ხუჯაძე-გოგნიაშვილის კლინიკა

#კოხლეარული იმპლანტაცია

🔹კლინიკის ხელმძღვანელის, პროფესორი მიხეილ ხუჯაძისა და თურქი პროფესორის ჩალარ ბატმანის მიერ კიდევ სამი წარმატებული კოხლეარული იმპლანტაცია ჩატარდა. Çağlar Batman

გაგაცნობთ ერთ-ერთ პაციენტს, პატარა დავითს, რომელმაც პალატაში საკუთარი სათამაშო მოედანი მოიწყო 💛

,,ხუჯაძე-გოგნიაშვილის კლინიკა"- ჩვენთან სმენის აღდგენა შესაძლებელია.

🔹სუნთქვის აღმდგენი ოპერაცია

↘️რამდენად ხშირად იღვიძებთ დილით უკვე დაღლილი? ან დღის მანძილზე თუ გაწუხებთ საერთო სისუსტე? პერიოდულად ჰაერის უკმარისობა? თავის ტკივილი?

ცხვირით როგორ სუნთქავთ ❓

🔹ზემოთ აღნიშნული პრობლემები შეიძლება ცხვირიდან სუნთქვის გაძნელებით იყოს გამოწვეული, ძირითადად კი ძგიდის გამრუდებითა და ნიჟარების ჰიპერტროფიით.

🔹არ დატოვოთ ეს პრობლემა უყურადღებოდ, გაიარეთ ექიმის კონსულტაცია. ჩაიტარეთ სუნთქვის ობიექტური კვლევა- #ცხვირის #ფუნქციური დიაგნოსტიკა.

🔹ქირურგიული ჩარევის შემთხვევაში, ოპერაცია, დაახლოებით, ერთსაათიანია. კეთდება თანამედროვე #ენდოსკოპიური მეთოდით, სპეც.ტექნიკის გამოყენებით.

პაციენტი იმავე დღეს ეწერება კლინიკიდან, პოსტოპერაციული პერიოდიც მარტივია, მიმდინარეობს ტკივილის გარეშე.

,,ხუჯაძე-გოგნიაშვილის კლინიკა" 24/7

#ექსუდაციური ოტიტი

ქირურგი, ოტორინოლარინგოლოგი: როინ გაბეჩავა

,,ამ სეზონზე ბავშვთა ასაკის პაციენტებში ყველაზე ხშირი პრობლემა ექსუდაციური ოტიტია.

ექსუდაციური ოტიტი შუა ყურის ლორწოვანის ანთება და დაფის ღრუში სითხის დაგროვებაა.

ხანდახან ჩვეულებრივი სურდოც კი შესაძლოა შუა ყურის ანთებითი დაავადებების დასაწყისი გახდეს.

როდესაც ევსტაქის მილის ვენტილაციური ფუნქცია ხანგრძლივი დროით ირღვევა , შუა ყურში უარყოფითი წნევა იქმნება და ლორწოვანის მიერ გაძლიერებული წესით გამოიყოფა სეროზული სითხე.

ექსუდაციური ოტიტის დროს პაციენტები უჩივიან ყურების დაგუბებას და სმენის დაქვეითებას(იშვიათად ტკივილს და ტემპერატურის მატებას)

ექსუდაციური ოტიტის დიაგნოზის დასაზუსტებლად (გარდა სუბიექტური ჩივილებისა), საჭიროა ობიექტური კვლევის ჩატარებაც , ეს არის #ტიმპანომეტრია,რომელიც შუა ყურში სითხის არსებობას აზუსტებს.

🔹ძირითად შემთხვევებში, პრობლემა საწყის ეტაპზე ექვემდებარება მედიკამენტოზურ მკურნალობას.

🔹ხოლო უშედეგობის შემთხვევაში შეიძლება საჭირო გახდეს #შუნტირება, აღნიშნული მეთოდით ვუზრუნველვყოფთ შუა ყურის აირაციას.”

