Zrobim Architects Georgia

წარმოგიდგენთ საკრამენტოში მდებარე, ჩვენ მიერ შექმნილი ინდივიდუალური საცხოვრებელი სახლის დიზაინის პროექტს. ამ ინტერიერისათვის ჩვენ შევარჩიეთ ისეთი მასალები, ფაქტურები და დახვეწილი დეტალები, რომლებიც სივრცეს ერთდროულად სძენს სიმყუდროვესა და სინატიფეს და ამავე დროს ელეგანტური ბუნებრივი მინიმალიზმის ესთეტიურ ჩარჩოებში რჩება. რას ფიქრობთ თქვენ ამის შესახებ?

პროექტირების მიმართ კომპლექსური მიდგომის საფუძველზე ჩვენ შევიმუშავებთ არა მხოლოდ გეგმარების ან ინტერიერის დიზაინის პროექტებს, არამედ ვითვალისწინებთ ლანდშაფტის სპეციფიკას და მასზე შენობის მოსარგებად საჭირო და გააზრებულ გადაწყვეტილებებს. აქ ძალიან მნიშვნელოვანია გათვალისწინებული იქნას საღამოს განათება, როგორც ერთ - ერთი მნიშვნელოვანი და წამყვანი ასპექტი დამკვეთის საკუთარ სახლთან და მის გარემო სიტუაციასთან ურთიერთქმედების კუთხით. დროის უმეტეს ნაწილს სახლში ხომ ზუსტადაც საღამოობით ვატარებთ და ის ემოციები, რომლებსაც ჩვენ ვიღებთ ლანდშაფტის განათების წყალობით, მნიშვნელოვნად განსაზღვრავს არქიტექტურის ხარისხს და მთლიანად, გარემოს.

ინტერიერი ადამიანებზე, მათი ცხოვრების წესსა და ფასეულობებზე

დამკვეთთან პირველივე შეხვედრის შემდეგ, ჩვენთვის უკვე გასაგები იყო, რომ ეს დიზაინი არ იქნებოდა გავრცელებული და სტანდარტული სურვილების ნაკრების მსგავსი. ისეთის, როგორიცაა „ჩვენ მოგვწონს ყვითელი ფერი, გააკეთეთ ჩვენს ინტერიერში რომელიმე დეტალი ყვითელი“. ამ სახლის დამკვეთებს რაიმე კონკრეტული არ სურდათ, მათ მხოლოდ გვიამბეს საკუთარი თავის შესახებ, გაგვიზიარეს თავისი ღირებულებები და ინტერესები და გვთხოვეს, აგვესახა ეს ყველაფერი დიზაინსა და სივრცის ხასიათში. საინტერესოდ, არატრივიალურად, ფუნქციურად. მაგალითად, პროექტში უჩვეულო და საინტერესო გადაწყვეტილებად გვევლინება ლითონის კედელი, რომელიც ერთმანეთისაგან მიჯნავს სასტუმრო - სამზარეულოს საერთო სივრცესა და შესასვლელის საყოფაცხოვრებო ნაწილს. ამავდროულად, სივრცეში კედლის განთავსებისას წარმოქმნილი კუთხის მობრუნების გრადუსი ემთხვევა სამზარეულოს კუნძულის განლაგების კუთხის გრადუსს. ძირითად ბლოკში ჩვენ გამოვიყენეთ სხვადასხვა ფერთა ლაქების ტექნიკა. როდესაც სხვადასხვა მონოქრომულ ფონზე ჩვენ გვაქვს ფერადი ნიუანსირებული აქცენტები და აქტიური ფაქტურები, რომელთა გამოყენებაც სივრცეს მატებს რიტმსა და ქარიზმას. თქვენ როგორ შეგრძნებებს გიჩენთ ეს პროექტი? აზრი გაგვიზიარეთ კომენტარებში.

შეხედეთ, როგორ ცოცხლდება თანდათანობით ჩვენ მიერ შექმნილი პროექტი.

ეს მეტად უჩვეულო და რთული წყობის სახლია, რომელიც შედგება ორი, ერთმანეთთან ძლიერი ურთიერთკავშირით გადაჯაჭვული მოცულობითი შენობისაგან და რომლებიც განთავსებულია ბუნებრივ რელიეფზე. ასეთი განლაგება თავის მხრივ აყალიბებს ერთგვარ კასკადს. შენობის ჩრდილოეთი ფასადი ქუჩის მხრიდან და აღმოსავლეთი ფასადი მეზობლის მხრიდან მთლიანად შესრულებულია ბეტონისაგან წმინდა ლესვის მეთოდით და მათზე დატანილია ფანჯრები მინიმალური რაოდენობით. ხოლო, სამხრეთის ფასადზე, რომელიც გადაჰყურებს მდინარეს და აგრეთვე, დასავლეთის ფასადზეც, შევხვდებით დიდი რაოდენობით პანორამულ ფანჯრებს. მათი ამგვარად განლაგების მეთოდი ხელს უწყობს სახლის შიდა სივრცის ბუნებრივად შერწყმას გარშემომყოფ ადგილობრივ გარემოსთან.

