მწვანეები • Mtsvaneebi

რაჭის მოსახლეობა უკვე თვეებია რაჭის ტყის გაყიდვის ლიცენზიის გაუქმებას ითხოვს. პროტესტი ჯერ უწყვეტ რეჟიმში რაჭაში დაიწყო, ახლა კი თბილისში, გარემოს დაცვის სამინისტროს წინ გრძელდება. რაჭის მოსახლეობისთვის დღემდე უცნობია, თუ რა ბედი ეწევა დაახლოებით 100 000 ჰექტარ მიწას, რომელიც ბოლო ინფორმაციით რუსეთის მთავრობასთან დაახლოებულ ოლიგარქზე 49 წლის ვადით იქნა გადაცემული, შემდეგ კი - ამ პირის მიერ უცნობ კომპანიებზე გადაყიდული.

❗️ჩვენ ვხედავთ, რომ შინაგან საქმეთა სამინისტრო უხეშად არღვევს შეკრების და მანიფესტაციის უფლებას, მათ შორის, კარვის გაშლისთვის ხელის შეშლითა და პროტესტის მონაწილეების დაკავებით.

✊ ჩვენი სოლიდარობა რაჭის ტყეების გასხვისების წინააღმდეგ მებრძოლ ადამიანებს! ვთვლით, რომ სახელმწიფომ მნიშვნელოვანი გადაწყვეტილებები ადგილობრივი მოსახლეობისა და ფართო საზოგადოების ჩართულობითა და დემოკრატიის პრინციპების დაცვით უნდა მიიღოს.

ვუერთდებით სამართლიან მოთხოვნას, რომ გაუქმდეს ლიცენზია და რაჭის ტყეები საქართველოს მოსახლეობას დაუბრუნდეს!

ეს ჩვენი გამარჯვებაა - საზოგადოების, რომელმაც არაერთხელ დავამტკიცეთ, რომ
საქართველოს ევროპულ არჩევანს ბოლომდე დავიცავთ! 🇬🇪🇪🇺 ევროკომისიამ რეკომენდაცია გასცა, ახლა ჯერი ევროკავშირის ქვეყნების ლიდერებზეა, დეკემბერში!

დღეიდან დეკემბრის ბოლომდე, ყველაფერი უნდა გავაკეთოთ, რომ წლის ბოლოს გარანტირებულად მოვიპოვოთ კანდიდატის სტატუსი. ბრძოლა გრძელდება!

გილოცავთ მთელს საზოგადოებას ევროკავშირისკენ წინ გადადგმულ ნაბიჯს!

მომავალი ჩვენია ✊ აწმყოც დღეს, როგორც ჩანს, გვწყალობს!

📌📌შოვის ტრაგედიიდან ერთი თვის შემდეგ მორიგი ეკოლოგიური კატასტროფა გურიაში დატრიალდა. Პირველ ყოვლისა ვუსამძიმრებთ სტიქიის შედეგად დაღუპულთა ოჯახებსა და ახლობლებს. დღეს, როცა სტიქიას გურია ებრძვის, შოვის ტრაგედიისას გაჩენილი ლეგიტიმური კითხვები კვლავ უპასუხოდაა დარჩენილი.

კლიმატის კრიზისი ჩვენს კარზეა და მის შედეგად უფრო მეტად ზარალდებიან ღარიბი ქვეყნები, რომელთა სათავეში კორუმპირებული ელიტები არიან. “Მწვანეების” შეფასებით, საქართველოში განვითარებულ სტიქიურ მოვლენებს ამწვავებს პოლიტიკური უპასუხისმგებლობა, რის შედეგადაც, ტრაგედიის მასშტაბები მკვეთრად იზრდება. რამდენიმე კვირის წინ Შოვის ტრაგედიამ, დღეს კი გურიაში არსებულმა უმძიმესმა სიტუაციამ კიდევ ერთხელ, ნათლად დაგვანახა რომ სახელმწიფო სრულად მოუმზადებელია საგანგებო სიტუაციებისთვის, პასუხისმგებელი პირები კი არაკვალიფიციურობასთან ერთად, უმოქმედობას და უპასუხისმგებლობას იჩენენ. ყოველივე ეს კი შესაძლო დანაშაულად შეიძლება გადაკვალიფიცირდეს სამართლებრივი გამოძიების შემთხვევაში.

Საგანგებო სიტუაციასთან გასამკლავებლად საქართველოს სახელმწიფოს პირველადი რეაგირების გამართული მექანიზმი არ გააჩნია:

⛔️ გურიაში, დილით დაწყებული სტიქიური პროცესებისგან ხალხის ევაკუაციისთვის საჭირო ვერტმფრენს, თბილისიდან შუადღემდე ელოდნენ. Შოვის ტრაგედიის თვითმხილველები ასევე საუბრობდნენ ვერტმფრენის საჭიროებაზე და მის დაგვიანებაზე. შოვში, Სამაშველო ოპერაციებში მონაწილეობდა სასაზღვრო ვერტმფრენი, რომლის შოვამდე ჩაფრენას 3 საათი დაჭირდა. გაუგებარია, რატომ არ ყავს რაჭას, სასაზღვრო რეგიონს, საკუთარი სასაზღვრო ვერტმფრენი და ეკიპაჟი, რომელიც საჭირო სიტუაციაში, დროს მაქსიმალურად დაზოგავდა. ანალოგიურად, გაუგებარია რატომ იგზავნება გურიაში ვერტმფრენი თბილისიდან.

