თბილისის ქართულ-ამერიკული სკოლა • Georgian-American School of Tbilisi

🥋ტაეკვანდოს კლუბი GAST-ელების ერთ-ერთი საყვარელი სპორტული აქტივობაა, რომელიც ფიზიკურ ჯანმრთელობასთან ერთად ხელს უწყობს კოგნიტურ განვითარებასაც და სტრესის მართვას.

🇰🇷 თბილისის ქართულ-ამერიკულ სკოლაში არსებული ყველა კლუბი სწავლის საფასურში შედის. ყოველ სემესტრში ეტაპობრივად ახალი კლუბები ემატება და კლუბების არჩევანი უფრო მრავალფეროვანი იქნება.

#შენიწარმატებაიწყებააქ #ტაეკვანდო

📚თამაშის, როგორც სწავლების მეთოდის გამოყენება, სასწავლო პროცესს ბევრად უფრო საინტერესოს, სახალისოს და შედეგზე ორიენტირებულს ხდის. ამაში ჩვენი მოსწავლეები თავად დარწმუნდნენ. რუსული ენის მასწავლებელმა მათთვის სხვადასხვა სახალისო საგანმანათლებლო აქტივობა დაგეგმა.

🔸მე-7 კლასელებმა ქვესთი ითამაშეს. მათ სკოლის ტერიტორიაზე დამალული მინიშნებებით სხვადასხვა ლექსიკური დავალება შეასრულეს. მე-4, მე-5 და მე-6 კლასელებმა კი ცხოველებისა და ფრინველების ნასწავლი სახელები ზოოპარკში ამოიცნეს და პრაქტიკული სავარჯიშოები გააკეთეს.

🚀აღნიშნული სწავლების მეთოდი ხელს უწყობს უცხო ენაზე წერა-კითხვისა და ლაპარაკის უნარ– ჩვევების გარდა, ლოგიკური აზროვნებისა და გუნდური მუშაობის უნარების განვითარებას.

#შენიწარმატებაიწყებააქ

🎓🎉 ვულოცავთ ბათუმის ქართულ-ამერიკული სკოლა. Georgian-American School of Batumi-ის მე-12 კლასელებს სკოლის დამთავრებას და წარმატებებს ვუსურვებთ სწავლის გაგრძელების ახალ ეტაპზე! 👏

👩‍🎓🧑‍🎓 გვეამაყებით და გვეიმედებით 🫶

✨მადლობა Eco - Logic / ეკო - ლოგიკა -ს სტუმრობისთვის და საინტერესო პრეზენტაციისთვის! ყველამ ერთად უნდა ვიზრუნოთ გარემოზე 🍀🌱🐢🐛🌳

🤸🏻‍♀️🤸‍♂️სულ რამდენიმე თვეა რაც GAST-ელი გოგოები მხატვრული ტანვარჯიშის წრეს შეურთდნენ და შედეგით უკვე გაგვაოცეს!

🔹 მხატვრული ტანვარჯიში აერთიანებს სპორტის, აკრობატიკისა და ქორეოგრაფიის ელემენტებს, რაც ავითარებს ელასტიურობას და ხელს უწყობს ბავშვის ჯანმრთელობას.

🔸 ჩვენი სკოლის პარტნიორია Valentina Kuzmidi's High School of Gymnastics

🔹ჩვენს სკოლაში მშობლებს კლუბურ აქტივობებში დამატებითი საფასურის გადახდა არ უწევთ. ყველა წრე სწავლის საფასურში შედის.

#შენიწარმატებაიწყებააქ #მხატვრულიტანვარჯიში

ქრისტე აღდგა! გილოცავთ აღდგომის ბრწყინვალე დღესასწაულს!

ნახატი: სააღდგომო ბატკანი, ნიკო ფიროსმანი

🐇🥙პირველკლასელებისთვის სააღდგომო კვერცხებზე ნადირობა (Easter Egg Hunt) გაიმართა. პატარებს სხვადასხვა მინიშნებებით სკოლის ეზოში მიმოფანტული ფერადი კვერცხები უნდა ეპოვათ.

🎨🥚კვერცხების ნაწილი მანამდე თავად მოხატეს.

#შენიწარმატებაიწყებააქ

📚,,წაიკითხეთ წიგნები, უკეთესად იქნებით.” GAST-ელებს სჯერათ ამ სიტყვების და ეს დღეს საქმითაც დაამტკიცეს. წიგნის დღესთან დაკავშირებით ერთმანეთს წიგნები აჩუქეს და არდადეგებზე წაკითხვის პირობაც ჩამოართვეს.