ეს არის ინტერიერი, რომლის შექმნისას ჩვენ გავაერთიანეთ ამ ქალაქის ისტორიული ასპექტები და მისი თანამედროვე არტ - ობიექტები. ხოლო, ამ ყველაფრის საფუძველი გახდა დამკვეთის სიყვარული ხელოვნებისადმი.

ახლა მოკლედ შევეხოთ ამ პროექტის ყველაზე არატრივიალურ გადაწყვეტილებებს:
✔️ე. წ. „წინსაფარზე“ გამოყენებულია ქვა დამსხვრეული ფაქტურით, რომელიც რამდენჯერმე მეორდება სხვადასხვა სათავსებში, მისაღებსა და შემოსასვლელში;
✔️სიფაქიზით შესრულებული ჭერზე დასამაგრებელი აქსესუარები;
✔️ზედაპირდამუშავებული ლითონის მასალა სამზარეულოს ავეჯის ზედაპირებად;
✔️მუსიკალური ცენტრისთვის განკუთვნილი ადგილი, შესრულებული მინაბლოკით, რომელიც მოგვაგონებს ყინულის ფიგურას.

როგორ მოგწონთ ამგვარად გადაწყვეტილი სივრცე?

სად არის რენდერი და რომელია აქედან ფოტო? კომენტარებში დაწერეთ თქვენი მოსაზრებები👇

ჩვენი მიზანი იყო TSKHNETI GARDEN - ის ინტერიერის გადაწყვეტა გამიზნულად ყოფილიყო ცივი, მინიმალისტური, არქიტექტურული და ამასთანავე, მასში შეგვენარჩუნებინა ბალანსი: ცივი ბეტონის დარბილება შევძელით ხის ფაქტურისა და თბილი განათების კომბინაციის მეშვეობით, ხოლო მკაცრი გეომეტრიული ფორმები, რბილი ფორმის ავეჯის შერწყმით. როგორ მოგწონთ ეს მეთოდი? ამ ინტერიერში რომელი დეტალი მოგწონთ ყველაზე მეტად?

ჩვენ დისანციურ რეჟიმში, ინტერნეტ სივრცეში ვადევნებთ თვალს როგორ იძენს ქალაქის მასშტაბებს და იზრდება ჩვენ მიერ გასულ წელს დაპროექტებული დასახლება🙌

უზარმაზარ ტერიტორიაზე, რომელიც ერთ დროს ცარიელ ველს წარმოადგენდა, ჩვენ მიზნად დავისახეთ, შეგვექმნა არა უბრალოდ „ქვის ჯუნგლების“ მსგავსი საცხოვრებელი დასახლება, არამედ კომფორტული საცხოვრებელი გარემო, რომელიც მრავალფეროვნებით შესაძლოა შეედაროს ისტორიულ ქალაქებს.
თქვენ გაქნებოდათ სურვილი გეცხოვრათ ასეთ დასახლებაში? მოგვწერეთ კომენტარებში.

როგორ იწყება ყველაფერი

ჩვენი ნებისმიერი დიზაინ - პროექტი, მნიშვნელობა არ აქვს, ეს იქნება მცირე ზომის ბინა, თუ 1000+ კვ. მეტრის ფართობის მქონე რეზიდენციის ინტერიერი, გაივლის ერთსა და იმავე მოსამზადებელ ეტაპებს: დამკვეთთან საინფორმაციო შეხვედრები, საინფორმაციო კითხვარების შევსება, გეგმარებითი გადაწყვეტილების შემუშავება, წინასწარი კონცეფციის ვიზუალური გამოსახულების შემუშავება, რომლის საფუძველზეც აგებულია საპროექტო დავალება. სწორედ ამ უკანასკნელზე გვინდა შევაჩეროთ დღეს თქვენი ყურადღება.

გავრცელებული შეხედულების საფუძველზე, თითქოს წინასწარი კონცეფციის ვიზუალური გამოსახულება - მხოლოდ სურათია, არ არის სწორი. იგი თავის თავში აერთიანებს პროექტის მთავარ იდეას, განწყობას, ფერთა გამასა და მასალებს, ასახავს მათ ტექსტურებს პროექტში გამოყენებული რეალური მოცულობით. წინასწარი კონცეფციის ვიზუალური გამოსახულება მანამდე გვეხმარება ინტერიერის უკეთ „შეგრძნებასა“ და გაგებაში, ვიდრე შესრულდება ინტერიერის 3 D ვიზუალური გამოსახულებები, რენდერები.

გადაფურცლეთ და ნახეთ, მასალებისა და ფაქტურების მცირე ნაწილებისაგან როგორ იბადება ჩვენი უნიკალური დიზაინერული სივრცე.

WINTERFELL ESTATE

პროექტის მთავარი მიზანი, რომლის მიღწევაც ჩვენ შევძელით, იყო: შეგვექმნა ოცნების სახლი ჩვენი დამკვეთებისთვის სამშენებლო ნაკვეთზე, რომლის უსწორმასწორო რელიეფის ნიშნულებს შორის სიმაღლეების სხვაობა 15 მეტრს წარმოადგენს და ეს ნაკვეთი მდებარეობს ულამაზესი მთის ქედზე.

