Bromade

[𝗣𝗢𝗠𝗔𝗗𝗘]

品牌：The Bluebeard’s Revenge
產地：UK 🇬🇧
試用產品：Pomade
Haircut:

Overall: 8/10 (Recommended)
光澤：6.5/10 (Medium - High Shine)
軟硬度：6/10 (Medium)
Hold: 8.5/10 (Strong Hold)
柔順度：9/10 (Very Smooth)
清洗：8/10
重塑：不建議
香味：佛手柑混合青檸及薰衣草
特色：輕身、梳得好順、黏性強

[包裝]
小弟以前其實用過呢隻牌子嘅Pomade，當時嘅包裝係扁身樽。近年全個牌子嘅產品包裝都重新設計過。

鋁罐設計，樽身用咗藍色painting background 再貼上label 個人覺得幾型仔。

[使用過程]
Scoop out 嘅時候手指feel到輕輕有啲硬，以為會好難推開，點知原來又唔係😮

好易推得均勻，同時好滑身。Apply 上頭嘅過程亦都係非常之簡單舒服，甚至乎係冇乜扯頭髮嘅情況發生。

值得一讚嘅係apply完上頭非常之輕身☁️，但同時質地嘅黏度足以做到slick back, side part 等等好整齊嘅髮型👨🏻💼。

[效果]
光澤方面，官方形容係high shine，我哋就覺得未至於去到咁令身，反而係medium to high shine 嘅程度。

Hold力方面，應付到一般返Office工嘅程度。如果長期戶外工作，以香港天氣來講就應該會塌。始終產品係水溶性，當出汗就點都會有少少溶。

同時都好視乎有冇用梳，因為依款產品相對其他pomade比較輕身，主要以佢高黏度去維持high hold嘅表現，所以如果唔用梳嘅話，髮型係會比較容易散。

[氣味及清洗]
官方話個味道係佛手柑、青檸同埋薰衣草混合😂 其實根本唔會想像到係咩味😅我哋就格硬形容下個感覺俾你地…算係清爽嘅男士古龍水味，冇乜甜嘅成份。味道清新，而且算long lasting👍🏻

清洗亦都容易，正常用一次洗頭水就可以清洗乾淨。

[總結]
相對適合用梳嘅pomade, 輕身而且黏性強。Slick back side part 如果唔想gel完個頭好似好重嘅話，依隻pomade就最啱。

Shop at: http://www.bromadehk.com
Instagram:

以上都只係個人睇法，始終每個人嘅喜好、感受，同髮質都唔同。同時天氣、產品保質期等等因素都會影響產品表現，所以同樣產品有唔同體驗都好正常。
如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油
————————————————————————————————————————

[𝗣𝗢𝗠𝗔𝗗𝗘]

好耐冇出review 喇！最近，香港足球隊🇭🇰⚽️歷史性躋身亞洲盃決賽周，BROMADE決定為大家介紹，香港足球隊隊員唐建文 創立嘅新品牌- THUNDER FEATHER。THUNDER FEATHER 暫時出咗3款產品，分別係T1, T2同T3，香港製造，天然成份。用起上嚟又係咪真係踢波都用得呢？

品牌：THUNDER FEATHER
產地：Hong Kong 🇭🇰
試用產品: T1 Water Based Pomade

Overall: 8.5/10
光澤：4/10
軟硬度：6/10
持久度：8/10
柔順度：6.5/10
清洗：8/10
香味：天然草本(唔識形容，格硬講)
適用於：中長髮型 ，尤其係港隊中場髮型
Haircut: .chu (細佬)

[包裝]
食字gag就講完，講番個包裝先。黑底金字膠盒，偏向型格路線。盒頂有⚡️🪶Thunder Feather嘅logo，羽毛中間有條閃電，睇得出品牌設計有啲心思。有一點要注意嘅係，包裝上冇寫自己係咩產品，淨係寫咗T1/T2/T3同埋效果，買嘅時候就要睇清楚喇！

[使用過程]
上手質感算係滑身，未去到好水dat dat，有啲似cream cheese。上頭容易apply，唔會好乾爭爭好快收乾，有足夠時間塑形，仲可以用梳都唔會好kick頭髮。

[效果]
效果大致上同官方描述一樣，firm hold low shine。阿哥最近一星期都用嚟番工(office)，悶熱天氣下都算頂到一日，算係firm hold。色澤方面用落其實覺得似係自然光澤，唔會係令蠟蠟。

[氣味及清洗]
氣味清新，屬於天然嘅氣味，上頭唔會好大陣味。清洗方面無論係洗手定洗頭都容易，以佢嘅hold力嚟講，可以話係好易洗。

Overall嚟講有啲似所謂嘅Clay Pomade多過Water Based Pomade(一般會令身同硬身啲) 各方面符合官方描述，幾大眾化嘅產品。

不過，如果T1已經係依個表現，T2 嘅Clay Pomade同T3嘅Texture Clay會唔會好乾或者冇乜分別呢？🤔Bromade稍後揭曉。

祝各位父親節快樂，香港運動員加油！😘
以上都只係個人睇法，始終每個人嘅喜好、感受，甚至係髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油

[𝗕𝗥𝗢𝗠𝗔𝗗𝗘 𝗦𝗛𝗢𝗣]

BROMADE SHOP 兩週年喇！

任何消費輸入promo code “BROMADE2YR” 將有八五折優惠，消費滿$350可免運費（順豐）。

Link in bio 🔗
Shop at www.bromadehk.com

[𝗕𝗥𝗢𝗠𝗔𝗗𝗘 𝗛𝗔𝗜𝗥𝗖𝗨𝗧]

我哋有重大消息要宣佈‼️
咁多位之前見到我哋story 話上門剪頭髮，其實推介嘅barber 係BROMADE 細佬本人嚟🥶之前細佬去咗英國🇬🇧其實係學剪頭髮 💇🏻‍♂️

之前有好多師兄問點解唔再做barbershop review啊❓其實亦都係因為依個原因☹️
儘管barbershop review 係志在推廣本地唔同特色嘅barbershop，但避免不必要嘅爭議都係決定忍痛暫停🥺 🙏🏻

本身其實真係唔想將自己係barber嘅身份同BROMADE 依個page 公開，但無奈地我哋偉大政府嘅英明政策😃，由開初封barbershop兩星期到依家直至4月20號，我就逼於無奈為我嘅生計而喺度宣傳，希望大家見諒🙏🏻搵食艱難🤕

最後hard sell 下我哋嘅最新promotion😂
現凡光顧 BROMADE 上門理髮 ✂️，可以同時以八五折優惠購買任何BROMADE SHOP 產品 🛒 會由細佬親自送上門💨
此promotion 直至開返barbershop 為止。💰收費主要依地區而定，如有興趣請dm查詢詳情。

依段時間各行各業都好艱難，希望大家互相幫助💪🏻頂住！同行共勉之🤜🏻🤛🏻

[𝗪𝗔𝗫 𝗖𝗥𝗘𝗔𝗠]

2021年最後一個review. 過去一年因為工作關係少咗好多review俾大家睇，新嘅一年我哋會盡力帶俾大家更多客觀同獨立嘅review, 同時希望大家身體健康，日日都梳靚頭！

講返今次review先！終於第一次試 Templeton Tonics 嘅產品喇❗️試完覺得佢嘅效果幾特別，所以將佢引入BROMADE SHOP!

