისრებული ორივე დისციპლინური სახდელი (breach) გაბათილდა.

📌 რაც შეეხება მეორე საქმეს, „ევოლუშენ ჯორჯიას“ ერთ-ერთმა მენეჯერმა, დასაქმებულს, რომელიც, ამავდროულად, პროფკავშირის კომიტეტის წევრი და დასაქმებულთა წარმომადგენელია, სხვა წევრის უფლებების დაცვის გამო სასამართლოში უჩივლა.

🔴 უშუალო ხელმძღვანელმა ა.ბ-მ ერთ-ერთ ბანქოს მჩეხავს გ.ჯ.-ს, როდესაც ცუდად გახდა, გ.ჯ.-ს მოსაზრებით, არ გაუწია დახმარება, არ დაინტერესდა მისი მდგომარეობით და როგორც მისმა ზემდგომმა არც ის აუხსნა, რა შეიძლებოდა, გაეკეთებინა "დარღვევის" თავიდან ასაცილებლად. უფრო მეტიც, გ.ჯ.-ს განმარტება, რომ თითები სტკიოდა და ვეღარ შეძლებდა ბანქოს აჩეხვას, ა.ბ.-მ სამუშაოს შესრულებაზე უარად მიჩნია და 2022 წლის 28 დეკემბერს დარღვევა დაუწერა.

👉 გ.ჯ.-მ დახმარების თხოვნით “ევოლუშენ ჯორჯიაში“ დასაქმებულთა პროფკავშირების ერთ-ერთ წარმომადგენელს ნიკოლოზ კატაპარიაშვილს მიმართა. მენეჯერმა მასთან საუბარზე უარი განაცხადა - "რას წარმოადგენს საერთოდ, რომ ვესაუბრო" - უთხრა გ.ჯ-ს. რის შემდეგაც კატაპარიაშვილმა Evo-Facebook-ის ჯგუფში სტატუსი გამოაქვეყნა და სამართლებრივი დახმარების პირობა დასაქმებულს საჯაროდ მისცა.

⭕️ დასაქმებულთან საუბრისა და პრობლემის აღმოფხვრის ნაცვლად, მენეჯერმა სტატუსი ცილისმწამებლურად მიიჩნია და ნიკოლოზ კატაპარიაშვილის წინააღმდეგ სასამართლოს სარჩელით მიმართა.

❗️ ა.ბ-მ, როგორც უშუალო ხელმძღვანელმა, გარდა იმისა, რომ არ შეასრულა დაკისრებული მოვალეობა, როგორც ხელმძღვანელმა და დასაქმებულის გასაჭირი არაფრად მიიჩნია, პირიქით, დარღვევა დაუწერა, ასევე, პროფკავშირის, როგორც დასაქმებულის ინტერესების წარმომადგენლის უფლებამოსილებებიც უგულებელყო.

⚖️ სასამართლომ გაიზიარა პროფკავშირების გაერთიანების იურისტის, თამილა გაბაიძის არგუმენტები და ა.ბ.-ს სარჩელი არ დააკმაყოფილა.

👌 გაფიცვის კონტექსტში აღნიშნული გადაწყვეტილება მნიშვნელოვანია, რადგან: 1. საქმის გარემოებებითა და მტკიცებულებებით კიდევ ერთხელ დადასტურდა „ევოლუშენ ჯორჯიას“ მენეჯერების თვითნებობა, დაქვემდებარებულების ჩაგვრა და პროფკავშირისადმი მიუღებლობა; 2. გაფიცვის მოთხოვნები პროფკავშირთან თანამშრომლობასა და სამუშაო სივრცეში ექიმის არსებობასთან დაკავშირებით არა მხოლოდ სამართლიანი, არამედ, ფაქტობრივადაც საფუძვლიანია.

