人人和平 Hopers' Base

有個半杯水嘅故事，話樂觀嘅人睇到半個杯滿咗，悲觀嘅人睇到半個杯未滿。

咁呢串食物，樂觀嘅人睇到乜？

當然睇到皮脆肉嫩、油脂金香嘅金錢雞，含有食材高質嘉美雞雞膶，同師傅一擔心機用沙糖醃製再汆水而成嘅晶瑩剔透冰肉。

悲觀嘅人睇到乜？

卡路里、熱量、脂肪、膽固醇等等等等。

食得就唔好諗啦，唔好好似雷鼎鳴話香港唔易捱，太悲觀啦。

✨和平金錢雞 配松露蜂蜜 【選用嘉美雞肝】
✨兩件起｜每日限量供應｜必須預訂

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/8525282337

天氣咁熱，好多人鍾意食涼浸浸嘅白水燻蹄，但佢點整到涼浸浸呢？

燻蹄屬於白滷水，用鹽、沙薑、香葉、八角、桂皮等材料熬製，味道較清新。

燻蹄烚完再浸，仲要過冰水、起骨、泵水，然後放冰箱過夜，第二日先食得。

咁樣不沖凍水涼，就會變小龍女瞓完寒玉床咁一直冷冰冰，除非要等楊過出現先會有性衝動。

✨白水燻蹄 例牌
✨午餐雙併燒味飯都可以揀燻蹄

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/8525282337

良心業主呀‼️
租客咁好生意，亦只加租15%🥹

好多嘢都係靠個名，以前話食燒鵝就去深井，食海鮮就去西貢，結果深井燒鵝同西貢海鮮好似關愛隊個名咁，一聽就知有幾多料。

人人和平個名好humble，所以大家唔知我哋除咗有燒味，根本拍得住一家海鮮酒家。

店內完成翻新工程後，我哋有好多游水海鮮煮成嘅菜式，以下呢啲相，唔係大廚專登煮畀我影相出post用，係我自己走入廚房突擊影相，碟碟都咁靚仔！

✨蒜蓉開邊蒸中蝦 配粉絲底
✨蒜蓉粉絲蒸元貝

💥新鮮海鮮・限量供應・必須預訂💥

圖片僅供參考

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/8525282337

暫遮蓋光輝的烏雲終會散
常在的太陽必再普照大地

Gotthard Base 夏日限時優惠- 每日一款特價菜色推出超過兩星期，大廚話最抵食一定係星期四呢款「美國黑安格斯牛扒 配蒜蓉雜菜及薯條」。

呢塊扒有咩咁特別？牛扒按不同儲存溫度分為兩種 （急凍 / 冰鮮）。

急凍牛扒儲存時間較長、運輸成本較平，係唔少餐廳首選。但牛扒長期處於-18度以下，解凍後肉質較實，肌肉纖維失去彈性。

冰鮮牛扒儲存時間較短，入口及運輸全程保持0至4度，真空獨立包裝確保肉質的彈性，係一般高級扒房或酒店首選。

GB選用嘅係「冰鮮黑安格斯肉眼」重約16安士，食過的客人都讚不絕口！

星期四優惠價💥368（原價488）

✨此優惠只限晚市堂食，另收加一服務費✨

📌Gotthard Base
Shop 1, G/F, 7 Fort Street, North Point
北角堡壘街7號地下1號舖
電話：2267 2988
WhatsApp 5319 2873 wa.me/85253192873

人人和平燒鵝用荔枝柴燻燒成，但乜嘢係荔枝柴呢？

荔枝柴木質結實又乾躁耐燒，由於不含樹膠，唔似松樹柴咁燒完又異味，仲會為食物帶來淡淡荔枝香。

好彩燒味師傅燒黑鬃鵝係一隻一隻咁燒，唔係打孖一齊來，否則兩隻鵝乾柴烈火咁對住，睇怕又要去打羽毛球。

✨ 荔枝柴燻新會古井燒鵝・全日供應
✨上庄/下庄每日限量供應・敬請預訂

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/8525282337

今日Gotthard Base及人人和平三間店安裝咗5部分別55吋、65吋、75吋嘅LED大屏幕🖥️ 嚟緊小編會上載食物相、餐廳snapshots、影片等等，展開一連串飲食「洗腦教育」令大家記得我哋嘅好、好、好！

