越食Perfect eat

🤗終於要迎來最後嘅週末喇🤗

不經不覺，已經嚟到最後一個週末喇。由宣佈執笠到今日，好似只係眨咗一下眼嘅瞬間，但係就喺呢一瞬間…

同大家見面多咗，
距離拉近咗，
交流多咗，
認識深咗，
朋友多咗，
慰問多咗，
鼓勵多咗，
不捨多咗，
心情沉重咗，
視線都開始模糊咗

在即將失去嘅瞬間，卻得到前所未有同無法想像嘅滿足，好讓我哋去抗衡返即將見唔到大家，整唔到好嘢食俾大家，服務唔到大家嘅果份空虛。

由於剩低日子唔多，我哋亦希望盡量唔好浪費食物，餐點有機會售完即止，希望大家體諒。如果大家嚟到食唔到想食嘅餐點，請大家多多包涵，亦可以試下其他仍然有售嘅餐點🙏

最後，因為大家太熱情嘅關係，同事們已出現疲態，即便如此，佢哋都依然希望大家能夠喺我哋呢度受到最好嘅款待，呢度亦請大家多多體諒🙇‍♂️🙇‍♂️🙇‍♂️

最後最後，希望大家享受最後嘅時光，越食見🤟🤟🤟

#最後的週末
#最後直路




#盛情難卻
#多謝體諒

踏入520，除咗係傳統表達愛意嘅日子，亦標誌住我哋越食仲有最後一個星期嘅時間同大家見面喇😆

随着結業時間嘅逼近，我哋先更加認識我哋嘅客人🙈
因為好多客人，除咗過嚟食嘢之外，都會就住結業嘅話題同我哋多咗交流，彼此之間竟然一吹就冇停口，只可惜相逢恨晚，只能夠喺淨返唔多嘅時間裏頭，把握每一分每一秒。

原本已經做足晒心理準備，但每一次嘅交流過後，心入面唔捨得嘅感覺都會湧上嚟，點搞呀！？😫😫😫

不過都要提提大家，仲有七日咋，要食嘢，要吹水，唔好諗，過嚟搵我哋喇🥰🥰🥰

#520
#最後七日
#最後一個星期
#最後衝刺
#努力到最後一刻
#結業
#執笠
#食咗先講


#火車頭
#黑金牛湯

最美麗的風景

每次喺水吧望出去，見到各位客人好享受咁品嚐緊我哋嘅食物，由其是忙完一輪停落嚟，可以靜靜欣賞，真係滿足感爆棚😎😎😎

有時喺埋單嘅時候，被客人讚賞我哋食物嘅味道，就更有滿足感😎😎😎😎😎

只不過此時此刻，會帶多一份不捨，因為10日後，
咁靚嘅風景，就唔知道幾時可以再見到喇😆

剩低嘅日子，我哋會更加珍惜同大家相處嘅時光，多謝大家喺最後嘅時光，都咁支持我哋🥰🥰🥰

#仲有10日



#承蒙大家厚愛
#不捨
#結業
#執笠

祝願天下媽媽
母親節快樂
今日每位媽媽
可獲免費餐飲一杯

臨別在即，收到好多客人嘅祝福，喺你哋覺得不捨嘅時候，我哋都覺得好不捨。

不捨俾機會我哋奮鬥咗咁多年嘅長沙灣
不捨一路以嚟支持我哋嘅客人朋友
不捨一班任勞任怨嘅伙記

千言萬語，除了不捨，還是不捨😭

#最後15日

#最後衝刺
#希望能成為大家生命中一個微小嘅記憶點
#結業
#執笠
#再見

踏入五月，代表我哋已經進入最後倒數階段，要同大家講再見喇🤗

唔經唔覺，我哋越食自細鋪開始，做到大鋪，再做到而家準備收檔，已經差唔多有4年(其實差兩個月😆)。

呢段日子，承蒙大家關照同厚愛，令到我哋可以由飲食業喺疫情入面最難頂嘅谷底（禁堂食），做到而家香港「由治及興」，中間經歷咗好多高低起伏。對於我哋嚟講，「越食」呢兩個字，並唔係我哋餐廳名咁簡單，而係滿載住好多無法衡量嘅價值。例如，客人每次嘅讚賞，每句嘅加油，由食客變朋友，到今時今日對我哋嘅不捨，都令「越食」呢兩個字嘅份量有增無減。