📒📕 1995 წელს UNESCO-მ 23 აპრილი წიგნისა და საავტორო უფლებების საერთაშორისო დღედ გამოაცხადა, საქართველოში კი 2019 წლიდან წიგნის ჩუქების დღედ დამკვიდრდა.

📆 თარიღი საგანგებოდ შეირჩა, რადგანაც 23 აპრილი, მსოფლიო ლიტერატურის ორი უდიდესი წარმომადგენლის, უილიამ შექსპირისა და მიგელ დე სერვანტესის გარდაცვალების დღეა.

#შენიწარმატებაიწყებააქ #წიგნისდღე

🗓️🌏 22 აპრილს ყოველწლიურად მსოფლიოს მასშტაბით დედამიწის დღე აღინიშნება. 1970 წელს დაწყებული კამპანიის მიზანია გარემოს დაცვასთან დაკავშირებით პლანეტის მოსახლეობის ცნობიერების ამაღლება.

🌳👩‍🏫GAST-ში ვზრუნავთ იმაზე, რომ სასწავლო პროცესის ყველა საფეხურზე ისწავლებოდეს გარემოსდაცვითი საკითხები, რათა ჩვენი მოსწავლეები ეკომეგობრულები იყვნენ და იზრუნონ ბუნებაზე. დედამიწის დღესთან დაკავშირებით მასწავლებლებმა სხვადასხვა საინტერესო საგანმანათლებლო აქტივობა მოამზადეს.

🇺🇳🌎გარემოს დაცვა გაეროს მდგრადი განვითარების მიზნებშიცაა გაწერილი. გაეროს წევრი ქვეყნები შეთანხმდნენ, რომ 2030 წლისთვის მდგრადი მომავლის მისაღწევად აუცილებელია დავიცვათ დედამიწის ეკოსისტემები და შევინარჩუნოთ ბიომრავალფეროვნება, შევამციროთ კლიმატის ცვლილება და მისი ზეგავლენა, ასევე ეფექტიანად გამოვიყენოთ ნარჩენები.

#შენიწარმატებაიწყებააქ #ერთადვიზრუნოთგარემოზე

🥋🇰🇷 🇬🇪ტაეკვანდოს კლუბის V, VI და VII კლასის მონაწილეები ერთი საფეხურით დაწინაურდნენ და თეთრის შემდეგ ყვითელი ქამრები მოიპოვეს. ვულოცავთ მათ ამ წარმატებას!

🟡 ყვითელი ქამარი ასოცირდება მზესთან და სითბოსთან, სითბო - ენერგიასთან, ენერგია კი სიცოცხლესთან.

🥋 ტაეკვანდოს კლუბის არჩევა ჩვენს მოსწავლეებს პირველი კლასიდანვე შეუძლიათ. შეგახსენებთ, რომ თბილისის ქართულ-ამერიკულ სკოლაში ყველა კლუბი: სპორტული და შემეცნებით-საგანმანათლებლო, სწავლის საფასურში შედის.

#შენიწარმატებაიწყება #ტაეკვანდო

📚არაფორმალური განათლება საგანმანათლებლო პროცესის უმნიშვნელოვანესი ნაწილია. მოსწავლეები სახალისო და საინტერესო აქტივობებში მონაწილეობით იძენენ ცოდნასა და სოციალურ-კულტურულ უნარებს.

🏰სწორედ ამ მიზნით დაწყებითი საფეხურის მოსწავლეები ხელოვნების სასახლეს ესტუმრნენ. GAST-ელები გაეცნენ მუზეუმის დაარსების ისტორიას, დაათვალიერეს საგამოფენო დარბაზები, სადაც წარმოდგენილია მუზეუმში დაცული ხელოვნებისა და კულტურის ექსპონატები და კოსტიუმების კოლექცია ცნობილი ქართული კინოფილმებიდან და თეატრალური წარმოდგენებიდან.

🥙მუზეუმის ტურის დასრულების შემდეგ მოსწავლეები აღდგომის ბრწყინვალე დღესასწაულთან დაკავშირებულ საინტერესო ტრადიციებსა და წეს-ჩვეულებებს გაეცნენ და საკუთარი ხელებით სააღდგომო კრავები დაამზადეს.

