თბილისის მუზეუმების გაერთიანება / The Union of Tbilisi Museums

#წერილისოფლიდან
გურიის სოფელ ბახვში, საზოგადოებრივი ცხოვრების გაძლიერება, იმერეთის ეპისკოპოსს, გაბრიელ ქიქოძეს უკავშირდება, ბახვი მისი მშობლიური სოფელი იყო.

1874 წელს სოფელში ეპისკოპოსმა გახსნა სკოლა და სამკითხველო. დააარსა საკრედიტო ამხანაგობა, რომელმაც 30 წელი იარსება და სოფელი ეკონომიკურად გააძლიერა. ადგილობრივებმა გააშენეს საერთო სასოფლო-სამეურნეო ბაღი, მოსავლის გაყიდვით შემოსული თანხა კი სკოლას და საკმითხველოსთვის ახალი წიგნების შეძენას ხმარდებოდა.

1905 წლის რევოლუციის დროს, საყოველთაოდ ცნობილი გახდა ე.წ. „ბახვის მანიფესტი“, ბახვის თემის გლეხთა მოთხოვნები, რომლებიც რუსეთის იმპერიის მთავარმართებლობას წაუყენეს. შეკრებილი 500 კაცი, მოითხოვდა სიტყვის, კრების, ბეჭდვის თავისუფლებას, პიროვნების ხელშეუხებლობას, საყოველთაო, სავალდებულო უფასო დაწყებითი სწავლებას და ა.შ.

ერთი კაცის ძალისხმევით შექმნილმა განათლების კერამ გურულები პროგრესულ ხალხად აქცია, რაც 1905 წელს გურიის რესპუბლიკის გამოცხადებით დასრულდა.

#დღეისტორიაში
1903 წლის 27 ივნისს ქართველი დირიჟორი ევგენი მიქელაძე დაიბადა.

27 წლის ასაკში გახდა თბილისის ოპერისა და ბალეტის თეატრის მთავარი დირიჟორი, შემდეგ კი სამხატვრო ხელმძღვანელი. მან შექმნა საქართველოს პირველი პროფესიული, დამოუკიდებელი სახელმწიფო სიმფონიური ორკესტრი.

„აქ, გადაწყვეტილებებს მე ვიღებ. მხოლოდ და მხოლოდ მე და არამც და არამც ვინმე სხვა“ - ამბობდა დირიჟორი, დგამდა საბჭოთა იდეოლოგიისთვის მიუღებელ ქართულ ოპერებს: მელიტონ ბალანჩივაძის „თამარ ცბიერი”, დიმიტრი არაყიშვილის „შოთა რუსთაველი”, გრიგოლ კილაძის „ბახტრიონი.” მისი ხელმძღვანელობით დაიდგა პირველი ქართული ბალეტი – ბალანჩივაძის „მზეჭაბუკი,“ ვახტანგ ჭაბუკიანის შესრულებით.

ევგენი მიქელაძეს დაუმორჩილებლობა არ ეპატია, 1937 წელს რუსული საბჭოთა რეპრესიების დროს 34 წლისა აწამეს და დახვრიტეს, გადაასახლეს მისი მეუღლეც ქეთევან ორახელაშვილი.

#ჩვენთანსაინტერესოა

ქართული მუსიკალური საგანძური საუკუნეებს ითვლის, მღეროდნენ ყველგან, ბრძოლისას, მუშაობისა თუ ჭირნახულის დაბინავების დროს, დატირებასა თუ ლხინში.

მუსიკისა და ქართული მრავალხმიანობის თავგადასავალს თბილისის მუზეუმების გაერთიანება ახალი საგანმანათლებლო პროგრამით ზაქარია ფალიაშვილის მემორიალური სახლ-მუზეუმში გელით ყველას, ყოველ ოთხშაბათს, 12:00 საათზე.

შემეცნებითსაგანმანათლებლო პროგრამა „ქართული მუსიკის ისტორია“ მოგიყვებათ - რა გზა გაიარა ქართულმა მუსიკამ დასაბამიდან დღემდე, როგორ მოაღწია ჩვენამდე უძველესმა საგალობლებმა, რა არის რომანსი და როგორ გაჩნდა ოპერა თბილისში და მოისმენთ სხვა უამრავ საინტერესო ამბავს.

პროგრამაზე დასწრება შესაძლებელია ნებისმიერი დაინტერესებული პირისთვის 10 წლის ასაკიდან.

დამატებითი ინფორმაციისთვის დაგვირეკეთ: 557 49 88 67

მისამართი: თბილისი, დიმიტრი ბაქრაძის #10.

