辣殺 - 手工麻辣醬

💚
在心中～有緣再見🔥

買唔到嘅朋友 30士多幫到你！

告別辣殺，珍惜香港製造

辣殺，本土手工製麻辣醬，是叁拾士多最早期合作夥伴之一。
一路以來互相扶持，夠抽+渣Ga一對好拍檔，陪伴了我差不多六年光景。當得知辣殺要停產後，百感交集，「香港製造」四個字，永遠都是講就易做就難，繼續在這路上折騰的朋友們，共勉之。😭

辣殺最後的「渣Ga」「Ga油」「麻辣醬」，本星期在叁拾士多門市陸續上架，限量發售。先到先得，不設預留，每位客人限買兩樽。

辣殺，未來見🫶🏻

網站：https://30store.hk

門市一個月購物滿$800，即可免費成會員
【叁拾士多】
地址：九龍觀塘成業街19-21號成業工業大廈3樓22室
營業時間：1130-1930
【叁拾士多 RD2】
地址: 九龍荔枝角D2 Place一期四樓402舖
營業時間：1030-2000
【叁拾士多 V】
地址: 香港灣仔道97號聯泰大廈地下
營業時間：1030-2000
【叁拾士多 N】
地址: 新界元朗壽富街順福糧倉G18舖
營業時間：1030-2000
Whatsapp / Signal查詢：55400843

相聚有時，離別有時。

好感謝大家喺「有時」同我哋相遇，亦都好感激大家一直以嚟對辣殺嘅支持同鼓勵。每一句”好食”、每一句”加油”，都會永遠留喺我哋心入面。好多謝大家話我哋知，麻辣醬都可以係主角，辣殺曾經都係大家嘅主角！

雖然不捨，但呢一日終究要嚟，辣殺要光榮結業，同大家講再見喇。呢四年半，我哋玩得好開心，有機會再玩過！

我哋嘅正式結業日期係2023年11月30號
⚠️網頁截單日係11月17日
⚠️送貨日係11月20日嗰個星期
想最後一次幫襯我哋嘅朋友可以去網頁買☝🏻
www.killthats.hk

想即買即享受嘅朋友，可以去以下門市買👇🏻
❗️不過記得去之前打去問吓有無貨先呀❗️
1. 叁拾士多全線分店 叁拾士多
2. 旺角四口優質食材店 四口優質生活 4Munchies
3. 元朗Go Meat高尚煮意 Go Meat 高尚煮意。優質食材專門店
4. 油麻地無名氏 無名士 momingsi

再一次多謝大家對我哋嘅支持。
願有緣再相聚。

完！

辣殺

🔥最後市集 FINAL CALL🔥

辣殺將我哋嘅最後一次市集，俾咗 嘅 《共紋西》，高質又好玩，希望可以同大家一齊經歷呢個最後一次！
一連兩日，西港城見！

#重貨
*t乜都有

#抵食好撚多
#放雪櫃可以放到一年

——————-
《共紋西》
{樓上紋身市集，地下參觀展覽}
🗓️21-22 OCT 2023
🕛12:00-20:00
📍上環德輔道中323號西港城2樓大舞臺

🔥辣殺嘅最後一次市集‼️

真係好想多謝大家同我哋一齊經歷唔同嘅市集～有第一次全場得我哋叫賣嘅市集，有一星期癲咗咁出嘅三個市集，有一連五日嗌到聲都沙嘅年宵，仲有第一次進駐會展嘅冬日美食節🥹

真係好多謝大家🙆🏿經歷咗咁多，唔爭在……同我哋一齊經歷埋☝🏻最後嘅呢個市集啦！真心！我哋唔會再出市集架喇❌今次真係辣殺呢世最後嘅一個市集嚟！ #好似吹大咗少少 #不過真心真係最後 #希望到時見到你

👇🏻以下嘅朋友，强烈建議你過嚟市集搵我哋🔥
▫️想買狠辣嘅
▫️要買現貨嘅
▫️唔想俾運費嘅
▫️想要無穿無爛辣殺紙袋嘅
▫️想即買即啪，邊行市集邊食嘅
▫️掛住我哋～想見我哋嘅👉🏻👈🏻
——————-
《共紋西》
{樓上紋身市集，地下參觀展覽}
🗓️21-22 OCT 2023
🕛12:00-20:00
📍上環德輔道中323號西港城2樓大舞臺