🐑კრავი აღდგომის ყველაზე ლამაზი და ბედნიერი სიმბოლოა. ძველ საქართველოში სჯეროდათ, რომ ოჯახს ის კეთილდღეობასა და ღვთის მფარველობას მოუტანდა.

#შენიწარმატებაიწყებააქ

📅 14 აპრილი ქართული ენის სახელმწიფო ენად შენარჩუნების დღეა!

🇬🇪 ✊1978 წელს საბჭოთა კავშირის ხელისუფლებამ მოკავშირე რესპუბლიკებში, მათ შორის საქართველოშიც, სახელმწიფო ენად რუსულის გამოცხადება გადაწყვიტა, რასაც თბილისში მასობრივი საპროტესტო აქციები მოჰყვა. ზუსტად 46 წლის წინ რუსთაველის გამზირზე იდენტობის შესანარჩუნებლად შეკრებილმა 100 ათასამდე ადამიანმა აიძულა კომუნისტური რეჟიმი უკან დაეხია.

📖 აუცილებელია, მომავალმა თაობამ იცოდეს, რა გზა განვლო დედაენამ და ახსოვდეს ილია ჭავჭავაძის ეს სიტყვები:

🎊 💜პირველკლასელებმა ,,ანისა” და ,,ბანის” სამყაროში 8-თვიანი მოგზაურობა დაასრულეს. უფრო მეტიც, ისინი პირველი სერტიფიკატებითაც დაჯილდოვდნენ.

📣💟 უკვე თამამად შეგვიძლია ვთქვათ, რომ ჩვენმა პირველკლასელებმა ქართულად წერა-კითხვა იციან! ეს ფაქტი კი დედა ენის დღესთან დაკავშირებით საზეიმოდ აღვნიშნეთ.

#შენიწარმატებაიწყებააქ #დედაენა

🇬🇪 ✊მადლობა 9 აპრილს დაღუპულ გმირებს თავისუფლებისთვის!

📅 35 წლის წინ ამ დღეს საბჭოთა სამხედრო ძალები სასტიკად გაუსწორდნენ რუსთაველის გამზირზე საქართველოს თავისუფლებისა და დამოუკიდებლობისათვის დასაცავად შეკრებილ მშვიდობიან მოქალაქეებს. დაიღუპა 21 ადამიანი, მათ შორის იყვნენ ქალები და არასრულწლოვანები. დარბევის შედეგად მძიმედ დაშავდა და მხუთავი გაზით მოიწამლა ათასობით ადამიანი.

🇬🇪 სიმბოლურად, ტრაგედიიდან მეორე წლისთავზე, 1991 წლის 9 აპრილს, საქართველოს უზენაესმა საბჭომ ზვიად გამსახურდიას მეთაურობით საქართველოს დამოუკიდებლობის აქტი მიიღო.

#მადლობათავისუფლებისთვის #დიდებაგმირებს

🤼‍♀️🤾‍♀️სპორტის დღესთან დაკავშირებით სპორტული შეჯიბრი ,,მხიარული სტარტები“ ჩატარდა. GAST-ელები რამდენიმე კვირის განმავლობაში სპორტის გაკვთილებზე ემზადებოდენენ აღნიშნული შეჯიბრისთვის და მოუთმენლად ელოდნენ ამ დღეს. მათი განწყობა მასწავლებლებისთვისაც გადამდები აღმოჩნდა და ისინიც სპონტანურად ჩაერთვნენ აქტივობაში.

📆 6 აპრილი სპორტის საერთაშორისო დღედ გაეროს გენერალურმა ასამბლეამ 2013 წელს გამოაცხადა. ამ ინიციატივის მიზანია სპორტის საშუალებით მშვიდობის დამკვიდრება და განვითარების ხელშეწყობა. თარიღი სიმბოლურად 1896 წლის 6 აპრილს საბერძნეთის დედაქალაქ ათენში თანამედროვეობის პირველი ოლიმპიური თამაშების ოფიციალურ გახსნას დაუკავშირეს.

#შენიწარმატებაიწყებააქ

📣👩‍🏫თუ ხართ მასწავლებელი და გსურთ პოზიტიურ გარემოში მუშაობა, სადაც ურთიერთპატივისცემა და გუნდურობა მთავარი პრინციპია, მაშინ არ გამოტოვოთ ეს შესაძლებლობა და შემოუერთდით ჩვენს გუნდს!