#დღეისტორიაში
თბილისის პირველი დემოკრატიულად არჩეული მოურავი (მერი), 1905 წლის გურიის რესპუბლიკის პრეზიდენტი, ბენია ჩხიკვიშვილი საფრანგეთიდან ფარულად დაბრუნდა, რათა მონაწილეობა მიეღო 1924 წელს რუსული საბჭოთა ოკუპაციის წინააღმდეგ აჯანყებაში.

1924 წლის 30 ივლისს საქართველოს სსრ საგანგებო კომისიის საიდუმლო განყოფილების რწმუნებულის ჯალაღანიას მოთხოვნით, ჩხიკვიშვილი სხვა ქართველებთან ერთად ის სუზდალის საკონცენტრაციო ბანაკში, სასტიკ იზოლაციაში მოათავსეს ხუთი წლის ვადით.

1924 წლის 30 აგვისტოს, სსრკ გაერთიანებული სახელმწიფო პოლიტიკური სამმართველოს თავმჯდომარის ფელიქს ძერჟინსკის ბრძანებით საქართველოს წინააღმდეგობის ლიდერები ბენია ჩხიკვიშვილი, ნოე ხომერიკი, გოგიტა ფაღავა, გიორგი წინამძღვრიშვილი და ვასო ნოდია სუზდალის პოლიტიზოლატორიდან ეტაპით გადაყვანისას, რუსეთის ტერიტორიაზე დახვრიტეს...

#დღეისტორიაში
„ამბობენ, რომ მომავალი წლიდამ ახალი ქართული გაზეთი გამოვა ჩვენშიო... რედაქტორობა ამ გაზეთისა ჭავჭავაძეს უკისრნია... ჩვენს გაზეთს ახალი მოძმე ებადება. კეთილი იყოს იმის ჩასახვა... კეთილი იყოს იმის დაბადება!... კეთილი იყოს თუ ის იქნება მიუდგომელი, მოუსყიდველი და პატიოსანი.
ყველაზე მეტად ჩვენ გაგვიხარდება, თუ ამ გაზეთში ჩვენ ისეთ ნამდვილ მოძმეს შევიძენთ, რომელიც... ჩვენთან ერთად მოინდომებს და იკისრებს ამ საზოგადოების გამოღვიძებას, წარმატებას და ნამდვილს სამსახურს...“ – 1876 წლის 25 ივნისის წერდა გაზეთი „დროება“

1876 წლის ივნისში ილია ჭავჭავაძემ თხოვნით მიმართა კავკასიის საცენზურო კომიტეტს 1877 წლის 1 იანვრიდან გაზეთ „ივერიის“ გამოცემის ნებართვის თაობაზე.

#დღეისტორიაში
🚂 1935 წლის 24 ივნისს თბილისში, მუშტაიდის ბაღში, მსოფლიოში პირველი საბავშვო რკინიგზა ამოქმედდა.

🌳🍂 პარკი მე-19 საუკუნის 30-იან წლებში დაარსდა.
1821-1828 წლების რუსეთ-სპარსეთის ომის დამთავრების შემდეგ სპარსეთის ერთ-ერთი თვალსაჩინო რელიგიური მოღვაწე მირ ფეთეხ-აღა სეიდ თავრიზი, სასულიერო წოდებით – მუჯთაჰიდი, რომელიც შაჰის საწინააღმდეგო შეთქმულებაში მონაწილეობდა, იძულებული გახდა, სამშობლოდან გახიზნულიყო.

◽ რუსეთის მთავრობამ მას 50 დესეტინა მიწა უბოძა, რომელიც 1853 წელს გამოისყიდა, 1935 წელს კი, მუშტაიდის ბაღში მსოფლიოში პირველი საბავშვო რკინიგზა გაიხსნა.

◽ ერთ-ნახევარი კილომეტრი სიგრძის სამ სადგურიან რკინიგზაზე ორთქლმავალს ოთხი ვაგონი დაჰყავდა, თითოეულ ვაგონში კი 50 ბავშვი ეტეოდა 🚃

📢 თბილისის მუზეუმების გაერთიანებას დამთვალიერებლისთვის სტანდარტული სამუზეუმო ექსკურსიისგან განსხვავებული სიახლე აქვს - შემეცნებითი ტური „გალაკტიონის აივნიდან.“

✔ დამთვალიერებლის თვალწინ გაცოცხლდება გალაკტიონისეული თბილისი, ქალაქი, რომელსაც გალაკტიონი თავისი აივნიდან ხედავდა.