🔥F**K DSE🖕🏿

DSE放榜⁉️又如何🤷🏿
因為無論咩成績都好！
YOU ARE AWESOME ANYWAY😎
#不要讓分數決定你的人生

祝各位同學仔都可以Chill住過聽日🍸

———————————————
#辣殺 #麻辣 #麻辣醬 #辣油 #辣醬 #本土 #香港 #市集 #香港市集

《超能力麻辣沙律》

是咁的，小明喺🌶️辣殺星球🪐食咗一碟用辣殺去整嘅「辣殺麻辣沙律」。但小明唔知原來呢碟並唔係一般嘅麻辣沙律，而係食完會有⚡️超能力嘅麻辣沙律。☝🏿只要小明每食一啖就會有超能力去食多一碟！

如是者，小明食下食下，就食咗百9幾碟。
聽講到呢一刻，小明仲食緊。完！



#琴日打風放假
#所以琴日係第二個星期日
#今日就係星期一

PhotoCredit: 來自馬來西亞嘅客人

———————————————
#辣殺 #麻辣 #麻辣醬 #辣油 #辣醬 #本土 #香港 #市集 #香港市集

🔥
Sor🫡我哋又唔小心潛咗水一個月🤫

事關呢排我哋隻左手同右手都好忙🫣左手忙住拎住樽渣Ga，右手忙住拎隻匙羹係咁𢳂。得閒𢳂吓落啲麵到，得閒又𢳂吓落啲飯到，最近連早餐都唔放過，喺咁𢳂落啲牛油果到🥑食到停唔撚到🤤

無錯！我哋嘅上癮症狀愈嚟愈嚴重。
🫵🏿如果你都有同樣情況，唔好驚！☝🏿無事架！只要繼續拎住樽渣Ga同隻匙羹唔放，食到見底，個樽都吉埋就無事架喇！你睇？我哋都出到Post喇✌🏻 #吉咗兩樽 #係時候又要再入貨

#召喚上癮人士
#分享一下你嘅上癮經歷
#等大家都知道

唔講咁多🔥
西灣河太安樓第三街61 A&B 見！

💥 又係新攪作 x 聯乘限定漢堡 🫶🏻


渣GA獨有既麻辣香味，仲有自家製豉椒味蛋黃醬，配合埋即炸軟殼蟹👅呢個組合直接衝擊味蕾，食吾停架🤤

Cafe Whale 太安樓
西灣河太安樓第三街61 A&B

《辣殺避風塘軟殼蟹漢堡》

辣殺 X Cafe Whale HK🔥漢堡界首次聯乘 🔥

「一係唔做，要做就做大佢！」呢個係辣殺一直以嚟嘅態度！所以今次嘅聯乘一係唔玩，一玩就要玩大佢！我哋原隻上！

俾個微劇透食評大家先☝🏻
首先！熱辣辣嘅炸軟殼蟹上面鋪咗層渣ga，令渣Ga獨有嘅麻辣味香到宇宙都聞到😌咬落去嗰下，軟殼蟹嘅肉汁爆到成口都係，再夾埋渣GA溝避風塘風味嘅蛋黃醬，嘩！嘩！嘩！真係！嘩！係點？我哋就唔劇透喇，想知真係要去試吓！ #只可以講 #食到唔唔聲 #一啖接一啖 #食到停唔撚到

我哋唔敢講此包只應天上有，但絕對係落足心機，俾足誠意！相信鍾意食辣殺、鍾意食漢堡嘅你，必定會喜歡！ #聽講係限定嘅 #幾時停我唔知 #淨係知要食就要快喇

Cafe Whale
地址：西灣河太安樓第三街A61 A&B號舖
營業時間：12:00 - 20:30

🔥破天荒！免運費！🔥

話說之前成日俾人話咁耐無蒲過頭！ #差啲要掉西瓜 我哋就決定順應民意！喺燒賣節仆出嚟突發客串咗個幾鐘 #雖然中間突發走開咗一陣 不過同唔少嚟搵我哋嘅朋友傾開先知，原來好多都係專登過嚟入貨🫶🏿真心好多謝大家！ #好感動 #真心

不過問多兩問先發現原來有唔少人係一早食晒，等出市集等到頸都長先終於買到🥲 #明明網頁有得賣架嘛 點知佢哋話因為唔想俾運費，所以寧願每餐一粒粒咁食都要等到出市集先買喎🫠