品牌：Templeton Tonics
產地：Washington 🇺🇸
試用產品：Odin Wax Cream
Haircut:

Overall: 7/10 (Recommended)
光澤：5/10 (Natural - Low Shine)
軟硬度：6/10 (Medium)
Hold: 8/10 (Hold)
柔順度：4/10 (Not Smooth)
清洗：7/10 (Easy to wash)
重塑：可以 (Restyle)
香味：Trailhead 聖誕樹味🎄
特色：混合dry wax 同 hair cream 嘅特色

[包裝]
如果有留意開Templeton Tonics嘅產品，都知道佢哋會寄花心機喺產品包裝設計方面。似乎佢哋好鍾意用動物放入包裝上面嘅畫，例如係熊🐻、八爪魚🐙等等。

今次嘅 Odin Wax Cream 就用咗狼🐺作為主題，配搭藍銀色同綠色樽身，成個包裝感覺幾型。

[使用過程]
質地係似較黏身嘅hair paste，易scoop out嘅。一上手推你就會feel到佢係 dry wax 同 hair cream 混合嘅質感。

上頭算係快乾，而且黏身，感覺比較適合髮型較短嘅人使用。因為細佬依種頭髮長度個效果唔係好理想，所以搵嚟一位髮型比較短而着重多啲texture嘅朋友做Model。

建議手摷嘅造型，頂盡都係用闊齒梳，除非想扯甩晒啲頭髮😂。

[效果]
光澤方面，唔會好似dry wax咁乾，結合咗hair cream嗰種自然光澤。

Hold力方面，中短髮型大致可以維持全日。如果中長髮型就會容易散，因為喺造型嘅過程比較耐啲，而且比較快乾，摷摷下可能已經開始散。

[氣味及清洗]
你見我哋第一張相product嘅background係聖誕樹，其實係配合返佢嘅味道，就係聖誕樹嘅味🎄而且氣味都幾出同埋long lasting.

清洗方面都係用一次洗頭水就可以清洗乾淨。

[總結]
其實如果玩開hair styling product 嘅人對呢個牌子唔會陌生，但同時佢哋過往嘅其他產品質素有啲參差，而依款 Odin Wax Cream 就keep到個質素，所以將佢引入BROMADE SHOP 🛒.

Shop at: http://www.bromadehk.com
Instagram:

以上都只係個人睇法，始終每個人嘅喜好、感受，同髮質都唔同。同時天氣、產品保質期等等因素都會影響產品表現，所以同樣產品有唔同體驗都好正常。
如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油

[𝗕𝗥𝗢𝗠𝗔𝗗𝗘 𝗦𝗛𝗢𝗣]

煲眉聖誕大特賣🎄🎅🏻

消費滿$200並輸入 promo code “XMAS2021” 即享八五折及免運費優惠。

優惠由即日起至2021年12月31號11:59pm.

Link in bio 🔗
Shop at: http://www.bromadehk.com
Instagram:
#香港 #髮型 #油頭 #髮油 #聖誕禮物

[𝗕𝗥𝗢𝗠𝗔𝗗𝗘 𝗦𝗛𝗢𝗣]

煲眉聖誕大特賣🎄🎅🏻

消費滿$200並輸入 promo code “XMAS2021” 即享八五折及免運費優惠。

優惠由即日起至2021年12月31號11:59pm.

Shop at: http://www.bromadehk.com
Instagram:
#香港 #髮型 #油頭 #髮油 #聖誕禮物

🌬冬天準備來臨，意味住皮膚又開始乾燥龜裂👄。作為一個注意儀容嘅男士，梗係唔可以比咀唇甩晒皮咁啦！

🇨🇦加拿大品牌 🌎成分全天然嘅Earth Made Chapstick 由100% 有機蜜蠟製成，含有乳木果油、椰子油🥥、葡萄籽油🍇及維他命E，可以滋潤咀唇，防止龜裂！

搽上咀嘅感覺唔會好似Vaseline 嗰種咁厚咁杰身，質感比較薄。同時，搽完個咀唇唔會蠟蠟令。

BROMADE SHOP有售

Shop at: http://www.bromadehk.com
Instagram:

以上都只係個人睇法，始終每個人嘅喜好、感受，同髮質都唔同。同時天氣、產品保質期等等因素都會影響產品表現，所以同樣產品有唔同體驗都好正常。
如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油 #電髮 #潤唇膏

BROMADE SHOP 將會喺11月26號至29號有黑色星期五優惠！

任何消費輸入promo code “BLACKFRIDAY2021” 將有八折優惠，消費滿$350可免運費（順豐）。

另外，由於多次經香港郵政局本地平郵寄失貨品，因此決定暫停使用此寄貨方式。

[𝗖𝗟𝗔𝗬]

簡單介紹吓細佬依家個髮型先，因為開始厭倦咗side part, 又懶得打理，所以電個髮轉一轉新形象⚡️大約電咗三四個月，因為唔係好鍾意啱啱電完好大嚿嘅感覺，所以依家剪短啲修薄啲就fit😎大家又覺得點呢？

品牌：mentega
產地：Malaysia 🇲🇾
試用產品： mentega CREAMY (6oz)
圖2: before
圖3-5: after
Haircut:

Overall: 7.5/10 (Recommended)
光澤：3/10 (Matte)
軟硬度：4/10 (Soft)
Hold: 6.5/10 (Medium Hold)
柔順度：9/10 (Very Smooth)
清洗：7/10
重塑：可以
香味：奶粉味 🍼
特色：非常creamy嘅髮泥

[包裝]
一如以往， mentega嘅頭髮造型產品不嬲都係大大支好實惠，同一個價錢對比其他牌子有double嘅份量(6oz)。白色髮泥配搭藍色字體⚪️🔵，簡潔鮮明。

[使用過程]
相信大家用過比較乾身嘅髮泥都會試過好難apply得均勻，捽到甩晒頭髮都唔掂🤯。而CREAMY就真係好似cream咁滑身，容易 scoop out 又易apply.

尤其係依家細佬電咗髮，如果仲用啲好乾身嘅髮泥， gel頭時扯頭髮會扯到好痛🤢

[效果]
光澤方面，可以形容係matte finish, 但又唔會乾到乾草咁。

Hold力方面，因為電髮嘅關係，頭髮本身有返咁上下支撐力，所以分數都要係咁以扣返少少分。啲texture大致上都可以維持全日。

[氣味及清洗]
開蓋聞有啲似BB奶粉味，不過想apply上頭後就唔覺有味。

清洗都係一般洗頭水洗一次已經可以清洗乾淨。

[總結]
覺得呢款髮泥啱比較軟身嘅頭髮去做啲層次，如果比較短而硬身嘅頭髮想做啲定型嘅style未必太適合。

BROMADE SHOP 有售🛒🛍
Link in bio🔗

Shop at: http://www.bromadehk.com
Instagram:

以上都只係個人睇法，始終每個人嘅喜好、感受，同髮質都唔同。同時天氣、產品保質期等等因素都會影響產品表現，所以同樣產品有唔同體驗都好正常。
如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油 #電髮

[Clay x Wax ?]