✔ ყოფილი ჟორესის, ამჟამად მარჯანიშვილის, ქუჩის გასწვრივ განლაგებული შენობები, რომელთაც უშუალოდ უკავშირდებოდა გალაკტიონ ტაბიძის ცხოვრება, დამთვალიერებლისთვის ახლებურ შინაარსს შეიძენს.

✔ შემეცნებით ტურში მონაწილეობა შესაძლებელია ნებისმიერი დაინტერესებული პირისთვის 12 წლის ასაკიდან.

📢 ჩასაწერად დაგვირეკეთ: 557 49 88 67
ტური ტარდება ყოველ პარასკევს 12:00 საათზე
✔ ქ.თბილისი, კ. მარჯანიშვილის ქ. N 4, გალაკტიონ ტაბიძის მემორიალური სახლ-მუზეუმი

#დღეისტორიაში
1943 წლის 23 ივნისს ლადო ასათიანი გარდაიცვალა.

#დღეისტორიაში
1898 წლის 22 ივნისს გერმანელი მწერალი, ერიხ მარია რემარკი დაიბადა.

მისი სადებიუტო ჩანაწერები პირველი მსოფლიო ომის დასრულების შემდეგ გამოქვეყნდა.

ფრონტგამოვლილი მწერალი, ყოფილი ჯარისკაცი, რომანებში: „დასავლეთის ფრონტი უცვლელია“, „სამი მეგობარი“, „ტრიუმფალური თაღი“, ,,ჟამი სიცოცხლისა და ჟამი სიკვდილისა", ,,ნასესხები სიცოცხლე" შეულამაზებლად აღწერს ომის სიმძიმეს და რთულ სოციალურ მდგომარეობას.

ფაშიზმთან აქტიური წინააღმდეგობის გამო, მოუწია გერმანიის დატოვება. თავადაც დევნილი, უცხოეთში სხვა ემიგრანტებსაც პატრონობდა.
ამერიკის შეერთებულ შტატებში ცხოვრებისას სახელმწოფო სამსახურებთან ერთად გეგმავდა ნაციზმის დაცემის შემდეგ გერმანიაში ჩასატარებელ აღმზრდელობით სამუშაოებს.

სამშობლოში დაბრუნებული სიცოცხლის ბოლომდე ცდილობდა მოქალაქეობის აღდგენას, რაც 1970 წელს გარდაცვალების შემდეგ მისცეს.

#დღეისტორიაში
1869 წლის 22 ივნისს დაიბადა საზოგადო მოღვაწე, მეწარმე - საქართველოში უალკოჰოლო სასმელების ფუძემდებელი მიტროფანე ლაღიძე.

გერმანიასა და საფრანგეთში მოგზაურობისას ხილეული წყლების წარმოების ტექნოლოგიის დაუფლების შემდეგ, 1906 წელს, ლაღიძემ თბილისშიც დაარსა ლიმონათის ქარხანა. ილია ჭავჭავაძისა და აკაკი წერეთლის მხარდაჭერით თბილისში, გოლოვინზე (დღ. რუსთაველის გამზირი) „ლაღიძის წყლების“ მაღაზია გახსნა.

აბრაზე ქართული წარწერა რუსულის ზემოთ განათავსა, რის გამოც დაპატიმრება დაუპირეს. ციხისგან ილია ჭავჭავაძემ იხსნა.

გალაკტიონ ტაბიძე მიტროფანე ლაღიძესთან შეხვედრას ერთ-ერთ დღიურის ჩანაწერში იხსენებს:
„მიტროფანე ლაღიძე
1. ალექსანდროვის ბაღში ჩვენს გვერდით დაჯდა.
3. მე ვერ მიცნო: წვერებითა ვარ.
4. მას ბაღებში სიარული რომ არ უყვარდა?
6. იგი მარტოდ-მარტოა.
7. რამ დააბერა ასე შარშანს აქეთ?
8. რა გადახდა ნეტავი თავს?
13. მისი ხელმძღვანელობითაა ნეტავი ისევ მისი წყალის მომზადება?
15. მაინც რამ მოახუცა ასე?
იგი თურმე ავად იყო მესამედ ფილტვების ანთებით!“

#დღეისტორიაში
1840 წლის 21 ივნისს დაიბადა, ქართველი პოეტი, პუბლიცისტი, დრამატურგი, რედაქტორი და ეროვნულ-განმანთავისუფლებელი მოძრაობის ერთ-ერთი ლიდერი აკაკი წერეთელი.

#დღეისტორიაში
"გავლიან დღენი, თვენი, საუკუნენი და დავით ზაქარიას ძე სარაჯიშვილის ხსენებას ვერავინ ამოშლის, ვერავინ ამოფხიკავს... შთამომავლობას გადაეცემა მისი ხსოვნა. ვინაიდან მისგან დაზრდილსა და განათლებულის ქართველთა შვილებით და შვილიშვილებით იქნება საქართველო სავსე" - ზაქარია ჭიჭინაძის მოგონება.

