საგანგებო სიტუაციების კოორდინაციისა და გადაუდებელი დახმარების ცენტრი

სისხლის დონორის მსოფლიო დღესთან დაკავშირებით, ჯანდაცვის სამინისტროსა და მის დაქვემდებარებულ უწყებებში დონაციის აქცია გაიმართა.

აქციის მიზანი უსაფრთხო სისხლისა და სისხლის პროდუქტების მნიშვნელობასა და საჭიროებაზე საზოგადოების ცნობიერების ამაღლებაა.
კამპანიაში საგანგებო სიტუაციების კოორდინაციისა და გადაუდებელი დახმარების ცენტრიც ჩაერთო.

უანგარო დონაციის აქცია სასწავლო სატრენინგო ცენტრის ტერიტორიაზე გაიმართა, სადაც მონაწილეობა საგანგებო სიტუაციების კოორდინაციისა და გადაუდებელი დახმარების ცენტრის თანამშრომლებმა, ექიმებმა და პარამედიკოსებმა მიიღეს.

სისხლის უანგარო დონაციის აქცია, ჯანდაცვის სამინისტროს ინიციატივით, 5 სხვადასხვა ლოკაციაზე, ერთდროულად გაიმართა. კამპანიაში ჯანდაცვის მინისტრი მიხეილ სარჯველაძე და მისი მოადგილეებიც ჩაერთნენ.

აღსანიშნავია, რომ სისხლის პროდუქტების მიღების ერთადერთი გზა სისხლის დონაციაა. ერთჯერადად სისხლის გაღებით, ერთ ადამიანს, 3 ადამიანის სიცოცხლის გადარჩენა შეუძლია.
#საგანგებო2024

🔹 გადაუდებელ სამედიცინო შემთხვევებზე რეაგირებისთვის გადამზადებულ პარამედიკოსთა 29-ე და 30-ე ჯგუფის 27კურსდამთავრებულს სერტიფიკატები გადაეცათ.

🔹კურსდამთავრებული პარამედიკოსები სასწრაფო სამედიცინო დახმარების რაიონულ სამსახურებში გადანაწილდებიან და ნებისმიერი სიმძიმის გამოძახებებს შეასრულებენ. ამ ეტაპზე პარამედიკოსთა 30 ჯგუფი მომზადდა და ამავდროულად, ახალი ნაკადის მიღება უწყვეტ რეჟიმში მიმდინარეობს.

🔹აპლიკანტები საკონკურსო წესით, მოთხოვნილი დოკუმენტაციის წარდგენისა და ნორმატივების ჩაბარების საფუძველზე შეირჩევიან, რის შემდეგაც გადაუდებელი დახმარების შესახებ თეორიულ და პრაქტიკულ კურსს გადიან. მოდულში, სასწრაფო დახმარებისა და კატასტროფის ეკიპაჟებთან და კლინიკების ბავშვთა და მოზრდილთა გადაუდებელი დახმარების განყოფილებებში მორიგეობა შედის. გადამზადების შემდეგ, გამოცდის წარმატებით ჩაბარების შემთხვევაში, კურსდამთავრებულებს გადაეცემათ სერტიფიკატები და სასწრაფო დახმარების რაიონულ სამსახურებში გადანაწილდებიან.

🔹პარამედიკოსთა მომზადების პროექტი ამიერკავკასიაში პირველად, ჯანდაცვის სამინისტროს ინიციატივით ხორციელდება და გადაუდებელი დახმარების ხარისხის გაუმჯობესებას ისახავს მიზნად.

🔹კურსდამთავრებულ პარამედიკოსებს სერტიფიკატები საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ალექსანდრე კუტიბაშვილმა, ცენტრის ხელმძღვანელ პირებთან ერთად გადასცა.
#შენისიცოცხლისგადასარჩენად
#საგანგებო2024

ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ, სახელმწიფო მზრუნველობაში მყოფ ბავშვებს ბავშვთა საერთაშორისო დღე მიულოცა.

ზრუნვაში მყოფ ბავშვებს, სამინისტროს წარმომადგენლებმა, საგანგებო სიტუაციების კოორდინაციისა და გადაუდებელი დახმარების ახლად გახსნილ სასწავლო -სატრენინგო ცენტრში უმასპინძლეს, სადაც ცენტრის დირექტორმა ალექსანდრე კუტიბაშვილმა და ინსტრუქტორებმა მოზარდებს ადგილზე გააცნეს, თუ, როგორ ტარდება პირველადი სამედიცინო დახმარება.