可惜，天下無不散之筵席，終於都要同大家say goodbye。多謝曾經幫襯我哋嘅你哋，多謝提出意見希望我哋可以盡善盡美嘅你哋，多謝逆境中鼓勵我哋嘅你哋。

我哋最後嘅營業日期為5月26日(星期日)，仲有唔夠⼀個月嘅時間，我哋依然會盡力為大家準備每一份食物，提供最好嘅服務，作戰到最後一刻，希望新客舊客都好，都會感受到我哋嘅熱誠。

剩低嘅日子唔多，有機會嘅，希望同各位客人都可以親口講聲再見。

最後，送上一句：珍重🥰

#揀咗好耐相
#有推門回家嘅感覺
#希望帶俾大家有家嘅感覺
#不捨
#天下無不散之筵席
#充滿回憶的地方
#依依不捨
#珍重
#結業通知
#執笠

天氣突然之間又暖返，睇嚟佢好唔想我哋嘅冰山停，不過就算天氣凍，都仲有客人過嚟劈冰山😆😆😆

突然忽發奇想，究竟我哋個冰山有幾高呢？
拎把尺度咗一下，原來都有成廿幾cm咁高😂😂😂
難怪第一次見到嘅客人都會嚇一跳😏

唔好睇佢得個高字，用料係用返本身嘅椰青水同椰肉打成好綿嘅沙冰，啖啖椰肉，椰香十足，真正睇得又食得，正😋😋😋

#椰青冰山 #山咁高嘅沙冰 #請把冰山劈開 #捉住夏天嘅尾巴 #同場加映芒果冰山 #間唔時有新高度 #一個兩份食都不為過 #越南美食 #長沙灣美食 #越食

話說，我哋自信滿滿咁推出呢個「超級無敵大碗」嘅至尊湯粉，諗住鎮住啲大胃王。

但係，竟然仲收到客人嘅挑機，佢話我哋碗粉唔算大碗，仲話自己一個人可以食到兩碗，問我哋下次自己挑機成功可唔可以計5折。我哋當堂嚇一跳，不過就冇得啖笑，因為知道客人堅係認真mode，我哋都不敢怠慢，接受客人嘅挑機💪💪💪

既然係咁，我哋亦決定向全香港大胃王發出戰書，即日起，如果有人可以自己一個食晒兩碗至尊湯粉，我哋會計客人5折，仲要請埋你飲嘢，飲咩都得。

仲唔快啲tag你哋啲大胃王friend，過嚟挑機🤘🤘🤘

#至尊湯粉 #大胃王 #大食 #挑機 #挑戰全香港人 #戰書 #週末活動 #任飲 #越南美食 #長沙灣美食 #越食

天氣突然凍咗好多🥶係咪即刻想食返啲熱嘢暖身呢？😖又係咪即刻想過嚟我度哋隊返碗湯粉呢？🤤

我哋啲牛湯同雞湯都係落足料精心熬製，牛湯有牛味，雞湯有雞味。唔係講笑，我哋點吹都冇用，呢啲都係食客食完我哋啲嘢之後對我哋嘅認同，大家試過就知😏

#牛湯 #雞湯 #晚餐食咩好 #暖身 #暖胃 #熱湯 #天冷食熱嘢 #轉季 #香噴噴 #火車頭湯粉 #越南美食 #長沙灣美食 #越食

好多客人見到呢個至尊湯粉都好好奇，究竟佢有幾大碗？

大唔大碗就好主觀嘅，不過大多數客人一見到碗嘢都會哇一聲，咁大家就自行斟酌喇😏

P.S. 本身預3至4人食用

#至尊湯粉 #有請大胃王現身 #挑戰自己系列 #食晒有折 #飽肚 #超豐富 #越南美食 #長沙灣美食 #越食

同一款食材，可以有唔同嘅食法。

我哋嘅法式鮮茄燴牛肋條，配飯又得，配湯粉又得，得咗😎
天氣開始轉涼，食返碗熱辣辣嘅湯粉，即時暖入心🥰🥰🥰

#越南溝法國 #牛肋條 #茄味濃郁 #今晚食咩好 #酸甜開胃 #越南美食 #長沙灣美食 #越食 #湯粉 #天氣涼就最好食熱嘢 #熱湯 #暖身 #暖笠笠 #熱辣辣 #秋風起 #今年會凍幾多日呢🤪 #香港仲有冇冬天