სამეცნიერო და სამეწარმეო საქმიანობის პარალელურად, დავით სარაჯიშვილი აფინანსებდა ნიჭიერი ახალგაზრდების საზღვარგარეთ განათლებას, მატერიალურად ზურგს უმაგრებდა შუასაუკუნეების ქართული ეკლესია - მონასტრების აღდგენას. მისი მხარდაჭერით დაარსდა „ქართველი გლეხობის აღმდგენელი კომიტეტი“, სამუსიკო სასწავლებელი, „ქ.შ.წ.კ. გამავრცელებელი საზოგადოება“ და სხვა. გარდაცვალებამდე ორი წლით ადრე მთელი ქონება სხვადასხვა საზოგადოებრივ ორგანიზაციებს უანდერძა.

1911 წლის 20 ივნისს 63 წლის ასაკში გარდაიცვალა ცნობილი ქართველი საზოგადო მოღვაწე, მრეწველი და ქველმოქმედი, ქართული კონიაკის წარმოების ფუძემდებელი დავით სარაჯიშვილი.

#დღეისტორიაში

1857 წლის 20 ივნისს დაბეჭდილი საფოსტო მარკით „ტფილისის უნიკა“ საქართველოში საფოსტო მარკების ისტორია იწყება. „ტფილისის უნიკამ“ მხოლოდ რამდენიმე თვე იარსება, 1858 წლის პირველ მარტს საფოსტო მარკის სრული ტირაჟი დაწვეს და მიმოქცევიდან ამოიღეს.

"ტფილისის უნიკა", დღეს მსოფლიოში 40 უიშვიათეს და ათ ყველაზე ძვირადღირებული საფოსტო მარკებიდან ერთ-ერთია. მარკა დამზადებულია სპეციალური რელიეფური ჭედურით, მასზე დატანილია იმდროინდელი ტფილისის გერბი.

„ტფილისის უნიკას“ ისტორია, მსოფლიოს სხვა მარკების თავგადასავალთან ერთად შეგიძლიათ მოისმინოთ ილია ჭავჭავაძის ლიტერატურულ-მემორიალურ მუზეუმში, ყოველ პარასკევს, 15:00 საათზე

დეტალურად საგანამანათლებლო პროგრამის „მარკების საიდუმლო ენა“
შესახებ იხილეთ: https://shorturl.at/qsmPL

📢 8-19 ივლისს თბილისის მუზეუმების გაერთიანება სკოლის მოსწავლეებს გიწვევთ სრულად დაფინანსებულ საზაფხულო სკოლაში "მოგზაურობა ქართულ მემკვიდრეობაში" მონაწილეობის მისაღებად!

🔹 ეწვევით სხვადასხვა მუზეუმს და გაეცნობით ქართული კულტურის გამორჩეულ მოღვაწეებს, რომლებიც თავიანთი სიცოცხლისა და თავდადების ფასად, ქმნიდნენ, ინარჩუნებდნენ და ჩვენამდე მოიტანეს მდიდარი ქართული კულტურული მემკვიდრეობა, რაც დღეს საქართველოს იდენტობის საფუძველს წარმოადგენს.

🔹 მრავალფეროვანი საგანმანათლებლო პროგრამების ინტერაქტიული და შემოქმედებითი აქტივობებით მიიღებთ ცოდნას და შეიძენთ კრიტიკული აზროვნებისა და შემოქმედებითობის უნარებს.

🔹 ჩაერთვებით პრაქტიკულ ვორკშოპებში, სახელოსნო აქტივობებსა და ჯგუფურ პროექტებში.

📢 July 8-19 the Tbilisi Museums Union invites school students to participate in the "Journey Through Georgian Heritage" summer school!
The Fully funded program includes interactive and creative activities, museum tours, workshops, educational programs, and final projects.

Working language: Georgian

🔹 Visit various museums and learn about prominent figures of Georgian culture who, through their dedication and sacrifice under severe repression, created, preserved, and brought to us the rich Georgian cultural heritage that forms the foundation of Georgia's identity today.

🔹 Gain knowledge and skills that foster critical thinking and creativity.

🔹 Participate in practical workshops, including hands-on sessions and group projects.