或者您哋想唔想我哋喺大屏幕播放羽毛球🏸 動作片？即係羽毛球比賽嘅相或影片☺️😉

Gotthard Base 嘅75吋大屏幕仲可以推入店內扭親90°橫放🖥️做presentation使用，以後包GB場嘅客人可以開視像會議、小型seminar，或者分享會。

— 腦細

暑假期間好多熟客回港指定要食人人和平。除左燒味係必食之外，小炒類都好受歡迎。

例如呢個黑椒牛肉乾炒油麵，響屋企未必煮得到，畢竟炒粉麵要夠鑊氣先好食。

小編同辦公室同事諗住一次過叫三份會唔會方便大廚，大廚話：你無論叫幾多份我都會分開炒，咁樣先保持到品質。

牛肉嫩、油麵燶邊、鍋氣足，呢啲先係真功夫。

✨午餐推介：黑椒牛肉乾炒油麵 （逢星期四轉新午餐餐牌）
✨供應時段：星期一至日上午11:00am-下午4:45pm

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/8525282337

2024中秋節盆菜預售中♨️

鮑參盆菜 6/12人
🔸南美鮑魚、海參、花膠、炆扣波蘭大鵝掌、日本宗谷瑤柱甫、鳳尾大蝦（已剝殼）、金蠔、花菇、陳皮鯪魚餅、炸魚蛋、魷魚、燒腩肉等食材。
🔸配滷水鴨 或 燒鵝

懷舊盆菜 6人
🔸原隻大元蹄、鳳尾大蝦（已剝殼）、花菇、陳皮鯪魚餅、炸魚蛋、魷魚等食材。
🔸配滷水鴨 及 貴妃雞

和平凰味盆菜 4人
🔸南美鮑魚、日本宗谷瑤柱甫、鳳尾大蝦（已剝殼）、金蠔、花菇、陳皮鯪魚餅、炸魚蛋、魷魚等食材。
🔸配貴妃雞

VIP卡🪪可享盆菜95折優惠 ｜ 只限外賣 ｜三日前預訂 ｜額滿截單

盆菜預購方法：
1️⃣ 打電話或親身到北角門市訂購
👉🏻 現金 或 信用咭
📍北角堡壘街6-8號G/F A地舖
☎️2570 8616 ☎️2570 8182

2️⃣ 人人和平網店
👉🏻 Payme 或 信用咭結賬
📍網店 https://order.hopersbase.com/zh-HK/

備註：（1）本食肆持普通食肆牌照，許可證號碼2211805034；（2) 獲批簽類別：燒味及鹵味；（3）持牌業務地址：香港北角堡壘街6-8號地下A號舖。

有性衝動就要打羽毛球，咁想有性衝動又做乜好？可以來人人和平食蠔。

據說蠔可以壯陽，因為蠔含有鋅(Zinc)，而鋅能夠刺激人體的性慾。

蠔仲有多巴胺(Dopamine)，可以刺激大腦喚醒的神經遞質。

我哋嘅台山桶蠔可以薑蔥炒或沙薑焗，食到㷫烚烚好過去打羽毛球。

✨台山桶蠔［薑蔥炒/沙薑焗］✨
🈯️必須預訂

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/85252823378

2024中秋節套餐、小菜及盆菜正式接受預訂啦‼️擴充後廚房多咗空間，今年套餐唔使預訂都食到，但枱(尤其是圓枱）就訂完即止。

過往每逢大節嗰幾日我哋嘅散叫餸菜都酌量加少少價，今年市道唔好，中秋期間散叫餐牌維持平時價錢(唔加價)，晚市堂食的服務費+15%(平時+10%)，外賣仍免服務費，13/9以前預訂14/9～17/9晚市堂食餸菜只需+10%服務費，安排詳情如下：