აქ, ისევე როგორც აშშ - ში განხორციელებულ ყველა პროექტში, ჩვენთვის მრავალი შემზღუდველი ფაქტორი არსებობდა. ისეთები, როგორებიცაა, ნაკვეთზე შენობის განთავსების საერთო მონახაზი, ობიექტის სიმაღლე, მიწის ნაკვეთთან წვდომის მეთოდი და სხვადასხვა ადგილობრივი სამშენებლო ნორმა. მაგრამ, ყველა ამ შეზღუდვის მიუხედავად, ჩვენ მაინც მოვახერხეთ შეგვექმნა პროექტი, რომლის კონცეფცია დაფუძნებულია ამ უჩვეულო ადგილობრივ სტრუქტურაზე. ჩვენ გადავუხვიეთ ორიგინალურობას მოკლებული გეგმარებითი გადაწყვეტილებისაგან, რაც გულისხმობს გრძელ დერეფნებს და მის ორივე მხარეს განთავსებულ ოთახებს და შევქმენით რთული მრავალდონიანი ზონები მეორე სინათლით ძირითად სათავსოებში, მთავარ საძინებელსა და სასტუმრო ოთახში. ეს სივრცეები თავისი გადაწყვეტის ხერხით, უზარმაზარი პანორამული ფანჯრებისა და იქიდან გადაშლილი ხედების წყალობით, იწვევენ განუმეორებელ დადებით ემოციებს.

ირგვლივ გადაშლილი კალიფორნიის მთაგორიანი კონტექსტის გათვალისწინებით, შენობის ფასადის მოსაპირკეთებლად ჩვენ გამოვიყენეთ მხოლოდ ბუნებრივი მასალები: ფიქალი, ლითონი, ხე და ბეტონი.

1 თუ 2?

პროექტის კეთების დროს ასეთი ცვლილებები ხშირ შემთხვევაში თითქოს კადრს მიღმა რჩება, და ჩვენ წარმოგიდგენთ ხოლმე თქვენ ფინალურ ვარიანტს. თქვენ რომელი ვარიანტი უფრო მოგწონთ?
სხვათა შორის, ეს არის ჩვენი ახალი, ესპანეთში მდებარე უზარმაზარი ვილის პროექტი.

პორტუგალიაში მდებარე ამ სახლის ინტერიერის დიზაინისათვის ჩვენ ავირჩიეთ თითქმის ერთი ფერის სხვადასხვა გრადაციის ტონები. ეს ტონები ძირითადად მყუდრო და მშვიდია. ჩვენ ისეტი დეტალები გამოვიყენეთ, რომელთა არსებობა ინტერიერში მას ხდის ერთდროულად მარტივსაც და რთულსაც. ეს აღვიძებს სურვილს, დიდხანს უყურო მას, რათა უკეთ შეიგრძნოთ და აღნიშნოთ მისი ყველა მახასიათებელი, მასალებისა და ტექსტურების შერწყმა. საბოლოოდ, ჩვენ მივიღეთ ძალიან რბილი და კომფორტული სივრცე. ხომ მეთანხმებით?

როგორ გავაკეთოთ შენობის რეკონსტრუქცია, როდესაც დიდი რაოდენობით შეზღუდვებია?

აღნიშნულ პროექტში ჩვენს ამოცანას წარმოადგენდა მაღალი ხარისხის თანამედროვე, საბავშვო სათამაშო მოედნების მწარმოებელი კომპანიის ოფისის შენობისათვის წერტილოვანი რეკონსტრუქციის ჩატარება. ამასთანავე, ჩვენ შემზღუდულები ვიყავით არსებული შენობის მდგომარეობიდან გამომდინარე, მისი კონსტრუქციის არსებითად შეცვლა არ იყო შესაძლებელი. ასევე, იქ არსებული რკინიგზის ლიანდაგების გამო, რომლებიც გაყვანილია არსებული შენობის გვერდით და ადგილობრივ სატრანსპორტო კავშირს წარმოადგენს ამავე კომპანიის წარმოებისათვის.

ამისათვის, ძირითადი აქცენტი გავაკეთეთ შენობის ორიგინალური ფასადის დიზაინზე, რომელსაც სხვადასხვა ზომის ხის ფიცრებისაგან შექმნილი ზოლის წყალობით შემოაქვს მრავალფეროვნება და დინამიკა ფანჯრების ერთ ხაზზე ჩამწკრივებულ რეგულარულ განლაგებაში. ამ ფიცრებიდან ზოგიერთი მეტად გამოწეულია ფასადის კადლიდან, ხოლო, ზოგგან ნაკლებად. ამ მეთოდის გამოყენებით, განსხვავებული ზომის ერთი სახეობის მასალა გამოიყურება სხვადასხვაგვარად.