搞到我哋都不禁問自己 #乜運費真係舊咁大嘅阻礙咩 好！有見及此！我哋決定再次順應民意！

‼️4年以嚟第一次！破天荒！
⚠️買滿$300！免！運！費！

💬www.killthats.hk

由1/6至16/6，只要喺我哋網站買滿$300即刻免運費！ #自取點 #送貨上門 #都照免 我哋唔要再聽到有人因為運費而要慳到咁，仲要等到條頸長到咁先有得食！買滿$300嘅自動唔洗俾運費就OK架喇！

#真係破天荒
#從來未試過
#辣殺史上首次
#唔知有無蝕
#但為咗民意
#唔撚理喇
———————————————
#辣殺 #麻辣 #麻辣醬 #辣油 #辣醬 #本土

《民意調查時間📝應唔應該con機繼續？》

一連十日嘅燒賣節已經完滿結束，喺呢到真係好想多謝香港燒賣關注組俾呢個機會我哋一齊玩，再要多謝咁多位親臨嘅新朋友同熟朋友🫶🏿另外要大大大大力多謝今次幫我哋睇檔嘅Helper🔥辛苦晒，好多謝你咁落力幫我哋，真心感激🙏🏻 #雖然唔知你會唔會睇到

今次係我哋第一次放個仔 #即係辣殺 出去，無家長陪同底下，等佢自己出去闖闖！ #今次呢個玩法我哋個心仔真係卜卜跳㗎

唔知呢個方法出市集，大家覺得點呢？有無咩係我哋可以再做好啲嘅呢？如果之後我哋都搵Helper出市集，你哋又會想我哋去邊到呢？ #留言話我知 #真心考慮定期出市集

《糧尾就要食屎？》

乜你咁渣㗎，月尾先嚟糧尾！我月中就糧尾喇！仲有成半個月先出糧，我計過應該淨係夠錢每餐食係一碗白飯，最多係加碟菜，但我唔驚！

因為我有渣GA，唔只塞到DLLM咁爆夠食好多餐，仲夠晒乾可以當飯素撈飯，辣得過癮又唔油！唯一美中不足就係食一碗飯唔夠喉，但我又唔夠錢食多碗🥲

自從有咗渣GA我月頭就糧未都唔撚驚呀😌

#齋啪係正
#不過對糧尾撚嚟講好奢侈

#每次最奢侈就係可以大大羹咁落
#一樽可以頂到兩個糧尾

———————————————
#辣殺 #麻辣 #麻辣醬 #辣油 #辣醬 #本土 #香港 #市集 #香港市集

將軍澳嘅朋友🫶🏿辣殺要來了🔥

我哋殺入將軍澳喇！大家準備好未？

今次選擇同 貳記 ft.Chill Mart 合作嘅其中一個原因☝🏿就係鍾意佢哋夠揀飲擇食！唔係呢樣唔食，嗰樣唔食呀，而係佢哋專揀靚嘢先擺入口！話晒日日返工都返到隻狗咁，緊係要食返啲正嘢對自己好啲啦👊🏿

呢份執着加埋呢個態度，我哋鍾意！

將軍澳嘅朋友唔好諗喇，快啲去掃返幾樽看下門口啦！

🏢：貳記
📍：將軍澳新都城三期1樓140鋪(大新銀行旁邊)
☎️：52360523
🔥：渣GA / 麻辣 / GA油都有現貨

《辣殺終於蒲頭☝🏿出市集喇喂❤️‍🔥》

「既然未死，就要努力做落去👊🏿」
我哋講得出就做得到🔥

已經停咗好一段時間無出市集，係時候要蒲吓頭上返水喇！今次好多謝燒關 香港燒賣關注組 嘅邀請 #真係燒關好嘢 #支持燒關 我哋有幸可以參加「香港首個燒賣節」🫶🏿 #係辣殺2023年首個市集 #有燒賣又點可以無辣油

今次嘅市集我哋ALL IN呀，將會出晒所有我哋有嘅貨！無睇錯！連狠辣同OH SH*T都有得賣！渣Ga加底都有貨喇！想買現貨嘅朋友真係把握機會，真係千載難逢呀🫣 #嚟緊都唔知幾時會再出市集 #入貨係呢次喇 #盡情掃 #去唔到唔緊要 #網頁見
-
《尋找燒賣的故事 - 燒賣節》
📅12/5/2023 - 21/5/2023
⏰: 10:30 - 21:30
🏢: YOHO MALL 形點
————————————————