⛔️ Სამი წლის წინ, პრემიერ-მინისტრის დადებული პირობის მიუხედავად, საქართველოს დღემდე არ ყავს Სამაშველო ვერტმფრენები! ტრაგედიიდან ერთი თვის თავზეც კი დაზუსტებით ვერავინ ამბობს, სტიქიის ზონაში, გადარჩენილთა საპოვნელად დაფრინავდა თუ არა სითბური დრონები. სახელმწიფომ მოხალისეებს საკუთარი დრონების გამოყენების უფლება არ მისცა.

⛔️ Როგორც შოვში, ისე გურიაში, ღვარცოფში მოყოლილ ადამიანებს, სახელმწიფოს რეაგირებამდე, ადგილობრივი მოსახლეობა მიეშველა. Ხოლო, თავგანწირულად მომუშავე მაშველების ტექნიკურ აღჭურვილობაზე, ფსიქოლოგიურ უსაფრთხოებაზე, მათ ჯეროვან დასვენებასა და ძალების აღდგენის საჭიროებაზე არსებული ინსტიტუტები არ ზრუნავენ.

⛔️ Რაჭაში, Სტიქიის ზონაში, თითქმის 24 საათის განმავლობაში არ გამოჩენილან ოფიციალური პირები და არ გაკეთებულა საგანგებო განცხადება. Ხოლო, ადგილზე მყოფი, ადგილობრივი მუნიციპალიტეტის წარმომადგენლები არაკვალიფიციურად და არასენსიტიურად მოქმედებნენ, რაც სხვადასხვა დამოუკიდებელი მედია-საშუალების მიერ გავრცელებული კადრებით დადასტურდა. Სახელმწიფო აპარატმა ჟურნალისტებს Სტიქიის ზონაში მოქმედება შეუზღუდა, რამაც არსებული კითხვის ნიშნები და უნდობლობა კიდევ უფრო გააღრმავა. Მეორე მხრივ, პრემიერ-მინისტრის ზოგადი განცხადების გარდა, გურიაში მიმდინარე სამაშველო ოპერაციის შესახებ ოფიციალური პირების შეფასება და მოქმედების გეგმაზე კომენტარი არ გავრცელებულა.

⛔️ Შოვის ტრაგედიამ გვაჩვენა, რომ მყინვარებზე და მთის ღვარცოფულ მდინარეებზე, შესაბამისი სტრუქტურების მხრიდან მონიტორინგი და წინასწარი უსაფრთხოების ღონისძიებები არ ხორციელდება. პირიქით, სოციალურ მედიაში დამოუკიდებელი ჟურნალისტების მიერ რისკის ზონაში, სხვადასხვა მდინარის კალაპოტებში დაუშვებელი მშენებლობების შესახებ ინფორმაცია გავრცელდა, რომელთა მფლობელები, ხშირად, “ქართულ ოცნებასთან” დაახლოებული კომპანიები, ან უშუალოდ, მმართველი პარტიის დეპუტატები არიან.

⏩⏩ადგილობრივი მოსახლეობა გურიაში მრავალი წელია მუშაობს გურიის მდინარეების გადასარჩენად. ისინი ცდილობენ მდინარეებიდან ინერტული მასალების მასშტაბურ მოპოვებით საქმიანობას ხელი შეუშალონ, რაც თავის მხრივ, ბუნებრივი ჯებირების მორღვევას, მცენარეული საფარის განადგურებას და მდინარის კალაპოტის შეცვლას იწვევს. გარემოსდამცველთა ბრძოლის მიუხედავად, მთავრობის მიერ პრობლემის იგნორირების შედეგად, დღეს, საქართველოს ერთ-ერთი ყველაზე ღარიბი რეგიონი, გურია, უმძიმეს სტიქიასთან პირისპირ აღმოჩნდა. Მსხვერპლის გარდა, მოსახლეობამ თავის რჩენის ერთადერთი საშუალება, სასოფლო-სამეურნეო მოსავალი დაკარგა.

Მიგვაჩნია, რომ არსებულ მმათველ გუნდს ეკისრება პოლიტიკური პასუხისმგბლობა როგორც შოვის ტრაგედიაზე არაეფექტური პასუხის, ისე საქართველოში არსებული სხვა გარემოსდაცვითი კრიზისების შედეგებზე. Ხელისუფლებაში ყოფნის 11 წლის გასვლის შემდეგაც კი, გრძელვადიანი პოლიტიკის და რეალური ქმედითი ნაბიჯების გადადგმის ნაცვლად, “ქართული ოცნება” უსუსური პროპაგანდით ცდილობს ამა თუ იმ დარგის სპეციალისტების, თვითმხილველების თუ ტრაგედიას გადარჩენილების დაშინებასა და გაჩუმებას, ხოლო ღარიბი ქვეყნის ბიუჯეტს სამაშველო ტექნოლოგიის შესყიდვის ნაცვლად, ტრაგედიიდან ტრაგედიამდე ჩასატარებელ კონცერტებში ხარჯავს.

✅აღნიშნული პროცესები მიუთითებს, რომ საჭიროა, საქართველოში დაიწყოს ფართომასშტაბიანი გარემოსდაცვითი დემოკრატიული რეფორმები მოსახლეობის ჩართულობით, რომელიც შეაჩერებს საარსებო გარემოს განადგურების უკონტროლო პროცესს და წინააღმდეგობას გაუწევს ეკონომიკური ელიტების სწრაფი მოგებისაკენ უკონტროლო სწრაფვას. რისკისშემცველ ტერიტორიებზე მიმდინარე ბუნებრივი პროცესები უნდა შეფასდეს კვალიფიციური სპეციალისტების მიერ, რასაც დაეფუძნება რეგონის განვითარების სტრატეგიები, ხოლო სახელმწიფო დონეზე შემუშავებული იქნეს როგორც კლიმატის ცვლილებასთან გამკლავების და მისი ეფექტის შემცირების პოლიტიკა, ისე რისკების გამოვლენის, სწრაფი შეტყობინების და სამაშველო ოპერაციების ახალი პროტოკოლი, მოდერნიზებული ტექნიკითა და შესაბამისად მომზადებული პერსონალით.

