JEI Smart Tree Learning Center - Fo Tan

【 #卡通教室】大家唔好以為呢套充滿正能量嘅✨小魔女DoReMi✨，就唔會有反派，其實一開始都有一個類似反派嘅角色出現。佢就係今個星期要同大家介紹嘅角色——💜瀨川音符💜。

音符同DoReMi唔同，唔係隸屬於魔女莉卡嘅見習魔女🧙‍♀️。本身音符係一位童星，喺佢參加演藝訓練班個陣，就喺海邊目睹另一位魔女——魔女卡施展魔法🪄，於是識破左魔女露卡嘅身份並成為見習魔女😂。

一開始音符同DoReMi佢地係對立關係，但隨著時間，佢地嘅友誼就逐漸建立起上黎👭🏻👭🏻。之後，音符亦曾經因為大家喺同學同屋企人面前曝露左見習魔女🧙‍♀️身分，所以不惜一切咁使用禁忌魔法，黎拯救DoReMi佢哋😢。

音符除左係一位重友誼嘅人之外，佢都係重親情嘅女仔黎。佢成為見習魔女係因為佢想完成母親兒時嘅夢想「成為日本第一童星」，做嘅所有野都係想媽媽開心😃。不過，小朋友記得要用正確途徑咁去做事，氹父母開心，唔好學音符咁用禁忌魔法黎達成目的🫢。

#おジャ魔女どれみ #藤原初貴 #妹尾愛子 #瀨川音符 #飛鳥桃子

【 #睿苗中文】踏入7月，天氣就開始變熱🥵。每日出街都要拎把風扇仔旁身，唔係真係會熱融。今日要同大家講嘅三疊字，見到佢都會覺得熱，呢個字就係三把火——「焱」🔥。

「焱」從火部，讀jim6（焰），本義係大火，火盛之貌🔥🔥🔥。「焱」亦可能形容火焰或者火花💥，詞例包括有：焱飛，解：火花飛舞嘅樣子、焱悠，解：火花飄舞、焱焰，即火焰或焱焱，解：光采閃耀嘅樣子。由此可見，「焱」係亦有光彩、光芒嘅意思✨。

「焱」字亦可以作祭名，以甲骨文解釋，「焱」係用作火祭🔥，而且喺《合集》22131入面亦提及：「匕(妣)庚用焱羌。」，「焱羌」意思係焚燒羌人作為祭品。所以，後世字書亦保留呢種用法，喺《集韻》就解釋「焱」個陣提到「亦同煬」，而「煬」可以解焚燒。由此可證明，「焱」有燒牲以祭嘅意思🙏🏻。

雖然「焱」字宜家比較少用啲，但了解每個字背後嘅意思其實都幾有趣🤓。希望各位都可以發掘到中文字嘅樂趣啦😉！

#中文字 #中文 #正字

【 #鬆一口氣課室】唔知大家有冇俾上星期嘅升中小六生個反應可愛到呢☺️？雖然小六生要為升中準備好多唔同野，但記住都要休息一下，估下🌟鬆一口氣課室🌟嘅IQ題😉。

今個星期嘅問題都係要大家估四字成語，而題目就係「公公嘅生活，由自己黎處理👴🏻。」俾少少提示大家啦，個成語入面係有「公」字出現嘅🫣。

如果知道答案嘅，就留言或者inbox話我地知😉！大家記得襯暑假，好好休息，為下一個學年做好準備💪🏻。

#猜謎 #猜一猜 #猜謎語 #謎語 #謎語101 #輕鬆一下 #亨亨鬆鬆 #謎語時間 #腦筋急轉彎

【 #卡通教室】唔知大家身邊有無朋友性格比較豪邁、疏爽呢🤔？呢種朋友都比較唔怕蝕底，肯為朋友著想👍🏻。🌟小魔女DoReMi 🌟入面都有一個類似嘅角色，佢就係💙妹尾愛子💙。

愛子係一位轉校生，三年級轉校到DoReMi同愛子嘅學校🏫。愛子外表比較男性化，藍色短髮配上綠色T恤同藍色連身牛仔褲👖。除左外表之外，佢性格都比較率真同堅強，唔鍾意人地同情佢，而且有時會唔覺意講左一啲人地唔鍾意聽嘅說話🫣。雖然有時可能會講錯野，但就係因為呢份率真，令到身邊嘅朋友都鍾意佢。