當通菜遇上馬拉盞……後果可以好嚴重😏

馬拉盞係一款東南亞菜式入面好常見嘅醬料，本身香辣惹味，落鍋爆炒之後，香味真係會爆發出嚟。
配上爽脆通菜，爆炒嘅途中吸收埋馬拉盞嘅香辣惹味，一拎上枱香氣撲鼻，導致口水即時強烈分泌，定力少啲嘅人請準備紙巾，避免流到成枱都係，報告完畢😎

#馬拉盞 #馬拉盞炒通菜 #爽脆 #香辣惹味 #午餐 #晚餐 #夠鑊氣 #越南美食 #長沙灣美食 #越食 #小編暴走

雞肉鮮嫩多汁，油飯啖啖油香，醬汁酸甜香辣，講緊嘅，咪就係我哋嘅海南雞飯囉🤘

簡單嘅配搭，成就出色嘅美味，源自於我哋嘅用心製作，請大家細味品嘗😉

#海南雞 #海南雞飯 #油飯 #去骨 #無骨 #今晚食咩好 #午餐 #晚餐 #選擇困難症 #推介 #套餐優惠 #越南美食 #長沙灣美食 #越食

好多客都唔知道巴東係咩🤔

巴東真身其實係一種印尼咖喱，不過冇睇佢係咖喱，但佢著重嘅係檸檬同香茅味，唔辣之餘仲酸酸甜甜，十分醒胃。
食唔到辣嘅朋友完全可以handle😎

#巴東 #咖喱 #牛肋條 #巴東牛肉 #酸甜醒胃 #一啲都唔辣 #咖喱飯 #越南美食 #長沙灣美食 #越食

冬蔭功惹味
海鮮嘅鮮味
師傅嘅炒功

三樣嘢完美配搭，炒完上枱果陣香味，
唔肚餓都即刻肚餓，冇胃口都即刻有胃口，
食完一定舔舔脷
😋😋😋😋😋😋😋😋😋😋

#冬蔭功 #炒金邊粉 #夠鑊氣 #惹味 #鮮味 #海鮮 #開胃 #越南美食 #長沙灣美食 #越食

自推出以嚟，一直大受歡迎嘅鮮茄燴牛肋條，酸甜嘅蕃茄味，加上爽嫩牛肋條，食過嘅客人都會被佢深深吸引😍😍😍

配飯又得，配湯粉又得
你哋又試咗未？😋

#鮮茄 #蕃茄 #牛肋條 #法國 #越南被法國統治過 #食過返尋味 #越南美食 #長沙灣美食 #越食 #午餐 #晚餐 #限量供應

‼️‼️突發‼️‼️

相信大家都準備咗糖果去玩Trick or Treat，雖然我哋冇準備糖果俾大家，不過如果大家請我哋食糖，我哋免費請你飲嘢，只限今晚‼️‼️‼️‼️‼️‼️‼️

*滴漏咖啡，椰青及酒類除外

#突發

😈😈Happy Halloween😈😈
😋😋食返碗Pho先😋😋

唔知今晚有冇人過嚟扮鬼扮馬呢🤪

#越南美食 #長沙灣美食 #越食

有時聽到客人同我哋講，我哋啲牛有牛味，聽到呢句，好似理所當然會覺得開心。但係諗諗吓，又有少少悲哀，食果樣嘢有果種味先至係理所當然，唔值得開心。

所以，我哋堅持選用優質嘅食材，去炮製每一道菜式，務求將美味帶俾每一位客人。每次客人食完，同我哋講我哋啲嘢好好味，下次會再嚟，呢樣先係我哋最值得開心嘅事。

#食牛有牛味 #爽彈牛丸 #嫩滑牛肉 #雙拼 #任君選擇 #黑金牛湯 #開心事 #黃金雞湯 #越南美食 #長沙灣美食 #越食 #優質食材 #每日新鮮製造

作為套餐嘅主菜，呢隻雞絕對係錦上添花之作。
認住佢，包你食到舔舔脷😋😋😋