რკინიგზის ლიანდაგების მხარეს ჩვენ მივაშენეთ მინის გამჭვირვალე ერთგვარად თითქოს ჰაერში მოლივლივე მოცულობითი ნაგებობა, რომელსაც შეხვედრებისა და მოლაპარაკებებისათვის განკუთვნილი ფუნქცია აქვს. ასევე, შენობის გარშემო მოვაწყეთ დიდი რაოდენობით ტერასები, რომელთა გამოყენება შესაძლებელია როგორც სამუშაოდ, ოფისის თანამშრომელთა მხრიდან, ასევე დასვენებისათვის კომპანიის დამკვეთებისათვის.

თქვენ მოისურვებდით ასეთ ოფისში მუშაობას? კომენტარებში გაგვიზიარეთ თქვენი აზრი ამ პროექტთან დაკავშირებით.

ძვირფასო მეგობრებო, ZROBIM Architects Georgia - ს გუნდი გილოცავთ ახალ წელსა და შობას!

გისურვებთ თქვენი ყველა იდეის განხორციელებას და ხორცშესხმას. დაე, 2024 წელი იყოს მშვიდობით, სიყვარულითა და სასიხარულო მომენტებით სავსე.

ხოლო, ჩვენ როგორც ყოველთვის, კვლავაც გპირდებით არქიტექტურისა და დიზაინის თანამედროვე ხარისხიან პროექტებს.

სიყვარულით,
ZROBIM Architects Georgia

მაშ ასე, დრო მოვიდა შევაჯამოთ 2023 წლის შედეგები:
✔️ მიმდინარეობს ჩვენი ყველაზე მსხვილი პროექტების, დასახლებების, პროექტირება;
✔️ ჩვენ აქტიურად ვავითარებთ დეველოპმენტის მიმართულებას;
✔️ შევიმუშავეთ პრემიალური იახტის დიზაინი და მონაწილეობა მივიღეთ საერთაშორისო იახტ - შოუში;
✔️ ასევე, წამოვიწყეთ ჩვენი საავტორო კურსი ინტერიერის დიზაინის მიმართულებით.

და ეს ნამდვილად არ არის ყველაფერი. ახლა ჩვენთვის პროირიტეტს წარმოადგენს არა მხოლოდ პროექტების რაოდენობა, რომლებიც ისედაც ათეულობით გვაქვს, არამედ მათი ხარისხი და მასშტაბები: დასახლებები, კვარტლები, სასტუმრო კომპლექსები და ა. შ. და ჩვენ აუცილებლად გავაგრძელებთ ამ ტენდენციას შემდეგ, 2024 წელსაც!✨

მადლობა, რომ ჩვენთან ერთად იყავით ამ წლის განმავლობაში. დაე, მომავალი წელი იყოს თქვენთვის მშვიდობიანი და სიხარულით აღსავსე, ხოლო ჩვენ ჩვენი მხრიდან პირობას ვიძლევით, რომ აგივსებთ მას ხარისხიანი თანამედროვე დიზაინის შენობებით.

RE HOUSE - ეს არის რთული და საინტერესო ისტორიის მქონე პროექტი.
ამოცანა რომელიც ჩვენ წინაშე იდგა, წარმოადგენდა უკვე არსებული სახლის ნაწილობრივ რეკონსტრუქციასა და ფასადების დიზაინის ცვლილებას.
დამკვეთს სურდა უკვე არსებული გეგმარების შენარჩუნება და გაუმჯობესება და ამასთანავე, რამდენიმე მნიშვნელოვანი ზონის: აბანოს, კომუნალური ბლოკისა და ავტომობილის გადახურული სადგომის დამატება.

ჩვენ სავსებით შევცვალეთ შესასვლელის ადგილმდებარეობა და შევძინეთ მას ყველა ის საჭირო ფუნქცია, რომელიც მანამდე არ ქონდა. ამგვარად, გაჩნდა მსუბუქი კონსტრუქციის, თითქოს ჰაერში მოფარფატე გადახურვა ორი ავტომანქანისათვის, რომელშიც გათვალისწინებულია მრგვალად ამოჭრილი სივრცე ადილზე უკვე არსებული ხისათვის. ამ ხის მეშვეობით დღის განმავლობაში იქმნება შუქ - ჩრდილის თამაშით მიღებული უჩვეულოდ ლამაზი სანახაობა. ხოლო, ღამით არემარე ნათდება მასზე დამაგრებული სანათებით. ამ ხეს თითქოს გამყოფი ფუნქციაც აქვს, რადგან მის მიმდებარედ მდებარეობს სახლში შესასვლელი ცენტრალური ბლოკი. ხისგან მარჯვენა მხარეს კი კომუნალური ბლოკი და აბანოა განთავსებული.

დამკვეთისათვის არანაკლებ მნიშვნელოვანი იყო მზის სხივების, რომლებიც შენობის შიდა სივრცეში დიდი რაოდენობით აღწევდა, პირდაპირი ზემოქმედების შემცირება. თუმცა, ამასთანავე სურდა არსებული დიდი პანორამული ფანჯრების შენარჩუნება. ეს ამოცანა მარტივად დავძლიეთ ფასადზე ორი მეტრით გადმოწეული საჩრდილობლების დამაგრებით. ისინი ხელს შეუშლის შენობაში მზის პირდაპირი სხივების შეღწევას და სივრცის გადახურებას.