愛子成為小魔女嘅契機同初貴一樣，都係撞破左DoReMi同魔女莉卡嘅身分而成為見習魔女🤣。可能父母離異嘅緣故😞，所以佢成為魔女嘅動機係「希望父親可以過得更幸福」🥰，甚至之後想用禁忌魔法🪄，令父母破鏡重圓。

雖然好多野我地控制唔到☹️，例如：人與人之間嘅關係，但與其執著咁去改變事情，不如嘗試放手🫳，令到件究順其自然咁去發展，可能會有不一樣嘅結果。

#おジャ魔女どれみ #藤原初貴 #妹尾愛子 #瀨川音符 #飛鳥桃子

【 #睿苗中文】睇左兩個星期，大家係咪覺得三疊字好有趣呢🥰？大家都了解「金」同「木」嘅三疊字之後，接住落黎嘅就係「水」嘅三疊字💧——「淼」。

「淼」從水部，讀miu5（秒），本義為大水，即係指水多遼闊嘅樣貌💦。《說文新附》提及：「淼，大水也。从三水。或作渺。」，即「淼」為「渺」嘅異體字。雖然係異體字，但「渺」從字面看意味着「水少」，但「淼」係代表着五行中「多水」💧💧💧，有特定含義，所以「渺」亦唔能夠完全取代「淼」。

「淼」表示水多，所以配詞方面「淼」都係形容水流多嘅樣貌💧💧💧，例如：淼淼，表示水勢浩大；淼渺，表示水廣闊無際；淼漫，即水流廣遠；淼茫，即遼闊無涯💦。

時至今日，「淼」就多數用喺人名上， 寓意如水一般温和善良，蘊含著心胸廣闊😎。唔知大家身邊有無朋友都用個「淼」字做人名呢🤔？

#中文字 #中文 #正字

【 #鬆一口氣課室】放暑假啦！連本地學校嘅學生都放暑假啦🥳！大家準備好去邊到玩未呢？不過玩還玩，大家都唔好唔記得要預少少時間黎玩🌟鬆一口氣課室🌟嘅IQ題。

今個月係要大家估四字成語，唔知上星期個條有無難到你地呢🫣？呢一次嘅謎面比較簡單，就係「最繁忙的機場」。俾少少提示大家，機場主要嘅工作係啲咩呢🤔？

知道答案嘅，就留言話我地知，如果都係唔明嘅，歡迎大家家inbox我地，問下究竟點解？我地等緊你架😉！

#猜謎 #猜一猜 #猜謎語 #謎語 #謎語101 #輕鬆一下 #亨亨鬆鬆 #謎語時間 #腦筋急轉彎

【 #卡通教室】以魔女做題材嘅動畫都真係好多🧙‍♀️，但✨小魔女DoReMi✨受歡迎係因為呢套卡通片仲圍繞住唔同元素，例如：友情🧑‍🤝‍🧑、母愛👩‍🍼、成長同離別⋯⋯等等嘅元素，所以每一季都吸引到小朋友去睇。

今次要同大家介紹呢位角色係，DoReMi嘅好朋友——🧡藤原初貴🧡。初貴同DoReMi由幼稚園開始就相識，一直都係同班同學👭🏻。再好嘅朋友都會試過鬧交，佢哋都唔例外。幼稚園個陣，初貴就同DoReMi因為某啲事而嘈交，甚至要去到絕交嘅地步，但好在最後佢地靠着小提琴🎻和鋼琴🎹和好。

初貴成為小魔女都係因為DoReMi😂，由於DoReMi嘅失誤，令到初貴知道左他係見習魔女嘅身分，連帶魔女莉卡嘅身分曝光🤣，所以初貴只好都成為見習魔女，為魔女莉卡解咒。至於初貴成為見習魔女嘅動機係希望可以勇敢拒絕媽媽並表達出自己的感受👩。

朋友間有爭執係平常不過嘅事，但千奇唔好做一啲令自己後悔同傷害朋友嘅事，要諗辦法令到大家和好如初🤝🏻，做番好朋友🧑‍🤝‍🧑。希望各位可以珍惜身邊嘅朋友啦！

#おジャ魔女どれみ #藤原初貴 #妹尾愛子 #瀨川音符 #飛鳥桃子

【 #睿苗中文】上星期同大家提及過今個7月會介紹屬於三疊字嘅字，即係三個同樣嘅字而組成嘅一個字🤓。然後，今個月嘅主題係「五行」。如果順次序嘅話，今個星期就係同大家介紹「木」嘅三疊字🪵。

