Fuji Family

又消失左一排，因為走左去生仔，發現原來無喺度分享我這次生仔旅程，不經不覺BB 快2個月啦🥹繼續我的佛系人生，今晚要支持🏴󠁧󠁢󠁥󠁮󠁧󠁿🏴󠁧󠁢󠁥󠁮󠁧󠁿🏴󠁧󠁢󠁥󠁮󠁧󠁿🏆

💫✨✨✨✨✨✨✨✨✨✨✨💫

一日生B👶🏻即日來回的奇妙旅程🏩

妹妹同千雪BB個B一樣出左世啦❤️❤️比預產期早左一天，好準時，一星期前開始每日倒數，假陣痛左幾日， 終於喺無見紅無穿水但頻密宮縮情況下早上飛左去醫院， 然後大約1.5小時就生了🙈再然後天未黑沒過12小時就退埋房出埋院🤯我覺得成個過程同體驗都好夢幻😅

好多人都說英國生仔服務好好， 基於今次我選擇左全程由醫院的助產士接生的birth centre自然生產，所以房間都係比較大及有似家的感覺，唯一食物質素就一般般吧，不過奶茶咖啡多士就有求必應的😆

很感恩的是整個過程都很順利，來過兩次停車場都是滿滿要等的，但今次早上及黃昏都有好多位，不過在原來已經開了6cm的情況下要行去產科登記實在有點漫長（上胎一到醫院就可以坐輪椅俾人推）， 沿途都無經過主樓recepion，而醫護&途人見到都好樂意問要唔要幫忙及指示方向（要知道醫院如迷宮，有時聽到黃街紅街緑街都唔知自己喺邊🙈）痛下行下就到左第一站分流登記，護士見到我個痛苦樣便叫我去產室進行評估，見我開左3指加上宮縮得咁頻密，便正式收左我喇，叫我行下用下瑜珈波甚至落水都ok, 結果推左兩下波我就走返上床頂唔順，至於止痛方面，我本身諗住食住必理痛先，不過實在太快亦講唔到野，很快進入左很迷幻及瘋狂尖叫的狀態😵‍💫全程兩位助產士只係離遠睇我表演鼓勵下我，直至見到bb個頭先走埋嚟幫我最後一把及最後縫針🪡

就這樣，一輪檢查後喺天黑前便跟我說可以出院😳夜晚8點左右我就坐左喺屋企食晚飯⋯⋯

Anyway, 母女平安，天天期待的小公主Skylar同大家見面啦👋🏼

#即日來回生囡體驗
#原來梅根都想喺嗰度生的醫院

《咖喱農夫包》

上次整鹽可頌時淨左好多老麵， 所以昨晚招呼朋友就用埋d老麵團整左依個日式咖喱農夫包👇🏼👇🏼😋有一個喜歡食包的朋友就可以解鎖更多菜式😆 我唔怕整最怕你唔食

#年初四
#咖喱農夫包
#在英煮婦日常

年年有餘🐟，步步高陞🧧，龍馬精神🐉，恭喜恭喜🎊

#古法年糕出爐❤️

大年初一
祝大家笑口常開，花開富貴🌺，龍馬精神🐉

聞說來緊幾年都無年三十晚，喺坐滿銀銀髮族的M&S 食個豐富早餐先😛

#迎接豐盛的一年

有好多人問英國究竟邊度可以買到低筋麵粉， 初初都覺得好糾結😐有人會介紹cake flour,但多數有泡打粉，如果整亞洲style的蛋糕就唔多適合，試過幾款西超麵粉，依隻Homepride plain flour效果唔錯，仲話pre-sieved,好處係大部分西超都搵到佢👍🏼

睇返成分依隻粉protein %係9.73g, 無特別再溝粟粉，如果做餅類我可能會溝，但整體做蛋糕都無特別處理直接用🤞🏻對比返日本日清的低筋麵粉，其protein成分係9.3g, 所以唔一定要