ფოტო- ნეტგაზეთი (C).

დღეს, შოვში დაღუპულების გლოვასთან ერთად, საქართველო აგვისტოს ომის მეთხუთმეტე წელს იხსენებს.

რუსეთი მტერია!
დიდება გმირებს!

მეტად მძიმეა რაჭაში დატრიალებული კატასტროფის შემდეგ მოვლენების შეფასება.

რაჭაში მეწყრული პროცესები რამდენიმე დღის წინ დაიწყო, თუმცა მასზე რეაგირება არ მომხდარა, დიდი ხანია ასევე მიმდინარეობს ხე-ტყის ჭრა და დაუშვებელი მშენებლობები მეწყრულ ზონასა და მდინარის პირას. ეკოლოგიური კატასტროფა პოლიტიკური პასუხისმგებლობის გარეშე არ არსებობს.

სტიქიური მოვლენით გამოწვეული მწვავე და ფატალური შედეგების თავიდან არიდება და პრევენცია შესაძლებელია, მმართველი ხელისუფლება კი მის წინაშე უძლურია, რაც პირდაპირ დანაშაულს წარმოადგენს. ხელისუფლების ერთადერთი ინტერესი კლიენტელისტური და კორუფციული სქემებით ძალაუფლების შენარჩუნებაა, რასაც ჩვენს თვალწინ ყოველდღე უამრავი ადამიანის სიცოცხლე და ჯანმრთელობა ეწირება. გამძლეობას ვუსურვებთ თითოეული დაკარგული ადამიანის ოჯახს, ახლობლებსა და მეგობრებს!

იმედის გამოვთქვამთ რომ სამძებრო სამუშაოების შედეგად, დაკარგული მოქალაქეები დაუბრუნდებიან ოჯახებს. ამასთანავე, მადლობას ვუხდით ყველა რიგით მაშველსა თუ მოხალისეს, ვინც სათანადო ტექნიკური მხარდაჭერის ნაკლებობის პირობებში, თავდაუზოგავად ცდილობს ადამიანების პოვნას და გადარჩენას.

ხელისუფლების გულგრილობით გამოწვეული კრიზისის დეტალურ შეფასებას მოგვიანებით გაგაცნობთ, მანამდე კი გულითად თანაგრძნობას და მხარდაჭერას ვუცხადებთ ყველას, ვისაც ეს ტრაგედია პირადად შეეხო.

ფოტო, მთის ამბები (c).

ჩვენი წევრები აქტიურად იყვნენ ჩართულნი პრაიდის კვირეულის ორგანიზებაში. TBILISI PRIDE FEST 2023-ზე "მწვანეებს" ჩვენი კუთხე უნდა გვქონოდა, ისევე როგორც შარშან.

ის ძალადობრივი, უკანონო და სამარცხვინო ქმედებები, რაც 8 ივლისს ვიხილეთ, კიდევ ერთი დასტურია დემოკრატიის უკუსვლის და "ქართული ოცნების" არჩეული ავტორიტარიზმისკენ მიმავალი კურსის.

შინაგან საქმეთა სამინისტრომ არ დაიცვა ქვიარ ადამიანების შეკრების და გამოხატვის თავისუფლება. პირიქით, აშკარაა, რომ სწორედ სახელმწიფომ აუნთო მწვანე შუქი 8 ივლისს რადიკალურ ჯგუფებს, რომ დაერბიათ, გაეძარცვათ და გაენადგურებინათ ის, რაც თანასწორობის და ადამიანის უფლებების ზეიმი უნდა ყოფილიყო.

ჩვენ გვჯერა, რომ ქვიარ თემი გაუმკლავდება ამ დარტყმას და გააგრძელებს ღირსეულ ბრძოლას ისტორიის სწორ მხარეს. ეს ბრძოლა აუცილებლად სიყვარულის და თანასწორობის გამარჯვებით დასრულდება.

ჩვენი სრული მხარდაჭერა Tbilisi Pride-ს და ქვიარ თემს! ✊🏳️‍🌈

#სიყვარულსვერდაამარცხებ 💚

✅️ თუ ხარ 18-დან 30 წლამდე და გაქვს ქართულ პოლიტიკაში ახალგაზრდული ხედვის და პროგრესული საკითხების შემოტანის სურვილი, მაშინ ეს ტრენინგი შენთვისაა!

✅️ დამატებით ინფორმაციას და სარეგისტრაციო ფორმას გაეცანი ლინკზე: https://forms.gle/rYLauzC1k8knjFPM7

მწვანე პოლიტიკა და ეკონომიკა თუ ხარ 18-დან 30 წლამდე და გაქვს ქართულ პოლიტიკაში ახალგაზრდული ხედვის და პროგრესული საკითხების შემოტანის სურვილი,...

გრძელდება რეგისტრაცია ტრენინგზე "მწვანე პოლიტიკა და ეკონომიკა"

✅️ თუ ხარ 18-დან 30 წლამდე და გაქვს ქართულ პოლიტიკაში ახალგაზრდული ხედვის და პროგრესული საკითხების შემოტანის სურვილი, მაშინ ეს ტრენინგი შენთვისაა!

✅️ დამატებით ინფორმაციას და სარეგისტრაციო ფორმას გაეცანი ლინკზე: https://forms.gle/rYLauzC1k8knjFPM7

სოლიდარობა მაღაროელებს!