大家好，今次review嘅產品都幾得意，標榜自己係半clay半wax嘅產品。究竟有冇融合到兩樣嘢嘅好處呢？ BROMADE即刻幫你試試😉

品牌：Salt Grooming
產地：United Kingdom 🇬🇧
試用產品：Hybrid Hair (50ml)
Haircut: 💇‍♂️by 細佬

Overall: 6.5/10 ( Average)
光澤：3.5/10 (Low to Medium)
軟硬度：3/10 (Soft)
Hold: 6/10 (Medium Hold)
柔順度：5/10
清洗：7/10 (Wash out With Shampoo)
重塑：可以
香味：少少似粉紅色咳藥水味
特色：半泥半wax嘅感覺，冇想像中咁hold，偏乾身難推，但效果自然

[品牌及包裝]
來自英國🇬🇧嘅 Salt Grooming，暫時只係出咗一種產品。呢個亦都係佢哋品牌嘅宗旨，希望簡化髮型用品，一隻搞掂晒。

另外，產品成份同包裝都盡量環保♻️，樽身都係用咗可回收物料，白色包裝高雅得嚟又實淨，我哋兩兄弟都幾喜歡。

[使用過程]
打開蓋入面仲有另一塊蓋，估計應該係用嚟防潮。質地比較硬身難撩，上手推開feel到幾乾，而且唔容易捽匀。因為比較乾身，所以捽唔匀嘅時候，上頭容易會出現一粒粒，搽唔匀成個頭。不過佢乾身得嚟又唔會好扯頭髮，唔洗擔心好似用wax咁勁快乾哂扯甩頭髮。

[效果]
首先想讚下個光澤度，真係幾自然👍🏿，唔會好似clay咁乾，又唔會好似wax咁令，符合佢講嘅natural finish。

除咗光澤natural，塑形後頭髮唔會變到好硬身，可以重塑，可以撥吓頭髮，都係睇落natural自然。

不過hold 力就正正因為好自然，所以唔係佢講嘅super high hold喇😯。阿哥試咗幾次，每次用量都多過平時，但hold力始終唔強。會展頭curve位幾個鐘後開始稍微塌塌地，而且會有少少散，我覺得係medium hold 左右🤔。產品乾身硬身推唔匀都會可能對hold力有所影響。

[氣味及清洗]
氣味方面見人見智，細佬覺得好臭😰，但阿哥覺得搽上頭都幾fresh😎，味道有啲似粉紅色咳藥水味。氣味嘅持久力反而幾強，過咗半日帶住口罩都隱約聞到少少味。

清洗方面🚿，gel完頭洗手會有少少一塊塊wax喺手，要捽吓先洗得走，有啲驚洗頭都會咁。但洗頭嘅時候冇依個問題，清水沖吓可以大致上洗走，加shampoo洗淨。

［總結］
產品唔算完全符合官方描述，hold力唔強，但效果自然。加上氣味方面未必人人鍾意，所以overall評分唔算高。官方推薦大家中長髮型使用，我就建議如果出街時間唔長，用一用佢整個自然效果都唔錯😉

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#髮泥 #髮型 #油頭

[𝗣𝗢𝗠𝗔𝗗𝗘]

品牌：19 | Fifies
產地：加拿大🇨🇦
試用產品：Union Strong Hold Pomade 🔴
Haircut:

Overall: 9/10 (Highly Recommended)
光澤：6/10 (Medium shine)
軟硬度：8.5/10 (High)
Hold: 8.5/10 (High Hold)
柔順度：7/10 (Smooth)
清洗：8.5/10 (Easy to Wash Out)
重塑：不能
香味：白雪松、檀香古龍水味，成熟男人味 👨🏻
特色：經典復古包裝、會收乾變硬

[包裝]
依款Pomade相信唔少人都見過，見到佢正方形同復古嘅包裝設計，都會忍唔住買嚟收藏😆。

不過用過嘅可能會遇過佢金屬盒生銹嘅情況，同時因為依款冇加入防腐劑，如果存放喺比較潮濕嘅地方會比較變質😶‍🌫️。

[使用過程]
質地比較杰身同黏，有啲難推開得均勻。

雖然pomade本身顏色係紅色，不過唔洗怕上頭會變紅😂 喺手心嘅時候記住推耐啲推開啲就得。

Apply上頭嘅初時都會有少少卡頭髮，搽吓梳吓就會慢慢順返，唔算大問題。

[效果]
光澤方面，我哋覺得係 Medium Shine, 同佢官網聲稱得一星Shine （滿分五星）好似有少少出入。

Hold力方面，同官方講嘅strong hold 我哋覺得係一致嘅，正常都可以hold到全日。
會收乾變硬，有足夠時間俾你apply同梳好，唔會係嗰種一apply好快乾嘅pomade.

[氣味及清洗]
氣味係我哋用過咁多款之中排名頭幾名嘅pomade, 白雪松同檀木嘅古龍水味，好適合需要姿整嘅上班族，香味突出而且持久。

清洗非常容易，基本上清水沖捽下就可以洗走大部份。因此可能大汗啲嘅師兄就未必啱，尤其依家夏天，長期喺戶外更加容易塌，所以都係比較適合長時間喺室內嘅上班族多啲💼

[總結]
不論係包裝外觀、產品效果都係值得收藏嘅pomade. 因為比較黏身，個人覺得適合side part, slick back嗰種比較整齊需要用梳嘅髮型。

Instagram:

以上都只係個人睇法，始終每個人嘅喜好、感受，同髮質都唔同。同時天氣、產品保質期等等因素都會影響產品表現，所以同樣產品有唔同體驗都好正常。
如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油

[𝗕𝗥𝗢𝗠𝗔𝗗𝗘 𝗦𝗛𝗢𝗣]

2021年5月29日會係我哋BROMADE SHOP 嘅一週年🙌🏻

為答謝你哋對我哋嘅支持💕，只要喺 www.bromadehk.com 購買任何產品，結帳時輸入優惠碼 “BROMADE365” 即可享85折優惠，優惠期限為2021年5月16號至6月6號。

快啲睇完我哋嘅review 揀返適合自己嘅產品啦🙌🏻 Link in bio🔗

[𝗣𝗢𝗠𝗔𝗗𝗘]

作為外貌協會會員👀，上網睇到依罌Cream Pomade個包裝咁特別就梗係想試吓佢效果如何啦！

品牌：Wise
產地：加拿大 🇨🇦
試用產品：Red Maple Cream Pomade 🍁
Haircut:

Overall: 6.5/10 (Average)
光澤：5/10 (Natural Shine)
軟硬度：4/10 (Soft)
Hold: 4/10 (Light to Medium Hold)
柔順度：9.5/10 (Very Smooth)
清洗：8/10 (Very Easy to Wash out)
重塑：可以
香味：類似淡淡的薰衣草香味
特色：全天然成份、造型之餘有助頭髮健康🍀

[包裝]
呢個品牌嘅產品包裝都係行簡約風格，玻璃樽身配搭木質樽蓋，簡約得嚟又幾有格調👍🏻

[使用過程]
非常軟身，同cream 一樣，容易scoop out, 推開、apply同搽均勻。梳起上嚟都好順暢，冇拉扯頭髮嘅感覺。

[效果]
光澤方面，官方形容係light shine, 我哋都絕對同意嘅，介乎係natural shine -light shine 因為頭髮望落去係健康嗰種光澤。睇返原來依隻pomade其中一個賣點幫助造型之餘，成份有助滋潤及保護頭髮。

一隻頭髮造型產品要同時喺造型同頭髮健康兩方面同時做得出色係非常之難，所以依隻cream pomade都喺造型方面相對失色少少。

貫徹返我哋一貫測試頭髮造型產品嘅做法，係完全冇打底嘅情況下用呢隻pomade💁🏻‍♂️, 喺Hold力方面唔係太應付到香港又熱又濕嘅天氣，而且我哋測試嘅時候，天氣已經比較清爽。不過大家睇睇上頭後嘅相，只係用咗三至四個鐘左右，成個造型都有啲散同塌塌地。更何況係遲啲更濕更熱嘅天氣呢，更加唔好講抗汗能力喇😥 同佢哋官方所形容嘅 medium to strong hold 有啲出入。

依個問題我哋都同佢哋反映咗，佢哋表示依款產品會比起市場上一般頭髮造型產品嘅用量要多啲，因為同時有助頭髮健康嘅用途，加上亞洲人髮質比較硬身，所以更加要用多啲。我哋大致都同意佢嘅講法，但喺用多啲嘅同時佢罌pomade都只係得2oz就比較唔化算喇。

另外值得一讚嘅係佢有埋refill裝♻️，咁就唔洗用完就嘥咗個咁靚嘅包裝喇👍🏻

[氣味及清洗]
氣味係好天然嘅草本清新薰衣草味，聞落舒服，上頭後味道唔出。

清洗非常容易，用一次洗頭水已經夠徹底清潔乾淨有餘。

[總結]
造型表現方面係有啲失望，但係考慮到有助頭髮健康又唔會令佢減太多分。

另外我哋都試過配搭天然成份嘅打底產品，絕對喺hold力方面有幫助，但感覺上一出汗都係會塌，產品定位喺香港未係好普遍。

當然如果你哋對呢個牌子嘅產品有興趣不妨同我哋講一講，我哋都想知道用開頭髮造型產品嘅你哋會唔會想試吓🇨🇦🙌🏻

以上都只係個人睇法，始終每個人嘅喜好、感受，同髮質都唔同。同時天氣、產品保質期等等因素都會影響產品表現，所以同樣產品有唔同體驗都好正常。
如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油

[𝗣𝗢𝗠𝗔𝗗𝗘]

品牌：TAI PING Grooming 太平
產地：Hong Kong 🇭🇰
試用產品：Original Pomade
Haircut:

Overall: 8.5/10 (Highly Recommended)
光澤：5/10 (Medium Shine)
軟硬度：5/10 (Medium)
Hold: 7.5/10 (Firm Hold)
柔順度：9.5/10 (Very Smooth)
清洗：7/10 (Easy to wash out)
重塑：可以
香味：Analogue Apotik Colossus 古龍膏
特色：非常順滑、中等光澤

[包裝]
同我哋之前review咗嘅Clay Pomade 設計一樣，今次依隻Original Pomade就用上咗深藍色。想講佢哋所選用嘅包裝顏色真係幾靚👍🏻

[使用過程]
質感同Hair Cream 只係一線之差，因為真係好軟身、好順滑。

非常容易scoop out, 非常容易推同埋平均地apply 上頭。

Apply嘅過程都係好順暢，冇乜點卡頭髮🥳 唔會變硬，可以翻梳👍🏻

[效果]
光澤方面，中等光澤就真係中等光澤，冇花冇假，影相嘅時候大概係apply完十分鐘左右，應該就已經收乾咗。

Hold力方面都唔錯，冇用任何pre-styling product 嘅情況下都叫做頂到全日。

不過喺volume嘅能力方面感覺就冇咁出色，要靠吹頭+ 打底先令成個髮型嘅shape再靚啲。

試咗好幾次就咁用佢都可以hold到全日，不過咁啱嗰幾日嘅天氣都比較清爽，當喺香港炎熱同潮濕嘅天氣都仲有啲保留🥵到時候如果試埋再update大家！

如果你係返office工💼，大部分時間都喺冷氣環境的話都絕對應付到。

[氣味及清洗]
一開蓋聞就覺得好香，然後覺得好熟悉，原來係我哋BROMADE SHOP都有賣嘅 Analogue Apotik 嘅古龍膏 Colossus隻味！隻香味係好適合男士，可惜上頭後隻味唔算出，如果唔係連古龍膏都唔洗用🤯

容易清洗嘅！簡單用一次洗頭水就輕鬆洗乾淨 💆🏻‍♂️

[總結]
高質嘅香港製造，幾適合返工一族，正經得嚟又唔想日日蠟到個頭令到反光嘅香港人。值得支持🇭🇰🙌🏻

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#髮泥 #髮型 #髮油 #太平髮品 #太平髮油

[Clay]

好似好耐冇update 喇！BROMADE其實有繼續幫大家試唔同產品嘅，放心！今次為大家帶嚟美國Root & Muddle嘅review 。

品牌：Root &Muddle
產地：USA 🇺🇸
試用產品：Matte Clay (4oz)

Overall: 8.5/10 ( 👍🏿Highly Recommended)
光澤：3.5/10 (Low to Medium)
軟硬度：6/10 (Slightly Hard)
Hold: 8/10 (Strong Hold)
柔順度：2/10
清洗：8/10 (Wash out With Shampoo)
重塑：會散
香味：草本柑橘味
特色：低中光澤，hold力強，相信幾符合香港人口味，適合中長度髮型

[品牌及包裝]
好簡單介紹一下個牌子。Root & Muddle係一個美國天然手造品牌，創辦人喺整髮型用品之前都有整過吓手造香水嘢，係有玩開grooming products 嘅。

吸引到我哋試嘅除咗因為天然，都好因為係包裝。金色樽蓋，玻璃樽，設計時尚，加上外國都有唔少好評，所以都買嚟試試。😑不過我女朋友就話有啲似花生🥜醬。

[使用過程]
撩上手順滑，同時feel到幾黏手。容易推開，但要注意幾快收乾。試過分幾次逐少使用，但係因為佢上頭之後都算快乾，加上hold力幾強難重塑，塑形時間都唔建議拖咁長。

