Keith C. Baby Gallery - Newborn and Baby Portraitures 專業初生嬰兒 兒童 家庭照攝影

2024年春，終於完成人生另一個重要既里程碑，我”又”畢業啦～成日都好想時間快啲過去，可以申請加拿大永居。時間真係過去左，又其實有啲唔捨得。好感激遇到一班同鄉，大家一齊撐過去，相互提點，一齊沖線。很喜歡近來聽到既一句說話，那裏有香港人，那裏就會有人情味，我係依兩年係深深感受得到。黎到加拿大，識到唔同既人，不同種族，多元文化。更加認識到自己既渺小，要學懂更謙遜，要見天地，見衆生，更要學識 “見自己”。

一路走來，我好感謝所有支持過我或者Keith C. Baby Gallery 既爸爸媽媽。我深深明白，外國生活一啲都唔容易。為生活為糊口，為工作，照顧你家庭已經一頭煙。多謝你哋都係group或者forum 推薦我，或者身處香港既都會向加拿大親友大力推介我。我係好感恩同珍惜我所有擁有一齊。我係一個偏向負面情緒既人，經常質疑自己既能力同決定。多謝你地每一個既鼓勵同支持，係後面不停推我向前行。多謝你地證明我睇一切都係有 “因”同 “果”關係。

我會繼續努力，好好的活著，let’s see what I can do in canada~

我真係好想開番間影樓有番個小天地**奢望😫～

Love and miss you all,
Keith C. & Cozy Hygge
Keith

真係好耐好耐冇update一吓。好想同大家講句聖誕快樂，新年快樂。今日冬至，特別掛住香港嘅人和事。想同香港既家人親戚食一餐飯，想諗Keith C baby 既仔仔女女。尋晚發夢自己去左迪欣湖同獅子會影相好真實，仲記得個走位，邊個位做咩posing，邊一個位攞咩angle😂。

黎左加拿大差唔多一年半，有up有down。讀書讀左3個semesters。仲有最後一個sem就畢業。估唔到加拿大讀書會咁忙，咁多assignment做。不過又真係令我學到唔同既攝影技巧，擴闊左視野。仲有就係好多謝每一位send message關心既爸爸媽媽，好感激您地話知好掛住我影既相，更加多謝你地仍然留意我而個page 既每一位。Anyway, 希望大家都有個超級快樂既聖誕節。Merry Christmas!!

Take care and stay warm :)

PS**真係好希望下年有機會返香港同你地影相，my 2024 wish !

Cheers
Keith@ 12/23

好耐好耐無update Keith C.啦，近期諗起好多香港既Keith C.小朋友。睇到爸爸媽媽既social media, 無論係香港定移左民既都生活得開開心心，好欣慰☺️ 係加拿大既冬天真係唔容易過，好冬呀～但一齊都安好。返學，做功課，照顧小朋友，拍攝，日子每日都好快過去。加拿大拍攝模式同香港好不一樣，需要用更多既時間去摸索，但係我地會繼續努力。

好想快啲到春天，可以周圍去玩去露營😊

冬23
Keith

加拿大既秋天🍁真係攝影師既天堂，美不勝收😊。秋天過後就係漫長既冬天，驚驚。

由在職媽媽變成全職媽媽，其實真的一啲都唔容易，從心底裏面敬佩您。亦想同係世界各地努力緊既媽媽講聲～加油，支持你地！冇你地，冇飯食😋

金秋。楓葉🍁
10/22

話咁快黎左加拿大3個幾月啦，開始適應加拿大生活。好多人話加拿大慢活人生，我又唔覺得時間慢左，反而每一日都快過好快，眨下眼又一日，眨吓眼又一星期。每一日都為唔同既事忙忙碌碌，返學，功課，照顧小朋友，新studio，都好充實☺️ 感恩遇到一班好同學，目標一致，互相補位，一齊去走而條移民路🙇🏻‍♂️

係新Studio上，得到唔少爸爸媽媽同專業人士既幫助同交換意見。雖然有積極性亦有比較負面，但已經獲益良多。老實手講，我暫時唔太知道加拿大既攝影巿場，邊一樣攝影範疇會賺到錢。但我地既Passion係小朋友攝影，而個係我地Day 1既初心，從不變。賺錢當然重要，但由我踏上去加拿大飛機開始，”follow my heart” 依個劇本已經寫好咗。Show must go on🫡 我哋會堅持走依條攝影路✊

仲有，好多謝你哋嘅支持，繼續留意Keith C. 睇我發噏風。我會繼續努力！唔會整臭HKger而個名。

10/16 秋
我們在這裏～多倫多

有足夠既babies影studio samples啦🙇🏻‍♂️。估唔到係香港fans page 出post,加拿大影相都得。好感激各位爸爸媽媽既幫忙。由頭開始唔容易，好慶幸有好多爸爸媽媽幫手spread 消息backup我地。我會比心機的繼續影落去。係香港既爸爸媽媽Keith C. Babies 我地返香港再影過啦😊

各位你地好吖。我想徵baby model 影studio portrait sample，如果你地有親朋戚友住係多倫多，有小朋友大概6-12個月(sitter)，又想影下相，可以叫佢地pm我。十萬個感激🙇🏻‍♂️