მაღაროელი ✊💚

✊️ გაფიცული მაღაროელები ჭიათურიდან თბილისში აგრძელებენ პროტესტს!

✊️ მაღაროელები, დღეს, 16:00 საათზე, პარლამენტის წინ გამართავენ აქციას.

✊️ შემოუერთდი პროტესტს და სოლიდარობა გამოუცხადე მაღაროელებსა და მათ ბრძოლას!

#სოლიდარობამაღაროელებს
მაღაროელი

"მწვანეები" ვუერთდებით არასამთავრობო ორგანიზაციების განცხადებას დღევანდელი თავდასხმების საპასუხოდ:

2023 წლის 17 ივნისს, ბორჯომში, საბავშვო ბანაკის მონაწილეებსა და ჩვეულებრივ დამსვენებლებს რამდენიმე ათეული მოძალადე თავს დაესხა. „გირჩი - მეტი თავისუფლებისა“ და „Institute For Individual Liberty“-ის მიერ გამართულ ბანაკს მოძალადეებმა ესროლეს ქვები, წითელი საღებავები, აგინეს და ხელი შეუშალეს მუშაობაში. ერთ-ერთმა მოძალადემ სასტუმროში მყოფ ახალგაზრდებსა და არასრულწლოვნებს გენიტალიებიც უჩვენა. შინაგან საქმეთა სამინისტრო, თვითმხილველების ცნობით, ძალადობას, სულ მცირე 40 წუთი, რეაგირების გარეშე ტოვებდა.

ასევე, დღეს თავს დაესხნენ “გირჩი - მეტი თავისუფლების” თავმჯდომარეს, ზურაბ გირჩი ჯაფარიძეს, რომელიც ბორჯომში, ამავე ბანაკში, ლექციის ჩასატარებლად მიემართებოდა.

ასევე, დღეს თბილისის სახელმწიფო უნივერსიტეტში ფიზიკურად გაუსწორდნენ მმართველი პარტიის თავმჯდომარის, ირაკლი კობახიძის, სალექციო აუდიტორიის გარეთ მშვიდობიანად, ბანერებით მდგომ სტუდენტებს, რომლებიც პარტიის პრორუსულ პოლიტიკას აპროტესტებდნენ.

დროის მცირე მონაკვეთში განხორციელებული სამი თავდასხმა აშკარად წინასწარ დაგეგმილი და ორგანიზებულია. ეს დანაშაულებრივი ქმედებები ეწინააღმდეგება ქართულ ღირებულებებს - შემწყნარებლობას და მშვიდობიანობას. ახალგაზრდებზე, ბავშვებზე თავდასხმა არა მხოლოდ კანონს არღვევს, არამედ შეუთავსებელია ქართული საზოგადოების ღირებულებებთან. ოპოზიციური პოლიტიკოსებისა და მოსახლეობის დევნა არის რუსეთის, პუტინის რეჟიმის, ხელწერა; სწორედ ოკუპანტი სახელმწიფო უსწორდება ოპონენტებს და ძალადობრივად ახშობს სიტყვის და გამოხატვის თავისუფლებას.

არასრულწლოვნებზე თავდასხმა არის სამარცხვინო საქციელი, რომელსაც მხოლოდ სუსტი და შეშინებული ადამიანები მიმართავენ, რაც სრულ წინააღმდეგობაში მოდის ქართულ საზოგადოებაში დამკვიდრებულ ტრადიციებთან. მოვუწოდებთ სამართალდამცავ უწყებებს, დაუყოვნებლივ აღკვეთონ სიძულვილის დანაშაულები და კანონის სრული სიმკაცრით დასაჯონ დამნაშავეები.

თამარ ჯაყელი მწვანეების გლობალურ კონგრესზე, მოხსენებით ქვიარ თემის უფლებებზე, პოლიტიკურ ჰომოფობიაზე და ჩაგრულ ჯგუფებს შორის სოლიდარობის მნიშვნელობაზე 🏳️‍🌈♀️🌻✊

🌻 ჩვენი წევრები, თამარ ჯაყელი და თორნიკე კუსიანი, მწვანეების გლობალურ კონგრესზე იმყოფებოდნენ სამხრეთ კორეაში.

🌻 გლობალური კონგრესი მწვანე პარტიების და ორგანიზაციების უმაღლესი გადაწყვეტილების მიმღები ორგანოა, რომელიც ჩვეულებრივ ოთხ წელიწადში ერთხელ იმართება მსოფლიოს სხვადასხვა წერტილში. პანდემიის გამო, 2017 წლის შემდეგ პირველად შევიკრიბეთ პირისპირ.

🌻 ვისაუბრეთ და რეზოლუციები მივიღეთ კლიმატის კრიზისის, მწვანე ეკონომიკის, დემოკრატიის დაცვის, უსაფრთხოების და თანასწორობის თემებზე. დავამყარეთ კონტაქტები და გავაძლიერეთ ჩვენი კავშირი გლობალურ მოძრაობასთან, მწვანე, სამართლიანი, თანასწორი მომავლისთვის!

✅️ თუ ხარ 18-დან 30 წლამდე და გაქვს ქართულ პოლიტიკაში ახალგაზრდული ხედვის და პროგრესული საკითხების შემოტანის სურვილი, მაშინ ეს ტრენინგი შენთვისაა!

✅️ დამატებით ინფორმაციას და სარეგისტრაციო ფორმას გაეცანი ლინკზე: https://forms.gle/rYLauzC1k8knjFPM7

სოლიდარობა გაფიცულ მაღაროელებს! ✊️

უკრაინამ უნდა გაიმარჯვოს! 💛💙✊

რუსეთმა კიდევ ერთი ჰუმანიტარული და ეკოლოგიური კატასტროფა გამოიწვია უკრაინაში, კახოვკას ჰიდროელექტროსადგურის კაშხლის აფეთქებით.