港式班戟🥞

昨天趕住出街，好求其咁整左港式班戟做下午茶，等小朋友放學回來可以食，細個經常會喺街市買的一款下午茶小食😋做法其實都係好簡單👇🏼👇🏼精粹係搽一堆醬（花生醬,煉奶,牛油）而我係好鍾意加砂糖🙈🙈不過總不能太過分，每樣少少🤏無咁邪惡🫣

材料
大雞蛋1隻約50-55g
牛奶100ml
低筋麵粉100g
泡打粉5g (1茶匙）
牛油25g
砂糖20g

懶人速記比例👉🏻蛋:奶:麵粉 1:2:2

做法：(UPDATED)
1) 蛋先打發，然後落牛奶拌勻，落砂糖拌勻
2）麵粉&泡打粉過篩拌勻
3）將2）粉類倒入蛋漿拌勻，直至無粉粒順滑狀態

4) 牛油🧈先整溶放涼（微波爐30秒/用熱水座溶），倒入3）粉漿，攪拌均勻

⭐️粉漿煎前靜置15-30分鐘⭐️

5) 預備non-stick平底鑊，無需落油
6)用湯勺倒一殼落鑊，用小火煎約1分30秒，直至見到小氣泡/煎至底部金黃色，反轉另一面煎約20-30秒

⭐️時間因應火力而定,貪快火大些就會好易燶啊
⭐️粉漿可保存雪櫃最多兩天

❤️完成

#在英煮婦日常
#港式肥仔班戟
#邪惡的軸心

家中老闆鐘意食豬柳蛋做早餐，搬左之後麥記唔就腳已經食少左，正所謂有求必有供，超市Aldi 滿足哂你所有願望， 售賣包裝似到十足的薯餅，豬柳，muffin都係佢哋提供，除咗平，味道都有7-8成似，急凍野唔難食嘅，係要煮啫🫣咁就慳返£5一個早晨豬柳蛋漢堡餐

睇到依度，係咪覺得連豬柳蛋都要自己整好crazy😂
換一換諗法，香港落街都可以買到麵包十蚊八蚊，點解都要自己整呢？ 因為食空氣飽唔alright囉， 只係各自原因不一樣，我都可以揸車去買嘅🤷🏻‍♀️

肥仔餐間唔中食一次好喇，安坐家中開心下，做人就係咁簡單🥳

#在英煮婦日常
#偽麥記豬柳蛋漢堡

依款無難度的KFC鬆餅， 手殘都做到， 英國kfc係無嘅🤷🏻‍♀️香港就撞手神啦，唔係間間好食， 穩陣就一定要叫佢加蜜糖🍯動手自己做吧👇🏼👇🏼

低筋麵粉 170g （買唔到低筋可以用plain flour protein 9.x% 代替）
無鹽牛油 40g
雞蛋 1隻
牛奶 50ml (視乎麵粉吸水量+-10ml)
泡打粉 5g
蜜糖 20g
糖 20g (可減至10-15g)
鹽 1茶匙

1. 粉類過篩，加入糖和鹽拌混 （A)
2.牛油切粒放入 （A)用手捏成麵包糠狀
3. 加入雞蛋、牛奶及蜜糖，拌混直至無粉粒狀
4. 用雪糕羹/匙羹刮一個圓球體
5.放入已預熱焗爐180度20分鐘
6.出爐掃上蜜糖🍯

完成

#在英煮婦日常
#懷念的鬆餅
#在英食非英式鬆餅

傳說中的譚仔杯面， 食唔到有譚仔的味道🤣麻辣杯面來說都算好味嘅

#試過就算系列
#一支麻椒油都可能唔使咁貴🙈
#香港的朋友落街買碗譚仔好過
#滿漢大餐好似抵啲至少有肉

今年第一底蘿蔔糕，你整咗未？

#自己整味道最夾
#蘿蔔多過粉
#食慣酒樓的一定覺得好奇怪😂
#婆婆配方

Happy New Year 🎁🎁

2023過去， 今年都是忙碌的過
有了自己和家人的home sweet home
香港家人相繼來探望遊玩
然後多了一粒小豆釘在肚皮裡

2024年，無論遠在哪方，都要繼續平平安安，身體健康❤️

脂肪妹祝大家聖誕快樂！
Merry Christmas❤️❤️

昨天和小朋友參加左一個商場與藝術中心合辦的互動表演節目 Follow the yellow brick road- Wizard of Oz Experience ， 原以為只是一般商場活動，細看才發現是一小劇場