თემის დეტალები შეგიძლიათ წაიკითხოთ ბმულზე: https://gtuc.ge/evolution-sasamartlo-dava/

📌 შპს "სთეინლესის" დასაქმებულებთან შეხვედრის შემდეგ, პროფკავშირების გაერთიანების თავმჯდომარის მოადგილე და გაერთიანების იურისტი, საწარმოს ადმინისტრაციის წარმომადგენლებს შეხვდნენ.

შეხვედრას, ასევე, ქალაქ რუსთავის მაჟორიტარი დეპუტატი ირაკლი შატაკიშვილი ესწრებოდა.

❗️ პროფკავშირების წარმომადგენლებმა დაათვლიერეს საწარმო, სამუშაო ადგილზე არსებული სიტუაცია შეაფასეს და გამოწვევები განიხილეს. გაიცა შესაბამისი რეკომენდაციები.

მორიგი შეხვედრა ახლო პერიოდში გაიმართება.

👉 პროფკავშირების გაერთიანების რუსთავის ოფისში, შპს "სთეინლესის" დასაქმებულებთან შეხვედრა გაიმართა. პროფკავშირების გაერთიანების თავმჯდომარის მოადგილე ლავრენტი ალანიამ, გაერთიანების წარმომადგენელმა გიორგი ტყემალაძემ და გაერთიანების იურისტმა, ლევან ხვინგიამ მშრომელებთან შრომის უსაფრთხოების საკითხებსა და ხელფასებთან დაკავშირებით ისაუბრეს.

❗ დასაქმებულების მიერ მოწოდებული ინფორმაციის საფუძველზე, უახლოეს პერიოდში, პროფკავშირების წარმომადგენლები საწარმოში, ადგილზე მივლენ, გაეცნობიან არსებულ შრომის პირობებს და შესაბამის ნაბიჯებს დაგეგმავენ!

#პროფკავშირიგაძლიერებს
#იცოდეშენიუფლებები
#მოითხოვერაცკანონითგეკუთვნის!

👥 ნავთობისა და გაზის მრეწველობის მუშაკთა პროფესიული კავშირის წევრებისთვის ქალაქ ბათუმში, ნავთობის ტერმინალში დასაქმებულებისთვის სემინარი თემაზე: „საქართველოს ორგანული კანონი შრომის უსაფრთხოებისა და ზიანის ანაზღარურების“ შესახებ გაიმართა.

👷 საქარველოს პროფესიული კავშირების გაერთიანების შრომის უსაფრთხოების დეპარტამენტის უფროსმა ნიკა კაკაშვილმა Nika Kakashvili და საქართვერლოს პროფესიული კავშირების გაერთიანების ტექნიკურმა ინსპექტორმა თენგო ქუთათელაძემ მონაწილეებთან სამუშაო ადგილებზე ტექნიკური უსაფრთხოების საკითხები განიხილეს.

👉 პროფკავშირების გაერთიანება ცნობიერების ასამაღლებელ ტრენინგებს დასაქმებულებისთვის საქართველოს მასშტაბით ინტენსიურ რეჟიმში ატარებს.

✊ ირაკლი პეტრიაშვილი "ევოლუშენ გეიმინგის" გაფიცულ თანამშრომლებთან!

🗣️ გაერთიანების თავმჯდომარემ დასაქმებულებთან სოლიდარობის ძალაზე ისაუბრა და ამ ბრძოლაში პროფკავშირებთან ერთად წარმატებები და გამარჯვება უსურვა!

👉 სოლიდარობის ნიშნად ადგილზე მივიდნენ გაერთიანების დარგობრივი ორგანიზაციების ლიდერებიც!

❗ იქნება სოლიდარობა? ყველაფერი გამოვა!

👥 პროფკავშირებისა და შრომის საერთაშორისო ორგანიზაციის ორგანიზებით, თოთხმეტამდე ქვეყნის პროფკავშირელ ლიდერებთან ერთად, ქვეყნის ღირსული შრომის პროგრამის მნიშვნელობაზე მსჯელობა მიმდინარეობს.