#ცხვირის ღრუს პოლიპი

ქირურგი, ოტორინოლარინგოლოგი: გაგა ყულიაშვილი

🔹თუ უჩივით: ცხვირით სუნთქვის გაძნელებას და ცხვირის ღრუში უცხო სხეულის შეგრძნებას, სიმძიმის შეგრძნება სახის არეში, ყნოსვის დაქვეითებას, ეს სიმპტომები შესაძლოა დაკავშირებული იყოს ცხვირის ღრუს პოლიპთან.

🔹ცხვირის ღრუს პოლიპის განვითარება, როგორც წესი თან ახლავს ცხვირის ღრუს და ცხვირის დანამატი წიაღების ქრონიკულ ანთებას. მისი წარმოქმნის ძირითადი მიზეზი კი ალერგიული რეაქციაა.

მკურნალობა მედიკამენტურია, ან ქირურგიული და მედიკამენტური ერთად.

მკურნალობის ტაქტიკა დამოკიდებულია პოლიპის ზომაზე, მის გავრცელების არეალზე, სიმპტომების სიმძიმესა და გართულების ნიშნების არსებობაზე.

🔹პოლიპექტომია, დაახლოებით, 1 სააათიანი ოპერაციაა. ტარდება სპეც.ტექნიკის ,,შეივერის" გამოყენებით, მისი საშუალებით მცირდება რეციდივის შანსი.

🔹რეაბილიტაცია ტკივილის გარეშე მიმდინარეობს, ეს პერიოდი სირთულეებითა და განსაკუთრებული შეზღუდვებით არ გამოირჩევა.

,,ხუჯაძე-გოგნიაშვილის კლინიკა" უზნაძის 103. 24/7 ტელ: 0322433432

🔹,,ხუჯაძე-გოგნიაშვილის კლინიკის” ქირურგები ბელა ბერაძე და მარიამ ტაბატაძე გერმანიაში, ქ.როსტოკის საუნივერსიტეტო კლინიკაში ჰოსპიტაციაზე იმყოფებიან.

🔹ჩვენი კლინიკის ქირურგები მონაწილეობენ და ეცნობიან ქირურგიაში თანამედროვე მიდგომებსა და სტანდარტებს მსოფლიოს წამყვანი სპეციალისტებისგან.

,,ხუჯაძე-გოგნიაშვილის კლინიკა"- საერთაშორისო სტანდარტების გამოცდილება 🌎

#ხორხის გამოკვლევა

🔹უმიზეზოდ ხმის ჩახლეჩა და ცვლილება
🔹უცხო სხეულის შეგრძნება და დისკომფორტი ყელში
🔹ყლაპვის გაძნელება

არ დატოვოთ აღნიშნული ჩივილები უყურადღებოდ, მით უფრო თუ არ იცით გამომწვევი მიზეზი და თან ეს პრობლემა 2 კვირაზე მეტხანს გრძელდება.

მიმართეთ ექიმს , რათა დროულად მოხდეს დიაგნოსტირება (ნაზოფიბროლარინგოსკოპიული მეთოდით), რისი მეშვეობითაც გამოირიცხება ან დადასტურდება ხორხის პათოლოგია✔️

📯 გაითვალისწინეთ, რომ ხორხის აპარატზე უარყოფით გავლენას ახდენს: ალკოჰოლი, თამბაქო, ცხელი, მწარე, მჟავე, ნიგვზიანი, ზედმეტად ცხიმიანი საკვები, ასევე ცივი და გაზიანი სასმელი.

🔹 ცხვირის ფუნქციური დიაგნოსტიკა

გვესაუბრება მედიცინის დოქტორი, ოტორინოლარინგოლოგი ნატო ვაშაკიძე

,,პაციენტებს ვთავაზობთ ფართო მასშტაბიან, სუნთქვის ობიექტურ შეფასებას.

კვლევა გერმანული ფირმის Otopront-ის აპარატურით ტარდება, ხოლო RHINO-SYS ცხვირის ფუნქციური დიაგნოსტიკის სრულყოფილი სისტემაა და გვეხმარება როგორც ცხვირის ობსტრუქციის ზუსტი მიზეზების, ხარისხისა და ლოკალიზაციის დადგენაში, ასევე პრეოპერაციულად ოპერაციის მასშტაბის განსაზღვრაში✔️

🔹კვლევა სრულიად უმტკივნეულოა, პაციენტმა დიაგნოსტიკამდე 10 საათით ადრე არ უნდა გამოიყენოს ცხვირის გამხსნელი საშუალებები."