[效果]
阿哥試過短頭髮嘅時候用，掃上頭好令身，髮束感強，又黏唔實天線頭，😨😥心諗唔通中伏？

轉髮型之後再試，滿意！😳光澤比起短髮使用時，視覺上冇咁令身，而且會慢慢再變得更啞色，符合包裝描述。

Strong hold都係另一個賣點。今日都算幾大風，阿哥都去過幾個地方，都冇散冇塌。

會收乾，但唔會變到好硬，雖然重塑就有啲難度，但間唔時用手托吓個shape係可以嘅。

收乾得快會有少少毛毛黏唔哂，但問題唔大。

[氣味及清洗]

氣味方面雖然品牌老細其實有整過吓香味產品，但clay香味冇乜特別，上頭都唔算出。

清洗方面🚿，清水沖吓可以大致上洗走，咁嘅hold力嚟講令人滿意。

［總結］
符合官方描述，用喺中長度髮型算低光澤強hold力。建議使用時候快手少少，咁就做到唔錯嘅效果！有別其他髮泥，短髮使用嘅話會令身同一束束，反而會有啲失望。

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#情人節禮物 #髮泥 #髮型 #油頭

Posted on 30 Jan 2021

[𝗛𝗔𝗜𝗥 𝗣𝗔𝗦𝗧𝗘]

細佬係英國 lockdown 咗一個月，頭髮已經長晒，唯有轉一轉gel法，唔梳side part 頭喇，試下類似all back咁樣，你哋又覺得點？

同埋近排皮膚好差，額頭粒暗瘡好吸晴😂片就唔識執，後面啲相就容許我P走粒暗瘡啦😇

品牌：ORIEN’T
產地：Taiwan 🇹🇼
試用產品：Texture Paste

Overall: 8/10 (Recommended)
光澤：4.5/10 (Medium Shine)
軟硬度：3/10 (Low to Medium)�Hold: 7.5/10 (Medium to Strong Hold)
柔順度：6.5/10 (Smooth)
清洗：7.5/10 (Easy to wash out with shampoo)
重塑：可以，但手摷會散
香味：草本精油
特色：適合手摷texture 又鍾意有啲光澤嘅造型

[包裝]
型格簡潔，鋼琴 🎹 面設計。
同之前 clay pomade 一樣，只係換咗藍色嘅label.

[使用過程]
質地feel到有啲彈性，容易scoop out同推開，上頭嘅時候會比較白，要花少少時間推返均勻。
推開嘅時候唔算特別順滑，不論係用梳定係用手指都feel到有啲拉扯頭髮嘅感覺，所以建議喺頭髮微濕嘅時候apply, 即係大部份產品建議使用方法所講嘅 apply to damp hair💧,減少扯甩頭髮，同時都可以apply得均勻啲。

都算係可以重塑，但如果係手摷嘅造型， Restyle可能會散散地，用梳就會好啲。

[效果]
光澤方面，官方形容係 low shine, 我哋用落就覺得高返少少啦，low-medium 偏中嘅光澤。同時都好講你用梳定係手摷嘅，梳整嘅造型譬如side part / all back 依類就會比較令身啲，相反地手摷做重texture嘅造型睇落就啞色返啲。

Hold 力方面都值得一讚嘅👍🏻，唔會變硬會收乾，基本上都維持到成日。同時volume 都可以推得幾高，適合中長頭髮 side part, pompadour 嘅造型。黏度都高，可以抆貼啲bb毛同我兩側比較長同彈出嚟嘅頭髮😂。

[氣味及清洗]
氣味清新，唔太long lasting而且唔會好出。
都算容易清洗嘅產品，用一次洗頭水都可以徹底清潔乾淨。

Instagram:

以上都只係個人睇法，始終每個人嘅喜好、感受，同髮質都唔同。同時天氣、產品保質期等等因素都會影響產品表現，所以同樣產品有唔同體驗都好正常。�如果有啲咩意見或者分享，歡迎留言或者PM我哋交流一下心得🥰🙏🏻
#香港 #台灣 #髮型 #油頭 #髮油

[𝗖𝗟𝗔𝗬 ]

品牌：CUB & CO
產地：Tasmania, Australia 🇦🇺
試用產品：Original Clay
Haircut: .boogie___

Overall: 7/10 ( Recommended)
光澤：3/10 (Low)
軟硬度：4/10 (Soft to medium)
Hold: 6.5/10 (Medium Hold)
柔順度：4/10
清洗：7/10 (Wash out With Shampoo)
重塑：不建議
香味：比較女性化嘅香味
特色：上手超快乾，宜分幾次上頭，較適合短髮

[品牌及包裝]
第一次review Cub & Co，講講牌子嘅背景先啦。Cub & Co係澳洲🦘品牌，志在用最天然嘅成份製造產品。除咗自己出pomade或者clay之外，都有同唔少其他品牌做crossover。

Original clay 包裝硬淨💪🏿，用咗金色蓋加強咗金屬感覺，配黑色樽身，望落去都幾有時代感，阿哥自己都幾喜歡。

[使用過程]
質地同一般clay唔同，好滑甚至有啲水水地咁💦。阿哥見到咁滑身，心諗會唔會好令身好耐都唔乾㗎？！結果可以話完全相反。

首先最重點要講嘅係產品收乾嘅速度極快😨。阿哥第一次用嘅時候，一上手捽兩捽，對手已經差唔多痴實咗咁。上頭塑形方面，亦都會因為快乾而困難一啲，會比較扯頭髮而且難重塑。☹️依個就係其中扣分位。

所以我哋會有兩個建議使用方法:

1. 包裝上寫嘅使用方法(圖4): 分幾次，少少哋少少哋咁apply。優點會係可以喺頭髮變硬前，容易啲慢慢塑形，但就要好啲耐性，分三四次先完成，頭髮長啲可能仲要多幾次。
2. 第二種方法係濕頭apply。優點係快靚正，但會對產品hold力同光澤有所影響，完成品會比較散。

[效果]
👌🏻效果大致上同官方描述一樣，算係low shine得嚟唔會太乾。

Hold 力方面其實一收乾都好強，會有好強痴力，但就因為快乾得濟嘅缺點，塑形嘅時候未必黐得哂啲頭髮，導致髮廊會比較容易吹散，所以我自己視為Medium hold。

而且收乾得快可能會未捽得均，(捽得太耐又會收得好乾🥲)而有一點點喺頭髮上面。

[氣味及清洗]
氣味方面冇特定似咩味，比較複雜，但偏向女仔嘅香味，上頭後唔覺好出。

清洗方面🚿，清水沖一陣可大致洗淨，有7分。

［總結］
效果理想，但超快收乾嘅特色令到塑形不便，甚至影響產品效果就略略扣分。但如果用喺中短髮型，加埋使用天然成份嘅宗旨，overall 都係唔錯嘅產品。

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#髮泥 #髮型 #髮油 #天然

Hey there! We are using MeWe
Steps:
1. Cap 圖 cap我哋依個 QR code
2. 去自己嘅MeWe Add and Invite Friends
3. 右上角QR code icon
4. 揀 scan code
5. 㩒choose from photos
咁就可以follow到我哋BROMADE HK MeWe Page喇！
一步一步嚟😂