📌 კონფერენციის დროის დიდი ნაწილი ქვეყნების მაგალითების განხილვას და ახალი სამუშაო ადგილების შექმნის პროცესში პროფკავშირების ჩართულობის მნიშვნელობას დაეთმო - როგორ უნდა მოხდეს შრომის საერთაშორისო კონვენციებისა და ვალდებულებების იმპლემენტაცია შრომის ბაზრის გამოწვევების გადასაჭრელად.

❗️ შრომის საერთაშორისო ორგანიზაციის (ILO) წარმომადგენელმა, მაგნუს ბერგემ შსო-ს საქმიანობისა და როლის შესახებ ისაუბრა. განმარტა სოციალური დიალოგის კონცეფციის, სამმხრივი სოციალური პარტნიორობის კომისიის, კონვენციების რატიფიცირების მნიშვნელობა.

👉 კონფერენცია პროფკავშირების გაერთიანების თავმჯდომარემ გახსნა. ირაკლი პეტრიაშვილმა აღნიშნა შრომის საერთაშორისო ორგანიზაციის წვლილი სოციალური დაცვის და შრომითი ურთიერთობების თვალსაზრისით გაწეულ სამუშაოში. ქვეყნის განვითარების მთავარ საფუძვლად სოციალური დიალოგის, სამმხრივი პარტნიორობის, უსაფრთხო შრომის სტანდარტების, შესაბამისი კონვენციების საერთაშორისო სტანდარტების მიხედვით, სრულყოფილად დანერგვის აუცილებლობაზე გაამახვილა ყურადღება და საქართველოს პროფკავშირების გაერთიანების მზადყოფნა დასაქმებულთა უფლებების დაცვისა და გაძლიერების გზაზე კიდევ ერთხელ დაადასტურა.

✊ ირაკლი პეტრიაშვილის ინიციატივით, სემინარის მონაწილეებმა საერთო ფოტოთი სოლიდარობა გამოხატეს თბილისში გაფიცული ,,ევოლუშენ გეიმინგის" დასაქმებულებისადმი და ამ ბრძოლაში მშრომელებს გამარჯვება უსურვეს!

✅ ქვეყნის ღირსეული შრომის პროგრამა მოიცავს ისეთი მნიშვნელოვანი საკითხების რეგულირებას, როგორიცაა: სახელფასო პოლიტიკა, გაერთიანების თავისუფლება და კოლექტიური მოლაპარაკება, ქალთა შრომა, ბავშვთა შრომა, იძულებითი შრომა, დისკრიმინაცია, ჯანმრთელობა და უსაფრთხოება სამუშაო ადგილებზე და ა.შ.

📢 სოლიდარობა "ევოლუშენ ჯორჯიაში" დასაქმებულებს!

❗იქნება სოლიდარობა, ყველაფერი გამოვა!

🔊 PERC-ის საზაფხულო სკოლის ყოველწლიურ შეხვედრაზე საქართველოს პროფკავშირების გაერთიანებამ 30-მდე ქვეყნის პროფკავშირების ლიდერებს უმასპინძლა.

👉 ღონისძიება საქართველოს პროფკავშირების გაერთიანების თავმჯდომარემ, ირაკლი პეტრიაშვილმა გახსნა.

🌎 კონფერენციაზე იმ შედეგებსა და გამოწვევებზე იმსჯელეს, რომელშიც შრომის ახალი რეალობების წინაშე PERC-ის რეგიონი დგას.

🔴 სამუშაო პირობები და მთავარი გამოწვევები, საერთაშორისო სტანდარტები, პლატფორმული დასაქმების სამყარო - მიღწევები და გამოწვევები: ეროვნული მაგალითები და გამოცდილებები, ევროკავშირის დირექტივის მნიშვნელობა პლატფორმულ სამუშაოსთან დაკავშირებით, შსო-ს სტანდარტების დადგენა უახლოეს მომავალში, იყო ის საკითხები, რომელზეც 30-მდე ქვეყნის 70-მდე პროფკავშირის ლიდერმა იმსჯელა.