可能小朋友未曾聽過依個故事令他更加想了解故事發展，而演員亦演得很好，加上最近在陪養他對musical 的興趣，他很快就投入當中

art centre 外就是一個森林，故事由室內連貫到室外，場景配合一點也不馬虎👍🏼然後再到商場完成下半節演出，每人參加費用都只是£5，有時覺得這裡的娛樂生活消費（交通費確實是貴）實在比香港低很多

基於一向是舞台劇藝術表演愛好者，這小小的支持是必需的，慶幸為了填滿小朋友的暑假節目得到這不錯的體驗，最重要的是孩子都一樣超喜歡💕

#孩子的天空
#在英の日常
#暑假的尾巴

全屋翻新（decorations) + 換地毯地板是一開始最基本的計劃，到後期因為將來加建（extensions) 的難題，最後連地下廚房飯廳都改頭換面🙈 前屋主是一位男士，整間屋都是偏向冷色，所以地下全層用灰黑色地磚令整個空間都比較暗，牆身顏色是偏黃的白色，本身還是偏愛光猛，所以就踏上了一條不歸路。。。

沒有銀彈找室內設計師，就只能靠自己，基於接洽過一位連鎖廚櫃公司的設計師後，發現要注意的地方實在太多，加上自己麻麻煩煩對廚房實在太有要求，收納空間需求亦超級無敵大，我最後熟讀了廚櫃公司一整本黃頁般的TRADE BOOK🙈皆因這裡做法都是執藥咁執，1號櫃2號色3號板，你想要D咩，就喺佢有的UNIT入面放落個設計圖到，減少度身訂造的尺寸，這個過程....有苦自己知（施主太執著之過...) 萬幸是裝修師傅是本地人，他推介的廚櫃公司負責人亦很smart, 過程算頗順利，我從中亦長了不少相關知識

#選擇的課題

#從生活中學習
#在英の日常

很快這位大叔就要再同我地一齊搬家了，來自北京的自來貓，將要搬第8次，越洋再越洋，希望今次這個家會是陪伴到你最後的，總使你有很多嚕蘇，罐罐常滿會是我對你的小承諾💜

佢叫Nagano 長野，北京流浪貓
全名長野一二，典故是家中老闆在北京的一間日本餐廳吃飯時見到長野這兩字為名，因為佢個身真係幾長
至於一二點解？唔係好記得，應該係（除非唔係）數一數二咁長， 就係咁依個名就一世了🤪

#在英日常
#希望唔洗再搬
#常搬家的貓咪🐱

收樓後第一件事就是搵裝修

當你以為好簡單，那就錯了， 應該說確實是可以很簡單，上油漆網盲選一隻色然後給裝修師傅就可以了，但作為出名多要求的香港人，當然想整色整水，那要整色整水又想慳錢就要親力親為了

很苦惱地選好所有顏色，然後發現油漆樣板偏色得很嚴重及白色都分十幾種白，那時候已經在懷疑人生，選到最後一隻藍色真的是在無見過實色的情況下，靠一堆網上實物圖片選出來😂（本地師傅追我交色啊，追左兩次添，很驚訝吧?!本地人還快手過我自己，還未覆得切，班工人已經開緊工🙈）