📌თბილისის ქართულ-ამერიკულ სკოლაში ამჟამად რამდენიმე მიმდინარე ვაკანსია გვაქვს. დეტალური ინფორმაცია იხილეთ შემდეგ ბმულზე:
👉https://jobs.ge/ge/?view=client&client=%20georgian-american-school-of-tbilisi

🚀თბილისის ქართულ-ამერიკული სკოლა 2023 წელს დაფუძნდა. საგანმანათლებლო პროცესი ეფუძნება საერთაშორისო სტანდარტებს და ორიენტირებულია სასკოლო საზოგადოებისა და მოსწავლეების პოტენციალის მაქსიმალურ გამოვლენასა და განვითარებაზე.

🏫 ახლადაშენებული კამპუსი აეროპორტის გზატკეცილზე რეკრეაციულ ზონაში მდებარეობს.

🌍 www.gast.edu.ge

#შენიწარმატებაიწყებააქ #ვაკანსია

🎭 თეატრის საერთაშორისო დღესთან დაკავშირებით ჩვენი სკოლის ხელოვნების კლუბის მონაწილეებმა თექის ნამუშვრები შექმნეს, რომელიც ელენე ახვლედიანის სახელობის ბავშვთა სურათების გალერეაში გამოიფინა.

🚀 თბილისის ქართულ-ამერიკულ სკოლაში არსებული სპორტული და შემეცნებით-საგანმანათლებლო კლუბები მოსწავლეების მრავალფეროვან ინტერესებზეა გათვლილი და ეხმარება მათ სკოლიდან გაუსვლელად დაკავდნენ საყვარელი აქტივობებით.

#შენიწარმატებაიწყებააქ #თეატრისდღე

🏆 გვსურს სიამაყითა და სიხარულით გაგიზიაროთ ჩვენი მე-3 კლასელი მოსწავლის ალექსანდრე ცანავას წარმატება! მან ერთდროულად რამდენიმე ჯილდო მოიპოვა:

🥇სამი ოქროს მედალი კინგსის 2023 წლის გაზაფხულის სეზონზე მათემატიკაში, ინგლისურსა და ქართულ ენებში.
🥈ვერცხლის სიგელი მათემატიკური ოლიმპიადა ,,ევერესტის“ 2023 წლის საშემოდგომო სეზონის ,,ოქროს ათეულში“ მოხვედრისათვის.

🤝ალექსანდრეს წარმატება პირადად მიულოცეს სკოლის დირექტორმა ირაკლი მანელიძემ, დირექტორის მოადგილემ მაია კუბეტოვამ, ხარისხის უზრუნველყოფის მენეჯერმა ლია კობესაშვილმა და კლასის დამრიგებელმა მაია გელაშვილმა.

🚀თითოეული GAST-ელის წარმატება, ჩვენი წარმატებაცაა!

#შენიწარმატებაიწყებააქ #კინგსი #ევერესტი

⚽️ 🇬🇪 ✊ ვულოცავთ საქართველოს ეროვნულ ნაკრებს, ფეხბურთის გულშემტკივრებსა და სრულიად საქართველოს ისტორიაში პირველად ევროპის ჩემპიონატზე გასვლას!

#ჩვენვართევროპა #მადლობაბიჭებს

🎗 ჩვენთან მეგობრები ქრომოსომებს არ ითვლიან!

🧦 GAST-ის მასწავლებლებმა დაუნის სინდრომის მქონე პირთა მიმართ არსებული სტიგმებისა და სტერეოტიპების დამსხვრევის მიზნით ბავშვებს სხვადასხვა აქტივობა შესთავაზეს.

👶მსოფლიოში ყოველი 800-დან 1 ბავშვი დაუნის სინდრომით იბადება, რაც გენეტიკური ცვლილებითაა განპირობებული, რომლის დროსაც ადამიანს ნაცვლად 46 ქრომოსომისა, აქვს დამატებით ერთი ქრომოსომა 21-ე წყვილში, რასაც 21-ე წყვილის ტრისომია ეწოდება. აღნიშნული სინდრომი 1866 წელს ბრიტანელმა მეცნიერმა ჯონ ლენგდონ დაუნმა აღწერა.

💚დაუნის სინდრომი არც მემკვიდრეობითია და არც გადამდები.