深信大家都唔會對木嘅三疊字陌生，三個木字就組成「森」😆。「森」從木部，讀sam1 (心)。 「森」嘅象形字係三棵樹木🌳🌳🌳，古人多以三黎代表多數嘅意思，所以我地可以理解「森」為好多樹木🌳，而「森」嘅本義就係森林，即係樹木多而密。

由於「森」係指好多樹木，所以「森」引申為眾多之貌嘅意思，亦都因為森林嘅環境比較陰暗😨，「森」亦引申出陰森幽暗嘅意思，形容陰暗可怕😱。

雖然大家對於日常見慣嘅字已經好熟，知道個字點讀同意思，不過背後嘅解釋就未必太清楚🙈。希望大家可以一齊發掘中文嘅趣味，學識更多字背後嘅故事同起源😉。

#中文字 #中文 #正字

【 #鬆一口氣課室】踏入7月啦，代表2024年就過左一半啦😟。大家當初定立嘅目標有冇達成到呢🎯？未達到嘅，就運用下半年去完成啦😉。今個月，小編哥哥會準備「四字成語」嘅IQ題俾大家估。

第一題就俾條容易少少架啦，題目就係「1️⃣、2️⃣、5️⃣、6️⃣、7️⃣、8️⃣、9️⃣」，咁呢一個成語到底係咩黎🤔？竟然條題目咁多數字，答案就緊係同數目字有關啦。

知道答案嘅，就留言話我地知啦！歡迎大家家inbox我地，考下我地IQ題架🥳！

#猜謎 #猜一猜 #猜謎語 #謎語 #謎語101 #輕鬆一下 #亨亨鬆鬆 #謎語時間 #腦筋急轉彎

【 #卡通教室】早幾個月前，✨小魔女DoReMi✨公佈黎緊8月會推出新一輯嘅動畫作品，令到一班fans十分期待🤩。因為今年係呢套動畫推出嘅25週年，而新一輯動畫嘅上映模式都係靠fans去決定。所以，今個月就用大家講下呢套嘅卡通啦！

喺✨小魔女DoReMi✨成為第一位魔女🧙‍♀️嘅係🩷春風DoReMi🩷，佢由幼稚園就幻想自己可以成為魔女💭。可能就係因為佢呢份熱切嘅渴求，喺佢大個左之後就吸引到佢去「薪旗山莉卡的魔法堂」🏢，仲俾佢識破左店主魔女莉卡嘅魔女身分，仲要搞到魔女莉卡被詛咒，變成魔女青蛙🐸。因為要賠償魔女莉卡嘅損失同破解詛咒，DoReMi就成為左魔女見習生，成為魔法堂嘅一份子。

當DoReMi遇到唔如意嘅事個陣，佢成日都會講「我真係全世界最不幸嘅美少女」呢句口頭禪😂。不過，佢成日都係口不對心，雖然口講話自己有幾不幸，但佢都會積極咁去解決問題💪🏻，擁有凡事向前看嘅樂觀性格，而且佢都好重視朋友，朋友有難，佢都會出手幫忙，甚至會用魔法去解決問題🪄。

希望小朋友你地都可以學到DoReMi嘅樂觀性格，唔好成日都怨天怨地，愁眉苦臉🙁。要抱住積極樂觀嘅心態去尋求解決之道😉。

#おジャ魔女どれみ #藤原初貴 #妹尾愛子 #瀨川音符 #飛鳥桃子

【 #睿苗中文】踏入7月，小編哥哥會每星期同大家介紹一個字🧐。雖然啲字可能唔係經常用到，但就係因為少見，就更加要解釋俾大家聽，等大家可以體會中文字嘅樂趣😌。今個星期就以「五行」做主題，介紹屬於三疊字嘅字，即係三個同樣嘅字組成一個字。

首當其衝嘅就係五行第一元素——金。三個金字可以組成「鑫」，從金部，讀jam1 (音)。「鑫」喺古時已經存在，根據《康熙字典》對「鑫」嘅解釋：「《玉篇》：呼龍切，音 （胸）；又許金切，音歆。」🤓，可以知道「鑫」係識成「歆」。

「鑫」係一個會意字，從三個金字，即係表示金多，財富興旺💵。因為中國人好講意頭，所以呢個字多數用喺人名同店舖名🏢。希望為間舖或者個個人帶來可觀嘅收入，甚至乎將來可以賺到盤滿缽滿，豬籠入水🤑。

