ეროვნული სკრინინგ ცენტრი

❓გაინტერესებთ რა შემთხვევაში ინიშნება დამატებითი კვლევები ძუძუს კიბოს სკრინინგის გამოკვლევის ჩატარებისას?
❓არის თუ არა დამატებითი გამოკვლევის დანიშვნა დაკავშირებული რაიმე პრობლემასთან? 👇

ძვირფასო ქალბატონებო,
მამოგრაფიული გამოკვლევის შემდეგ, ქალბატონების გარკვეულ ნაწილს შესაძლებელია დასჭირდეს დამატებითი კვლევები, როგორიცაა სარძევე ჯირკვლის ექოსკოპია, ასევე, დამატებითი მამოგრაფიული სურათი სხვა პროექციაში. ეს არის ჩვეულებრივი სამუშაო პროცესი და ეს ყოველთვის არ ნიშნავს, რომ ამ ქალბატონებს რაიმე პრობლემა აქვთ.

საჭიროების შემთხვევაში, მამოგრაფიის ჩატარებიდან რამდენიმე დღეში დაგიკავშირდებათ სკრინინგის წარმომადგენელი და თქვენთვის სასურველ დროს ჩაგწერთ შესაბამის კვლევაზე. დამატებითი კვლევები ინიშნება განსაკუთრებით იმ ქალბატონებთან, ვინც პირველად იტარებს მამოგრაფიას და არ გვაქვს დინამიკაში შედარების საშუალება წინა წლების მამოგრაფიულ სურათებთან.

🙌ჯანმრთელობას გისურვებთ!

#ჩაიტარესკრინინგი
#სკრინინგი

🎗სასტუმრო “პარაგრაფ-თბილისის” თანამშრომლებთან სკრინინგის პროგრამების შესახებ საინფორმაციო შეხვედრა გაიმართა

✅გრძელდება ეროვნული სკრინინგ ცენტრის საინფორმაციო კამპანია, რომელიც საჯარო თუ კერძო დაწესებულებებისთვის დაავადებათა სკრინინგის პროგრამის შესახებ მოსახლეობის ინფორმირებისა და საზოგადოების ცნობიერების ამაღლების მიზნით პრეზენტაციების ჩატარებას ითვალისწინებს.

✅სასტუმრო “პარაგრაფ თბილისში” გამართულ შეხვედრაზე ეროვნული სკრინინგ ცენტრის სამედიცინო სამსახურის უფროსმა თამარ სხირტლაძემ სასტუმროს თანამშრომლებთან სკრინინგ ცენტრის საქმიანობისა და დაავადებათა სკრინინგის პროგრამის ყველა იმ კომპონენტის შესახებ წარადგინა პრეზენტაცია, რომელიც საქართველოს მოქალაქეებს საშუალებას აძლევს, უფასო
გამოკვლევები ჩაიტარონ. თამარ სხირტლაძემ ყურადღება გაამახვილა სკრინინგის მნიშვნელობაზე, მომართვიანობის სტატისტიკასა და პროგრამის
მაღალი ხარისხის უზრუნველსაყოფად მიმართულ ღონისძიებებზე.

✅შეხვედრა ინტერაქტიულ რეჟიმში გაიმართა და ეროვნული სკრინინგ ცენტრის მენეჯერმა ნინო ბირკაძემ დამსწრეთა შეკითხვებს უპასუხა და ადგილზევე
განხორციელდა კვლევებზე ჩაწერა. შეხვედრის მონაწილეებმა ინტერესი გამოხატეს ისეთ მნიშვნელოვან თემებზე, როგორიცაა სკრინინგის პროგრამაში
ჩართვის შესაძლებლობა, სკრინინგისთვის მოსამზადებელი პროცედურები, პროგრამის გეოგრაფიული ხელმისაწვდომობა და ასაკობრივი კრიტერიუმების დადგენა.

✅ეროვნული სკრინინგ ცენტრის მიზანია, ადრეული გამოვლენის გზით, სხვადასხვა ლოკალიზაციის კიბოს პრევენცია, რაც მრავალ გადარჩენილ სიცოცხლეს ნიშნავს.

ძვირფასო მოქალაქეებო,
გაცნობებთ, რომ დღეს 9 აპრილს, ოფიციალური დასვენების დღეა და ეროვნული სკრინინგ ცენტრი არ იმუშავებს.