#今次雖然人唔到
#但貨齊全

#可能啲產品你哋仲熟過佢
#不過唔緊要最緊要有現貨
#努力堅持唔係得個講字

#我哋都想有個辣殺節呀呀呀呀呀

辣殺已死？

2023年5月係辣殺成立嘅第四年。
嗯，無錯，原來不知不覺已經四歲喇。

四年前嘅辣殺，一鼓衝勁，乜都夠膽講，乜都夠膽做。仲要突登做啲人地唔做嘅嘢。係邊個話賣辣嘢個包裝一定要有辣椒？係邊個話死神唔可以受歡迎？係邊個話麻辣醬唔可以係主角！我哋係辣殺，我哋話過可以就一定可以！我哋相信可以就一定可以！以前嘅辣殺，真係屌濕撚晒唔撚驚。

但係，經歷過19年嘅團結，20年嘅憤怒，21年嘅無奈，22年嘅唏噓，到今年23年嘅荒謬。我哋發現呢個香港唔只係環境變咗，市場變咗，人變咗，原來連辣殺自己都變咗。呢幾年所經歷嘅事就好似一舊擦膠咁，慢慢將辣殺當初嘅一鼓衝勁，當初嘅敢作敢言擦得一乾二淨，淨低嘅就只有曾經好大力寫，而留低喺紙上嘅鉛筆痕。呢段時間，我哋無報市集，就連IG都無出Post。我哋唔係偷懶。我哋係迷失。我哋搵唔返辣殺，搵唔返自己，搵唔返鼓衝勁。我哋行嘅每一步都被荒謬嘅環境、荒謬嘅限制、甚至係荒謬嘅恐懼控制住。

而家嘅辣殺，究竟喺到做緊咩？
咁樣嘅辣殺仲係唔係辣殺？
辣殺，究竟係咪已經死咗？
我哋唔想係，我哋真係唔想係！
我哋唔甘心，我哋唔憤氣！
我哋仲未想死，我哋仲未想放棄！

縱使現實係咁殘酷，我哋都一直相信…
辣殺唔只係一個本土品牌！
辣殺唔只係一間賣麻辣醬嘅小店！
更加唔只係一盤淨係為搵錢嘅生意！
「辣殺」係一種態度！
係一種不妥協、不屈服、不畏懼嘅態度！

可能我哋而家只係一堆鉛筆痕。
但我哋人仲喺到，信念喺度，態度喺到
而最重要，同行嘅你哋都仲喺到，
咁就足夠喇，對嗎？

👋🏻YO! WHATS UP! 我哋終於上水喇🔥

我哋未死未死！唔洗掉西瓜😂
前排搞完狠辣，本身想偷個小懶抖一抖(真係諗住抖一陣架啫) 點知🤦🏿一抖就唔想郁，一唔郁就唔見咗個幾月喇！係我哋衰仔，潛咗水咁耐，搞到成海都係西瓜🍉

加陣我哋上水喇！抖足精神喇！
嚟個大優惠同大家賠個罪先🙏🏿

由即日起，喺網頁買滿$300即送一支GA油，滿$600送兩支 #如此類推啦 優惠去到3月31日咋🤤掛住我哋就嚟入貨喇喂～

#應承大家唔再潛咁耐水
#等大家慳返啲西瓜
#老老竇竇喇 #有幾掛住我哋先
#氹吓我哋都好丫
#網頁見

www.killthats.hk

《好消息! 第二批「加辣版」嚟喇喂～》

你哋嘅訴求，我哋全部都收到晒，亦都全部都同師傅講咗！ #真係一字不漏 #歌都唱埋 #爭在未跳舞 經過一輪嘅跪求，終於有好消息喇！師傅終於都肯加推第二批「加辣版」喇！ #真係辛苦晒

嗱！未買嘅，買唔到嘅，買咗再想買嘅！機會嚟喇！今次真係要mark實個時間喇！唔好話我唔提你哋呀！ #好難再要求加推第三批架喇 #師傅會殺咗我

第二批加推開賣：
日期：9/2/2023 星期四
時間：10:00am
#最快星期一安排送貨

www.killthats.hk

多謝大家一直嘅支持！
我哋一定會繼續努力，出好嘅醬俾大家！
請繼續支持我哋🔥

《叫唔叫師傅OT好？》

嘩！大家都痴撚咗線！ #到底餓咗幾耐
開賣未夠一個鐘「狠辣」&「OH SH*T」已經賣晒？

一賣完唔夠十分鐘，已經收到海量嘅DM話買唔到🥺係我哋低估咗大家！ #跪地求饒 #唔好屌唔好屌

為咗滿足咁多位餓鬼！嗱！如果真係係想買嘅，喺到留個言💬話我知，等我哋預返個量，試吓跪地求吓師傅可唔可以OT炒多轉俾大家🙈

#師傅話炒咗無人買會殺咗我 #真係想買嘅你哋識做啦

《🔥WE ARE FU***NG BACK!!!》

正式宣布🔥狠辣！OH SH*T！重出江湖！🔥

都知大家等咗我哋好耐架喇，唔好話我唔提你哋喇，嗱嗱林教定鬧鐘又好，搵呀媽提你又好，貼張紙喺額頭都好！記實個日子同時間，「加辣版」正式開賣！

📅: 03/02/2023 Friday
🕙: 10:00a.m.

