საქართველოს ფოსტა / Georgian Post

✨რა გამოხატავს შენს საქართველოს?✨

“ქვევრიდან ღვინის გადაღება” – ოლიკო ტრაპაიძე, 52 წლის

დაკრეფ, დაწურავ, დააყენებ.
გადაღების დრო რომ მოუვა, თავს მოხდი - ჯერ ღვინო კარგად არა ჩანს.
☀ ჭიქას, ან ორშიმოს წრეზე მოატარებ, თავს მოუკრიალებ და კამკამა ღვინოც გამოჩნდება

შენს დაყენებულ ღვინოს რომ ჩამოასხამ და მზეზე გახედავ, ეგ არის საქართველო

ილუსტრაციის ავტორი - ნიკა მინაშვილი

✨შენს საქართველოს ფრთები შევასხით! ✨

თითოეულ პასუხს ფერი, ფორმა, სიცოცხლე მივეცით და ქართველი ილუსტრატორების ხელით გამოვხატეთ ის, რაც მხოლოდ შენს საქართველოს გამოხატავს

👀 თვალი გვადევნე, მალე ჩვენს ილუსტრაციებში შენს პასუხსაც ამოიცნობ

“ბარათაშვილი და მერანი” - ვერა სართანია, 36 წლის
ილუსტრაციის ავტორი - ლევან მამსიკაშვილი

✨ რა გამოხატავს შენს საქართველოს?

„საქართველოს ფოსტის“ გენერალური დირექტორი ლევან ჩიკვაიძე “PostEurop”- ის 2023 წლის გენერალურ ასამბლეასა და ბიზნეს ფორუმს დაესწრო

„საქართველოს ფოსტის“ გენერალური დირექტორი ლევან ჩიკვაიძე, “PostEurop” - ის 2023 წლის გენერალურ ასამბლეასა და ბიზნეს ფორუმს დაესწრო, რომელიც გაიმართა სლოვაკეთის დედაქალაქ ბრატისლავაში. მიმდინარე წელს, „PostEurop“ დაარსებიდან 30 წლის იუბილეს აღნიშნავს. „PostEurop“ – ის პლენარულ სხდომასა და 30 წლის იუბილეს აღსანიშნავ ღონისძიებას სლოვაკეთისა და ჩეხეთის ფოსტები მასპინძლობდნენ.

პლენარულ სხდომაში 46 ქვეყნის საფოსტო ოპერატორების წარმომადგენლებმა მიიღეს მონაწილეობა, სადაც სხვა მიმდინარე თემებთან ერთად, საფოსტო პოლიტიკის განმსაზღვრელი საკითხები განიხილეს.

პლენარულ სხდომამდე შედგა „ევროპის განვრცობისა და საუკეთესო პრაქტიკის გაზიარების“ კომიტეტის სხდომა, სადაც „საქართველოს ფოსტის“ გენერალური დირექტორი ლევან ჩიკვაიძე თანათავმჯდომარის პოზიციას იკავებს. აღნიშნულ სხდომაზე „საქართველოს ფოსტა“ ინდუსტრიის ახალ მიმართულებებზე სამუშაო ჯგუფს (Emerging Industry Trends Working Group) ოფიციალურად შეუერთდა.

აღსანიშნავია, რომ, 2023 წელს „PostEurop“ - ის ყველა წევრმა საფოსტო ოპერატორმა, ერთგვაროვანი დიზაინით გამოსცა მარკა, შინაარსით „მშვიდობა - კაცობრიობის უმაღლესი ღირებულება“.