დნიპროს მარჯვენა სანაპიროზე „კრიტიკულ ზონაში“ დაახლოებით 16 000 ადამიანი იმყოფებოდა. მოსახლეობის ევაკუაცია ავტობუსებითა და მატარებლით მიმდინარეობს.

წყალსაცავის დონის უკონტროლო კლება დამატებითი საფრთხეა დროებით ოკუპირებული ზაპოროჟიეს ატომური ელექტროსადგურისთვის“, - აცხადებენ „უკრჰიდროენერგოში“.

ჩვენი ვალია, დავეხმაროთ უკრაინას, დაამარცხოს ბოროტება! 🇬🇪🇺🇦

ილუსტრაციის ავტორი: ვალენტინა რომანოვა

26 მაისი საქართველოს დამოუკიდებლობის დღეა! 🇬🇪✊

1918 წლის 26 მაისს, გამოცხადდა საქართველოს დამოუკიდებლობა!

Ქართველი ხალხის ძლიერმა სამოქალაქო ნებამ ისარგებლა რუსეთის იმპერიის დასუსტებით და შექმნა პირველი რესპუბლიკა!

Აღსანიშნავია, რომ პროგრესული ღირებულებები და შესაბამისი პოლიტიკები, რასაც, დღეს დასავლური სამყაროს მონაპოვრად ვთვლით, ერთი საუკუნის წინ, სწორედ Პირველი რესპუბლიკის დროს განხორციელდა საქართველოში.

❗Დღეს საქართველოს ისტორიული მომენტი უდგას! 2023 წლის ბოლოს, საქართველოს მოქალაქეები ველოდებით ევროკავშირის წევრობის კანდიდატის სტატუსის მონიჭებას. Მიგვაჩნია, რომ ჩვენი სახელმწიფოებრიობის შენარჩუნების ერთადერთი გზა ევროკავშირში ინტეგრაციის გზაა. Მხოლოდ, Თავისუფალ, დემოკრატიულ ევროპასთან მჭიდრო თანამშრომლობით, საქართველო შეძლებს გაძლიერებასა და განვითარებას, რადგან ძალა ერთობაშია. 🇪🇺

Საბჭოთა რუსეთისგან თავის დახსნის შემდეგ, დამოუკიდებელი საქართველოს განვითარებასა და გაძლიერებაში განსაკუთრებული როლი ჩვენმა სტრატეგიულმა პარტნიორებმა შეიტანეს. Გასული 30 წლის განმავლობაში, სანამ რუსეთი საქართველოში ეთნო-კონფლიქტების გაღვივებითა და სოფლების დაბომბვით იყო დაკავებული, ევროკავშირისა და აშშ-ის მხარდაჭერით, ქვეყანაში ჩამოყალიბდა სახელმწიფო ინსტიტუტები, განვითარდა სამოქალაქო საზოგადოება. საერთაშორისო არენაზე, მსოფლიომ სცნო საქართველოს სუვერენიტეტი, მისი დამოუკიდებლობა და მისი საზღვრები.

❗Თუმცა, დღეს, 2023 წლის 26 მაისს, საქართველოს დამოუკიდებლობას საფრთხე ემუქრება. საქართველოს მთავრობა ღიად თანამშრომლობს ქვეყნის მტერთან, საქართველოს ოკუპაციაზე პასუხისმგებელ, პუტინის რეჟიმთან. Მეტიც, მთავრობა თვალს ხუჭავს იმავე რეჟიმის მიერ უკრაინაში ჩადენილ დანაშაულებზე. “Ქართული ოცნების” მოღალატეობრივი პოლიტიკა საქართველოს დამნაშავის გვერდით აყენებს. “Ქართული ოცნების” მოღალატეობრივი პოლიტიკა
საფრთხეს უქმნის ქართველი ხალხის მთავარ მონაპოვარს, ევროპულ ოჯახში დაბრუნებისკენ სწრაფვას!

26 მაისი არის თარიღი, როდესაც უნდა გავერთიანდეთ ჩვენი საერთო მიზნისთვის, გავძლიერდეთ და მოვემზადოთ თანმიმდევრული, მშვიდი, თუმცა ძნელი ბრძოლებისთვის. Დღეს, უნდა გავაცნობიეროთ ჩვენი სამოქალაქო პასუხისმგებლობა - დავიცვათ საქართველოს დამოუკიდებლობა! ✊🇬🇪🇪🇺

რუსეთთან ფრენების აღდგენა უნდა დავინახოთ, როგორც რუსეთის მიერ საქართველოს მონიშვნა საკუთარი გავლენის ტერიტორიად. ამ ნაბიჯს ჯაჭვივით მოჰყვება სხვა ნაბიჯები, რომლებიც საქართველოს უფრო და უფრო დამოკიდებულს გახდის რუსეთზე.

იმ კონტექსტში, რომელშიც რუსეთი მეტად და მეტად იზოლირებულია გარესამყაროსგან, რუსეთთან ურთიერთობის ნორმალიზება არათუ არ დაგვიბრუნებს ოკუპირებულ ტერიტორიებს, არამედ დამატებით, უფრო მოწყვლადს გაგვხდის ნებისმიერი გეოპოლიტიკური და გლობალური გამოწვევის წინაშე.

წარმოუდგენელია ტერორისტ, გენოციდურ, იმპერიალისტ ქვეყანასთან ურთიერთობების დათბობა! ამას ქართველი ხალხი არ დაუშვებს!