ჩვენი პორტფოლიოს დიდ წილს იკავებს B2B (ბიზნესი ბიზნესისათვის) სეგმენტის პროექტირება: დასახლებები კოტეჯებით, ოტელები, შოურუმები, რესტორნები და ა. შ. ასე მაგალითად, თბილისში არსებული ჰოსტელის რენოვაციის პროექტი. ჩვენ გვინდოდა, რომ სივრცე ყოფილიყო მინიმალისტური, ფუნქციური და მყუდრო, როგორც საკუთარი სახლი, ამიტომ ავირჩიეთ პრაქტიკულად მონოქრომული ფერთა პალიტრა და გამოვიყენეთ დიდი რაოდენობით ბუნებრივი შეფერილობის ხის მასალა.

ჩვენ, ასევე, უარი ვთქვით ორსართულიანი საწოლების გამოყენების იდეაზე და მათ ნაცვლად შევქმენით ცალკეული ინდივიდუალური უჯრედები, რომლებშიც ჰოსტელის სტუმრები თავს იგრძნობენ უფრო მყუდროდ და განმარტოებულად. დაწერეთ კომენტარებში როგორ მოგწონთ ჰოსტელის ასეთი ფორმატი?

ეს სახლი წარმოადგენს ლაკონური ფორმების გამოყენებით დინამიკური და ექსპრესიული არქიტექტურის შექმნის შესანიშნავ ნიმუშს.

მთელ სიგრძეზე უწყვეტი პანორამული შემინვა, კონსოლები, წინ გამოწეული ფასადის კედლები მეტი კონფიდენციალობის შესაქმნელად - ამ პროექტში ჩვენ გამოვიყენეთ ერთდროულად რამდენიმე ჩვენი საყვარელი არქიტექტურული მეთოდი. ხოლო, მისი ერთ - ერთი უნიკალური ხერხია - ქვაზე დაყრდნობილი გადახურვა. აქ გვხვდება კიდევ ერთი გამორჩეული დეტალი - ეს არის მეორე სართულის საყრდენი კონსოლი, რომლის არსებობა ქმნის ვიზუალურ ილუზიას, თითქოს შენობა უფრო დიდი და მოცულობითია.

ეცადეთ გამოიცნოთ ამ სახლის ფართობი და შემდეგ დაწერეთ კომენტარებში👇

ჩვენ შემოგთავაზებთ ტოპ 5 არგუმენტს სამზარეულოს კუნძულის უპირატესობის წარმოსაჩენად:

1. როდესაც სამზარეულოში მოწყობილია სამზარეულოს კუნძული, იგი საშუალებას იძლევა საჭმლის მომზადების პროცესში, ზურგით დგომის გარეშე, უწყვეტი კომუნიკაცია აწარმოო ოჯახის იმ წევრებთან რომლებიც იმყოფებიან საერთო ოთახში;
2. სამზაეულოს კუნძულის შემადგენლობაში შესაძლებელია შედიოდეს სადილებისა და სწრაფი კვების მომზადებისათვის განკუთვნილი ზონა, რომელიც გამოყოფილია ძირითადი სასადილო ზონისაგან;
3. სამზარეულოს კუნძულის საშუალებით სამუშაო ზედაპირები დიფერენცირებულია: შესაძლოა ჩვენ გვქონდეს სამზარეულოს ხაზოვანი მონაკვეთი, რომელიც განკუთვნილია ერთგვაროვანი და ძირითადი საქმიანობის განხორციელებისთვის, კუნძული - სხვა დანიშნულებისათვის და ასევე მესამე - ზონა კარადებით. ამგვარად ჩამოყალიბდა კომფორტული სამკუთხა სივრცე მოსახერხებელი ურთიერთქმედებისათვის;
4. სამზარეულოს კუნძულმა შესაძლოა გააერთიანოს სამზარეულოს საკმაოდ მრავალფეროვანი ფუნქციური დეტალი: ჭურჭლის სარეცხი ნიჟარა, გაზქურა, ჩაშენებული ტექნიკა, მრავალრიცხოვანი სათავსები და ა. შ;
5. სამზარეულოს კუნძული შეიძლება სივრცეში ზონირების ელემენტადაც მოგვევლინოს. იგი აფიქსირებს სად იწყება და მთავრდება სამზარეულო, და ასევე, ზოგჯერ გამოიყენება სამზარეულოს ტექნიკურ, არც თუ ისე ესთეტიური ნაწილის დასაფარადაც.

თქვენ მოგწონთ სამზარეულოს კუნძულები?

ამ დიდი კერძო სახლის პროექტი განთავსებულია საქართველოს მშვენიერ ზღვისპირა ქალაქ ქობულეთში.