#網頁限定

www.killthats.hk

認真嘅！數量真係好有限，一樽可以擺到9個月，放雪櫃就可以再耐啲。買定幾多樽鎮宅呢，你哋自己決定喇！

#唔好再話早知買多幾樽喇
#遲咗一個月先出係我哋唔啱
#不過遲到好過無到嘛
#過往經驗話我知就真係要搶嘅

《不再存在》

「顛」嘅時代正式結束，但 #瘋癲 嘅時代仍在。 #多可笑
顛。不存在
CBD。不存在

仲有好多 #理應 存在嘅嘢，不再存在。

但
信念。仍在
堅持。仍在
辣殺。仍在
香港人。仍在
#足夠嗎
你們還有什麼仍存在？
-
2023年1月31日起辣殺所有CBD產品正式停售
擁有CBD產品嘅客人記得 #合法 棄置

#永別

GOOD SHOW!!!
必支持🔥

🧧
新年快樂
祝願各位平安健康
繼續堅持該堅持的💛

辣殺收爐喇🔥初五啟市！
#網頁如常運作
#最快送貨日係1月30日

#咁可愛嘅辣殺我都唔係好慣
#新年流流就可愛下啦
#兔年繼續多多指教 #繼續食辣

「成就解鎖🔓十級興奮‼️」

嘩屌！嘩屌！嘩屌！
辣殺成就解鎖！
第一次接受邀請贊助舞台劇！
忍唔住嗌出聲！爽呀你老母！
呀媽我得咗啦！

「屈我啦屈我啦！我OK架！」

估唔到講呢句嘅麥沛東都喜歡食辣殺 ，仲有幾位舞台劇成員都一致話鍾意食 ～就知道辣殺真係好嘢嚟啦！多謝各位開金口，辣殺今年有運行啦❤️❤️

等我哋喺到宣傳返由麥沛東主辦同主演、四蟲製作嘅舞台劇《各位起筷》先，內容講述四位主角玩完PUBG之後打邊爐嘅故事，將會喺2023年2月喺香港藝術中心麥高利小劇場演出。 #不過啲飛好似已經賣晒

仲有仲有！麥沛東最近憑電影《正義迴廊》奪得第46屆香港國際電影節新秀電影競賽華語部分最佳男演員。恭喜晒！你實至名歸！

香港人撐香港出品‼️
我無問題架‼️你哋撐咗未？

《究竟辣殺式食蘿蔔糕係咩玩法？》

眾所9知，新年就一定食蘿蔔糕，而蘿蔔糕最正宗同最原始嘅食法就係乜柒都唔落，一尻啪撚晒呀媽整嘅成底蘿蔔糕，食到初十都仲未食晒。

但自從辣殺嘅出現，陸陸續續有其他唔同嘅食法。一般嘅食法不外乎撈豉油、沙律醬。但我同你講，呢啲都只係BB班級數 #要好好檢討吓

而升咗上中二班級數嘅會用辣殺嚟撈糖、撈芝麻醬、撈腐乳、撈蠔油，食完仲會講句 #吓 #好出奇呀 #唔咁食不如唔好食 然後不知不覺地用一日時間食晒成底蘿蔔糕！

咁極端啲嘅成人班會配咩嚟食？係乜都唔配！佢哋玩開齋啪嘅！佢哋會先大大啖啪一羹入口，當成個口都充滿辣殺嘅麻辣油之後，再快速啪舊蘿蔔糕，就好似食完壽司食酸薑咁，舊蘿蔔糕只係用嚟清走個口嘅味，方便再啪下一啖辣殺！ #識食一定係咁食 然後不知不覺地用一日時間清咗成樽辣殺！