“გულწრფელი სტუმარ-მასპინძლობა”
ევგენი, 40 წლის

ქართული სუფრა
🎨 რაზეც ბევრი დაგვიხატავს, დაგვიწერია თუ გვიმღერია, ის რითიც ჩვენს ქვეყანას გამოვხატავთ, კიდევ ათასფრად გადმოგვიცია

✨ ნაცნობ-უცნობებით სავსე სუფრასთან, არც სტუმრისთვის და არც ახალ-ახალი გემრიელობებისთვის, ადგილი რომ არასოდეს გამოგველევა, აი, ეგ არის საქართველო

ეწვიე ბმულს და გაგვიზიარე, რა გამოხატავს შენს საქართველოს?
👉 https://gamokhate.ge/

📚 “საქართველოს ფოსტისა“ და საქართველოს ეროვნული ბიბლიოთეკის თანამშრომლები საოკუპაციო ხაზთან არსებულ სოფლებს ეწვივნენ. „საქართველოს ფოსტის“ გენერალურმა დირექტორმა ლევან ჩიკვაიძემ და საქართველოს ეროვნული ბიბლიოთეკის ხელმძღვანელმა გიორგი კეკელიძემ საოკუპაციო ხაზთან არსებული სოფლების ბიბლიოთეკებს წიგნები გადასცეს.

✨ “შეგახსენებთ, რომ „საქართველოს ფოსტასა“ და საქართველოს პარლამენტის ეროვნულ ბიბლიოთეკას შორის, მიმდინარე წელს, ხელი მოეწერა მემორანდუმს, რომელიც საოკუპაციო ხაზთან არსებულ სოფლებში ბიბლიოთეკების მოწყობას ისახავს მიზნად. აღნიშნულ ეტაპზე, წიგნები გადაეცა, ზუგდიდის მუნიციპალიტეტის შემდეგი სკოლების ბიბლიოთეკებს: სოფელი რუხის საჯარო სკოლა, სოფელი რიყის საჯარი სკოლა და სოფელი ახალაბასთუმნის საჯარო სკოლა.

პროექტი ერთი წელი გრძელდება. საქართველოს პარლამენტის ეროვნული ბიბლიოთეკა წიგნების თემატურად შერჩევას, ხოლო „საქართველოს ფოსტა“ შეძენასა და მიწოდებას უზრუნველყოფს.

“ჩემი საქართველო ჩემი ეზო-კარია, რომელიც ძალიან მიყვარს”
როზა, 63 წლის

💭 ძველი რკინის ჭიშკრები, ალაგ-ალაგ აქერცლილი საღებავის, ჟანგმოკიდებული დეტალებით,
ჭრიალა ანჯამებით.
სოფელში გატარებული დღეების დასაწყისითა და დასასრულით,
დროებით დამშვიდობებით

🫧 შეხედავ და რკინის ურდულის ჭახანის ხმაც ცხადად წარმოგიდგება.
სხვაგან თუ შეხვდი, საქართველო გაგახსენდება

ეწვიე ბმულს და გაგვიზიარე, რა გამოხატავს შენს საქართველოს?
👉 https://gamokhate.ge/

ქართული კინო

“ცისფერი მთები” და კითხვა, რომელიც სულ გვაფიქრებს - ეს ბზარი იყო თუ არა აქ?

ეწვიე ბმულს და გაგვიზიარე, რა გამოხატავს შენს საქართველოს?
👉 https://gamokhate.ge/

“ცამდე აზიდული ზვიადი მთები”

“ქვის დარაჯები”

მშვენიერებით თვალს რომ გვიხარებს და ამ სილამაზის მიღმა კიდევ დიდ ისტორიას, ძალას და შეუპოვრობას მალავს. ვეება მთების გულში ბუნების მცველად აღმართული ციხე-სიმაგრეები გამოხატავენ ჩვენს ქვეყანას, ქართულ სულსა და შეუდრეკელობას

რა გამოხატავს შენს საქართველოს?
👉 https://gamokhate.ge/

8 000 წლის წინ დაწყებული ისტორია

✨ წარმოიდგინე, რომ ის, ვინც ამ თიხას ზელდა, ქვევრი გამოჰყავდა, მუცელს უმრგვალებდა, ორნამენტებით ამკობდა… ვერაფრით იფიქრებდა, რომ ეს ჭურჭელი მსოფლიოში უძველეს ღვინოს დააყენებდა