✨由即日起至13/9預訂14/9（六）-17/9（二）5:30pm後晚市堂食小菜及特色海鮮推介（包括海鮮ABC套餐）並已全數付款計，只需加10%服務費。

✨14/9（六）-17/9（二）晚市5:30pm後堂食（非預訂並付款)小菜及特色海鮮推介（包括海鮮ABC套餐）需加15%服務費。

✨4人、6人、10人及12人套餐堂食價已包括茶位及服務費，加餸散叫需另加服務費，額外座位亦需付菜位。

💥5:30pm前堂食小菜免服務費💥

🌕 中秋節14/9（六）-17/9（二）期間：

【全日供應·無須預訂】
賞月宴【4人】
明月宴【6人/12人】
中秋節小菜(散叫)餐牌

【限量供應·建議預訂】
特色海鮮推介（包括海鮮ABC套餐）

💥外賣及堂食套餐免服務費💥

🟥優先預留枱給預訂套餐客人
🟡圓枱設最低消費

另有中秋盆菜可供訂購
👉🏼https://order.hopersbase.com/zh-HK/

14/9（六）-17/9（二）以下食物暫停供應⛔️
1️⃣冬瓜盅 ⛔
2️⃣春夏三寶套餐 ⛔
3️⃣平時大餐牌部份菜式 ⛔
4️⃣其他預訂菜式包括八寶鴨暫停 ⛔
5️⃣外賣蒸飯類 ⛔
6️⃣2人、4人、6人、和光不同塵•十人在一起•夏宴、12人套餐 ⛔

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378

此WhatsApp（在寫字樓）只供查詢，不能夠為❌閣下訂位
https://wa.me/85252823378

鄰居今個日試業，未見周浩鼎或李家鼎，只見餐牌海報已有多處修改，又，燒腩仔點「一隻」賣？如果成隻豬嘅全部腩位賣$168真抵喎😉 香港人講慣幾廿年「下午茶」，呢間寫「下午餐」我哋諗咗幾秒先明。

開業首日貼喺店面玻璃嘅餐牌大大一張貼紙，竟然有至少6處錯字需要補鑊遮蓋😅 有人會印刷品做得唔好，唔代表食物出品唔好，我同意部份嘅。我及小編s出posts間唔中都有錯別字，出街前互相提醒立即更正，但印刷品應該經過多重校對至付印。

所有印刷品及宣傳係一間公司一間店面向客人的媒介，如果咁求其就出街，就代表間公司嘅做事態度及文化。諗起以前中學課文「差不多先生」，係胡適先生喺1919年流傳至今嘅傳記體文章，百年已過，仍有這類人。