❗🥁 ამიტომ დღეს ყველანი აქციაზე რუსული თვითმფრინავი ევროკავშირში არ ჯდება

18 მაისს, საქალაქო სასამართლოში ლაზარეს მორიგი პროცესი იმართება. ხელისუფლება ცდილობს რუსული კანონის საწინააღმდეგო პროტესტში გამარჯვებული ახალგაზრდობის დასჯას ერთ-ერთი ჩვენგანის დაპატიმრებით.

❗არ მივცეთ "ქართულ ოცნებას" ლაზარეს დასჯის უფლება!

❗შევიკრიბოთ საქალაქო სასამართლოსთან 12 საათიდან და ლაზარეს გამოვუცხადოთ სოლიდარობა!

ჩვენ გვჯერა, რომ ერთმანეთის სიყვარულით და პატივისცემით ავაშენებთ ნამდვილად თანასწორ საზოგადოებას, სადაც ქვიარ ადამიანები თავისუფლად, შიშისა და გარიყვის გარეშე, ყველა აუცილებელ შესაძლებლობაზე წვდომით, ლაღად და ბედნიერად იცხოვრებენ.

ჩვენ ვხედავთ, რომ საქართველოს საზოგადოება ბოლო ათი წლის განმავლობაში ძალიან გაიზარდა. მიუხედავად სიძულვილის მანქანისა, რომელიც მიზანმიმართულად მუშაობს ქვიარ ადამიანების წინააღმდეგ, დღეს ჩვენი საზოგადოება აშკარად უფრო მიმღებელი და შემწყნარებელია, ვიდრე ოდესმე.

ჩვენ გვახსოვს 2013 წლის 17 მაისი, როდესაც რელიგიისა და ტრადიციების სახელით, გავეშებული ბრბო ქვიარ ადამიანებს მოსაკლავად მისდევდა. ახლაც, ათი წლის მერეც, ეს დღე ტრავმასთან ასოცირდება.

ამასთანავე, მიგვაჩნია, რომ ამ დღემ ბევრი რამ გამოაშკარავა და ბევრი რამ შეცვალა, მათ შორის, დადებითისკენ. ამ დღემ სინათლეზე გამოიტანა ქვიარ ადამიანების გამოცდილებები, გამოწვევები, ჩაგვრები და შიშები. ამ დღემ საშუალება მოგვცა საზოგადოებას, დაგვენახა ჩვენი თანამოქალაქეები და აღმოგვეჩინა, რომ თურმე უფრო მეტი გვაერთიანებს, ვიდრე გვყოფს, რომ თურმე ყველანი ამ ქვეყნის შვილები ვართ, რომ თურმე არაფერია საშიში განსხვავებულობაში.

დღესაც ქვიარ თემი მრავალი გამოწვევის წინაშეა, თუმცა გვჯერა, რომ საზოგადოება ადრე თუ გვიან გავერთიანდებით ერთმანეთის სიყვარულით. გვჯერა, რომ ერთმანეთთან ხიდების შენებით ავაშენებთ სახელმწიფოს, სადაც ყველა ადამიანი ლაღად და ბედნიერად იცხოვრებს.

დღეს, პარლამენტის უკან, 19:00 საათიდან!

რუსული ხომალდით ევროკავშირში ვერ შევალთ!

პოლიტიკა, რომელსაც რუსეთი საქართველოს მიმართ აწარმოებდა და აწარმოებს მიმართულია ქართული სახელმწიფოებრიობის გამოფიტვისკენ და განადგურებისკენ.

რუსეთს ძალიან აწყობს "ქართული ოცნების" მმართველობა, რადგან "ქართული ოცნება" ამ ტერორისტ და იმპერიალისტ სახელმწიფოს თავისი მიზნის მიღწევაში ეხმარება.

ამ ჭრილში უნდა დავინახოთ უვიზო რეჟიმიც და პირდაპირი ფრენებიც. რაც შეიძლება მალე, "ქართული ოცნება" რუსული ხომალდის მიმართულებით უნდა გავუშვათ, რადგან ეს მთავრობა ისტორიული დანაშაულია როგორც ჩვენი წინაპრების, ასევე ჩვენი მომავალი თაობების წინაშე.

არა რუსულ რეჟიმს! ✊
სოლიდარობა უკრაინას! 🇺🇦
დიდება საქართველოს! 🇬🇪

დღეს დედების აქციის და ლაზარეს სასამართლოს გარდა, მშრომელთა სოლიდარობის საპირველმაისო მარშიც გაიმართა, მოძრაობა ხმა ს ორგანიზებით. აქციის სამი მონაწილე დააკავა პოლიციამ, ლიბერთი ბანკის სათავო ოფისისთვის წითელი საღებავის შესხმის გამო.

ლიბერთი ბანკი პენსიონერებს ძარცვავს, ამიტომ წითელი საღებავი დიახაც რომ სამართლიანია.

სოლიდარობა დაკავებულებს ✊ არა პოლიციურ რეჟიმს!

თავისუფლება ლაზარეს!

თავისუფლება თორნიკეს!

ქართული სახელმწიფოს სახე - დედები წვიმაში პრემიერის განცხადებას ელიან, რომ შვილებს წამალი მიუტანონ სახლში

#წამალიბავშვებს

დღეს პირველი მაისია, მშომელთა საერთაშორისო დღე! ✊️

მიუხედავად, უამრავი გლობალური თუ ლოკალური პრობლემისა, მშრომელები 1 მაისს ზეიმით ვხვდებით! განუწყვეტელი ბრძოლების მიუხედავად, ვინ თუ არა ჩვენ, ვიცით ერთობლივი გამარჯვებების ფასი!