დეტალური განრიგისა და დამატებითი ინფორმაციისთვის ეწვიეთ ჩვენს ვებგვერდს / For a detailed schedule and additional information, visit our website: https://shorturl.at/8OmIq

საზაფხულო სკოლის განრიგი / Summer School Schedule: https://shorturl.at/PhhFL

📅 განაცხადის შევსების ბოლო ვადა: 28 ივნისი, 2024 (23:59)
📅 Application deadline: June 28, 2024 (23:59)

💻 აპლიკაციის ფორმა / Application form: https://shorturl.at/QWea4

📞 (+995 32) 2 305 001
📧 Email: [email protected]

#თბილისისმუზეუმებისგაერთიანება #საზაფხულოსკოლა #ქართულიმემკვიდრეობა #კულტურულიმემკვიდრეობა #საგანმანათლებლოპროგრამა #შემოქმედებითისახელოსნოები #ინტერაქტიულისწავლება #მუზეუმებისტური #გაეცანითჩვენთან #აღმოაჩინესაქართველო

#დღეისტორიაში
◾ 1906 წლის 19 ივნისს პირველმა სახელწიფო სათათბირომ მიიღო კანონპროექტი სიკვდილით დასჯის გაუქმების შესახებ და არსებული წესის თანახმად, განსახილველად სახელმწიფო საბჭოს გადაუგზავნა.

◾ კანონპროექტის მნიშვნელობის გაუფასურების მიზნით 27 ივნისს დანიშნულ სხდომაზე მეორე საკითხად გადადეს, ხოლო პირველ საკითხად გადაიტანეს შინაგანაწესის გარკვეული მუხლების განხილვა.

◾ საბჭოს ათმა წევრმა, რომელთა შორის იყო ილია ჭავჭავაძეც, საპროტესტო წერილი წარუდგინა სახელმწიფო საბჭოს თავმჯდომარეს ედუარდ ფრიშს „საკითხის დიდი მნიშვნელობისა და მისი ძალიან სწრაფად გადაწყვეტის აუცილებლობის გამო“ სიკვდილით დასჯის გაუქმების კანონპროექტის პირველ საკითხად განხილვის მოთხოვნით.

◾ ამასთანავე, განცხადებაში ნათქვამი იყო:
„კანონპროექტის განსახილველად არჩეულ კომისიას მიეცეს წინადადება, რათა მან განსაზღვრულ, მაგრამ შეძლებისამებრ მოკლე ვადაში წარმოადგინოს თავისი დასკვნა; იმის გამო, რომ განაწესი შეიცავს მრავალ პუნქტს, რომლებიც ჩვენი მოსაზრებით, მოითხოვს შეცვლას, როგორც შემავიწროებელი და მიუღებელი, განაწესის განხილვას დაეთმოს მთელი დრო, რაც თავისუფალია კანონ-პროექტის განხილვისაგან, და არ შეწყდეს საბჭოს სხდომა განაწესის საბოლოო დამტკიცებამდე“.

როგორც მოსალოდნელი იყო, სახელმწიფო საბჭოს თავმჯდომარემ ეს პროტესტი არ გაითვალისწინა.

#თბილისისმუზეუმებისგაერთიანება

📢 თბილისის მუზეუმების გაერთიანება აცხადებს 3-თვიანი სტაჟირების პროგრამას, რომლის მიზანია სამუზეუმო სფეროში დაინტერესებულ ზრდასრულ პირთა აქტიური ჩართულობა მუზეუმის თანამედროვე პროცესებში.

👉 სტაჟირება არ არის ანაზღაურებადი, თუმცა პროგრამის წარმატებით დასრულების შემთხვევაში განიხილება დასაქმება.

სტაჟირების პერიოდში მონაწილეები:
◾ გაეცნობიან სამუზეუმო და საფონდო საქმიანობის სპეციფიკას;
◾ გაივლიან სტაჟირებას გაერთიანების ერთ-ერთ მუზეუმში;
◾ აქტიურად ჩაერთვებიან სამუზეუმო მუშაობის შიდა პროცესებში;
◾ მიიღებენ მონაწილეობას ღონისძიებების, პროექტებისა და გამოფენების დაგეგმვა-განხორციელებაში.

სტაჟირება შესაძლებელია თბილისის მუზეუმების გაერთიანების სხვადასხვა მემორიალურ სახლ-მუზეუმსა და ადმინისტრაციულ სამსახურში:
➡ ზაქარია ფალიაშვილის მემორიალური სახლ-მუზეუმი |ორი ადგილი
კოტე და სოსო წერეთლების მემორიალური სახლ-მუზეუმი |ორი ადგილი
➡ ილია ჭავაჭავაძის ლიტერატურულ-მემორიალური მუზეუმი |ოთხი ადგილი
➡ ნიკოლოზ ბარათაშვილის მემორიალური სახლ - მუზეუმი |ორი ადგილი
➡ გალაკტიონ ტაბიძის მემორიალური სახლ - მუზეუმი |ორი ადგილი
➡ კომუნიკაციისა და პროექტების მიმართულების სამსახური |ორი ადგილი