文案的copywriter及「平面設計師」可能盡咗力出正體中文字，可惜「風味主義」仲有「风」及「义」兩個簡體字唔記得改。

此文只「正面批評」友店的文字及美工，無意評論或考究他們的食物出品。

— 腦細

天氣熱，按教育局簽「承諾書」避免衝動，立即離開現場或到運動場打羽毛球發洩吓，但萬一喺羽毛球場遇到千陽BB………典典典點算呢？☺️😅
— 腦細

食個 #海皇冬瓜盅 降火實際啲

尋日有媒體來人人和平拍攝🎬，小編跟住一齊聽大廚講起三十年的經驗，順便再次講解冬瓜盅製作過程，真係百聽不厭的。

首先係揀冬瓜，6-7斤細冬瓜適合4-6人散叫，8-9斤大冬瓜用喺「和光不同塵・十人在一起」套餐。

冬瓜起囊後，浸清水約4小時，等冬瓜食飽水取出，人手在邊位雕出三角形，落盅，然後用鹽「省」冬瓜，再放入蒸籠蒸15分鐘退鹽味。

蒸完倒返啲鹽水，放入瑤柱、金華火腿、雞肉、豬肉、秘製高湯，再蒸4小時。上枱前放蝦仁、蟹肉、蓮子同夜香花，再用荷葉包裹底部。

有客成人話：中午都想食冬瓜盅！

工序較多，每日新鮮製作需時，所以最早要五點左右先煮好，而且限量供應，建議預訂！

1️⃣「懷舊冬瓜盅」：含田雞，補元氣、治脾虛，仲有高蛋白質、鈣同磷。

2️⃣「八寶海皇冬瓜盅」：以雞肉同豬肉做上湯底。

☀️外賣冬瓜盅會將湯料及湯水分別置於外賣碗，不會 原個冬瓜盅上。

☀️客人亦可加100蚊按金外賣原個冬瓜盅，小店會提供銅盆/ 盅盆放底固定，將湯料及湯水分別置於外賣碗，一星期內歸還鋼盆/ 盅盆可退回按金。

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/85252823378

請廣傳‼️‼️ 並LIKE及分享原 post🙏🏼
#無論幾艱難 #都互相支持

好食嘅燒腩肉要豬皮香脆、豬肉多汁，關鍵在於食材。

人人和平嘅燒腩肉用荷蘭豬近肋骨的腩肉，豬皮以下係油肪和豬肉層層相間，每層帶來唔同感受。

豬皮燒到索索聲，好似在口腔放炮仗；油脂要燒到甘香不油膩，入口即融；豬肉仍然鮮嫩多汁，底層仲帶點軟骨好好咬。

人人和平由開業至今嘅燒肉都係無骨的，想食無骨燒肉的客人唔洗去到蓮塘，嚟北角就可以。

✨荷蘭肥的燒腩肉✨
外賣斬料 180 壹斤・ 100半斤
堂食例牌 120 每份
午餐雙併燒味飯都可以揀㗎！

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/85252823378

港協暨奧委會頂流人物，帶領頂流運動員出巡，梗係坐飛頂雙層巴士，霍生及江小姐順便吹個靚髮💨 人人和平啲鵝入爐燒之前，就須放喺「恆溫吹風櫃」吹亁身上嘅皮，確保正常衛生，喺出面吹風受潮就有機會沾染污糟及滋生細菌。

Gotthard Base 係腦細食堂，時不時會同大廚夾餐牌，為求將最時令的食物帶俾客人。GB今個星期一開始轉新午餐餐牌啦～小編整理咗幾款食物，重點介紹下：

香煎紐西蘭西冷牛扒 配紅酒汁、雜菜及粟米蓉
🔸最受歡迎午餐之一

美國極黑豚豬梅扒
🔸 U.S. Kurobuta Pork Collar 肉質極嫩，唔係好多地方食到

燒焗美國豬仔骨 配薯仔及沙律
🔸 自家製醬汁、燒到微燶邊，但內裡依然肉嫩

西班牙黑豚豬肋眼蓋 配黑松露菌菇意大利飯
🔸 仲可以唔揀豬，選配海鮮（煎魚、大蝦、帶子）

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/85252823378

📍Gotthard Base
Shop 1, G/F, 7 Fort Street, North Point
北角堡壘街7號地下1號舖
電話：2267 2988
WhatsApp 5319 2873 wa.me/85253192873

清華街與建華街及堡壘街同屬堡壘區 (以前區議會一個選區)，歷史存檔讓我們記得愚昧的可怕、獨立思考的重要。幾十年過去了，願我們愛惜的這城得平安🙏🏼

【A、B兩舖的枱座安排】人人和平2013年成立時主力做北角街坊生意，幾張卡位方便小家庭食飯，近年唔少人跨區來食飯，但舊舖廳面改動空間有限。疫情封控之後，腦細怕座位格局會招呼不周，於是上年要埋鄰舖原地擴充，今年5月完成裝修，B舖全放圓枱。