✅️ მშრომელთა ბრძოლის შედეგად, დაკანონდა 8 საათიანი სამუშაო დღე!
✅️ მშრომელთა ბრძოლის შედეგად, დაკანონდა დეკრეტული შვებულება!
✅️ მშრომელთა ბრძოლის შედეგად, აიკრძალა ბავშვების შრომითი ექსპლუატაცია!
✅️ მშრომელთა ბრძოლის შედეგად, ჩვენ მივიღეთ შვებულებისა და დასვენების უფლება!
✅️ მშრომელთა ერთიანობისა და ათწლეულების მანძილზე განუწყვეტელი ბრძოლის შედეგით, თითოეული ჩვენგანი, ყოველ დღე ვსარგებლობთ და ვაგრძელებთ ბრძოლას უკეთესი აწმყოსა და მომავლისათვის!

მეტიც, 1 მაისს, მშრომელები საერთო ბრძოლების ფრონტის ხაზებს ვადგენთ:

- დღეს, ვოლტის კურიერები ღირსეული შრომითი პირობებისთვის იბრძვიან
- დღეს, ქვეყანაში, ათიათასობით ბავშვი შიმშილობს
- დღეს, აქონდროპლაზიის მქონე ბავშვების სამკურნალო წამლის მისაღებად, მშობლები მთავრობის კანცელარიასთან ღამეებს ათევენ
- დღეს, სტუდენტები, გაძვირებული საცხოვრებლის გამო, სწავლის ნაცვლად განუწყვეტლივ მუშაობენ, ხშირად, დაბალანაზღაურებად პოზიციებზე
- დღეს, რუსული კანონის გაწვევით გამწარებული მმართველი ძალა, ამ კანონის მოწინააღმდეგე საზოგადოებას სამაგიეროს გვიხდის, ერთი ჩვენგანის სამაგალითო დასჯის მცდელობით.

სწორედ ამიტომ, ვაცნობიერებთ რა ჩვენს პასუხისმგებლობას და ჩვენი ერთიანობის ძალას, დღეს, 1 მაისს, მწვანეები სამოქალაქო სასამართლოსთან გავდივართ. დღეს, ერთად დგომით, მახინჯ სისტემას არ უნდა მივცეთ უფლება, წინააღმდეგობისთვის დასაჯოს ლაზარე!

#თავისუფლებალაზარეს #წამალიბავშვებს #პირველიმაისი #1მაისი

მწვანეები ვუერთდებით ლაზარესა და თორნიკეს მხარდამჭერ აქციას, ხვალ, 16:00 საათზე, საქალაქო სასამართლოს ეზოში, რომელიც პროცესების პარალელურად გაიმართება ✊💚

თავისუფლება ლაზარეს!

წამალი ბავშვებს!

შევხვდებით ორშაბათს, 13:00 საათზე, კანცელარიასთან, მთავრობის სხდომის პარალელურად ✊

აქონდროპლაზიის დიაგნოზის მქონე ბავშვებს და მათ მშობლებს სჭირდებათ ჩვენი გვერდში დგომა. მოქალაქეებო, მეგობრებო, მშობლებო, ექიმებო, მასწავლებლებო, სტუდენტებო, მოდით შაბათს კანცელარიასთან 3 საათზე, დაეხმარეთ დედებს შვილების გადარჩენაში!

მშობლები უკვე წელიწადნახევარია ელაპარაკებიან სახელმწიფოს.

წელიწადნახევარი გავიდა უშედეგო საუბარში.
სახელმწიფოს გულგრილობამ მშობლები ქუჩაში გამოიყვანა.

ისინი, კვირაზე მეტია, ღია ცის ქვეშ, ათევენ ღამეს კანცელარიასთან, და ითხოვენ ელემენტარულს - ყურადღებას ხელისუფლებისგან.

ყურადღების ნაცვლად, მშობლები პასუხად იღებენ დეზინფორმაციის, დისკრედიტაციის და ცილისწამების კამპანიას!

ეს არის ხელისუფლების წარმოუდგენლად სამარცხვინო მოპყრობა საკუთარ მოქალაქეებთან, მშობლებთან, დედებთან და არის ჩვენი, თითოეული ადამიანის ღირსების შემლახავი.

დედები უწყვეტად აგრძელებენ პროტესტს, ითხოვენ შვილებისთვის კრიტიკულად მნიშვნელოვან წამალს, Voxzogo/Vosoritide, რომელიც ევროკავშირსა და ამერიკაში ლიცენზირებული და დამტკიცებულია.

გელოდებით შაბათს, 3 საათზე, წამალი ბავშვებს!

📣 აქონდროპლაზიის მქონე ბავშვების მშობლების პროტესტი - როგორ დავუჭიროთ მხარი ✊

შევუერთდეთ მათ პროტესტს - აქონდროპლაზიის მქონე 16 ბავშვის მშობლები მთავრობის კანცელარიასთან რჩებიან და სახელმწიფოსგან წამლის შემოტანას ითხოვენ. მთავრობა მათ მოთხოვნას დღემდე აიგნორებს, ან ცინიკური განცხადებებით პასუხობს.

შეგახსენებთ, რომ აქონდროპლაზიის მქონე ბავშვების მშობლები, რამდენიმე თვეა, მთავრობისგან პრეპარატ Voxzogo-ს საქართველოში შემოტანას ითხოვენ. საქართველოში, წამალი 12 ბავშვს სჭირდება და მისი მიღება 14-16 წლამდეა ეფექტური. შესაბამისად, წამლის საქართველოში სწრაფად შემოტანა ბავშვების კეთილდღეობისთვის უმნიშვნელოვანესია.