💙დაუნის სინდრომის მქონე ადამიანებს "მზის შვილებსაც" უწოდებენ, რადგან არიან გამორჩეულად გულღია, კეთილგანწყობილი, თბილი, მზრუნველი და ჭკვიანი ადამიანები.

🧦ამ სინდრომის ერთ-ერთი აღმნიშვნელი სიმბოლო ჭრელი, სხვადასხვა ფერის წინდაა, რომელიც ქრომოსომის ფორმას იმეორებს.

#ერთადდავასრულოთსტერეოტიპები

📢 თბილისის ქართულ-ამერიკული სკოლა აცხადებს II-დან VIII კლასის ჩათვლით მოსწავლეთა რეგისტრაციას 2024-2025 სასწავლო წლისთვის.

📝მოსწავლის დასარეგისტრირებლად გთხოვთ შეავსოთ ონლაინ განაცხადი👇
https://forms.gle/gmXMPzWad1XxUHgd7

📌აქვე გაცნობებთ, რომ სკოლაში გადმოსვლა/მობილობა მიმდინარე სემესტრის განმავლობაში ნებისმიერ დროს არის შესაძლებელი.

🚀 თბილისის ქართულ-ამერიკულ სკოლაში სწავლების ინდივიდუალური მიდგომა, წრეების მრავალფეროვნება, სპორტული აქტივობები და თანამედროვე ინფრასტრუქტურა თითოეული მოსწავლის განვითარებასა და განათლებაზეა ორიენტირებული.
🎬 https://www.youtube.com/watch?v=cvx0yaLX9CM&t=2s

📍 სკოლის შესახებ მეტი ინფორმაციის მისაღებად ეწვიეთ ბმულს 👉 https://shorturl.at/bdDT2 ან მოგვწერეთ პირადი შეტყობინება.

შენი წარმატება იწყება აქ!

🧮ხომ გახსოვთ, თბილისის ქართულ-ამერიკულ სკოლაში მათემატიკა განსაკუთრებულად გვიყვარს და ჩვენს მოსწავლეებს გაძლიერებულად ვასწავლით ამ საგანს სახალისო მათემატიკის კლუბების ფორმატში. ისიც გეცოდინებათ, რომ სკოლის დირექტორი, ირაკლი მანელიძე მათემატიკოსია. ამის ფონზე ,,π (პი)-ს დღეს“ უყურადღებოდ ვერ დავტოვებდით ☺️

📐π წრეწირის სიგრძის მის დიამეტრთან შეფარდების ტოლია და მისი მნიშვნელობა 3.14-ს უდრის. სინამდვილეში კი ეს რიცხვი საერთოდ არ მთავრდება და უსასრულო რაოდენობის ციფრებისგან შედგება.

🔎ბევრი მკვლევარისთვის კვლევისა და ინტერესის საგანი გახდა π -ის ათობითი ადგილების დაშიფვრა.1949 წელს კომპიუტერმა შეძლო ,,პის” პირველი 2000 ათობითი ადგილის დაშიფვრა და ის შეიცავს 182 ნულს, 212 ერთს, 207 ორს, 188 სამს, 195 ოთხს, 205 ხუთს, 200 ექვს, 197 შვიდს, 202 რვას და 212 ცხრას.

📅14 მარტი π -ს დღედ 1988 წელს ფიზიკოსმა ლარი შოუმ დაარსა, რადგანაც ,,პის” პირველი სამი ციფრი თარიღის ამერიკულ სისტემაში მესამე თვის მე-14 დღეს ემთხვევა.

🔢π რიცხვის ისტორია სათავეს ჯერ კიდევ არქიმედედან იღებს, თუმცა, როგორც ტერმინი ის 1707 წელს მათემატიკოსმა უილიამ ჯონსმა დაამკვიდრა.

📅დღეს ცნობილი მეცნიერის, თანამედროვე თეორიული ფიზიკის ფუძემდებლის, ნობელის პრემიის მფლობელის ალბერტ აინშტაინის 145-ე იუბილეა. მის მიერ საუკუნის წინ აღმოჩენილი ფარდობითობის თეორია, რომელიც მასასა და ენერგიას შორის ურთიერთქმედებას გამოხატავს (E=mc2), დღესაც აქტუალურია.