由於圓枱數量有限，我哋主要預留俾6至12人的客人享用套餐或散叫豐富小菜，並設最低消費。試過有客人話方枱會煞到佢，一定要坐圓枱但不肯保證消費，店同事以「先生你咁有福氣一定擋到煞氣嘅」婉拒。

我哋預訂枱時都會收按金，圓枱第一優先留俾有預訂套餐的客人，第二優先係達到最低消費的散叫客人，有空枱時視乎店內入坐情況，無預訂套餐的客人會隨機被安排方枱/圓枱（但不能保證），不曾獲坐圓枱的客人如果不滿意方枱的安排或因個人理由決定唔食，恕我們不能退回訂枱按金。

世道艱難，正如腦細日前出post講，我哋希望將資源更公平地分配畀珍惜我哋嘅客人，當然亦想增加營收，全公司同事月月有糧出，公司繼續發展。

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/85252823378

人人和平及Gotthard Base小編s 都常寫 #請移玉步
多謝同胞們高抬貴手冇笑過我哋唔識字，感恩🥹
腦細讀書唔叻，入唔到拔萃，亦好彩唔使去拔草🌱

午餐牌寫到明係👉🏼港式扒餐👈🏼 有留言將之與街口間「扒屋」嘅扒相比，然後有第二個人話我哋唔識就「不要整西餐」兩個留言喺我昨天個貼，有興趣了解嘅朋友可click去睇，唔值得我截圖將佢哋留言貼堂。

讚扒屋(我就叫「扒房」幾廿年)嘅網友follow嘅pages有HKG報2.0、陳穎欣(原來係立法會議員)、湯文亮博士、李根興商舖之友等等，又follow利世民（簡直係清泉😅)喎，如果佢真心鍾意間扒屋無可厚非，我尊重；希望佢唔係幫人宣傳喇！

斜路間「扒屋」開業至今幾個月，經常喺北角社區群組直接或間接(疑似有人以食客身份) 出posts，多次被街坊投訴違反版規。若你走嚟我哋專頁借機宣傳自己，請你過主啦，行家應該互相尊重，良性競爭😉

留言附和嘅女士，我哋上星期已見到上幾個留言反映一次與母親嚟幫襯午餐嘅不滿意用餐經歷，小編喺上班日已回覆你並與店同事跟進事件。我哋尊重言論自由，非涉及人身攻擊、粗言穢語、或仇恨的言論，我哋都不會刪除或封鎖。但也請你尊重我哋公司嘅經營自主，蹤使我哋嘅解釋或回應未盡如你意，你繼續追擊我哋，浪費雙方的時間之餘，也對你個人心情有不良影響，不值得啊🙏🏼其實你有「不再幫襯」的自由，放下，move on☺️

人人和平推出「港式扒餐」係因為裝修後廚房空間及爐具多咗，有資源回應熟客提出咗三年嘅訴求 — 中午食扒餐，以牛扒、豬扒、雞扒，配黑椒汁、咖喱汁、洋蔥汁，每星期出兩款扒配兩款汁，「麥兜」式做出四款選擇。而且外賣特別平價（扒、汁、飯、菜嘅份量與堂食相同）$48配罐裝汽水，推出至今一個半月都頗受歡迎，每天售出廿幾至卅份。

當然，期間我哋收到食客及街坊嘅意見，都會向廚房同事反映並盡量改善。但講到我哋中廚唔識做「西餐的扒」就有點過份，我哋午餐餐牌寫明「港式扒餐」你硬要用西餐標準嚟比，apple to apple？對面姊妹店哋Gotthard Base 就係西餐廳，午餐及晚餐都有做扒。

正如昨天出貼講，我都係嗰句，我哋餐廳不能滿足所有人嘅要求，唯有用多啲時間和心神去服務懂得珍惜我哋嘅顧客，尤其是幫襯咗我哋好多年嘅熟客。覺得我哋出品唔啱食嘅客人，大家無謂糾纏。