სახლის საერთო ფართი - თითქმის 700 კვადრატული მეტრია. სახლი სამ სართულად არის წარმოდგენილი და მასში შედის საძირკვლის სართულიც, საიდანაც პირდაპირ ზღვაზე გასვლაა შესაძლებელი. ჩვენ გამოვიყენეთ სახლის ადგილმდებარეობის უპირატესობა და პროექტში გავითვალისწინეთ დიდი რაოდენობით ტერასები: პირველ დონეზე იგი გვხვდება ბარბექიუსათვის გამოყოფილი ზონით, ხოლო, მეორე დონეზე იგი მთელ სიგრძეზე მიუყვება საძინებლებს. ასევე, ქვედა დონის გადახურვის შედეგად წარმოქმნილია სახლის პირმაღზე გასასვლელი, რომელიც ტერასებს შორის ყველაზე დიდია, აქედან იშლება ზღვის ულამაზესი ხედი. მიუხედავად ზღვის სანაპიროსთან სიახლოვისა, დამკვეთის სურვილი იყო ჰქონოდა საკუთარი აუზი. ამიტომ, ჩვენ დავაპროექტეთ დიდი აუზი გარშემო კანტის გარეშე, რომლის დანახვისას იქმნება ილუზია, თითქოს აუზის წყალი ერწყმის ზღვისას.

მოდით, ახლა ვისაუბროთ ატრიუმების შესახებ✔️
ზოგადად სიტყვა „ატრიუმი“ არის ლათინური წარმოშობის და ნიშნავს მაღალ და ვრცელ სათავსს, რომელიც მდებარეობს შენობის ცენტრში ან მის გასასვლელ ნაწილში.

არქიტექტორის სახლში ატრიუმი განთავსებულია სახლის ცენტრალურ ნაწილში. ატრიუმის ცენტრში ამოზრდილია ცოცხალი ხე (თხილის ნაირსახეობა). წელიწადის დროების ცვლილებების მიხედვით, საინტერესოა მისი სახეცვლილების შემჩნევა: შემოდგომაზე ფოთოლცვენა, ზამთარში ფოთლების გარეშე შიშველი ტოტები, რომლებიც შემოსილია ფანტელებისაგან წარმოქმნილი თოვლის ქულებით, გაზაფხულზე გაბერილი კვირტებითა და ხასხასა მწვანე ფოთლებით ზაფხულობით. ამ ინტერიერში ატრიუმი განსაკუთრებულ ატმოსფეროს ქმნის და ერთგვარად ბუნებრივი ოაზისის როლსაც ასრულებს. სახლის ეს დეტალი ინტერიერის ყველა ნაწილიდან ერთნაირად კარგად აღიქმება.

ეს არის უნიკალური პროექტი, რომელშიც პრაქტიკულად არანაირი შეზღუდვა არ გვქონდა - აქ არ არიან მეზობლები, ახლომახლოს არ არის გზატკეცილები და სახლის სიახლოვეს არ დადიან მანქანები.
სახლი მდებარეობს ნაკვეთზე, რომელზეც დამკვეთი ეწევა სასოფლო-სამეურნეო მნიშვნელობის საქმიანობას. ამასთანავე, სახლის დამკვეთი უკვე ცხოვრობს იქ კლასიკური ხმელთაშუა ზღვის სტილის სახლში, რომელსაც აკრავს ულამაზესი სიმეტრიული ბაღი. სწორედ ეს სიმეტრია და ღია სივრცეები მობეზრდა მას და სურვილი გაუჩნდა, მისი გარემო შეცვლილიყო და გამხდარიყო უფრო ჩაკეტილი, განმარტოებული და მყუდრო. ასე გაჩნდა სახლის კონცეფცია, რომელიც თავად არის კედელიც და ღობეც და ზოგადად, საკუთარი მაცხოვრებლებისათვის იგი არ გამოიყურება მეტისმეტად პომპეზურად.
სახლი დაყოფილია 4 ფუნქციურ ბლოკად, რომელთა მეშვეობითაც იქმნება პატარა შიდა ეზო - პატიო, სადაც შევხვდებით აუზს, ბარბექიუსათვის გამოყოფილ ადგილსა და მცირე ზომის ბაღს. შენობის პირველ ბლოკში განთავსებულია, საკუთარი ცალკე შესასვლელით, საცხოვრებელი ბინა პერსონალისათვის და ტექნიკური დანიშნულების ნაგებობა.
შემდეგი ბლოკი წარმოადგენს საერთო სივრცისა და მასტერ - ბლოკის სიმბიოზურ შერწყმას. ამავე ბლოკის მიმდებარედ არის ერთგვარი სადამკვირვებლო კოშკი, რომელსაც ზედა დონეზე გააჩნია დასასვენებელი ზონა. ეს ნაგებობა ალბათ თავისუფლად შეიძლება ჩაითვალოს სახლის ყველაზე უჩვეულო ნაწილად. მესამე ბლოკი - ეს არის სასტუმრო ბლოკი, რომელშიც გაერთიანებულია სტუმრებისათვის განკუთვნილი საძინებლები და ბოლოს, დამაგვირგვინებელია დამოუკიდებელი სპა პროცედურების ბლოკი.
სახლი ერთსართულიანია, მაგრამ ძირითადი ზონების თავზე, სადაც გვსურდა შეგვექმნა მეტი განათება და საინტერესო სივრცე, სახურავების ნიშნულები ავწიეთ. ასეთ სივრცეებში გამოვიყენეთ დახრილი სახურავები და ეგრეთწოდებული ფანარი - ფანჯრები, რომლებიც ძალიან საინტერესოა ინსოლაციის თვალსაზრისით და უზრუნველყოფს შენობათი დღის განმავლობაში მზის შუქისა და სითბოს მაქიმალურად გამოყენებას.