👉 სიტყვით გამოვიდა PERC-ისა და ETUC-ის გენერალური მდივანი ესთერ ლინჩი. შეხვედრას მოდერირებას PERC-ის პრეზიდენტი იგორ ზუბკუ უწევდა.

🗣 მონაწილეებმა წარმოადგინეს თემატური პრეზენტაციები საკუთარი ქვეყნების მაგალითზე. გაიმართა დისკუსია. შეჯერდა პოზიციები.

👥 PERC-ის საზაფხულო სკოლის ყოველწლიური ღონისძიება 4-5 ივლისს თბილისში გაიმართა.

For English: https://gtuc.ge/en/during-the-annual-perc-summer-school-the-georgian-trade-unions-confederation-gtuc-hosted-trade-union-leaders-from-30-countries/

საქართველოს პროფკავშირების გაერთიანება ევროპის პროფკავშირების წევრი გახდა - Georgian Trade Unions Confederation საქართველოს პროფკავშირების გაერთიანება ევროპის პროფკავშირების წევრი გახდა – საკითხთან დაკავშირებით, საქართვ....

GTUC 👉 ETUC

ℹ️ https://www.etuc.org/en/pressrelease/georgian-unions-join-etuc-and-fight-workers-and-trade-union-rights-europe

Stronger together to deliver for working people in Georgia & across Europe.

Visit to Georgia: Esther Lynch met GTUC • საქართველოს პროფკავშირების გაერთიანება board and President Irakli Petriashvili.

The visit follows the recent affiliation of GTUC to the ETUC.

ℹ️ https://www.etuc.org/en/pressrelease/georgian-unions-join-etuc-and-fight-workers-and-trade-union-rights-europe

👉 პროფკავშირების წევრებისთვის ცნობიერების ასამაღლებელი სემინარები საქართველოს რეგიონებში გრძელდება.

✅ ამჯერად, ჭიათურაში, ტყიბულსა და ზესტაფონში მეტალურგთა, სამთო და ქიმიური მრეწველობის მუშაკთა პროფესიული კავშირის წევრები, დასაქმებული მეტალურგები, მაღაროელები და მეშახტეები გადამზადდნენ.

🗣 საქართველოს პროფესიული კავშირების გაერთიანების შრომის უსაფრთხოების დეპარტამენტის უფროსმა Nika Kakashvili - მა დასაქმებულებს საქართველოს ორგანული კანონი „შრომის უსაფრთხოების შესახებ“ და ტექნიკური უსაფრთხოების საკითხები სამუშაო ადგილებზე გააცნო.
გაერთიანების იურისტმა ასლან ხმალაძემ კი შრომითი უფლებების დაცვის მექანიზმები განიხილა.

✅ დასაქმებულებმა მათ სამუშაო ადგილზე არსებულ ორგანიზაციულ პრობლემებზე ისაუბრეს და კვალიფიციური რჩევა-კონსულტაციები მიიღეს.

✅ შეხვედრას, ასევე, ესწრებოდა პროფკავშირების გაერთიანების შრომის უსაფრთხოების ინსპექტორი თენგო ქუთათელაძე.

👉 წლებია, პროფკავშირების გაერთიანებისთვის ერთ-ერთი ყველაზე მნიშვნელოვანი მიმართულება დასაქმებულთა ცნობიერების ამაღლებაა. ამერიკის სოლიდარობის ცენტრის Solidarity Center მხარდაჭერით საქართველოს სხვადასხვა ქალაქში უკვე ათობით სემინარი ჩატარდა. აქტივობები მომავალშიც გაგრძელდება.