好耐無update而個月既近況。你地好嗎？我一切都漸漸上左軌道，係估唔到加拿大返學咁鬼多功課，不過係開心㗎，識左香港既同學仔，目標一致😊。楓葉國既秋色真係靚，影相佬既天堂。香港過江蟲表示離哂譜，係香港死搵爛搵係得個幾個位影相😢係度有景有地方有時間有相機，係冇人比我影😂，生活就係咁有趣。

祝大家中秋節快樂，一家人齊齊整整，團團圓圓。今年中秋節咁啱都係我既生日😝Happy Birthday to me!!🎂🥮黎到差唔多兩個月，除左我個40箱船運未到外，一齊都settle得差唔多。兩個仔趕及攪好手續開學，希望佢地會鐘意同適應新環境。而我都開始重返校園乖乖地做個好學生。幾廿歲人再讀書，老實講係有一份擔憂。Student 而個英文字再揹起，的而且確好沉重。好彩就係有一班同路人目標一致一齊上堂一齊撐。中秋節，人在外地，感受特別深。希望係異鄉既大家都可以過得開開心心，一起的撐！

嚟到加拿大眨吓眼整整一個月。開始慢慢地熟習新環境。唉，係香港唔中武肺，反正嚟到加拿大就中，連兩個仔都一齊中😩。真係亂左陣腳，好彩我哋都唔算嚴重，病徵比較輕微。有朋友問我有冇後悔離開香港。老實講，以兩個星期我不停都有反思⋯始終要將香港所建立既人和事，家庭都推倒重來。一卷廁紙，一支鼓油，一個ikea書架仔都要重新再買過，明明只係買番一模一樣既東西😆。再現實啲，香港有工人姐姐幫手做家頭細務，照顧小朋友。嚟到就要自己落手落腳，買傢俬電器，攪文件都要帶住佢地一齊。有時候，小朋友好攰都問可唔可以唔去😆 這就是暫時嘅現實。
當然我同Becky 都好明白萬丈高樓從地起依個至理名言。深信依個係必經階段，亦無反悔過所做既決定。一步一腳印，當初決定走出comfort zone, 我哋一家四口會勇敢行落去。以此post為記，一年後再回望。為自己打打氣，加油！

8/17/2022
💛💛

我今日嚟到加拿大啱啱好3星期，小朋友同老婆時差都攪掂晒啦，仍然努力融入加拿大生活中。明白好多野都急唔嚟，尤其係外國既慢節奏生活，好多時候唯有隨遇而安，見招拆招。真係大鄉里，係油站等左好耐，原來加拿大同美國一樣要自己入油🤣。
感恩有親戚朋友幫手，唔洗行太多嘅冤枉路。今日，繼車牌之後，又攪掂左一樣大件事，就係租屋，起碼有瓦遮頭先啦。下一步終於可以諗吓 “影樓”☺️

💛💛加油to me and to all hkers💛💛
Keith~

我哋一家終於都整整齊齊啦😊，繼續向將來前進💛

今日啱啱好到埗兩星期。好開心終於搵番自己對腳，我考到車牌啦！🥳 唔洗再依賴親戚朋友車出車入，其實人哋唔厭我煩，自己都覺得唔好意思。好多謝您地每一位既鼓勵同支持，我會繼續努力，希望搵埋對翼出嚟，創造自己既一片天。

今日除左考到車牌外，亦都係我老婆兩個仔到埗既日子。雖然分開左短短兩星期，但係已經好掛住佢哋。希望一齊都可以順順利利啦😊

各位加油，一起的撐！💛
7/24

嚟到加拿大整整一個星期，我好好呀，冇穿冇爛，食得瞓得，鐘意食冬甩，天氣好，地方大。以兩日，已經開始掛住香港，感覺上只係去左旅行，離家很遠。說到底，做左幾廿年香港仔😅。希望心態上可以盡快調整過嚟，始終只係開始，仲有漫漫長路。我要再比啲心機努力加油💪🏼 見到啲靚地方，就會諗點樣影點樣影，職業病發作😆

各位～未來見

One last time, Keith C Babies☺️☺️

We can do this all day :)

其實廿四節氣中有一個時節叫。報學校😊

又一年啦🏠👶🏻🧒🏻👦🏻莘莘學子要加油啦

我地做兒童攝影，係拍攝過程裏面會產生出感情。當由細細個到大大個每年都會見佢地一次，自然就會覺得變成佢地既叔叔。好唔捨得，又要說再見。希望往後係地球村再相見。一切順利，萬事小心。

聚散有時，保重。
Keith

If I were her parent, I would hang this on the wall for lifetime. Such a moment☺️

#新生児 #新生児写真 #初生拍攝

好得意☺️☺️

#新生児 #新生児写真 #初生拍攝

各位影相佬，頂住吖！唔好做傻事。雨後一定有彩虹🌈

共勉之

大家務必都小心身體，注意健康。我哋暫時唔接新既拍攝工作同會推遲所有拍攝，做個負責任既影相佬。話時話，點解疫性仲嚴重過一開始既時候，依兩年究竟我哋做過啲乜🥲

祝各位新年快樂，萬事如意，身體健康，快啲可以去旅行。恭喜恭喜！

When Andy is still a boy. Heart melting🥰

#初生嬰兒攝影 #香港初生嬰兒攝影 #香港

Cute❤️❤️❤️

社工姐姐通知我，之前做義工拍攝既相已經做好相簿送到每一個家庭手上☺️。施比受更有福係開心㗎，何況係用上左自己既一技之長。

Portrait like this will last for many many years 😊