今個新年，大家都試吓自已係咩級數

#又有幾多人係成人班
#唔知會唔會有人係傳說班級數
#聽講傳說班級數係食晒成樽辣殺
#個蘿蔔糕都未郁過

👋🏿
倒數15日…

#明就明 #網頁尚餘20 #永別

《🙇🏿》

呢幾日都不斷收到好多客人問我哋今年擺邊到年宵，會唔會出市集。我哋知你哋掛住我哋架喇～不過擺咗三年市集，呢幾年都攰喇。今年就由我哋任性一下，休息返一年啦🫣

雖然無出市集，但我哋都有積極備貨架。想買嘅朋友，網頁幫到你🔥不過最快送貨日期係30/1/2023，大家要留意喇🤍

www.killthats.hk

《喂！你食我嘅！著我嘅！乜你咁撚….》

乜你咁撚咩？緊係咁撚好啦🫣邊有人好似你哋咁好架啫～

我哋有日真係見到有個熟客著住我哋件衛衣過嚟幫襯我哋，個樣仲要流晒口水鼻涕，把聲震晒咁同我哋講「喂！仆…仆..仆街喇，我無晒喇，快..快…快啲！快啲賣俾我！快啲呀！我…我…我要補倉呀！」唔講以為我哋唔知賣緊啲咩😂 好彩你只不過係凍得濟啫，口震震啫，不過癮就真係上咗喇🫣 #我明我真係明 #有無人都明 #仲未明代表你食得未夠多 #提提你 #你又係時候補倉啦喂

實係要好多謝你將我哋變成每餐嘅主角，令我哋嘅目標 #改變大家食辣嘅習慣 一步一步實現！多謝你！

講真！我哋最撚鍾意你哋日日都著住辣殺，食辣殺架喇！最好就影埋相俾我J下啦😂 #其實仲有得帶辣殺架 #我哋有出過一頂完全無宣傳過嘅漁夫帽 #其實有無人知 #唔知就去我哋網頁𥄫𥄫啦

網頁：www.killthats.hk

——
#踏入2023代表辣殺準備四歲了
#唔知有幾多人聽過我哋呢
#唔知有幾多人食過我哋呢
#唔知有幾多人上咗癮呢
#唔知我哋嘅目標達成咗幾多呢
#唔知你哋會唔會以行動話俾我哋知呢

🔥多謝支持🙇🏿

每一次出市集都有好大感受，今次嘅市集我哋都玩得好開心。

真係要好多謝好多特登過嚟搵我哋嘅客人，有唔少都係衝住Christmas Set而嚟。 #所以喺第三日已經賣淨最後一套 #係我哋低估你哋嘅反應 #整得咁少係我哋嘅錯 同時亦都好多謝咁多位新朋友願意企定定聽我哋講解，好多謝你哋願意去試我哋嘅麻辣醬！ #食過想再買嘅你 #記得去網頁落單呀

仲有仲有，好多好多客人都話等狠辣等到頸都長🔥 #我哋收到晒 應該一月中至尾會返貨架喇！想買嘅客人真心記住㩒個鐘仔，開定Notification 捕住我哋嘅開賣公佈啦，因為最近IG Reach Rate異常咁低，平時睇開我哋嘅朋友都話見唔到我哋出Post😢 #慘

Anyway, 再一次多謝大家支持🔥
我哋一定會繼續努力，做好醬俾大家！

Yo, Merry Fu***ng Christmas 🔥

「🔥聖誕市集🔥」

辣殺年尾最後一次出市集呀喂‼️
今次又係我哋嘅老地方 — 南豐紗廠同大家見面！你哋可以帶埋屋企人⋯男女朋友⋯帶埋寵物出巡都得架❤️出嚟行個圈買返份禮送人就至啱啦喂！

成日問幾時出市集個班人～
出黎探下辣殺～🥰🥰🥰
我哋啲聖誕優惠等緊你哋喔，最近又聽到啲客人有朋友準備去外國，等唔切嘅，到時過嚟即買即走，為佢地送上香港最好食嘅麻辣啊！😆

如果之前無黎過搵我地嘅，想試下乜叫真正嘅麻辣，到時見！
————————————————
🙋🏻‍♂️: 聖誕市集🙋🏻‍♀️
🗓: 24 - 27DEC2022
⏰: 13:00 - 19:00
🏢: 南豐紗廠 3樓空間
🥅 : B7
————————————————
#荃灣想自取嘅朋友注意啦
#今年最後一擊
#抽獎送禮見家長見朋友掂撚哂
#想即場聽我地講解同買嘢嘅要支持下啦
———————————————
#辣殺 #麻辣 #麻辣醬 #辣油 #辣醬 #本土 #好味 #香港 #市集 #香港市集 #香港人撐香港店