因為每間房都有特色牆，為免和本地裝修師傅有溝通上的錯誤，只好準備這份圖樣清清楚楚顯示每一隻色，並印好圖樣貼於每一間房給裝修工人對照參考， 確保error free (職業病上身）連師傅都覺得好amazing😎其實我只係唔想你錯左唔認數啫， 因為之後有樣嘢真係無black and white 出現了少少落差🫠

any肥，選油漆只是第一步，地板地毯接著來

#英國裝修初體驗
#在英日常
#很迷的三個月

原來又消失左一段時間，2023年過左一半啦🙈🙈🙈最近忙到核爆，除左陪香港來探我的家人去玩，就係忙依樣野⋯⋯依度裝修即使俾人處理都好多野係要一手一腳，未計留返自己整的🫠然後搬屋亦有一堆事情要處理⋯ 不過趁有少少時間都想好好紀錄下，因為過左度氣可能要等多6個月先有動力🤪

攝於3個月前的收樓Day1

大年初一祝大家

身體健康❤️
花開富貴🌸
龍馬精神🐉

🐰兔年萬事大吉🧧

今年貪得意之作，鯉魚年糕🥰

祝大家年年有餘
年三十團團圓圓

#在英煮婦生活

第一round的糕糕糕，今年用的片糖有點遜色，再改良一下

老細好喜歡食蘿蔔糕，喺香港每年都收幾底，所以無諗過要整， 來到這邊過第二年的新年，從來無諗過要搵其他食譜，因每家每戶製蘿蔔糕的方法口感都不一樣，食娘親的蘿蔔糕食大，所以還是要用家傳的方法，傳承家的味道

老細試吃一口： 嗯，是婆婆（母親）的味道

#在英煮婦日常
#婆婆蘿蔔糕

每次同家中老闆去costco,見到一盤盤西班牙海鮮飯都好想買回家試，但2人份量並不便宜，家中人口多，唯有自己整，在這裡煮西餐買材料很容易，西班牙腸, 西班牙/意大利米, 香料等都很輕易在一般超市買到， 某日在馬莎見到這款小龍蝦Scottish Langoustine 便決定買回家，然後將雪櫃有的海鮮都拎出來，炮製了這西班牙海鮮飯

大老闆喜歡，但得唔到小老闆歡喜，因為佢唔鍾意食海鮮😅anyway 又解鎖左一樣野

#在英煮婦日常

好耐無更新了，來法國🇫🇷小休一下，感受滿滿的聖誕氣氛及浪漫氣息

#身在曹營
#🏴󠁧󠁢󠁥󠁮󠁧󠁿🇫🇷

R.I.P Your Majesty

終於落雨了，感恩💜

#英國是會制水的
已禁止使用
#遇上甘露花開得更美

情人節收到的小玫瑰🌹，在一個迷你的花盤住了多個月，生命力很頑強，直至一星期前將它移出花園，幸好適應到炎熱的天氣，今日再開花了🥰

🌹
#生命的延續
#在英園藝生活

暑假無野做，俾小朋友返summer camp， 終於要玩pack lunch，俾左幾日三文治，佢話要食炒飯⋯不過我其實仲未係好接受到帶便當🍱凍哂咁食（當然可以帶暖壺，不過我又唔想😂想融入依度文化嘛⋯）咁練習下先😅

#上星期的事
#沈重的那一天
#專注一件事可調整情緒
#生活還是要好好的過
#在英煮婦日常

昨天在家即興整蛋撻， 唔知係咪個人攰攰地， 望住食譜份量好似入唔到腦咁，可能因為咁，曲奇皮變左英式曲奇（all butter soft bread)😅

撻皮明明係糖25g,我睇左蛋漿的50g糖🙈落左3xg發現唔對路⋯（咁都證明個腦有運作下）⋯到落麵粉⋯120g,麵團成唔到型⋯ 心諗唔通麵粉gluten free所以咁稀 🤔所以落多15g(之前整蛋糕試過）⋯落完都仲好稀喎， 望多次食譜⋯呀⋯我醒起原來我只磅左60g🤣

到個蛋漿，今次望多幾眼🌝應該無錯⋯但係⋯點解蛋漿整完出嚟仲淨左一半🤣🤣🤣我相信係食譜的錯🤪

Anyway, 求求其其下午茶☕️一件不留😎
(淨左嗰一半蛋漿拎左去焗當焦糖布甸😴)

#不在狀態的下午茶
#蛋撻
#在英煮婦日常