📷 გენიოსის ეს ცნობილი ფოტო მის 72-ე დაბადების დღეზეა გადაღებული. ფოტოგრაფის არტურ სასმის თხოვნაზე, რომ კამერაში ყურებისას გაეღიმა, აინშტაინმა ხუმრობით ენა გამოუყო, რადგანაც დღის განმავლობაში ბევრი ფოტოს გადაღება მოუწია. ფოტო მალევე პოპულარული გახდა. აინშტაინმა რამდენიმე ფოტო რედაქციისგან მოითხოვა და მეგობრებს დაურიგა. ერთ-ერთი ვერსია კი მისი ხელმოწერით 2017 წელს აუქციონზე $125 000-ად გაიყიდა.

💬გავიხსენოთ გენიოსის რამდენიმე ცნობილი გამონათქვამი:

,,მხოლოდ ბრიყვს სჭირდება წესრიგი, ჭკვიანი კი მეფობს ქაოსზე".

,,განათლება-ესაა ის, რაც რჩება სკოლაში ნასწავლის დავიწყების შემდეგ".

,,წარმოსახვა გაცილებით მნიშვნელოვანია, ვიდრე ცოდნა. ცოდნა შეზღუდულია, ხოლო წარმოსახვას შეუძლია მოიცვას მთელი სამყარო".

📍 თბილისის ქართულ-ამერიკულ სკოლაში ღია კარის დღეზე მომავალი პირველკლასელების მშობლებს ვუმასპინძლეთ.

📍 სტუმრებმა დაათვალიერეს სკოლის კამპუსი და თავად შეაფასეს სასწავლო ინფრასტრუქტურა. კამპუს ტურის შემდეგ კი სკოლის გუნდთან შეხვედრა გაიმართა.

📍 მომხსენებლებმა ვრცლად ისაუბრეს შემდეგ საკითხებზე:

🔹 ირაკლი მანელიძემ, სკოლის დირექტორმა, მშობლებს სკოლის ხედვა, ღირებულებები და მიზნები გააცნო. მან ასევე დეტალურად ისაუბრა სასწავლო პროგრამებსა და გეგმებზე.
🔹 მაია კუბეტოვამ, სკოლის დირექტორის მოადგილემ, სახელმწიფო და უცხოური ენების კათედრის ხელმძღვანელმა სტუმრებს ინგლისური ენის სწავლების მეთოდოლოგია და საერთაშორისო გაცვლითი პროგრამები წარუდგინა.
🔹 მზია დოლიძემ, დაწყებითი კლასების კათედრის ხელმძღვანელმა დაწყებით საფეხურზე სკოლაში არსებულ თანამედროვე სასწავლო მეთოდოლოგიაზე გაამახვილა ყურადღება .
🔹ლია კობესაშვილმა, ხარისხის უზრუნველყოფის მენეჯერმა, სწავლა-სწავლების ხარისხის მონიტორინგი და არსებული პროგრამები სიღრმისეულად მიმოიხილა.
🔹თემურ ხუდავერდოვმა, კლუბების ხელმძღვანელმა მშობლებს სკოლაში არსებული კლუბები და სამომავლო გეგმები გააცნო.

📍 ღონისძიებას სკოლის დამფუძნებლებიც ესწრებოდნენ.

🎤პრეზენტაციის შემდეგ მშობლებს ჰქონდათ შესაძლებლობა GAST-ის გუნდის წევრებისთვის მათთვის საინტერესო კითხვები დაესვათ და ამომწურავი პასუხები მიეღოთ.

✨მადლობა თითოეულ მშობელს ჩვენი სკოლით დაინტერესებისა და სტუმრობისთვის! სულმოუთქმელად ველოდებით პატარებთან შეხვედრას 🫶

#შენიწარმატებაიწყებააქ

🌸 8 მარტი ქალთა საერთაშორისო დღეა! 🌺

💐ჩვენი პატარები დღეს ასე ფუსფუსებდნენ, 3 მარტისთვის დედიკოები რომ გაახარონ❣️

#შენიწარმატებაიწყებააქ #დედისდღე

💡GAST-ში ინტელექტუალური თამაშის ,,რა? სად? როდის?” დებიუტი შედგა.

🦉ერთმანეთს მე-7 და მე-6 კლასელებისგან დაკომპლექტებული ორი გუნდი ,,ფენიქსი” და ,,GAST-ელები” შეეჯიბრნენ.

📚 საზოგადოებრივ მეცნიერებათა კათედრის ინიციატივით ღონისძიება ყოველწლიურად 28 თებერვალს გაიმართება.

#შენიწარმატებაიწყებააქ