#青胡椒燒雞 #二人套餐 #四人套餐 #精選套餐 #招牌菜 #食雞 #燒雞翼我鍾意食 #醬汁係精粹 #法式薄荷醬 #越南美食 #長沙灣美食 #越食

新品速遞 - 巴東牛肋條飯

鮮嫩牛肋條，濃郁嘅巴東咖喱，超輕微嘅辣度加清新檸檬味，味覺衝擊帶你衝出香港🤘😎

#巴東 #印尼 #牛肋條 #咖喱 #檸檬香 #白飯殺手 #可配套餐 #越南美食 #長沙灣美食 #越食 #將外國味道帶返香港 #其實唔算新 #而家可以獨立叫

絲網春卷，聽個名都大約估到佢個樣係點。
擁有網狀外表，咬落去鬆化嘅感覺，令人欲罷不能，極度邪惡😈😈😈

#絲網春卷 #鬆化 #邪惡 #又係食唔停口 #生菜係中和 #感覺上邪惡少啲 #小食系列 #越南美食 #長沙灣美食 #越食

今次偷食…Er🤔…應該係試味嘅係越南烤肉串😎

啖啖油香，又唔肥膩，男女老幼都無法抗拒，食完即刻想翻兜，不過又要留肚食其他好嘢，真係好難抉擇呀，唯有食住兩串先啦😫😫😫

#烤肉串 #香噴噴 #食完仲想再食 #串燒 #唔係偷食 #工作需要 #越南美食 #長沙灣美食 #越食

越南春卷，係小編近期至愛😍

鬆脆得嚟又煙煙韌韌，加埋惹味餡料，包埋生菜一齊食……

Er…唔講喇，我開動喇😋😋😋😋😋😋

#越南春卷 #食完先講 #包生菜食係重點 #生菜包之變奏 #越南美食 #長沙灣美食 #越食 #食好西 #小食系列 #打風又有咩好怕 #最怕冇嘢食 #更怕冇好嘢食

用清甜黃金雞湯作為一日嘅開頭，一流👍👍👍

先飲為敬🍻🍻🍻

#黃金雞湯 #清甜 #有雞味 #有雞味 #足料熬製 #越南美食 #長沙灣美食 #越食 #打完風第一餐 #一定要食好嘢

小犬進化咗，睇嚟唔嘢少，大家小心🥶🥶🥶

我哋會繼續成為大家嘅晚餐避風港😆😆😆

#今日唔係8號 #小犬進化 #低估咗 #避風港 #照常營業 #解決晚餐危機 #越南美食 #長沙灣美食 #越食

已經8號喇，大家出入注意安全呀🙏🙏🙏

越食今日都會成為大家嘅醫肚避風港
繼續為大家提供美食💪💪💪

都係果句
‼️注意安全‼️

‼️注意安全‼️

‼️注意安全‼️

#避風港 #小犬 #一啲都唔嘢少 #小編早餐🥰 #牛丸拼牛腩 #越南美食 #長沙灣美食 #越食 #雙拼 #8號風球 #注意安全 #食好西

随住小犬嘅靠近，相信大家都感受到陣陣秋意。
呢個時候，清甜暖胃嘅雞湯就啱晒大家啦😉

一啖入口，滋潤暖胃，即刻成個人精神晒🥰
落足料熬製嘅雞湯，相信大家一飲就知道😎

#豬耳扎肉拼雞絲湯粉 #雞湯 #清甜 #暖胃 #醒神 #滋補 #秋涼 #越南美食 #長沙灣美食 #越食

講起小食，又點少得越南蒸粉包呀😏

煙煙韌韌嘅粉皮包住飽滿嘅餡料，加埋爆香葱油，
係好多客指定要食嘅小食之一😍

不過呢，我哋每日限量供應，手快有，手慢冇，要品嚐就唔好執輸喇😏

#小食系列 #蒸粉包 #越南美食 #長沙灣美食 #越食 #慕名而來

‼️‼️召喚物主‼️‼️

見好耐未有人過嚟拎返，希望擺上嚟可以有機會俾呢件失物搵返主人啦🙏🙏🙏

#失物認領