Hey there! We are using MeWe

[𝗣𝗢𝗠𝗔𝗗𝗘]

品牌：Ace High Co. ♠️
產地：Michigan, USA 🇺🇸
試用產品：Original Pomade (4oz)
Haircut: THY BARBERSHOP

Overall: 7.5/10 (Recommended)
光澤：6/10 (Medium Shine)
軟硬度：5/10 (Medium)
Hold: 8/10 (Medium to Strong Hold)
柔順度：6.5/10 (Medium)
清洗：7/10 (Easy to wash out)
重塑：不建議，會散
香味：橙皮+尤加利樹
特色：全天然手造，適合slick back造型

[包裝]
用紅白做主色，玻璃透明罌。開封位置有貼紙貼住，確保產品全新未開過。
可能製作者鍾意玩啤牌，每個產品都有葵扇嘅圖案，幾有趣。

[使用過程]
上手推都已經feel到佢嘅黏度幾高，上頭大約一兩分鐘就會開始乾。另外用梳嘅時候唔係梳得特別順，所以喺整體嘅使用過程嚟講唔係特別出色。

[效果]
官方形容為 medium shine + high hold. 細佬都十分同意！

啲相係細佬喺倫敦淋咗雨再大風吹之後影嘅，雖然都輕輕有啲散，正常天氣就冇乜大問題，所以hold力都有返咁上下

光澤就幾適合日常用，唔會好令身。

另外佢都幾適合比較同貼服同volume高嘅髮型，可以好輕鬆就推到過會展位好高😂

[氣味及清洗]
橙皮加尤加利葉溝埋嘅味道有少少女仔，聞落有啲似櫻桃嘅味道。上頭之後味道唔係好出，所以都接受到。

清洗方面都係用一次洗頭水就可以清洗乾淨。

[總結]
以全天然手工製造嘅髮蠟嚟講，達致中度光澤同中高度hold力都算值得試吓嘅，不過香港暫時未有途徑買到，需要上佢哋官網買。

Shop the other products at: http://www.bromadehk.com
Instagram:

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油

2020年 BROMADE 嘅簡單總結

Product Review: 81
Barbershop Review: 8

大家喺今年都過得好辛苦，但唔好對將來失去希望，要捉緊信念行落去。

新一年我哋亦會繼續以用家角度，為大家寫更多獨立而誠實嘅review. 請繼續支持我哋🇭🇰

**k2020

[SHAMPOO & BODY WASH]

平民版Aesop?

兩個星期前介紹咗ORIEN’T 新出澄靜系列嘅Texture clay，反應好好🎉，好似都幾多人有興趣。阿哥其實更加喜歡依個系列嘅洗頭水沐浴露🧴，比起之前介紹勁香勁luxury嘅body wash，澄靜系列相對溫和舒服，唔知係咪真係同佢嘅天然成份有關呢？

品牌：ORIEN’T
產地：Taiwan 🇹🇼
試用產品：限量版- 澄靜 Shampoo & Body Wash

Overall: 8.5/10 ( Recommended)
香味：佛手柑．雪松木．岩蘭草 (官方) ，BROMADE覺得係煙燻木加少少柑橘嘅香味
特色：台灣手造，天然成份相對多泡，氣味令人感覺平靜舒服，🤣 阿哥覺得係平民版Aesop。

[品牌及包裝]
ORIEN’T本住天然成份嘅宗旨，出埋洗頭水護髮素。成份有益頭髮嗰啲我哋都唔長氣講喇，大家可以睇圖2。

包裝設計同A品牌相似，都係黑色樽身。貼紙上有我最愛嘅繁體字，而且有少少凹凸質感，感覺高尚。

[氣味及清洗]
先講講佢嘅氣味。官方話係佛手柑．雪松木．岩蘭草味。BROMADE根本上唔知依啲係咩味嚟嘅🤣。但用自己嘅感覺同文字，香味係煙燻木🪵加一點柑橘🍊味，比起clay pomade/ texture clay濃一點。

依個香味特別在我使用時覺得好舒服好放鬆🧖‍♂️真係做到澄靜系列想做嘅效果。

除咗香味，清潔力都想講吓。通常天然成份嘅洗頭水，可能會比較少泡，感覺清洗得冇咁強，但ORIEN’T 嘅shampoo / body wash冇依個問題，🛁🛁相對起泡容易。

[總結］
依然覺得，無論係包裝定香味，都係平民版Aesop🙊。澄靜系列全部產品 BROMADE都有試用，而且覺得表現好好，入咗少量 (佢本身就係limited edition!) 比大家試吓。今年大家都過得辛苦喇，😌😌不如沖涼享受吓私人時間，放鬆心情，洗走辛勞啦！

P.s. 圖1後面嗰枝其實就係A字頭品牌洗頭水

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻

#洗頭水 #澄靜 #天然 #聖誕禮物

[𝗕𝗥𝗢𝗠𝗔𝗗𝗘 𝗦𝗛𝗢𝗣 𝗖𝗛𝗥𝗜𝗦𝗧𝗠𝗔𝗦 𝗣𝗥𝗢𝗠𝗢𝗧𝗜𝗢𝗡]

🤦🏻‍♂️仲未買禮物抽獎？🤦🏻‍♀️仲苦惱緊送咩聖誕禮物比男朋友？

BROMADE即日到2020年12月31 晚上11:59 會有聖誕優惠🎄🎅🏻

產品包括BROMADE 獨家代理品牌- 黑豆玩味十足嘅產品，人哋一睇以為你送蝦醬🦐俾佢，原來都係實用嘅髮泥👍🏻

想身體散發住男人味👨🏻‍💼嘅有ANALOGUE APOTIK嘅古龍膏solid cologne同香油.
亦有一路都好受歡迎嘅 JS SLOANE 1947 Luxury Body Wash 🧴+ Aftershave Splash 鬚後水，香得嚟又舒緩剃鬚後嘅痕癢。

想用少啲化學野，又貪靚日日gel頭嘅就可以睇吓我哋所推薦用天然成份嘅品牌！
分別有香港嘅 hongkong homebrew 同嚟自加拿大🇨🇦嘅 EARTH MADE 🌱

就算唔係買來抽獎或者送俾人，都係時候慰勞吓自己，用新嘅形象同心態去迎接下一年。

詳細價錢及商品組合，請瀏覽 www.bromadehk.com
Link in bio 🔗

#香港 #髮型 #油頭 #髮油 #聖誕節 #聖誕禮物 #聖誕抽獎 #交換禮物 #男士禮物

[PASTE ]