◾ სტაჟირების პროგრამაში მონაწილეობის მსურველებმა გთხოვთ, გამოაგზავნოთ რეზიუმე (CV) და სამოტივაციო წერილი შემდეგ ელექტრონულ მისამართზე: [email protected]

❗ მნიშვნელოვანია, აპლიკანტს თბილისის მუზეუმების გაერთიანებაში შემავალი მუზეუმები ჰქონდეს დათვალიერებული და ამ სივრცეებს ფიზიკურად იცნობდეს: https://tbilisimuseumsunion.ge/muzeumebi/

◾ სტაჟირების წარმატებით დასრულების შემდეგ თბილისის მუზეუმების გაერთიანება მონაწილეებს გადასცემს ორენოვან სერტიფიკატებს.

განცხადების მიღების ბოლო ვადა: 2️⃣8️⃣ ივნისი.
სტაჟირების სამთვიანი პროგრამა დაიწყება 2024 წლის წლის 1 ივლისს.
💫 გელით და გისურვებთ წარმატებებს ✨

თბილისის მუზეუმების გაერთიანება / The Union of Tbilisi Museums The Union of Tbilisi Municipal Museums” was founded on July 29, 2016. It unites 9 independent museums

📢 თბილისის მუზეუმების გაერთიანების მრავალფეროვანი საგანმანათლებლო პროგრამებისა და სახალისო აქტივობების სიას ახალი, შემეცნებითი თამაში „სიტყვების ალქიმია“დაემატა.

🔸თამაშის მონაწილეები ვიზუალური მასალის საშუალებით ამოხსნიან და შექმნიან გამოცანებსა და რებუსებს, დაასრულებენ ანდაზებს და სახალისო თამაშით გაეცნობიან სხვადასხვა ლიტერატურულ ხერხს.

🔸გვეწვიეთ ნიკოლოზ ბარათაშვილის მემორიალური სახლ-მუზეუმის ეპოქალურ სივრცეში პროგრამაზე „სიტყვების ალქიმია“ და იჯადოქრეთ.

🔸გელით, ყოველ ოთხშაბათს. 12:00 საათზე.
🔸დასწრება შესაძებელია როგორც ჯგუფურად, ისე ინდივიდუალურად, 🔸ინდივიდუალური ჯავშნებისთვის დაგვირეკეთ: 557 49 88 67
🔸მისამართი: თბილისის, ჩახრუხაძის N17
მეტი ინფორმაციისთვის - https://shorturl.at/EGyLv
#ჩვენთანსაინტერესოა
#მოდიმუზეუმში
#განათლება
#სამუზეუმოგანათლება

#დღეისტორიაში
მთელი ჩვენი ისტორია გვიმტკიცებს, რომ ქართული ენერგია აფეთქებით თავდებოდა, ხანგრძლივობა არა გვყოფნიდა. თითქმის ყველა ომი ასე თავდებოდა: ბრძოლაში თუ გავიმარჯვებდით, ცოტა ხანს გავყვებოდით მტერს და მეორე დღესვე გამოვწევდით შინისკენ.
ეს იყო თარეში, რბევა, პარტიზანობა და არა ფართოდ დასახული საომარი მოქმედება. ასეთი ერი მკვიდრ სახელმწიფოს ვერ ააშენებდა და აკი ვერც ავაშენეთ“

მიხეილ ჯავახიშვილის უბის წიგნაკი

#თბილისისმუზეუმებისგაერთიანება

#დღეისტორიაში
1912 წლის 14 ივნისს, გარდაიცვალა - ქართველი პედაგოგი, მეცნიერული პედაგოგიკის ფუძემდებელი საქართველოში, პუბლიცისტი, საბავშვო მწერალი და საზოგადო მოღვაწე იაკობ გოგებაშვილი.
„საკუთარი სტიპენდიანტების ვინაობას იაკობი საიდუმლოდ ინახავდა. იაკობი დროგამოშვებით ბინაზე მიმიწვევდა და თანხების გაანგარიშებას მთხოვდა. ვატყობდი, რომ ის თანხები, რომელსაც მე ვანგარიშობდი, სასტიპენდიო თანხები იყო, მაგრამ იაკობს არც ერთხელ ჩემთვის არ გაუმჟღავნებია თავისი სტიპენდიანტების ვინაობა და არც მე მიმიცია ჩემი თავისთვის ნება მეთხოვა, იაკობს საანგარიშო თანხებისათვის ბრჭყალები შემოეხსნა და საქმის ვითარებაში დავეყენებინე“ - ალექსანდრე მიქაბერიძის მოგონება.