雖然呢個字無得配成任何詞語，但喺中國人嘅眼中，呢個字就係一個好意頭嘅字🤩。希望大家可以透過呢個系列，發掘中文字嘅趣味😉。

#中文字 #中文 #正字

【 #鬆一口氣課室】又準備放個短假啦🥳！各位家長又可以連續放3日啦，同小朋友一齊放鬆一下😎。襯假期，大家可以玩🌟鬆一口氣課室🌟嘅IQ題，添加假期氣氛🤗。

今次嘅問題同日常生活有點，而問題就係「一早起身，大家起身第一樣野會嘅野係咩野呢？🤔」家長們細個都應該玩過呢條問題，所以就唔俾提示大家啦😌。

如果小朋友知道答案嘅，歡迎inbox我地架🤗！又或者問下爸爸媽媽，睇下個答案同自己嘅一唔一樣😉。

#猜謎 #猜一猜 #猜謎語 #謎語 #謎語101 #輕鬆一下 #亨亨鬆鬆 #謎語時間 #腦筋急轉彎

【 #卡通教室】黎到6月最後一個星期，即係代表要介紹最後一位💚史力加💚嘅角色🥹。呢個角色係原本係做配角，但因為個樣太可愛、太受歡迎，所以佢就有自己嘅獨立動畫🤩。佢就係無敵貓劍俠(Puss in Boots)🐱。

無敵貓劍俠🐱嘅原形係穿靴子的貓，英文Puss in Boots即係指隻貓著左對靴之後，就變到同人一樣，用雙腳行路👣，做到人可以做嘅事。原著係講貓貓🐱使用詭計同欺騙來獲得權力和財富，但喺💚史力加💚入面就係收左國王錢而去殺左史力加。

不過，最後無敵貓劍俠🐱都係失敗左，但史力加亦都無處罰貓貓，因為貓貓用左一對水汪汪嘅大眼🥺，令到史力加覺得貓貓好可憐咁，所以史力加就放過貓貓，而貓貓亦都因不殺之恩而幫史力加解決問題。

小朋友記得要以德報怨，千奇唔好將仇恨記喺心入面😉。咁做自己一來又唔會因為仇恨而令到自己辛苦😓，二來又可以令人覺得人你好寬容待人。希望各位小朋友都可以做到啦😉！

#史力加 #無敵貓劍俠

【 #睿苗中文】放暑假啦！放暑假啦！小朋友期待已久嘅暑假陸續開始啦🤩！大家計劃左去邊到玩未呢？雖然放假期係開心🏖️，但記得唔好因為放假而懶理學業，要有時間溫下書。今個星期係最後一組竹部同艸部嘅字，而呢組就係「簫」同「蕭」。

「簫」從竹部，讀siu1，本義係竹製管樂器。「簫」有唔同種類，用一根竹管製成，打直吹嘅，就會叫做「洞簫」；用幾根竹管排埋一齊，就叫「排簫」🧐。除此之外，喺古時，「簫」亦可以解做弓嘅末端。

至於「蕭」，從艸部，亦都讀siu1，本義為香蒿。古本草書記載呢種植物可以入藥作清熱、解暑、截瘧、涼血、利尿、健胃、止盜汗用👍。「蕭」除左係指植物之外，亦有清靜、冷落嘅意思，所以「蕭條」係解做寂寥冷清嘅模樣，又或者經濟不景氣📉。

雖然大家都會知竹部嘅字同竹有關🎋，而艸部嘅字就同植物有關🌱。不過，每個字背後嘅意思就可能唔係個個人都知。希望各位都了解到每個中文字嘅意思啦😉！

#中文字 #中文 #正字

【 #鬆一口氣課室】小朋友終於都考晒試，可以準備放暑假啦🥳！你地最期待嘅畫面都出現左，但大家都唔好唔記得要玩我地🌟鬆一口氣課室🌟嘅IQ題呀🤗。

今次嘅問題同書店有關📚，問題就係「喺書店入面，大家都可以買到唔同嘅書。不過，有咩書係唔可以喺書店到買到呢？🤔」呢條問題可能會多過一個答案，解釋到就可以架啦😌。

知道答案嘅，歡迎大家inbox我地架🤗！又或者你個答案同我地嘅答案唔同，都可以inbox我地，同我地分享你嘅答案架😉。

#猜謎 #猜一猜 #猜謎語 #謎語 #謎語101 #輕鬆一下 #亨亨鬆鬆 #謎語時間 #腦筋急轉彎

【 #卡通教室】介紹完兩位💚史力加💚嘅兩位主角之後，係時候要介紹佢地身邊嘅朋友。既然佢地係身處喺童話世界入面🗺️，史力加嘅朋友都係與眾不同。今次要介紹嘅就係同史力加一齊去救費安娜公主嘅驢友（Donkey）🫏。