-細佬仲未番，😢手機影，勿插-

BROMADE一向比較喜歡review 天然產品🌱。日日用化學嘢真係會驚甩頭髮㗎！😥 除咗本地派，台灣派，加拿大🇨🇦嘅 一路都好受大家歡迎。等咗好耐，佢哋終於出新product: Concrete Paste，究竟同佢哋嘅clay pomade有咩主要分別，又適合咩髮型呢？

品牌：EARTH MADE 🌎
產地：Canada 🇨🇦
試用產品：Concrete Paste
Haircut:

Overall: 7.5/10 ( Recommended)
光澤：2/10 (Matte)
軟硬度：3/10 (Soft)
Hold: 7/10 (Medium Hold)
柔順度：6.5/10 (Smooth)
清洗：7/10 (Easy to Wash out)
重塑：可以
香味：茶樹，薰衣草(同clay pomade 一樣)
特色：天然成份，低光澤但慢收乾，較適合短髮造型

[品牌及包裝]
Earthmade 依隻天然品牌🌱 一直都係 BROMADE其中一個好受歡迎嘅牌子。上次問到大家覺得新包裝有冇靚到，大家普遍都覺得唔錯。今次Concrete Paste用番同樣設計，加上襯哂BROMADE嘅綠色💚，天然成份，所以繼續都係我哋幾喜歡嘅產品。

[使用過程]
上手scoop out容易👌🏻，但breakdown似髮泥一樣，需要捽多幾吓先會均勻。依隻paste唔會收乾得好快，所以大家喺手捽多兩吓先上頭都唔怕。

[效果]
主要想同番佢嘅clay pomade比較。官方話Concrete Paste比較matte同比較strong hold，而BROMADE認為最大分別係光澤同黏性。

光澤方面無論係剛上頭同使用後，都維持低光澤。比起clay pomade嘅半光澤，依隻paste會比較啞色，👍🏻但又唔會去到好乾嘅效果。

Hold力個人認為同clay pomade差不多，算係中上hold力，使用喺短髮上問題不大。但係中長髮型就可能會因為黏性不足，向上gel嘅頭髮可能會黏唔實吹散🌬。所以雖然hold力幾好，但如果使用喺中長髮型，會冇咁適合。

綜合番光澤/黏度/hold力，我哋認為依隻Concrete Paste係Earthmade出嘅clay。比起clay pomade，自然就減少咗光澤，黏性同柔順度，但就更加適合短髮。

[氣味及清洗]
長話短說，同佢哋clay pomade 一樣，天然氣味，🚿容易清洗。

[總結］
Concrete Paste可以話係earthmade出嘅髮泥，除咗keep住天然成份之外🌱，都keep住差唔多嘅hold力。冇咁黏冇咁令身嘅佢，係earthmade為較短頭髮造型而設嘅產品。

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#髮泥 #髮型 #髮油 #天然

[𝗖𝗟𝗔𝗬 ]

Hello大家好！阿哥好耐冇出場喇，因為最近留長緊啲頭髮，今次係第一次以新髮型示人！

品牌：ORIEN’T
產地：Taiwan 🇹🇼
試用產品：限量版- Ataraxia Texture Clay 髮泥蠟 100ml
Haircut:

Overall: 8.5/10 ( Recommended)
光澤：3.5/10 (Low)
軟硬度：3/10 (Soft)
Hold: 8/10 (High Hold)
柔順度：5/10
清洗：7/10 (Wash out With Shampoo)
重塑：可以
香味：佛手柑．雪松．岩蘭草
特色：有彈性嘅髮泥，低光澤，高hold 力，較適合中長髮型人士

[品牌及包裝]
ORIEN’T 唔使再多介紹啦，台灣手造天然品牌。最近新出左一隻叫做”澄靜”嘅系列，包括今次會review嘅髮泥之外，仲有男士洗頭水同沐浴露（稍後介紹）。由於係限量版嘅關係，我哋都特登快啲出咗一個review先，等大家睇吓會唔會入手啦！

[使用過程]
Clay來講都尚算容易scoop out。一上手唔知點解feel到有啲彈性，佢唔係好水好creamy嗰種，亦都唔係好硬好難撩出嚟嗰種，總之就係有啲彈性啦。相比起佢自己另一隻clay pomade，依一隻順滑啲同埋冇咁乾。

[效果]
以往review 其他品牌，有時都會同官方廣告片段出嚟嘅效果有啲唔同，但今次我反而同OREIN’T 官方嘅片段效果幾似喎！低光澤又有順滑感。

光澤算係中低光澤，唔會話好乾，但係亦都唔覺得令身。阿哥張相個頭係手摷嘅效果，冇用到梳，都可以成功黏住啲頭髮，而且出咗成日街之後都冇塌到，冇話飛起好多頭髮。

雖然佢hold力強，但係唔會變硬，所以同scoop out嘅質感一樣，有彈性。手摷重塑冇問題，可以時不時用手托一托返個volume。

可以重塑，又唔會變硬，但hold力強令阿哥都幾鐘意用。

[氣味及清洗]
氣味可能係今次一個澄靜系列嘅重點。官方描述係佛手柑．雪松．岩蘭草。阿哥個鼻冇咁靈，淨係覺得係天然精油味，加啲柑桔嘅味道。髮泥嘅香味揸上頭唔算好突出，但佢嘅shampoo同埋body watch聞落去真係好舒服，我哋稍後再介紹。

清洗方面，清水沖一陣可大致洗淨，有7分！

[總結］
相比本身ORIEN’T出嘅clay pomade，依隻Ataraxia Texture Clay冇咁乾，光澤會稍為高啲，但更容易apply，而且維持到重塑性同hold力。個人建議，短髮就用返佢哋嘅clay pomade。頭髮好似阿哥而家咁上下長嘅就可以試吓呢一隻Ataraxia Texture Clay。

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#髮泥 #髮型 #髮油 #天然

[𝗢𝗜𝗟-𝗕𝗔𝗦𝗘𝗗 𝗣𝗢𝗠𝗔𝗗𝗘]

品牌：BLACK BEAN GROCERY 黑豆牌
產地：USA
試用產品：Brilliantine (oil-based)

Overall: 6.5/10 (Average)
光澤：7.5/10 (High Shine)
軟硬度：4/10 (Soft)
Hold: 9/10 (Strong Hold)
柔順度：8/10 (Smooth)
清洗：2/10 (Very Difficult to wash out)
重塑：可以(Restyle)
香味：跌打藥膏
特色：油性、味道比較難接受

喺我哋過往介紹黑豆牌嗰三種產品，都係喺設計包裝上比較玩味。好似蝦醬🦐嘅 hair clay同埋茅台🍶嘅 texture cream, 而今次介紹嘅依款 brilliantine就喺另一方面搞啲唔同嘅花臣喇！

[包裝]
比起其他黑豆產品相對冇咁有特色，唔係好清楚個主題係咩，同樣都係高身玻璃樽設計。

[使用過程]
Scoop out嘅過程扣分。首先玻璃樽口好窄身，本身就算係好creamy 好軟身都難scoop out, 更何況係oil-based pomade? 用過油性髮蠟嘅都知又難scoop out又難推，所以黑豆依款油性產品照用咁窄嘅樽口就真係造成使用上嘅不便。