🎗ეროვნულ სკრინინგ ცენტრის დიდუბის ფილიალს, ქალაქ თბილისის მუნიციპალიტეტის საკრებულოს ჯანმრთელობის დაცვის და სოციალურ საკითხთა კომისიის თავმჯდომარე ზურაბ ჩიკვილაძე თურქეთის თანამშრომლობისა და კოორდინაციის სააგენტოს (TIKA) მისიის ხელმძღვანელთან თუბა ოზუთოქთან და მერიის ჯანდაცვისა და სოციალური მომსახურების საქალაქო სამსახურის ჯანდაცვის განყოფილების უფროსთან თამარ გოგიტიძესთან ერთად ეწვია.

✅სტუმრებმა სკრინინგ ცენტრის დირექტორთან ეთერ კიღურაძესთან ერთად არსებული გარემო დაათვალიერეს და ცენტრის სამუშაო პროცესს გაეცნენ. დირექტორმა სკრინინგ ცენტრის საქმიანობის და პროგრამების შესახებ დეტალურად ისაუბრა და აღნიშნა, რომ ძირითადი მიზანი დაავადებათა დროული დიაგნოსტიკაა. ასევე, მხარეებმა ისაუბრეს ურთიერთთანამშრომლობაზე, სამომავლო გეგმებსა და ერთობლივი პროექტების განხორციელების შესაძლებლობებზე. თურქმა სტუმარმა ინტერესი გამოხატა სკრინინგ ცენტრის საჭიროებების მიმართ და შესაძლებლობების ფარგლებში ცენტრის მხარდაჭერაზე ისაუბრა.

“კიბოს წინააღმდეგ ბრძოლაში საზოგადოების ინფორმირებულობის ზრდა და ცნობიერების ამაღლება უმნიშვნელოვანეს ადგილს იკავებს. ადრეული დიაგნოსტიკა, სკრინინგი საუკეთესო პრევენცია და ჯანმრთელი ცხოვრების წინაპირობაა” , - განაცხადა ზურაბ ჩიკვილაძემ და მადლობა გადაუხადა მხარეებს საინტერესო და ნაყოფიერი შეხვედრისთვის.

თავის მხრივ ეთერ კიღურაძემ აღნიშნა ეროვნული სკრინინგ ცენტრის მიზანი მუდმივად გაიზიაროს საერთაშორის პრაქტიკა და დანერგოს კიბოს სკრინინგში არსებული თანამედროვე ტენდენციები, რადგან ეროვნულ სკრინინგ ცენტრს სრულად აქვს გააზრებული ის პასუხისმგებლობა, მოქალაქეებს მიაწოდოს მაღალკვალიფიციური, სანდო და ხარისხიანი სამედიცინო სერვისი, რაც დაკავშირებულია, როგორც უახლეს სამედიცინო აღჭურვილობასთან, ასევე, ორგანიზაციულ საკითხებთან, სიახლეების მიღებასა და გამოცდილების გაზიარებასთან.

#სკრინინგი
#ჩაიტარესკრინინგი

🎗„სკრინინგის პროგრამის კამპანიაში ჩავრთეთ პაციენტთა ორგანიზაციები, ვისთან ერთადაც კარდაკარ დავდივართ და სკრინინგის მნიშვნელობაზე ვსაუბრობთ. ადამიანებს ცოცხალი მაგალითები ჰყავთ თვალწინ, რომლებმაც ადრეული გამოვლენის გზით, სკრინინგის ჩატარებით ადრეულ სტადიაზე აღმოაჩინეს კიბო, ან კიბოს წინარე დაავადება, დღეს გასულია 5- 10 წელი და განკურნებულები სხვებს ესაუბრებიან მომავალსა და სიცოცხლეზე“,- აცხადებს ეროვნული სკრინინგ ცენტრის დირექტორი ეთერ კიღურაძე for.ge-სთან საუბრისას.

„მხოლოდ მედიკამენტი, სამედიცინო პროცედურა და მანიპულაცია ვერ ამარცხებს ონკოლოგიურ დაავადებ „სკრინინგის პროგრამის კამპანიაში ჩავრთეთ პაციენტთა ორგანიზაციები, ვისთან ერთადაც კარდაკარ დავდივართ და სკრინ...