პრაქტიკული ნაწილის შემდეგ კი,ცენტრის წარმომადგენლებმა მოზარდებს სასწრაფო დახმარების ავტომობილები და სამედიცინო მოტო ტრანსპორტი დაათვალიერებინეს.

სახელმწიფო მზრუნველობაში მყოფი ბავშვები ასევე, საგანგებო სიტუაციების კოორდინაციისა და გადაუდებელი დახმარების ცენტრის ადმინისტრაციულ შენობაშიც იმყოფებოდნენ, სადაც მიხეილ სარჯველაძემ მათ ცენტრალური სადისპეტჩეროს მუშაობის პრინციპი და სპეციფიკა გააცნო.

დასასრულს, მინისტრმა მოზარდებს საჩუქრები გადასცა.
#ჯანდაცვა2024
#საგანგებო2024

27 მაისი, გადაუდებელი სამედიცინო დახმარების საერთაშორისო დღეა!

გილოცავთ და მადლობას გიხდით ქვეყნის ჯანდაცვის სისტემის ეფექტიანობაში შეტანილი უმნიშვნელოვანესი წვლილისთვის.

გისურვებთ წარმატებას და წინსვლას პროფესიულ საქმიანობაში!
#შენისიცოცხლისგადასარჩენად

გილოცავთ საქართველოს დამოუკიდებლობის დღეს!

#ესდღეჩვენია

📣📣📣სსიპ საგანგებო სიტუაციების კოორდინაციისა და გადაუდებელი დახმარების ცენტრი აცხადებს მიღებას სადისპეტჩეროს თანამშრომლის პოზიციაზე.
დამატებითი დეტალები იხილეთ მითითებულ ბმულზე:
👇
https://emsc.moh.gov.ge/ge/vakansia

1 მაისს, რუსთაველის გამზირზე გამართულ საპროტესტო აქციაზე დაშავებული 8 სამოქალაქო პირის ჰოსპიტალიზაცია განხორციელდა. მათ შორის ერთი გაწერილია კლინიკიდან. საგანგებო სიტუაციების კოორდინაციისა და გადაუდებელი დახმარების ბრიგადებმა ისინი სხვადასხვა სამედიცინო დაწესებულებაში გადაიყვანეს. დაშავებულებს აღენიშნებათ სხვადასხვა სახის დაზიანებები, მათ შორის : ჭრილობები სახის, თავისა და სხეულის სხვადასხვა ნაწილზე, ასევე ინტოქსიკაცია და სასუნთქი გზების გართულებები. ამ ეტაპზე სამედიცინო დაწესებულებაში ჰოსპიტალიზებული პაციენტების ჯანმრთელობის მდგომარეობა დამაკმაყოფილებელია. მათ უტარდებათ სათანადო მკურნალობა და იმყოფებიან დაკვირვების ქვეშ.
საპროტესტო აქციის მიმდებარე ტერიტორიაზე მობილიზებულია საგანგებო სიტუაციების კოორდინაციისა და გადაუდებელი დახმარების 20 ბრიგადა. ადგილზე სამედიცინო დახმარება გაეწია ათობით მოქალაქეს, მათ შორის ერთ სამართალდამცველს. მათ ძირითადად აღენიშნებოდათ თავის ტკივილი და თვალების წვა.
საზოგადოების ინფორმირებისთვის განვმარტავთ, რომ სამედიცინო პერსონალი უზრუნველყოფს ყველა მოქალაქისთვის საჭირო სამედიცინო მომსახურებას. აღსანიშნავია, რომ სასწრაფო დახმარების სათადარიგო ბრიგადები დამატებით მობილიზებულია ასევე რუსთაველის გამზირის მიმდებარე ტერიტორიაზე აქციის დაწყების დროიდან.

გავრცელებული ინფორმაცია, თითქოს აქციის მიმდებარე ტერიტორიაზე საგანგებო სიტუაციების კოორდინაციისა და გადაუდებელი დახმარების ცენტრის ბრიგადების არასაკმარისი რაოდენობა იმყოფება, არ შეესაბამება სიმართლეს და საზოგადოების შეცდომაში შეყვანას ისახავს მიზნად.
საზოგადოების ინფორმირებისთვის განვმარტავთ, რომ ადგილზე მობილიზებულია სასწრაფო დახმარების საკმარისი რაოდენობა, სამედიცინო პერსონალი უზრუნველყოფს მოქალაქეებისთვის ყველა საჭირო სამედიცინო მომსახურებას. ამ დროისთვის განხორციელდა სამი სამართალდამცველის ჰოსპიტალიზაცია.