#დღეისტორიაში
1986 წლის 14 ივნისს არგენტინელი მწერალი და პოეტი, მე-20 საუკუნის ლიტერატურული სამყაროს ერთ-ერთი ყველაზე გამორჩეული ფიგურა, ესპანურენოვან ლათინოამერიკულ პოეზიაში ავანგარდიზმის ერთ-ერთ ფუძემდებლი ხორხე ლუის ბორხესი გარდაცვალა.

“So plant your own gardens and decorate your own soul, instead of waiting for someone to bring you flowers.” - wrote Jorge Luis Borges. On 14 June 1986, Argentine short-story writer, essayist, poet and translator regarded as a key figure in Spanish-language and international literature Jorge Luis Borges died.

#დღეისტორიაში
თბილისში 2015 წლის 13 ივნისის მდინარე ვერეს ხეობაში წყალდიდობამ 19 ადამიანის სიცოცხლე იმსხვერპლა. უგზო-უკვლოდ დაიკარგა 2 ადამიანი. სტიქიამ თითქმის მთლიანად გაანადგურა თბილისის ზოოპარკი. დაიტბორა მზიურის ტერიტორია. ცხოველების დიდი ნაწილი წყალდიდობას ემსხვერპლა, ნაწილმა კი ვოლიერებს თავი დააღწია და ქალაქში გაიქცა. თბილისის ქუჩებში 5 ლომი, 6 ვეფხვი, 6 დათვი, 13 მგელი და ბეჰემოტი აღმოჩნდა. 13 ივნისის სტიქიამ მოქალაქეები გააერთიანა და მოხალისეებმა დატბორილი ზონის გაწმენდა დაიწყეს. 15 ივნისი საქართველოში გლოვის დღედ გამოცხადდა. სვანიძის ქუჩაზე მოეწყო სიმბოლური მემორიალი.

თბილისის მუზეუმების გაერთიანების კვლევითი გამოცემა - „ზაქარია ფალიაშვილის ცხოვრება და შემოქმედება"

„ზაქარია ფალიაშვილის ცხოვრება და შემოქმედება" ორენოვანი გამოცემაა, რომელიც თავისი ფორმით, შინაარსითა და მნიშვნელობით საეტაპო კვლევას წარმოადგენს.

გამოცემა მიზნად ისახავს ზაქარია ფალიაშვილის ცხოვრებისა და მოღვაწეობის მნიშვნელობის გაზიარებასა და კულტურული მემკვიდრეობის იმ მნიშვნელოვანი ნიმუშების გამოფენას, რომელიც სამუზეუმო ფონდებსა და საარქივო მასალებშია დაცული.

გამოცემის შეძენა შეგიძლიათ ჩვენს მუზეუმებსა და წიგნის მაღაზიებში:
📍 წიგნის მაღაზია სანტა ესპერანსა - Bookshop Santa Esperanza
📍 Stamba Books • სტამბის წიგნები

#ერთიექსპონატისისტორია
„THE RED CITY” – „წითელი ქალაქი“- „თვითმფრინავის ბიჭის“ მხატვარ სოსო წერეთლის პროტესტის გამოხატულებაა: წითელი, ფერი, როგორც საბჭოთა კავშირის სიმბოლო და რეჟიმის მიერ ოკუპირებული ქალაქები.

1980 წელს შესრულებული სურათი მხატვრის იმ პროტესტის გამოვლინებაა, რომელმაც შემდეგ ტრაგიკულ, თვითფრინავის საქმემდე მიიყვანა.

ექსპონატი დაცულია თბილისის მუზეუმების გაერთიანება - კოტე და სოსო წერეთლების მემორიალურ სახლ-მუზეუმში, დიმიტრი უზნაძის #2.
„ჯინსების თაობის“ „თვითმფრინავის ბიჭების“ ისტორია შეგიძლიათ მოისმინოთ თბილისის მუზეუმების გაერთიანების საგანამანათლობლო პროგრამის ფარგლებში „იალქნებიდან სამოსამდე.“ ვრცლად პროგრამის შესახებ: https://shorturl.at/CiCL8

#ამონარიდები
#ილიაჭავჭავაძე

✍ ილია ჭავჭავაძის წერილი ნიკო ნიკოლაძისადმი.