,,ხუჯაძე-გოგნიაშვილის კლინიკა"24/7

📍24 სექტემბერს, ქ. ამბროლაურში, საქართველოს რესპირაციული ასოციაციის 44-ე რეგიონული კონფერენცია გაიმართა.

📌კონფერენციაში მონაწილეობა სხვადასხვა პროფილის ექიმებთან ერთად ,,ხუჯაძე-გოგნიაშვილის კლინიკის" ხელმძღვანელმა , პროფესორმა გიორგი გოგნიაშვილმაც მიიღო.

კონფერენციის სტუმრებმა მოხსენებები წარადგინეს რესპირაციული დაავადებებისა და მწვავე ვირუსული ინფექციების შესახებ, დამსწრე საზოგადოებას გააცნეს პროფილაქტიკისა და მკურნალობის თანამედროვე მეთოდები ✔️

🌎 მეშვიდე მსოფლიო კონგრესი კოხლეარულ იმპლანტაციასთან დაკავშირებით

🔹 ორდღიან კონგრესს თურქეთში, ქალაქ სტამბულში მსოფლიოს სხვადასხვა ქვეყნების წარმომადგენლებთან ერთად პროფესორი გიორგი გოგნიაშვილი და პროფესორი მიხეილ ხუჯაძე ესწრებიან.

📌 შეხვედრაზე წარმოდგენილია კოხლეარული იმპლანტაციის ახალი გაიდლაინები, თანამედროვე ქირურგიული მიდგომები, უახლესი მიგნებები.

,,ხუჯაძე-გოგნიაშვილის კლინიკა" - საერთაშორისო სტანდარტების გამოცდილება.

• გლანდების ოპერაცია ( #ტონზილექტომია) ლაზერით

რა შემთხვევაში უნდა ჩატარდეს ტონზილექტომია?

თუ პაციენტს აღენიშნება:
🔹ხშირი ანგინა
🔹სახსრების ტკივილი
🔹სუფებრილიტეტი
🔹ადვილად დაღლა და სისუსტე
🔹ჩივილები გულის მხრივ

რა უპირატესობები აქვს #ლაზერით ოპერაციის ჩატარებას?

🔹ოპერაციისას გარშემო ქსოვილები ნაკლებად ზიანდება
🔹პოსტოპერაციული პერიოდი ტკივილისა და დისკომფროტის მხრივ მსუბუქდება
🔹პოსტოპერაციული სისხლდენის რისკიც მცირდება.

📢 რასაკვირველია, რეაბილიტაცია ყველა პაციენტთან ინდივიდუალურად მიმდინარეობს. თავიდან რომ ავირიდოთ გართულებები, მკაცრად უნდა დაიცვათ ექიმის რეკომენდაციები.

,,ხუჯაძე-გოგნიაშვილის კლინიკა", 24/7
მის: დ. უზნაძის ქ. 103.
☎️ 0322 43 34 32

#შუა ყურის მწვავე ანთება

ქირურგი-ოტორინოლარინგოლოგი: მარიამ ტაბატაძე

,,დამთავრდა ზაფხული, ზღვის სეზონი და უამრავმა პაციენტმა მოგვმართა ყურის პრობლემით.

გამოვყოფთ შუა ყურის მწვავე ანთებას.

ძირითადი ჩივილებია:
🔹ყურის ტკივილი
🔹სმენის დაქვეითება
🔹შესაძლოა იყოს ტემპერატურის მატებაც
🔹ყურიდან გამონადენი

შუა ყურის მწვავე ანთების დროს დაფის აპკი მეტად ჰიპერემიულია, გამოზნექილი, სინათლის რეფლექსი შესუსტებულია.

თუ პაციენტს აღენიშნება ყურიდან გამონადენი შესაძლოა დაფის აპკის პერფორაციასთან გვქონდეს საქმე, რა დროსაც მედიკამენტები (განსაკუთრებით ყურის წვეთები❗️) მეტად სიფრთხილით ინიშნება.

ყურის პრობლემის დროს მიმართეთ ექიმს, არ დაიწყოთ თვითმკურნალობა.”