🎗️უფრო ეფექტიანი დიაგნოსტირება — რა იცვლება საშვილოსნოს ყელის კიბოს სკრინინგ პროგრამაში. ეროვნული სკრინინგ ცენტრის დირექტორი ეთერ კიღურაძე „ნეტგაზეთთან“ განმარტავს, თუ რა უპირატესობა აქვს ცვლილებას, რადგან სკრინინგის ახალი მოდელი პოლიმერული ჯაჭვის რეაქციის, ანუ PCR მეთოდით ხდება, რომელიც მსოფლიოში ადამიანის პაპილომავირუსის გამოვლენის ოქროს სტანდარტად მიიჩნევა.
#სკრინინიგი
#ჩაიტარესკრინინგი

უფრო ეფექტიანი დიაგნოსტირება — რა იცვლება საშვილოსნოს ყელის კიბოს სკრინინგ პროგრამაში - Netgazeti პაპილომავირუსი •

საშვილოსნოს ყელის კიბოს სკრინინგის მოდელი იცვლება და Hr-HPV დნმ ტესტირებაზე გადადის. საქართველო ამ გადაწყვეტილებით რეგიონში პირველი ქვეყანა ხდება, სადაც პაპ-ტესტის ნაცვლად, პაციენტი ადამიანის პაპილომა ვირუსზე ტესტირებით შემოწმდება. საკითხთან დაკავშირებით, ეროვნულ სკრინინგ ცენტრში, თბილისის მასშტაბით, კიბოს სკრინინგის პროგრამაში ჩართული სხვადასხვა სამედიცინო დაწესებულებების წარმომადგენლებისთვის ტრენინგი გაიმართა.

#სკრინინგი
#ჩაიტარესკრინინგი

საშვილოსნოს ყელის კიბოს სკრინინგის მოდელი იცვლება - 1TV საშვილოსნოს ყელის კიბოს სკრინინგის მოდელი იცვლება და Hr-HPV დნმ ტესტირებაზე გადადის. საქართველო ამ გადაწყვეტილები....

მარტი, მსოფლიოში მსხვილი ნაწლავის კიბოს შესახებ ცნობადობის ამაღლების თვეა და "ლურჯ მარტს" უწოდებენ.

👉მნიშვნელოვანი ფაქტები მსხვილი ნაწლავის კიბოს სკრინინგის შესახებ : https://shorturl.at/vBQW6

📢 ძვირფასო მოქალაქეებო,
✅27-28 მარტს, ქალაქ ჩხოროწყუში, ეროვნული სკრინინგ-ცენტრი, მაღალკვალიფიციური სამედიცინო პერსონალით, ჩაატარებს ძუძუს და საშვილოსნოს ყელის უფასო სკრინინგულ გამოკვლევებს.
✅ ძუძუს გამოკვლევა - უფასოა 40-დან 70 წლის ჩათვლით და ითვალისწინებს მამოგრაფიას და მამოლოგის მიერ გასინჯვას. საჭიროების შემთხვევაში, ექოსკოპიურ კვლევას, ბიოფსიას და ციტოლოგიურ კვლევას.
✅ საშვილოსნოს ყელის გამოკვლევა-უფასოა 25-დან 60 წლის ჩათვლით ქალებისთვის, რაც ითვალისწინებს პაპ-ტესტის აღებას. თუ პაპ-ტესტმა ცვლილელებეი გამოავლინა, საჭიროების შემთხვევაში ინიშნება კოლპოსკოპია, ბიოფსია და მასალის ციტოლოგიური კვლევა.
✅კვლევები ნიკოლოზ მიქაიას სახელობის ჩხოროწყუს სამშობიარო სახლის მიმდებარე ტერიტორიაზე ჩატარდება
📍მისამართი: მ. კოსტავას ქუჩა #11.

🎗მარტი, მსოფლიოში მსხვილი ნაწლავის კიბოს შესახებ ცნობიერების ამაღლების თვეა და მას "ლურჯ მარტს" უწოდებენ. რა მნიშნვნელობა აქვს სკიბოს სკრინინგის პროგრამას და რას გულისხმობს პრევენციული გამოკვლევები, ამის შესახებ for.ge- ს ეროვნული სკრინინგ ცენტრის ენდოსკოპისტი, ზოგადი ქირურგი, ონკოქირურგი, პროქტოლოგი გურამ გურაშვილი ესაუბრა.