👥 22-25 ივნისს დაბა ბაკურიანში დანიელმა ექსპერტმა გაერთიანებისა და დანიის პროფკავშირების განვითარების სააგენტოს (DTDA) ერთობლივი პროექტის ფარგლებში, კოლექტიური მოლაპარაკებების ხელშეკრულების შესახებ ტრენინგების ციკლის მეორე ეტაპი ჩაატარა.

👉 ტრენინგების ციკლში საქართველოს პროფესიული კავშირების გაერთიანების დარგობრივი წევრი ორგანიზაციების წარმომადგენლები მონაწილეობდნენ.

✅ ჩატარდა ჯგუფური სამუშაოები, გაიმართა პრეზენტაციები. დანიელმა ექსპერტმა იან კოლერ ნილსენმა მონაწილეები გადაამზადა კოლექტიური მოლაპარაკებების - კოლექტიური ხელშეკრულების არსის, სარგებლისა და კოლექტიური მოლაპარაკებისთვის მომზადების შესახებ. კერძოდ, განიხილეს ისეთი მნიშვნელოვანი საკითხები, როგორიცაა:

- ეკონომიკა კომპანიის და სექტორულ დონეებზე;

- დასაქმებულთა და ხელფასების ტიპები;

- პროდუქტიულობა და პროფესიული კავშირები.

🔷 პროფკავშირების გაერთიანებამ ამერიკის სოლიდარობის ცენტრის Solidarity Center მხარდაჭერით, კვლევის: „ოჯახში ძალადობის გავლენა შრომით ურთიერთობებზე“ პრეზენტაცია გამართა.

🆘 ძალადობა და შევიწროება წარმოადგენს ერთ-ერთ უმთავრეს პრობლემასა და საფრთხეს ყველასთვის, როგორც კერძო, ასევე საჯარო სექტორში. პირი ძალადობის მსხვერპლი შეიძლება გახდეს ყველასგან და ყველგან: მათ შორის, ოჯახში, სამუშაო ადგილზე და ა.შ. ფორმები მრავალფეროვანია: ფიზიკური, ფსიქოლოგიური, ეკონომიკური, სექსუალური და ა.შ.

🔴 სამწუხაროდ, ოჯახში ძალადობის მაჩვენებელი საქართველოში ძალიან მაღალია. ძალადობა კი დიდ გავლენას ახდენს მსხვერპლის ფსიქოლოგიურ მდგომარეობაზე, მის ფიზიკურ და სექსუალურ ჯანმრთელობაზე, ღირსებაზე, სოციალურ გარემოზე, პროფესიულ განვითარებაზე, პროდუქტულობაზე...

☑️ კვლევა საქართველოში პირველად ჩატარდა და მისი მიზანია როგორც დასაქმებულების, ასევე, დამსაქმებლების ინფორმირება, თუ რა გზებით შეიძლება მოხდეს ძალადობის უარყოფითი შედეგების პრევენცია შრომით ურთიერთობაში.

📌 კვლევაში საუბარია შსო-ს 190-ე კონვენციის ,,შრომით სფეროში ძალადობისა და შევიწროების შესახებ" რატიფიცირების მნიშვნელობაზე და იმ ნაბიჯებზე, რაც სახელწმიფომ, დამსაქმებლებმა და პროფკავშირებმა უნდა გადადგან ოჯახური ძალადობის მსხვერპლის მხარდსაჭერად სამუშაო ადგილებზე.

👉 მომზადებული ინფორმაციის დახმარებით შეძლებთ მეტი გაიგოთ ძალადობის ცნებისა და ფორმების შესახებ, როგორია საქართველოსა და საერთაშორისო პრაქტიკა.როგორ უნდა ამოიცნოს დამსაქმებელმა ძალადობის მსხვერპლი დასაქმებული. რამდენად არის კანონმდებლობით რეგულირებული აღნიშნული საკითხი და რა მიმართულებით არის სამუშაო გასაწევი.

👉 აღნიშნული კვლევის პრეზენტაცია უკვე გაიმართა რეგიონებში: იმერეთი, აჭარა, სამეგრელო და არაერთი ღონისძიების ჩატარებაა კიდევ დაგეგმილი.