🍷 სანუკვარი ტრადიცია, რომელიც სათუთად შემოვინახეთ, სწორედ ის, საუკუნეების განმავლობაში რომ თავს ვევლებოდით და ვუფრთხილდებოდით. დიდი ხნის წინაც რომ გულში სიხარულის ცეცხლად გვეღვრებოდა და დღესაც სანაქებოდ გამოზრდილი შვილივით გვეამაყება

ეწვიე ბმულს და გვითხარი, რა გამოხატავს შენს საქართველოს? 👉 https://gamokhate.ge/

“თუ მეგრელი ხარ - ესეიგი ტერენტისიანი ხარ!”

✨ სამეგრელო ბევრი რამითაა გამორჩეული, ალბათ, სწორედ ამიტომ გადაწყვიტა ილია ჭავჭავაძემ, მისთვის ვრცელი წერილი მიეძღვნა და ეცადა, მასში ამ ულამაზესი კუთხის ყველა ღირსება დაეტია

📍 როცა სამეგრელოს ესტუმრები, საქართველოს ფოსტა
ზუგდიდში, რუსთაველის 92 ნომერში დაგხვდება

✈️ საქართველოს ფოსტა გთავაზობთ საერთაშორისო გზავნილების დაჩქარებული წესით გაგზავნის სერვისს – Avia გზავნილი

📦 Avia გზავნილით ამანათის გაგზავნა შეგიძლიათ მსოფლიოს ნებისმიერი ქვეყნის მიმართულებით, ჩაბარების ვადა კი 3–6 დღეა

👉 დამატებითი ინფორმაციისთვის ეწვიე ბმულს: https://gpost.ge

🩸 საქართველოს ფოსტის თანამშრომლები სისხლის უანგარო დონაციის აქციაში ჩაერთვნენ

💙 მიმდინარე წლის 20 სექტემბერს, ,,სისხლის გადასხმის საქალაქო სადგურთან" თანამშრომლობით, სისხლის მარაგების შევსების მიზნით, გაიმართა უანგარო დონორთა აქცია

✨ დონაციის აქციის დროს გაღებული სისხლით, საქართველოს სხვადასხვა სამკურნალო დაწესებულებების უსაფრთხო სისხლით უზრუნველყოფა მოხდება

მიმდინარე წლის 12 – 14 სექტემბერს, მსოფლიო საფოსტო კავშირის ორგანიზებით, საქართველოში, გაიმართა ტრენინგი სახელწოდებით „წინასწარი ელექტრონული მონაცემები, საბაჟო დეკლარაციის სისტემა და საფოსტო უსაფრთხოება“. ღონისძიება ჩატარდა პროექტის „უსაფრთხოება და საბაჟოსთან დაკავშირებული ელექტრონულ მონაცემთა მიმოცვლის“ ფარგლებში (“Security and Customs Related Electronic Data Exchange Extension (SECUREX-extension) project”)).

ღონისძიებაში მონაწილეობა მიიღეს საქართველოს, უკრაინის, სერბეთის, ყაზახეთის, ყირგიზეთის, ლაოსის, მოლდოვის, მონღოლეთის, პაკისტანის დანიშნულმა საფოსტო ოპერატორემა და საბაჟოს წარმომადგენლებმა, ასევე, მსოფლიო საბაჟო ორგანიზაციის, მსოფლიო საფოსტო კავშირის და ნარკოტიკების კონტროლის საერთაშორისო საბჭოს წარმომადგენლებმა. სემინარის ფარგლებში, საქართველოს ფოსტამ გაუზიარა გამოცდილება მონაწილე ქვეყნებს.

სემინარის მსვლელობისას, მონაწილეებმა გაიღრმავეს ცოდნა წინასწარი ელექტრონული მონაცემების, საბაჟო დეკლარაციის სისტემისა და საფოსტო უსაფრთხოების მიმართულებით.