✅ სოლიდარობა კანცელარიის წინ - წინასწარ დაანონსებული აქციების გარდა, ნებისმიერ დროს შეგიძლიათ კანცელარიასთან მისვლა და მშობლებისთვის სოლიდარობის გამოცხადება. აქონდროპლაზიის მქონე ბავშვების დედები მთავრობის კანცელარიის წინ ღობესთან ღამეებს ათევენ.

✅ ამ დღეების განმავლობაში, შეგიძლიათ, მიუტანოთ ცხელი სასმელი, პლედი, ან უბრალოდ, გაამხნევოთ.

✅ ინფორმაციის გავრცელება - „ქართულმა ოცნებამ“ შვილების წამლის მოთხოვნით გამოსულ მშობლებს სოციალურ ქსელებში ტროლ-ბოტები დაუპირისპირა. ჩვენი, თითოეული მოქალაქის ვალდებულებაა სწორი ინფორმაციის გავრცელება და მეტი ადამიანის ინფორმირება როგორც აქონდროპლაზიის რისკების შემამცირებელ, საერთაშორისოდ დამტკიცებულ წამალზე, ასევე, სახელმწიფოს მოვალეობაზე, დააფინანსოს მისი მოქალაქეების მკურნალობა.

#წამალიბავშვებს ✊

📣❗ მეგობრებო, ბავშვებს და დედებს სჭირდებათ ჩვენი თანადგომა. გთხოვთ, ვისაც შეგიძლიათ, დღეს 2 საათზე მოხვიდეთ კანცელარიასთან.

უკვე აქ ვართ და ვხმაურობთ, მაგრამ მეტნი უნდა ვიყოთ, როცა სხდომა დაიწყება. მოდით ✊

#წამალიბავშვებს

მწვანეებმა სოლიდარობა გამოვუცხადეთ აქონდროპლაზიის დიაგნოზის მქონე ბავშვებს და მათ მშობლებს, რომლებიც სახელმწიფოსგან ითხოვენ ჯანმრთელობისთვის აუცილებელი წამლის დაფინანსებას 💚✊

#წამალიბავშვებს

მწვანეები შევუერთდით ვეგანური დედამიწის დღის მარშს 💚

ვთვლით, რომ მცენარეული დიეტა ერთ-ერთი საუკეთესო გზაა კლიმატის ცვლილების შესარბილებლად.

ვეგანობა ზრუნვაზე დაფუძნებული მსოფლმხედველობაა. ეს ზრუნვა მოიაზრებს ადამიანთან ერთად ყველა ცოცხალი არსების და გარემოს დაცვას 🌻

ჩვენი წევრი, ნინო გოგოჭური, ამაყი ვეგანია ✊💚🥑🥦

გილოცავთ დედამიწის დღეს! 🌍

მწვანე პოლიტიკა, რომელიც იზრუნებს ადამიანებზე და დაიცავს საარსებო გარემოს, სასიცოცხლოდ აუცილებელია.

ტრანზიცია მეტი ეკოლოგიური მდგრადობისკენ უნდა მოხდეს სოციალური სამართლიანობისთვის ბრძოლის პარალელურად.

ეკოლოგიურად მდგრადი და სოციალურად სამართლიანი პლანეტა შესაძლებელია! ✊

ერთად გავამწვანოთ პოლიტიკა! 🌻

მწვანეები სოლიდარობას ვუცხადებთ აქონდროპლაზიის სინდრომის მქონე ბავშვებს და მათ მშობლებს! სახელმწიფო ვალდებულია, უზრუნველყოს აუცილებელი მედიკამენტის ქვეყანაში შემოტანა და ხელმისაწვდომობა.

შეგახსენებთ, რომ ბიუჯეტიდან მასშტაბური რაოდენობის თანხების კონცერტებზე დახარჯვის გადაწყვეტილების პარალელურად, წელიწადნახევარზე მეტია, მთავრობა აიგნორებს 16 ბავშვის საჭიროებებს!

მედიკამენტი Vozoritide უკვე ლიცენზირებულია და ხელმისაწვდომია 20-ზე მეტი ქვეყნის ბავშვებისათვის.
მედიკამენტი სასიცოცხლოდ მნიშვნელოვანია აქონდროპლაზიის სინდრომის მქონე ბავშვებისთვის და მის მიღებას მხოლოდ 14-16 წლის ასაკამდე აქვს შედეგი.

ამიტომაც მათთვის ყოველი წუთი და დღე წამლის გარეშე, დაკარგული შანსია.

დაუფინანსეთ წამალი ბავშვებს!

#წამალიბავშვებს

9 აპრილი თავგანწირვის, გამბედაობისა და დამოუკიდებლობისთვის ბრძოლის დღეა ✊🇬🇪

მწვანეებმა პატივი მივაგეთ გმირებს, რომელთაც ჩვენი თავისუფლებისთვის სიცოცხლე გასწირეს. ჩვენ ყველაფერს გავაკეთებთ, რომ მათი მონაპოვარი შევინარჩუნოთ!

საქართველოს დამოუკიდებლობის განმტკიცების გზა ევროკავშირის წევრობაზე გადის 🇬🇪🇪🇺

როგორც პრემიერმა განაცხადა, თუ მაჩვენებელი ჩამოცდებიდა 4 პროცენტს, ტრანსპორტი გაიხსნებოდა. დღევანდელი მომაცემებით 4. 05 პროცენტია. ველით ტრანსპორტის განხსნას პირველ თებერვალს!!!

მანამდე კი, კვირას 15:00 დან კანცელარიასთან!!

ტრანსპორტი ყველას!

გახარია
საქართველოს მთავრობა