📌 მასალა ხელმისაწვდომია ქართულhttps://gtuc.ge/wp-content/uploads/2024/06/Domestic-Violence-GEO.pdf და ინგლისურhttps://gtuc.ge/wp-content/uploads/2024/06/eng-vers.pdf ენებზე.

❓ 🤔 რატომ აქვთ საქართველოში ქალებს კაცებზე ნაკლები ხელფასი, რომელ სექტორებში შეიმჩნევა სახელფასო სხვაობა ყველაზე მეტად და როგორ შეიძლება მოგვარდეს არსებული პრობლემა - "ბიზნესპრესნიუსის" კითხვებს საქართველოს პროფკავშირების გაერთიანების თავმჯდომარემ, ირაკლი პეტრიაშვილმა უპასუხა 👇

„საქართველოში განათლების კოეფიციენტით ქალები უფრო წინ არიან, ვიდრე კაცები - ამ დროს ქალების ხ საქართველოს შრომის კოდექსში 2020 წელს გაჩნდა ჩანაწერი, რომლის მიხედვითაც, დამსაქმებელს აქვს ვალდებულება დასაქმებ...

"ოჯახში ძალადობის გავლენა შრომით ურთიერთობებზე“ - პროფკავშირების გაერთიანების კვლევის შესახებ 👇

„ოჯახში ძალადობის გავლენა შრომით ურთიერთობებზე“ - კვლევა აჭარის საზოგადოებრივი მაუწყებელი - აჭარის ტელევიზია / რადიო აჭარა Ajara TV & Radio

🔷 საქართველოს პროფკავშირების გაერთიანებამ და რეგიონული ინიციატივების ცენტრმა "ნათელი მომავალი" პროექტი "ანტიდისკრიმინაციული პოლიტიკისა და შესაბამისი მექანიზმების ადვოკატირება იმერეთის საჯარო დაწესებულებებში" შეაჯამეს. პროექტი თვრამეტი თვის მანძილზე მიმდინარეობდა და იმერეთის 7 მუნიციპალიტეტს მოიცავდა.

👥 საინფორმაციო შეხვედრებს: პროფკავშირის ლიდერები და აქტივისტები, გენდერის საბჭოს წევრები, გენდერზე პასუხისმგებელი პირები, საკრებულოს წევრები, სამსახურების ხელმძღვანელები, მერები და საკრებულოს თავჯდომარეები ესწრებოდნენ.

🗣 "ანგარიში ცხადყოფს, რომ მიუხედავად მდგომარეობის გარკვეულწილად გაუმჯობესებისა, დისკრიმინაციის ამკრძალავი დებულებები სათანადოდ არ არის ასახული შიდა დოკუმენტებში, ძალიან დიდ პრობლემას წარმოადგენს დისკრიმინაციის პრევენციისა და მისი აღმოფხვრის პოლიტიკის დოკუმენტის არ არსებობა. ანგარიში მოიცავს რეკომენდაციებს, რომელიც მუნიციპალიტეტების მერიებმა და საკრებულოებმა უნდა გაითვვალისწინონ.“- განაცხადა საქართველოს პროფკავშირების გაერთიანების თავმჯდომარის მოადგილემ Tamar Surmava-მ.

✔️ პროფკავშირის ლიდერებმა პროექტში მონაწილეებთან განიხილეს როგორც საკანონმდებლო ბაზა, ისე, იმ ცვლილებების განხორციელების ეტაპები, რომელიც შემდგომ ადგილობრივ დონეზე უნდა აისახოს.

🔷 პროექტი, ასევე, გასვლით თემატურ ტრენინგს და პრაქტიკულ სამუშაოებს მოიცავდა.