— 腦細

圖：前幾日我食嘅咖喱豬扒飯

人人和平午餐時段除咗有午餐套餐可以揀，仲可以叫小菜。咁一個人點食小菜啊？小編見過有個後生女一個人叫咗碟半肥瘦叉燒例牌、生啫蝦乾唐生菜及白飯，再開壺新會陳皮普洱茶，慢慢享受一人午餐。

🔸午餐時段如須訂位，最低消費150/位；
🔸星期一至日5:30pm前食小菜免加一服務費；

✨小菜推介- 麥片軟殼蝦✨

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/85252823378

有同事係神徒，所以餐廳有Anson Lo嘅代言飲品OOHA，如果有個炎明熹來踩場，訂咗套餐話要退錢，我哋係唔會受理。

就好似一個台灣人在巴黎開酒店，佢鍾意在酒店大堂放乜嘢裝飾係商業決定同自由，你唔鍾意咪去第二間酒店住囉。

即係好似今日午餐有個涼瓜炒牛肉河，總係有人覺得如果炒排骨仲好啦，或者唔放涼瓜就好啦。

如果佢走來投訴，我會同佢講人人和平午餐餐牌有9個選擇，如果都唔滿意，我哋逢星期四換餐牌，如果仲唔滿，你可以去其他餐廳食㗎。

巴黎咁多酒店，做乜係要住嗰間呢？

✨午餐推介：涼瓜牛肉炒河 （逢星期四轉新午餐餐牌）
✨供應時段：星期一至日上午11:00am-下午4:45pm

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/8525282337

地產人做餐飲老闆，我怎知所分寸以保公司能應付哪天危機降臨？2013年創立這店至今，經歷 a decade of most challenging times in my life，心路歷程及逸事遲啲開Threads慢慢同大家分享，今日我想講吓怎走向前路。

人人和平原地擴充，加開B舖，原因唔係發展局說前景仍亮麗 (局長說的我當然同意)，而係「復常」之後我哋外賣及盆菜銷售量大跌，堂食增加但旺嘅係某啲日子某啲時段，店內座位冇得增加，多咗客都接唔晒！點算？咁啱側邊點心店唔做，我哋立即畀頂手費買佢返嚟擴充，連同AB兩店舖翻新工程，使咗二百幾萬元。

擴充完，港人北上消費、外遊情況更加興旺，昨天政府公佈嘅人口數據，本地居民過去一年淨流出(即係已移居) 3.02萬人。我啲同事唔懂手打檸檬又唔識跳科目三，做唔到從國內移居來港的高端新香港人嘅生意，仍默默地樂意地煮嘢食畀老香港人您哋食。

間唔中有客人或網民教我哋要鬥平、有客就要做，正如港協高層說運動員有$7100津貼幾咁幸福。人人和平店內有廿幾卅位職員，加上辦公室、後勤支援，薪酬及外判服務支出龐大，加埋交租、能源費用、消耗品、裝修攤數、保養維修，每月過百萬元。我哋堅持用靚嘅健康嘅食材，所以食材成本一直高過同業平均。

感恩嘅係有一群為數唔少嘅熟客鍾意食我哋嘅食物，認同人人和平嘅品質，移民潮下我哋流失咗唔少客，慶幸亦陸續有新客喜愛我哋。所以，人人和平不貪心取悅更多人，專心服務對的客，做對的事，就對了！

熟客們，您哋好識得為我哋着想，我經常從微細的事見到、感受到，例如您哋喺午餐、下午茶一人入嚟會主動坐「自修室位」讓我哋騰出更多座位做多啲生意。相反地，有些「尊貴的客」會同店員理論點解一個人唔坐得卡位、點解坐B舖圓枱要限最低消費等等等。我想講，嚟緊我哋會推出措施，令愛護我哋嘅熟客獲得更公平而對等的待遇，請留意小編發佈細節。