გურამ გურაშვილი: „პათოლოგიური ცვლილებები მსხვილ ნაწლავში გამომდინარეობს ცხოვრების ადინამი გაზაფხულის დადგომასთან ერთად მსოფლიო სამედიცინო საზოგადოება „ლურჯი მარტის“ თვეს აღნიშნავს, რომელიც კოლორექტა...

#მეგობრები არ ითვლიან ქრომოსომებს

🌸ეროვნული სკრინინგ ცენტრი გილოცავთ ქალთა საერთაშორისო დღეს და გაცნობებთ, რომ დღეს ოფიციალური დასვენების დღეა და ეროვნული სკრინინგ ცენტრი არ იმუშავებს.

🎗️თბილისის ანძა ლურჯად განათდა, რაც მსხვილი ნაწლავის კიბოს შესახებ ცნობიერების ამაღლების საერთაშორისო თვეს უკავშირდება. აღნიშნული აქტივობით ეროვნული სკრინინგ ცენტრის მიერ მსხვილი ნაწლავის კიბოს შესახებ ცნობიერების ამაღლების საინფორმაციო კამპანიის ფარგლებში დაგეგმილი ღონისძიებები დაიწყო.

მიმდინარე თვეში მსოფლიოში სხვადასხვა ღონისძიება შესაბამისი სიმბოლოების თანხლებით მიმდინარეობს, რაც კიბოს შესახებ ცნობიერების ამაღლებას და ლეტალური შემთხვევების თავიდან აცილებას ისახავს მიზნად.

თბილისის სატელევიზიო ანძა მსხვილი ნაწლავის კიბოს შესახებ ცნობადობის ამაღლების ფერში ეროვნული სკრინინგ ცენტრის ინიციატივითა და შპს „თბილსერვის ჯგუფის“ მხარდაჭერით განათდა.
50-დან 70 წლის ჩათვლით ორივე სქესის წარმომადგენლებს შეუძლიათ, ჩაიტარონ მსხვილი ნაწლავის კიბოს უფასო გამოკლევა, რომელიც სახელმწიფოს მიერაა დაფინანსებული.

კვლევებზე ჩასაწერად დაგვიკავშირდით : 2 20 35 35. ცენტრის მისამართებია: საბურთალო, მ. ალექსიძის N1; დიდუბე, აკ, წერეთლის N69; ვარკეთილი, კალოუბნის N12; გლდანი, IV მიკრორაიონი N113 ა.
თბილსერვის ჯგუფი / Tbilservice Group

მსხვილი ნაწლავის კიბოს შესახებ ცნობიერების ამაღლების საერთაშორისო თვესთან დაკავშირებით თბ თბილისის ანძა ლურჯად იყო განათებული - აქტივობა მსხვილი ნაწლავის კიბოს შესახებ ცნობიერების ამაღლების საერთაშორ....

თბილისის ანძა ლურჯად განათდა, რაც მსხვილი ნაწლავის კიბოს შესახებ ცნობიერების ამაღლების საერთაშორისო თვეს უკავშირდება. აღნიშნული აქტივობით ეროვნული სკრინინგ ცენტრის მიერ მსხვილი ნაწლავის კიბოს შესახებ ცნობიერების ამაღლების საინფორმაციო კამპანიის ფარგლებში დაგეგმილი ღონისძიებები დაიწყო.

მიმდინარე თვეში მსოფლიოში სხვადასხვა ღონისძიება შესაბამისი სიმბოლოების თანხლებით მიმდინარეობს, რაც კიბოს შესახებ ცნობიერების ამაღლებას და ლეტალური შემთხვევების თავიდან აცილებას ისახავს მიზნად.

„მნიშვნელოვანია, რომ ბოლო რამდენიმე წელია, მსოფლიო აქციას ჩვენი დედაქალაქიც უერთდება. კიბოს პრევენციისა და ამ პრობლემისადმი სოლიდარობის ნიშნად, თბილისის ანძა შესაბამის ფერებში ნათდება. ასევე, იმართება სხვადასხვა ღონისძიება, რომელიც კიბოს სკრინინგის შესახებ ცნობიერების ამაღლებისკენაა მიმართული. ეს არის კიდევ ერთი საშუალება, რაც შეახსენებს მოქალაქეებს, თუ რამდენად მნიშვნელოვანია დროული მომართვიანობა დაავადების შორსწასული ფორმებისა და ლეტალური შემთხვევების თავიდან ასაცილებლად. ჩვენი საინფორმაციო კამპანიაც მიმართულია კიბოს ადრეული დიაგნოსტიკის, პრევენციისა და სკრინინგული პროგრამების პოპულარიზაციისკენ“, - განაცხადა ეროვნული სკრინინგ ცენტრის დირექტორმა, ეთერ კიღურაძემ.