📣 ისარგებლე საქართველოს ფოსტის საშემოდგომო ტარიფით

🎁 გაგზავნე ამანათი საქართველოდან სალონიკის მიმართულებით ან პირიქით, განსაკუთრებულ ფასად

📦 1კგ– 1.20 €

დამატებითი ინფორმაციისთვის იხილეთ ბმული 👉 https://www.gpost.ge/help/postal-service-details?Id=459

🌊 “მშვენიერი ზღაპარი” - ამ სიტყვებით, ნობელიანტმა მწერალმა, ბათუმში მიღებული შთაბეჭდილებები მეგობარს გაუზიარა

იპოვე საქართველოს ფოსტა ბათუმში

📍სელიმ ხიმშიაშვილის ქუჩა №20
📍მელაშვილის ქ. №4

https://www.gpost.ge/help/offices

🎨 გასაკვირი არაა, რომ სწორედ თელავში დაიბადა დიდი ქართველი მხატვარი - ელენე ახვლედიანი და ალაზნის ველის შემყურემ, არაერთი შესანიშნავი ტილო უძღვნა მშობლიურ ქალაქს

📍 თელავში საქართველოს ფოსტა ერეკლე II-ის გამზირზე, 12 ნომერში მდებარეობს

https://www.gpost.ge/help/offices

🌄 მართალია, მურმან ლებანიძე წარმოშობით სვანი არ ყოფილა, თუმცა, ჩვენი ქვეყნის ამ ულამაზესი კუთხის “ჭრელი ზღაპრების” მიმართ განსაკუთრებული სენტიმენტები ჰქონდა

📍 სვანეთში საქართველოს ფოსტას მესტიაში, თამარ მეფის ქუჩაზე, 8 ნომერში იპოვი

https://www.gpost.ge/help/offices

📪 ,,ნაზი, მჩატე, ნარნარი” მთებისა და ბუნების მქონე გურიიდან ამანათის გაგზავნა თუ დაგჭირდება, საქართველოს ფოსტის ფილიალს ოზურგეთში იპოვი

📍 ოზურგეთი, იაკობ გოგებაშვილის ქუჩა №2

👉 https://www.gpost.ge/help/offices

📪 რეზო გაბრიაძისთვის ალბათ ყველაზე საყვარელ და ,,მსუბუქ” ქალაქს – ქუთაისს თუ ესტუმრები, საქართველოს ფოსტაც იქ დაგხვდება

📍 ქუთაისი, თამარ მეფის ქუჩა №56
📍 ქუთაისი, წმინდა ნინოს ქუჩა №7
📍 ქუთაისი, ზვიად გამსახურდიას ქუჩა №32

https://www.gpost.ge/help/offices

📪 ადევნე თვალი შენს გზავნილს საქართველოს ფოსტის ვებგვერდიდან, გზავნილის კოდის - Tracking number-ის მეშვეობით

📲 ეწვიე ბმულს და ჩაწერე კოდი “გზავნილის ძიების” ველში https://www.gpost.ge/

📦 გაგზავნე, ან მიიღე ამანათები საქართველოს მასშტაბით
🇬🇪 საქართველოს ფოსტას რეგიონებში 81 სერვისცენტრი აქვს

მისამართებისა და სამუშაო გრაფიკის სანახავად ეწვიე ბმულს
👉 https://www.gpost.ge/help/offices

XX საუკუნის ამ პროზაიკოსის ფაქიზი ნაწარმოებები ბუნების სიყვარულითა და მონატრებითაა გაჯერებული