對於香港市場，我公司過往一年已投入數以百萬元用行動響應政府呼籲投資，人人和平及Gotthard Base 會繼續服務珍惜我哋嘅顧客，暫時沒有新發展計劃。

歷史證明跟誠哥對賭的都係錯，所以我哋梗係跟誠哥行 — 拓展英國市場，香港辦公室與英國嘅同事一齊籌備緊，希望喺適當時候向大家公佈一個開心嘅消息！除此之外，我哋正積極研究更多外地發展的可行性。

— 腦細

圖片係新出嘅 豉椒炒沙白(蜆) *裝修後出咗好多海鮮

Threads見到，唔止生意大挑戰，請人都咁難，更估唔到請洗碗都登jobsdb，我哋請辦公室同事先至會登。

人人和平 招聘 🧽洗碗清潔員🧹月薪最低$20,000
薪金不高，但返工包兩餐，嚴格嚟講無咩嘢要使錢，仲可獲資源如牙科保健、員工消費折扣。

店內有專業高速洗碗碟機及煤氣熱水爐，令你能夠從容地做洗碗員，更可在店內集中精力盡量發揮自己。

有志加入我哋大家庭，請WhatsApp或電郵聯絡：
WhatsApp 👉🏼https://wa.me/85252823378

— 腦細

人人和平最近推出咗【和光不同塵・十人在一起・夏宴】10人享用嘅套餐。

呢個套餐有冬瓜盅、原條炆沙巴龍躉斑、燒鵝、飽魚等等貴價菜，全單只需四千幾。

雖然我哋免茶位，又唔駛加一，仲奉送10罐汽水，但如果你想慶祝屋企人大日子，而你係一個月薪只得$7130嘅運動員，食完呢餐飯，你成個月應該仲夠錢搭車出入。

學江旻憓話齋，做香港運動員真係幸福。

📣保證坐圓枱 • 敬請提早至少兩天預訂 • 訂完即止📣

推廣期🌝星期六、日、公眾假期八八折，星期一至五仲有八折！

✨完整餐牌請看留言✨

📍人人和平 HOPERS’ BASE
北角堡壘街6-8號A地舖
訂位及訂餐電話：2570 8616 / 2570 8182
WhatsApp 5282 3378 ❌ 此WhatsApp（在寫字樓）只供查詢，不能夠為 閣下訂位
https://wa.me/85252823378

見到網上流傳話最近光顧花園餐廳時，發現隨餐湯不再附送餐包，而是改為配送一包嘉頓梳打餅，食住梳打餅，有種捐完血的感覺，大開眼界。

Gotthard Base餐湯新鮮製作，右圖👉🏼係蕃茄雞肉洋薏米湯，餐湯仲附上蒜蓉牛油法式焗麵包一塊，成日有客大讚為咗塊法式焗麵包而嚟，湯同麵包都一樣咁有靈魂。

✨餐湯款式每日唔同・全日供應✨

圖片來源：FB西環變幻時

📌Gotthard Base
Shop 1, G/F, 7 Fort Street, North Point
北角堡壘街7號地下1號舖
電話：2267 2988
WhatsApp 5319 2873 wa.me/85253192873

📍人人和平 HOPERS’ BASE
北角堡壘街6-8號A地舖
星期一至日11am-10pm
訂位及訂餐電話：2570 8616 / 2570 8182
WhatsApp 5282 3378 wa.me/85252823378

大公報fb小編近來很貼時尚、今天用這圖同大家講早晨！芒果拼砌維尼熊，下面整盤全是瓜，很有創意！
原貼文👉🏼 https://www.facebook.com/share/p/qYNJfkWqLLHSE6Y9/

芒果的當造期至7月份，不知道大公小編用的是新鮮芒果片或芒果乾片呢？用菲律賓或台灣芒果？

小店亦會用時令水果入饌，例如每年4月份至6月份會用台灣鳳梨🍍取代菠蘿，做鳳梨船咕嚕肉。