驢友原本係一位婆婆👵嘅寵物，因為婆婆見驢友識得講野，好罕有，所以就將佢賣左俾科格親王嘅騎士💂🏻‍♀️，賺一筆錢。好彩驢友最後走得甩，去到史力加生活嘅沼澤。之後，驢友仲同史力加一齊去城堡拯救費安娜公主💪🏻。

雖然史力加同驢友一齊去救公主，但其實史力加一開始係拒絕架🙅‍♂️。因為驢友實在係太多野講同好嘈😂，路程途中不斷咁同史力加傾計💬。如果用十六型人格分析，史力加一定係I人，而驢友就係名乎其實嘅E人🤣。雖然史力加厭驢友煩，而且中間更發生過爭執，但到最後關頭，驢友都幫史力加解決問題，向費安娜公主表白❤️。

朋友之間有爭執係好平常嘅事，但只要同對方坦誠溝通，化解當中嘅誤會🤝🏻，咁就可以冰釋前嫌，做番好朋友架啦😉！希望各位都可以同朋仔仔一齊行人生路啦！

#史力加 #驢友

【 #睿苗中文】小朋友開始陸陸續續咁考完試啦，準備好投奔暑假未呢🥳？。雖然就黎放假，但都要好好裝備自己，為下一個學年做好準備💪🏻。今個星期仍然會繼續同大家解釋竹部同艸部嘅字，等大家了解呢兩個部首同字，而今次就要解釋「籮」同「蘿」。

「籮」從竹部，讀lo4，本義是以竹或柳條編成嘅盛物器🎋。呢一種用竹編嘅盛器都係邊底圓口，例如：籮筐。喺古時，「籮」亦可以用作量詞，例如《宋史．食貨志下》入面：「兩路鹽且以十萬籮為額⋯⋯」，就以「籮」用作鹽嘅數量😎。香港人亦都會用「籮」喺啲俗語上面，例如：籮底橙🍊，表示無人想要🥲。

至於「蘿」，從艸部，亦都讀lo4，係一種草名🌱。「蘿」泛指爬蔓植物，例如：女蘿（地衣類植物）、蘿藤（即：紫藤）、松蘿⋯⋯等等。至於，我地平時食嘅蘿蔔🥕都係用「蘿」字。圖中嘅答案係「籮」，「牽蘿補屋」嘅意思就係牽拉蘿藤黎補房屋嘅漏洞，用黎比喻人處境拮据困難😔。

大家記得喺放假期間好好裝備自己，學識更多中文字💪🏻，咁就可以喺作文個陣，就可以避免用錯字啦😎。

#中文字 #中文 #正字

【 #父親節2024】今日係父親節👨🏻👨🏻‍🦰👴🏻，唔知各位小朋友有冇送禮物俾爸爸又或者去邊到慶祝呢🤔？雖然爸爸每日工作，要好夜先返到屋企，但小朋友都要好好慰勞爸爸，感謝佢咁辛苦咁工作💼。

其實，喺唔同國家都有佢地特別慶祝父親節嘅方法🧐。就好似日本🇯🇵，佢地會送黃色嘅玫瑰🌹俾爸爸。相傳喺1981年嘅日本政府曾經舉辦過慶祝節活動，當時活動就係以配戴黃色領結來代表對於家族嘅愛同尊敬，所以黃色💛就成為父親節嘅代表色。

小朋友記著要熱烈地親親Daddy，抱抱Daddy呀🤗。希望各位爸爸同小朋友都有一個難忘嘅父親節啦🥳！

#父親節快樂 #要熱烈地親親嗲哋

【 #鬆一口氣課室】剛剛過去左嘅星期一係端午節，大家有無好好休息下🥳，定係要留喺屋企繼續溫書呢😔？！記得遇到困難要尋求幫助，覺得辛苦就要休息一下😎。大家記得逢星期五都要玩我地🌟鬆一口氣課室🌟嘅IQ題。