ეს არის ინტერიერი, რომლის სტილის გადაწყვეტაზე მნიშვნელოვანი როლი ითამაშა არქიტექტურულმა კომპოზიციამ. აქ ჩვენთვის მნიშვნელოვანი იყო, სწორად განგვესაზღვრა ვიზუალური ღერძისა და კვანძების აღქმა. ჩვენ მივაღწიეთ ასეთ ეფექტს მრგვალი, რადიუსიანი ელემენტების გამოყენებით. ამ შემთხვევაში შთაგონების წყაროდ იქცა Apple-ის ლოგოტიპი. მისი ფორმები და სიმრგვალეები გამოვიყენეთ საწყის ბაზად, მრუდები დავშალეთ გრაფიკული დიზაინის ელემენტებად, განვიხილეთ და გამოვიყენეთ კონკრეტული სივრცის დიზაინში. თუ როგორი შედეგი მივიღეთ, შეგიძლიათ იხილოთ ფოტოებზე. როგორ ფიქრობთ, იმსახურებს იგი მოწონებას?

დღეს გვინდა მოგიყვეთ ჩვენი პროექტის MULTI RESIDENCE - ის შიდა ეზოს კეთილმოწყობის კონცეფციის შესახებ. ჩვენ გვინდოდა მთელი ყურადღება იმ ვიზუალურ აქცენტებზე გადაგვეტანა, რომლებზე დაკვირვებაც შესაძლებელი იქნება შენობის ინტერიერიდან. ჩვენთვის მნიშვნელოვანი იყო, რომ ძირითადი ყურადღება გამახვილებული ყოფილიყო ცენტრალურ ვიზუალურ ღერძზე, რომელიც ვირტუალურად გაივლის სასტუმრო ოთახზე, ეზოზე, მთლიანი ნაკვეთის ქვედა მხარესა და წყალსაცავზე. ამასთანავე, საჭირო იყო შთამბეჭდავი ხედების შექმნა ეზოს სხვა ზონებშიც. ამიტომ, აქ ვიხილავთ გადასაადგილებელ, მოძრავ თასს კოცონისათვის, ოთხი სხვადასხვა ფაქტურის ხისაგან აწყობილ კომპოზიციას. ნაკვეთის ამ ნაწილში მნიშვნელოვანი ელემენტია აგრეთვე წყლის საგუბარი, რომელიც მოჩანს ბუხრიანი ოთახის ფანჯრებიდან და რომელიც ეზოს საერთო სივრცეში ქმნის წყლის სასიამოვნო კასკადს. რა აზრის ხართ ლანდშაფტის დიზაინის ამგვარ გადაწყვეტაზე?

ამ ინტერიერის შექმნის პროცესში ჩვენ გვინდოდა ხაზი გაგვესვა, იმისათვის, თუ რამდენად ხელშესახები და მრავლფეროვანია ბუნებრივი მასალები. ამავდროულად, მნიშვნელოვანი იყო დეტალებს შორის ჰარმონიული კავშირების შენარჩუნება. ამისათვის, მთავარი აქცენტი ფერებისა და ტექსტურების გამოყენებით გაკეთდა ძირითად სივრცეზე. ასეთი მეთოდის საშუალებით დეტალურად გამოიკვეთა სათავსის მინიმალისტური ხასიათი.

საერთო სივრცის ერთ - ერთი უჩვეულო ელემენტია შეკიდული სამზარეულო. პირდაპირ მის ზემოთ ჩვენ განვათავსეთ ტელევიზორი, მოძრავი პანელის გვერდით, რათა აუცილებლობის შემთხვევაში, ამ ზონაში შენარჩუნებული ყოფილიყო მინიმალისტური სტილი. იმედია, თქვენთვისაც საინტერესოა ეს მონოქრომული ინტერიერი და მოიწონებთ მას.

დღევანდელ რეალობაში რთულია წარმოიდგინო კომფორტული თანამედროვე სტილის სახლი ტერასის გარეშე. გარდა იმისა, რომ იგი როგორც არქიტექტურული ელემენტი, ატარებს ესთეტიკურ დატვირთვას, ტერასას გააჩნია მნიშვნელოვანი გამაერთიანებელი როლი ინტერიერს, ექსტერიერსა და ბუნებას შორის. ტერასა შეიძლება შესრულებული იყოს სხვადასხვაგვარი მასალისაგან, შესაძლებელია შეგვხვდეს გადახურული ან ღია, მაგრამ ჩვენ მიგვაჩნია, რომ იგი აუცილებლად უნდა გააჩნდეს ჩვენს სახლს.