#გამოიცანიწერილისავტორი

“მე ისევ თქვენთან ვიქნები, მე ისევ უნივერსიტეტისა და დედა თბილისის ჰაერი მწყურია. აღზდექ! მეძახის დილდილობით უცნაური ძალა. და მე ვბორიალობ: მთელი დღე ვეხეთქები აქეთ იქით, რათა არ გავიგონო ეს ძახილი: აღსდექ! გემშვიდობები რწმენით რომ შემიძლია ვიფიქრო: მყავს ადამიანები. რომელთაც იცოდნენ შემი მისწრაფებანი. გემშვიდობები. ვინ იცის... და ოტელოსი არ იყოს მოიგონეთ თქვენი ძველი მეგობარი და სთქვით რომ უყვარდათქო თავისი სამშობლო, უვარდათქო მოყვასი, უვარდათქო ნათელი გონება და ცეცხოვანი გული. და დაუმატეთ... აქ არვიცი რა? ნება თქვენი იყოს! როცა გსურდეთ.

პ.ს. მუხრან, წერილის წერა შენი საქმე არ არის მაგრამ გაისარჯე დახუჭე თვალი და ისე მომწერე რამდენიმე სიტყვა. აქ დიდი მნიშვნელობა აქვს ასეთ რამეს”

💌 სანუკვარია წერილი, რომელიც მოთხრობასავით გიყვება ავტორის განცდებსა და ცხოვრებაზე

#გამოიცანიწერილისავტორი

,,ჩემო ნუგზარ, კარგად ვიმგზავრე. ჩამოვედი და მშვენივრად მოვეწყე, მთის ქუჩაზე, მოხუც დიასახლისთან. ქუჩის სულ ბოლო სახლია, ტყესთან, რომ ამოხვალთ, იკითხეთ მიქაბერიძის ბინა. ორსართულიანი სახლია. მეორე სართულზე მომცეს პატარა ოთახი. რაც მთავარია მაგიდა დგას, სადაც შეიძლება წერა.
ნახევარ დღეზე მეტი პარკში ვარ. ისე მომნატრებია თხილამურებით სრიალი, დაღლას ვეღარ ვგრძნობ. დღეს კოხტაზე ვაპირებ ასვლას. ჯერჯერობით მზიანი და უქარო ამინდია, ცოტა ხალხია ჩამოსული.
სიწყნარეა, რაც მე მჭირდება. მარტოობა როცა საწერი დაგიგროვდება და გინდა განთავისუფლდე, არ არის ცუდი, მაგრამ მაინც მოწყენილი ვარ. წამოსვლა არ გადადოთ, გამოცდებს დაამთავრებთ თუ არა, იმ ღამესვე წამოდით…”

📣 სალონიკში სახმელეთო ამანათების მიღება და გაგზავნა შესაძლებელია ახალი მისამართიდან!

📍 Filippou 35 (არისტოტელეს პარკთან)
📨 Zip Code: 54631
🕰️ სამუშაო საათები:
ორშაბათი - პარასკევი 09:00-17:00
შაბათი 09:00 -15:00
კვირა 09:00- 12:00

📞 +30 695 596 2374
📞 +30 2310 279 002

💌 დიდი მონატრებითა და გრძნობით სავსე ბარათი ავტორმა საყვარელ ქალს გაუგზავნა

#გამოიცანიწერილისავტორი

“ჩემო მშვე­ნი­ე­რო, ჩემო კე­თი­ლო, ჩემო ლა­მა­ზო ან­გე­ლო­ზო, სტა­ზი­ა­ჯან! დღეს მე­სა­მე წე­რი­ლი მი­ვი­ღე შენ­გან. ჩემო იმე­დო, და­გი­კოც­ნი ხე­ლებს, რომ შენი წე­რი­ლე­ბით და­მამ­შვი­დე და ნა­თე­ლა­სი და შენი ამ­ბა­ვი შე­მა­ტყო­ბი­ნე. ჩემო გვრი­ტო, იმე­დი მაქვს, რომ შემ­დე­გაც გა­ა­ნე­ბივ­რებ შენს ვა­ნოს და ყო­ველ­თვის, როცა დრო გექ­ნე­ბა, თქვე­ნი აზ­რით გა­მა­ხა­რებ. თი­თო­ე­უ­ლი შენი წე­რი­ლი არ შე­მიძ­ლი­ან, რომ რამ­დენ­ჯერ­მე არ გა­და­ვი­კი­თხო ხოლ­მე. მინ­და, რომ შე­უ­წყვეტ­ლივ მიმ­დი­ნა­რე­ობ­დეს იგი და შენი ალერ­სი­ა­ნი ხმა ჩემს ყურს ატ­კბობ­დეს. სულ თქვენს სა­გო­ნე­ბელ­ში ვარ, სულ თქვენ­ზე ვფიქ­რობ და ვოც­ნე­ბობ იმ ნე­ტარ დღე­ზე, როცა თქვენ, ჩემო სი­ხა­რუ­ლო, აქ, ჩემ­თან მე­ყო­ლე­ბით"