Oil-based 就一定唔會易推易apply㗎喇，依款以油性來講都算正正常常啦，都會比較依靠用梳去梳梳勻成個頭。

上手推嘅時候有樣好得意嘅嘢，係會發熱😳🔥，發熱嘅程度就好似搽啲跌打藥膏或者肌肉酸痛時候搽嗰啲按摩藥膏咁，不過係維持一陣嘅姐，唔洗擔心。

[效果]
光澤方面，唔會好似其他oil-based pomade 咁重油膩感，望落去好健康好順滑咁。

Oil-based pomade 基本要有嘅條件黑豆依款brilliantine 都有晒㗎喇，Strong hold, 黏性強、可以無限翻梳，梳高volume嘅髮型都冇問題。

效果出到嚟其實幾靚，各方面都攞得好平衡。

[氣味及清洗]
清洗方面都係嗰個方法喇，洗頭之前用護髮素醃5-10分鐘，再用洗頭水就可以洗乾淨喇。

成個產品嘅重點嚟啦‼️依款黑豆brilliantine嘅味道真係”聞”所未”聞”, 兩個字形容：驅風👵🏻，聞落去彷彿行入咗去一間跌打舖咁，真係好特別。上面提到上手推嘅時候會發熱，懷疑將產品特登設計到真係好似按摩藥膏咁🤔，因為用過其他油性髮蠟都未試過依個情況。

推薦俾髮蠟收藏家🥸 細佬對依款產品可以話係又愛又恨，效果真係唔錯但配個咁玩味嘅味道就真係有啲趕客。不過上頭聞耐咗個人都覺得養生啲👨🏻‍🌾

雖然黑豆牌係BROMADE 代理嘅品牌，向你哋如實咁分享我哋嘅用後感先係BROMADE 嘅風格😇

Shop at: http://www.bromadehk.com
Instagram:

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油 #黑豆牌

[𝗣𝗢𝗠𝗔𝗗𝗘]

細佬嚟到倫敦不幸遇上lockdown, 咁就出返個倫敦品牌嘅pomade review啦💂🏼！THE LEGENDS 本身係一間barbershop嚟嘅，之後就出埋自家品牌嘅產品，效果都唔錯👍🏻

品牌：THE LEGENDS 🇬🇧
產地：EU 🇪🇺
試用產品：Pomade (4oz, 120ml)

Overall: 7/10 (Recommended)
光澤：9/10 —> 隨時間降低至 6.5/10 (High Shine —> Medium Shine)
軟硬度：7/10 (Hard)
Hold:8.5 /10 (High Hold)
柔順度：8/10 (Very Smooth)
清洗：8/10 (Easy to wash out)
重塑：不建議，會散
香味：清新檸檬🍋
特色：梳得順暢

[包裝]
用白色膠罌，配上紅色作為成個產品同埋品牌嘅主調，仲有一個西裝骨骨嘅外國型男做背景👔。外觀上就真係唔係好吸引，而且英國男士髮型產品應該要有嗰種優雅紳士嘅感覺，同依款產品包裝設計太大分別，實在係有啲失色。

[使用過程]
屬於一種gel type嘅pomade. 有啲gel type嘅pomade上手推嘅時候都會feel到推唔散、唔均勻嘅感覺，THE LEGEND 依款喺apply 嘅過程就加咗唔少分🤟🏻

易推易apply, 唔會上到個頭一撻撻。用梳嘅時候亦都可以梳得好順暢，唔會有頭髮拉扯嘅感覺。同時黏度都幾高，唔會散收收。

[效果]
光澤方面，啱啱上頭嘅時候係去到super shine 嘅程度。之後慢慢收乾返就會變返 medium shine. 相就淨係影咗啱啱apply上頭嘅時候，所以就相對令身啲🙏🏻

喺收乾變硬嘅時間都幾好，有足夠時間梳好成個頭之餘，又唔會因為收乾收得好慢，減低令個髮型變塌嘅機會。

硬度方面又唔會好似石頭咁硬，但係足夠維持髮型成日。

[氣味及清洗]
氣味都相對難形容，但係個感覺就有啲清新嘅檸檬香味再加少少膠味，Overall個都係香嘅。氣味持久而且都算突出。

清洗方面，比起其他一般gel嘅pomade易洗，用清水沖都可以沖走大部份，但係當然用一次洗頭水就會更加穩陣。

Shop at: http://www.bromadehk.com
Instagram:

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油

[𝗛𝗔𝗜𝗥 𝗖𝗥𝗘𝗔𝗠]

品牌：Hunter1114
產地：USA 🇺🇸
試用產品：Whipped Mousse

Overall: 7/10 (Recommended)
光澤：6/10 (Medium Shine)
軟硬度：2/10 (Soft)
Hold: 2/10 (Light Hold)
柔順度：9/10 (Very Smooth)
清洗：7/10 (Easy to wash out)
重塑：可以 (Restyle)
特色：輕身、比較適合打底用

英國lockdown 4星期🇬🇧，細佬就唯有喺屋企影頭喇。希望唔好介意，我哋都相信可以充分影到個效果出嚟嘅！今次啲相分為上下兩部份，使用前（上）使用後（下）。

[包裝]
同之前所介紹嘅Hunter1114 Glass Sheen Pomade 一樣，都係用啡色鑽石面膠，外觀上唔算特別吸引。

[使用過程]
叫得mousse, 就真係非常容易scope out, 同時亦都非常易推，真係當佢好似蛋糕上面啲忌廉咁🍰，因此apply 都係非常暢順。

[效果]
細佬用依款 whipped mousse 覺得當 pre-styling 咁用會比較適合，因為佢本身出嚟嘅效果我哋認為係 light hold & medium shine, 佢出嚟嘅光澤係頭髮健康嗰種，所以喺pre-styling嘅步驟用佢，用卷梳配合風筒吹乾造型，之後再加返啲啞色嘅product就會係一個唔錯嘅組合。

點解會覺得佢比較適合做pre-styling嘅角色呢🤔？一嚟佢輕身、易推易apply, 二嚟佢嘅黏性唔算好夠。就算細佬用佢打咗底之後再用1 scope 梳返齊個頭，都會有一兩執彈出嚟🥴，可能正正因為佢太輕身。

[氣味及清洗]
小弟真係唔係好識形容依隻產品嘅氣味😂有啲似高級酒店提供嘅洗手液咁，都尚算清新，味道突出同埋long lasting.

清洗都好簡單，用一次洗頭水都可以徹底清潔乾淨。

Shop at: http://www.bromadehk.com
Instagram:

以上都只係個人睇法，始終每個人嘅喜好、感受，同髮質都唔同。如果有啲咩意見或者分享，歡迎留言或者PM我哋交流一下心得🥰🙏🏻
#香港 #髮型 #油頭 #髮油