今次嘅問題都係同大家嘅日常生活有關，問題就係「有一樣野，你可以用左手🫲去捉住或者拎住佢，但永遠就唔可以用右手🫱黎捉住或拎住佢🤔。咁呢一樣野係咩黎呢？」只要大家從正常角度去諗就得架啦。

如果你地知道答案嘅，歡迎大家inbox我地架🤗！又或者你地想同我地分享你喺假期期間嘅趣事，都可以inbox我地。

#猜謎 #猜一猜 #猜謎語 #謎語 #謎語101 #輕鬆一下 #亨亨鬆鬆 #謎語時間 #腦筋急轉彎

【 #卡通教室】上星期同大家介紹左《史力加》💚嘅劇情同主角之一——史力加之後，大家都應該對呢套動畫有認識。今個星期就同大家介紹俾人囚禁左，要史力加拯救嘅公主——費安娜公主 Princess Fiona 👑。

費安娜公主同一般耳熟能詳嘅童話故事公主👸都有差唔多嘅遭遇，例如：俾咒語詛咒啦🤬，然後俾親生父母鎖在喺高塔上面😔。因為個詛咒係「白天貌美如花，但夜晚就變母夜叉👹」，所以費安娜公主嘅父母就將佢錯住，唔俾其他人知道。唯一解咒嘅方法，就係等待一位勇敢嘅魅力王子🤴黎救佢並俾佢一個吻💋。

喺史力加營救左費安娜公主之後，護送公主返去嘅途中，雙方都產生情愫，鍾意左對方🥰。可惜，史力加誤以為費安娜公主嫌棄佢嘅怪樣，而費安娜公主亦擔心史力加知道自己夜晚會變成怪物而會拒絕往來😢，所以佢地都無同對方表白。不過，到故事最後，史力加同費安娜公主都喺埋一齊，而費安娜公主嘅詛咒亦因為史力加嘅一吻而解除🔓。

雖然詛咒解除左，但費安娜公主亦都維持左怪獸嘅樣，因為呢個外貌先係佢地真愛嘅樣貌😍。所以，小朋友要用愛去感受呢個世界唔同人，唔好因為外表同自己唔同，而去拒絕對方😉。

#史力加 #費安娜公主

【 #睿苗中文】尋日係端午節🐉，唔知大家食左幾多隻糉呢😂？休息夠就要重新調整一下，等自己可以繼續裝備自己💪。今個星期會繼續同大家解釋竹部同艸部嘅字，而今次就要解釋「笛」同「苗」。

「笛」從竹部，讀dek6，本義為管樂器——笛子。因為喺古時，笛都係用竹造🎋，所以「笛」就從竹部，甚至「笛」可以用黎表示用黎製作笛子嘅特定竹子——「笛竹」🎋。不過時至今日，「笛」亦都可以形容響聲尖銳嘅發音器，例如：汽笛、警笛🚨。

至於「苗」，從艸部，讀miu4，本義係禾苗，似禾苗生長喺田上嘅形狀。除左係指初生嘅禾苗，「苗」亦都可以形容初生、幼小嘅動物或形狀似苗嘅東西，例如：魚苗🐟、火苗🔥。「苗」亦可以用黎表示事物初露出來嘅跡象，如：苗頭（解：事情嘅開端或起因）、根苗（解：植物嘅根和最初破土長出嘅部分🌱）。

由此可見，中文字除左可以根據部首而知道物件嘅特質外，仲可以透過字嘅形狀而知道字背後嘅事物形狀🤓。希望大家都可以留意呢啲有趣嘅地方啦👀！

#中文字 #中文 #正字

【 #節日教室】今日係農曆五月初五——「端午節」🥳。中國傳統習俗上都會喺呢日划龍舟🐉、游龍舟水🏊🏻‍♀️同食各種唔同類型嘅糭😋。唔知大家會唔會去城門河到睇龍舟比賽，又或者去赤柱游水🏊呢？

端午節嘅由來都眾說紛紜，最多人知道嘅就係為左紀念古代愛國詩人屈源😢。因為屈源喺五月初五投江殉國，但喺江入面搵唔到佢嘅屍體，所以百姓就向江投入米糰（即係宜家嘅糉），避免魚蝦食屈源嘅屍體。

不過，原來仲有一個講法係話五月初五係「惡月惡日」😈。古人認為喺呢一日會特別容易生病，屬於不吉利嘅日子😱。所以，佢地就會喺端午節進行一啲習俗同儀式，驅除瘟疫同惡運👿。