(1909 წელი)

📚 წიგნები საოკუპაციო ხაზის მოსაზღვრე სოფლებს

მიმდინარე წლის 18 ივლისს, საქართველოს ფოსტისა და საქართველოს ეროვნული ბიბლიოთეკის თანამშრომლები საოკუპაციო ხაზთან არსებულ სოფლებს ეწვივნენ. საქართველოს ფოსტის გენერალურმა დირექტორმა ლევან ჩიკვაიძემ და საქართველოს ეროვნული ბიბლიოთეკის ხელმძღვანელმა გიორგი კეკელიძემ საოკუპაციო ხაზთან არსებული სოფლების ბიბლიოთეკებს წიგნები გადასცეს.

შეგახსენებთ, რომ საქართველოს ფოსტასა და საქართველოს პარლამენტის ეროვნულ ბიბლიოთეკას შორის, მიმდინარე წელს, ხელი მოეწერა მემორანდუმს, რომელიც საოკუპაციო ხაზთან არსებულ სოფლებში ბიბლიოთეკების მოწყობას ისახავს მიზნად.
აღნიშნულ ეტაპზე, წიგნები გადაეცა, გორის მუნიციპალიტეტის შემდეგი სკოლების ბიბლიოთეკებს: დიცის საჯარო სკოლა, არბოს საჯარო სკოლა და მერეთის საჯარო სკოლა.

📚 პროექტი პერმანენტულ ხასიათს მიიღებს და ერთი წელი გაგრძელდება. საქართველოს პარლამენტის ეროვნული ბიბლიოთეკა წიგნების თემატურად შერჩევას, ხოლო საქართველოს ფოსტა შეძენასა და მიწოდებას უზრუნველყოფს.

მნიშვნელოვანია, რომ საქართველოს ფოსტა კორპორაციული სოციალური პასუხისმგებლობის მატარებელ აქტივობებში აქტიურად არის ჩართული.

💌 დავით კლდიაშვილის მისამართით გაგზავნილი ეს წერილი ერთგული მეგობრობის ისტორიას გვიყვება

#გამოიცანიწერილისავტორი

„ძვირფასო დათიკო, ტიციანი მწერს, თუ როგორ დატრიალებულხარ ჩემთვის. გითხრა მადლობა? ეს ცოტა იქნება. მე შენ .ერთხელ „ჩიტის გული“ გიწოდე. ეს გული ჰქონდა მინდიას, საქართველოს გულთამხილველს. მინდა ამ წამს აგიყვანო ხელში და აგაბურთავო. შენ ცრემლი მოგივა. მეც ცრემლი მომივა. ხოლო არ ვიცი, რომელს უფრო გაგვეხარდება. დავით მწერალო: შენისთანას აქ ვერავინ სწერს. ეს არის გადამეტება. აჯამეთის ზურმუხტი ჯადო არის და შენ სიტყვას აქვს ეს ჯადო. ევროპაში, საცა გული აღარაა, მე მარტო გულით ვცოცხლობ. ვაი თუ დაიფერფლოს მთლად. მაგრამ დაფერფვლის წამსაც შენ ჩემს გულს გაახსენდები და უკანასკნელად ამცნევს იგი: ღირდა სიცოცხლე. ნეტავ შენს ნახვას მოვესწრებოდე…”