"იქაო, ამბობს შენი ფელეტონი, საცა უკეთესი ცხოვრებააო, არა, ერთი ის მითხარ, მაგას ლუარსაბ თათქარიძე კი ვერ იზამდა. ვითომ რა არის მანდ საკვირველი? არაფერი, გარდა ერთისა, მანდ საკვირველი ის არის, რომ შენისთანა კაცი ბრძოლას ექცევა და თბილ ოთახში აპირობს გადაგორ-გადმოგორებასა. მერე იცი, რა კბილი ჩავარდება იმ რაზმს, რომელშიაც შენ ფალავანად გვეგულებოდი, ყველას, ვინც კი შენი თანაზიარი იყო. ჯერ რიგიანი ბრძოლაც არ გამართულა და შენ კი ეხლავე გინდა თავს უშველო. ეგ ვერაფერი ძალგულოვნობაა.

დასასრულ ამასაც გეტყვი, რომ ქართველი გამოსალმების დროსაც ერთს მშვენიერს სიტყვას ხმარობს:
„გამარჯვებითო“ მაგრამ ამ სალამს გამოთხოვებისას თავის დღეში არ აღირსებს მას, ვინც ბრძოლიდან გარბის: ამას „მშვიდობითო“ ეტყვიან.
მსურს, რომ შენ ისე მოიქცე, რომ შეგვეძლოს შენთვის თქმა „გამარჯვებით“ და არა „მშვიდობით“.

წერილი იყო ილია ჭავჭავაძის გამოხმაურება 1873 წელს გაზეთ „დროებაში“ გამოქვეყნებული წერილის - „მშვიდობით, მშვიდობით“ - რომელიც ნიკო ნიკოლაძემ ნ.სკანდელის ფსევდონიმით დაწერა.
📚 ამონარიდი თბილისის მუზეუმების გაერთიანების გამოცემიდან „წერილები წარსულიდან“
#წერილებიწარსულიდან
#ამონარიდიგამოცემიდან
#ილიაჭავჭავაძე
#ნიკონიკოლაძე
#სამუზეუმოქრონიკები
#მუზეუმებისგაერთიანება

#დღეისტორიაში
1909 წლის 10 ივნისს, პირველი SOS სიგნალი გაიგზავნა.
გემი ნიუ იორკიდან იტალიის მიმართულებით მიემგზავრებოდა 597 მგზავრით. ძლიერი ნისლის გამო ის რიფებს შეეჯახა და დაზიანდა. სწორედ მაშინ რადიოში პირველად გაისმა ცნობილი სიგნალი - "სამი წერტილი, სამი ტირე, სამი წერტილი".
ახლომდებარე გემებმა უპასუხეს ისტორიაში პირველ SOS სიგნალს, დახმარება დროულად მივიდა და გემის ჩაძირვის მიუხედავად მსხვერპლი თავიდან აიცილეს.

🔸საუკეთესო საჩუქარი - შემეცნებით სამყაროში მოგზაური დიდებისა და პატარებისთვის. დღეიდან თქვენ შეძლებთ შეიძინოთ აბონემენტი ჩვენი 39 შემეცნებითი, სახალისო და საინტერესო საგანმანათლებლო პროგრამებისთვის.

🔸 საგანმანათლებლო პროგრამების აბონემენტი 3 თვით - 75 ლარი;
🔸 საგანმანათლებლო პროგრამების აბონემენტი 6 თვით - 120 ლარი;
🔸 საგანმანათლებლო პროგრამების აბონემენტი 1 წლით - 200 ლარი;
აბონემენტის გამოყენება შეგიძლიათ თბილისის მუზეუმების გაერთიანების ნებისმიერ პროგრამაზე დასაწრებად.
დეტალურად პროგრამების შესახებ: https://shorturl.at/b3dEL
#თბილისისმუზეუმებისგაერთიანება

#დღეისტორიაში
2004 წელს გამართულ არქივების საერთაშორისო საბჭოს კონგრესზე 2000-მა მონაწილემ მიიღო რეზოლუცია, რომლის მიხედვითაც გაერთიანებული ერების ორგანიზაციამ (გაერო) აირჩია არქივების მნიშვნელობისა და ღირებულების აღსანიშნავად 9 ივნისი. არქივების დღის მიზანია შეახსენოს საზოგადოებას თუ არქივები და არქივისტები რაოდენ მნიშვნელოვან როლს ასრულებენ მემკვიდრეობის, ისტორიული მეხსიერების დაცვაში.


9 June is International Archives Day. At the 2004 International Congress in Vienna, the 2,000 participants in attendance adopted a resolution requesting that the United Nations (UN) designate a specific day to mark the importance and value of archives. Archives and archivists play an important role in accountability, transparency, democracy, heritage, memory, and society. This date was selected to commemorate the day in 1948 on which the International Council on Archives (ICA) was created under the auspices of UNESCO.