🗣 "პროექტი ანტიდისკტრიმინაციული პოლიტიკის (თანასწორი, ძალადობისა და შევიწროებისგან თავისუფალი გარემოს) ადვოკატირება და შესაბამის სამართლებრივ დოკუმენტებში ასახვას მოიცავდა თვითმმართველობების დონეზე. შესაბამისად, ინფორმირებულობა შედეგის მისაღწევად ერთ-ერთი გზა იყო. პროექტი შესაბამისი სამსახურების წარმომადგენლების გადამზადებას ითვალისწინებდა დისკრიმინაციის ამკრძალავი კანონმდებლობისა და აღსრულების მექანიზმების შესახებ, რომლის ფარგლებშიც დაიგეგმა ტრენინგი. მთავარი მიზანი დისკრიმინაციის, გენდერული დისკრიმინაციისა და შევიწროების შესახებ საზოგადოებრივი ცნობიერების ამაღლება იყო" - აღნიშნა „რეგიონული ინიციატივების ცენტრის“ ხელმძღვანელმა Marika Vacharadze-მ.

📌 პროექტი საქართველოს სტრატეგიული კვლევებისა და განვითარების ცენტრის (CSRDG) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში მომზადდა.

https://gtuc.ge/gtuc-shexvedrebi-imereti/

https://www.interpressnews.ge/ka/article/803996-propkavshirebis-gaertianebam-da-regionuli-iniciativebis-centrma-imeretis-shvidi-municipalitetis-sajaro-moxeleebistvis-sainpormacio-shexvedrebi-gamartes

🔷 აფხაზეთის პროფგაერთიანების წევრებისთვის, პროფკავშირების გაერთიანებამ ზუგდიდსა და ქუთაისში სემინარები ჩაატარა.

🗣 საქარველოს პროფესიული კავშირების გაერთიანების შრომის უსაფრთხოების დეპარტამენტის უფროსმა ნიკა კაკაშვილმა დასაქმებულებს საქართველოს ორგანული კანონი „შრომის უსაფრთხოების შესახებ“ და ტექნიკური უსაფრთხოების საკითხები სამუშაო ადგილებზე გააცნო.
გაერთიანების იურისტებმა: ლევან ხვინგიამ და ქეთი ჩხაიძემ კი შრომითი უფლებების დაცვის მექანიზმებზე, კერძო და საჯარო სამსახურის თავისებურებების გათვალისწინებით განიხილეს.

✔️ სემინარი აქტიურად, კითხვა-პასუხის რეჟიმში მიმდინარეობდა. დასაქმებულებმა მათ სამუშაო ადგილზე არსებულ ორგანიზაციულ პრობლემებზე ისაუბრეს და ყველა კითხვაზე ამომწურავი პასუხი მიიღეს.

👉 პროფკავშირების გაერთიანებისთვის ერთ-ერთი ყველაზე მნიშვნელოვანი მიმართულება დასაქმებულთა ცნობიერების ამაღლებაა. ამერიკის სოლიდარობის ცენტრის Solidarity Center მხარდაჭერით საქართველოს სხვადასხვა ქალაქში უკვე ათობით სემინარი ჩატარდა.

🤯 სტრესი, დაღლილობა, ჩვენი ყოველდღიურობაა. იმისთვის, რომ ადამიანმა პროდუქტულად მუშაობა შეძლოს, პერიოდულად დასვენება სჭირდება.

❗️ ამიტომ, დამსაქმებელი ვალდებულია, დასაქმებულს კუთვნილი შვებულების გამოყენების უფლება კანონით გაწერილი წესების დაცვით მისცეს.

🧳 🌿 პროფკავშირების გაერთიანების მიერ, USAID Rule of Law Program I USAID სამართლის უზენაესობის პროგრამა-ის მხარდაჭერით მომზადებულ საინფორმაციო ქარდებში თქვენ შეგიძლიათ შვებულების შესახებ ყველაფერი ამოიკითხოთ.

👉 თუ თვლით, რომ თქვენი უფლებები ირღვევა, მოგვამრთეთ!