🇮🇹 იტალიაში, სახმელეთო გზავნილების მიმართულებებს ქალაქი აველინო დაემატა

📍 მისამართი:
Via Giosue Garducci 60, Avellino
⏰ სამუშაო საათები 08:00 - 20:00;
🔹 დასვენების დღე : ორშაბათი
📞 Tel: +39 328 013 2783

დამატებითი ინფორმაციისთვის დაგვიკავშირდით: 0322 24 09 09

🌹 წერილში პოეტი სანდრო შანშიაშვილს მთელი გულით სთხოვს მასთან სტუმრობას

#გამოიცანიწერილისავტორი

“სანდრო უსინდისო, არ გრცხვენია, რომ დამაღალატიანე _ გუშინ, რა შეგემთხვა _ უშენოთ გემო არ ჰქონდა არაფერს: ეხლა გთხოვ ძალიან, ჩამოხვიდე ჩვენთან გელით გოგლა და სხვებიც _ გელით აუცილებლად, სახლში ჩემთან...”

🇵🇱 სახმელეთო ამანათის მიმართულებებს ახლა უკვე პოლონეთის ქალაქი ბელოსტოკი დაემატა

გაგზავნე ან მიიღე ამანათი შემდეგ მისამართზე:

📍 Białystok, Jurowiecka 1, 15-101

⏱️ სამუშაო საათები: ოთხშაბათი 09:00 - 11:00

📞 Tel: +48 733 764 188/+48 731 884 689

🖋️ ეს სამადლობელი წერილი, “სიტყვით მებრძოლმა” მწერალმა, იაკობ გოგებაშვილს გაუგზავნა

,,თქვენი წერილი და თქვენგან გამოგზავნილი ხუთი თუმანი ფული მივიღე გუშინ-11 ამ თვეს. ჯერ ქუთაისის ფოსტის კანტორაში გაეჩერებიათ, მერე დაბა ლანჩხუთის საფოსტო განყოფილებაში გადმოეგზავნათ და ამ მიზეზის გამო დაგვიანებულიყო.

ჩემს უგულითადეს მადლობას მოგახსენებთ მეგობრული თანაგრძნობით სავსე წერილისთვის, რომელმაც არათუ მარტო გამამხნევა, ავადმყოფობიდან მორჩენის იმედიც კი მომცა, პირადათ რომ ვერ მიცნობთ, ამაში თუ ვინმეს ბრალი აქვს და საყვედური ერგება, ეს ისევ მე: მე ვიყავ ვალდებული მოვსულიყავი და გაგცნობოდით თქვენ, როგორც საუკეთესო ქართველ მოღვაწეს, როგორც მოწინავე პირს. არ აღმისრულებია ეს ვალი და სასაყვედუროც მე ვარ აქ. ოღონდ პირადათ გაცნობაზე ვჩივი, თორემ ისე კი, ვინ იქნება დღეს წერა-კითხვა იცოდეს და თქვენ კი ვერ გიცნობდეს! განა ყველანი თქვენგან შედგენილ ქართულ სახელმძღვანელოებზე არ აღვიზარდეთ?თქვენგან შედგენილ სახელმძღვანელოებში ვისწავლეთ ქართული წერა-კითხვა, თქვენ შეგვაყვარეთ სამშობლო და მისი ენა. ამის შემდეგ სირცხვილი არ იქნებოდა ჩემთვის, თუ პირადათ არა, როგორც ჩვენი კარგი სახელმძღვანელოების შემდგენელს არ გიცნობდეთ!...”