無論係咩說法都好，大家都要好好珍惜呢一日假期😎，好好同屋企人享受快樂時光。祝大家端午節快樂🎉！

#端午節 #端午節2024

【 #鬆一口氣課室】又到6月啦，小朋友返埋呢個月就開始放暑假啦🥳！大家係咪好期待🥰，好興奮呢？不過，仲要考試嘅小朋友記得要俾心機考埋佢，如果攰就休息一下，玩下小編哥哥出嘅IQ題。

今個月嘅題目同日常生活有關，大家可以由呢個角度去解答問題🤗。今次嘅問題就係「有一種動物，你打死左佢嘅話，流出黎嘅唔係動物嘅血，反而係自己嘅血🩸。呢一隻係咩動物黎呢🫣？」

如果你地知道答案嘅，歡迎大家inbox我地架🤗！又或者你地有問題想考下我地，都歡迎隨時挑機。

#猜謎 #猜一猜 #猜謎語 #謎語 #謎語101 #輕鬆一下 #亨亨鬆鬆 #謎語時間 #腦筋急轉彎

【 ‼️第3️⃣彈‼️】唔知各位家長會唔會襯暑假帶小朋友返「鄉下」——日本🇯🇵呢？如果想，不妨可以考慮報讀中心嘅🩷日本語課程🩷，小朋友既可以裝備自己，又可以去到日本學以致用💪🏻。

🌟課程簡介🌟
✨適合3歲或以上小朋友
✨以遊戲及活動形式上課
✨使用獨有的彩色及有趣的學習教材
✨學習基本50音、日常用語、文法及基本禮儀
✨著重學以致用，針對讀、寫、聽、說及可於日常生活中應用課堂上學到的知識

🅰️3至6歲小朋友
費用：$1090 (4堂)
時長：45分鐘
🅱️7歲小朋友或以上
費用：$1290 (4堂)
時長：1小時

✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤
如果大家有興趣報名或知道更多詳情，可以inbox我地又或者從以下途徑報名或查詢：
📞電話 ➤ (+852)26346101
📲Whatsapp ➤ https://bit.ly/3qfCOiQ
📷Instagram ➤ https://instagram.com/jei.smarttree
🌐Website ➤ https://smarttree.com.hk

#暑假活動 #暑假活動2024

【 ‼️第2️⃣彈‼️】小朋友經過一學期嘅辛勤同努力後💪🏻，喺暑假期間要好好為自己身心充下電🔋，以最佳狀態迎接新學年。

藝術創作能夠激發小朋友嘅想像力，亦係一種練習靜觀(Mindfulness)活動。透過感受當下嘅創作，能提升集中力同專注度，更可以讓自己認識及紓解自己嘅情緒😊。咁做可以有效幫助建立正向思維及抗壓能力🫰。

藝術創作種類包括：
❤️扭扭棒花
🧡蝶古巴特手提包
💛油棒畫
🩷鉤針編織物
✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤
如果大家有興趣報名或知道更多詳情，可以inbox我地又或者從以下途徑報名或查詢：
📞電話 ➤ (+852)26346101
📲Whatsapp ➤ https://bit.ly/3qfCOiQ
📷Instagram ➤ https://instagram.com/jei.smarttree
🌐Website ➤ https://smarttree.com.hk
#暑假活動 #暑假活動2024

【 ‼️第1️⃣彈‼️】又到暑假啦☀️！小編哥哥準備左唔同活動同優惠俾大家，等小朋友可以喺暑假入面好好裝備自己，好好迎接新學年🫰🏻。

第一樣要同大家介紹項目就係❤️暑期學生推薦計劃❤️。喺暑假期間，舊生凡介紹一位新生報讀我地嘅課程，兩位學生均可分別獲得$300獎賞🪙。兩位學生都可以用呢個獎賞作下個月嘅學費減免*。介紹人數越多，扣減嘅學費就越多🤩。

仲唔快啲同朋友一齊黎報名🧑‍🤝‍🧑，咁大家下個月就可以用到個獎賞啦😉！大家又可以提升自己，又可以同朋友一齊上堂，一舉兩得😉。

（*註：學費減免只適用於恆常課程，）

✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤✤

如果大家有興趣報名或知道更多詳情，可以inbox我地又或者從以下途徑報名或查詢：
📞電話 ➤ (+852)26346101
📲Whatsapp ➤ https://bit.ly/3qfCOiQ
📷Instagram ➤ https://instagram.com/jei.smarttree
🌐Website ➤ https://smarttree.com.hk