კომენტარებში ხმა მიეცით იმ ვარიანტს, რომელიც თქვენ ყველაზე მეტად მოგწონთ 👇🏻

ჩვენ გიზიარებთ ჩვენი დასრულებული პროექტის KA APARTMENT - ის ფოტოებს. ეს არის ინტერიერი, სადაც ერთმანეთში ჰარმონიულადაა შერწყმული თანამედროვე მინიმალიზმისა და კლასიკური დიზაინის ელემენტები, რთული ფორმების მქონე დეკორატიული დეტალების დიზაინთან.

ეს ბინა მდებარეობს ქალაქის ისტორიულ ნაწილში. ამიტომ, თავდაპირველი მონაცემები აქ იყო მაღალი ჭერი, დანგრეული აივანი და იმ დროისათვის გავრცელებული სათავსების სტანდარტული განლაგება, განცალკევებულად არსებული მცირე ზომის სამზარეულო და პატარა ოთახები. აქედან გამომდინარე, მთავარი დიზაინერული ამოცანა იყო არა მხოლოდ სივრცის ესთეტიურად მოწესრიგება, არამედ კომფორტული და ფუნქციური საცხოვრებლის შექმნა ახალგაზრდა წყვილისათვის. თქვენ როგორ ფიქრობთ, ჩვენ ეს გამოგვივიდა?

ინდივიდუალური საცხოვრებელი სახლის 2023 წლის საუკეთესო პროექტი (აღმოსავლეთ ევროპაში) - ასეთი ჯილდო დაიმსახურა სახლმა, რომლის არქიტექტორი ჩვენი სახელოსნოს ერთ - ერთი თანადამფუძნებელია.

ამ სახლის პროექტირება და მშენებლობა მიმდინარეობდა 4 წლის განმავლობაში და დასრულებისთანავე მიიღო ასეთი წოდება ინგლისში გამართულ კონკურსში Build awards.

მადლობა ყველა მათგანს, ვინც თვალს ადევნებდა აღნუშნული პროექტის განხორციელების პროცესს. ჩვენ პირობას ვდებთ, რომ მომავალში კიდევ უფრო მნიშვნელოვან პრიზებს მივიღებთ!

ამ ორიდან რომელი ვარიანტია თქვენთვის უფრო მისაღები?

ორივე მათგანი ჰარმონიულად ეწერება რელიეფურ ლანდშაფტში, ორივე სათითაოდ გამოხატავს ქართული არქიტექტურის ესთეტიკას და თითოეულს გააჩნია საკუთარი ინდივიდუალური იდეა.

პირველი ვარიანტი KAKHETI RETREAT – ერთგვარი ღია გეგმარების პროექტია, რომლის გარე მოპირკეთება შესრულებულია ძველი აგურით, ხოლო მისი იერ - სახე ქართული არქიტექტურის ავთენტურია.

მეორე ვარიანტი - TSKHNETI GARDEN - უფრო მეტად თანამედროვე შენობაა. იგი წარმოდგენილია მინიმალისტური არქიტექტურის სტილში. მასში ხაზგასმულია ხის პანელებისა და ფანჯრის ბლოკებისაგან შექმნილი მხატვრული ხერხები.

ახლა ჩვენ მიმოვიხილოთ ZROBIM architects - ის სტილი საქართველოსთვის შექმნილ არქიტექტურაში.

როგორ უცნაურადაც უნდა მოგეჩვენოთ, მთავარი საიდუმლო - ეს არის პროფესიონალური მიდგომა საშენი მასალების არჩევისას და მათი ერთმანეთთან შერწყმის რთული კომბინაციები.

ქართველებს ურჩევნიათ მუქი ფერები. ხშირად ისეთი, როგორიცაა გაჯერებული შავი. სახლი ასეთი ტონალობით გამოიყურება უფრო ელეგანტურად და გადასარევად ეწერება ქართულ ბუნებრივ პეიზაჟში.

საშენ მასალებზე მუშაობის პროცესში არქიტექტორები ყოველთვის ბუნებრივობისკენ იხრებიან. არჩევენ აგურს, რომელიც დამზადებულია ადგილობრივი თიხისაგან, ან დაუმუშავებელ ხის მასალას.

მნიშვნელოვანია ყურადღების გამახვილება სახლების გეომეტრიულ ფორმებზე. მათი კონფიგურაცია მნიშვნელოვანწილად განპირობებულია ადგილობრივი ლანდშაფტისა და რელიეფის თავისებურებებზე. ასევე, ყურადსაღებია სახლის პატრონის სურვილი, სახლს ქონდეს საუკეთესო ხედები ქალაქსა და მის შემოგარენზე.

თქვენ როგორ ხედავთ ქართულ მოტივებს არქიტექტურაში?