სსიპ საგანგებო სიტუაციების კოორდინაციისა და გადაუდებელი დახმარების ცენტრის ჰოსპიტალიზაციის ცვლის უფროსის ყოფილი მოადგილე და ამავე ცენტრის ჰოსპიტალიზაციის ორი ყოფილი მენეჯერის დაკავებასთან დაკავშირებით, მოგახსენებთ, რომ აღნიშნული პირები, სსიპ საგანგებო სიტუაციების კოორდინაციისა და გადაუდებელი დახმარების ცენტრის თანამშრომლებს არ წარმოადგენენ. საგანგებო სიტუაციების კოორდინაციისა და გადაუდებელი დახმარების ცენტრი, აღნიშნული პირების მუშაობის პერიოდთან დაკავშირებულ საკითხებზე, საგამოძიებო ორგანოსთან თანამშრომლობს.

🔷 გადაუდებელ სამედიცინო შემთხვევებზე რეაგირებისთვის გადამზადებულ პარამედიკოსთა 27-ე და 28-ე ჯგუფის 9 კურსდამთავრებულს სერტიფიკატები გადაეცათ.
🔹კურსდამთავრებული პარამედიკოსები სასწრაფო სამედიცინო დახმარების რაიონულ სამსახურებში გადანაწილდებიან და ნებისმიერი სიმძიმის გამოძახებებს შეასრულებენ. ამ ეტაპზე პარამედიკოსთა 28 ჯგუფი მომზადდა და ამავდროულად, ახალი ნაკადის მიღება უწყვეტ რეჟიმში მიმდინარეობს.
🔹აპლიკანტები საკონკურსო წესით, მოთხოვნილი დოკუმენტაციის წარდგენისა და ნორმატივების ჩაბარების საფუძველზე შეირჩევიან, რის შემდეგაც გადაუდებელი დახმარების შესახებ თეორიულ და პრაქტიკულ კურსს გადიან. მოდულში, სასწრაფო დახმარებისა და კატასტროფის ეკიპაჟებთან და კლინიკების ბავშვთა და მოზრდილთა გადაუდებელი დახმარების განყოფილებებში მორიგეობა შედის. გადამზადების შემდეგ, გამოცდის წარმატებით ჩაბარების შემთხვევაში, კურსდამთავრებულებს გადაეცემათ სერტიფიკატები და სასწრაფო დახმარების რაიონულ სამსახურებში გადანაწილდებიან.
🔹პარამედიკოსთა მომზადების პროექტი ამიერკავკასიაში პირველად, ჯანდაცვის სამინისტროს ინიციატივით ხორციელდება და გადაუდებელი დახმარების ხარისხის გაუმჯობესებას ისახავს მიზნად.
🔹კურსდამთავრებულ პარამედიკოსებს სერტიფიკატები საგანგებო სიტუაციების კოორდინაციისა და გადაუდებელი დახმარების ცენტრის დირექტორმა ალექსანდრე კუტიბაშვილმა გადასცა.
#შენისიცოცხლისგადასარჩენად
#საგანგებო2024

საქართველოს პრემიერ-მინისტრმა ირაკლი კობახიძემ, ჯანდაცვის მინისტრი მიხეილ სარჯველაძე, უწყების თანამშრომლებს წარუდგინა.

პრემიერ-მინისტრის თქმით, მიხეილ სარჯველაძე, განსაკუთრებულად გამოირჩევა მაღალი კომპეტენციითა და კეთილსინდისიერებით. პრემიერ მინისტრმა, ჯანდაცვის მინისტრს, მომავალ საქმიანობაში, წარმატება უსურვა.

წარდგენის შემდეგ, მიხეილ სარჯველაძემ, გამოცხადებული ნდობისთვის, ირაკლი კობახიძეს, მადლობა გადაუხადა და აღნიშნა, რომ ჯანდაცვის მინისტრობა, მისთვის განსაკუთრებული პასუხისმგებლობაა, ერთის მხრივ, მთავრობის ხელმძღვანელის მხრიდან გამოცხადებული ნდობის, მეორეს მხრივ კი - სამინისტროს სპეციფიკისა და მნიშვნელობიდან გამომდინარე.

პრემიერ-მინისტრმა, მიხეილ სარჯველაძე, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრად, 11 მარტს წარადგინა.

#ჯანდაცვა2024