#暑假活動 #暑假活動2024

【 #卡通教室】一套《九龍城寨》🎬令大家都重拾對港產片嘅熱情❤️‍🔥，不過原來動畫界都有由香港人製作嘅作品🇭🇰。今個星期就同大家介紹下由香港電腦動畫師——許誠毅做副導演嘅作品《史力加》💚。

《史力加》係由美國夢工場動畫公司製作🇺🇸，作品大致改編自知名童畫書作家William Steig嘅同名繪本《史力加！》。《史力加》喺2001年上映，係一部電腦動畫諷刺冒險片😂，因為電影主題係在於「嘲諷所有嘅經典故事，顛覆一般人對故事嘅刻版印象」🫣，而且喺動畫入面仲會刻意模仿或諷刺其他經由童話改編嘅作品，尤其係迪士尼動畫電影😆。

動畫主角史力加 Shrek原本住喺沼澤到，但因為科格親王放逐城入面嘅童話角色去沼澤，搞亂晒原本生活平靜嘅史力加🫨。所以，史力加就同驢友去幫科格親王去營救助費安娜公主，從而奪回自己寧靜嘅沼澤🧐。不過，原來設計史力加嘅靈感係來自於已故摔跤手——Maurice Tillet，佢生前罹患肢端肥大症，令到佢外貌比其他人怪😔。

雖然史力加外表兇惡，但其實佢內心好善良，只係有時口硬心軟😇，唔識得點樣表達自己。小朋友記得唔好再以貌取人，單靠對方嘅外貌就厭棄人😞，要用心去體會一個人係點。😉

#史力加

【 #睿苗中文】新一個月，小編哥哥又同大家搞搞新意思🤩，諗左一個新系列同大家解釋中文字。今個月就要同大家解釋竹部同艸部嘅字，雖然兩個部首都同植物有關，但究竟意思會唔會有所不同呢🤔？今次就同大家解釋「笨」同「苯」嘅分別先！

「笨」從竹部，讀ban6，常表示愚魯、唔聰明😥。《說文》認為「笨」義為竹入面嘅內層白色薄皮，通稱「竹黃」，所以「笨」就從竹部。喺古時，「笨」亦表示輦車上好似篷蓋形嘅一種車飾🚗。時至今日，「笨」就係表示唔聰明、唔靈巧🤯，例如：愚笨、笨重、拙嘴笨舌(解：形容不善於講話)。

「苯」從艸部，讀bun2(本)。喺古時，「苯」會配搭「䔿」變成一個連綿詞。「苯䔿」係表示草木叢生嘅樣貌🌳，例如：唐代韓愈嘅《嘲鼾睡》中有一句「幽幽寸喉中，草木森苯尊。」，表示草本叢生。不過，去到現今世代，「苯」就係用喺化學名詞🧪，表示碳氫化合物，係一種無色液體，有芳香味，可以用黎做溶劑或香料👨🏻‍🔬。

雖然兩個字喺古時嘅意思同宜家嘅有好大出入，但從古時嘅本義，我地都可以知道點解呢啲字係從個一個部首😎。希望大家都可以發掘到中文字嘅樂趣啦🤗！

#中文字 #中文 #正字

【 #鬆一口氣課室】近排睇新聞都見到有小朋友因為學業問題而做傻事😔，希望家長們可以開解佢地，唔好俾咁大壓力自己同埋要用適當方法去舒緩壓力。其中一個方法就係玩🌟鬆一口氣課室🌟嘅IQ題啦！

今次嘅題目係最後一條要估一個香港地方名，題目就係「帶另一半👫出席活動叫做『攜眷』，咁如果帶哥哥出席活動，咁樣叫做咩呢？🤔」。條問題咁簡單，應該都唔洗點俾提示大家😂。

希望咁多位小朋友唔好再因為學業壓力而做出傷害自己同父母嘅事🥲，有唔開心記得要同身邊嘅人講。如果你地想同小編哥哥傾或知道答案嘅，歡迎大家inbox我地架🤗！

#猜謎 #猜一猜 #猜謎語 #謎語 #謎語101 #輕鬆一下 #亨亨鬆鬆 #謎語時間 #腦筋急轉彎