#გამოიცანიწერილისავტორი

🖋️ ამ პოეტის კალამს ყველა მის წერილში ამოიცნობთ

"შენი ავადმყოფობა შევიტყვე, რა დაგემართა? თუ ფიქრობ, ასეთს რას იფიქრებ, რომ ბოლო არა ჰქონდეს, ასეთსრას მიიღებ, რო არ დაკარგო? მიჩვენე კაცი, რომ მადლიერი იყოს ამ წუთის სოფლისა. დაიმარხე მშვენიერება სულისა, უმანკოება გულისა! აი ჭეშმარიტი ბედნიერება, უმაღლესი სიამე, რომელსაც კი კაცი წაიღებს ამ სოფლისაგან. სხვათა ბედნიერებათა სოფლისათა უყურე გულგრილად, ამაყად და გრწამდეს, რომ იგინი შეურჩენელნი არიან! თუმცა აქიმბაში არა ვარ, მაგრამ ეს წამალი სიზმარშიც მაქვს ნასწავლი და, თუ დამიჯერებ, იმედი მაქვს, რომ გარგოს. გემდუდურები, რომ წიგნს არა მწერ; ხომ იცი, მეამება, თუ მეტადრე ბევრ ამბებსაც მამწერ. თუ ნინუცას ანუ (რადგანაც ჯავრობენ ზოგიერთი ქალები) ანნა ივანოვნას წიგნი მისწერო ან შენ თითონ ნახო, ჩემ მაგიერ მოიკითხე და უთხარ: დიდად ვწუხვარ,რომ აღარ გაციებს-თქო. ილიას მალე ვნახავთ… "

#გამოიცანიწერილისავტორი

საქართველოს ფოსტა გილოცავთ ახალ, 2023 წელს! 💙

🎄 თოვლიანი სერების ამბები, კეთილი სურვილები და გულთბილი საკალანდო მილოცვები შეგიძლია საქართველოს ფოსტის საახალწლო მარკით გაგზავნო 💌

მარკის ავტორი: გიორგი მამულაშვილი

„საქართველოს ფოსტის“ ორგანიზებითა და საქართველოში იტალიის საელჩოს მხარდაჭერით, საქართველოსა და იტალიის რესპუბლიკას შორის დიპლომატიური ურთიერთობების 30 წლის იუბილესადმი მიძღვნილი ქართული და იტალიური მარკების პრეზენტაცია გაიმართა.

ღონისძიებაზე, სტუმრებს სიტყვით მიმართეს საქართველოს ეკონომიკისა და მდგრადი განვითარების მინისტრის მოადგილემ გურამ გურამიშვილმა, „საქართველოს ფოსტის“ გენერალურმა დირექტორმა ლევან ჩიკვაიძემ, საქართველოში იტალიის საგანგებო და სრულუფლებიანმა ელჩმა ენრიკო ვალვომ. ღონისძიება გაიმართა საქართველოს პარლამენტის ეროვნულ ბიბლიოთეკაში.

„საქართველოს ფოსტის“ მიერ დაბეჭდილ მარკაზე, ასევე, იტალიის საწარმოებისა და იტალიური პროდუქციის სამინისტროს მიერ მომზადებულ მარკაზე გამოსახულია იტალიელი ბერის, კრისტოფორო კასტელის მიერ დახატული ბიჭვინთის ტაძარი.

ქართული მარკა მიმოქცევაშია 2022 წლის დეკემბრიდან და ხელმისაწვდომია „საქართველოს ფოსტის“ 81 სერვისცენტრში საქართველოს მასშტაბით. საფოსტო გზავნილების განხორციელება ახლა უკვე აღნიშნული მარკით არის შესაძლებელი. მარკის ავტორია ბაადურ ქობლიანიძე.

„საქართველოს ფოსტის“ მიერ გამოშვებული საფოსტო მარკის ტირაჟია 20.000 ერთეული. იტალიის სახელმწიფო ზარაფხანისა და პოლიგრაფიული ინსტიტუტის მიერ დაბეჭდილი საფოსტო მარკის ტირაჟია 350.010 ერთეული.