თბილისის სატელევიზიო ანძა მსხვილი ნაწლავის კიბოს შესახებ ცნობადობის ამაღლების ფერში ეროვნული სკრინინგ ცენტრის ინიციატივითა და შპს „თბილსერვის ჯგუფის“ მხარდაჭერით განათდა.

აღსანიშნავია, რომ 50-დან 70 წლის ჩათვლით ორივე სქესის წარმომადგენლებს შეუძლიათ, ჩაიტარონ მსხვილი ნაწლავის კიბოს უფასო გამოკლევა, რომელიც სახელმწიფოს მიერაა დაფინანსებული.

კვლევებზე ჩასაწერად დაუკავშირდით ეროვნულ სკრინინგ ცენტრს: 2 20 35 35. ცენტრის მისამართებია: საბურთალო, მ. ალექსიძის N1; დიდუბე, აკ, წერეთლის N69; ვარკეთილი, კალოუბნის N12; გლდანი, IV მიკრორაიონი N113 ა.

🎗ეროვნული სკრინინგ ცენტრის დელეგაცია ბრიუსელში „CanScreen ECIS“ პროექტის შემაჯამებელ შეხვედრაში მონაწილეობდა

📊2024 წლის 21-23 თებერვალს, ბელგიაში, ქალაქ ბრიუსელში „კიბოს კვლევის საერთაშორისო სააგენტოს“ (IARC) ორგანიზებით „CanScreen ECIS“ პროექტის შემაჯამებელი შეხვედრა გაიმართა. ღონისძიებას წინ უძღვოდა რამდენიმე რაუნდიანი შეხვედრები და კიბოს სკრინინგზე მომუშავე ექსპერტების მიერ რეკომენდაციების გაცნობა და განხილვა.

ღონისძიებაში მონაწილეობდნენ ეროვნული სკრინინგ-ცენტრის დირექტორი ეთერ კიღურაძე და ამავე ცენტრის სამედიცინო სამსახურის უფროსი თამარ სხირტლაძე. მათ კოლეგებს განახლებული ინფორმაცია მიაწოდეს საქართველოში კიბოს სკრინინგ პროგრამის მიმდინარეობაზე, ეროვნული სკრინინგ ცენტრის მიღწევებსა და იმ შედეგებზე ისაუბრეს, რაც უკვე ხელშესახებია თითოეული მოქალაქისთვის და სამომავლო განვითარების წინაპირობას წარმოადგენს.

შეხვედრაში ევროპული ქვეყნების წარმომადგენლებს საშუალება ჰქონდათ კიდევ ერთხელ გაეზიარებინათ კიბოს სკრინინგის შედეგები და გამოწვევები, ესაუბრათ კიბოს სკრინინგის პროგრამის მენეჯმენტსა და ხარისხის უზრუნველსაყოფად თანამედროვე მიდგომების დანერგვაზე. შეაჯამეს პროექტის განხორციელების ეტაპები, კიდევ ერთხელ ხაზგასმით აღინიშნა „CanScreen ECIS“ პროექტის დანერგვის მნიშვნელობა. პროექტი მიზნად ისახავს სკრინინგული მონაცემების შეგროვების ახალი ინსტრუმენტების და მონაცემთა ბაზების შემნახველი სისტემის შემუშავებასა და პილოტირებას, რომლებიც დროთა განმავლობაში უნდა ინტეგრირდეს ევროპის კიბოს საინფორმაციო სისტემაში (ECIS - https://ecis.jrc.ec.europa.eu/).

CanScreen-ECIS-ის საშუალებით კიბოს სკრინინგის შესახებ მონაცემები ადვილად გასაგები და ხელმისაწვდომი იქნება მთელ ევროპაში, ხოლო იმის ცოდნა, თუ როგორ მუშაობს კიბოს სკრინინგის პროგრამები სხვადასხვა ქვეყანაში, პროგრამის მენეჯერებს მისცემს საშუალებას სკრინინგის ხარისხისა და გაშუქების გაუმჯობესებისთვის დაინტერესებულ მხარეებთან უფრო მეტი იმუშაონ.